- Khai Minthang
Ka naupan deu lai in Pasian thugente'n, "Kristian te pen Pasian in leiung thupha pie ahizieh in a hausa lou thei sih uhi" ana chi ua, khenkhat kia in ahileh "Kristian te pen a neisa uh hawmsawn zing uh ahizieh in a zawng gige uhi" achi kia leuleu uhi.
Ka khuo ua Pu Kapmeng bangin Singngat a dawr (store) bawlpa khat kungah, "Nou vangam tung lou diing nahi uhi. Pasian in mihausate vangam atun sangun sangawngsau phinzam bilvang a alut abailam zaw diing hi' Laisiengthou in achi hi" ana chi tazen hi. Ama panna zong thudih kimkhat hithou, chi ou!
Alelang khat ah lah, "Nou bang diinga hichi zawn talawm lawm nahi ua, bawlkhiel khat nei a Pasian in ang taisan hiva.... Pasian a diing maitam khat bawl unlen na mawna uh suut ulechin Pasian in hing guolzawl nuom ahi... na zawn danpi uh sapsietna tang hi ulehchin kilawm" chi'n deisah kinei deudan in khatteng in agen thei zel uhi. Tami zong thudih kimkhat hithou!
Adiehin Pasian nasemte khu ang hausat sim uleh "nei leh lam hau seng uh, Pasian iitlou leh mi hepisiem lou, mi panpi nuomlou, ki-liensah, mi panpi nuom sih, etc" chi'n Pasian theiloute sanga et-ngiem zaw in aum uhi. Pasian nasemte ang zawn seng ulelah "Pasian deilou dan asem ua, khuchi khachi ahi ua...... Pasian in a gawtna ahi. Pasian na asep vangin vangam tung sih va" chidan aum zel hi. Khenkhat taleuleu in lah "Nou ka sawm-a-khat nete, bang diinga hing ngaisah lou, bang diinga thumang lou, etc." chi'n i kineisah mama uhi. Tami zong thudih kimkhat, sawm-a-khat Pasian peloute a diingin! chi ou! Tambang gente'n kumpi nasemte kungah zong "Nou ka khasana (tax) nete, bang diinga panpina khat ka nget leh aahluital, puondum, cha thakna bah (singpi (tea) dawnna diing), a percent, etc. pieh ngai sese nalai, bang diinga hing ngaisah lou, bang diinga thu manglou, etc.?" chite gen uleh kilawm mama napi tuabang gen diing aum zel sih hi. Tambang mite khu kumpi nasemte mai-et siem pen a pang nalai hileh kilawm.
A kumpi nasemte zong lah a sepna mun ua hausate tawh ki-gulluh in semloupi sem, bawl loupi bawl chi'n hausapa'n asuoi akaisah zel a, a hasum themkhat teng a hawm zel a, hausapa lah lungkim, ama lah lungkim himai. Pasian a lungkim diing vang gintathuoi sam tuon sih, izaw! Kumpi nasempa bang pawlpi makaite hi nalai in hunbit a pawlpi nasemte dihtat diingin a gumnaw a, ang dihtat zou deu lou chiengun bang a thangpai pen in apang nalai uhi. Tuabang mite biehinn kai taima mama in a sepnamun (posting) hilou in khopi sunga biehinnte ah a kaitampen a pang zaih nalai avele! "Zawng in ama kheng mulou a mi kheng a kou" chite tawh ki-eeh bah zel chi ou.
Pasian nasem sunsunte'n lah halaw mutheina diing maimai a sem chidan tampen diing. Pastor a biel a umlou bangza um? Pastor biel khat a khuo bangza um? Hakhat in bangza vei apha zou ei? Kum khat in la? Pawlpi office a nasemte zong na maimai tuonlou. Singtaang biel apat office a thupoimaw leh thukin ngaisut diing a hing peite'n office staff-te muzoulou! Staff-te a pawtkhiet chieng ua lah amau thaheng (in-charge) diing gina umlou, ama office a koima umlou hitop! Office staff-te gitnat lou zieh a khopi sunga gieh pawl um, zintunna diing mulou a office staff-te tawh kimulou a kile pawl um veve. A gieh sunsunte nitha lah koima'n piehsah lou.
Asem tahtahte lah pawlpi mi guuh siem, gingloute lah a semlou in gingtu hisate lah a sem in pawlpi mi atam theina diing ahi pouleh pawlpi danga gin-umte (faithfuls) vasol bawl in ama pawlpi a kailut. Tam pen i mission thupipen uh akhu. A chethei deu (themkhat a Ch K deute) in lah a pawlpi min suonga panpina ngen kawi kawi, mite'n gammiel avei seng zieh ua a neeh diing tang ang piehkhawm vevawte uh amau private bank account ah khumlut chet. Thunua thuma bangma umlou! Pasian in thei thouthou chi ou.
Laisiengthou zilte zong maimai lou, ang tam zil deudeu uleh lamkaipen/lutangpen diing hing ut, vision mu kinei in pawlpi tha hing keu zel. Pawlpi tha ang keu tawp lou lezong khopite a imi-isa kituohtah a khosate lah a mission hing pan in imi-isate thangmai loupa vasuo giap. Adang bang um nalai???
Sodom leh Gomorah hal diinga thukimna kilahna bang atai? Migin-um (faithful) mi 50 umlou, 45 umlou, 30 umlou, 20 umlou, 10 na-ngawn um nawnlou ahizieh a kihal akhu! Migin-um 10 na um maimai lezong Pasian in Sodom leh Gomorah hal lou diing dan ahi hi. Zogam kihal nailou zieh khu migin-um atam seng zieh ahi diing sangin sipdim khat (tulai ham hileh nill save) te zieh ade aw chi bang ngaidan ang pie hi.
(Edit nailou a hing kisuo ahia, simtute'n na edit ta un)
Source: http://khaiminthang.blogspot.com
Ka naupan deu lai in Pasian thugente'n, "Kristian te pen Pasian in leiung thupha pie ahizieh in a hausa lou thei sih uhi" ana chi ua, khenkhat kia in ahileh "Kristian te pen a neisa uh hawmsawn zing uh ahizieh in a zawng gige uhi" achi kia leuleu uhi.
Ka khuo ua Pu Kapmeng bangin Singngat a dawr (store) bawlpa khat kungah, "Nou vangam tung lou diing nahi uhi. Pasian in mihausate vangam atun sangun sangawngsau phinzam bilvang a alut abailam zaw diing hi' Laisiengthou in achi hi" ana chi tazen hi. Ama panna zong thudih kimkhat hithou, chi ou!
Alelang khat ah lah, "Nou bang diinga hichi zawn talawm lawm nahi ua, bawlkhiel khat nei a Pasian in ang taisan hiva.... Pasian a diing maitam khat bawl unlen na mawna uh suut ulechin Pasian in hing guolzawl nuom ahi... na zawn danpi uh sapsietna tang hi ulehchin kilawm" chi'n deisah kinei deudan in khatteng in agen thei zel uhi. Tami zong thudih kimkhat hithou!
Adiehin Pasian nasemte khu ang hausat sim uleh "nei leh lam hau seng uh, Pasian iitlou leh mi hepisiem lou, mi panpi nuomlou, ki-liensah, mi panpi nuom sih, etc" chi'n Pasian theiloute sanga et-ngiem zaw in aum uhi. Pasian nasemte ang zawn seng ulelah "Pasian deilou dan asem ua, khuchi khachi ahi ua...... Pasian in a gawtna ahi. Pasian na asep vangin vangam tung sih va" chidan aum zel hi. Khenkhat taleuleu in lah "Nou ka sawm-a-khat nete, bang diinga hing ngaisah lou, bang diinga thumang lou, etc." chi'n i kineisah mama uhi. Tami zong thudih kimkhat, sawm-a-khat Pasian peloute a diingin! chi ou! Tambang gente'n kumpi nasemte kungah zong "Nou ka khasana (tax) nete, bang diinga panpina khat ka nget leh aahluital, puondum, cha thakna bah (singpi (tea) dawnna diing), a percent, etc. pieh ngai sese nalai, bang diinga hing ngaisah lou, bang diinga thu manglou, etc.?" chite gen uleh kilawm mama napi tuabang gen diing aum zel sih hi. Tambang mite khu kumpi nasemte mai-et siem pen a pang nalai hileh kilawm.
A kumpi nasemte zong lah a sepna mun ua hausate tawh ki-gulluh in semloupi sem, bawl loupi bawl chi'n hausapa'n asuoi akaisah zel a, a hasum themkhat teng a hawm zel a, hausapa lah lungkim, ama lah lungkim himai. Pasian a lungkim diing vang gintathuoi sam tuon sih, izaw! Kumpi nasempa bang pawlpi makaite hi nalai in hunbit a pawlpi nasemte dihtat diingin a gumnaw a, ang dihtat zou deu lou chiengun bang a thangpai pen in apang nalai uhi. Tuabang mite biehinn kai taima mama in a sepnamun (posting) hilou in khopi sunga biehinnte ah a kaitampen a pang zaih nalai avele! "Zawng in ama kheng mulou a mi kheng a kou" chite tawh ki-eeh bah zel chi ou.
Pasian nasem sunsunte'n lah halaw mutheina diing maimai a sem chidan tampen diing. Pastor a biel a umlou bangza um? Pastor biel khat a khuo bangza um? Hakhat in bangza vei apha zou ei? Kum khat in la? Pawlpi office a nasemte zong na maimai tuonlou. Singtaang biel apat office a thupoimaw leh thukin ngaisut diing a hing peite'n office staff-te muzoulou! Staff-te a pawtkhiet chieng ua lah amau thaheng (in-charge) diing gina umlou, ama office a koima umlou hitop! Office staff-te gitnat lou zieh a khopi sunga gieh pawl um, zintunna diing mulou a office staff-te tawh kimulou a kile pawl um veve. A gieh sunsunte nitha lah koima'n piehsah lou.
Asem tahtahte lah pawlpi mi guuh siem, gingloute lah a semlou in gingtu hisate lah a sem in pawlpi mi atam theina diing ahi pouleh pawlpi danga gin-umte (faithfuls) vasol bawl in ama pawlpi a kailut. Tam pen i mission thupipen uh akhu. A chethei deu (themkhat a Ch K deute) in lah a pawlpi min suonga panpina ngen kawi kawi, mite'n gammiel avei seng zieh ua a neeh diing tang ang piehkhawm vevawte uh amau private bank account ah khumlut chet. Thunua thuma bangma umlou! Pasian in thei thouthou chi ou.
Laisiengthou zilte zong maimai lou, ang tam zil deudeu uleh lamkaipen/lutangpen diing hing ut, vision mu kinei in pawlpi tha hing keu zel. Pawlpi tha ang keu tawp lou lezong khopite a imi-isa kituohtah a khosate lah a mission hing pan in imi-isate thangmai loupa vasuo giap. Adang bang um nalai???
Sodom leh Gomorah hal diinga thukimna kilahna bang atai? Migin-um (faithful) mi 50 umlou, 45 umlou, 30 umlou, 20 umlou, 10 na-ngawn um nawnlou ahizieh a kihal akhu! Migin-um 10 na um maimai lezong Pasian in Sodom leh Gomorah hal lou diing dan ahi hi. Zogam kihal nailou zieh khu migin-um atam seng zieh ahi diing sangin sipdim khat (tulai ham hileh nill save) te zieh ade aw chi bang ngaidan ang pie hi.
(Edit nailou a hing kisuo ahia, simtute'n na edit ta un)
Source: http://khaiminthang.blogspot.com
No comments:
Post a Comment