HIV/AIDS Helpline in Lamka
HIV/AIDS tungtang haksatna leh dotnop neite adi’n landline phone hiam WLL khat zawsam tungtawn in telephone No. 1097 (toll free) in Women Dev Society pawl contact theih a, amau panpih ngaite lampi kawkmuh sek uhi.
Sungkhoh tam
Lamka, 29 Sep 2007: District Hospital a Medical Ward ah tulai a damlou omte laka a tamzaw sungkhoh ziak hi a, kuapeuh nek-le-dawn thil a pilvang ding leh tui dawn ding himhim suansousa kia dawn poimoh chi’n doctor te’n gen uhi.
ZRF pawlin thusuah bawl
Ngaihkim Zomi, i/c Info & Public Relations, ZRF in thusuah a balw dungzui in ZRF sunga kitheihsiamlouhna neuchikte ziakin PS Hangshing, C-in-C, ni tamlou sung pawldangte operational area a om sungin ZRF in KNO pawtsan chi a thusuah omte amah theihpih hilou ahihziak in zuauthu hizaw a taklang in ZRF in KNO Pawtsan in pawldang zomlou a, ZRF pen KNO armed wing laka khat hizaw chi’n puang uhi. Hun paisa a kitheihsiamlouhna neuchikte ziaka ZRf cadre kik nailoute leng Oct 5, 2007 tan a ZRF GHQ a ki report dingin theisak a, malam hun ah pawlpi musit leh masawnna ding daltu peuhmah ZRF dan tawh kithuakin pawlpi lampi apan hepkhiak hiding chi’n leng puang hi.
Electric Transformer kangsia bawl hoih uh
District hospital a electric meivak lakna Churachandpur Govt College huansung a Transformer om Aug 2007 tawpkuan a kangsia a department te’n bawlhoih dingin Sep 2, 2007 in lakhia uh a, Sep 25, 2007 in repairing zou in thuah uh a, huaini pumpi charging bawl in Sep 26, 2007 in huai transformer in ngeina bang in electric meivak supply nawnta hi. Transformer kha 1 val a siat sungin District Hospital a doctor te’n damloute operation a bawl chiang un sunni tum in generator a zatsek uh ngai hi.
CDSU in District a ding K Oil tungtang thusuah
Churachandpur District in khateng a SK Oil a ngah ding monthly quota tutan hongtunglouh ziak thildang hilou in phaijang helte pawlkhat kigolh ziak hi’n Gen Secy, Churachandpur District Students’ Union (CDSU) in thusuah hi. CDSU in mipi khualna a PDS system a buaipih lai ua hiaibang a hihbuai pawlin mipi vantang genthei taka khosate muhding thila a kigolh uh tawsan dia ngen in district ading SK Oil quota a kintehi lama puakkhiak ahih deihthu leng puang uhi. Hiai banga mipi in a ngah ding thila kigolhte’n Churachandpur District mipite tanvou hihsiatsak sawm a koih hiding uh a, CDSU huchibang thil ah dai dide in omlou ding chihthu leng puang uhi.
Rev Douzapao Memorial Trust
Evangelical College of Theology (ECT) a faculty leh student pawl kigawm in ECT akai student dinmun haksa deuhte khualna in ECCI General Secy a letlai a si “Rev Dr Douzapao Haokip Memorial Trust” patkhiak sawm uh a, Oct 2, 2007 zinglam dak 11 in ECCI Chapel ah huai honna leh mini-concert kithuah omding. Huai ah Elder LS Gangte, Chairman, ECCI in huai Memorial Trust project hong ding a, Rev Lalrosiem Songate, General Director in thugen ding hi. ECT Choir, Femal Voice, Jeff Akai, Calvary Bandh, Male voice, Rengneithang Kom, leh Michael Thangboi Haokip in mini-concert hun ah phatna la sading uhi.
KSO GHQ Election hunding puang
Secretary KSO Gen HQ a Standing Committee in Oct 27, 2007 in KSO Gen HQ vaipaw ding telna election omding hi’n puang hi. Candidate nuamte adi’n Oct 20, 2007 tan nomination fee Rs. 100 tel in nomination paper piaklut theih ding a, Oct 22, 2007 in candidate kizukkik nuamte adi’n hun hon hiding a, Oct 23, 2007 in scrutiny omding hi. Huai thusuak dungzui in KSO Gen HQ a Executive thak telma in President P Simte in Care taker President hihna lentou ding a, Onkholun Haokip, Chairman, STC a khawltak ziakin Henkholun Doungel in Chairman, STC leh Lhunkhothang Haokip, in Secy STC len ding a guan hi uhi.
HIV/AIDS tungtang haksatna leh dotnop neite adi’n landline phone hiam WLL khat zawsam tungtawn in telephone No. 1097 (toll free) in Women Dev Society pawl contact theih a, amau panpih ngaite lampi kawkmuh sek uhi.
Sungkhoh tam
Lamka, 29 Sep 2007: District Hospital a Medical Ward ah tulai a damlou omte laka a tamzaw sungkhoh ziak hi a, kuapeuh nek-le-dawn thil a pilvang ding leh tui dawn ding himhim suansousa kia dawn poimoh chi’n doctor te’n gen uhi.
ZRF pawlin thusuah bawl
Ngaihkim Zomi, i/c Info & Public Relations, ZRF in thusuah a balw dungzui in ZRF sunga kitheihsiamlouhna neuchikte ziakin PS Hangshing, C-in-C, ni tamlou sung pawldangte operational area a om sungin ZRF in KNO pawtsan chi a thusuah omte amah theihpih hilou ahihziak in zuauthu hizaw a taklang in ZRF in KNO Pawtsan in pawldang zomlou a, ZRF pen KNO armed wing laka khat hizaw chi’n puang uhi. Hun paisa a kitheihsiamlouhna neuchikte ziaka ZRf cadre kik nailoute leng Oct 5, 2007 tan a ZRF GHQ a ki report dingin theisak a, malam hun ah pawlpi musit leh masawnna ding daltu peuhmah ZRF dan tawh kithuakin pawlpi lampi apan hepkhiak hiding chi’n leng puang hi.
Electric Transformer kangsia bawl hoih uh
District hospital a electric meivak lakna Churachandpur Govt College huansung a Transformer om Aug 2007 tawpkuan a kangsia a department te’n bawlhoih dingin Sep 2, 2007 in lakhia uh a, Sep 25, 2007 in repairing zou in thuah uh a, huaini pumpi charging bawl in Sep 26, 2007 in huai transformer in ngeina bang in electric meivak supply nawnta hi. Transformer kha 1 val a siat sungin District Hospital a doctor te’n damloute operation a bawl chiang un sunni tum in generator a zatsek uh ngai hi.
CDSU in District a ding K Oil tungtang thusuah
Churachandpur District in khateng a SK Oil a ngah ding monthly quota tutan hongtunglouh ziak thildang hilou in phaijang helte pawlkhat kigolh ziak hi’n Gen Secy, Churachandpur District Students’ Union (CDSU) in thusuah hi. CDSU in mipi khualna a PDS system a buaipih lai ua hiaibang a hihbuai pawlin mipi vantang genthei taka khosate muhding thila a kigolh uh tawsan dia ngen in district ading SK Oil quota a kintehi lama puakkhiak ahih deihthu leng puang uhi. Hiai banga mipi in a ngah ding thila kigolhte’n Churachandpur District mipite tanvou hihsiatsak sawm a koih hiding uh a, CDSU huchibang thil ah dai dide in omlou ding chihthu leng puang uhi.
Rev Douzapao Memorial Trust
Evangelical College of Theology (ECT) a faculty leh student pawl kigawm in ECT akai student dinmun haksa deuhte khualna in ECCI General Secy a letlai a si “Rev Dr Douzapao Haokip Memorial Trust” patkhiak sawm uh a, Oct 2, 2007 zinglam dak 11 in ECCI Chapel ah huai honna leh mini-concert kithuah omding. Huai ah Elder LS Gangte, Chairman, ECCI in huai Memorial Trust project hong ding a, Rev Lalrosiem Songate, General Director in thugen ding hi. ECT Choir, Femal Voice, Jeff Akai, Calvary Bandh, Male voice, Rengneithang Kom, leh Michael Thangboi Haokip in mini-concert hun ah phatna la sading uhi.
KSO GHQ Election hunding puang
Secretary KSO Gen HQ a Standing Committee in Oct 27, 2007 in KSO Gen HQ vaipaw ding telna election omding hi’n puang hi. Candidate nuamte adi’n Oct 20, 2007 tan nomination fee Rs. 100 tel in nomination paper piaklut theih ding a, Oct 22, 2007 in candidate kizukkik nuamte adi’n hun hon hiding a, Oct 23, 2007 in scrutiny omding hi. Huai thusuak dungzui in KSO Gen HQ a Executive thak telma in President P Simte in Care taker President hihna lentou ding a, Onkholun Haokip, Chairman, STC a khawltak ziakin Henkholun Doungel in Chairman, STC leh Lhunkhothang Haokip, in Secy STC len ding a guan hi uhi.
No comments:
Post a Comment