All India Power Minister Conference apan Minister hong tung:
Tuivai leh Irang Hydro Electric Project pat hiding - Power Minister
Imphal, Sept-25: Union Power Minister Pu Shushil Sindhe makaih a All India Power India Power Ministers Conference Sept. 24, 2007 a Delhi a om a hoh Manipur Power Minister Pu T. Phungzathang tuni zinglam dak 9:20 in damtak in Imphal hong tungkikta hi.
Power Minister in tuni a press te kiang a a genna ah, Manipur a project tuamtuam sepsuah ding bangzah hiam hiai conference ah pulakna a neih dungzui in Central Government inleng proposed a bawlt pompih hi. Hiai project te bel, MW 51 posuah ding Tuivai Hydro Electric Project leh Irang Hydro Electric project te hi a, hiaite sepsuahna ding a tu 2007-08 sung ngei a pat hiding in hiai khawmpi’n pompih ahihdan thutut kingah hi. Tuabanah, Loktak Down Stream project leng tukum sung ngei a pat hiding inleng hiai khawmpi ah genkhawm uhi.
Power Minister Pu T. Phungzathang in a genzelna ah, Singngat a 33 KV Power Sub-Station leng thil bangkim zohsiang hita a, tunung sawtlou in honkhiak hipah ding in gen a, tua kia hilou in CCpur district sung a sub-district a power sub-station omte leng puahphat hidi’n leng gen hi. Khiangjang a Power Sub-Station om lel leng 132/11 KV a dopsang hiding a, Lamka khopi area sung supply tu ding Power Sub-Station 33/11 KV leng tunung sawtlou a koih hipah ding ahihdan gen hi.
Minister in a genzelna ah, phalna bei a electric late leng ngaihkhawk mahmah hiding a, tuban kha 2/3 sung a Act kibawl thak pansan a electric fee a hoihlut semna dia government in panla ding hi’n leng gen hi. Muntamtak a transformer kisia omte leng fee 50% bek a piak kei ua leh bawl hinawnlou ding ahihdan leng gen hi.
Mipite’n tua sang a meivak hoihzaw ngah theihna ding Government panlak dan toh kisai a mipite’n kithuahpihna bukim pe ding in ngen hi.
======================
DDT kaap ding
Lamka Sep 25: District Malaria Office/CCpur hongtung ding September 26, 2007–October 5, 2007 kikal sung in Maukot apan Dialkhai kikal a kho omte ah DDT 2nd round kapna ding uhi. Huaibanah October 2&3, 2007 sung in Sinzawl PHC ah huai area a ASHA te Rapid Diagnostic Kit leh ACT+SP damdawi zatdan toh kisai kisinsakna nei ding ua huai ah Mr. H.L. Khai, MHS leh Mr. Thangkhanlian, MHW te’m sinsakna nei ding uhi.
Dustbin ding pia
Lamka Sep 25: Lamka Damdawi Inn sianthou ding awlmohna ziak in Mr. Benjoy of Medical Compound in Damdawi inn a niinbawm/dustbin dia zat ding in Tin hawm 10 pia a zingchiang zingkal in Damdawi inn staffte’n Mr. Benjoy tenna inn apan in vala ding uhi.
Bharatiyam sinsak ding
Lamka Sep 25: District Youth Affairs & Sports Office/CCpur saina in hongtung ding October 1-10, 2007 kikal sung Kangvai High School leh Grace Academy, Tuibuong ah ‘Bharatiyam’ kisinsakna omding hi. Hiai Bharatiyam sinsak ding in Imphal apan in Instructor hongkuan ding uhi. October 12, 2007 chiang in District Level Bharatiyam Competition neih hiding a siampen hihna ngahte’n State Level Competition neih hun ah District ai oh in kuan ding uhi.
BSF GD ding recruitment om
Lamka Sep 25: G. Mualkawi khosak a BSF Subsidiary Training Centre ah tuzing dak 9:00 akipan in BSF General Duty ding post 50 lakna ding recruitment kipan hi. Hiai recruitment ah bel calling letter mute kia kilak thei uhi.
Inntung apan kia
Lamka Sep 25: Mr. Boilal (38) S/o. Lienpu of Lingsiphai zan nitak dak 9:00 vel in a khua ua inn bawllai inntung feet 15 vel a sang apan kia in a nungzang leh kawng lak talkha in Lamka damdawi inn ah etkol in omlel hi.
Sunna
Lamka Sep 25: Mrs. Loungaihzual@Zuali (34) W/o. Lamboi of Pearsonmun zan nitak dak 12:00 in Cancer ziak in si hi. Huailou in Upa L. Songkhopau (80) F/o. Upa L. Gouzalam of Pearsonmun tuni zing dak 10:30 in teeknat in si a, tuni’n a nih un Pearsonmun hanmual ah vuiliam in om uhi.
SDPO/CCpur in OC teng kimuhpih
Lamka Sep 25: Sub Divisional Police Officer (SDPO)/CCpur Mr. K. Kabib, IPS in tuni sunma dak 11:00 in amah chamber ah District sung a Police Station omteng a Officer-in-Charge teng kimuhpihna nei hi.
IMPHAL NEWS:
Mun tuamtuam ah UNLF nih mankhia
IMPHAL SEPT 25: Imphal West SP thusuak dan in, IW district police ten thuguk a ngah dungzui un, tuni zinglam dak 4 vel dingin, Imphal West Police commando leh 32 Assam Rifle kithuah in, Singjamei Oinam Thingel leh Khongnang Pheidekpi lak ah operation a neihna uah, UNLF member 2 mankhia uhi.
Police thusuak kingah dan in, matkhiat a om pen bel Thongam Megho Singh of Khongnang Pheidekpi Awang leikai inn apat a matkhiak uh hi a, mat khiak a om pen bel, Thongam Bajao @ Chitraranjan @ Nongpoklakpa (22) s/o (L) Th. Herachandra Singh of Singjamei Khongnang Pheidekpi ahi.
Police thusuak dan in, amah thudotna apat UNLF 2003 a lut, basic training Sajik Tampak a zou, UNLF 27th batch nuai a Army no. 1680 nei hi a, aman UNLF a Naba Singh kichi nuai ah, govt. deptt. tuamtuam a party fund ding kaikhom a kizang hidan in leng Police thusuak in taklang hi.
Huailou in, amah thudotna apat mah in, UNLF activist dang, Leishangthem Navinkumar @ Krith @ Ningthem (26) s/o L.Iboton Singh of Singjamei Oinam Thingel leikai leng ama tenna In apat Police ten vamankhia uhi.
Ama kipuan dungzui in UNLF 1999 a zom leh, Lance corporal dinmun nei ahihban ah, S/S Captain Pathom nuai a, UNLF a Marine Task Force nuai a New Samtal lak a party nasem hidan a theihsuah chih ahi.
Thudang khat ah, RPF/PLA 29th raising day toh kiton in, tuni’n Imphal a mun tuamtuam a cadre ten, star leh festoon a RPF/PLA long live chih kigelh ban ah, baloon tamtak leng huihkhua ah khahkhia uhi.
Tedim line bandh dei’n Govt. vau
IMPHAL SEPT 25: Keishampat Leimajam leikai a om Th. Chandramani Agra a MA sinlai inn lam suty hongpai, inn apat September 14, 2007 a pawtkhia himahleh, Sept. 16, 2007 ni a Kongba lui a, sisa a muhkhiak ahih toh kisai a kibawlkhia, 'JAC against the killing of Th.Chandramani' a convenor Sukriti Sharma in tuni a thuthak saimite kimuhpih uhi.
Hiai hun a agenna uah, tualthahna ziaka lungkim louh etsakna in Keishampat Leimajam leikai ten Sept. 17 apat tunitan sit-in-protest dharna nei touden ua, govt. a leng tualthattute zongkhe dia nget himahleh tunitan bangmah govt. lam apat sepsuah omlou ahihdan gen hi. Aban agenna ah, September 27, 2007 tan a govt. in tualthahna toh kisai a bangmah sepsuah a neih kei leh, hongtung ding September 28, 2008 zingkal dak 6 apat nitaklam dak 6 tan Tedim line a bandh bawl ding uh hidan in gen hi.
Tribal Writer's meet
IMPHAL SEPT 25: Sahitiya Akademy leh Writer's Forum, Imphal te kithuah in tuni’n Sanjenthong a State Guest House ah, Tribal Writer's meet nei ua, hiai hun a khuallian in Prof. Gangumei Kamson panga, President in I.S.Kangjam pang hi.
Hiai hun a khuallian in agenna ah, singtangmite laigelh toh kisai puah ding tup leh ngimna toh tuni a hichibang meet organized ahihna tung ah asaitute phathuai a sak dan gen hi. President in leng a thugenna ah, pau leh ham puah ahihtheihna dia, i kim-le-kianga omte toh a kibanga kalsuan khom poimoh hidan in taklang hi.
National Scholarship scheme
IMPHAL SEPT 25: CHSEM thusuak dungzui in, BA/B.Sc/B.Com/B.Archeology first year sinlel, 2007 a CHSEM a 60% mark leh atunglam mute’n National Scholarship Scheme nuai a 2007-08 a award piakna ding ngaihven theih hi.
Hiai ding toh kisai a application form leng September 27 - October 5, 2007 sung in Council office ah office hour in laktheih ding hi. Hiai form bel, October 15, 2007 tan in piaklut theih ding chih ahi.
Panchayat election vote tuzan a simsuak gintak ahi
IMPHAL SEPT 25: Manipur phaijang district 4 tenga Gram Panchayat member, Pradhan leh Zilla Parishad ding kitelna, September 19, 2007 a neih ahihnung, polling station 49 a re-poll September 21, 2007 a neih hinawn a, tuate vote simna district HQ tenga DC complex ah security venbitna khauhtak nuai ah, September 23, 2007 zinglam dak 8 in kipan a, himahleh, tuni tan in district li teng a vote simna zohlouh in omlai chih ahi.
Thutut kingah dan in, Thoubal leh Bishnupur district sunga tebel tuni nitaklam tan in sim zoh hita hi. Imphal West leh East district sunga member leh pradhan te bel atamzaw vote simzoh himahleh, zilla parishad te a simna pailel a, tuzan sawtnung a sim suak hingei dia lamet ahi. Hichibangkal ah, vote simna toh kisai in, agent tamtak in a kisaipih RO/ERO a candidate te authorized agent-te tellou a vote tamtak simkhit a om hi’n complaint bawl uhi.
NEWMAI NEWS:
Union Minister Ramesh lungkimlou
Shillong, Sept 25(NNN): Union Minister of State for Commerce Jairam Ramesh in tuni in Meghalaya khopi Shillong vehna nei in, huai ah North Eastern state te’n infrastructural development na ding toh kisai in sum tamtak ngah a, India a state tamtak ten sum le pai bangmah angah louh lai un, NE pe’n Centre in ngai poimoh mahmah in, sum tamtak tak sunglut gige a, himahleh, muntheih in Industry bangmah omlou a, ban ah, development toh kisai chihtaak bangmah om lou ahi chi in, a lungkimlouh thugen hi. Ramesh in agenzelna ah, NE ading in kha teng in Centre apan sum tamtak tak luanglut gige a, himahleh, tuni chiang in khantouhna mit a muhtheih ding om lou a, Guwahati- Shillong highway maimai leng NE te ading in lampi hoihna pen himahleh, Centre in amit in muleh nuih zaathuai sa mahmah ding ahi chi hi.
Kum 2 paisa apan Northeast Eastern states puahna ding in Centre in Rs. 5000- 6000 state chih ah pia a, himahleh, huaite tuni in koilam tung hiam, Politician te gilpi a luthiam, ahihkei leh, helpawlte thautang a heikhiak mai a om hiam chih dotna bawl hi. Ramesh in agenzelna ah, India ah Nam tamtak teng a, North East state 3 te ah Christiante bubit tak in om a, himahleh, nekguukna toh kisai in huai state 3 te leng bittuan lou a, Hindu, Muslim leh Nam tuamtuam te sang mah in uangzaw uh ahihdan gen kawm in, khantouhna kichi Sahkhua bangmah in doudal lou ahihdan genkawm in, Politician te iplah huai asakthu gen hi.
KSO in Electric toh kisai in lungkimlouh thu suah
Imphal, Sept 25(NNN): Imphal Tamenglong Road a lampi sia genlouh Electric leng ahoihlouh luat ziak in tuni in Kuki Students’ Organisation Tuilang Block in thusuah bawl ua, Government in Tamei subdivision sung bangchi et hiam chih dotna bawl uhi. Kuki Students' Orgnisation (KSO) Tuilang Block in agenbehna uah, Kangpokpi apan Tamei kikal electric in hoihni nei ngeilou a, mipite ading in mangbat huai mahmah ahi chi uhi.
KSO, Tuilang Block President H.Chongloi in agenna ah, I-T Road a teng mipite’n electric a ngah uh tang a tuanna hita ahihdan gen in, Government in kintak a power supply a bawldik kei leh Government tung ah leng kiphinna neihkhum thei uh ahihdan taklang hi.
Ragging ziak in Engineering College buai
Guwahati, Sept 25(NNN): India in tumlam gamte enton chi in kum bangzah hiam paisa apan ragging kichi thangsak mahmah ua, himahleh, tumlam gamte sang in naktak in hihkhial zaw ua, ragging chih kammal ziak in mi tamtak in sihlohta uhi. Assam Engineering Insitute a Second Year sinlel khat in a junior te ragging a bawlziak in College apan nohkhiak in om a, hiai thu in, Assam Engineering Institute (AEI) ah buaina liantak piangsak ding in kilang hi. Thusuak kingah danin, ragging thu ziak in, College authority te’n second Year sinlel Gokul Nath September 21 in kha 6 sung nohkhiak ahihdan thupuan bawl ua, Anti-Ragging Committee recommend dungzui a sepkhiak ahihna ah, kuamah pautheilou ding in College Authority in thusuah bawl uhi.
Hiai tungtang ah Student Union pawl lungkimlou in tuni in college ah kiphinna nei uhi. College authority thusuak in ataklat na ah, Mr Nath in September 8 leh 17 in first year student nih ragging paulap in ut le dah in soisa a, khat in liamna tuak hidanin gen uhi. Aleh lamah, AEI Students’ Union General secretary Tulya Ranjan Gogoi in agenna ah, hiai nite in Nath Hostel ah omlou ahihdan gen in, College authority te thugen teng zuau ahi chi leuleu hik. Hiai thubuai in AEI hun sawttak subuai ding in kilang hi.
OL Nongtdu in thutanna la ding
Shillong, Sept 25(NNN): Kumnawn February kha a Meghalaya Assembly Election om ding toh kisai in, Congress party in tuni tan in candidate list bangmah puankhiak nei nailou ua, huai in mi tamtak su thang pai in, NCP camp ah Congress legislator tamtak lut ding in kilang hi. Thusuak in agendan in, Meghalaya Pradesh Congress Committee (MPCC) in President O.L.Nongtdu khut ah nga ua, aman Constituency tuamtuam ah candidate guang ding hi’n kigen a, himahleh, AICC President Sonia Gandhi in etkai pih ding hi’n kigen hi.
Tuabangkalah, NCP MLA Manindro Rava, MDP MLA Draison Kharshiing leh Independent MLA Billy K.Sangma te’n Congress ticket tansawm teitei in panla uh chihthu om a, himahleh, hiai tungtang ah NCP in thu zuau leng maimai ahi chi uhi. Tulai in MDP leh NCP in mun tuamtuak ah camp nei ua, aleh lam ah Congress pawl in awl a kisakkhiak sawm pan uh hi’n kigen hi. MPCC Chief Nongtdu in agenna ah, mihing te kinohtak a apaichiang in, ki suihpaih baihlam mahmah a, himahleh, awl awl a a apaichiang un, pilvanna toh thil tamtak enthei uh ahi chi hi. Aman agenzelna ah, kum nawn February kha a election om ding toh kisai in candidate list puankhiakna ding in baihlua a, mipite patau lou ding in chialna bawl a, AICC President Sonia Gandhi in Meghalaya awlmoh mahmah ahihthu gen in, December kha chiang in thilteng chiang ding ahi chi hi.
MCP party tamtak in zomthak
Aizawl, Sept 25(NNN): J. Lalsangzuala makaih Mizoram Congress Party in mailam nawt mawk ding un kilang a, tuni in party tuamtuam apan mi poimoh 98 in zomthak uh a, amaute laklutna program thupitak in Zemabawk ah neih in om hi. Laklutna kikhop ah MCP General Secretary LT Zothankhuma in thugenna nei a, huai ah kumnawn February kha a Mizoram state Assembly Election om ding ah MCP Party in pan naktak a laksawm ahihdan gen in, lungsim kibatpih leh paidan kibatpih te toh Government bawlkhiak hiding in puang uhi. Aman agenbehna ah, MCP bel ut mi tamtak om lai ahihdan gen in, tulel a MNF Party MLA khat in leng MCP zom ding ahihdan gen in, MCP in vai ahawm chiang in Mizoram ah neekgukna ki chi himhim om nawnlou ding a, mipi’n thuneihna bangkim la ta ding ahi chi hi. MCP Chief J. Lalsangzuala in YMCA kum 150 chinna hun uap ding a, Delhi a zinziak in hiai program ah kilang theilou hi.
SSA Tournament honkhiak in om
Aizawl, Sept 25(NNN): Dr. R. Lalthangliana, School Education Minister in tuni in Aizawl District SSA Inter Academy Tournament Ramhlun Sports Complex ah honkhiakna nei hi. Minister in SSA student te mai ah thugenna nei in, SSA Mission nuai ah tournament thupitak a neih theih ahihna ah a saitute phat tham ching ahihdan gen in, student te’n siamsinna aneih kawmkawm in, kimawlna leng a uang bawl uh poimoh ahihdan gen hi. Malsawmthangi, Director School Education in leng hiai hun uap in, football, boxing, karate, judo, taekwondo leh table tennis te tungtawn in, Mizoram state in khanlohna thupitak ngah a, SSA student tamtak te ading in talent lahkhiakna hun ahihdan gen kawm in, kuaman Drugs hihlou ding in hasuan uhi. Hiai kimawlna a telding in, Kawlkulh, Saitual, Keifang, Darlawn, Lengpui leh Sihphir apan student tamtak paikhawm uhi.
Sepaih lakna mun ah buaina tung
Aizawl Sept 25(NNN): Assam Rifles in tuni in Serchhip town ah sepaih lakna neiding in kisa mah le uh, applicant 500 val nawlkhin ahih ziak un buaina thupitak piang in Police in leng khamdaai zoulou hi’n kigen hi. Serchhip Superintendent of Police Lalbiakzama in agenna ah, Police in hiai buaina delh pah mah leh khamdaih ding vual hilou a, recruitment board in thil paidan a etchet thak uh poimoh ding ahi chi hi. Mi 500 val te ahihleh, application form bukimlouh ziak a reject a om uh hi’n kigen hi. Headmaster in character certificate issued abawlte AR thuneitute’n pom utlou uh a, Government officer khat ahihkei leh, Police Officer khat in attested abawl teitei ding ahi chi in pang uhi. AR te’n document a pom te uleh a pomlouh te uh kikal ah buaina thupitak piang a, Police in buaina phelhmit sawm ua, himahleh, AR pawl in bel dai dide in en uh hi’n kigen hi. State
Police leh 41st Assam Rifles kikal ah leng hiai buaina toh kisai in kingoh tuahna om hi’n leng thusuak in gen hi
www.zogam.com
Tuivai leh Irang Hydro Electric Project pat hiding - Power Minister
Imphal, Sept-25: Union Power Minister Pu Shushil Sindhe makaih a All India Power India Power Ministers Conference Sept. 24, 2007 a Delhi a om a hoh Manipur Power Minister Pu T. Phungzathang tuni zinglam dak 9:20 in damtak in Imphal hong tungkikta hi.
Power Minister in tuni a press te kiang a a genna ah, Manipur a project tuamtuam sepsuah ding bangzah hiam hiai conference ah pulakna a neih dungzui in Central Government inleng proposed a bawlt pompih hi. Hiai project te bel, MW 51 posuah ding Tuivai Hydro Electric Project leh Irang Hydro Electric project te hi a, hiaite sepsuahna ding a tu 2007-08 sung ngei a pat hiding in hiai khawmpi’n pompih ahihdan thutut kingah hi. Tuabanah, Loktak Down Stream project leng tukum sung ngei a pat hiding inleng hiai khawmpi ah genkhawm uhi.
Power Minister Pu T. Phungzathang in a genzelna ah, Singngat a 33 KV Power Sub-Station leng thil bangkim zohsiang hita a, tunung sawtlou in honkhiak hipah ding in gen a, tua kia hilou in CCpur district sung a sub-district a power sub-station omte leng puahphat hidi’n leng gen hi. Khiangjang a Power Sub-Station om lel leng 132/11 KV a dopsang hiding a, Lamka khopi area sung supply tu ding Power Sub-Station 33/11 KV leng tunung sawtlou a koih hipah ding ahihdan gen hi.
Minister in a genzelna ah, phalna bei a electric late leng ngaihkhawk mahmah hiding a, tuban kha 2/3 sung a Act kibawl thak pansan a electric fee a hoihlut semna dia government in panla ding hi’n leng gen hi. Muntamtak a transformer kisia omte leng fee 50% bek a piak kei ua leh bawl hinawnlou ding ahihdan leng gen hi.
Mipite’n tua sang a meivak hoihzaw ngah theihna ding Government panlak dan toh kisai a mipite’n kithuahpihna bukim pe ding in ngen hi.
======================
DDT kaap ding
Lamka Sep 25: District Malaria Office/CCpur hongtung ding September 26, 2007–October 5, 2007 kikal sung in Maukot apan Dialkhai kikal a kho omte ah DDT 2nd round kapna ding uhi. Huaibanah October 2&3, 2007 sung in Sinzawl PHC ah huai area a ASHA te Rapid Diagnostic Kit leh ACT+SP damdawi zatdan toh kisai kisinsakna nei ding ua huai ah Mr. H.L. Khai, MHS leh Mr. Thangkhanlian, MHW te’m sinsakna nei ding uhi.
Dustbin ding pia
Lamka Sep 25: Lamka Damdawi Inn sianthou ding awlmohna ziak in Mr. Benjoy of Medical Compound in Damdawi inn a niinbawm/dustbin dia zat ding in Tin hawm 10 pia a zingchiang zingkal in Damdawi inn staffte’n Mr. Benjoy tenna inn apan in vala ding uhi.
Bharatiyam sinsak ding
Lamka Sep 25: District Youth Affairs & Sports Office/CCpur saina in hongtung ding October 1-10, 2007 kikal sung Kangvai High School leh Grace Academy, Tuibuong ah ‘Bharatiyam’ kisinsakna omding hi. Hiai Bharatiyam sinsak ding in Imphal apan in Instructor hongkuan ding uhi. October 12, 2007 chiang in District Level Bharatiyam Competition neih hiding a siampen hihna ngahte’n State Level Competition neih hun ah District ai oh in kuan ding uhi.
BSF GD ding recruitment om
Lamka Sep 25: G. Mualkawi khosak a BSF Subsidiary Training Centre ah tuzing dak 9:00 akipan in BSF General Duty ding post 50 lakna ding recruitment kipan hi. Hiai recruitment ah bel calling letter mute kia kilak thei uhi.
Inntung apan kia
Lamka Sep 25: Mr. Boilal (38) S/o. Lienpu of Lingsiphai zan nitak dak 9:00 vel in a khua ua inn bawllai inntung feet 15 vel a sang apan kia in a nungzang leh kawng lak talkha in Lamka damdawi inn ah etkol in omlel hi.
Sunna
Lamka Sep 25: Mrs. Loungaihzual@Zuali (34) W/o. Lamboi of Pearsonmun zan nitak dak 12:00 in Cancer ziak in si hi. Huailou in Upa L. Songkhopau (80) F/o. Upa L. Gouzalam of Pearsonmun tuni zing dak 10:30 in teeknat in si a, tuni’n a nih un Pearsonmun hanmual ah vuiliam in om uhi.
SDPO/CCpur in OC teng kimuhpih
Lamka Sep 25: Sub Divisional Police Officer (SDPO)/CCpur Mr. K. Kabib, IPS in tuni sunma dak 11:00 in amah chamber ah District sung a Police Station omteng a Officer-in-Charge teng kimuhpihna nei hi.
IMPHAL NEWS:
Mun tuamtuam ah UNLF nih mankhia
IMPHAL SEPT 25: Imphal West SP thusuak dan in, IW district police ten thuguk a ngah dungzui un, tuni zinglam dak 4 vel dingin, Imphal West Police commando leh 32 Assam Rifle kithuah in, Singjamei Oinam Thingel leh Khongnang Pheidekpi lak ah operation a neihna uah, UNLF member 2 mankhia uhi.
Police thusuak kingah dan in, matkhiat a om pen bel Thongam Megho Singh of Khongnang Pheidekpi Awang leikai inn apat a matkhiak uh hi a, mat khiak a om pen bel, Thongam Bajao @ Chitraranjan @ Nongpoklakpa (22) s/o (L) Th. Herachandra Singh of Singjamei Khongnang Pheidekpi ahi.
Police thusuak dan in, amah thudotna apat UNLF 2003 a lut, basic training Sajik Tampak a zou, UNLF 27th batch nuai a Army no. 1680 nei hi a, aman UNLF a Naba Singh kichi nuai ah, govt. deptt. tuamtuam a party fund ding kaikhom a kizang hidan in leng Police thusuak in taklang hi.
Huailou in, amah thudotna apat mah in, UNLF activist dang, Leishangthem Navinkumar @ Krith @ Ningthem (26) s/o L.Iboton Singh of Singjamei Oinam Thingel leikai leng ama tenna In apat Police ten vamankhia uhi.
Ama kipuan dungzui in UNLF 1999 a zom leh, Lance corporal dinmun nei ahihban ah, S/S Captain Pathom nuai a, UNLF a Marine Task Force nuai a New Samtal lak a party nasem hidan a theihsuah chih ahi.
Thudang khat ah, RPF/PLA 29th raising day toh kiton in, tuni’n Imphal a mun tuamtuam a cadre ten, star leh festoon a RPF/PLA long live chih kigelh ban ah, baloon tamtak leng huihkhua ah khahkhia uhi.
Tedim line bandh dei’n Govt. vau
IMPHAL SEPT 25: Keishampat Leimajam leikai a om Th. Chandramani Agra a MA sinlai inn lam suty hongpai, inn apat September 14, 2007 a pawtkhia himahleh, Sept. 16, 2007 ni a Kongba lui a, sisa a muhkhiak ahih toh kisai a kibawlkhia, 'JAC against the killing of Th.Chandramani' a convenor Sukriti Sharma in tuni a thuthak saimite kimuhpih uhi.
Hiai hun a agenna uah, tualthahna ziaka lungkim louh etsakna in Keishampat Leimajam leikai ten Sept. 17 apat tunitan sit-in-protest dharna nei touden ua, govt. a leng tualthattute zongkhe dia nget himahleh tunitan bangmah govt. lam apat sepsuah omlou ahihdan gen hi. Aban agenna ah, September 27, 2007 tan a govt. in tualthahna toh kisai a bangmah sepsuah a neih kei leh, hongtung ding September 28, 2008 zingkal dak 6 apat nitaklam dak 6 tan Tedim line a bandh bawl ding uh hidan in gen hi.
Tribal Writer's meet
IMPHAL SEPT 25: Sahitiya Akademy leh Writer's Forum, Imphal te kithuah in tuni’n Sanjenthong a State Guest House ah, Tribal Writer's meet nei ua, hiai hun a khuallian in Prof. Gangumei Kamson panga, President in I.S.Kangjam pang hi.
Hiai hun a khuallian in agenna ah, singtangmite laigelh toh kisai puah ding tup leh ngimna toh tuni a hichibang meet organized ahihna tung ah asaitute phathuai a sak dan gen hi. President in leng a thugenna ah, pau leh ham puah ahihtheihna dia, i kim-le-kianga omte toh a kibanga kalsuan khom poimoh hidan in taklang hi.
National Scholarship scheme
IMPHAL SEPT 25: CHSEM thusuak dungzui in, BA/B.Sc/B.Com/B.Archeology first year sinlel, 2007 a CHSEM a 60% mark leh atunglam mute’n National Scholarship Scheme nuai a 2007-08 a award piakna ding ngaihven theih hi.
Hiai ding toh kisai a application form leng September 27 - October 5, 2007 sung in Council office ah office hour in laktheih ding hi. Hiai form bel, October 15, 2007 tan in piaklut theih ding chih ahi.
Panchayat election vote tuzan a simsuak gintak ahi
IMPHAL SEPT 25: Manipur phaijang district 4 tenga Gram Panchayat member, Pradhan leh Zilla Parishad ding kitelna, September 19, 2007 a neih ahihnung, polling station 49 a re-poll September 21, 2007 a neih hinawn a, tuate vote simna district HQ tenga DC complex ah security venbitna khauhtak nuai ah, September 23, 2007 zinglam dak 8 in kipan a, himahleh, tuni tan in district li teng a vote simna zohlouh in omlai chih ahi.
Thutut kingah dan in, Thoubal leh Bishnupur district sunga tebel tuni nitaklam tan in sim zoh hita hi. Imphal West leh East district sunga member leh pradhan te bel atamzaw vote simzoh himahleh, zilla parishad te a simna pailel a, tuzan sawtnung a sim suak hingei dia lamet ahi. Hichibangkal ah, vote simna toh kisai in, agent tamtak in a kisaipih RO/ERO a candidate te authorized agent-te tellou a vote tamtak simkhit a om hi’n complaint bawl uhi.
NEWMAI NEWS:
Union Minister Ramesh lungkimlou
Shillong, Sept 25(NNN): Union Minister of State for Commerce Jairam Ramesh in tuni in Meghalaya khopi Shillong vehna nei in, huai ah North Eastern state te’n infrastructural development na ding toh kisai in sum tamtak ngah a, India a state tamtak ten sum le pai bangmah angah louh lai un, NE pe’n Centre in ngai poimoh mahmah in, sum tamtak tak sunglut gige a, himahleh, muntheih in Industry bangmah omlou a, ban ah, development toh kisai chihtaak bangmah om lou ahi chi in, a lungkimlouh thugen hi. Ramesh in agenzelna ah, NE ading in kha teng in Centre apan sum tamtak tak luanglut gige a, himahleh, tuni chiang in khantouhna mit a muhtheih ding om lou a, Guwahati- Shillong highway maimai leng NE te ading in lampi hoihna pen himahleh, Centre in amit in muleh nuih zaathuai sa mahmah ding ahi chi hi.
Kum 2 paisa apan Northeast Eastern states puahna ding in Centre in Rs. 5000- 6000 state chih ah pia a, himahleh, huaite tuni in koilam tung hiam, Politician te gilpi a luthiam, ahihkei leh, helpawlte thautang a heikhiak mai a om hiam chih dotna bawl hi. Ramesh in agenzelna ah, India ah Nam tamtak teng a, North East state 3 te ah Christiante bubit tak in om a, himahleh, nekguukna toh kisai in huai state 3 te leng bittuan lou a, Hindu, Muslim leh Nam tuamtuam te sang mah in uangzaw uh ahihdan gen kawm in, khantouhna kichi Sahkhua bangmah in doudal lou ahihdan genkawm in, Politician te iplah huai asakthu gen hi.
KSO in Electric toh kisai in lungkimlouh thu suah
Imphal, Sept 25(NNN): Imphal Tamenglong Road a lampi sia genlouh Electric leng ahoihlouh luat ziak in tuni in Kuki Students’ Organisation Tuilang Block in thusuah bawl ua, Government in Tamei subdivision sung bangchi et hiam chih dotna bawl uhi. Kuki Students' Orgnisation (KSO) Tuilang Block in agenbehna uah, Kangpokpi apan Tamei kikal electric in hoihni nei ngeilou a, mipite ading in mangbat huai mahmah ahi chi uhi.
KSO, Tuilang Block President H.Chongloi in agenna ah, I-T Road a teng mipite’n electric a ngah uh tang a tuanna hita ahihdan gen in, Government in kintak a power supply a bawldik kei leh Government tung ah leng kiphinna neihkhum thei uh ahihdan taklang hi.
Ragging ziak in Engineering College buai
Guwahati, Sept 25(NNN): India in tumlam gamte enton chi in kum bangzah hiam paisa apan ragging kichi thangsak mahmah ua, himahleh, tumlam gamte sang in naktak in hihkhial zaw ua, ragging chih kammal ziak in mi tamtak in sihlohta uhi. Assam Engineering Insitute a Second Year sinlel khat in a junior te ragging a bawlziak in College apan nohkhiak in om a, hiai thu in, Assam Engineering Institute (AEI) ah buaina liantak piangsak ding in kilang hi. Thusuak kingah danin, ragging thu ziak in, College authority te’n second Year sinlel Gokul Nath September 21 in kha 6 sung nohkhiak ahihdan thupuan bawl ua, Anti-Ragging Committee recommend dungzui a sepkhiak ahihna ah, kuamah pautheilou ding in College Authority in thusuah bawl uhi.
Hiai tungtang ah Student Union pawl lungkimlou in tuni in college ah kiphinna nei uhi. College authority thusuak in ataklat na ah, Mr Nath in September 8 leh 17 in first year student nih ragging paulap in ut le dah in soisa a, khat in liamna tuak hidanin gen uhi. Aleh lamah, AEI Students’ Union General secretary Tulya Ranjan Gogoi in agenna ah, hiai nite in Nath Hostel ah omlou ahihdan gen in, College authority te thugen teng zuau ahi chi leuleu hik. Hiai thubuai in AEI hun sawttak subuai ding in kilang hi.
OL Nongtdu in thutanna la ding
Shillong, Sept 25(NNN): Kumnawn February kha a Meghalaya Assembly Election om ding toh kisai in, Congress party in tuni tan in candidate list bangmah puankhiak nei nailou ua, huai in mi tamtak su thang pai in, NCP camp ah Congress legislator tamtak lut ding in kilang hi. Thusuak in agendan in, Meghalaya Pradesh Congress Committee (MPCC) in President O.L.Nongtdu khut ah nga ua, aman Constituency tuamtuam ah candidate guang ding hi’n kigen a, himahleh, AICC President Sonia Gandhi in etkai pih ding hi’n kigen hi.
Tuabangkalah, NCP MLA Manindro Rava, MDP MLA Draison Kharshiing leh Independent MLA Billy K.Sangma te’n Congress ticket tansawm teitei in panla uh chihthu om a, himahleh, hiai tungtang ah NCP in thu zuau leng maimai ahi chi uhi. Tulai in MDP leh NCP in mun tuamtuak ah camp nei ua, aleh lam ah Congress pawl in awl a kisakkhiak sawm pan uh hi’n kigen hi. MPCC Chief Nongtdu in agenna ah, mihing te kinohtak a apaichiang in, ki suihpaih baihlam mahmah a, himahleh, awl awl a a apaichiang un, pilvanna toh thil tamtak enthei uh ahi chi hi. Aman agenzelna ah, kum nawn February kha a election om ding toh kisai in candidate list puankhiakna ding in baihlua a, mipite patau lou ding in chialna bawl a, AICC President Sonia Gandhi in Meghalaya awlmoh mahmah ahihthu gen in, December kha chiang in thilteng chiang ding ahi chi hi.
MCP party tamtak in zomthak
Aizawl, Sept 25(NNN): J. Lalsangzuala makaih Mizoram Congress Party in mailam nawt mawk ding un kilang a, tuni in party tuamtuam apan mi poimoh 98 in zomthak uh a, amaute laklutna program thupitak in Zemabawk ah neih in om hi. Laklutna kikhop ah MCP General Secretary LT Zothankhuma in thugenna nei a, huai ah kumnawn February kha a Mizoram state Assembly Election om ding ah MCP Party in pan naktak a laksawm ahihdan gen in, lungsim kibatpih leh paidan kibatpih te toh Government bawlkhiak hiding in puang uhi. Aman agenbehna ah, MCP bel ut mi tamtak om lai ahihdan gen in, tulel a MNF Party MLA khat in leng MCP zom ding ahihdan gen in, MCP in vai ahawm chiang in Mizoram ah neekgukna ki chi himhim om nawnlou ding a, mipi’n thuneihna bangkim la ta ding ahi chi hi. MCP Chief J. Lalsangzuala in YMCA kum 150 chinna hun uap ding a, Delhi a zinziak in hiai program ah kilang theilou hi.
SSA Tournament honkhiak in om
Aizawl, Sept 25(NNN): Dr. R. Lalthangliana, School Education Minister in tuni in Aizawl District SSA Inter Academy Tournament Ramhlun Sports Complex ah honkhiakna nei hi. Minister in SSA student te mai ah thugenna nei in, SSA Mission nuai ah tournament thupitak a neih theih ahihna ah a saitute phat tham ching ahihdan gen in, student te’n siamsinna aneih kawmkawm in, kimawlna leng a uang bawl uh poimoh ahihdan gen hi. Malsawmthangi, Director School Education in leng hiai hun uap in, football, boxing, karate, judo, taekwondo leh table tennis te tungtawn in, Mizoram state in khanlohna thupitak ngah a, SSA student tamtak te ading in talent lahkhiakna hun ahihdan gen kawm in, kuaman Drugs hihlou ding in hasuan uhi. Hiai kimawlna a telding in, Kawlkulh, Saitual, Keifang, Darlawn, Lengpui leh Sihphir apan student tamtak paikhawm uhi.
Sepaih lakna mun ah buaina tung
Aizawl Sept 25(NNN): Assam Rifles in tuni in Serchhip town ah sepaih lakna neiding in kisa mah le uh, applicant 500 val nawlkhin ahih ziak un buaina thupitak piang in Police in leng khamdaai zoulou hi’n kigen hi. Serchhip Superintendent of Police Lalbiakzama in agenna ah, Police in hiai buaina delh pah mah leh khamdaih ding vual hilou a, recruitment board in thil paidan a etchet thak uh poimoh ding ahi chi hi. Mi 500 val te ahihleh, application form bukimlouh ziak a reject a om uh hi’n kigen hi. Headmaster in character certificate issued abawlte AR thuneitute’n pom utlou uh a, Government officer khat ahihkei leh, Police Officer khat in attested abawl teitei ding ahi chi in pang uhi. AR te’n document a pom te uleh a pomlouh te uh kikal ah buaina thupitak piang a, Police in buaina phelhmit sawm ua, himahleh, AR pawl in bel dai dide in en uh hi’n kigen hi. State
Police leh 41st Assam Rifles kikal ah leng hiai buaina toh kisai in kingoh tuahna om hi’n leng thusuak in gen hi
www.zogam.com
No comments:
Post a Comment