Editorial, Manipur Express
Manipur adia siamsinna inn(Educational Institution) sangpen leh adangte control-tu chi zezen lehang Imphal, Canchipur a om Manipur University in tu’n department 7 introduced thak sawm uh chihthu bang ahihkei leh University Grant Commission (UGC) panpihna tawh Hill campus nih bawlkhiak theih hiding chihthu hong ging a, bangteng hileh Manipur University kichi kingaknatham ching taktak ding hiam chih theihchet haksa mahmah hi.
Manipur Education policy tawh kizui in, Manipur University in academic leh development thil ah ngaihdan thak leh UGC ah proposal thak pelut ua, 11th Plan action ading in leng program thak bangzah hiam guang ding un gintak huai hi. Huchi kawmkal ah thu tuh la, la tuh thu kichisek mahleh Manipur University pe’n kingakna tham ching nawnlou ade aw chihtheihna hun tam mahmah a, minsiatna in zui toutou mawk hi. Policy leh program hoihtak khawh in om mahleh asepkhiakna lam bangmah ahih kei leh a phattuamna omlou ahihman in Manipur University pe’n dying University hong suak thei khong ding hileh kilawm khop in patauhhuai hi.
University Grant Commission kichi hoih mahmah in College development program ading in 10th plan ah tamtak guang ua, 11th plan ah leng tamtak guang uhi. Huai lak ah Manipur University in sum crore tamtak hamphatpih hi. Academic lam a khanna ding in sum-le-pai alou theilou ahi. Himahleh, a zatkhiakna lam ah academic masawnna ding in kizang hiam chih leng et ngeingei dia hoih khat ahi hi.
All Tribal Students Union, Manipur(ATSUM) in Manipur University tungtang ah muanlahna nei in March 1 apan Mass exodus kichi bang pan taktak ding in om uhi. Himahleh state Government hahpanna ziak in Chief Minister tel in official tamtak tawh ATSUM makaite’n New Delhi ah Human Resources Development Minister Arjun leh UGC officialte va mu uhi. ATSUM in ahihleh singtangmite adia quota (reservation) leh recruitment reservation omte Manipur University in zanglou chi’n admission procedure leh recruitment tungtang hun paisa akipan in ngentel tak in enkai uhi. ATSUM leng thangpai mahmah in singtangmite ading in MU kichi zatna ding omlou, phaizangmi leh singtangmi kikhenna dia chi(seeds) kipatna maimai ahi chih tanpha in kap ua, dharna leh protest tuamtuam neihkhum uhi.
Huchih lai in University campus sung ah buaina dang thawmging a om mun mahmah hi. Boys hostel apan kum tamlua pai nailou in MCA student khat kaplup in om a, tua nung in leng kithahna leh kivuakna om mun mahmah hi. Phaizang helpawlte MU boys hostel ah kibu chih tanpha om in search operation om ngeita hi. Huai tengteng i ngaihtuahkik nung in, head of department-te leh professor dangdangte chitak zoulou mah uh adiam chih theihna ding kong tamtak om hi. Manipur phaizang helpawl KYKL in Manipur University adia mi poimawh mahmah Dean 2 leh Heads of Department 4 gamtat hoihlouh ziak in mankhia uhi.
KYKL a Operation New Kangleipak pawl in Education Department nuai a nekguk-takgukna tamtak a pholhsuah nung un Government department tuamtuam luh in corruption tungtang naktak in sual uh hi’n theihtheih hi. Tu in leng MU in PhD research scholar ding laksawm ua, huai lak ah mark piakdan ah kideihsak tuamna om in sum le pai neilou gold medalist bangzah hiamte bang nawlkhin in hi a, a mark piakdan leng hei lamdang gawp in om a, State University khat a thiltung ding in zumhuai mahmah hi. KYKL in mi 6 te mankhelou bang hileh hiai paidan(trend) pe’n Univeristy ah kizang toutou ding chihna hi a, sepna gentaklouh admission bawlna ding maimai aleng sum tamtak sen ngai ding bang hial in kilang hi.
State mipite’n University neih sunsun ngaina mahmah in zahtakna pia uh a, nidang a om ngeilou, Computer Science leh Management department honthak ahih ziak in state pua apan mi tamtak in hong naih ua, Manipur in minthanpih hial hi. Himahleh a sung ah dawi gial ngen omkhawm mahbang in, education centre hitalou in corruption centre a suah ding lauhuai hi. Huchi kalah Hill university/campus/centre dinkhiak hi leleng, akal ah bangteng kiguang ding hiam chihtheih ahihlouh man in Manipur University pe’n muanhuai huntawk lai ding hiam chih ngaihsuttham ching hi. State khat in University khat a neiding chihthu om tuanlou a, state dang ah University tampipi om a, huchi ahih vetleh Hill University leng MU nuai a omlou in UGC nuai ah direct in om vilvel maileh bang achi dia chih ngaihsut tham ching hi.
Source: http://zogam.com/index.php?option=com_content&task=view&id=3410&ac=0&Itemid=2
Manipur adia siamsinna inn(Educational Institution) sangpen leh adangte control-tu chi zezen lehang Imphal, Canchipur a om Manipur University in tu’n department 7 introduced thak sawm uh chihthu bang ahihkei leh University Grant Commission (UGC) panpihna tawh Hill campus nih bawlkhiak theih hiding chihthu hong ging a, bangteng hileh Manipur University kichi kingaknatham ching taktak ding hiam chih theihchet haksa mahmah hi.
Manipur Education policy tawh kizui in, Manipur University in academic leh development thil ah ngaihdan thak leh UGC ah proposal thak pelut ua, 11th Plan action ading in leng program thak bangzah hiam guang ding un gintak huai hi. Huchi kawmkal ah thu tuh la, la tuh thu kichisek mahleh Manipur University pe’n kingakna tham ching nawnlou ade aw chihtheihna hun tam mahmah a, minsiatna in zui toutou mawk hi. Policy leh program hoihtak khawh in om mahleh asepkhiakna lam bangmah ahih kei leh a phattuamna omlou ahihman in Manipur University pe’n dying University hong suak thei khong ding hileh kilawm khop in patauhhuai hi.
University Grant Commission kichi hoih mahmah in College development program ading in 10th plan ah tamtak guang ua, 11th plan ah leng tamtak guang uhi. Huai lak ah Manipur University in sum crore tamtak hamphatpih hi. Academic lam a khanna ding in sum-le-pai alou theilou ahi. Himahleh, a zatkhiakna lam ah academic masawnna ding in kizang hiam chih leng et ngeingei dia hoih khat ahi hi.
All Tribal Students Union, Manipur(ATSUM) in Manipur University tungtang ah muanlahna nei in March 1 apan Mass exodus kichi bang pan taktak ding in om uhi. Himahleh state Government hahpanna ziak in Chief Minister tel in official tamtak tawh ATSUM makaite’n New Delhi ah Human Resources Development Minister Arjun leh UGC officialte va mu uhi. ATSUM in ahihleh singtangmite adia quota (reservation) leh recruitment reservation omte Manipur University in zanglou chi’n admission procedure leh recruitment tungtang hun paisa akipan in ngentel tak in enkai uhi. ATSUM leng thangpai mahmah in singtangmite ading in MU kichi zatna ding omlou, phaizangmi leh singtangmi kikhenna dia chi(seeds) kipatna maimai ahi chih tanpha in kap ua, dharna leh protest tuamtuam neihkhum uhi.
Huchih lai in University campus sung ah buaina dang thawmging a om mun mahmah hi. Boys hostel apan kum tamlua pai nailou in MCA student khat kaplup in om a, tua nung in leng kithahna leh kivuakna om mun mahmah hi. Phaizang helpawlte MU boys hostel ah kibu chih tanpha om in search operation om ngeita hi. Huai tengteng i ngaihtuahkik nung in, head of department-te leh professor dangdangte chitak zoulou mah uh adiam chih theihna ding kong tamtak om hi. Manipur phaizang helpawl KYKL in Manipur University adia mi poimawh mahmah Dean 2 leh Heads of Department 4 gamtat hoihlouh ziak in mankhia uhi.
KYKL a Operation New Kangleipak pawl in Education Department nuai a nekguk-takgukna tamtak a pholhsuah nung un Government department tuamtuam luh in corruption tungtang naktak in sual uh hi’n theihtheih hi. Tu in leng MU in PhD research scholar ding laksawm ua, huai lak ah mark piakdan ah kideihsak tuamna om in sum le pai neilou gold medalist bangzah hiamte bang nawlkhin in hi a, a mark piakdan leng hei lamdang gawp in om a, State University khat a thiltung ding in zumhuai mahmah hi. KYKL in mi 6 te mankhelou bang hileh hiai paidan(trend) pe’n Univeristy ah kizang toutou ding chihna hi a, sepna gentaklouh admission bawlna ding maimai aleng sum tamtak sen ngai ding bang hial in kilang hi.
State mipite’n University neih sunsun ngaina mahmah in zahtakna pia uh a, nidang a om ngeilou, Computer Science leh Management department honthak ahih ziak in state pua apan mi tamtak in hong naih ua, Manipur in minthanpih hial hi. Himahleh a sung ah dawi gial ngen omkhawm mahbang in, education centre hitalou in corruption centre a suah ding lauhuai hi. Huchi kalah Hill university/campus/centre dinkhiak hi leleng, akal ah bangteng kiguang ding hiam chihtheih ahihlouh man in Manipur University pe’n muanhuai huntawk lai ding hiam chih ngaihsuttham ching hi. State khat in University khat a neiding chihthu om tuanlou a, state dang ah University tampipi om a, huchi ahih vetleh Hill University leng MU nuai a omlou in UGC nuai ah direct in om vilvel maileh bang achi dia chih ngaihsut tham ching hi.
Source: http://zogam.com/index.php?option=com_content&task=view&id=3410&ac=0&Itemid=2
No comments:
Post a Comment