"ET IN LAWM SANG"

Laphuahtu: Hang P"

Pupa satsa gam etlawm a
Sing le suong a phungching e
Zu le Va te'n lungtuoh zaila a awi
Et in lawmsang ipienna gam

Aw, a etlawm ka pienna gam
Ningzu Aisa a nienna gam
Tulpan kaita Tulzou ta e

Pupa satsa gam etlawmte
Single suong a phungchingte
Zu le Va lungtuohte thengzouta
Et in na sa'ng ipienna gam".

CRITICAL COMMENTARY

Zoukam a la kiphuah tam zawh in i gam mual-le-tang, sing-le-suangte en lawmdan a na awi uhi. Hinanleh tuhun in pen i gam leitang gaw velvul ta a, mualte lukiau siang ta a, achin-aha uh kimu phial hi. Pasian silsiam (nature) leh mihing silsiam/tawndan (culture) kizopna a kisiat chiang in i society ah buaina tampi piang thei hi.Etsahna din, singtang louhaw bang tulai a sialsiamte ngaikhohna (ecological concern) tawh kilem non lou ahilam i phoh hi. I la-teel in -

"Zu le va lungtuohte theng zouta

Et in na sa'ng i pianna gam"Singtang louhaw dan chi 2 om a, (1) Shifting/jhum cultivation, leh (2) Terrace cultivation, chite ahi uhi. "Jhum" sang in "terrace" chindan pen nature/culture selbuhna (balace) di'n deihuai zawh hi. India Mal-Suahlam leh Khamtung Gam a Zo/Zou kampaute teenna mun zousia singtang louhaw (jhuming) a neh suina mun ahi uhi. Nehsuidan hen hun ta a, tualeh louhawdan zong khel hing ngai ta hi. I pi-le-pute hun in singtang gam kining ching nalai a, mihing population zong tuni bang a tam nai lou hi. Tuaziah in nature/culture balance na om hamham a,"Pupa satsa gam etlawm a

Sing le suong a phungching e
Zu le Va te'n lungtuoh zaila a awi
Et in lawmsang ipienna gam"
chi la awi thei ding dinmun in na om hi.

I gam-le-lei a Pasian silsiamte zatdan siam a i zat leh a sung a teeng Zou tate hamphatna ding ahi. Pasian silsiamte pen ei a di'n "natural resources" ahia, a sung a mihingte pen "humanresources" ahi leuleu hi. Mihing hausatna leh Silsiam hausatnate kiselbuh tah a khantou sah ding i mawpuahna ahi.Laphuahtu muna pat in, tuni i Zou gamlei ah

tami silsiam-le-mihing (nature/culture) kitanauna kisia ta hi:

"Aw, a etlawm ka pienna gam
Ningzu Aisa a nienna gam
Tulpan kaita Tulzou ta e"

Minan khangtou i hi theina di'n Zou tate'n Zohui siang thou, tui-neh siangthou, tahsa damthei, lungsim damthei, i khang tawh kituah nehsuina, kipumkhatna, leh silsiam-le-mihing kipumkhatna kisam hi. Tuabang dinmun i tun ching in, mihingte gen lou, silsiam zu-le-vate nasan in"Et in lawmsang ipienna gam"

chi latha hing awi pi ding uhi.

David Vumlallian Zou