Sun Nov 2, 2008: Tulel a JNU a PhD (Sociology) bawl, Tv. M. Kamminthang s/o Dr. Lachinkhai in Heidelberg University ah short term scholarship mu a, 31 October. 2008 zanlai in IGI Airport (New Delhi) apat Germany zuan in ahing leensan ta hi. Tami toh kisai a sum seenna – travel expenses, monthly stipend, health insurance leh accommodation chite – Heidelberg University in apumpi'n a tuahsah ding hi.Ama Heidelberg khua a Cluster of Excellence "Asia and Europe in a Global Context" nuai a Graduate Programme for Transcultural Studies (GPTS) ah February 2009 tan vel thaam ding hi. Tualeh Tv. Minthang in M.Phil dissertation agelh "pandemics, terrorism and apocalypse" toh kizawi tawn in, a PhD research ah "bird flu" toh kisai a "public health discourse" kichian zaw a suizuina nei ding hi.
Zolengthe & Zou Workshop member te'n unaupa Minthang congrats i bawl uhi! Maban ah ama apat a "European experience" toh kisai report hoitah ngaikhiat ding zong i kilamen uhi.
Moderator, ZouWorkshop
No comments:
Post a Comment