ZSP SAMARITAN
Pi Chingkhokim damlou AIIMS pvt.ward room no. 512, 5th floor a um pen ZSP tangval Kamlienlal, Lalmuonlien, Lienzagou, Robert Thangminlien leh Pu Chinlunthang te’n shisan pia uh.
KIPAHTHU GENNA
Dated: 07/10/2008, Tarik sagi Thawleni zaan a tuasiet (Accident) katuana tung a hing na buai pi, Hospital lam, Vasant Vihar Police station, etc leh Sum leh pai a hing na panpi zousie tung ah kipathu tam Zokuomthawn tungtawn in ka hing gen hi. Maban ah noute zong Mangpa Pasien inhing gualzawl in, hingpanpi leh na buai na genthei ni un panpi ding mi hing peta hen, tualeh aletam pi in pasien in hing gualzawl chiet ta hen. - Tv. M. Lalmuanlian
MAUTAM KHUTDAWNA UM DING
Committee on Mautam Famine Aid (COMFA) Delhi Frontte saina in Zodawn a i laiguizom unau sanggam gilkiel thuote panpi theina um sun chin November hasung in Delhi leh akimvel ah khutdawna hing bawl ding uhi. Tuana kisiitlou leh uai-ai lou kei a ana pang chiet ding in ngetna hing bawl uhi.
KOITE'N BANG GEN??
ZSP Study Forum Bookshelf project adin November hachia Dirctor pU hauliankap puina toh Staff Nurse te kung ah khutdaw na nei hi ding hi. Tua leh Forum Library adia laibu poimaw vawt Science Rs.350man, leh Human right Rs.400 man laibu hing leipia/tua ding hing sui din Tv. Hausienmuan ngansie ahi. Maban ah ZSP Study Forum in na kung a laibu leina ding a khut ahing dawleh kiphal tah in na pia in, Delhi a na um thei gige na ding a na memorial ding a hing kibawlpia ding ahi.
KALAISAI!!
ZSP Study forum- cum-Library Bookshelf project ading in Project Director Pu Hauliankap leh JNU a um imimuan mama uh Pu Kamminthang ten dangka 1000 tua in hingpanpi uhi. Tualeh Pi Grace Zamnu, President ZMA in zong ZSP Study forum dangka 200 in hing phungvuh Pu Thangminlian in zong dangka 100 in hingphung vuh hi. Amaute tung ah ZSP Study Forum Members zousie leh ZSP Delhi branch min in kipathu ka hing gen hi. Pasien in aletampi in gualzawl ta hen.
Kamlianlal Co-Ordinator
ZSP Study Forum- Cum-Library.
ZSP STUDY FORUM FELICITATION
ZSP Study forum in zani Kiginni November 1,2008 in Library office Pa Hauliankap inn Safdarjung Enclave ah tukum SSC Prelims Exam-2008 a loching a members te Tv. Thangsuanmung, Tv. Kamlianlal, Tv. Khailianmang leh Tv. Samuel Zou te leh Tv. Khailianmang in Tax-asistant amutha na kipapina class neizou in nei uhi. Zokuomthawn in zong kipahpi mama a maban a members dangte zong hapan sem din chielna bawl uhi. All credits goest to ZSP Study Forum teacher Pu Paulianthang Zou
ZOLENGTHE | Connecting the Zo people
I ki letsahpi leh Zo suonte hing kaankhawm ZOLENGTHE kum 1 chinna October 27, 2008 nin Pu Zolengthe inn, Munirka ah thupitah a lopna kinei. Tuona VVIP te ahileh Pu Haumuanlun Samte, Editor, ZogamThuthang. Pu Ngamkholen, Editor, PupaTimes. Pu Mangzamuan, Editor, KhalvontawiInfo. Pu Hausienmuan, Editor, Zouheisa ahi uhi. Rev. GK Samte in Editor teng thumsahna nei hi. Mipi tam tah peikhawm in annkuong imna zong nei uhi. ZSP G/Secy. in hun kem a, Pu Totong in hun honna nei hi. ZOD G/Secy T. Thangminlien in record bawl in apeikhawm papi teng in thugenna nei uhi. Tualeh Pi Zolengthe @ Irene Tungnung in Mobile News Editor teng min in Pastor pu Rev. GK Samte Zou thunpi khat pie hi. Nh. Cicily in Pu ZOLENGTHE tuhpa khuhsahna nei hi.
ZOU LANGAI NOU NOU
Zo la Audio/MP3 CDs Zopatong Production “Leen Noplai”; Huivanu (Zotakuol-II) leh Pu Lengtong Pauno in abawl “Ka zua Ngaih” deite’n Pu ZOLENGHE kuungah kiman tah in lei thei.
---------------------------------------------------
A 16th Veina
Zou Sangnaupang Pawlpi Delhi Branch
FRESHER’S SOCIAL MEET 2008 REPORT
Dated 7th October 2008 thawlenni zinglam nai 11:00 Am apat in Jawaharlal Nehru University Community Centre, New Delhi ah Kumchin a ina ngalah leh ithanop pen uh ZSP Delhi Branch Fresher’s Meet 2008 noptah in kimang zou hi. Kum dang banglou tah in tukum in Nungah leh Tangval, Nupi-Papi, milip thanuam a ahun Zou ngeina dan chithei ding leh Kum teng a ina peipi zing bang un ahun tah in kipan theisih nanleh 2007 sang in nai 20 Minute vel in kifel zaw a, nuamtah in Cultural troupete puina toh ZSP Anthem “Thou Un..Thou Un..” chisa in Nu.Chinglian Hunpatna toh programe pat in um hi. Inneipi leh Pu (Host) Tv. Hausuankhai leh Nh. S. Vung Maryte’n zeitah in ZSP Fresher’s Social Meet Programe hingpui uhi.
Tuachi’n Lamkaite Tv. Mangkholun President leh Tv. Hausienmuan in Hall sung ah Chief-Guestpu ahing peitheilou zieh in Guest of Honour Pu Thongkhanlal, Deputy Comaandant, CRPF Delhi, Chief Guest din hingpui lut ua, mipiten zahna etsahna in umna mun chiet ah kiding in, tamni Zou tangval leh ZSP Delhi branch Veteran I Dy.commandant uh Pu Thongkhanlal in hing uap piahi.
ZSP Delhi Branch kum 1992 in Delhi tualpi ah Zou Sangnaupang tamlou (10vel) na umten nampi ngainat zie leh khangsawn momnou simlaite khualna in nap hut khia uhi. Tuni chieng in Pasien inam Zou minam tung ah hoi a tukum 2008 Fresher’s Social Meet in Zou mipi 420 val (Zokuomthawn Editor in ana simza) kipunkhawm thei ta a, kum dang teng sang in kihulip in vaiguan loching zawhi. Kum 2007 November-2008 October tan in milip meltha (Freshers) 108 pha a, Numei 67 leh Pasal 41te vaidawnna kineithei ta hi. ZSP Delhi Branch President Tv. Mangkholun in vaidawn thugenna nei a, Freshers Introduction Tv.Kamlianlal in nei in, Rev. G.K Joshua (ZCF Pastor) in thumsahna leh vangpiehna nei a, Pu. K.Zou, Advocate Delhi High Court in hanthawn thugenna nei in Hat ding leh hangsan ding in Freshers teng vaiha hi. Tamni’n North-East Helpline te apatin Legal awareness ngaikhietna zong nei in um hi. Chief Guest Pu Thongkhanlal in sangnaupang te a ding in thupha tampi hingpua a, mipi lunglai a thamden athugen “ Ka nu kung ah Pasal sakap a kuan samanlou in inn ka hing kile sih ding hi…”chia a lungtang zousie toh agen in tunitan in mipi lungkhoi mama in sangnaupangte thathou sah mama hi. ZSP Delhi Branch Gen. Secretary Pu Ginshanglian in tawp kuan in ZSP nasepkhiet teng, maban a project umte simkhietna hing nei a maban ah zong kithutua tah in malam nawtkhawm din chielna bawl hi, tuazou in Nh. Lamneihoi Staff Nurse in kiphal tah a sangnaupangte ading a ahing tuah refreshment nekhawmna kinei hi. First Session sung in Nh. Naomi Muanching, Nh. Lamneichong, Nh. Roselyn leh Tv. Mungnou ten kilawmtah in zaidei awi vua mipite ustai mama uhi, amauteng tung ah ZSP Delhi Branch inkipathu kigen hi.
2nd Sesion: 5:00Pm: Host: Tv. Khiabieklian (Mr Freshers 2007) leh Nh. Rose Mary Mate (Miss Freshers 2006) ten hingpui uh. North Delhi ten Drama show leh Tv. Chinkhanlal Zou in Indo-Korean Stick Dance show present bawl hi. Tuachin Cultural Secretarypi Nh. Dimngai Lamkaihna toh Zou namlaam leh Sannemla thupitah in lahna um a, mipi peikhawm nupi-papite phulza in alai ah valaam ua gimneitah leh kilawm tah in ipupa namlaam present hing pieh uhi. Games and sport departmentte leh Education and Statistic department ten zong amau department chiet apat in nuamman hawmna nei uhi.
Mipi ten ana ngalah mama uh hunbei kuan lam in Mr.& Miss Freshers contest result phuankhiet in um a Miss Freshers 2008 ding in Prescila Hoinu Munirka leh Tv Khupmuanpau telkhiet in um a mipi hingpei khawmten maam kilapi in Camera phe liplep hi. Tuachin Pa Hauliankap in tawpna thumna nei in Annkuang imm khawmna kinei a, henglatah in kumkia 2009 Freshers meet haibang ngala kawm in innlam kizuan hi.
Note: Tomkimtah a Report kipia ahizia in akim lou leh gen ding a kilawm genkhalou a um leh kingaisiem din iki ngen uhi- Editor.
====================
EDITORIAL BOARD
Ginshanglian (9711056123)
Hausienmuan (9873997403)
Samuel Samte (9210656553)
Type Setting at
ZOLENGTHE COMPUTE
Munirka, New Delhi
Pi Chingkhokim damlou AIIMS pvt.ward room no. 512, 5th floor a um pen ZSP tangval Kamlienlal, Lalmuonlien, Lienzagou, Robert Thangminlien leh Pu Chinlunthang te’n shisan pia uh.
KIPAHTHU GENNA
Dated: 07/10/2008, Tarik sagi Thawleni zaan a tuasiet (Accident) katuana tung a hing na buai pi, Hospital lam, Vasant Vihar Police station, etc leh Sum leh pai a hing na panpi zousie tung ah kipathu tam Zokuomthawn tungtawn in ka hing gen hi. Maban ah noute zong Mangpa Pasien inhing gualzawl in, hingpanpi leh na buai na genthei ni un panpi ding mi hing peta hen, tualeh aletam pi in pasien in hing gualzawl chiet ta hen. - Tv. M. Lalmuanlian
MAUTAM KHUTDAWNA UM DING
Committee on Mautam Famine Aid (COMFA) Delhi Frontte saina in Zodawn a i laiguizom unau sanggam gilkiel thuote panpi theina um sun chin November hasung in Delhi leh akimvel ah khutdawna hing bawl ding uhi. Tuana kisiitlou leh uai-ai lou kei a ana pang chiet ding in ngetna hing bawl uhi.
KOITE'N BANG GEN??
- Keipi ei singtangmi namham teng siam chiet ing a, ei Zouham siam seng nawn lou hiveng aw. - Prescila Hoinu, Miss Freshers 2008
- Tukum 2008 ZSP Fresher’s Social Meet kumdang teng sang in kichup zaw leh changkang zaw in kamu hi. - Dr. Mary Grace (Nu Sien)
- Tuha Fresher’s Meet zou apat in Zokuomthawn sponsor ding kimai maw sim, Editor te Luck lou zie hilou in damlou leh tuaiset na I sung ua a umtam kha zie hizaw hi. -Editor
- Kumdang sang in ikithu tuahna uh ka mu chienzaw hi. - Pu Khakhai Zou
- Khat tang in ZSP Golden Jubilee hing mang nalai vang ei..hingtung nailou kahi.. - Tv. Haulian
- Luvun tawvun kilip zen a ZSP Golden Jubilee kava mang hi ei. - Pu Zolengthe
- ….Kanu in bawi tukum beh innlam hing pei in Christmass iman khawm louna zong asawtta hi chia ahing genlai in ken zong, Nu Pasal sakap a kuan saman lou in ka hing kile sih ding hi chi’n ka gen hi….”. Pu Thongkhanlal, Dy. Comdnt.
- Kalaisai sam ding teng in kei na hing enla un, kinaupang gige.. Pu K. Zou
- I nam ngainatna uh aneu tuam sih amabou I mimal lunggel (ideology) I nam sang in ingai sang zaw uhi. - Zouheisa
- ZSP Study Forum ah Student te hing thanuom pou leh uchin, kei pen i nam a dia amansa zing kahi. - Paulienthang, Sangsya, SF
ZSP Study Forum Bookshelf project adin November hachia Dirctor pU hauliankap puina toh Staff Nurse te kung ah khutdaw na nei hi ding hi. Tua leh Forum Library adia laibu poimaw vawt Science Rs.350man, leh Human right Rs.400 man laibu hing leipia/tua ding hing sui din Tv. Hausienmuan ngansie ahi. Maban ah ZSP Study Forum in na kung a laibu leina ding a khut ahing dawleh kiphal tah in na pia in, Delhi a na um thei gige na ding a na memorial ding a hing kibawlpia ding ahi.KALAISAI!!
ZSP Study forum- cum-Library Bookshelf project ading in Project Director Pu Hauliankap leh JNU a um imimuan mama uh Pu Kamminthang ten dangka 1000 tua in hingpanpi uhi. Tualeh Pi Grace Zamnu, President ZMA in zong ZSP Study forum dangka 200 in hing phungvuh Pu Thangminlian in zong dangka 100 in hingphung vuh hi. Amaute tung ah ZSP Study Forum Members zousie leh ZSP Delhi branch min in kipathu ka hing gen hi. Pasien in aletampi in gualzawl ta hen.
Kamlianlal Co-Ordinator
ZSP Study Forum- Cum-Library.
ZSP STUDY FORUM FELICITATION
ZSP Study forum in zani Kiginni November 1,2008 in Library office Pa Hauliankap inn Safdarjung Enclave ah tukum SSC Prelims Exam-2008 a loching a members te Tv. Thangsuanmung, Tv. Kamlianlal, Tv. Khailianmang leh Tv. Samuel Zou te leh Tv. Khailianmang in Tax-asistant amutha na kipapina class neizou in nei uhi. Zokuomthawn in zong kipahpi mama a maban a members dangte zong hapan sem din chielna bawl uhi. All credits goest to ZSP Study Forum teacher Pu Paulianthang Zou
ZOLENGTHE | Connecting the Zo people
I ki letsahpi leh Zo suonte hing kaankhawm ZOLENGTHE kum 1 chinna October 27, 2008 nin Pu Zolengthe inn, Munirka ah thupitah a lopna kinei. Tuona VVIP te ahileh Pu Haumuanlun Samte, Editor, ZogamThuthang. Pu Ngamkholen, Editor, PupaTimes. Pu Mangzamuan, Editor, KhalvontawiInfo. Pu Hausienmuan, Editor, Zouheisa ahi uhi. Rev. GK Samte in Editor teng thumsahna nei hi. Mipi tam tah peikhawm in annkuong imna zong nei uhi. ZSP G/Secy. in hun kem a, Pu Totong in hun honna nei hi. ZOD G/Secy T. Thangminlien in record bawl in apeikhawm papi teng in thugenna nei uhi. Tualeh Pi Zolengthe @ Irene Tungnung in Mobile News Editor teng min in Pastor pu Rev. GK Samte Zou thunpi khat pie hi. Nh. Cicily in Pu ZOLENGTHE tuhpa khuhsahna nei hi.ZOU LANGAI NOU NOU
Zo la Audio/MP3 CDs Zopatong Production “Leen Noplai”; Huivanu (Zotakuol-II) leh Pu Lengtong Pauno in abawl “Ka zua Ngaih” deite’n Pu ZOLENGHE kuungah kiman tah in lei thei.
---------------------------------------------------
A 16th Veina
Zou Sangnaupang Pawlpi Delhi Branch
FRESHER’S SOCIAL MEET 2008 REPORT
Dated 7th October 2008 thawlenni zinglam nai 11:00 Am apat in Jawaharlal Nehru University Community Centre, New Delhi ah Kumchin a ina ngalah leh ithanop pen uh ZSP Delhi Branch Fresher’s Meet 2008 noptah in kimang zou hi. Kum dang banglou tah in tukum in Nungah leh Tangval, Nupi-Papi, milip thanuam a ahun Zou ngeina dan chithei ding leh Kum teng a ina peipi zing bang un ahun tah in kipan theisih nanleh 2007 sang in nai 20 Minute vel in kifel zaw a, nuamtah in Cultural troupete puina toh ZSP Anthem “Thou Un..Thou Un..” chisa in Nu.Chinglian Hunpatna toh programe pat in um hi. Inneipi leh Pu (Host) Tv. Hausuankhai leh Nh. S. Vung Maryte’n zeitah in ZSP Fresher’s Social Meet Programe hingpui uhi.Tuachi’n Lamkaite Tv. Mangkholun President leh Tv. Hausienmuan in Hall sung ah Chief-Guestpu ahing peitheilou zieh in Guest of Honour Pu Thongkhanlal, Deputy Comaandant, CRPF Delhi, Chief Guest din hingpui lut ua, mipiten zahna etsahna in umna mun chiet ah kiding in, tamni Zou tangval leh ZSP Delhi branch Veteran I Dy.commandant uh Pu Thongkhanlal in hing uap piahi.
ZSP Delhi Branch kum 1992 in Delhi tualpi ah Zou Sangnaupang tamlou (10vel) na umten nampi ngainat zie leh khangsawn momnou simlaite khualna in nap hut khia uhi. Tuni chieng in Pasien inam Zou minam tung ah hoi a tukum 2008 Fresher’s Social Meet in Zou mipi 420 val (Zokuomthawn Editor in ana simza) kipunkhawm thei ta a, kum dang teng sang in kihulip in vaiguan loching zawhi. Kum 2007 November-2008 October tan in milip meltha (Freshers) 108 pha a, Numei 67 leh Pasal 41te vaidawnna kineithei ta hi. ZSP Delhi Branch President Tv. Mangkholun in vaidawn thugenna nei a, Freshers Introduction Tv.Kamlianlal in nei in, Rev. G.K Joshua (ZCF Pastor) in thumsahna leh vangpiehna nei a, Pu. K.Zou, Advocate Delhi High Court in hanthawn thugenna nei in Hat ding leh hangsan ding in Freshers teng vaiha hi. Tamni’n North-East Helpline te apatin Legal awareness ngaikhietna zong nei in um hi. Chief Guest Pu Thongkhanlal in sangnaupang te a ding in thupha tampi hingpua a, mipi lunglai a thamden athugen “ Ka nu kung ah Pasal sakap a kuan samanlou in inn ka hing kile sih ding hi…”chia a lungtang zousie toh agen in tunitan in mipi lungkhoi mama in sangnaupangte thathou sah mama hi. ZSP Delhi Branch Gen. Secretary Pu Ginshanglian in tawp kuan in ZSP nasepkhiet teng, maban a project umte simkhietna hing nei a maban ah zong kithutua tah in malam nawtkhawm din chielna bawl hi, tuazou in Nh. Lamneihoi Staff Nurse in kiphal tah a sangnaupangte ading a ahing tuah refreshment nekhawmna kinei hi. First Session sung in Nh. Naomi Muanching, Nh. Lamneichong, Nh. Roselyn leh Tv. Mungnou ten kilawmtah in zaidei awi vua mipite ustai mama uhi, amauteng tung ah ZSP Delhi Branch inkipathu kigen hi.
2nd Sesion: 5:00Pm: Host: Tv. Khiabieklian (Mr Freshers 2007) leh Nh. Rose Mary Mate (Miss Freshers 2006) ten hingpui uh. North Delhi ten Drama show leh Tv. Chinkhanlal Zou in Indo-Korean Stick Dance show present bawl hi. Tuachin Cultural Secretarypi Nh. Dimngai Lamkaihna toh Zou namlaam leh Sannemla thupitah in lahna um a, mipi peikhawm nupi-papite phulza in alai ah valaam ua gimneitah leh kilawm tah in ipupa namlaam present hing pieh uhi. Games and sport departmentte leh Education and Statistic department ten zong amau department chiet apat in nuamman hawmna nei uhi.
Mipi ten ana ngalah mama uh hunbei kuan lam in Mr.& Miss Freshers contest result phuankhiet in um a Miss Freshers 2008 ding in Prescila Hoinu Munirka leh Tv Khupmuanpau telkhiet in um a mipi hingpei khawmten maam kilapi in Camera phe liplep hi. Tuachin Pa Hauliankap in tawpna thumna nei in Annkuang imm khawmna kinei a, henglatah in kumkia 2009 Freshers meet haibang ngala kawm in innlam kizuan hi.
Note: Tomkimtah a Report kipia ahizia in akim lou leh gen ding a kilawm genkhalou a um leh kingaisiem din iki ngen uhi- Editor.
====================
EDITORIAL BOARD
Ginshanglian (9711056123)
Hausienmuan (9873997403)
Samuel Samte (9210656553)
Type Setting at
ZOLENGTHE COMPUTE
Munirka, New Delhi
No comments:
Post a Comment