ZSP GOLDEN JUBILEE CELEBRATION 2008 AT TUAITENGPHAI VILLAGE, CHURACHANDPUR DISTRICT, MANIPUR, INDIA
ZSP GOLDEN JUBILEE NI; 15 October 2008
ZSP GOLDEN JUBILEE HALL pen Tuoitengphai lentuol ah a kilam a, a letdan ahileh; adung feet 200 avai feet 120 tuom ahi. A sungah mipi 10,000 tuom kitatna ding a kibawl hi. Zinliente leh Milien milal mipoite touna STAGE pen a lien mama hi. A vai feet 80 a dung feet 130 pha dingin ka thei hi. STAGE tungah mi 500 val touna a kidaw hi. Tuami Stage mai tung sangah ZSP GOLDEN JUBILEE puonlaap kitana tungah hichi'n a kigiel hi, Zou Sangnaupang Pawlpi, General Headquarters, Zomi Colony, Churachandpur, Manipur, India, Registration No. 1328 of 1974, GOLDEN JUBILEE 1958-2008, October 15-16, 2008, ZOU IN, ZOU IN, ZOU IN thute a kitalang a, a nualang ah Zogam etlawm muol leh tangte in a kizem a, Zo Buh neunou khat muol kên zawl ah a kitawi lingleng in a kimuthei hi. Puonlâp veilang tungah ZSP chieptêna zângsielki leh âhsi tângnêl kikhâi khu muthei in a om hi.
Zingmawng nai 9.30 tuom in, Tung thangvân lênkawlni a hing suoh a, muol leh tângte etlawm Tuaitengphai vângkhuo zawl leh lentuol hall lienpi sungah mipi dim phitphet in, thelum pul bangin sah leh hang ah, mi zatamte tam ZSP GOLDEN JUBILEE zou in, sim sienglou mite pen touna dinna suimaw kêi in pheiphung a’ng suon chiet uhhi. Zo tate sim leh mal apatin a’ng kikhawm chiet u’a, tam banga Zou tate tam na Khawmpi pen ka neu apatin zong ka na mu kha nai sih a, ka na thei kha nai sih hi. Zoute tam banga tam leh kithutuo dieldiel a, luongkhawm ahi chi ka thei chiengin chizathuoi leh lamdang ka sa hi.
Mipi a’ng peikhawm teng a kisim dân in, 20,000 tulsawmni val in a kigên minthang mama hi. Singtom khuo a a 30(sawmthum) veina ZSP General Conference 1984 hunzah sunga mi sângin tamzaw deu in a kituot hi.
‘ZOU/ZO CULTURAL FIESTA’
ZSP GOLDEN JUBILEE hunzah October ni 15 ni nai 10 in a kipan hi. ZSP Lapi sahna mipite’n a nei uhhi. Rev. Jangkholun in hun hon thungetna a’ng neipieh hi.
Tua zaw in, Jubilee Zinlien(Chief Guest) Pu Philip Thanglienmang DANICS in zingmawng nai 10.15 gin laitahin, ZO/ZOU Cultural Fiesta pen I Pu Zo, I Pu Songthu, I Pu Songza, I Pu Zahong tualeh Pa leh Tapa leh Hlagâu Siengtho min in a hong hi.
Tua zouin, Pu Khamchinmang Taithul Gen.President ZSP in thupi genna a nei a, ama’n ZSP tangthu genna a’ng nei hi. Ama thugen zou in, Tv. Thanggeu in la ngai khat sahna a’ng nei hi.
Tuami lasah zaw in, Chief Guest pu in ZOPATONG Productions in a bawlkhiet Zola ngai LENNOPLAI kichi Audio-cassette leh CD a hong kia a, tuazou in ZOPATONG thusuo(magazine) kibawl pen Zoham/Zokam(Zotongdam) khanletna dîng leh khantouna díngin, Pa leh Tapa leh Hlagau Siengtho min in honna a nei sawnsawn kia hi.
Tuazaw in, hunzah thupite a banban in, a kizang panta hi Pu Dominic Khammeng leh Pu Kapmeng lamkaina in ‘Zou in, Zou in, Zou in’ chi la ngaitah a’ng sa uhhi. Pupa ngaina leh tawndan lahna kineina ah, Zo lam chi tuomtuom lahna a kinei hi. Tangval leh ngahnute pen lam siemthei mama uhhi. Cultural Dance thatha tami hunzahna ah a’ng kipulahdohta hi. Radio Veritas Asia, Zomi-Chin Service sai leh makai; Rev. Fr. Mark Thang Khan Ai leh a lawmte makaina in Keima Zu chi limpia lahna a nei uhhi. Zo lam thatha lahna leh lâmna a baban in a ki-en a, mipite’n a pâhtât mama hi. Tam Zo lam lahna ah, Sugnu ZSP seinou guolte’n a khatna a la uhhi. Anina ah, Ideal School ZSP seinouguolte’n a la uhhi. A kigawm in, Cultural Dance party tuomtuom pen sawmni bang a pha hi. Zogam lasah siemte; Lengtong Pauno, Kapno, Benny Khongsai leh Mizoram a lasah siem minthang Miss Malsawmtluangi @ M-si leh C. Laldinpuia @ Puia telin artist tamtah a a kichiel uhhi.
A kal kal ah, lasahna leh thugenna a om zel hi. Pu. Manglienthang International Footballer, Functional President in thugenna tomkim leh sangnaupangte hanthawnna, ama experiencete genna a nei, Golden Jubilee Chairmanpu Pu Ginsuonhau(G.S Haupu) kungah Sielni a tuo ban ah, dangka Rs.2000(tulni) Jubilee panpina’n a pekia a, tuazou in, Lengtong Pauno leh a guolte zong la sa dînga om lâi pen a na vâkhiet zieh un, la sa man lou in a om uhhi. Tuachiin, Pu. Lawrence Thanghausuon in ‘Ka pute tanu melhoi’ kichi la ngai khat a’ng sa kia hi. Miss Hatboi in zong la ngai khat a sa hi. Chief Host Pi Mannuamching a’ng haw lemtanlou ziehin Chief Host dingin Pu Haukhanthang a na kimang a, ama’n mipite hasotna thu tomkim a gen hi. Pu Benny Khongsai leh Miss Malsawmtluangi te’n la ngai ngai sahna a nei u’a, mipite a lungtaisah mama uhhi, chi pen mipite mitsuo leh mâisuo ah a kilang vavung hi.
Chief Guestpu(Zinlienpu); Pu Philip Thanglienmang DANICS in thugenna sawt kuomtah khat a nei hi. Ama thugente pen http://zoculsin.blogspot.com/ leh http://mangkangzo.blogspot.com/ blogte sungah muthei a hing om pai ding ahita hi. A thugen zou in, Zinlienpu in Jubilee Chairmanpu kungah kipiehna laituom(envelop) khat a pie hi.
Zinlienpu thugen zou in, Miss Malsawmtluangi in Mizo ham in la ngai sahna a nei kia hi.
Kipah thugenna Chairman ZSP Golden Jubilee Committee Pu G.S Haupu in a nei hi. Dah 5 nga leh a kim tuom in hunzah a tawpna adingin Rev. Stephen Chinzathang in thumna a’ng neipieh hi.
15, OCTOBER 2008 ZANLAI HUNZAH
Nai 6 guh gin tuom in, zanlai hunzah a kipan hi.
Milien tampite’n a’ng uop uhhi. Pu Zatawn Ex-minister zinlien , Pu Virender Singh, CO, 140-Bn BSF GoH te’n a’ng zou uhhi. Pu Zatawn leh Pu Francis Zamkhanthang, Farm Manager, F/President in mipite hasotna thu tampi a gen uhhi. Pu Holkholun Hlungdim in zong chi khat nam khat leh unau I hi uhhi, chi thupi gen in mipite nousietna pie in, Jubilee mipite a hasot hi.
Zanlai hunzah dan pen, a nop mama khop mai hi. Tuami hunnop mangkhaloute pen Lenlai 100 khat tân tobang in ka gel hi. Fashion Show parade, Miss ZSP Golden Jubilee Kitelna(Contest) leh Langai sahna tuomtuom a om hi. Miss ZSP Golden Jubilee kitelna kineina ah, nungah 10 telkhiette khat khat in, Stage tungah a duong a mel, a puom, a mai, a sam sauté uh, lah dingin a’ng kidiengkhie chiet uhhi. Round ni round thum zou in Thukhente(judges) hoi a sah pen uh, na teldoh uhhi. Tam kitelna ah, a puon-ah, a khoheidan uh, a melpuohdante, a duong uh, a sandan uh leh adangdangte enkai zui in, telkhietna na kinei uhhi. Tuami Miss Contest(melhoi kitelna) hunzahna thukhente; Pi Rebecca Nuomzavung, Pi Nienghauchiin, Pu Goukhomang, Pu Zamlunmang ahi uhhi. Miss Cecilia Maman in Compere dinmun luo kawm in, Miss Contest kitetna ah vaisai in a pang hi. Miss ZSP Golden Jubilee dingin Miss Manngailun d/o Pu Ginsuonthang Chief of Tuining village telkhiet in a om hi. 1st Runner-up Miss Ruth Nemneikim of Kullian in la a, 2nd Runner-up ah Miss Sandy Kimbawi Zou of Langol, Imphal. Lasahsiemte la ngai sahte ngai nuom un, mipite a kihot duamduam u’a, lenlaini noptahin a mang uhhi. Mi a sang a sang a, kikhopna hunzah nuomtah kimanna ah, a kihau sie, a kikawh sie leh a kilungnopmaw mi a om hi chi ding khatbeh a kithei kha mawngmawng sih hi. Upate pawlkhat chiemmuina ahileh; mipite tam sengseng man in, zu leh sa khamte zong langsie ngam lou uh chiin a gen thupi keei uhhi.
16, OCTOBER 2008 A PINI
Golden Jubilee lopna pini tahtah pen Oct 16, 2008 niin a om hi. Tam hunzahna ah milien milal tampite’n a’ng uop uhhi. Pu Ranjit Singh PWD Minister, Pu Mangibabu Chiefwhip, Pu T.N Haokip, Pu Hangkhanpao MLA/Ex-Minister, Pu T. Gouzadou Ex-Minister, Pu Holkholun Tungdim(Hlungdim), Student lamkai tuomtuomte leh nam lamkai tuomtuomte leh Govt lam a milien tampite a’ng tel uhhi.
Tua mun ah Power Minister T. Phungzathang zinlien hiding na kichisa ahi a, himaleh zong, a’ng lemthei tah lou ziehin, ama tangin a tapa Pu Khanthang in Jubilee Suongpi honna pen nai 10 sawm gin in a’ng na nei pieh hi. Rev. Fr. Mark Ai in tua Golden Jubilee Suongpi pen Pasien tungah lungdamna kou kawm leh mipite guolzawlna a tantheina dingun thungetna leh thumna a neipi hi. Tam ZSP Golden Suongpi tungah a hongpa Pu Phungzathang Tongsing, a suongtuohpa Pu Hangkhanpao a kigiel hi. A tungpen ah, Zou Sangnaupang Pawlpi 1958-2008 chiin a kigiel a, a nei ah ‘Zou in, Zou in, Zou in’ chiin a ki-ât hi.
Tua zaw in, mipite’n Hall lam zuon un, Hall Programme hunzahna a kipanta hi.
Chief Guest Pu Phungzathang lemlou ziehin ama zaluo in, Pu Mangchinkhup a’ng pang hi. Chief Host in Pu Hangkhanpao Singngat MLA a pang hi.
Rev.Tualzachin in hun hon thumna a’ng neipieh hi. ZSP Golden Jubilee Chairma Pu Ginsuonhao in thupi genna mipite mai ah a’ng nei hi. Tuami zouin, ZSP lamkai muolliemsate sunna leh zana piehna President ZSP makaina in miteng in minit 2 sip dide in a kikhongai chiet hi.
ZSP anthem Lapi sah zaw in, Zou sunga milien milalte leh khuolmi zatathuoi te’n Golden Jubilee Zampi(Dahpi) pen Golden Jubilee kipahpina in, a kigawm un, 50 vei a tum uhhi.
Tua zouin, ZSP General President Pu Khamchinmang in ZSP tangthu tomkim simna leh Founder Pu P. Kaizakham Award piehna a’ng phuongkhie hi.
Tuachiin hun peisateng ZSP President na hisate leh ZSP Secretary a na pangsate nuomman award piehna a’ng nei hi. Tam ZSP makai masate lah a tallang deute ahileh; Phamsa Pu Linus Lienkhohau, Phamsa Pu Thangkhanlal , Pu T. Gouzadou, Pu Semkholun, Lt.Col Pu Thongdou, Pu T.C Tungnung, Pu Kamzadou, Pu T.Gougin, Phamsa Pu Semkhopao leh adangdangte ahi uhhi.
PYF Beaulahlane apatin langai ngaikhietna a kinei hi.
Jubilee Message Rev.Dr. Ginkhanmung Exe.Secy, MELC in thupi genna a’ng nei hi. Ama’n a thugenna a thupi a get pen ahileh; ‘ Jubilee Message dingin ‘ Na melmate it un’ chiin thu Lai Siengtho leh Christian ettontahte a pat leh Pi Sonia Gandhi te innkuon sunga silpiengte leh mithupi dangdangte patsa’n mipite thei ding leh ngainop dingin Pasien thugenna a’ng nei hi.
ZSP Golden Jubilee Souvenir bu honna Pu K Ranjit PWD Minister in a’ng nei pi hi.
Zomi Musical and Theatrical Society te’n mipite et dingin lam tuomtuom lahna a’ng nei uhhi.
Pu Mangchinkhup in ‘Zou in, Zou in, Zou in’ chi Jubilee Theme(thupi) toh kisai in mipite kungah hilchienna a nei hi. Ama’n a genna ah, tam Jubilee pen Zoute a guoh ahita sih a, ei Zomi te buppi’a ahita hi chiin ama ngaidan mipite a theisah hi. Pu Hangkhanpao in Golden Jubilee saite leh a gim leh tawl teng tungah kipah thugenna a nei a, sangnaupangte zong hanthawnna thute a mop hi.
Zou sunga Outstanding Awards mute lawmman piehna a’ng nei kia uhhi. Tam Outstanding Award mute ahileh; Pu Hangkhanpao, Zou lah a Cabinet minister masapen, Pu Philip Thanglienmang DANICS, Zou sunga Civil Service gieldoh masapen, Pu Khamthawng first promotee MPS, Pu Kapmuonthang IFS masapen, Pi Mannuamching MCS masapen, Pu T.Gougin M.A masapen, Dr. Lachinkhai MBBS masapen leh adangdangte ahi uhhi.
ZSP Sugnu tangval leh ngahnute’n October 15 ni’a, a lahsa uh, Zo lam lahna a’ng nei kia uhhi. Mipite’n a ennuom mama uhhi. Tuami zou in, Lentong Pauno leh Kapno te’n la ngaingaipi a’ng sa u’a, mipite a kipah mama uhhi.
Pu Jamkhongam lamkaina in, Zogam Leidi Party nupi papite’n Pupa ngaina lâmna a’ng lah u’a, etnuomhuoi mama hi. Zinlien, milien milalte’n amauh lamkil a zop uhhi.
Tammi nia, gen hai lou hiel dinga, ka na melchi khat ahileh, Zogam Leidi Party te ahi uhhi. Amaute kukalna ziehin, tam Golden Jubilee Hall ning lam ah, Zo te pupa vanzahte leh pupa tawndan leh khandan te pulahna a na nei u’a, etnuomhuoi khanglui van tampi na pulah uhhi.
Tua zouin, hunzah bei kuon toh kituohin, Pu T. Gouzadou Ex-Minister in kipah thugenna kilawmtah leh kituohtahin a gen hi. Rev. David K. Samte in hunkha thumna a’ng na nei pieh hi. Mite annnekhawmna Tuaitengphai lentuol lai ah a nei uhhi. Bawng luong 7 sagi leh siel luong 2 ni kigou hi. Tuami anzaluina ah mi tam sengseng ahimanin, ann tang zoulou mi tampi om na lai hi, chiin thutut a kiza hi.
ZSP DAM SAWT HEN!
- By Administrator
ZSP GOLDEN JUBILEE NI; 15 October 2008
ZSP GOLDEN JUBILEE HALL pen Tuoitengphai lentuol ah a kilam a, a letdan ahileh; adung feet 200 avai feet 120 tuom ahi. A sungah mipi 10,000 tuom kitatna ding a kibawl hi. Zinliente leh Milien milal mipoite touna STAGE pen a lien mama hi. A vai feet 80 a dung feet 130 pha dingin ka thei hi. STAGE tungah mi 500 val touna a kidaw hi. Tuami Stage mai tung sangah ZSP GOLDEN JUBILEE puonlaap kitana tungah hichi'n a kigiel hi, Zou Sangnaupang Pawlpi, General Headquarters, Zomi Colony, Churachandpur, Manipur, India, Registration No. 1328 of 1974, GOLDEN JUBILEE 1958-2008, October 15-16, 2008, ZOU IN, ZOU IN, ZOU IN thute a kitalang a, a nualang ah Zogam etlawm muol leh tangte in a kizem a, Zo Buh neunou khat muol kên zawl ah a kitawi lingleng in a kimuthei hi. Puonlâp veilang tungah ZSP chieptêna zângsielki leh âhsi tângnêl kikhâi khu muthei in a om hi.
Zingmawng nai 9.30 tuom in, Tung thangvân lênkawlni a hing suoh a, muol leh tângte etlawm Tuaitengphai vângkhuo zawl leh lentuol hall lienpi sungah mipi dim phitphet in, thelum pul bangin sah leh hang ah, mi zatamte tam ZSP GOLDEN JUBILEE zou in, sim sienglou mite pen touna dinna suimaw kêi in pheiphung a’ng suon chiet uhhi. Zo tate sim leh mal apatin a’ng kikhawm chiet u’a, tam banga Zou tate tam na Khawmpi pen ka neu apatin zong ka na mu kha nai sih a, ka na thei kha nai sih hi. Zoute tam banga tam leh kithutuo dieldiel a, luongkhawm ahi chi ka thei chiengin chizathuoi leh lamdang ka sa hi.
Mipi a’ng peikhawm teng a kisim dân in, 20,000 tulsawmni val in a kigên minthang mama hi. Singtom khuo a a 30(sawmthum) veina ZSP General Conference 1984 hunzah sunga mi sângin tamzaw deu in a kituot hi.
‘ZOU/ZO CULTURAL FIESTA’
ZSP GOLDEN JUBILEE hunzah October ni 15 ni nai 10 in a kipan hi. ZSP Lapi sahna mipite’n a nei uhhi. Rev. Jangkholun in hun hon thungetna a’ng neipieh hi.
Tua zaw in, Jubilee Zinlien(Chief Guest) Pu Philip Thanglienmang DANICS in zingmawng nai 10.15 gin laitahin, ZO/ZOU Cultural Fiesta pen I Pu Zo, I Pu Songthu, I Pu Songza, I Pu Zahong tualeh Pa leh Tapa leh Hlagâu Siengtho min in a hong hi.
Tua zouin, Pu Khamchinmang Taithul Gen.President ZSP in thupi genna a nei a, ama’n ZSP tangthu genna a’ng nei hi. Ama thugen zou in, Tv. Thanggeu in la ngai khat sahna a’ng nei hi.
Tuami lasah zaw in, Chief Guest pu in ZOPATONG Productions in a bawlkhiet Zola ngai LENNOPLAI kichi Audio-cassette leh CD a hong kia a, tuazou in ZOPATONG thusuo(magazine) kibawl pen Zoham/Zokam(Zotongdam) khanletna dîng leh khantouna díngin, Pa leh Tapa leh Hlagau Siengtho min in honna a nei sawnsawn kia hi.
Tuazaw in, hunzah thupite a banban in, a kizang panta hi Pu Dominic Khammeng leh Pu Kapmeng lamkaina in ‘Zou in, Zou in, Zou in’ chi la ngaitah a’ng sa uhhi. Pupa ngaina leh tawndan lahna kineina ah, Zo lam chi tuomtuom lahna a kinei hi. Tangval leh ngahnute pen lam siemthei mama uhhi. Cultural Dance thatha tami hunzahna ah a’ng kipulahdohta hi. Radio Veritas Asia, Zomi-Chin Service sai leh makai; Rev. Fr. Mark Thang Khan Ai leh a lawmte makaina in Keima Zu chi limpia lahna a nei uhhi. Zo lam thatha lahna leh lâmna a baban in a ki-en a, mipite’n a pâhtât mama hi. Tam Zo lam lahna ah, Sugnu ZSP seinou guolte’n a khatna a la uhhi. Anina ah, Ideal School ZSP seinouguolte’n a la uhhi. A kigawm in, Cultural Dance party tuomtuom pen sawmni bang a pha hi. Zogam lasah siemte; Lengtong Pauno, Kapno, Benny Khongsai leh Mizoram a lasah siem minthang Miss Malsawmtluangi @ M-si leh C. Laldinpuia @ Puia telin artist tamtah a a kichiel uhhi.
A kal kal ah, lasahna leh thugenna a om zel hi. Pu. Manglienthang International Footballer, Functional President in thugenna tomkim leh sangnaupangte hanthawnna, ama experiencete genna a nei, Golden Jubilee Chairmanpu Pu Ginsuonhau(G.S Haupu) kungah Sielni a tuo ban ah, dangka Rs.2000(tulni) Jubilee panpina’n a pekia a, tuazou in, Lengtong Pauno leh a guolte zong la sa dînga om lâi pen a na vâkhiet zieh un, la sa man lou in a om uhhi. Tuachiin, Pu. Lawrence Thanghausuon in ‘Ka pute tanu melhoi’ kichi la ngai khat a’ng sa kia hi. Miss Hatboi in zong la ngai khat a sa hi. Chief Host Pi Mannuamching a’ng haw lemtanlou ziehin Chief Host dingin Pu Haukhanthang a na kimang a, ama’n mipite hasotna thu tomkim a gen hi. Pu Benny Khongsai leh Miss Malsawmtluangi te’n la ngai ngai sahna a nei u’a, mipite a lungtaisah mama uhhi, chi pen mipite mitsuo leh mâisuo ah a kilang vavung hi.
Chief Guestpu(Zinlienpu); Pu Philip Thanglienmang DANICS in thugenna sawt kuomtah khat a nei hi. Ama thugente pen http://zoculsin.blogspot.com/ leh http://mangkangzo.blogspot.com/ blogte sungah muthei a hing om pai ding ahita hi. A thugen zou in, Zinlienpu in Jubilee Chairmanpu kungah kipiehna laituom(envelop) khat a pie hi.
Zinlienpu thugen zou in, Miss Malsawmtluangi in Mizo ham in la ngai sahna a nei kia hi.
Kipah thugenna Chairman ZSP Golden Jubilee Committee Pu G.S Haupu in a nei hi. Dah 5 nga leh a kim tuom in hunzah a tawpna adingin Rev. Stephen Chinzathang in thumna a’ng neipieh hi.
15, OCTOBER 2008 ZANLAI HUNZAH
Nai 6 guh gin tuom in, zanlai hunzah a kipan hi.
Milien tampite’n a’ng uop uhhi. Pu Zatawn Ex-minister zinlien , Pu Virender Singh, CO, 140-Bn BSF GoH te’n a’ng zou uhhi. Pu Zatawn leh Pu Francis Zamkhanthang, Farm Manager, F/President in mipite hasotna thu tampi a gen uhhi. Pu Holkholun Hlungdim in zong chi khat nam khat leh unau I hi uhhi, chi thupi gen in mipite nousietna pie in, Jubilee mipite a hasot hi.
Zanlai hunzah dan pen, a nop mama khop mai hi. Tuami hunnop mangkhaloute pen Lenlai 100 khat tân tobang in ka gel hi. Fashion Show parade, Miss ZSP Golden Jubilee Kitelna(Contest) leh Langai sahna tuomtuom a om hi. Miss ZSP Golden Jubilee kitelna kineina ah, nungah 10 telkhiette khat khat in, Stage tungah a duong a mel, a puom, a mai, a sam sauté uh, lah dingin a’ng kidiengkhie chiet uhhi. Round ni round thum zou in Thukhente(judges) hoi a sah pen uh, na teldoh uhhi. Tam kitelna ah, a puon-ah, a khoheidan uh, a melpuohdante, a duong uh, a sandan uh leh adangdangte enkai zui in, telkhietna na kinei uhhi. Tuami Miss Contest(melhoi kitelna) hunzahna thukhente; Pi Rebecca Nuomzavung, Pi Nienghauchiin, Pu Goukhomang, Pu Zamlunmang ahi uhhi. Miss Cecilia Maman in Compere dinmun luo kawm in, Miss Contest kitetna ah vaisai in a pang hi. Miss ZSP Golden Jubilee dingin Miss Manngailun d/o Pu Ginsuonthang Chief of Tuining village telkhiet in a om hi. 1st Runner-up Miss Ruth Nemneikim of Kullian in la a, 2nd Runner-up ah Miss Sandy Kimbawi Zou of Langol, Imphal. Lasahsiemte la ngai sahte ngai nuom un, mipite a kihot duamduam u’a, lenlaini noptahin a mang uhhi. Mi a sang a sang a, kikhopna hunzah nuomtah kimanna ah, a kihau sie, a kikawh sie leh a kilungnopmaw mi a om hi chi ding khatbeh a kithei kha mawngmawng sih hi. Upate pawlkhat chiemmuina ahileh; mipite tam sengseng man in, zu leh sa khamte zong langsie ngam lou uh chiin a gen thupi keei uhhi.
16, OCTOBER 2008 A PINI
Golden Jubilee lopna pini tahtah pen Oct 16, 2008 niin a om hi. Tam hunzahna ah milien milal tampite’n a’ng uop uhhi. Pu Ranjit Singh PWD Minister, Pu Mangibabu Chiefwhip, Pu T.N Haokip, Pu Hangkhanpao MLA/Ex-Minister, Pu T. Gouzadou Ex-Minister, Pu Holkholun Tungdim(Hlungdim), Student lamkai tuomtuomte leh nam lamkai tuomtuomte leh Govt lam a milien tampite a’ng tel uhhi.
Tua mun ah Power Minister T. Phungzathang zinlien hiding na kichisa ahi a, himaleh zong, a’ng lemthei tah lou ziehin, ama tangin a tapa Pu Khanthang in Jubilee Suongpi honna pen nai 10 sawm gin in a’ng na nei pieh hi. Rev. Fr. Mark Ai in tua Golden Jubilee Suongpi pen Pasien tungah lungdamna kou kawm leh mipite guolzawlna a tantheina dingun thungetna leh thumna a neipi hi. Tam ZSP Golden Suongpi tungah a hongpa Pu Phungzathang Tongsing, a suongtuohpa Pu Hangkhanpao a kigiel hi. A tungpen ah, Zou Sangnaupang Pawlpi 1958-2008 chiin a kigiel a, a nei ah ‘Zou in, Zou in, Zou in’ chiin a ki-ât hi.
Tua zaw in, mipite’n Hall lam zuon un, Hall Programme hunzahna a kipanta hi.
Chief Guest Pu Phungzathang lemlou ziehin ama zaluo in, Pu Mangchinkhup a’ng pang hi. Chief Host in Pu Hangkhanpao Singngat MLA a pang hi.
Rev.Tualzachin in hun hon thumna a’ng neipieh hi. ZSP Golden Jubilee Chairma Pu Ginsuonhao in thupi genna mipite mai ah a’ng nei hi. Tuami zouin, ZSP lamkai muolliemsate sunna leh zana piehna President ZSP makaina in miteng in minit 2 sip dide in a kikhongai chiet hi.
ZSP anthem Lapi sah zaw in, Zou sunga milien milalte leh khuolmi zatathuoi te’n Golden Jubilee Zampi(Dahpi) pen Golden Jubilee kipahpina in, a kigawm un, 50 vei a tum uhhi.
Tua zouin, ZSP General President Pu Khamchinmang in ZSP tangthu tomkim simna leh Founder Pu P. Kaizakham Award piehna a’ng phuongkhie hi.
Tuachiin hun peisateng ZSP President na hisate leh ZSP Secretary a na pangsate nuomman award piehna a’ng nei hi. Tam ZSP makai masate lah a tallang deute ahileh; Phamsa Pu Linus Lienkhohau, Phamsa Pu Thangkhanlal , Pu T. Gouzadou, Pu Semkholun, Lt.Col Pu Thongdou, Pu T.C Tungnung, Pu Kamzadou, Pu T.Gougin, Phamsa Pu Semkhopao leh adangdangte ahi uhhi.
PYF Beaulahlane apatin langai ngaikhietna a kinei hi.
Jubilee Message Rev.Dr. Ginkhanmung Exe.Secy, MELC in thupi genna a’ng nei hi. Ama’n a thugenna a thupi a get pen ahileh; ‘ Jubilee Message dingin ‘ Na melmate it un’ chiin thu Lai Siengtho leh Christian ettontahte a pat leh Pi Sonia Gandhi te innkuon sunga silpiengte leh mithupi dangdangte patsa’n mipite thei ding leh ngainop dingin Pasien thugenna a’ng nei hi.
ZSP Golden Jubilee Souvenir bu honna Pu K Ranjit PWD Minister in a’ng nei pi hi.
Zomi Musical and Theatrical Society te’n mipite et dingin lam tuomtuom lahna a’ng nei uhhi.
Pu Mangchinkhup in ‘Zou in, Zou in, Zou in’ chi Jubilee Theme(thupi) toh kisai in mipite kungah hilchienna a nei hi. Ama’n a genna ah, tam Jubilee pen Zoute a guoh ahita sih a, ei Zomi te buppi’a ahita hi chiin ama ngaidan mipite a theisah hi. Pu Hangkhanpao in Golden Jubilee saite leh a gim leh tawl teng tungah kipah thugenna a nei a, sangnaupangte zong hanthawnna thute a mop hi.
Zou sunga Outstanding Awards mute lawmman piehna a’ng nei kia uhhi. Tam Outstanding Award mute ahileh; Pu Hangkhanpao, Zou lah a Cabinet minister masapen, Pu Philip Thanglienmang DANICS, Zou sunga Civil Service gieldoh masapen, Pu Khamthawng first promotee MPS, Pu Kapmuonthang IFS masapen, Pi Mannuamching MCS masapen, Pu T.Gougin M.A masapen, Dr. Lachinkhai MBBS masapen leh adangdangte ahi uhhi.
ZSP Sugnu tangval leh ngahnute’n October 15 ni’a, a lahsa uh, Zo lam lahna a’ng nei kia uhhi. Mipite’n a ennuom mama uhhi. Tuami zou in, Lentong Pauno leh Kapno te’n la ngaingaipi a’ng sa u’a, mipite a kipah mama uhhi.
Pu Jamkhongam lamkaina in, Zogam Leidi Party nupi papite’n Pupa ngaina lâmna a’ng lah u’a, etnuomhuoi mama hi. Zinlien, milien milalte’n amauh lamkil a zop uhhi.
Tammi nia, gen hai lou hiel dinga, ka na melchi khat ahileh, Zogam Leidi Party te ahi uhhi. Amaute kukalna ziehin, tam Golden Jubilee Hall ning lam ah, Zo te pupa vanzahte leh pupa tawndan leh khandan te pulahna a na nei u’a, etnuomhuoi khanglui van tampi na pulah uhhi.
Tua zouin, hunzah bei kuon toh kituohin, Pu T. Gouzadou Ex-Minister in kipah thugenna kilawmtah leh kituohtahin a gen hi. Rev. David K. Samte in hunkha thumna a’ng na nei pieh hi. Mite annnekhawmna Tuaitengphai lentuol lai ah a nei uhhi. Bawng luong 7 sagi leh siel luong 2 ni kigou hi. Tuami anzaluina ah mi tam sengseng ahimanin, ann tang zoulou mi tampi om na lai hi, chiin thutut a kiza hi.
ZSP DAM SAWT HEN!
- By Administrator
ZSP Golden Jubilee manga akipei khalou da huoi sa mama ing. Hibang a khawmpi thupi taan akihimai pen lenlai taan bang in ki ngai ing e.
ReplyDelete