Cl X te’n Cl VIII te vua : mi 18 kinawhkhia
JNV/Tuinom ah zan nitakin Class X student te’n Class VIII student-te a vuak ziakun buaina piang a, tuni sunnung dak 3 in ZSF leh KSO makai te’n JNV vapha uha, School thuneite tawh meeting zawh in, ZSF leh KSO makaite theihpihna in Class X student mivuakna atelkha mi 18 School apat in nawhkhia(expelled ) uhi. Akigen dan in February 6, 2008 in JNV akai senior te’n junior te a vuak ziak un buaina piang a, Febuary 7, 2008 in ZSF, KSO leh School authority te’n Dan (rules & regulation) bawl uh a, Class asangzaw te’n Class niamzawte avuak uleh direct a nawhkhiak hi ding a, kivuak ziaka liamna tuak a omleh innsung level a kihouna neih hiding in Dan khauhtak bawl uhi.
CDSU in CM kiang ah dotna 7 bawl
Churachandpur District Students’ Union (CDSU) in tuni in Manipur Chief Minister O Ibobi Singh kiang ah Mautaam thu leh PDS tungtang ah dotna poimawh mahmah 7 bawl uhi. CDSU thusuak in agendan in, MLA leh a nominee te’n anntang hawmzak asawmna tung uah, a sep hoih ua leh mipi’n kipahpih mahmah ding ahihdan taklang kawm in, amaute nasep mipite’n gen tam ngailou in thei uh ahi chi uhi. 2005 apan vangtahhuai tak in CCpur District sung ah zusa leh ganhing tuamtuam in buh le bal ban ah haichi te a neeksiat ziak in mautaam kialpi tung ahihdan taklang ua, tuni chiang in mipi’n thil dang himhim poimawh nawnta lou in, a gilvah nang uh antang chauh poimawh ta uh ahihdan CDSU in taklang uhi. NGO tuamtuam apan panpihna tamlou honglut te mipite ik ah namtham lou ahihman in, State Government a kinsak kin poimawh ahi chi uhi. NREGS leh Mautaam kialpi kisai khalou ahihlam CDSU in thei mahmaha, himahleh, antang leina ding in NREGS sumte bel tu-le-tu a poimawh ahihdan CDSU in pomsiam mahmah hi’n taklang ua, huai kawmkawm in CM in mipite theihdia a dawn ngeingei ding in point 7 dotna bawl uhi.
# District mipite AAY nuai ngen a khawsa himahle uh bangziak a BPL leh AAY antang 40% kiang chauh a piak a om hiam?
#PDS Item, Chini, antang, SK oil, wheat leh adangdang te ah MLA/Minister te’n quota nei uhia? A neih ua leh bang provision nuai ah piak a om ahi du?
#Assembly om lai a Churachandpur ading a Antang Kg 8,000 additional piak ding chi a na ki koupih koilam tungta hi hiam?
#Kumlui a Assembly election om ma deuh a Churachandpur ah FCI godown 5000 MT capacity tunkhiak ding na chih bang chi hita maimah ahia leh?
#PDS item puak vel na dia bangziak a mipite’n transportation charge pemawk uh ahi di?
#CCpur district sung a mautaam kialpi douna dingin State Government in bangtan pan ala ta a?
#PDS item hawmzakna tawh kisai kua mawhpuak hi hiam? MLA/ A nominee te ahih kei leh, FCS Department maw?
JNV/Tuinom ah zan nitakin Class X student te’n Class VIII student-te a vuak ziakun buaina piang a, tuni sunnung dak 3 in ZSF leh KSO makai te’n JNV vapha uha, School thuneite tawh meeting zawh in, ZSF leh KSO makaite theihpihna in Class X student mivuakna atelkha mi 18 School apat in nawhkhia(expelled ) uhi. Akigen dan in February 6, 2008 in JNV akai senior te’n junior te a vuak ziak un buaina piang a, Febuary 7, 2008 in ZSF, KSO leh School authority te’n Dan (rules & regulation) bawl uh a, Class asangzaw te’n Class niamzawte avuak uleh direct a nawhkhiak hi ding a, kivuak ziaka liamna tuak a omleh innsung level a kihouna neih hiding in Dan khauhtak bawl uhi.
CDSU in CM kiang ah dotna 7 bawl
Churachandpur District Students’ Union (CDSU) in tuni in Manipur Chief Minister O Ibobi Singh kiang ah Mautaam thu leh PDS tungtang ah dotna poimawh mahmah 7 bawl uhi. CDSU thusuak in agendan in, MLA leh a nominee te’n anntang hawmzak asawmna tung uah, a sep hoih ua leh mipi’n kipahpih mahmah ding ahihdan taklang kawm in, amaute nasep mipite’n gen tam ngailou in thei uh ahi chi uhi. 2005 apan vangtahhuai tak in CCpur District sung ah zusa leh ganhing tuamtuam in buh le bal ban ah haichi te a neeksiat ziak in mautaam kialpi tung ahihdan taklang ua, tuni chiang in mipi’n thil dang himhim poimawh nawnta lou in, a gilvah nang uh antang chauh poimawh ta uh ahihdan CDSU in taklang uhi. NGO tuamtuam apan panpihna tamlou honglut te mipite ik ah namtham lou ahihman in, State Government a kinsak kin poimawh ahi chi uhi. NREGS leh Mautaam kialpi kisai khalou ahihlam CDSU in thei mahmaha, himahleh, antang leina ding in NREGS sumte bel tu-le-tu a poimawh ahihdan CDSU in pomsiam mahmah hi’n taklang ua, huai kawmkawm in CM in mipite theihdia a dawn ngeingei ding in point 7 dotna bawl uhi.
# District mipite AAY nuai ngen a khawsa himahle uh bangziak a BPL leh AAY antang 40% kiang chauh a piak a om hiam?
#PDS Item, Chini, antang, SK oil, wheat leh adangdang te ah MLA/Minister te’n quota nei uhia? A neih ua leh bang provision nuai ah piak a om ahi du?
#Assembly om lai a Churachandpur ading a Antang Kg 8,000 additional piak ding chi a na ki koupih koilam tungta hi hiam?
#Kumlui a Assembly election om ma deuh a Churachandpur ah FCI godown 5000 MT capacity tunkhiak ding na chih bang chi hita maimah ahia leh?
#PDS item puak vel na dia bangziak a mipite’n transportation charge pemawk uh ahi di?
#CCpur district sung a mautaam kialpi douna dingin State Government in bangtan pan ala ta a?
#PDS item hawmzakna tawh kisai kua mawhpuak hi hiam? MLA/ A nominee te ahih kei leh, FCS Department maw?
Hiai a tung a dotna te dawng ding in CDSU in CM ngen ua, huai kawmkawm in mipite’n thil dang himhim lunggulh nawnlou in, antang chauh ngaihtuah pen in neita uh chi’n CDSU Information andPublicity Department thusuak in taklang hi.
Cabinet in ADC ordinance genkhawm ding
Imphal, April-10: Chief Minister O. Ibobi makaihna in April 11, 2008 in Cabinet meeting om ding a, huai ah Manipur Hill Areas Autonomous District Council Ordinance -2008 telin agenda tuamtuam 12 genkhawm ding uh chihthu om hi. April 3, 2008 in Assembly session ni 1 sung om a, huai ah Manipur Hill Areas Autonomous District Council Bill,2008 genkhawm a pass ding uh chih himahleh huai Bill ah bawlthak dia poimawh a diklou tamtak om ziakin TD Minister DD Thaisii huai Bill zukkik a, huai nunga Cabinet in a genkhawmna masapen uh hilai ding hi’n kigen hi. Agenda dangte bel Manipur Panchayati Raj Act,1994 tungtang, Kwakeithel Akham Leikai firing inquiry commission report telin agenda tuamtuam 12 vel genkhawm ding uhi.
R.Khumi tuni’n ki-report lou
Integrated Child Development Scheme (ICDS) a Program Officer Ms Khumi in ICDS sum Rs.22 lakh val thelthangsak chihthu ah Police te’n tuni zingkal in Police station ah ki-report ding in theisak mahleh uh R.Khumi va hawhlou hi. Tuni mah in Police te’n ICDS office, Treasury office leh SBI/CCpur Branch apan in document tuamtuam va kaikhawm ua thil omdan suizui uhi.
Family Ration Card ahun beilou
CCpur District a Family Ration Card (AAY/BPL/APL) book ah 2007 tankia kigelh ziakin Agent bangzah hiamte’n ahun beita chimahle uh ahun beilou(expire) nailou hi’n officialte apan kiza hi. DC office/CCpur apat a Ration Card athak bawl ahihma tan ahun bei chih omlou in kuapeuh in alui pe’n zat touh theih ding hi’n thusuak kingah hi.
Paybill pass sunzom theilou
Manipur Government nuai a employee te’n March 2008 khalawh laktheih nang in April 4, 2008 in order suak mahleh, paybill pass nang in Post Extension order poimawh a, huai neiloute Treasury office te’n paybill pass theilou in tuni tan in Department 2 ah kia pass theipan lel uh hidan in thu kiza hi.
Angel’s Vision Music Award
Angel’s Vision Music Award Managing Committee saina in April 11, 2008 nitak dak 6 apat in YPA Hall, New Lamka ah Angel’s Vision Music Award 2007-2008 hawm khiak hiding hi. Huai ah Award tuamtuam 15 vel siamna tungtuan neite kiang ah piak hiding in kigen hi.
JSY sum lakthei laitak hi
Naunei nau neite panpihna sum (Janani Suraksha Yojona) December 2007 leh January 2008 kha a kihawm khelel hi. Dec 2007 in District Hospital apan mi 111 leh Lamka Nursing Home apan mi 20 pha ua, January 2008 in District Hospital apan mi 134 leh Lamka Nursing Home apan mi 14 in mu ding uh a, ala nailou te’n lak theih lel hi’n thutut kingah hi.
TB tawh kisai kisinsak uh
Project Orchid (State Co-ordinating Unit, Manipur) te saina in tuni zinglam dak 10:30 apat in Ebenezar Academy, New Lamka ah RNTCP(TB tawh kisai) kisinsakna nei ua, Dr.P.Nengzadou, District TB officer/CCpur in sinsak hi. Huai hun ah LRRC, SAHARA leh SHALOM apan staff 50 tel uhi.
NREGS thu ah DC in theihsakna bawl
Sumant Singh,IAS, DC/CCpur makaih in tuni sunnung dak 1 apat in DC office a Conference Hall ah BDO/Program Officer teng tawh meeting nei uhi. Amau’ NREGS nasepna tawh kisai genkhawm uh a, DC in BDO teng kiang ah Tipaimukh, Thanlon leh Vangai Range ading ni 100 nasep ding, Henglep leh Singngat ading ni 65 ban ah, Lamka, Tuibuong, Samulamlan, Saikot leh Sangaikot block te ading in ni 50 chiat mipite na semsak ding in theisak hi.
Huai ban ah, nasepna tawh kisai measurement book, cash memo/voucher, Pre-work photo, post-work photo, utilization certificate ban ah, complete certificate pelut theilou teng 2008-2009 ading in fund khat leng piak hilou ding in theisak hi. BDO teng in amau’ bial a khawteng ah mipite na semsak ding in theisak a, BDO te’n theihsakna abawl kei uleh, DC in BDO te tung ah show cause notice peding in gen hi. DC in Thanlon BDO kiang ah a posting mun kintak a zuan ding in zasak hi. Tuni meeting ah Tipaimukh, Tuibuong, Henglep leh Singngat BDO te a tellouh ziak unApril 11 sunnung dak 12 in meeting sutzop hiding hi.
Workshop leh social audit om ding
Lamka, April 10: Upp Lamka a YPA Gen.Hqtrs Hall April 24-25, 2008 sung NREGS tawh kisai in Workshop and training on Social audit om ding. April 24 in Lamka, Tuibuong, Saikot, Samulamlan leh Sangaikot block te hiding ua, April 25 in Tipaimukh, Vangai range, Thanlon, Henglep leh Singngat block te hiding hi. Huai training ah village authority chairman, Vigilance and monitoring Committee a Chairman leh Secretary teng tel teitei din theihsak hi uhi. Huai a telte TA/DA leng piak hiding uhi.
www.zogam.com
No comments:
Post a Comment