By: ZO Mang
Mimangthai-ici ciengin amipumpi mangthai ding cinaa hilo-in aminam atheitalo, aminam sungaa kipawlnaa neitalo, aminam ham, ngeinaa, athei talo, aminam dinmunaa ding talo e.t.c cite ahihi.Mimangthai isuo nadingun namtampi tah lampi kihongaa tua lampi-te bangteng ahei ci isut masang un leitung huolpi peizie tawmkhat isut masa ding uhhi. Leitung pen asun azan ciphielin kikheelkheel aa, ikimutkaal sunginzong anakikheel kheel nahigige hi. Mihingte pilnaa, siemnaa khangtosemsem in munaa, ngaihsutnaa tezong kizai semsem in nidangaa building golpi sungaa thucieptenaa laibu adim mielmuol aa kikoh tepen tuciengin letmat 14 kim agol computer mengno sungah tua building dim thuteng kikoihthei tahi. Tu semsem ciengin agolnaa khutpicie aphano khat sungah kikoih thei tehteh hi.
Tamin bang eimusah ei cileh leitung amengnokhat aa kibawl ahinaa eilah hi. Nidangin hlapi te aasi te enin tangmi isutsut uh aa, tu-in tua hlapi tungah mite teng thei tavalong hi. Tua beh thamlo hlapitung khuolzin nading kivaihawmin tu-in sum ineih leh hlapitungah khuol kizinthei tahi. Iopnaa munmun panin leitung kieulii ki-enthei-in kizomthei-in kithuzathei tahi.Tua dungzui-in UNO te aa kipanh in leitung gamzosie-in kipawlton aa naseptonthei nadingin kipawlnaa te kineih ta-aa, EU te kipawlnaa, Asean te kipawlnaa, Asean le EU kipawlnaa, UN le EU, UN- EU le Asean te kipawl thei nading lampi cite hing kihanciem toto tahi. Leitung pen gamkhat, khuokhat dan aa peiton thei nading ci lampi aa pei kihita -aa, tua dungzui-aa apei nuomlo, athutangpek, athusulo, athumanglo, anuomlo te pen leitung tuomkhat asui dinguh dan hing suoh tahi. Gentenaa; Kawlgam bang tamza-aa, gamzawng dinmun atunthei napen, Galkap kumpi te gitnatlo, thutangpek, thutahlo ziek ahiaa leitung tuomaa omtawh kibang pienpien hita hi. Eizong leitung tuomaa eikinuo sieding inop sih uhleh leitung bup huolpi peizie-enaa kipawlton, kipum khataa na isepton dinguh beh simlo in leitung peizie lampitung eitun zonding lampidang omkhollo khading hi.
Tua leh mimangthai isuothei nadingaa lampi akihlung itheikhop pawlkhat sut vavui.
Akhatnaa-ah; Ei male eimaa nopnaa tawh amangthai kiom hi.Tua te pen aminam thuse lo, zumpi, ahiziekin minamdang ham zangin aminam minzong koiman atheiding deihlo te ahihi.Va-ak nam civai.
Aninaa-ah; Atheilo, aphawk khaklo kikaalaa mimangthai suohzong kiom thei hi. Ni dang lai-in galkap tumding cipen kithupisah mama-in atawpnaa cieng theimanlo, phawkhaklo kaaal in galkap sungah zii neih ta neih-in a inn lamzong zuonzo talo-in mangthai suoh e.t.c cite omthei hi.
Athumnaa-ah; Leitung khanto na-in valtum, apilnaa le amunaa in minamvai tepen thumeng mama in ngaisun sah, musah in, gamkhangto munah om/teng-in aminam hinaa amansuo cite omthei hi. A deihhuoi tuonlo sungpanh adeihhuoi khat civai.
Aliinaa-ah; Ma le ma kikeikei ziekaa minam mangthai suonaa; Ipu ipa te paunak khat-ah "Aata kitutu mu-in taw" acikhat omhi. Zo kicipen mimal tamkhollo te ihi uoa, tua ban-ah ham namkhat, ngaihnaa khat, laikhat lien akibangaa zangte ahiziekun hamphat nakhat hi kicithei hi.Tua ziekin ikipumkhatnuom uhlehzong asepnaa ahamsaluo loding ahi-aa, tuamabangin alangkhatah aom thu pen isepnuom sihuoa ahileh iham ingainaa ilai te minamdang ten ei theipiek khollo ahiziekin imanthai nadingzong hamsaluo loding hi. Tua kawmkal ah iminam, iham, ingainaa te khuolo beh le kipumkhat aa dinding septon dingte lunglut behlo tham lo-in, eima le eima ikeikei sawm uhleh pen tua in imanthai nading uh ah olsamtahaa eitun piding ahihi.Bieknaa tuom cietaa i op uhpen kilangmunaa, kikhennaa dan khataa ineikhak dinguh adahuoi, azauhuoi ding ahihi. Atuomtuom aa iop uhpen ithagui tamnaa, izunghla tamnaa-aa izah theidinguh kisam dinghi. Pawlpi veiluo kisa-aa, ipawlpi sungaa omlote idangmu dinguhpen adeih huoilo mama khat ahihi.Pasien deinaa tawhzong kituoh malmal lohi. Tuama bangin minam veiluo aa minamdangte idangmu ding uhzong deihuoi mama lohi.Hittler minam veidan pen adeihhuoi khollo hizaw hi. Muntuomtuom gamtuomtuom pawl tuomtuom aa iopnaa unh pen Zo kipawlton nadingaa, Zo khanto nadingaa, Zo kipumkhat nadingaa thagui te isuosah dinguh kisam hi.Tuadan hilo-aa, ma leh ma ikikeikei sawm uhleh tua-in manthai nading mun itun mengmeng nading lampi hing hiding hi.
Angaanaa-ah; Nuntat hamsat naa ziekaa minam mansuo; Tampen tulien aa kawlgam mite dinmun hipipen civai. Kawlgam in suotatnaa anga masangin ipu te ipa ten agen iza uh aa, hunnop dan asutsut uhhi. Ka pa'n ei sisan masangin "asawt lociengin nadeihbangun khuol nazin thei tasih ding uhhi" eici tu ciengin ka phawk panh hi. Tumaa 1969 kumaa eigen hi. Kawlgam mi cietciet pen ID card ineitei hangin kawlgamsung ideihdeih na-ah kizin thei talo hi. Suotatnaa ingazaw asawt lo-in makaipa Boo Choh Aungsan hing kithat aa tua zo-in UNu in kumpi angsem to-in tua hun aa pat kawlgamsung genthei na angkipanh topai hitahi. Nek leh dawn hamsat beh hilo-in kumpi te mama in minam dangte manthai nading le Christian manthai nading hingsem uhaa, UNu bangin kawlgam bieknaa pen Bubdhish hidinghi ci-in gen khiengai lai hi. Tua danin hingpei toto aa, kumpite gitnat lo ziekin tu-in kawlgam pen gamzawng penpen dingmun ah kitungtahi.
Tua hamsatnaa panh suotat nadingin mason cietah lampi sui-in kihanciem ciet tama leh lampi dang tam khol lo-in gamhaugam tun thei nading cile bieknaa lampan Sponsor nga-aa, kawlgamsung ma-aa nek leh dawn kisam lo-aa omthei nading ci lampi ni(2)ah akitaiciet kisuoh hi.Tuabang tengtawh kithethang gawp mangsiengin itunnaa gam cietah inuntat nading kisui-in tua kawmkal ah itate akhangto in ingainaa te ci nawn sihvai-in iham nangawn thei talo in tua dan in minam mangthai akisuo siengding dinmun lampi ah ataitai kihi khathei mawk ding hi.Kawl galkapkumpi te in tamdinmun itun nading uoa mipi-in athei siem luotlo asepnaa khat uh atangtun uh zong kicithei hi. Tampen igamsung kumpi te gitnat lo ziekaa, minammangthai isuo nading uh lampi adeihhuoi tuonlo sungpanh adeihhuoi khat ahihi.
Aguhnaaa-ah; Bieknaa ziekaa minam mangthai suonaa; Tang thukan ten theisiem zawkan lai dinghi.A deuhdeuh in ei Zo/Chin te sungah zauhuoi phadiek in kamu hi.IPasien thusan dan uhpen dihsih cidingsiangin, langlep kacinuom hi.Mi pawlkhat bang angpiengtha tah ciengin Zogam singhumnet aa pieng, apiennaa, aguiagau ithei te mama ang pientha ciengin a Zoham nangawn angpiengtha sahin hamtuom angnamtuompo angsuo tahi. Apiengtha ten Zoham zangtalo dinghi cinaa laisiengtho mun om hileh kilawm vawt hi. Rev. ThawngKhanSing ii thugen kaphawk gige khat pen, "Topa Zeisu in leibeel te atha suohsah hilo in aomsa penmah puosiengtho in anazang hi" aci khat pen dih kasa mama hi. Pasien sungaa ipiengtha na-uhpen minam nuosie, ham nuosie,le ngainaa te nuosie nading dan-aa, asangtawh ikibang ta uhhi. Gupnaa cipen akicing hi-aa, eikipuothasah, ei kicingsah, ei siengthosah kia hizaw-aa, ( Itate leivui poh angban ciengin tuitawh isawpsieng kia uhhi.
Amipumpi-apai cibang omngeisam lohi. Aniehnaa munteng tuitawh kisilsiengtho hi.).Ahihangin Zo/Chin te Pasien sungaa piengtha na-in minam leh ngainaa te nuosie nadingdan tawh hing kisun tavalong ahiziekin tua-in iminam manthai nading lampi hoi, paulaphoi mama khat suohhi. Ipiengtha zo ciengun minamvai cite ikidah tawh akibangdanin i om tawh ikibang ta uhhi. Minam kipawlton thei nading, minam khanto nading thu anggen te, a-ngiemmu tawh ikibang danta uhhi. Tua ziekin ibieknaa uhle, I Pasien thusan danuh etphat kia kulleh kilawm kasa hi.Zeisu pen aminamte dingaa hingkum masa nahizawlai thamhi. Minam min tuong pawlpi Zo Baptish Associasion ( ZBA ) le Zo Presbyterian Synod pawlpi cia (2) veuvo inei uhpen tuasungaa aomlo Zo kipiengthasah pawlkhat in hulo beh thamlo-in, asimmaw, anuisan dantawh kibangin a omtawh ikibang uhhi.
Tua banah a ZBA le a ZO Synod kikal ahzong enlei, a ZoSynod in ngii to-in, a ZBA in ahapsuh dan tawh kibangin aomdan isun uhhi. Tambang aa imu isan naa te ii amongah iphattuom, ikhanto nading mengno khatzong omvawt lohi. Tam dan in Zo tepen ibieknaa in eivaltum mangsiengding lampi tungah aki kalsuonsuon gige hilei kilawm kasa hi. Imai aa singkungmeng khatin eilie ziekaa tua singkung pang lamaa agolmama, azai mama bawlung kimawlnaa phuolpi imulo tawh kibangthei khading hi.Tua bawlung kimawlnaa phuolpi imuzo nadingun imai-aa eilie singkung mengno pen ikhinkhiet/ kalkhat isuonphei dinguh kisam hi. Tampen bieknaa ziekaa manthai nading lampi hi.
Asaginaa-ah; Polictics neilo ziekaa minam mangthai suo nading lampi; Aginalo mahsahlah UNiwin hun lai-in Tonzang gamle Tamu gamah thunei vaihawmnaa sabuoi le tonaa neilai ihi uhleh leitung gamzosie. mizosie ci phielin adeih, atup Democracy hun ah mun inei nading deih huoi zawkan lo ding ii?hinapi-in..leitung gambup zosie le mizosie in adeih atup Democracy nga nading kalsuonnaa 1990 kum kiteel naa angtuntah ciengin Zo te igam Tonzang le Tamu gamah MP khatzong kiding zole talo hi. Democracy cipen ahoi mama le azau huoi mama khat ahihi.
Na isepton thei uhleh khanto nadingin ei tawsawn den ki uk naa hoi khat ahi-aa, iki pumkhat thei sih uoa leh, salsuo nading aa ei tawsawn ding ki uk naa hoikhat ahihi. Sal suokbek lo-in minam mangthai isuo nadingin eitawsawn ding ki uk nazong hithei lai hi. Tam tawh kisai-in limngaihsut cietding in khatsim hingciel phapha ing. Adahuoi i Pasien thusan dan unzong thu honkhat supawi hi. Bangte lah? Pasien pen hla bek akhuol dan in isang uoa, tam leitung akhuol talo danin isang uhhi.Bangziekaa nacithei? Pasien nasem atamzaw in keipen Pasien nasem ka hi-aa, minamvai, polictics vai cite kei nasep hilo hi-ici den uh thu ahihi. Pasien in asiemsa leitung pen itlo in om ngaingai lo ding hi cipen laisiengtho enlo in hicingaihsut beh tawhzong kigenthei hi. I inn sungaa i beelme nangawn it lai ihi leh tam leitungpi pen asiem pan bangding aa itlo aa om valong ding adiaei......Tua dungzui-in asiemsa amameel sun-aa asiem mihingte it zaw tham ahi ziekin asisan le anuntat naatawh einatan ngekgnek lai hi.
Ei tatsa, asiemsa tamleitung le asungaa om nazosie le mihing te kilem tah aa aopding Pasien in deisihvak icithei valong diaei... Tua ban-ah asiemsa mihingte khat le khat aki dodo aa, akikawkaw ding adeih valong diaei......Asiemsa mihing te kipumkhat lo aa, akithethang ding adei valong diaei......Asiemsa mihing te khangto lo aa, genthei tah aa anuntat ding adei valong diaei...Asiemsa mihingte sila aa akineihding adeih valong diaei..... Tua ziekin Polictcs cipen miginalo, milungsim hoilo, Pasien theilo/neilo ten apeikhiel pi hangin atahtah in ngaisun uhlei gamsungaa ateng gammizosie ii thusuhthuto khensatnaa apieding polictics ahiziekin anamtui le athupi mama hizaw hi. Ciciengin Pasien nasemten Polictics ah mun lading cinaa hipaisam lo-aa, Zo akicizosie pen Chrtistian bieknaa sungle pawlpi khatcietaa ki-om sieng ahiziekin minam khanto nading, minam kipumkhat nading cite ah sepzieding le kalsuon zieding te pawlpi ciet pan-in gen uhlei Zo buppi tung akigen suohpai dingaa, tua pan in minam vai khat popo tawh kisai kisuhtuo naa, geelnaa, sutnaa, sepnaa te hing tangzai zawding aa, tua lampi-itun zo nadingun Pawlpi khatsim aa Sie te in theisiem ding kisam hi.
Minam khanto nading, kipumkhat nading cipen Pasien in deilo thei ngaingai lo dinghi.Gam ineisih uoa, polictics ah panmun neilo aa Democracy in eimakaih nakleh Pasien deihlo ahi mite sila suonaa, minam manthainaa, mite khutnei aa bohvanaa ah akitung thei luoding ahihi Tuate Pasien deihlo ahi dungzui-in tua Pasien deihlo thute atunlo nading aa agen avaihawm le amapui alamlah dingin Pasien nasem kicite in mawpuonaa neilo hi kicingam lo dinghi. Pasien in amite amau gam-ah amau mama vaihawm-in kilemdildiel tah-aa aomton litletding adeih ahihi.Tua in anam tui, adeihhuoi, asephuoi, adih athuman polictics ahihi. Tua ziekin polictics neilo aa i-op suohding le keinasep hisih cia i-op suoh khak ding uhpen uhpen azau huoi, adeihhuoi hetlo le, imanthai nading lampi thapie zong kisuo loding kicingam lo dinghi.Tamin polictics inei sih uhleh azauhuoi imanthai nading lampi ahihi.
Minam aading it leh deihsah luot natawh ki-at tamlai tungah khielnaa omte, theisiem dingin thum ahihi.
Mimangthai-ici ciengin amipumpi mangthai ding cinaa hilo-in aminam atheitalo, aminam sungaa kipawlnaa neitalo, aminam ham, ngeinaa, athei talo, aminam dinmunaa ding talo e.t.c cite ahihi.Mimangthai isuo nadingun namtampi tah lampi kihongaa tua lampi-te bangteng ahei ci isut masang un leitung huolpi peizie tawmkhat isut masa ding uhhi. Leitung pen asun azan ciphielin kikheelkheel aa, ikimutkaal sunginzong anakikheel kheel nahigige hi. Mihingte pilnaa, siemnaa khangtosemsem in munaa, ngaihsutnaa tezong kizai semsem in nidangaa building golpi sungaa thucieptenaa laibu adim mielmuol aa kikoh tepen tuciengin letmat 14 kim agol computer mengno sungah tua building dim thuteng kikoihthei tahi. Tu semsem ciengin agolnaa khutpicie aphano khat sungah kikoih thei tehteh hi.
Tamin bang eimusah ei cileh leitung amengnokhat aa kibawl ahinaa eilah hi. Nidangin hlapi te aasi te enin tangmi isutsut uh aa, tu-in tua hlapi tungah mite teng thei tavalong hi. Tua beh thamlo hlapitung khuolzin nading kivaihawmin tu-in sum ineih leh hlapitungah khuol kizinthei tahi. Iopnaa munmun panin leitung kieulii ki-enthei-in kizomthei-in kithuzathei tahi.Tua dungzui-in UNO te aa kipanh in leitung gamzosie-in kipawlton aa naseptonthei nadingin kipawlnaa te kineih ta-aa, EU te kipawlnaa, Asean te kipawlnaa, Asean le EU kipawlnaa, UN le EU, UN- EU le Asean te kipawl thei nading lampi cite hing kihanciem toto tahi. Leitung pen gamkhat, khuokhat dan aa peiton thei nading ci lampi aa pei kihita -aa, tua dungzui-aa apei nuomlo, athutangpek, athusulo, athumanglo, anuomlo te pen leitung tuomkhat asui dinguh dan hing suoh tahi. Gentenaa; Kawlgam bang tamza-aa, gamzawng dinmun atunthei napen, Galkap kumpi te gitnatlo, thutangpek, thutahlo ziek ahiaa leitung tuomaa omtawh kibang pienpien hita hi. Eizong leitung tuomaa eikinuo sieding inop sih uhleh leitung bup huolpi peizie-enaa kipawlton, kipum khataa na isepton dinguh beh simlo in leitung peizie lampitung eitun zonding lampidang omkhollo khading hi.
Tua leh mimangthai isuothei nadingaa lampi akihlung itheikhop pawlkhat sut vavui.
Akhatnaa-ah; Ei male eimaa nopnaa tawh amangthai kiom hi.Tua te pen aminam thuse lo, zumpi, ahiziekin minamdang ham zangin aminam minzong koiman atheiding deihlo te ahihi.Va-ak nam civai.
Aninaa-ah; Atheilo, aphawk khaklo kikaalaa mimangthai suohzong kiom thei hi. Ni dang lai-in galkap tumding cipen kithupisah mama-in atawpnaa cieng theimanlo, phawkhaklo kaaal in galkap sungah zii neih ta neih-in a inn lamzong zuonzo talo-in mangthai suoh e.t.c cite omthei hi.
Athumnaa-ah; Leitung khanto na-in valtum, apilnaa le amunaa in minamvai tepen thumeng mama in ngaisun sah, musah in, gamkhangto munah om/teng-in aminam hinaa amansuo cite omthei hi. A deihhuoi tuonlo sungpanh adeihhuoi khat civai.
Aliinaa-ah; Ma le ma kikeikei ziekaa minam mangthai suonaa; Ipu ipa te paunak khat-ah "Aata kitutu mu-in taw" acikhat omhi. Zo kicipen mimal tamkhollo te ihi uoa, tua ban-ah ham namkhat, ngaihnaa khat, laikhat lien akibangaa zangte ahiziekun hamphat nakhat hi kicithei hi.Tua ziekin ikipumkhatnuom uhlehzong asepnaa ahamsaluo loding ahi-aa, tuamabangin alangkhatah aom thu pen isepnuom sihuoa ahileh iham ingainaa ilai te minamdang ten ei theipiek khollo ahiziekin imanthai nadingzong hamsaluo loding hi. Tua kawmkal ah iminam, iham, ingainaa te khuolo beh le kipumkhat aa dinding septon dingte lunglut behlo tham lo-in, eima le eima ikeikei sawm uhleh pen tua in imanthai nading uh ah olsamtahaa eitun piding ahihi.Bieknaa tuom cietaa i op uhpen kilangmunaa, kikhennaa dan khataa ineikhak dinguh adahuoi, azauhuoi ding ahihi. Atuomtuom aa iop uhpen ithagui tamnaa, izunghla tamnaa-aa izah theidinguh kisam dinghi. Pawlpi veiluo kisa-aa, ipawlpi sungaa omlote idangmu dinguhpen adeih huoilo mama khat ahihi.Pasien deinaa tawhzong kituoh malmal lohi. Tuama bangin minam veiluo aa minamdangte idangmu ding uhzong deihuoi mama lohi.Hittler minam veidan pen adeihhuoi khollo hizaw hi. Muntuomtuom gamtuomtuom pawl tuomtuom aa iopnaa unh pen Zo kipawlton nadingaa, Zo khanto nadingaa, Zo kipumkhat nadingaa thagui te isuosah dinguh kisam hi.Tuadan hilo-aa, ma leh ma ikikeikei sawm uhleh tua-in manthai nading mun itun mengmeng nading lampi hing hiding hi.
Angaanaa-ah; Nuntat hamsat naa ziekaa minam mansuo; Tampen tulien aa kawlgam mite dinmun hipipen civai. Kawlgam in suotatnaa anga masangin ipu te ipa ten agen iza uh aa, hunnop dan asutsut uhhi. Ka pa'n ei sisan masangin "asawt lociengin nadeihbangun khuol nazin thei tasih ding uhhi" eici tu ciengin ka phawk panh hi. Tumaa 1969 kumaa eigen hi. Kawlgam mi cietciet pen ID card ineitei hangin kawlgamsung ideihdeih na-ah kizin thei talo hi. Suotatnaa ingazaw asawt lo-in makaipa Boo Choh Aungsan hing kithat aa tua zo-in UNu in kumpi angsem to-in tua hun aa pat kawlgamsung genthei na angkipanh topai hitahi. Nek leh dawn hamsat beh hilo-in kumpi te mama in minam dangte manthai nading le Christian manthai nading hingsem uhaa, UNu bangin kawlgam bieknaa pen Bubdhish hidinghi ci-in gen khiengai lai hi. Tua danin hingpei toto aa, kumpite gitnat lo ziekin tu-in kawlgam pen gamzawng penpen dingmun ah kitungtahi.
Tua hamsatnaa panh suotat nadingin mason cietah lampi sui-in kihanciem ciet tama leh lampi dang tam khol lo-in gamhaugam tun thei nading cile bieknaa lampan Sponsor nga-aa, kawlgamsung ma-aa nek leh dawn kisam lo-aa omthei nading ci lampi ni(2)ah akitaiciet kisuoh hi.Tuabang tengtawh kithethang gawp mangsiengin itunnaa gam cietah inuntat nading kisui-in tua kawmkal ah itate akhangto in ingainaa te ci nawn sihvai-in iham nangawn thei talo in tua dan in minam mangthai akisuo siengding dinmun lampi ah ataitai kihi khathei mawk ding hi.Kawl galkapkumpi te in tamdinmun itun nading uoa mipi-in athei siem luotlo asepnaa khat uh atangtun uh zong kicithei hi. Tampen igamsung kumpi te gitnat lo ziekaa, minammangthai isuo nading uh lampi adeihhuoi tuonlo sungpanh adeihhuoi khat ahihi.
Aguhnaaa-ah; Bieknaa ziekaa minam mangthai suonaa; Tang thukan ten theisiem zawkan lai dinghi.A deuhdeuh in ei Zo/Chin te sungah zauhuoi phadiek in kamu hi.IPasien thusan dan uhpen dihsih cidingsiangin, langlep kacinuom hi.Mi pawlkhat bang angpiengtha tah ciengin Zogam singhumnet aa pieng, apiennaa, aguiagau ithei te mama ang pientha ciengin a Zoham nangawn angpiengtha sahin hamtuom angnamtuompo angsuo tahi. Apiengtha ten Zoham zangtalo dinghi cinaa laisiengtho mun om hileh kilawm vawt hi. Rev. ThawngKhanSing ii thugen kaphawk gige khat pen, "Topa Zeisu in leibeel te atha suohsah hilo in aomsa penmah puosiengtho in anazang hi" aci khat pen dih kasa mama hi. Pasien sungaa ipiengtha na-uhpen minam nuosie, ham nuosie,le ngainaa te nuosie nading dan-aa, asangtawh ikibang ta uhhi. Gupnaa cipen akicing hi-aa, eikipuothasah, ei kicingsah, ei siengthosah kia hizaw-aa, ( Itate leivui poh angban ciengin tuitawh isawpsieng kia uhhi.
Amipumpi-apai cibang omngeisam lohi. Aniehnaa munteng tuitawh kisilsiengtho hi.).Ahihangin Zo/Chin te Pasien sungaa piengtha na-in minam leh ngainaa te nuosie nadingdan tawh hing kisun tavalong ahiziekin tua-in iminam manthai nading lampi hoi, paulaphoi mama khat suohhi. Ipiengtha zo ciengun minamvai cite ikidah tawh akibangdanin i om tawh ikibang ta uhhi. Minam kipawlton thei nading, minam khanto nading thu anggen te, a-ngiemmu tawh ikibang danta uhhi. Tua ziekin ibieknaa uhle, I Pasien thusan danuh etphat kia kulleh kilawm kasa hi.Zeisu pen aminamte dingaa hingkum masa nahizawlai thamhi. Minam min tuong pawlpi Zo Baptish Associasion ( ZBA ) le Zo Presbyterian Synod pawlpi cia (2) veuvo inei uhpen tuasungaa aomlo Zo kipiengthasah pawlkhat in hulo beh thamlo-in, asimmaw, anuisan dantawh kibangin a omtawh ikibang uhhi.
Tua banah a ZBA le a ZO Synod kikal ahzong enlei, a ZoSynod in ngii to-in, a ZBA in ahapsuh dan tawh kibangin aomdan isun uhhi. Tambang aa imu isan naa te ii amongah iphattuom, ikhanto nading mengno khatzong omvawt lohi. Tam dan in Zo tepen ibieknaa in eivaltum mangsiengding lampi tungah aki kalsuonsuon gige hilei kilawm kasa hi. Imai aa singkungmeng khatin eilie ziekaa tua singkung pang lamaa agolmama, azai mama bawlung kimawlnaa phuolpi imulo tawh kibangthei khading hi.Tua bawlung kimawlnaa phuolpi imuzo nadingun imai-aa eilie singkung mengno pen ikhinkhiet/ kalkhat isuonphei dinguh kisam hi. Tampen bieknaa ziekaa manthai nading lampi hi.
Asaginaa-ah; Polictics neilo ziekaa minam mangthai suo nading lampi; Aginalo mahsahlah UNiwin hun lai-in Tonzang gamle Tamu gamah thunei vaihawmnaa sabuoi le tonaa neilai ihi uhleh leitung gamzosie. mizosie ci phielin adeih, atup Democracy hun ah mun inei nading deih huoi zawkan lo ding ii?hinapi-in..leitung gambup zosie le mizosie in adeih atup Democracy nga nading kalsuonnaa 1990 kum kiteel naa angtuntah ciengin Zo te igam Tonzang le Tamu gamah MP khatzong kiding zole talo hi. Democracy cipen ahoi mama le azau huoi mama khat ahihi.
Na isepton thei uhleh khanto nadingin ei tawsawn den ki uk naa hoi khat ahi-aa, iki pumkhat thei sih uoa leh, salsuo nading aa ei tawsawn ding ki uk naa hoikhat ahihi. Sal suokbek lo-in minam mangthai isuo nadingin eitawsawn ding ki uk nazong hithei lai hi. Tam tawh kisai-in limngaihsut cietding in khatsim hingciel phapha ing. Adahuoi i Pasien thusan dan unzong thu honkhat supawi hi. Bangte lah? Pasien pen hla bek akhuol dan in isang uoa, tam leitung akhuol talo danin isang uhhi.Bangziekaa nacithei? Pasien nasem atamzaw in keipen Pasien nasem ka hi-aa, minamvai, polictics vai cite kei nasep hilo hi-ici den uh thu ahihi. Pasien in asiemsa leitung pen itlo in om ngaingai lo ding hi cipen laisiengtho enlo in hicingaihsut beh tawhzong kigenthei hi. I inn sungaa i beelme nangawn it lai ihi leh tam leitungpi pen asiem pan bangding aa itlo aa om valong ding adiaei......Tua dungzui-in asiemsa amameel sun-aa asiem mihingte it zaw tham ahi ziekin asisan le anuntat naatawh einatan ngekgnek lai hi.
Ei tatsa, asiemsa tamleitung le asungaa om nazosie le mihing te kilem tah aa aopding Pasien in deisihvak icithei valong diaei... Tua ban-ah asiemsa mihingte khat le khat aki dodo aa, akikawkaw ding adeih valong diaei......Asiemsa mihing te kipumkhat lo aa, akithethang ding adei valong diaei......Asiemsa mihing te khangto lo aa, genthei tah aa anuntat ding adei valong diaei...Asiemsa mihingte sila aa akineihding adeih valong diaei..... Tua ziekin Polictcs cipen miginalo, milungsim hoilo, Pasien theilo/neilo ten apeikhiel pi hangin atahtah in ngaisun uhlei gamsungaa ateng gammizosie ii thusuhthuto khensatnaa apieding polictics ahiziekin anamtui le athupi mama hizaw hi. Ciciengin Pasien nasemten Polictics ah mun lading cinaa hipaisam lo-aa, Zo akicizosie pen Chrtistian bieknaa sungle pawlpi khatcietaa ki-om sieng ahiziekin minam khanto nading, minam kipumkhat nading cite ah sepzieding le kalsuon zieding te pawlpi ciet pan-in gen uhlei Zo buppi tung akigen suohpai dingaa, tua pan in minam vai khat popo tawh kisai kisuhtuo naa, geelnaa, sutnaa, sepnaa te hing tangzai zawding aa, tua lampi-itun zo nadingun Pawlpi khatsim aa Sie te in theisiem ding kisam hi.
Minam khanto nading, kipumkhat nading cipen Pasien in deilo thei ngaingai lo dinghi.Gam ineisih uoa, polictics ah panmun neilo aa Democracy in eimakaih nakleh Pasien deihlo ahi mite sila suonaa, minam manthainaa, mite khutnei aa bohvanaa ah akitung thei luoding ahihi Tuate Pasien deihlo ahi dungzui-in tua Pasien deihlo thute atunlo nading aa agen avaihawm le amapui alamlah dingin Pasien nasem kicite in mawpuonaa neilo hi kicingam lo dinghi. Pasien in amite amau gam-ah amau mama vaihawm-in kilemdildiel tah-aa aomton litletding adeih ahihi.Tua in anam tui, adeihhuoi, asephuoi, adih athuman polictics ahihi. Tua ziekin polictics neilo aa i-op suohding le keinasep hisih cia i-op suoh khak ding uhpen uhpen azau huoi, adeihhuoi hetlo le, imanthai nading lampi thapie zong kisuo loding kicingam lo dinghi.Tamin polictics inei sih uhleh azauhuoi imanthai nading lampi ahihi.
Minam aading it leh deihsah luot natawh ki-at tamlai tungah khielnaa omte, theisiem dingin thum ahihi.
No comments:
Post a Comment