Transformer thuah nawn, disconnection pan ding
Lamka Sep 24: CCpur Govt. College huangsunga 400KV Transformer khalui a Overload ziak a kangsia pen bawl khit ahihtoh kiton in tuni’n a department te’n thuah nawn uhi. Hiai transformer pen zingchiang in charge/heat hiphot ding a huaizohchiang in zattheih pan ding hidan in Department te apan in thutut kingah hi.
Hiai transformer kisiat ziak in complaint tamtak ommahleh veng dang bang a bawlhoihna dia panlatu ding kuamah omlou a Power Minister Phungzathang Tonsing panlakna ziak in Department in Rs. 1 Lacs val seng in bawlhoih uh hidan in Mr.Benjamin Saiate, EE (Elect) in thuthak saite zasak hi.Hiai transformer apan in unauthorized connection tamlua a transformer in zoulou a huaiziak in Minister thupiak dungjui in phalna bei a connection bawlteng sutkhiatsak vek ding hidan in Department apan in thukiza hi.Hiai transformer apan unauthorized consumer tamluat ziak a overload akisiatziak in authorized/regular consumer tamtakte’n leng thuakkhakloh banah Lamka Damdawi inn inleng thuakkha in damdawi inn a zat machine/khawl tamtak zattheihlouh in om a damlou tamtak in buailoh uhi.
Sub-Station Town area ading bawl hiding
Lamka Sep 24: 32/11 KV Khengjang Substation pan a Lamka town Area sung supply tu ding 32/11 KV Power Sub-station khat Power Minister Phungzathang Tonsing panlakna ziak in bawlkhiat pah hiding hi. Hiai substation bawlna ding mun enkhe ding in zingchiang in Substation Construction Division No.1 apan in EE tel in bangzah hiam hong hohding ua EE (Elect.)/CCpur Division te makaih in Substation bawlna munding etkhiatna neiding uhi.
PTC 52nd Annual Assembly
Lamka Sept 24: Paite Tribe Council (PTC) makaih in hongtung ding September 26, 2007 sunma dak 11:00 apan New Lamka YPA Hall ah 52nd Paite Tribe Council Annual Assembly 2007 neih hiding hi.
ZEO leh DI in School 3 veh
Lamka Sep 22: Zonal Education Officer/CCpur Mr. Joseph Lalrothang leh Deputy Inspector of School/CCpur Mr. Kaikhanlian Guite banah Asst. Inspector of School/CCpur Mr. kapneithang te’n tuni’n Lamjang Government High School, Vungzagen Government High School, Mata leh Lanva Model High School te zingdak 10:00 apan sunnung dak 3:30 kikal sung in vehna nei uhi. Zingchiang in Pearsonmun a Thangkhai Government High School vehna nei ding uhi.
IMPHAL NEWS:
Khuman Lampak ah Gospel Olympic thupitak patkhiak in om
IMPHAL SEPT 24: Manipur a saptuam pawl tuamtuam Manipur Baptist Convention nuai a Baptist Association 24 ban ah, Catholic Church, Evangelical Baptist Convention, Evangelical Churches Association, Believers Church, Presbyterian Church leh Seventh Day Adventist, akigawm a saptuam 30 te kihelna, first ever State wide 'Gospel Olympic' kichi tuni September 24 apat 28 tan daih ding, honkhiakna tuni sun dak 12 in Khuman Lampak Main stadium ah thupitak in om hi.
Hiai Gospel Olympic bel, MBC Youth Department te saina nuai a kinei leng ahi. Tuni a Olympic honkhiakna hun ah khuallian in MPCC President, Gaikhangam, Guest of honour in, P.L.Thanga IAS Chairman MANIREDA leh functional President in, All Manipur Christian Organisation (AMCO) President Rev.S.Prim Vaiphei te pang uhi.Olympic meikuang 'torch' Mrs. M.C.Mary Kom World Boxing Champion in nei a, tuazoh in, saptuam contingent tengin, mahni saptuam min placard leh flag te tawikawm in, Khuman Lampak main stadium ah march pass nei uhi.
Kimawlna ding toh kisai in contingent tenga leader ten puanlap tawi kawm in, Rev. S.Prim Vaiphei mai ah kichiamna leng nei uhi. Tuni a Gospel Olympic honkhiak toh kiton in, opening football match Kuki Baptist Convention leh Rongmei Naga Baptist Association ten nei ngal uhi. Khuallian leh Guest of honour te gendan in, igam a muanna leh bitna ban ah kitheihsiam tuah na permanent poimoh ahihman in, hichibang gospel olympic tungtawn a a om ngei alam et thu uh gen uhi. Kimawl miten' muanna om theihna dia panla ding leh buaina bawltu hilou a, a suveng tu dia panlak kul ahihdan leng uangtak in gen uhi.
Hiai Gospel olympic hunsung in, Football, Volley ball numei leh pasal, Athletic long jump, high jump, shot put, high jump chihte leng om ding hi. Hiai gospel olympic tup leh ngimte bel, to promote Christian spirit of unity & fraternity, to build up healthy relationship & mutual understanding leh to inculcate sportsmanship & friendly matches te ahi.
September 26, 2007 nitak dak 5.30 in MBC Centre Church ah, hiai olympic toh kisai mah in, Special Gospel Nite hun zat hiding a, tua ah saptuam pawl tuamtuam, KBC, Presbyterian, Catholic, RNBA, Adventist leh EBC apat lasak siam ten' zaila awi ding uhi. Football kimawlna bel, Thangmeibang a THAU ground a neih hiding a, Volley ball leh athletic te bel, Khuman Lampak Indoor stadium a neih hiding chih ahi.
Hill Village authority election neih deih
IMPHAL SEPT 24: Kuki Inpi Manipur a Vice President, Kamsei Kipgen in Principal Secretary (Hills), Govt. of Manipur kianga lai apiakna ah, Manipur singtang gamte ading Village Authority election, mipi interest dungzui a, ahun ding, January 2008 dia bikhiah dingin ngetna nei hi.Hun paisa te ah hichibang election poimoh tak singtang gam a buhlak toh akituahkhak jiaka buaina tampi om ahihdan leng taklang in, unau Kabui te January 2008 a hichibang election neih ding deihkei mahle uh, lemchang ding geelna toh January khamah bikhiah dingin leng thusuak ah taklang hi.
National conference a teldin zin uh
IMPHAL SEPT 24: All India National Youth Congress conference, Jaipur a September 28 - 30, 2008 sung om dinga vakihel dingin, Manipur State a Bharatiya Janata Yuva Morcha President L.Chourjit makaih na nuai ah, state level office bearers, District Presidents leh Secretaries tamkhop in, tuni zinglam dak 10 in Imphal nusia in Jaipur zuan uhi. Manipur a Yuva Morcha team ten, national conference hunsungin Manipur a Law and order leh socio-economic dinmun ban ah, maban a Lok Sabha election ding toh kisai te thukupna vanei ding uh chih ahi.
2-Day State level Discussion
IMPHAL SEPT 24: Imphal a LMS Law college te saina in, 'Life and Right' chih thupi nuai ah, 2-Day state level discussion cum Talent hunt kichi tuni'n patkhiak in om hi. Hiai hun ah khuallian in, Education Minister L.Jeyantakumar, President in LMS Law College Student Union President, Th.Okenjit leh Guest of honour in, LMS a Principal incharge, N.Gopeshor Singh te pang uhi. Hiai discussion hun ah, moderator in Dean of Law Gauhati University a Prof. N. Sanajaoba pang a, resource person tuamtuam ten' Right & Democratic institution, Humanitarian law & armed conflict situation in the NE states leh Red Cross Society & the International Humanitarian law toh kisai in thugenna hun zang ding uhi.
HSA in Education survey nei ding
IMPHAL SEPT 24: Hmar Students' Association General Headquarters in, Assembly constituency thum, Tipaimukh, Thanlon leh Jiribam sung a, Hmar khua a siamsinna In te ah Educational survey October leh November, 2007 sungin neih sawm uhi. Hiai survey hunsungin siamsinna mun te a infrastructure leh organism te abiktak a etkai hiding chih ahi. Hiai te ban ah, Manipur govt. in medical leh health lam a khantouhna nasep aneihte leng etkai hiding chih, HSA-GHQ a Vice President Joseph R.Hmar in thusuah abawl na ah taklang hi.
Sajiwa jail sung a kisual ziakin mithum in liamna tuak
IMPHAL SEPT 24: Thutut kingah dan in, tuni zinglam dingin, Sajiwa jail ah kisual pianga, tua a liamna tuak mithum te JN hospital a etsak ahihnung un, jail authority ten pokik nawn uh chih ahi. Thusuak dan in, liamna tuakte bel, Surjoy (37), Mithing (26) leh Songchusang (29) te ahi. Bangziaka kisual chih bel thuchian theih omtuan lou.
NEWMAI NEWS:
ANTA in MPSC Boycott puankhuam
Kohima, Sept 24(NNN): All Nagaland Typists Association (ANTA) pawl in tuni in Nagaland Public Service Commission (NPSC) te boy cott puankhum in, Grade I leh Grade II typist alaksawmna utoh kisai in ANTA paidan kalh uh ahihdan taklang uhi. ANTA thusuak in ataklatdan in, Nagaland in ut leh dah in thu tuamtuam sat uh a, NPSC kiang ah thil tuamtuam phut in, typist ana semsa te ngeingaihlou uh a, hiai thu toh kisai in ANTA lungkimlou ahihdan puang uhi. ANTA hall ah interview neih ding chih himahleh, Government in sepaihte power leh Deputy Commissioner thuneihna heikual gawp in mundang daih ah interview neih pih uh a, seniority dia ANTA phutna leng NPSC leh Nagaland Government in limsak lou ahi chi uhi. ANTA thusuak in agenbehna ah, Nagaland Civil Secretariat a sem te chauh hiai interview a telsak hi ua, department dang a semte nawlkhin ahihdan leng ANTA in puang uhi.
CYMA paidan kikheng di’n kilang
Aizawl Sept 24(NNN): Mizoram state sung adia NGO lianpen Central Young Mizo Association (C-YMA) thusuak in tuni a agendan in, CYMA vaipaw ding kitelna YMA general conference chiang in om ding a, October 16 ni in neih hidingin gen uhi. Himahleh, kum thak vaipaw ding bangmah a chiang om nailou ahihdan leng taklang uhi. CYMA in hiai election ding toh kisai in nominee min 12 puangkhia ua, amaute post 6 ading in koih mah le uh tulel a General Secretary lenlel C. Zoramliana min leng telkha lou ahihna ah mipite hamhaih mahmah uh hi’n kigen hi. Thusuak in agendan in, CYMA vaipaw ding kumdang in campaign nasatak om a, himahleh, Zoramliana in huai bang paidan a deihlouh ziak a candidate utnawn lou hi’n kigen hi. Zoramliana in agenna ah, election tuh hileh, Vice President tuh ding ahihdan gen a, himahleh, President lui khenkhat in hiai post enlah uh a, tulel a Vice President lenlel T. Sangkunga leng ama sang a upa zawtham ahihna ah zahna apiak ziak a hiai post enlah lou mai ahihdan gen hi.
Mr T Sangkung a lou Vice President tuh ut midang nih min kilang a, amaute ahihleh, Dr Lalbiakmawia Ngente, Enginneer, tulel a Bungkawm a om leh, Lalchungnunga of Ramhlun North te hidanin kigen hi. Assistant General Secretary lenlel Lalruatkima in leng General Secretary Post enlah mahmah in kilang a, nomination file ding in kisa hidanin leng thusuak in gen hi. Tuabanah, Treasurer Vanlalrema Rokhum inleng tulel a aletlel Treasurer mah ah tuhsawm nawn a, midang kuamah in in tuh ding in kilang lou a, amah mah a kainawn gintak huai hi’n gen uhi. CYMA thusuak in agenna ah, Peter Lalzawmliana of Bungkawn, Vanlalruata of Tuikual South, Lalbiakzuala of Khatla leh J. Lalsailova of Mission Veng te Assistant General Secretary post tuh ding in mansa a om uh ahihdan puang uhi. Finance Secretary post abel R. Lalngheta of Hlimen leh D. Lalrintluanga of Bethlehem kituh ding uhi.
Haukhum IAS in Rural Bank hongkhia
Aizawl Sept 24(NNN): Mizoram Chief Secretary Haukhum Hauzel in tuni in Mizoram Rural Bank Branch 60 na ding Treasury Square, Aizawl ah honkhiakna nei hi. Hiai hun ah Mr Hauzel in thugenna nei in, 60th Rural Bank branch hongkhetu a apangkhak hampha akisak dangen a, mipite adia economic development thupitak a lamet thu puang hi. Rural Bank tungtawn in Mizo sangtamtak te’n hamphatna ngah ua, tua ziak mah in economic lam ah khantouhna thupitak genvual louh tung ahihdan gen hi.
Lamka Sep 24: CCpur Govt. College huangsunga 400KV Transformer khalui a Overload ziak a kangsia pen bawl khit ahihtoh kiton in tuni’n a department te’n thuah nawn uhi. Hiai transformer pen zingchiang in charge/heat hiphot ding a huaizohchiang in zattheih pan ding hidan in Department te apan in thutut kingah hi.
Hiai transformer kisiat ziak in complaint tamtak ommahleh veng dang bang a bawlhoihna dia panlatu ding kuamah omlou a Power Minister Phungzathang Tonsing panlakna ziak in Department in Rs. 1 Lacs val seng in bawlhoih uh hidan in Mr.Benjamin Saiate, EE (Elect) in thuthak saite zasak hi.Hiai transformer apan in unauthorized connection tamlua a transformer in zoulou a huaiziak in Minister thupiak dungjui in phalna bei a connection bawlteng sutkhiatsak vek ding hidan in Department apan in thukiza hi.Hiai transformer apan unauthorized consumer tamluat ziak a overload akisiatziak in authorized/regular consumer tamtakte’n leng thuakkhakloh banah Lamka Damdawi inn inleng thuakkha in damdawi inn a zat machine/khawl tamtak zattheihlouh in om a damlou tamtak in buailoh uhi.
Sub-Station Town area ading bawl hiding
Lamka Sep 24: 32/11 KV Khengjang Substation pan a Lamka town Area sung supply tu ding 32/11 KV Power Sub-station khat Power Minister Phungzathang Tonsing panlakna ziak in bawlkhiat pah hiding hi. Hiai substation bawlna ding mun enkhe ding in zingchiang in Substation Construction Division No.1 apan in EE tel in bangzah hiam hong hohding ua EE (Elect.)/CCpur Division te makaih in Substation bawlna munding etkhiatna neiding uhi.
PTC 52nd Annual Assembly
Lamka Sept 24: Paite Tribe Council (PTC) makaih in hongtung ding September 26, 2007 sunma dak 11:00 apan New Lamka YPA Hall ah 52nd Paite Tribe Council Annual Assembly 2007 neih hiding hi.
ZEO leh DI in School 3 veh
Lamka Sep 22: Zonal Education Officer/CCpur Mr. Joseph Lalrothang leh Deputy Inspector of School/CCpur Mr. Kaikhanlian Guite banah Asst. Inspector of School/CCpur Mr. kapneithang te’n tuni’n Lamjang Government High School, Vungzagen Government High School, Mata leh Lanva Model High School te zingdak 10:00 apan sunnung dak 3:30 kikal sung in vehna nei uhi. Zingchiang in Pearsonmun a Thangkhai Government High School vehna nei ding uhi.
IMPHAL NEWS:
Khuman Lampak ah Gospel Olympic thupitak patkhiak in om
IMPHAL SEPT 24: Manipur a saptuam pawl tuamtuam Manipur Baptist Convention nuai a Baptist Association 24 ban ah, Catholic Church, Evangelical Baptist Convention, Evangelical Churches Association, Believers Church, Presbyterian Church leh Seventh Day Adventist, akigawm a saptuam 30 te kihelna, first ever State wide 'Gospel Olympic' kichi tuni September 24 apat 28 tan daih ding, honkhiakna tuni sun dak 12 in Khuman Lampak Main stadium ah thupitak in om hi.
Hiai Gospel Olympic bel, MBC Youth Department te saina nuai a kinei leng ahi. Tuni a Olympic honkhiakna hun ah khuallian in MPCC President, Gaikhangam, Guest of honour in, P.L.Thanga IAS Chairman MANIREDA leh functional President in, All Manipur Christian Organisation (AMCO) President Rev.S.Prim Vaiphei te pang uhi.Olympic meikuang 'torch' Mrs. M.C.Mary Kom World Boxing Champion in nei a, tuazoh in, saptuam contingent tengin, mahni saptuam min placard leh flag te tawikawm in, Khuman Lampak main stadium ah march pass nei uhi.
Kimawlna ding toh kisai in contingent tenga leader ten puanlap tawi kawm in, Rev. S.Prim Vaiphei mai ah kichiamna leng nei uhi. Tuni a Gospel Olympic honkhiak toh kiton in, opening football match Kuki Baptist Convention leh Rongmei Naga Baptist Association ten nei ngal uhi. Khuallian leh Guest of honour te gendan in, igam a muanna leh bitna ban ah kitheihsiam tuah na permanent poimoh ahihman in, hichibang gospel olympic tungtawn a a om ngei alam et thu uh gen uhi. Kimawl miten' muanna om theihna dia panla ding leh buaina bawltu hilou a, a suveng tu dia panlak kul ahihdan leng uangtak in gen uhi.
Hiai Gospel olympic hunsung in, Football, Volley ball numei leh pasal, Athletic long jump, high jump, shot put, high jump chihte leng om ding hi. Hiai gospel olympic tup leh ngimte bel, to promote Christian spirit of unity & fraternity, to build up healthy relationship & mutual understanding leh to inculcate sportsmanship & friendly matches te ahi.
September 26, 2007 nitak dak 5.30 in MBC Centre Church ah, hiai olympic toh kisai mah in, Special Gospel Nite hun zat hiding a, tua ah saptuam pawl tuamtuam, KBC, Presbyterian, Catholic, RNBA, Adventist leh EBC apat lasak siam ten' zaila awi ding uhi. Football kimawlna bel, Thangmeibang a THAU ground a neih hiding a, Volley ball leh athletic te bel, Khuman Lampak Indoor stadium a neih hiding chih ahi.
Hill Village authority election neih deih
IMPHAL SEPT 24: Kuki Inpi Manipur a Vice President, Kamsei Kipgen in Principal Secretary (Hills), Govt. of Manipur kianga lai apiakna ah, Manipur singtang gamte ading Village Authority election, mipi interest dungzui a, ahun ding, January 2008 dia bikhiah dingin ngetna nei hi.Hun paisa te ah hichibang election poimoh tak singtang gam a buhlak toh akituahkhak jiaka buaina tampi om ahihdan leng taklang in, unau Kabui te January 2008 a hichibang election neih ding deihkei mahle uh, lemchang ding geelna toh January khamah bikhiah dingin leng thusuak ah taklang hi.
National conference a teldin zin uh
IMPHAL SEPT 24: All India National Youth Congress conference, Jaipur a September 28 - 30, 2008 sung om dinga vakihel dingin, Manipur State a Bharatiya Janata Yuva Morcha President L.Chourjit makaih na nuai ah, state level office bearers, District Presidents leh Secretaries tamkhop in, tuni zinglam dak 10 in Imphal nusia in Jaipur zuan uhi. Manipur a Yuva Morcha team ten, national conference hunsungin Manipur a Law and order leh socio-economic dinmun ban ah, maban a Lok Sabha election ding toh kisai te thukupna vanei ding uh chih ahi.
2-Day State level Discussion
IMPHAL SEPT 24: Imphal a LMS Law college te saina in, 'Life and Right' chih thupi nuai ah, 2-Day state level discussion cum Talent hunt kichi tuni'n patkhiak in om hi. Hiai hun ah khuallian in, Education Minister L.Jeyantakumar, President in LMS Law College Student Union President, Th.Okenjit leh Guest of honour in, LMS a Principal incharge, N.Gopeshor Singh te pang uhi. Hiai discussion hun ah, moderator in Dean of Law Gauhati University a Prof. N. Sanajaoba pang a, resource person tuamtuam ten' Right & Democratic institution, Humanitarian law & armed conflict situation in the NE states leh Red Cross Society & the International Humanitarian law toh kisai in thugenna hun zang ding uhi.
HSA in Education survey nei ding
IMPHAL SEPT 24: Hmar Students' Association General Headquarters in, Assembly constituency thum, Tipaimukh, Thanlon leh Jiribam sung a, Hmar khua a siamsinna In te ah Educational survey October leh November, 2007 sungin neih sawm uhi. Hiai survey hunsungin siamsinna mun te a infrastructure leh organism te abiktak a etkai hiding chih ahi. Hiai te ban ah, Manipur govt. in medical leh health lam a khantouhna nasep aneihte leng etkai hiding chih, HSA-GHQ a Vice President Joseph R.Hmar in thusuah abawl na ah taklang hi.
Sajiwa jail sung a kisual ziakin mithum in liamna tuak
IMPHAL SEPT 24: Thutut kingah dan in, tuni zinglam dingin, Sajiwa jail ah kisual pianga, tua a liamna tuak mithum te JN hospital a etsak ahihnung un, jail authority ten pokik nawn uh chih ahi. Thusuak dan in, liamna tuakte bel, Surjoy (37), Mithing (26) leh Songchusang (29) te ahi. Bangziaka kisual chih bel thuchian theih omtuan lou.
NEWMAI NEWS:
ANTA in MPSC Boycott puankhuam
Kohima, Sept 24(NNN): All Nagaland Typists Association (ANTA) pawl in tuni in Nagaland Public Service Commission (NPSC) te boy cott puankhum in, Grade I leh Grade II typist alaksawmna utoh kisai in ANTA paidan kalh uh ahihdan taklang uhi. ANTA thusuak in ataklatdan in, Nagaland in ut leh dah in thu tuamtuam sat uh a, NPSC kiang ah thil tuamtuam phut in, typist ana semsa te ngeingaihlou uh a, hiai thu toh kisai in ANTA lungkimlou ahihdan puang uhi. ANTA hall ah interview neih ding chih himahleh, Government in sepaihte power leh Deputy Commissioner thuneihna heikual gawp in mundang daih ah interview neih pih uh a, seniority dia ANTA phutna leng NPSC leh Nagaland Government in limsak lou ahi chi uhi. ANTA thusuak in agenbehna ah, Nagaland Civil Secretariat a sem te chauh hiai interview a telsak hi ua, department dang a semte nawlkhin ahihdan leng ANTA in puang uhi.
CYMA paidan kikheng di’n kilang
Aizawl Sept 24(NNN): Mizoram state sung adia NGO lianpen Central Young Mizo Association (C-YMA) thusuak in tuni a agendan in, CYMA vaipaw ding kitelna YMA general conference chiang in om ding a, October 16 ni in neih hidingin gen uhi. Himahleh, kum thak vaipaw ding bangmah a chiang om nailou ahihdan leng taklang uhi. CYMA in hiai election ding toh kisai in nominee min 12 puangkhia ua, amaute post 6 ading in koih mah le uh tulel a General Secretary lenlel C. Zoramliana min leng telkha lou ahihna ah mipite hamhaih mahmah uh hi’n kigen hi. Thusuak in agendan in, CYMA vaipaw ding kumdang in campaign nasatak om a, himahleh, Zoramliana in huai bang paidan a deihlouh ziak a candidate utnawn lou hi’n kigen hi. Zoramliana in agenna ah, election tuh hileh, Vice President tuh ding ahihdan gen a, himahleh, President lui khenkhat in hiai post enlah uh a, tulel a Vice President lenlel T. Sangkunga leng ama sang a upa zawtham ahihna ah zahna apiak ziak a hiai post enlah lou mai ahihdan gen hi.
Mr T Sangkung a lou Vice President tuh ut midang nih min kilang a, amaute ahihleh, Dr Lalbiakmawia Ngente, Enginneer, tulel a Bungkawm a om leh, Lalchungnunga of Ramhlun North te hidanin kigen hi. Assistant General Secretary lenlel Lalruatkima in leng General Secretary Post enlah mahmah in kilang a, nomination file ding in kisa hidanin leng thusuak in gen hi. Tuabanah, Treasurer Vanlalrema Rokhum inleng tulel a aletlel Treasurer mah ah tuhsawm nawn a, midang kuamah in in tuh ding in kilang lou a, amah mah a kainawn gintak huai hi’n gen uhi. CYMA thusuak in agenna ah, Peter Lalzawmliana of Bungkawn, Vanlalruata of Tuikual South, Lalbiakzuala of Khatla leh J. Lalsailova of Mission Veng te Assistant General Secretary post tuh ding in mansa a om uh ahihdan puang uhi. Finance Secretary post abel R. Lalngheta of Hlimen leh D. Lalrintluanga of Bethlehem kituh ding uhi.
Haukhum IAS in Rural Bank hongkhia
Aizawl Sept 24(NNN): Mizoram Chief Secretary Haukhum Hauzel in tuni in Mizoram Rural Bank Branch 60 na ding Treasury Square, Aizawl ah honkhiakna nei hi. Hiai hun ah Mr Hauzel in thugenna nei in, 60th Rural Bank branch hongkhetu a apangkhak hampha akisak dangen a, mipite adia economic development thupitak a lamet thu puang hi. Rural Bank tungtawn in Mizo sangtamtak te’n hamphatna ngah ua, tua ziak mah in economic lam ah khantouhna thupitak genvual louh tung ahihdan gen hi.
Hauzel in agenbehna ah, Mizoram state sung ah hiai hamphatna mipi tamtak in ngah ua, himahleh, loan kichi himhim piakkik nawn, ditkiknawn ngeingei ding ahihna ah, mipi lam mohpuakna thupi mahmah ahi chi hi. Reserve Bank of India Deputy Governor apan guidelines hoihtak om ahihdan genkawm in, Bank te’n leng huai guidelines zuih a, mipi lam in leng kithuahpihna piak ngeingei ding ahihdan Pu Hauzel in uangtak in gen hi. Chief Secretary in agenbehna ah, India pumpi a Bank lianpen leh thupipen State Bank of India in Mizoram state sung ah Branch 26 lel nei a, himahleh, Mizoram Rural Bank in Branch 60 hial bang hongkhe ta ahihna ah phat tham ching ahi chi hi.
Mizoram ah Indian Idol lawm
Aizawl, Sept 24(NNN): Mizoram state sung a teng Gorkha Nam tamtak om te’n zan nitak a Prashant Tamang in Indian Idol alak kipahpihna in mun tuamtuam ah thupitak in lopna nei uh a, ann kuang luina leng neih in om hi. Tam Lal Lohar, President Bharatiya Gorkha Federation, Mizoram Branch in agenna ah, Gorkha Nam apan hiai bang lohchinna ngah Tamang phat tham ahihdan gen a, Nepali suan tengteng in munchih a a lop uh deihhuai ahi chi hial hi. Lohar in agenbehna ah, North East apan Gorkha Nam te’n Tamang adingin vote naktak in khia ua, lakh 23 val bang khezou uh ahihdan gen a, Gorkha Namte domsang tu ding Tamang ahi chi hi. Gorkha High School, Aizawl ah zan nitak in mipi sang tamtak et theih ding in screen liantak in Indian Idol suahkhiak in om hi.
www.zogam.com
No comments:
Post a Comment