N. Tawna ASI in kaisang
Lamka, April-11: Manipur Excise department in amau department a mi 36te ASI ding in promotion pia a, tuate lak ah Non-Naga singtangmite lak ah Mr. N. Tawna Paite of New Lamka leng telkha hi. Amaute posting na mun ding bel bawl fel hinailou hi.
MPHC a MD in Singngat pha
Lamka, April 11: Manipur Police Housing Corporation a Managing Director Mr. Samananda Singh, IPS, IGP in tuni zing dak 10:00 vel in Lamka hongpha in Singngat khua leng pha hi. Aman Singngat khua a MPHC tungtawn a Police sation kibawl etkhiatna va nei hi.
Mualsuang dohna leh Ex-gratia hawmna neiding
Lamka, April 11: Zou Youth Organisation, GHQ saina in hongtung ding April 12, 2008 sunma dak 11:00 in Ngasuan Lui ah apaisa January 18, 2008 a huai lui a Truck tuahsia a si mi 20 te theihgigena dia Mualsuang kidoh honkhiatna neih hidng hi.
Hiai suangdoh pen Mr. Chinzakhup, President, UZO HQ in honkhiatna neiding a Rev. Kapsuanthang in latna neiding hi. Hiai hun ah site sungkuante kiangah ex-gratia hawmna neih ahihding banah liamte kiangah panpihna piak hiding hi.
Flying Squad team in Exam en khia
Lamka, April-11: Manipur University apan Flying squad team in tuni zinglam dak 11:00 in Lamka hong pha in Churachandpur Govt. College leh Lamka College a BA-I & III yrs. final Exam om lel hong enkhia uhi. Exam Hall a phakna munte uah khenkhat body tanpha uh check ua, himahleh matkhiak bel neilou uhi.
DC Imphal a meeting ah tel
Lamka, April-11: Sumant Singh IAS DC/Churachandpur tuni’n Imphal ah hoh a, sunnung lam in Power Minister Office ah Mautam toh kisai meeting nei uhi. Hiai hun ah CCpur District apan MLA teng leng tel uhi.
Sawmpau Memorial Football Tournament Closing om ding
Lamka, April-11: Ngathal Youth Club leh SAHARA/Churachandpur kithuah a (L) Sawmpau Memorial Football Tournament Ngathal Play Ground a neih a om hunkhakna (Closing Function) April 14, 2008 sun dak 12:30 in om ding hi. Huai hun ah Sumant Singh IAS DC/Churanchandpur Chief Guest apang in khak ding hi.
Heart Specialist in en ding
Lamka, April-11: Dr.Th. Sachin Deba Singh MD. DM Cardiologist (Heart Specialist) in zingchiang zingkal dak 9:00 apan in Zenhang Lamka Rengkai Road a Pu Khup Medicare ah Lungtang lam toh kisai buaina neite en ding a, lunglutte’n ngaihven poimoh hi.
Nungak Camp zou
Lamka, April-11: Evangelical Synod Church (ESC) Chiengkonpang Biakinn ah Numei Camp April 7, 2008 apan a neih uh tunitak in zou siang uhi. Huai ah Evan P. Thawnkhansuan thugenpi in pang a, nungak 36 val tel in lawhching mahmah hi.
Govt. Office ni 2 suty kizom
Lamka, April-11: Government Office leh Institution te ni 2 suty kizom ding a, huai bel April 12, 2008 2nd Saturday ahihban ah a zing Pathianni ahihziakin suty ding uhi.
SPF term nihna kumkhat ching nawnta
IMPHAL, April 11: Manipur a sorkal bawl Secular Proressive Front (SPF) in term khatna bubittak a a paisuakpih nung in, term nihna leng kum khat bang lentou dinmun suakta hi.
Hichibang a SPF lohchinna toh kisai in, DIPR saina nuai ah, April 14, 2008 sunnung dak 3 in State Guest House Conference Hall ah, ‘Releasing function of a Coloured Booklet on the Achievements of One Year of the 2nd Term of the SPF Government’ kichi om ding hi.
Hiai hun ah, vaidawn thugenna IPR Minister T.N. Haokip in nei ding a, Chief Minister O. Ibobi Singh in booklet siansuahna nei in thugenna hun zang ding hi. IPR Commissioner P. Bharat Singh, IAS in kipahthugenna hun zang ding hi.
JAC in CM ah memorandum pia
IMPHAL, April 11: Thoubal district a Kakching Police Station huamsung a, Lousipat a meltheihlouhte’n hehpihna bei a meithai khat, Inaothoibi @ Shantibala (27) kichi April 9, 2008 zan a a thahna uh toh kisai in, ‘JAC against the brutal killing of (L) Inaothoibi @ Shantibala’ kichi Meira Paibi leh Club te’n bawlkhia uhi.
Hiai pawl mi tamtakte tuni’n Chief Minister kiang a memorandum pe ding in kuan ua, himahleh, Police te’n Sanjenthong lei bul a dal in, JAC palai mi 8 vel CM kiang a memorandum pelut ding in paisuaksak uhi.
JAC in CM kiang a memorandum a piaklutna ah, tualthatte April 14, 2008 tan a matkhiak leh gawtna piak ding, Inaothoibi in a nutsiat Robindro (6) leh Nanao (3) a dia govt. in ‘Ashti’ hun ma a Rs 5 lakh a piak ding, huchi ahihkeileh siluang laklouh ding in taklang uhi. JAC palaite gendan in, tualthatna toh kisai a kigolh hidia muanmoh nei mahle uh matkhiak bel omnailou hidan in thutut kingah ahi.
AMSU in realization day zang ding
IMPHAL, April 11: All Manipur Students’ Union HQ saina in Pishum Chingamacha ah April 17, 2008 chiang in 38th Realisation Day zat hiding hi. Hiai mun a pakvui piakna zoh ahihchiang in, HAU ground ah mipi kikhopna om ding hi.
Manipur apat gamdangmi hawlkhiakna dia 1980 kum apat All Manipur Students’ Union in movement a neihlai ua Police-te thautang leng in a khaklup Potsangbam Lukhoi leh Huidrom Lokendro theihgigena ding in AMSU in 1981 apat kum teng in April 17 pen ‘Mikap Thokpa Numit’ (Realisation Day) chih minvuah in ana zangtou hi.
AMSU in gamdangmi hawlkhiakna dia movement a neih toh kisai in govt. toh 1980 leh 1994 in MoU gelh hitamahleh, sepsuah omlou hidan in leng thutut kingah hi.
District Level Convention on HIV/AIDS
IMPHAL, April 11: UNAIDS sensakna nuai a Manipur Legislators Forum on HIV/AIDS saina in, Bishnupur district sung a Kiyamba Nongsang Sanglen ah April 12, 2008 in ‘One day District Level Convention on HIV/AIDS of the elected representatives & civil societies’ kichi om ding hi.
Hiai hun ah Khuallian in MLFA a Chairman leh Speaker Dr. S. Budhichandra Singh pang ding a, President di’n Bishnupur district sung a MLA N. Loken, Govindas Konthoujam, N. Mangi, T. Mangibabu, M. Manindra leh Dr. I. Ibohanbi pang ding uhi.
Cultural Traditon toh kisai in workshop
IMPHAL, April 11: Indira Gandhi National Centre for Arts, New Delhi leh Manipur Film Development Corporation Limited kithuah in, April 12, 2008 zinglam dak 10 apat Hotel Nirmala Conference Hall ah, ‘Workshop on Implications of the Trans Asian Highway on the Cultural Traditions of Manipur’ kichi neih hiding hi. Hiai hun ah Khuallian in Padmashree R.K. Jhaljit pang ding a, Functional President in Lokendra Arambam, Historian & Scholar pang ding hi.
Consultative meeting ah tel
IMPHAL, April 11: Shillong a Pinewood Hotel ah zan in 13th Finance Commission Consultative Meeting om a, huai hun ah Chairman in Dr. Bijoy Karkar pang a, Manipur University apat Economist ngen, Prof L. Tombi, Prof. Amar Yumnam, Prof. E. Bijoykumar leh Prof. Ch. Priyoranjan kihel uh hidan in thutut kingah hi.
Committee Chairman ding guang
IMPHAL, April 11: Manipur Legislative Assembly a Speaker Dr. S. Budhichandra Singh in 2008-09 sung a Committee tuamtuam 3 a Chairman ding in MLA 3 guang hi. Amaute ahihleh O. Joy, Chairman on Public Accounts, Bijoy Koijam, Chairman on Estimates leh I. Hemochandra, Chairman on Public Undertakings hi uh hi’n zan in Assembly Secretary in thusuah bawl hi.
National Dedication Celebration
IMPHAL, April 11: 158th Death Anniversary Commenmoration for Maharaja Narasingh, National Dedication Celebration Day, 2008 tuni’n Kangla Fort ah zat in om hi. Hiai hun Lok Sabha Inner MP Dr. T. Meinya, NEC Secretary R.K. Phalguni, MLA R.K. Anand leh E. Sonamani, IAS (retired) in uap ua, Prof. N. Joykumar, Manipur University in ‘Maharaja Narasingh in the welfare of Manipur. Is his message still relevant.’ chih toh kisai in thugenna hun zang hi.
Cabinet meeting ah thu tamtak luikhiak in om
IMPHAL, April 11: Tuni sunnung apat in Chief Minister O. Ibobi Singh makaih in, CM Secretariat a Cabinet Hall ah, Cabinet meeting om a, tua hun ah Distric Council toh kisai banah ngaihtuah ding in thu tamtak luikhiak in om hi.
Thutut kingah dan in, cabinet meeting agenda dia luikhiakte bel, Draft Manipur Hill Areas Autonomous District Councils Ordinance, 2008, Revised Draft Business of the Govt. of Manipur (Allocation) 27th (Amendment) Rules, 2008, Extention of Terms of 26 Adhoc Appointments, Extension of Two Post of Deputy Superintendent of Jail from 1996-97 till 28/2/2009, Contractual Appointment of Key Staff Members for Establishment of State HQ Cell under Global Fund for AIDS Tuberculosis & Malaria of the National Vector Borne Disease Control Programme, Manipur, Amendment of Section 57(4) of the Manipur Panchayati Raj Act, 1994, Setting up of the Manipur Information Technology Society, Engagement of N. Sanjoy Singh s/o (L) N. Yaima Singh, Ex-Chowkidar-cum-Sweeper in the Office of the Public Prosecutor-cum-Govt. Advocate (HC) Manipur, Framing the rules namely The Devolution of Powers & Function to the Panchayati Raj Institutions (maintenance/Management of bus stands/terminus/way side amenity complex & collection of Parking fees) Rules, 2007, Engagement of Staff on Contract Basis in the Office of the Public Prosecutor-cum-Govt. Advocate (HC) Manipur as recommended by Committee of Officers, Report of the Kwakeithel Akham Leikai Firing Inquiry Commission banah Schemes for Appointment & Promotion of Sports Persons hidan in thutut kingah hi.
NSCN-IM leh K kikaptuah: mi 4 si
IMPHAL, April 11: Muanhuaitak apat thutut kingah dan in, zan leh tuni zingkal baihtak tan in, Tamenglong district sung a NSCN-IM leh NSCN-K helpawlte kikaptuahna nasatak om a, tua ah cadre 4 in kaplup in om uhi.
Thutut kingah dan in, hiai bang kikaptuahna in maban a sawnlouhna ding khualna in, Tamenglong district HQ ah, khotang a Zeliangrong pawlpi tuamtuamte’n ‘red alert’ puang in, public curfew tanpha koih uhi.
Thutut kingan dan in, zan zinglam dak 9 ding vel in NSCN-K helpawl galvan hoihtak a kithuamte'n Buning khua a NP Bn, NSCN-IM omte bukap ua, tua ah naktak a kikaptuahna piang in, sunnung dak 3 tan vel kikaptuah uhi. Hiai mun ah NSCN-IM cadre khat kaplup in om a, NSCN-K te’n bel NSCN-IM cadre 4 leh 5 vel leng naktak a liam ding in genmahle uh, NSCN-IM lamte’n nial uhi.
Hichibang a NSCN-IM’ panmun khat bukap ahihnung in, NSCN-IM lamte’n leng NSCN-K cadre 3 amat nung ua tuni zinglam dak 5:20 ding vel in Duigailong khua a JNV kibawllel complex sung a kaplum uh hidan in thutut kingah hi.
Hiai kikaptuahna a si NSCN-IM cadre bel ‘Sgt. Major’ Senreisang (28) hi a, huailou in NSCN-K cadre 3 thah a omte bel ‘Lt.’ Kaithuanang Panmei (28), ‘Pvt.’ Gianthanglung (19) leh ‘Major’ Zachariah (25) hi uh hi’n thutut kingah hi.
PC Ram’ tapa in a pa sihna inn veh ding
GUWAHATI, April 11 NNN
Food Corporation of India (FCI) nuai a Executive Director, a phamsa PC Ram’ tapa Praveen Goutan in tukha tawplam chiang in, ULFA helpawlte toh police-te kikaptuahna a a pa’ sihna mun, Kamrup district a Kamalpur Police Station huamsung a Borka Paneetema khua hong pha ding hi’n thusuak in taklang hi.
PC Ram ahihleh nikum April 17 a ULFA helpawlte hidia muanmohte’n Guwahati a GS Road apat a pimang uh hi a, kha 2 vingveng a nung sui ahihnung in police te’n July 11 in Borka Paneetema khua a ULFA helpawlte khut a om ahihdan theikhia ua, a nitak mah a hutkhiak a sawmna lam ua kikaptuahna a kaplup khak a om ahi hi.
Gauhati High Court a senior advocate Nakibur Zaman in a genna ah, July 11 nitak a a pa kaplup a a omna, Gobinda Deka’ inn Praveen in pha ding a, himahleh, a hun leh ni kichian bel theih hinailou ahihdan gen hi. Praveen ahihleh tu’n USA ah omlel a, a pa suunna dan a a huai khua a sahkho thil, program khat neih sawm a, Guwahati ah leng a pa sih nung a thu-le-la kivei tamtak omte hilhchian ding in thuthaksaite leng kimuhpih ding ahihdan thusuak in taklang hi.
Damdawi tang lakh 1 Shillong tung
SHILLONG, April 11 NNN
Meghalaya ah meningitis natna hiileng patauhhuailua hikei mahleh Meghalaya district 7 a health centre-te a hawm ding damdawi Cyprofloxin tang lakh 1 sorkar in a leikhiakte Sintawpni a Shillong tung ngal hi’n thusuak in taklang hi.
Meningitis natna hiileng uanglua hikei mahleh awl in pung deuhdeuh a, Health Sevices Director K.H. Lakiang in a genna ah, hiai natna nei theihbeh in omzel mahleh a kal laklak chauh a om ahihna ah patauhhuai hinai hiallou ahihdan gen hi’n thusuak in taklang hi.
K.H. Lakiang in a genzelna ah, tunitan in meningitis natna nei hidia muanmoh mi 186 omta a, mi dang 36-te ahihleh meningitis natna nei mah uh hidan a chetna omta ahihdan leh hiai natna ziak a sihna tan hial ana tuak bel mi khat chauh ompan ahihdan gen hi. Meningitis natna nei hidia muanmoh Jaintia Hills district ah tampen tadihlai a, hiai natna ziak a si hidia muanmohte ahihleh meningitis natna toh kibang mahmah malaria ziak hizaw dan in Lakiang in gen hi.
District Health and Medical Officer (DHMO) Dr. S. Pohsnem in a genna ah, meningitis natna nei hidia muanmoh Jaintia Hills ah mi 70 om ua, huaite lak ah mi 4 in nei taktak ua, midang khat ahihleh sih leng sita hidan in gen hi. Huai banah, hiai natna kilohsawntheih meningitis ahihleh, Jaintia Hills sung ah leng Wahejer PHC apat tam diak hi’n thusuak in taklang hi.
Tuabangkal ah, health official te’n mipite kiang ah pilvan ding dan tuamtuam a zaksak banuah, khosik sang, gawlna, ngawng khawm, luaksuak leh luate banah chithak khong neite’n damdawi inn kintak a naihpah ding in theihsakna bawl uhi. Huai banah, official te’n mipite kiang ah patauhna ding bangmah omlou ahihdan a hilhchetna ua, hiai natna a huntak leh a etkol ahihnak leh lauhhuai hilou ahihdan puang uh hi’n thusuak in taklang hi.
Helte 2 kaplup in om: AR jawan 1 liam
IMPHAL, April 11 NNN
Bishnupur district sung a Kha-Potsangbam a Bishnupur district police commando-te toh Ningani zankim dak 12:20 ding vel a kikaptuahna ah helpawl a tel hidia muanmoh mi nih kaplup a om hidan in thusuak in taklang hi.
Kaplup a omte ahihleh Ng Dhanajit a.k.a. Ibomcha (32) s/o Mangi of Uripok Bachaspati Leikai, Imphal leh Robinson of Uripok Achom Leikai, Imphal hi ua, official source thusuak dungzui in hiai mi 2-te bel Activa (MN 01-9871) a kipua in police commando patrolling paite kap ua, commando te’n a thukna ua kaplup a om uh hi’n thusuak in taklang hi.
Huai banah, kaplup a om mi nihte apat 9mm pistol khat, a tang 3, M20 pistol khat, a tang 4, mobile phone handset 1 banah People’s Revolutionary Party of Kangleipak (PREPAK) letterhead 10 muhsuah a om hi’n thusuak in taklang hi.
Thudang khat ah, North AOC Imphal a Kekru Villa apat Imphal West district police commando te’n Sintawpni in Kuki National Army (KNA) member khat Lungan Haokip (46) s/o Jangluan Haokip of Sijang village, Senapati district mankhia ua, Imphal bial a sumdawngmite lak apat sum khon dia zat a om hi’n thusuak in taklang hi.
Tuabangkal ah, Ukhrul district sung a Old Samtal bial ah 44th Assam Rifles jawan khat Sintawpni zingkal a IED bomb puak ah naktak in liam a, Senapati district a Leimakhong Military Hospital a etkol a om hi’n thusuak in taklang hi.
UPDS in centre toh peace talks a neih CSKA in gum
SHILLONG, April 11 NNN
United People Democratic Solidarity (UPDS) nungthuap in Karbi Anglong’ buainate kintak a suveng ding in Union Government kiang ah Civil Society of Karbi Anglong (CSKA) in ngen hi.
CSKA nuai a pawl tuamtuam 10 kigawmkhawmte’n Sintawpni a Union Home Minister Shivraj Patil kiang a memorandum a khiakna uah centre in Karbi mipite haksatna ngaihsaklou ahihdan Karbi Anglong mipite’n theisuah ahihdan uh taklang uhi.
Karbi Anglong mipite haksatna nelhsiah ahih nilouh a, UPDS toh kitheihsiamna piching kintak a bawl ahihkeileh hiamgamna, kithah-kimatna, pawl leh pawl kal a kidouna leh namkal buaina banah nuaina tuamtuam tungthei hidan in CSKA in a memorandum khiak ua taklang uh hi’n thusuak in taklang hi.
Sorkar leh UPDS in peace talks a neih uh kipahpih mahmah mahleh, kum 6 kihouna neih ahihnung a leng bangmah a pianlouh poi a sakthu uh taklang kawm in kihouna neih nawn ahih hunhun chiang a gahsuah hoihtak a hon neih a lamet thu uh CSKA in a memorandum uah taklang uhi. UPDS leh central government in a 7veina di’n Sintawpni in kihouna pan ua, hiai hun ah Assam govt leng kihel hi’n thusuak in taklang hi.
CSKA nuai a pawlpi tuamtuam kigawmkhawmte lak ah Somindar Karbi Amei, Karbi Lamel Amei, Karbi Students Association , Karbi Nemso Chingthur Asong, Karbi Re-Awakening Organisation (KRAO), Hemo Chettoy Gorkha Society (HCGS) banah KFA tel uh hi’n thusuak in taklang hi..
Vanman khan kiphinpih
GUWAHATI, April 11 NNN
Vanman khang toh kisai in BJP in India pumpi ah kiphinna chituamtuam pan a, huai dungzui in Guwahati ah leng BJP worker te’n Sintawpni in kiphinna nei ua, himahleh, chiangpum zang zen a police te’n hawldalh uh hi’n thusuak in taklang hi.
BJP leader bangzah hiamte makaih in BJP worker te’n Guwahati a Ulubari apat Kamrup (Metro) Deputy Commissioner’ office tan lamlian zuih sawm in kisa ua, himahleh, police te’n DC' office tan a pai ding uh ana dal uhi. Huaitak in, BJP member te’n gari taina ding khaktan in lamlian lai ah kiphinna nasaktak pan ua, police te’n leng a hawldalhna ding in chiangpum zang hial uhi. Huai banah, party member bangzah hiam leng man in Gorchuk police station a kem mahle uh nitaklam in khahkhe nawn pah uh hi’n thusuak in taklang hi.
EDITORIAL
Thupi: TOUPA Pathian nei nam tuh a hampha uhi; amah gouluah dia a tel mite mah. Sam 33:12
Sihna sang in hinna telzaw ni!
Eimite lak ah Pathian thu theilou kizong dek le hang i muhzohlouh tawp in leng i tawm mahmah ding uhi. Jesu nungzui mi 12-te tangthu i thei chiat ding ua, Jesu’n van a kah san khit nung in leng ginomtak in Pathian’ nna a semtou nilouh ua, kha mangthang tamtak man in saptuam a di’n nna a sem nilouh uh ahi. Huai kia hilou in, a tawp in a hinna tanpha uh Pathian min in a chan uh ahi. A damsung teng uh Pathian a di’n a ‘hing’ ua, a hinna uh leng Pathian a di’n a pia uhi. Ei Christian kichete’n leng nungzui 12-te apat i sin ding uh tam mahmah hi. Pathian min a sihna ding bang omta leh Lamka zang a mi tengteng phial in sih ngam ding ihi uhi. Himahleh, Pathian a dia hin ding lam a hong hih chiang in bel a hing ngap om kichi mahlehang a hingzou taktak kivang mahmah ding hi. Pathian min a sih i ngap uh a hoihlou chihna hilou in, hoihlua himahleh, Pathian a dia sih i ngap bangdeuh un Pathian a di’n hin leng ngap leng hoih sem ding hi. Pathian’ nna bel mi teng in kisemlou a (saptuam a full-time worker hilou), himahleh, ei sep-le-bawl tuamtuamte banah i niteng hinkhua uah bel Pathian’ nna septheih chiat ahihdan i thei mahmah uhi. Saptuam a Upa hiam ahihkeileh Pastor hiam a pan kia Pathian’ nna sepna hilou a, i niteng hinkhua ua i sep-le-bawl tuamtuamte a chitaktak leh ginomtak a sep leng Pathian’ nna sepna chikhat ahi hi.
Gam-le-nam i chih lah Pathian in a bawl mah ahi ngal a, huai ziak in, gam-le-nam a dia sep i chih leng Pathian’ nna sepna chikhat ahi. Huai ziak mah ahi dia, gam-le-nam i iit thei mahmah ua, gam-le-nam’ nna ‘full-time’ a sem tamtakte banah nam in haksatna a tuah hun a hinna tanpha ana pia tamtak ki-omta hi. Nam-le-gam in haksatna ana tuah hun a hinna tanpha ana pia tamtakte banah tu’n leng i gam-le-nam in haksatna tuak (etsakna di’n gal bang) tuak nawntaleh, tuailaite kia hilou in, atek-akhang tamtakte’n gam-le-nam a dia sih i ngap uh gintakhuai hi. Gam-le-nam iitna ziak a hinna ana pia, honna mualliamsantate i ngaihsut chiang in kipahna leh, kami-kasa lak a mihangsan hiai zahtak om ahi maw chih ziak in kisaktheihna lam bang in leng lak theih hi. Huai kia hilou in, hun haksa hong tung taktak leh tua honna mualliamsantate sang a tamzawte’n gam-le-nam a dia sih ngap lai i chih chiang in kipahhuai in kisaktheihhuai petmah hi.
Gam-le-nam i iit thei mahmah ua, sih ngap leng tampitak i om uhi. Himahleh, gam-le-nam’ a dia honna mualliamsante’ kipiakna genneuna hilou in, tu’n bel gam-le-nam a dia sihna’ng a om lawmlawm tadihkei a, a om zeuhzeuh a leh leng kipahhuaitak in mihangsan i kidaih mahmah lai uhi. Gam-le-nam’ a dia sih ngap kidaih tadihlai ihihman un, gam-le-nam a dia sih ngap tamtakte’n i kipiakna uh neuchik kheniam zek mai in, i taksap mahmah dungzui un, gam-le-nam a dia silou in hing zaw leng sih sang in a manphazaw dia aw chih ngaihdan om hi. Koimun hiam khong a sepaih pan kia gam-le-nam a dia sepna hilou a, i ommun leh panmun chiat ua, i niteng hinkhua ua i sep-le-bawl tuamtuamte khempeuh a chitaktak leh ginomtak a sep leng gam-le-nam a dia sepna khat ahi hi. I niteng hinkhua ua i sep-le-bawl khempeuh a diktattak leh ginomtak a, nam-le-gam a dia sem ding mi i kitasam mahmah uhi. Nam-le-gam a dia sih ngap i tam mahmah hang un nam-le-gam a dia hin ngap i kitasam mahmah uhi.
I gentaksa mah bang in, gam-le-nam a dia sep leng Pathian’ nna sepna chikhat ahihna ah, gam-le-nam’ a di’n sem in, hing in sih a poimoh a leh leng sih tanpha in pang leng bel mihing ngaihtuahna maimai in bel Vangam kai ding himai ahi. Huai ziak in, gam-le-nam’ a dia sih ngap vanglakte’n gam-le-nam a dia hin leng ngap vanglak in, gam-le-nam’ a dia sih ngaploute’n leng gam-le-nam a dia hin bek sawm leng hoih ding hi. Sihna sang a hinna tel mah pilhuaizaw ahihna ah, gam-le-nam’ a di’n hing chiat ni!
www.zogam.com
Lamka, April-11: Manipur Excise department in amau department a mi 36te ASI ding in promotion pia a, tuate lak ah Non-Naga singtangmite lak ah Mr. N. Tawna Paite of New Lamka leng telkha hi. Amaute posting na mun ding bel bawl fel hinailou hi.
MPHC a MD in Singngat pha
Lamka, April 11: Manipur Police Housing Corporation a Managing Director Mr. Samananda Singh, IPS, IGP in tuni zing dak 10:00 vel in Lamka hongpha in Singngat khua leng pha hi. Aman Singngat khua a MPHC tungtawn a Police sation kibawl etkhiatna va nei hi.
Mualsuang dohna leh Ex-gratia hawmna neiding
Lamka, April 11: Zou Youth Organisation, GHQ saina in hongtung ding April 12, 2008 sunma dak 11:00 in Ngasuan Lui ah apaisa January 18, 2008 a huai lui a Truck tuahsia a si mi 20 te theihgigena dia Mualsuang kidoh honkhiatna neih hidng hi.
Hiai suangdoh pen Mr. Chinzakhup, President, UZO HQ in honkhiatna neiding a Rev. Kapsuanthang in latna neiding hi. Hiai hun ah site sungkuante kiangah ex-gratia hawmna neih ahihding banah liamte kiangah panpihna piak hiding hi.
Flying Squad team in Exam en khia
Lamka, April-11: Manipur University apan Flying squad team in tuni zinglam dak 11:00 in Lamka hong pha in Churachandpur Govt. College leh Lamka College a BA-I & III yrs. final Exam om lel hong enkhia uhi. Exam Hall a phakna munte uah khenkhat body tanpha uh check ua, himahleh matkhiak bel neilou uhi.
DC Imphal a meeting ah tel
Lamka, April-11: Sumant Singh IAS DC/Churachandpur tuni’n Imphal ah hoh a, sunnung lam in Power Minister Office ah Mautam toh kisai meeting nei uhi. Hiai hun ah CCpur District apan MLA teng leng tel uhi.
Sawmpau Memorial Football Tournament Closing om ding
Lamka, April-11: Ngathal Youth Club leh SAHARA/Churachandpur kithuah a (L) Sawmpau Memorial Football Tournament Ngathal Play Ground a neih a om hunkhakna (Closing Function) April 14, 2008 sun dak 12:30 in om ding hi. Huai hun ah Sumant Singh IAS DC/Churanchandpur Chief Guest apang in khak ding hi.
Heart Specialist in en ding
Lamka, April-11: Dr.Th. Sachin Deba Singh MD. DM Cardiologist (Heart Specialist) in zingchiang zingkal dak 9:00 apan in Zenhang Lamka Rengkai Road a Pu Khup Medicare ah Lungtang lam toh kisai buaina neite en ding a, lunglutte’n ngaihven poimoh hi.
Nungak Camp zou
Lamka, April-11: Evangelical Synod Church (ESC) Chiengkonpang Biakinn ah Numei Camp April 7, 2008 apan a neih uh tunitak in zou siang uhi. Huai ah Evan P. Thawnkhansuan thugenpi in pang a, nungak 36 val tel in lawhching mahmah hi.
Govt. Office ni 2 suty kizom
Lamka, April-11: Government Office leh Institution te ni 2 suty kizom ding a, huai bel April 12, 2008 2nd Saturday ahihban ah a zing Pathianni ahihziakin suty ding uhi.
SPF term nihna kumkhat ching nawnta
IMPHAL, April 11: Manipur a sorkal bawl Secular Proressive Front (SPF) in term khatna bubittak a a paisuakpih nung in, term nihna leng kum khat bang lentou dinmun suakta hi.
Hichibang a SPF lohchinna toh kisai in, DIPR saina nuai ah, April 14, 2008 sunnung dak 3 in State Guest House Conference Hall ah, ‘Releasing function of a Coloured Booklet on the Achievements of One Year of the 2nd Term of the SPF Government’ kichi om ding hi.
Hiai hun ah, vaidawn thugenna IPR Minister T.N. Haokip in nei ding a, Chief Minister O. Ibobi Singh in booklet siansuahna nei in thugenna hun zang ding hi. IPR Commissioner P. Bharat Singh, IAS in kipahthugenna hun zang ding hi.
JAC in CM ah memorandum pia
IMPHAL, April 11: Thoubal district a Kakching Police Station huamsung a, Lousipat a meltheihlouhte’n hehpihna bei a meithai khat, Inaothoibi @ Shantibala (27) kichi April 9, 2008 zan a a thahna uh toh kisai in, ‘JAC against the brutal killing of (L) Inaothoibi @ Shantibala’ kichi Meira Paibi leh Club te’n bawlkhia uhi.
Hiai pawl mi tamtakte tuni’n Chief Minister kiang a memorandum pe ding in kuan ua, himahleh, Police te’n Sanjenthong lei bul a dal in, JAC palai mi 8 vel CM kiang a memorandum pelut ding in paisuaksak uhi.
JAC in CM kiang a memorandum a piaklutna ah, tualthatte April 14, 2008 tan a matkhiak leh gawtna piak ding, Inaothoibi in a nutsiat Robindro (6) leh Nanao (3) a dia govt. in ‘Ashti’ hun ma a Rs 5 lakh a piak ding, huchi ahihkeileh siluang laklouh ding in taklang uhi. JAC palaite gendan in, tualthatna toh kisai a kigolh hidia muanmoh nei mahle uh matkhiak bel omnailou hidan in thutut kingah ahi.
AMSU in realization day zang ding
IMPHAL, April 11: All Manipur Students’ Union HQ saina in Pishum Chingamacha ah April 17, 2008 chiang in 38th Realisation Day zat hiding hi. Hiai mun a pakvui piakna zoh ahihchiang in, HAU ground ah mipi kikhopna om ding hi.
Manipur apat gamdangmi hawlkhiakna dia 1980 kum apat All Manipur Students’ Union in movement a neihlai ua Police-te thautang leng in a khaklup Potsangbam Lukhoi leh Huidrom Lokendro theihgigena ding in AMSU in 1981 apat kum teng in April 17 pen ‘Mikap Thokpa Numit’ (Realisation Day) chih minvuah in ana zangtou hi.
AMSU in gamdangmi hawlkhiakna dia movement a neih toh kisai in govt. toh 1980 leh 1994 in MoU gelh hitamahleh, sepsuah omlou hidan in leng thutut kingah hi.
District Level Convention on HIV/AIDS
IMPHAL, April 11: UNAIDS sensakna nuai a Manipur Legislators Forum on HIV/AIDS saina in, Bishnupur district sung a Kiyamba Nongsang Sanglen ah April 12, 2008 in ‘One day District Level Convention on HIV/AIDS of the elected representatives & civil societies’ kichi om ding hi.
Hiai hun ah Khuallian in MLFA a Chairman leh Speaker Dr. S. Budhichandra Singh pang ding a, President di’n Bishnupur district sung a MLA N. Loken, Govindas Konthoujam, N. Mangi, T. Mangibabu, M. Manindra leh Dr. I. Ibohanbi pang ding uhi.
Cultural Traditon toh kisai in workshop
IMPHAL, April 11: Indira Gandhi National Centre for Arts, New Delhi leh Manipur Film Development Corporation Limited kithuah in, April 12, 2008 zinglam dak 10 apat Hotel Nirmala Conference Hall ah, ‘Workshop on Implications of the Trans Asian Highway on the Cultural Traditions of Manipur’ kichi neih hiding hi. Hiai hun ah Khuallian in Padmashree R.K. Jhaljit pang ding a, Functional President in Lokendra Arambam, Historian & Scholar pang ding hi.
Consultative meeting ah tel
IMPHAL, April 11: Shillong a Pinewood Hotel ah zan in 13th Finance Commission Consultative Meeting om a, huai hun ah Chairman in Dr. Bijoy Karkar pang a, Manipur University apat Economist ngen, Prof L. Tombi, Prof. Amar Yumnam, Prof. E. Bijoykumar leh Prof. Ch. Priyoranjan kihel uh hidan in thutut kingah hi.
Committee Chairman ding guang
IMPHAL, April 11: Manipur Legislative Assembly a Speaker Dr. S. Budhichandra Singh in 2008-09 sung a Committee tuamtuam 3 a Chairman ding in MLA 3 guang hi. Amaute ahihleh O. Joy, Chairman on Public Accounts, Bijoy Koijam, Chairman on Estimates leh I. Hemochandra, Chairman on Public Undertakings hi uh hi’n zan in Assembly Secretary in thusuah bawl hi.
National Dedication Celebration
IMPHAL, April 11: 158th Death Anniversary Commenmoration for Maharaja Narasingh, National Dedication Celebration Day, 2008 tuni’n Kangla Fort ah zat in om hi. Hiai hun Lok Sabha Inner MP Dr. T. Meinya, NEC Secretary R.K. Phalguni, MLA R.K. Anand leh E. Sonamani, IAS (retired) in uap ua, Prof. N. Joykumar, Manipur University in ‘Maharaja Narasingh in the welfare of Manipur. Is his message still relevant.’ chih toh kisai in thugenna hun zang hi.
Cabinet meeting ah thu tamtak luikhiak in om
IMPHAL, April 11: Tuni sunnung apat in Chief Minister O. Ibobi Singh makaih in, CM Secretariat a Cabinet Hall ah, Cabinet meeting om a, tua hun ah Distric Council toh kisai banah ngaihtuah ding in thu tamtak luikhiak in om hi.
Thutut kingah dan in, cabinet meeting agenda dia luikhiakte bel, Draft Manipur Hill Areas Autonomous District Councils Ordinance, 2008, Revised Draft Business of the Govt. of Manipur (Allocation) 27th (Amendment) Rules, 2008, Extention of Terms of 26 Adhoc Appointments, Extension of Two Post of Deputy Superintendent of Jail from 1996-97 till 28/2/2009, Contractual Appointment of Key Staff Members for Establishment of State HQ Cell under Global Fund for AIDS Tuberculosis & Malaria of the National Vector Borne Disease Control Programme, Manipur, Amendment of Section 57(4) of the Manipur Panchayati Raj Act, 1994, Setting up of the Manipur Information Technology Society, Engagement of N. Sanjoy Singh s/o (L) N. Yaima Singh, Ex-Chowkidar-cum-Sweeper in the Office of the Public Prosecutor-cum-Govt. Advocate (HC) Manipur, Framing the rules namely The Devolution of Powers & Function to the Panchayati Raj Institutions (maintenance/Management of bus stands/terminus/way side amenity complex & collection of Parking fees) Rules, 2007, Engagement of Staff on Contract Basis in the Office of the Public Prosecutor-cum-Govt. Advocate (HC) Manipur as recommended by Committee of Officers, Report of the Kwakeithel Akham Leikai Firing Inquiry Commission banah Schemes for Appointment & Promotion of Sports Persons hidan in thutut kingah hi.
NSCN-IM leh K kikaptuah: mi 4 si
IMPHAL, April 11: Muanhuaitak apat thutut kingah dan in, zan leh tuni zingkal baihtak tan in, Tamenglong district sung a NSCN-IM leh NSCN-K helpawlte kikaptuahna nasatak om a, tua ah cadre 4 in kaplup in om uhi.
Thutut kingah dan in, hiai bang kikaptuahna in maban a sawnlouhna ding khualna in, Tamenglong district HQ ah, khotang a Zeliangrong pawlpi tuamtuamte’n ‘red alert’ puang in, public curfew tanpha koih uhi.
Thutut kingan dan in, zan zinglam dak 9 ding vel in NSCN-K helpawl galvan hoihtak a kithuamte'n Buning khua a NP Bn, NSCN-IM omte bukap ua, tua ah naktak a kikaptuahna piang in, sunnung dak 3 tan vel kikaptuah uhi. Hiai mun ah NSCN-IM cadre khat kaplup in om a, NSCN-K te’n bel NSCN-IM cadre 4 leh 5 vel leng naktak a liam ding in genmahle uh, NSCN-IM lamte’n nial uhi.
Hichibang a NSCN-IM’ panmun khat bukap ahihnung in, NSCN-IM lamte’n leng NSCN-K cadre 3 amat nung ua tuni zinglam dak 5:20 ding vel in Duigailong khua a JNV kibawllel complex sung a kaplum uh hidan in thutut kingah hi.
Hiai kikaptuahna a si NSCN-IM cadre bel ‘Sgt. Major’ Senreisang (28) hi a, huailou in NSCN-K cadre 3 thah a omte bel ‘Lt.’ Kaithuanang Panmei (28), ‘Pvt.’ Gianthanglung (19) leh ‘Major’ Zachariah (25) hi uh hi’n thutut kingah hi.
PC Ram’ tapa in a pa sihna inn veh ding
GUWAHATI, April 11 NNN
Food Corporation of India (FCI) nuai a Executive Director, a phamsa PC Ram’ tapa Praveen Goutan in tukha tawplam chiang in, ULFA helpawlte toh police-te kikaptuahna a a pa’ sihna mun, Kamrup district a Kamalpur Police Station huamsung a Borka Paneetema khua hong pha ding hi’n thusuak in taklang hi.
PC Ram ahihleh nikum April 17 a ULFA helpawlte hidia muanmohte’n Guwahati a GS Road apat a pimang uh hi a, kha 2 vingveng a nung sui ahihnung in police te’n July 11 in Borka Paneetema khua a ULFA helpawlte khut a om ahihdan theikhia ua, a nitak mah a hutkhiak a sawmna lam ua kikaptuahna a kaplup khak a om ahi hi.
Gauhati High Court a senior advocate Nakibur Zaman in a genna ah, July 11 nitak a a pa kaplup a a omna, Gobinda Deka’ inn Praveen in pha ding a, himahleh, a hun leh ni kichian bel theih hinailou ahihdan gen hi. Praveen ahihleh tu’n USA ah omlel a, a pa suunna dan a a huai khua a sahkho thil, program khat neih sawm a, Guwahati ah leng a pa sih nung a thu-le-la kivei tamtak omte hilhchian ding in thuthaksaite leng kimuhpih ding ahihdan thusuak in taklang hi.
Damdawi tang lakh 1 Shillong tung
SHILLONG, April 11 NNN
Meghalaya ah meningitis natna hiileng patauhhuailua hikei mahleh Meghalaya district 7 a health centre-te a hawm ding damdawi Cyprofloxin tang lakh 1 sorkar in a leikhiakte Sintawpni a Shillong tung ngal hi’n thusuak in taklang hi.
Meningitis natna hiileng uanglua hikei mahleh awl in pung deuhdeuh a, Health Sevices Director K.H. Lakiang in a genna ah, hiai natna nei theihbeh in omzel mahleh a kal laklak chauh a om ahihna ah patauhhuai hinai hiallou ahihdan gen hi’n thusuak in taklang hi.
K.H. Lakiang in a genzelna ah, tunitan in meningitis natna nei hidia muanmoh mi 186 omta a, mi dang 36-te ahihleh meningitis natna nei mah uh hidan a chetna omta ahihdan leh hiai natna ziak a sihna tan hial ana tuak bel mi khat chauh ompan ahihdan gen hi. Meningitis natna nei hidia muanmoh Jaintia Hills district ah tampen tadihlai a, hiai natna ziak a si hidia muanmohte ahihleh meningitis natna toh kibang mahmah malaria ziak hizaw dan in Lakiang in gen hi.
District Health and Medical Officer (DHMO) Dr. S. Pohsnem in a genna ah, meningitis natna nei hidia muanmoh Jaintia Hills ah mi 70 om ua, huaite lak ah mi 4 in nei taktak ua, midang khat ahihleh sih leng sita hidan in gen hi. Huai banah, hiai natna kilohsawntheih meningitis ahihleh, Jaintia Hills sung ah leng Wahejer PHC apat tam diak hi’n thusuak in taklang hi.
Tuabangkal ah, health official te’n mipite kiang ah pilvan ding dan tuamtuam a zaksak banuah, khosik sang, gawlna, ngawng khawm, luaksuak leh luate banah chithak khong neite’n damdawi inn kintak a naihpah ding in theihsakna bawl uhi. Huai banah, official te’n mipite kiang ah patauhna ding bangmah omlou ahihdan a hilhchetna ua, hiai natna a huntak leh a etkol ahihnak leh lauhhuai hilou ahihdan puang uh hi’n thusuak in taklang hi.
Helte 2 kaplup in om: AR jawan 1 liam
IMPHAL, April 11 NNN
Bishnupur district sung a Kha-Potsangbam a Bishnupur district police commando-te toh Ningani zankim dak 12:20 ding vel a kikaptuahna ah helpawl a tel hidia muanmoh mi nih kaplup a om hidan in thusuak in taklang hi.
Kaplup a omte ahihleh Ng Dhanajit a.k.a. Ibomcha (32) s/o Mangi of Uripok Bachaspati Leikai, Imphal leh Robinson of Uripok Achom Leikai, Imphal hi ua, official source thusuak dungzui in hiai mi 2-te bel Activa (MN 01-9871) a kipua in police commando patrolling paite kap ua, commando te’n a thukna ua kaplup a om uh hi’n thusuak in taklang hi.
Huai banah, kaplup a om mi nihte apat 9mm pistol khat, a tang 3, M20 pistol khat, a tang 4, mobile phone handset 1 banah People’s Revolutionary Party of Kangleipak (PREPAK) letterhead 10 muhsuah a om hi’n thusuak in taklang hi.
Thudang khat ah, North AOC Imphal a Kekru Villa apat Imphal West district police commando te’n Sintawpni in Kuki National Army (KNA) member khat Lungan Haokip (46) s/o Jangluan Haokip of Sijang village, Senapati district mankhia ua, Imphal bial a sumdawngmite lak apat sum khon dia zat a om hi’n thusuak in taklang hi.
Tuabangkal ah, Ukhrul district sung a Old Samtal bial ah 44th Assam Rifles jawan khat Sintawpni zingkal a IED bomb puak ah naktak in liam a, Senapati district a Leimakhong Military Hospital a etkol a om hi’n thusuak in taklang hi.
UPDS in centre toh peace talks a neih CSKA in gum
SHILLONG, April 11 NNN
United People Democratic Solidarity (UPDS) nungthuap in Karbi Anglong’ buainate kintak a suveng ding in Union Government kiang ah Civil Society of Karbi Anglong (CSKA) in ngen hi.
CSKA nuai a pawl tuamtuam 10 kigawmkhawmte’n Sintawpni a Union Home Minister Shivraj Patil kiang a memorandum a khiakna uah centre in Karbi mipite haksatna ngaihsaklou ahihdan Karbi Anglong mipite’n theisuah ahihdan uh taklang uhi.
Karbi Anglong mipite haksatna nelhsiah ahih nilouh a, UPDS toh kitheihsiamna piching kintak a bawl ahihkeileh hiamgamna, kithah-kimatna, pawl leh pawl kal a kidouna leh namkal buaina banah nuaina tuamtuam tungthei hidan in CSKA in a memorandum khiak ua taklang uh hi’n thusuak in taklang hi.
Sorkar leh UPDS in peace talks a neih uh kipahpih mahmah mahleh, kum 6 kihouna neih ahihnung a leng bangmah a pianlouh poi a sakthu uh taklang kawm in kihouna neih nawn ahih hunhun chiang a gahsuah hoihtak a hon neih a lamet thu uh CSKA in a memorandum uah taklang uhi. UPDS leh central government in a 7veina di’n Sintawpni in kihouna pan ua, hiai hun ah Assam govt leng kihel hi’n thusuak in taklang hi.
CSKA nuai a pawlpi tuamtuam kigawmkhawmte lak ah Somindar Karbi Amei, Karbi Lamel Amei, Karbi Students Association , Karbi Nemso Chingthur Asong, Karbi Re-Awakening Organisation (KRAO), Hemo Chettoy Gorkha Society (HCGS) banah KFA tel uh hi’n thusuak in taklang hi..
Vanman khan kiphinpih
GUWAHATI, April 11 NNN
Vanman khang toh kisai in BJP in India pumpi ah kiphinna chituamtuam pan a, huai dungzui in Guwahati ah leng BJP worker te’n Sintawpni in kiphinna nei ua, himahleh, chiangpum zang zen a police te’n hawldalh uh hi’n thusuak in taklang hi.
BJP leader bangzah hiamte makaih in BJP worker te’n Guwahati a Ulubari apat Kamrup (Metro) Deputy Commissioner’ office tan lamlian zuih sawm in kisa ua, himahleh, police te’n DC' office tan a pai ding uh ana dal uhi. Huaitak in, BJP member te’n gari taina ding khaktan in lamlian lai ah kiphinna nasaktak pan ua, police te’n leng a hawldalhna ding in chiangpum zang hial uhi. Huai banah, party member bangzah hiam leng man in Gorchuk police station a kem mahle uh nitaklam in khahkhe nawn pah uh hi’n thusuak in taklang hi.
EDITORIAL
Thupi: TOUPA Pathian nei nam tuh a hampha uhi; amah gouluah dia a tel mite mah. Sam 33:12
Sihna sang in hinna telzaw ni!
Eimite lak ah Pathian thu theilou kizong dek le hang i muhzohlouh tawp in leng i tawm mahmah ding uhi. Jesu nungzui mi 12-te tangthu i thei chiat ding ua, Jesu’n van a kah san khit nung in leng ginomtak in Pathian’ nna a semtou nilouh ua, kha mangthang tamtak man in saptuam a di’n nna a sem nilouh uh ahi. Huai kia hilou in, a tawp in a hinna tanpha uh Pathian min in a chan uh ahi. A damsung teng uh Pathian a di’n a ‘hing’ ua, a hinna uh leng Pathian a di’n a pia uhi. Ei Christian kichete’n leng nungzui 12-te apat i sin ding uh tam mahmah hi. Pathian min a sihna ding bang omta leh Lamka zang a mi tengteng phial in sih ngam ding ihi uhi. Himahleh, Pathian a dia hin ding lam a hong hih chiang in bel a hing ngap om kichi mahlehang a hingzou taktak kivang mahmah ding hi. Pathian min a sih i ngap uh a hoihlou chihna hilou in, hoihlua himahleh, Pathian a dia sih i ngap bangdeuh un Pathian a di’n hin leng ngap leng hoih sem ding hi. Pathian’ nna bel mi teng in kisemlou a (saptuam a full-time worker hilou), himahleh, ei sep-le-bawl tuamtuamte banah i niteng hinkhua uah bel Pathian’ nna septheih chiat ahihdan i thei mahmah uhi. Saptuam a Upa hiam ahihkeileh Pastor hiam a pan kia Pathian’ nna sepna hilou a, i niteng hinkhua ua i sep-le-bawl tuamtuamte a chitaktak leh ginomtak a sep leng Pathian’ nna sepna chikhat ahi hi.
Gam-le-nam i chih lah Pathian in a bawl mah ahi ngal a, huai ziak in, gam-le-nam a dia sep i chih leng Pathian’ nna sepna chikhat ahi. Huai ziak mah ahi dia, gam-le-nam i iit thei mahmah ua, gam-le-nam’ nna ‘full-time’ a sem tamtakte banah nam in haksatna a tuah hun a hinna tanpha ana pia tamtak ki-omta hi. Nam-le-gam in haksatna ana tuah hun a hinna tanpha ana pia tamtakte banah tu’n leng i gam-le-nam in haksatna tuak (etsakna di’n gal bang) tuak nawntaleh, tuailaite kia hilou in, atek-akhang tamtakte’n gam-le-nam a dia sih i ngap uh gintakhuai hi. Gam-le-nam iitna ziak a hinna ana pia, honna mualliamsantate i ngaihsut chiang in kipahna leh, kami-kasa lak a mihangsan hiai zahtak om ahi maw chih ziak in kisaktheihna lam bang in leng lak theih hi. Huai kia hilou in, hun haksa hong tung taktak leh tua honna mualliamsantate sang a tamzawte’n gam-le-nam a dia sih ngap lai i chih chiang in kipahhuai in kisaktheihhuai petmah hi.
Gam-le-nam i iit thei mahmah ua, sih ngap leng tampitak i om uhi. Himahleh, gam-le-nam’ a dia honna mualliamsante’ kipiakna genneuna hilou in, tu’n bel gam-le-nam a dia sihna’ng a om lawmlawm tadihkei a, a om zeuhzeuh a leh leng kipahhuaitak in mihangsan i kidaih mahmah lai uhi. Gam-le-nam’ a dia sih ngap kidaih tadihlai ihihman un, gam-le-nam a dia sih ngap tamtakte’n i kipiakna uh neuchik kheniam zek mai in, i taksap mahmah dungzui un, gam-le-nam a dia silou in hing zaw leng sih sang in a manphazaw dia aw chih ngaihdan om hi. Koimun hiam khong a sepaih pan kia gam-le-nam a dia sepna hilou a, i ommun leh panmun chiat ua, i niteng hinkhua ua i sep-le-bawl tuamtuamte khempeuh a chitaktak leh ginomtak a sep leng gam-le-nam a dia sepna khat ahi hi. I niteng hinkhua ua i sep-le-bawl khempeuh a diktattak leh ginomtak a, nam-le-gam a dia sem ding mi i kitasam mahmah uhi. Nam-le-gam a dia sih ngap i tam mahmah hang un nam-le-gam a dia hin ngap i kitasam mahmah uhi.
I gentaksa mah bang in, gam-le-nam a dia sep leng Pathian’ nna sepna chikhat ahihna ah, gam-le-nam’ a di’n sem in, hing in sih a poimoh a leh leng sih tanpha in pang leng bel mihing ngaihtuahna maimai in bel Vangam kai ding himai ahi. Huai ziak in, gam-le-nam’ a dia sih ngap vanglakte’n gam-le-nam a dia hin leng ngap vanglak in, gam-le-nam’ a dia sih ngaploute’n leng gam-le-nam a dia hin bek sawm leng hoih ding hi. Sihna sang a hinna tel mah pilhuaizaw ahihna ah, gam-le-nam’ a di’n hing chiat ni!
www.zogam.com
![Reblog this post [with Zemanta]](http://img.zemanta.com/reblog_a.png?x-id=babf1c77-dff4-4556-9958-c4712019e3f3)
No comments:
Post a Comment