Meithai Annual Conference om | I gam ah meithai dim

Lamka, Nov 5: Upper Lamka EBC biakinn ah tuni zinglam dak 9:30 in Widows Welfare Association, Asia te saina in “ Meithai Annual Conference-cum-Advent Christmas” zang uh a, huai ah meithai 1000 sanga tamzaw tel uhi. Tuni’n Special Guests in Cynthia Joah Mc Avoy, USA leh Sally Raye Fox, USA pang uh a, Col.Sandeep Kala, Addl.DIG 27-Sector Assam Rifles in leng thugen a, Rev.Dr. Khaizakham, Principal ECT in meithaite ading in thumsak hi.

Nitaklam in annekkhawmna om a, huai ading in 3-Assam Rifles te’n panpihna in antang bag 3, dal, sathau, singpi leh puanbuk pia uhi. Nov.7,2008 zing dak 9:00 in “Free Medical Camp” om ding a, Chief Guest in Col.Sandeep Kala, Addl.DIG 27- Sector A/R pangding a, Guest of Honour in Cynthia Joah Mc Avoy, USA leh Sally Raye Fox, USA pangding uhi. Medical Camp ah 3-A/R apan Dental doctor Dr. Mithun ban ah Medical doctor Dr.Tabu Maling leh Dr.S Mao te’n panpih ding uhi.



Source: http://zogam.com/index.php?option=com_content&task=view&id=4846&ac=0&Itemid=2