Lamka, June 9: Tuni in Chawilien Cancer Medicine Research Agency, Saikot luun nawn mahmah in Manipur phaizang mun tuamtuam apan damna lunggulh mi tamtak hongtou nawn uh a, himahleh, damdawi a bei ziakin mipi a sang a sim thawn kik uhi. Damdawi a beilam mi tamtak in thei mah le uh Sugnu road ah gari in adim in om veve a, damdawi ngak tawh, lampi a tai tawh kipel tuah hehu in om uhi.
Tuabangkal ah, Amir (8) s/o Azauddin of Checkon, Imphal apa tawh damdawi la ding in hong hoh ua, damdawi a beiziak in Eden hotel ah giakdek uhi. Apa innsawng a akal laitak in Amir ana pawtkhia in, New Lamka lam zuan in pai a, Lanva lei bul ah mi pilvang khenkhat in ana mantang in YPA Hall New Lamka tut in om a, nitak nung in apa’n va lakik thei hi.
Thudang khat kiza dan in, damdawi deih te tu nitak dak 9 in Chawilien inn kiang ah ki line in dingkhinta uh a, zingchiang dak 7 vel a damdawi hawm pat ding zan khawvak in ngakding uh hi’n kigen hi. Chawilien inn kuan mite khat in agenna ah, ni bangzah hiam paisa apan in nitak dak 9 vel apan line (quee) kipan sek ahihdan gen hi. Niteng in litre 2800 hawmkhiak a om pen Kiginni in beiphut a, Pathianni khawlni ahih ziak in damdawi su lou uh a, huai ziakin tuni in litre 900 vel hawmkhiak a om ahihdan vaisaite’n gen uh a, tuni in bag 27 tungthak mah leh zingchiang a daihzou diam chih patauh huai hi’n gen uhi.
Damdawi tanglou tamtak Lamka ah giak uh a, tu nitak in Lamka khawpi a hotel (boarding and lodging) om teng ah mi full vek uhi. Manipur Express in mi bangzah hiam Teddim Road ah tuak in houpih ua, amau agendan un, a sungkuante uh Saikot ah ki vualkhin ua, amau giahna ding mun nawnlou uh ahihdan gen in, Teddim Road a dawr mai peuh ah giahsawm uh ahihdan gen uhi. Ann hotel leh giahna hotel ban ah dawr neu nounou te’n leng Chawilien hamphatpih ding in kilang hi. Nidang a ki taak ngeilou, Teddim Road-Nehru Marg junction ah ‘way to Saikot’ chih liandeuh in taak in om hial ta hi.
Source; Manipur Express June 10, 2008 [www.zogam.com]
Tuabangkal ah, Amir (8) s/o Azauddin of Checkon, Imphal apa tawh damdawi la ding in hong hoh ua, damdawi a beiziak in Eden hotel ah giakdek uhi. Apa innsawng a akal laitak in Amir ana pawtkhia in, New Lamka lam zuan in pai a, Lanva lei bul ah mi pilvang khenkhat in ana mantang in YPA Hall New Lamka tut in om a, nitak nung in apa’n va lakik thei hi.
Thudang khat kiza dan in, damdawi deih te tu nitak dak 9 in Chawilien inn kiang ah ki line in dingkhinta uh a, zingchiang dak 7 vel a damdawi hawm pat ding zan khawvak in ngakding uh hi’n kigen hi. Chawilien inn kuan mite khat in agenna ah, ni bangzah hiam paisa apan in nitak dak 9 vel apan line (quee) kipan sek ahihdan gen hi. Niteng in litre 2800 hawmkhiak a om pen Kiginni in beiphut a, Pathianni khawlni ahih ziak in damdawi su lou uh a, huai ziakin tuni in litre 900 vel hawmkhiak a om ahihdan vaisaite’n gen uh a, tuni in bag 27 tungthak mah leh zingchiang a daihzou diam chih patauh huai hi’n gen uhi.
Damdawi tanglou tamtak Lamka ah giak uh a, tu nitak in Lamka khawpi a hotel (boarding and lodging) om teng ah mi full vek uhi. Manipur Express in mi bangzah hiam Teddim Road ah tuak in houpih ua, amau agendan un, a sungkuante uh Saikot ah ki vualkhin ua, amau giahna ding mun nawnlou uh ahihdan gen in, Teddim Road a dawr mai peuh ah giahsawm uh ahihdan gen uhi. Ann hotel leh giahna hotel ban ah dawr neu nounou te’n leng Chawilien hamphatpih ding in kilang hi. Nidang a ki taak ngeilou, Teddim Road-Nehru Marg junction ah ‘way to Saikot’ chih liandeuh in taak in om hial ta hi.
Source; Manipur Express June 10, 2008 [www.zogam.com]
No comments:
Post a Comment