D. K. Khup, New York
dokkhup@yahoo.com
dokkhup@yahoo.com
Leitung Bup Zomi Innkuan kipawlna neih ding pen thupi mahmah a, i ki sap mahmah kipawlna khat hi ding in zong ka mu hi.
A om sa gam tuamtuam a Zomi Innkuan kipawlna te en kik leng, nopna dahna ah ki uap in kidappih, ki lungdam pih thei Zomi te i hih man in kipawlna i manphat na ki gen zo lo hi. Florida Zomi Innkuan bang en pak leng, mawtaw tawh 70/80 mph tawh nai 2, 3 bang a ki hawl na pek pan ki pha zo in, zingsang nai 7, 8 pawl a na sem kuan kik ding hi na pi, zan 12, zingsang nai 1 bang ciang ki khen zo pan thei in, ki gualnuam mahmah thei zel hi. A diakdiak in Zomite nopna dahna ah a kidahpih, aki nuampih siam minam i hih man in Leitung Bup Zomi Innkuan kipawlna nei mah leng zong ki phapha zo takpi in Global Village a ki cih mah bangin Global Zogam dan zong hong piang zo mai takpi ding in ka lamen hi. Ki muhkhop na, ki mel theih zawh na pan phattuamna tuamtuam hong piang ding hi. Gam tuamtuam ah Zomi Innkuan kipawlna tuamtuam zong nei khin zo i hih man in Leitungbup Zomi Innkuan zong i neih ding a thupi mahmah hi ka sa hi.
A beisa hunte ah, gam tuamtuam a om Zomi Innkuan kipawlna te¢ sep nate en kik leng nopna, dahna ah ki uap cih loh thudang a ki sem tam hetlo mawk hi. Tua ahih man in Leitung bup Zomi Innkuan kipawlna in bang giimna nei dinga, bang lam sem khia ding cih thupi mahmah ding in ka ngaihsun hi. Tukim ZONET ah i thu khah khiat te en kik leng Refugee vai tampen a, tu kim Zomite buaipih thu leh mailam bangtan hiam khat mah a ki buaipih ding thu hi. Tu hun, tu khang pen Leitung taangthu (World History) en kik leng a khantot manlang dan a ki gen zo lo, abeisa khangte tawh a ki bang het lo in a ki khantot mahmah hun hi. Asia gam pan bang en leng khantot zawk nang lunggulhna tawh
Japan, Korea, Taiwan cih gamte na gawn pan in USA, Canada cihte ah a peem (emigrate) na tam mahmah mawk hi. Tua bang mite en leng skilled workers ( Siamna nei na sem ) hi pha zaw a hih man in, a mau a ding peem theih nang lampi tuamtuam na om zaw deuh hi.
Undeveloped/ developing/ totalitarian countries gamte pan in mitampi peem theih nang lampi pen refugee lam mah hi sa ingh. Loatians Refugees te bang USA (a tam zaw ) leh Europe gam te ah resettlement half a million kim bang na om mawk hi. Laos Total Population buppi i 20% khawng bang hi mai ding hi. I gam siat na zui leh i gam population zui in en leng ei Kawlgam pan in Refugee Resettlement ngah a tawm mahmah lai hong suak hi. A thu van mihing mah a hih man in, a phutsiam, i hih na ki lahsiam, ki gen dan siam thupi mahmah in ka um hi. Zomi deihte leh Chin deih te kawmkal bang en kik leng i Chin deih sanggam Haka lam te bang ei Zomi deih lamte sang gamthu, minam thu ah na masuak zaw a, hamphatna zong tam na ngah zaw pah hi. Zum lam phut siam zaw a, ki lahsiam, ki gen siam zaw mawk hi. Gam vai, minam vai resources hoih pawl khat ki cian tak in internet ah koih zo uh a hih man in, i Chin/ Zomi vai tawh ki sai thu, refugee/asylum vai te ah thuvan attorneys,
judges, representatives tuamtuam te in i Haka lam te i at thu leh la te mah guide in na nei pah hi. Human Rights vai, gamvai tawh ki sai kipawlna hoih tak na nei thei in, kumpi tawh register bawl a, kipawlna ki cian khat hi cin lah theih ding in physical address, internet homepage ( e.g http://www.chro. org ) te kician tak in na nei hi. Tua zui in UN, US Congress te leh a dang gam dang kumpi tuamtuam leh NGO¢s kipawlna tuamtuam te ah kalsuan na nuamtak nei thei in, midang ten theih pih pah uh hi. Law/Politics/ Government tawh ki sai thusin na te ah masuak zaw uh aa, biakna tawh kipawlna te in thapia in huh aa, gamvai tawh ki sai thuhilhna, thusinsak na zong nei zel hi tuak hi.
Malaysia ah Z.A.M makaih na tawh ei Zomi deih lamte in mi nungzuih supna, picing zawhloh na, zekai luatna te hong mukhia in, ei leh leh ki makaih in, i Zomi, i Zogam a ding in na tampi hong sem khia khin, hong sem lai ding uh a hih man in i angtang pih, i lungdam mahmah hi. Z.A.M makai zaw deuh te bang mun tuamtuam a om kipawl na leh mimal tuamtuam in a ki sap na a om leh huh in pahtawi na, lungdam na i lah siam ding thupi mahmah ding in ka ngaihsun hi. Makai te pawlkhat i et ciang in tu tawm aa, ei Zomi ading a sem tawm hih loh banah, ei Zomi, ei Zogam ading in abeisa hun lai pek pan in haksat na thuak lawh a ki pia kia Zovontawi te a hih uh man in a zahtaak huai mite hi uh hi. ( e.g. http://fiftyrefugee s.wordpress. com/2007/ 07/09/33- year-old- man-from- myanmar-ethnicit y-zoomi/ ). Tu ni ciang mah i Zomi nam ading in a sem khia te uh a hih man in a zaaktak huai mahmah hi uh hi. Hamphat na, lawhcin na a om ciang in, a ma in a phukhia, asem khia te na om
thei hamtang a, tua bang aa a sem khia mite hang in hamphat na hong tung cih i phawk siam ding thupi ka sa hi. Sanggam Haka lam te zong a pukhia, a sem khai masa na om uh aa, hamphat na, lawhcing na in a nungzuih na hi pan hi.
2001 kim aa, Guam pan in Zomi resettlement na huhau in i Zomi, Zogam a ding in hamphat na lianpi hi zo aa, tu kiim in zong i Zomi tampi tak mah hong ki behlap thei a hih man in lungdam huai sa ingh. A tungsa ten i innkuan, i khua i tui, i pawlpi a tawm atam i huh i makaih nate, khat leh khat ki huh in gamdang ah ki sap behbeh nate i Zomi, Zogam khantot na a piangsak hi pah hi. Banghang hiam cih leh Zomi i cih pen mimal (individual) ki gawm hi aa, mimal in a hoih, a khanto i om leh i Zomi zong a khangtot lawh mah hong suak hi. I Zomite hong khangto leh i Zogam zong hong khanto dinghi. Tu hun i Zomi khantot nading in Refugee Resettlement lam tawh gamhau gamte zuan in kalsuan na in a manlang pen, a lawhcing pen hi ding ka lamen hi. Tua a hih man in muntuamtuam a om Zomi kipawlna te in a sep ding thupi masa khat in Resettlement vai hi kasa hi.
Tua ahih man in Chin min zang lo in, Zomi min tawh a sem khia i hih man in, tu laitak Refugee Resettlement ngak te aa ding leh i Zogam i Zomite ading thu tuamtuam ah phattuam na pi a hi dingin i kawlgam mah bulphuh in Zomi Human Rights Organizatiton cih lam khat ki cian tak in nei zo in, website kician khat nei zo in, a hamtang in a official zo dingin English tawh ki cian tak in i neih zawh ding thupi ka sa hi. Tua lai ah tulai Zomi Refugee te thu tuamtuam, aa hamsat na te, Zogam aa Zomite hamsat na, Pu Chin Sian Thang tawh ki sai a at sa articles, interviews, cih te tuamtuam leh i Zomi i Zogam tawh kisai articles pawlkhat te koih zo leng lunggulh huai mahmah sa ingh. I Pu Chin Sian Thang zong high-profile Politician khat hong hi zo a hih man in, ei Zomite i angtang pih mahmah aa, leitung ah a ki theih semsem ding leh ei Zomi te a ding in phattuam pih nang thu khat zong a hih man in kician tak in aama thu zong i koih ding thupi sa ingh. Pu Chin Sian
Thang tawh kisai a om sa en leng ZNC(NG) leh Momno in tawm a koih te bek hi aa, minamdang, org. dang te in a thu a ngaihsut na thupi sa in interviews tuamtuam na neihpih zel zaw uh hi. I Zomiten Pu Chin Sian Thang in i Zomi i Zogam ading mailam a ngaihsutna, a deih sak, mailam ah a sep nop thu te tam theih zawk ding athupit bangin Pu Chin Sian Thang in zong muntuamtuam aa om Zomi te tawh a taangzai zaw in ki zop na nei zo leh thupi ding ka ngaihsun hi. Khangthak te lam hong lah ding thupi aa, khangthak ten zong ma i zop ding thupi ding in ka ngaihsun hi.
I Zomipih te USA ah a ni ani in hong ki beh laplap a hih man in lungdam huai mahmah aa, a hih zong in i sanggam Haka lam te tawh ki etkak leng ei aa pen a cihtak hetlo hong suak hi. Lawmte khat hong gen ka tel na zui in, USA khua khat ah bang sanggam Haka lam te Inn (700) bang tung thak cih bang dan khat za ingh. I Zomi te zong mailam ah hamphat na a tam zaw i ngah theih zawh nang lampi tuamtuam ngaihsut huai, sep huai mahmah ka sa hi.
--------------------------
http://fiftyrefugee s.wordpress. com/tag/ethnicit y/zomi/
http://www.chro. org
http://www.refugees .org/home. aspx
http://www.aph. gov.au/library/ intguide/ SP/refugees. htm
Refugees and asylum seekers: a guide to key resources and recent developments
http://www.hrea. org/index. php
http://www.migratio ninformation. org/Feature/ display.cfm? id=585
http://countrystudi es.us/laos/ 50.htm
No comments:
Post a Comment