By Lamka Net
DC makaih in Zenhang Lamka NREGS Social audit bawl
Lamka, April-5: Zenhang Lamka a National Rural Employment Guarantee Scheme (NREGS) thaman hawm tung tang ah Job Card holder te lungkimlou a zan a DC/CCpur tenna inn kong a dharna tut uh toh kisai in tuni sunma dak 11:00 in Zenhang Lamka Community Hall ah DC/CCpur makaih in social audit bawl uhi.
Huai hun ah Naba Singh SDO/CCpur, NREGS Official te Zenhang Lamka Villagea Authority member teng ban ah Job card nei tamtak tel uhi. Job card nei ten sum hawm tung tang ah Hausa pa in Revenue Stamp a dia Rs.10 zel cut sak chih ban ah tha kuanna uh pe chinglou chih leh paulam tamtak nei uhi. Alehlam ah, Zenhang Lamka hausa Pu Letboi in hiai toh kisai a genna ah, Job Card nei a tha kuante’n zinglam dak 9 apan sunnung dak 4 tan sep ding chih himahleh nasemte’n sun dak 12 chiang lel sem in paipah uh ahih dan gen in tuni tan Ist phase ah ni tha 8 man sum pekhe ta in 2nd phase ah ni tha 6 man sum peta in gen hi.
DC/CCpur in NREGS nasepna toh kisai a lungkimlou complaint bawl utte a ding in Complaint box mun 3 ah koih hi ding chih gen a, huaite DC/CCpur Residence ah 1, Lamka Police station ah 1 leh DC/CCpur office ah 1 koih hi ding a Complaint enkai ding Staff leng koih hidi’n leng gen a, complaint bawltute’n min leng gelh ngailou in complaint theih ding hi’n gen lai hi. Hausapa in nasep ding a piak bang a April 7, 2008 apan nasep pan a, zingkal dak 9:00 apan nitaklam dak 4:00 tan sem ding in theisak a, huaite Zenhang Lamka area sung a unit 11 kisuah a Supervisor ten attendance enkai a a tawp tan om ding uhi. DC’n a genna ah, Supervisor te nitha bel Rs.90 tan hi ding a, nasem a kuan loute nitha bel cut hiding chi hi. Zenhang Lamka khua a ding in kum 2007-2008 a ding in ni 50 thaman ding piak hita in gen a, hausapa’n mipite nasep ding a piak ginat keileh Development Committee bawl a huaite tung tawn a Direct a SDO/BDO toh leng sep theih ahihdan gen hi. Zenhang Lamka ah Job card 984 piak hita a, Job card nei lou mi 20 valte kiang ah leng tuni mah a lem kila a Job card SDO ten pe ding in theisak hi. Zenhang Lamka khua a material cost a ding in 1st phase in Rs.472000/- 2nd phase ah Rs.554760/- leh 3rd phase ah Rs.500610/- piak hita in tutan in Rs.55,00,000/- piak khiak hita chih mipi mai ah DC/CCpur in pulak hi.
CDSU in PDS toh kisai in CM lai pia
LAMKA, April 5: Food and Civil Supply Commissioner, Govt. of Manipur in April 3 a order a suah pen migentheitel leh mipite a dia hoihlou ahihna ah Churachandpur District Students’ Union in hiai bang thupuknate dou ding hi’n Chief Minister theisak hi.
Chief Minister kiang a CDSU in tuni a lehkha a khiak ah, FCS Commissioner in Public Distribution System (PDS) paidan a lepthak in MLA leh a nominee/agent-te khut a PDS item-te hawmkhiakna toh kisai thuneihna a piak pen ana kizang ngeisa ahih dungzui a hoihlou ahihdan theihsa, PDS kichi a bei lohna ahihdan taklang hi.
Huai banah, FCS Commissioner’ order suah in PDS control order, 2001 a a diak a anntang hawmkhiak dan bohsia leh kial thuakte’n anntang a muh theihna ding uh ngimna a March 13, 2008 a Commissioner (RD & PR), Govt. of Manipur in order a suah, tua kizang lel pen kalh hi’n CDSU in taklang hi.
FCS Commissioner in hiai bang dan a bawlthak pen mipite’ neih-le-lam suhsak sawmna leh mipi’n NREGS tungtawn a sum tamlou a muhte uh summet bawlna dia suhsak sawmna hidan in CDSU in gen a, huai ziak in, FCS Commissioner’ order phel ding in Chief Minister kiang ah CDSU in ngetna bawl kawm in migentheite leh mipite nelhsiahna hiai bang dante dou dia mansa ahihdan taklang hi.
Liam 2 Hospital ah etkol in om
Lamka, April-5: Mrs. Kimboi (20) w/o Zamuan of Lungthul April 2, 2008 sunma dak 11:00 vel a Gamlak a sing puakna ah sing in alu delh kha in liam a, tun Dist. Hospital Lamka ah etkol in om hi. Huai lou in Suanlal (40) s/o Ngulkhosoi of Singheu tuni sunma dak 10 vel a akhua ua gamvak lai a khut tak lam kihih liam kha in tun Dist. Hospital Lamka ah etkol in om hi.
Japan Zomi ten antang man ding sum thon
Lamka, April-5: Japan Gam a Zomi om ten Churachandpur District a Mautam kial thuakte panpih nang sum kidong in Rs. 1,18,900/- dongkhia in a sum tang a ZYA Hqtrs ah thon in tuni’n antang bag 164. lei khia ua, tunung zek chiang in singtang lam ah thot khiak hiding chi uhi.
HSA leh BSN Managing Board meeting
Lamka, April-5: Bethesda Nursing School(BSN) Mualvaiphei a ragging thubuai ziak a Hmar Students Association (HSA) Jt. Hqtrs in zan a BSN Hostel khak ziak uh toh kisai tuni sunnung dak 2:00 in BSN Mualvaiphei ah, BSN a Managing Board leh HSA makaite’n meeting nei uhi.
Huai hun ah thupukna kichiantak om thei kei mahleh student-te khualna in hostel teng leng hon hi vekta a, April 7, 2008 in meeting sunzom nawn ding ua, tua hun ah thil bangkim hihveng ahihngei lamet ahihdan thutut kingah hi.
Thutut kingah dan in hiai bang thiltun ziakin zan nitak dak 8:30 vel in BSN Mualvaiphei a Ist & IIIyrs te heh gawpzak in gen ua, Managing Board Chairman Dr. Liensang amun a va tun in Student ten tung haksalua in students khenkhat in annek kuang khawng in deng ua, chairman ahihna tanpha kitawp ding in nawh uhi. Hmar nam sung a pawlpi lian khenkhatte’n naktak a pan a lak ziakun buaina sousang pen kham daih in om thei hi’n leng thutut kingah hi.
Block teng a ding NREGS sum sanction khinta
Lamka, April-5: Churachandpur District sung Block teng a National Rural Employment Guarantee Scheme (NREGS) thaman ding sum DC/CCpur in financial year bei toh kiton in sum sanction bawl khinta hi. Mautam kial ziakin Thanlon, Tipaimukh leh Vangai Block a ding in ni 100 thaman ding sanction bawl a, mautaam in a sukkhak zek Singngat leh Henglep Block a ding ni 65 thaman ding sanction bawl a, Block 5 Lamka, Saikot, Tuibuang, Sangaikot, leh Sammulamlane Block a ding in ni 50 man ding sanction khin ta hi.
Sidartha Class kipan ding
Lamka, April-5: CCpur Government College kong, IB road a om Siddhartha Institute of Medical Technology a principal sih ziak a bangtan hiam class neih louh a om pen hong tung ding April 7, 2008 in ngeina bang in class kipan nawnta ding hi.
Constable adin PET zou
IMPHAL April 5: Manipur Police a Constable (Civil/male) lakna dia Physical Efficiency Test, MPTS a April 4, 2008 a neihna ah, candidate 174 paisuak uhi. Tuate lak ah, CCpur apat hiai anuai min leh chest number neite telkha uhi.
74- M.Zamsonlian,
87- G.Paulianmung,
121- Ngoubipou Kamei,
139- T. Paukhanlian,
151- M.Paokholal Haokip,
249- Lammuanlal Khaute,
320- Khaithang Haokip,
424- Sianlalpaul,
441- Seikhomang Misao,
565- Ningthoujam Herojit Singh,
651- T.Thongsianthang,
672- William Haokip,
730- Lunkim Seiminthang Khongsai,
838- S.Thangkhanlal Haokip leh
849- M.Seikholun Haokip ahi.
Written test neih hun ding bikhiah
IMPHAL April 5: Rural Development nuai a, Manipur State Rural Road Development Agency a post tuamtuam, CDA, Tracer, Computer Operator, Laboratory Assistant, LDC, Section Officer leh Road Mohorri lakna dia Employment exchange a min khakte adingin, Written Examination April 12, 2008 in Imphal a DM College of Science ah om ding hi.
Hiai ding toh kisai in Admit Card, Imphal East Porompat a DC Complex a SIRD office ah April 9 & 10, 2008 office hour sungin laktheih dinga, candidate ten passport lemlak 2 attested sa leh Rs 100 tawi ngai ding hidan in thusuak om hi.
Manipur a Violence toh kisai genkhawm
IMPHAL April 5: Manipur a Violence tuamtuam toh kisai in, tuni’n Manipur Forward Youth Front (MAFYF) te saina in, Manipur Press Club ah, Public Dialogue on Violence in Manipur kichi Citizen’s conference khat om hi.
Hiai hun ah moderator in, Prof. Arambam Somorendra panga, R.K.Anand MLA, Advocate Khaidem Mani, Manipur University a Associate Prof. in Economics R.K.Chinglensana leh Civil Organisation tuamtuam a makaite’n thugenna hun zang uhi.
MAFYF President Sapamcha Kangleipal in key note address apiakna ah, Manipur a violence thiltungte 80% bang govt. sponsored ahihdan gen in, meltheihlouh galvan tawiten mi pimang leh thah kichi tam mahmah ahihdan leng gen hi. Central govt. in Manipur mi-le-sa kithah tuah poisalou ahihlai a, State Govt. in Manipur a indigeneous mite leh minority te a kepbit kul hidan in taklang hi.
NIPCO Genral Secretary Sunil in agenna ah, Manipur gam sunga pawl tuamtuam omte Central govt. tosawn a kidou tuah ahihdan leh, thil hoihlou himhim a pantu a kingohtuahna tanpha tosawntu om hidan in gen hi.
All Manipur Chingmi-Tammi Apunba Nupi Lup President Momon in agenna ah, Manipur a galvan tawi sepaih leh helpawlte gamtat khengvalluate mipi thuaklah pen ahihdan gen hi. Singtangmi leh Phaijangmi chih kikhen tuamtuam lou a thil hoih adia tutkhawm leh genkhawm mun kul hidan inleng taklang hi. R.K.Chinglensana in agenna ah, Manipur dinmun hoihlouh ziakin, Central sponsored scheme tuamtuamte zatna toh kisai Govt. in Central a report diktak leh utilization certificate pelut thei nawn lou ahihdan gen hi. Aban agenna ah, Manipur in Central apan fund amuh ding tawm hiai hiai leh Central in fund piak toh kisai tanpha a Strict condition hon neihkhum ding ahihtak dan gen hi.
MAPI Council a President Manihar in agenna ah, Manipur a violence tuamtuam tungte akipatna hoihtak a theihkhiak kul ding ahihdan gen hi. Hiai Violence tungtang genkhawmna hun ah mipi 200 vel paikhawm uhi.
Imphal-Moreh Tata Sumo te tailou
IMPHAL April 5: Manipur a govt. department chihlouh sumbuk leh sumdonna mun tuamtuam ah helpawlten sum tam taktak ngen uhi. Hichibang kal ah, mipi service khat leng hi, Imphal –Moreh kal a Tata Sumo Service te apat leng helpawl tuamtuam in sum tamtak anget ziakun, tuni apat Imphal leh Moreh kal a service Tata Sumo te khawl uhi.
Tuni a Imphal-Moreh Tata Sumo Service ten thuthak saimite akimuhpihna uah, hiai lampi kal a helpawl tuamtuam in sum demand abawl te petou zelzel ua, himahleh, helpawl khat leng pawl 2/3 bang phata ahihman in, pawl teng in demand abawl uh amau adia piak vual hinawnlou ahihdan gen uhi.
Hichibang teng ziaka tuni apat hiai lampi a service khawlsak ahihdan uhleh, helpawlten demand abawl uh zukkikna a neih mateng uh, Tata Sumo service khawl lemsa ahihdan uhleng gen uhi. Imphal leh Moreh kal a Tata Sumo service 50 vel dia tuat ahi.
DM College naktak a puahthak hiding
IMPHAL April Manipur adia Govt. College luipen dia kigen, Dhanamanjuri College ah Arts,Science leh Commerce stream om hi. Hiai college dinmun tunin’ Education minister L.Jeyantakumar in etkhiakna vanei hi.
Minister in UGC sensak na nuai a, DM Science adia kibawlthak Women’s Hostel leh Principal Quarter kibawl lel dinmun etkhiakna leng nei hi. Hiai mun a Minister in agenna
ah, DM College hoihtak a puahthak hiding ahihdan leh gam letdan toh kisai leng hoihtak a velchet thak a gamgi kichiantak khun poimoh ahihdan gen hi. College huangsung a phalna bei a omte leng hawlkhiak hidingun minister in genbeh hi.
IED Cell phone toh kiphumgu 4 musuah
IMPHAL April 5: Manipur adia amasapen hilai dingin, helpawlte’n IED toh Cell phone remote control device 4 a phumguk uh tuni’n muhsuah ahihnungin puahzaksak in om hi.
Thutut kingah dan in, tuni zingkal baihtak in, Imphal East district sung Lamlai mun a lampi gei ah, mipi vakvialte’n bomb kikam musuah uhi.
Hiai thu BSF ROP paite kiang ah theisak ua, tuazoh zinglam dak 11 vel dingin, Manipur Police Bomb squad ten pilvangtak a dapkual in bomb kikam 4 te metre 100 vel a kihal in mukhia in lakhia ngal uhi. Police te gendan in, IED khat zel ah Cell phone khat chiatmah henkhawm in om a, Cell phone te Sim card neingen leng ahi. Hiai bomb te Sim card number call chia puakzak theimai ding, remote control device dan leng ahi. Police ten anungin, mun thoveng ah bomb te puakzak uhi. Hichibang IED bomb kikam kuate hih hiam chih bel hiai lai sut ahihtan in theih omlou hi.
IM cadre 1 liam, FGN cadre 3 mat in om
KOHIMA, April 5 NNN
Old NST Kohima a Fancy Market kiang ah NSCN-K pawl in tuni sunma dak 11 ding vel in a liang leh gil ah NSCN-IM cadre ‘Sgt. Maj.’ Taku Ao kapliam ua, police te’n kintak a damdawi in a zotpih nung un a dinmun bel lauhthawnghuailou hi’n thusuak in taklang hi.
Thudang khat ah, Kohima a Chandmari lak a galvan tawi pawl khat in sum khon uh hidan a thu a muh dungzui un South Police Station personnel te’n delh ngal ua, Upper Chandmari lak apat nitaklam dak 3:30 ding vel in Federal Government of Nagaland (FGN) cadre 3 galvan neu toh mankhawm uh hi’n thusuak in taklang hi.
Mat a om cadre 3-te ahihleh Kohima a Transit Peace Camp apat ngen, ‘Capt.’ Nekedu S. Venuh, ‘Sgt. Maj’ Kekhrieyalie Linyü leh ‘Sgt.’ Tavei Choumai hi ua, sum ngetna lehkha, revolver 2 leh a tang 10 toh matkhawm himahle uh, policel-te a tunma ua a sum ngetkhiak teng uh toh cadre dang 2 suakta uh hi’n thusuak in taklang hi.
NSCN-U in IM-te pimang nawnzel
DIMAPUR, April 5 NNN
NSCN-IM leh NSCN-U kal a kitheihsiamlouhna in hoihlam sang a siatlam nawtzaw ding bang a, April 3 a NSCN-U te’n IM member nih a pimang zoh un zan in Dimapur a Burma Camp lak a tenna inn apat NSCN-IM cadre "Sgt Major" James banah Super Market apat NSCN-IM Section Officer Shomy Sharon leh Assistant Section Officer T. Shangreingam pimang nawn uh hi’n thusuak in taklang hi.
Hiai thil piang toh kisai a NSCN-IM in tuni a thusuah a bawlna uah, Nagalim a lemna leh muanna deihloute’n civil society leh saptuam te’n a bawlkhiak uh Rev. Dr. Wati Aier makaih 'Reconciliation Forum' nasep teng bangmahlou suah ahihdan gen hi’n thusuak in taklang hi.
IM thusuak in a genzelna ah, April 4 nitaklam dak 6 vel a NSCN-Unification pawl in Burma Camp a a tenna inn apat a zi mitmuh mahmah a Sgt. Maj. James, Naga Army pimang uh hi’n gen a, IM in a thuklouh phazesa a hiai pawlte’n Burma Camp lak a NSCN-IM a tel hidia muanmohte inn ban check uh ahihdan thusuak in taklang hi.
Lemna leh muanna deih mipite ngetna a zahtak ziak uh leh thudik mi’n thei thouthou ding hidan a muanngamna a neih ziak ua hiai bangteng tung mahleh NSCN-IM kidek hamham ahihdan thusuak in taklang hi.
IM thusuak in thagum suah a kinawkna, kipimangna, galvan kilaksuhna leh IM’ garite laksuhna niteng a pung semsem ahihdan a taklatna uah, a paisa April 1 a Tatar (Member of Parliament) Khriinuh Angami' inn luh a om ahihdan leh amah inn ah ana omkei mahleh a pistol khat laksak a om hi’n leh a security guard te’n thuak uh hi’n thusuak in taklang hi. Huai banah, hiai ni mah in Dy. Kilonser V. Markritsii Angami' tenna inn luh in om nawn a, amah leng inn a ana omlouhtak in a gari thagum a suhsak in om a, a zingchiang April 4 in unification pawl mah in Tatar K.V. Paulus’ tenna inn luh nawn ua, naktak a a vuak liam zoh un a AK thau leh Sten Carbine laksuh uhi. Huai khit April 4 mah in Shomy Sharon, SO leh T. Shangreingam ASO pimang a om nawn ahihdan IM in tuni a gen hi’n thusuak in taklang hi.
IM thusuak in a thukhitna di’n, hiai bang thiltungte apat Indo-Naga political peace process sukbuai sawm a panlate kuate hi hiam chih mipite’n amau sia-le-pha theihna zang a a khen ding uh ahihdan gen hi’n thusuak in taklang hi.
Numeite’n lamlian zui; CM kiang ah memorandum pia
IMPHAL, April 5 NNN
United NGO Mission nuai a kikhaikhawm District Women’s Committee, Imphal East, Imphal West, Thoubal leh Chandel saina in ‘Protect Rights to Life, Save our Generation’ chih thupi pansan in tuni’n Imphal East bial ah 'Mass Rally Against The Violation Of Human Rights' neih a om hi’n thusuak in taklang hi.
District 4 apat numei tamtak paikhawmte rally ahihleh Imphal a Konungmamang Hatta Kangjeibung apat Manipur Women’s Commission a Chairperson Ch Jamini Devi in khahkhia a, Checkon, Hatta, Lamlong leh Porompat tawn in a kipatna mun uh tungkik ua, huai ah public meeting nei uh hi’n thusuak in taklang hi.
Mipi paikhawmte’n meeting a neih zoh un migiloute tung a gawtna pe ding leh dan leh thupiak kembittute human rights banah gender rights leh a dangdang toh kisai sinsakna pe dia ngetna Chief Minister O. Ibobi Singh kiang ah memorandum pia uhi. Manipur a human rights bohsiatnate douna dia kuapeuh mah kithutuaktak a pankhawm leh hiai bang thu toh kisai awareness neihna dia media-te tungtawn a panlak chiat ding ngaihdan mipi paikhawmte’n nei uh hi’n thusuak in taklang hi.
District 4 a District Women’s Committee Convenor teng in memorandum a khiakna uah, Manipur a lemna leh muanna a om theihna dia helpawl tuamtuamte teng toh lemna thu gen a kihouna nei di’n state government ngiat a, huai banah, Protection of Women from Domestic Violence Act, 2005 kichiantak a zuih hiding in ngen uhi. January 2008 apat March 2008 sung a numeite tung a hiamgamna tung tuamtuam case 31 leng hiai memorandum a taklat a om hi’n thusuak in taklang hi.
www.zogam.com
DC makaih in Zenhang Lamka NREGS Social audit bawl
Lamka, April-5: Zenhang Lamka a National Rural Employment Guarantee Scheme (NREGS) thaman hawm tung tang ah Job Card holder te lungkimlou a zan a DC/CCpur tenna inn kong a dharna tut uh toh kisai in tuni sunma dak 11:00 in Zenhang Lamka Community Hall ah DC/CCpur makaih in social audit bawl uhi.
Huai hun ah Naba Singh SDO/CCpur, NREGS Official te Zenhang Lamka Villagea Authority member teng ban ah Job card nei tamtak tel uhi. Job card nei ten sum hawm tung tang ah Hausa pa in Revenue Stamp a dia Rs.10 zel cut sak chih ban ah tha kuanna uh pe chinglou chih leh paulam tamtak nei uhi. Alehlam ah, Zenhang Lamka hausa Pu Letboi in hiai toh kisai a genna ah, Job Card nei a tha kuante’n zinglam dak 9 apan sunnung dak 4 tan sep ding chih himahleh nasemte’n sun dak 12 chiang lel sem in paipah uh ahih dan gen in tuni tan Ist phase ah ni tha 8 man sum pekhe ta in 2nd phase ah ni tha 6 man sum peta in gen hi.
DC/CCpur in NREGS nasepna toh kisai a lungkimlou complaint bawl utte a ding in Complaint box mun 3 ah koih hi ding chih gen a, huaite DC/CCpur Residence ah 1, Lamka Police station ah 1 leh DC/CCpur office ah 1 koih hi ding a Complaint enkai ding Staff leng koih hidi’n leng gen a, complaint bawltute’n min leng gelh ngailou in complaint theih ding hi’n gen lai hi. Hausapa in nasep ding a piak bang a April 7, 2008 apan nasep pan a, zingkal dak 9:00 apan nitaklam dak 4:00 tan sem ding in theisak a, huaite Zenhang Lamka area sung a unit 11 kisuah a Supervisor ten attendance enkai a a tawp tan om ding uhi. DC’n a genna ah, Supervisor te nitha bel Rs.90 tan hi ding a, nasem a kuan loute nitha bel cut hiding chi hi. Zenhang Lamka khua a ding in kum 2007-2008 a ding in ni 50 thaman ding piak hita in gen a, hausapa’n mipite nasep ding a piak ginat keileh Development Committee bawl a huaite tung tawn a Direct a SDO/BDO toh leng sep theih ahihdan gen hi. Zenhang Lamka ah Job card 984 piak hita a, Job card nei lou mi 20 valte kiang ah leng tuni mah a lem kila a Job card SDO ten pe ding in theisak hi. Zenhang Lamka khua a material cost a ding in 1st phase in Rs.472000/- 2nd phase ah Rs.554760/- leh 3rd phase ah Rs.500610/- piak hita in tutan in Rs.55,00,000/- piak khiak hita chih mipi mai ah DC/CCpur in pulak hi.
CDSU in PDS toh kisai in CM lai pia
LAMKA, April 5: Food and Civil Supply Commissioner, Govt. of Manipur in April 3 a order a suah pen migentheitel leh mipite a dia hoihlou ahihna ah Churachandpur District Students’ Union in hiai bang thupuknate dou ding hi’n Chief Minister theisak hi.
Chief Minister kiang a CDSU in tuni a lehkha a khiak ah, FCS Commissioner in Public Distribution System (PDS) paidan a lepthak in MLA leh a nominee/agent-te khut a PDS item-te hawmkhiakna toh kisai thuneihna a piak pen ana kizang ngeisa ahih dungzui a hoihlou ahihdan theihsa, PDS kichi a bei lohna ahihdan taklang hi.
Huai banah, FCS Commissioner’ order suah in PDS control order, 2001 a a diak a anntang hawmkhiak dan bohsia leh kial thuakte’n anntang a muh theihna ding uh ngimna a March 13, 2008 a Commissioner (RD & PR), Govt. of Manipur in order a suah, tua kizang lel pen kalh hi’n CDSU in taklang hi.
FCS Commissioner in hiai bang dan a bawlthak pen mipite’ neih-le-lam suhsak sawmna leh mipi’n NREGS tungtawn a sum tamlou a muhte uh summet bawlna dia suhsak sawmna hidan in CDSU in gen a, huai ziak in, FCS Commissioner’ order phel ding in Chief Minister kiang ah CDSU in ngetna bawl kawm in migentheite leh mipite nelhsiahna hiai bang dante dou dia mansa ahihdan taklang hi.
Liam 2 Hospital ah etkol in om
Lamka, April-5: Mrs. Kimboi (20) w/o Zamuan of Lungthul April 2, 2008 sunma dak 11:00 vel a Gamlak a sing puakna ah sing in alu delh kha in liam a, tun Dist. Hospital Lamka ah etkol in om hi. Huai lou in Suanlal (40) s/o Ngulkhosoi of Singheu tuni sunma dak 10 vel a akhua ua gamvak lai a khut tak lam kihih liam kha in tun Dist. Hospital Lamka ah etkol in om hi.
Japan Zomi ten antang man ding sum thon
Lamka, April-5: Japan Gam a Zomi om ten Churachandpur District a Mautam kial thuakte panpih nang sum kidong in Rs. 1,18,900/- dongkhia in a sum tang a ZYA Hqtrs ah thon in tuni’n antang bag 164. lei khia ua, tunung zek chiang in singtang lam ah thot khiak hiding chi uhi.
HSA leh BSN Managing Board meeting
Lamka, April-5: Bethesda Nursing School(BSN) Mualvaiphei a ragging thubuai ziak a Hmar Students Association (HSA) Jt. Hqtrs in zan a BSN Hostel khak ziak uh toh kisai tuni sunnung dak 2:00 in BSN Mualvaiphei ah, BSN a Managing Board leh HSA makaite’n meeting nei uhi.
Huai hun ah thupukna kichiantak om thei kei mahleh student-te khualna in hostel teng leng hon hi vekta a, April 7, 2008 in meeting sunzom nawn ding ua, tua hun ah thil bangkim hihveng ahihngei lamet ahihdan thutut kingah hi.
Thutut kingah dan in hiai bang thiltun ziakin zan nitak dak 8:30 vel in BSN Mualvaiphei a Ist & IIIyrs te heh gawpzak in gen ua, Managing Board Chairman Dr. Liensang amun a va tun in Student ten tung haksalua in students khenkhat in annek kuang khawng in deng ua, chairman ahihna tanpha kitawp ding in nawh uhi. Hmar nam sung a pawlpi lian khenkhatte’n naktak a pan a lak ziakun buaina sousang pen kham daih in om thei hi’n leng thutut kingah hi.
Block teng a ding NREGS sum sanction khinta
Lamka, April-5: Churachandpur District sung Block teng a National Rural Employment Guarantee Scheme (NREGS) thaman ding sum DC/CCpur in financial year bei toh kiton in sum sanction bawl khinta hi. Mautam kial ziakin Thanlon, Tipaimukh leh Vangai Block a ding in ni 100 thaman ding sanction bawl a, mautaam in a sukkhak zek Singngat leh Henglep Block a ding ni 65 thaman ding sanction bawl a, Block 5 Lamka, Saikot, Tuibuang, Sangaikot, leh Sammulamlane Block a ding in ni 50 man ding sanction khin ta hi.
Sidartha Class kipan ding
Lamka, April-5: CCpur Government College kong, IB road a om Siddhartha Institute of Medical Technology a principal sih ziak a bangtan hiam class neih louh a om pen hong tung ding April 7, 2008 in ngeina bang in class kipan nawnta ding hi.
Constable adin PET zou
IMPHAL April 5: Manipur Police a Constable (Civil/male) lakna dia Physical Efficiency Test, MPTS a April 4, 2008 a neihna ah, candidate 174 paisuak uhi. Tuate lak ah, CCpur apat hiai anuai min leh chest number neite telkha uhi.
74- M.Zamsonlian,
87- G.Paulianmung,
121- Ngoubipou Kamei,
139- T. Paukhanlian,
151- M.Paokholal Haokip,
249- Lammuanlal Khaute,
320- Khaithang Haokip,
424- Sianlalpaul,
441- Seikhomang Misao,
565- Ningthoujam Herojit Singh,
651- T.Thongsianthang,
672- William Haokip,
730- Lunkim Seiminthang Khongsai,
838- S.Thangkhanlal Haokip leh
849- M.Seikholun Haokip ahi.
Written test neih hun ding bikhiah
IMPHAL April 5: Rural Development nuai a, Manipur State Rural Road Development Agency a post tuamtuam, CDA, Tracer, Computer Operator, Laboratory Assistant, LDC, Section Officer leh Road Mohorri lakna dia Employment exchange a min khakte adingin, Written Examination April 12, 2008 in Imphal a DM College of Science ah om ding hi.
Hiai ding toh kisai in Admit Card, Imphal East Porompat a DC Complex a SIRD office ah April 9 & 10, 2008 office hour sungin laktheih dinga, candidate ten passport lemlak 2 attested sa leh Rs 100 tawi ngai ding hidan in thusuak om hi.
Manipur a Violence toh kisai genkhawm
IMPHAL April 5: Manipur a Violence tuamtuam toh kisai in, tuni’n Manipur Forward Youth Front (MAFYF) te saina in, Manipur Press Club ah, Public Dialogue on Violence in Manipur kichi Citizen’s conference khat om hi.
Hiai hun ah moderator in, Prof. Arambam Somorendra panga, R.K.Anand MLA, Advocate Khaidem Mani, Manipur University a Associate Prof. in Economics R.K.Chinglensana leh Civil Organisation tuamtuam a makaite’n thugenna hun zang uhi.
MAFYF President Sapamcha Kangleipal in key note address apiakna ah, Manipur a violence thiltungte 80% bang govt. sponsored ahihdan gen in, meltheihlouh galvan tawiten mi pimang leh thah kichi tam mahmah ahihdan leng gen hi. Central govt. in Manipur mi-le-sa kithah tuah poisalou ahihlai a, State Govt. in Manipur a indigeneous mite leh minority te a kepbit kul hidan in taklang hi.
NIPCO Genral Secretary Sunil in agenna ah, Manipur gam sunga pawl tuamtuam omte Central govt. tosawn a kidou tuah ahihdan leh, thil hoihlou himhim a pantu a kingohtuahna tanpha tosawntu om hidan in gen hi.
All Manipur Chingmi-Tammi Apunba Nupi Lup President Momon in agenna ah, Manipur a galvan tawi sepaih leh helpawlte gamtat khengvalluate mipi thuaklah pen ahihdan gen hi. Singtangmi leh Phaijangmi chih kikhen tuamtuam lou a thil hoih adia tutkhawm leh genkhawm mun kul hidan inleng taklang hi. R.K.Chinglensana in agenna ah, Manipur dinmun hoihlouh ziakin, Central sponsored scheme tuamtuamte zatna toh kisai Govt. in Central a report diktak leh utilization certificate pelut thei nawn lou ahihdan gen hi. Aban agenna ah, Manipur in Central apan fund amuh ding tawm hiai hiai leh Central in fund piak toh kisai tanpha a Strict condition hon neihkhum ding ahihtak dan gen hi.
MAPI Council a President Manihar in agenna ah, Manipur a violence tuamtuam tungte akipatna hoihtak a theihkhiak kul ding ahihdan gen hi. Hiai Violence tungtang genkhawmna hun ah mipi 200 vel paikhawm uhi.
Imphal-Moreh Tata Sumo te tailou
IMPHAL April 5: Manipur a govt. department chihlouh sumbuk leh sumdonna mun tuamtuam ah helpawlten sum tam taktak ngen uhi. Hichibang kal ah, mipi service khat leng hi, Imphal –Moreh kal a Tata Sumo Service te apat leng helpawl tuamtuam in sum tamtak anget ziakun, tuni apat Imphal leh Moreh kal a service Tata Sumo te khawl uhi.
Tuni a Imphal-Moreh Tata Sumo Service ten thuthak saimite akimuhpihna uah, hiai lampi kal a helpawl tuamtuam in sum demand abawl te petou zelzel ua, himahleh, helpawl khat leng pawl 2/3 bang phata ahihman in, pawl teng in demand abawl uh amau adia piak vual hinawnlou ahihdan gen uhi.
Hichibang teng ziaka tuni apat hiai lampi a service khawlsak ahihdan uhleh, helpawlten demand abawl uh zukkikna a neih mateng uh, Tata Sumo service khawl lemsa ahihdan uhleng gen uhi. Imphal leh Moreh kal a Tata Sumo service 50 vel dia tuat ahi.
DM College naktak a puahthak hiding
IMPHAL April Manipur adia Govt. College luipen dia kigen, Dhanamanjuri College ah Arts,Science leh Commerce stream om hi. Hiai college dinmun tunin’ Education minister L.Jeyantakumar in etkhiakna vanei hi.
Minister in UGC sensak na nuai a, DM Science adia kibawlthak Women’s Hostel leh Principal Quarter kibawl lel dinmun etkhiakna leng nei hi. Hiai mun a Minister in agenna
ah, DM College hoihtak a puahthak hiding ahihdan leh gam letdan toh kisai leng hoihtak a velchet thak a gamgi kichiantak khun poimoh ahihdan gen hi. College huangsung a phalna bei a omte leng hawlkhiak hidingun minister in genbeh hi.
IED Cell phone toh kiphumgu 4 musuah
IMPHAL April 5: Manipur adia amasapen hilai dingin, helpawlte’n IED toh Cell phone remote control device 4 a phumguk uh tuni’n muhsuah ahihnungin puahzaksak in om hi.
Thutut kingah dan in, tuni zingkal baihtak in, Imphal East district sung Lamlai mun a lampi gei ah, mipi vakvialte’n bomb kikam musuah uhi.
Hiai thu BSF ROP paite kiang ah theisak ua, tuazoh zinglam dak 11 vel dingin, Manipur Police Bomb squad ten pilvangtak a dapkual in bomb kikam 4 te metre 100 vel a kihal in mukhia in lakhia ngal uhi. Police te gendan in, IED khat zel ah Cell phone khat chiatmah henkhawm in om a, Cell phone te Sim card neingen leng ahi. Hiai bomb te Sim card number call chia puakzak theimai ding, remote control device dan leng ahi. Police ten anungin, mun thoveng ah bomb te puakzak uhi. Hichibang IED bomb kikam kuate hih hiam chih bel hiai lai sut ahihtan in theih omlou hi.
IM cadre 1 liam, FGN cadre 3 mat in om
KOHIMA, April 5 NNN
Old NST Kohima a Fancy Market kiang ah NSCN-K pawl in tuni sunma dak 11 ding vel in a liang leh gil ah NSCN-IM cadre ‘Sgt. Maj.’ Taku Ao kapliam ua, police te’n kintak a damdawi in a zotpih nung un a dinmun bel lauhthawnghuailou hi’n thusuak in taklang hi.
Thudang khat ah, Kohima a Chandmari lak a galvan tawi pawl khat in sum khon uh hidan a thu a muh dungzui un South Police Station personnel te’n delh ngal ua, Upper Chandmari lak apat nitaklam dak 3:30 ding vel in Federal Government of Nagaland (FGN) cadre 3 galvan neu toh mankhawm uh hi’n thusuak in taklang hi.
Mat a om cadre 3-te ahihleh Kohima a Transit Peace Camp apat ngen, ‘Capt.’ Nekedu S. Venuh, ‘Sgt. Maj’ Kekhrieyalie Linyü leh ‘Sgt.’ Tavei Choumai hi ua, sum ngetna lehkha, revolver 2 leh a tang 10 toh matkhawm himahle uh, policel-te a tunma ua a sum ngetkhiak teng uh toh cadre dang 2 suakta uh hi’n thusuak in taklang hi.
NSCN-U in IM-te pimang nawnzel
DIMAPUR, April 5 NNN
NSCN-IM leh NSCN-U kal a kitheihsiamlouhna in hoihlam sang a siatlam nawtzaw ding bang a, April 3 a NSCN-U te’n IM member nih a pimang zoh un zan in Dimapur a Burma Camp lak a tenna inn apat NSCN-IM cadre "Sgt Major" James banah Super Market apat NSCN-IM Section Officer Shomy Sharon leh Assistant Section Officer T. Shangreingam pimang nawn uh hi’n thusuak in taklang hi.
Hiai thil piang toh kisai a NSCN-IM in tuni a thusuah a bawlna uah, Nagalim a lemna leh muanna deihloute’n civil society leh saptuam te’n a bawlkhiak uh Rev. Dr. Wati Aier makaih 'Reconciliation Forum' nasep teng bangmahlou suah ahihdan gen hi’n thusuak in taklang hi.
IM thusuak in a genzelna ah, April 4 nitaklam dak 6 vel a NSCN-Unification pawl in Burma Camp a a tenna inn apat a zi mitmuh mahmah a Sgt. Maj. James, Naga Army pimang uh hi’n gen a, IM in a thuklouh phazesa a hiai pawlte’n Burma Camp lak a NSCN-IM a tel hidia muanmohte inn ban check uh ahihdan thusuak in taklang hi.
Lemna leh muanna deih mipite ngetna a zahtak ziak uh leh thudik mi’n thei thouthou ding hidan a muanngamna a neih ziak ua hiai bangteng tung mahleh NSCN-IM kidek hamham ahihdan thusuak in taklang hi.
IM thusuak in thagum suah a kinawkna, kipimangna, galvan kilaksuhna leh IM’ garite laksuhna niteng a pung semsem ahihdan a taklatna uah, a paisa April 1 a Tatar (Member of Parliament) Khriinuh Angami' inn luh a om ahihdan leh amah inn ah ana omkei mahleh a pistol khat laksak a om hi’n leh a security guard te’n thuak uh hi’n thusuak in taklang hi. Huai banah, hiai ni mah in Dy. Kilonser V. Markritsii Angami' tenna inn luh in om nawn a, amah leng inn a ana omlouhtak in a gari thagum a suhsak in om a, a zingchiang April 4 in unification pawl mah in Tatar K.V. Paulus’ tenna inn luh nawn ua, naktak a a vuak liam zoh un a AK thau leh Sten Carbine laksuh uhi. Huai khit April 4 mah in Shomy Sharon, SO leh T. Shangreingam ASO pimang a om nawn ahihdan IM in tuni a gen hi’n thusuak in taklang hi.
IM thusuak in a thukhitna di’n, hiai bang thiltungte apat Indo-Naga political peace process sukbuai sawm a panlate kuate hi hiam chih mipite’n amau sia-le-pha theihna zang a a khen ding uh ahihdan gen hi’n thusuak in taklang hi.
Numeite’n lamlian zui; CM kiang ah memorandum pia
IMPHAL, April 5 NNN
United NGO Mission nuai a kikhaikhawm District Women’s Committee, Imphal East, Imphal West, Thoubal leh Chandel saina in ‘Protect Rights to Life, Save our Generation’ chih thupi pansan in tuni’n Imphal East bial ah 'Mass Rally Against The Violation Of Human Rights' neih a om hi’n thusuak in taklang hi.
District 4 apat numei tamtak paikhawmte rally ahihleh Imphal a Konungmamang Hatta Kangjeibung apat Manipur Women’s Commission a Chairperson Ch Jamini Devi in khahkhia a, Checkon, Hatta, Lamlong leh Porompat tawn in a kipatna mun uh tungkik ua, huai ah public meeting nei uh hi’n thusuak in taklang hi.
Mipi paikhawmte’n meeting a neih zoh un migiloute tung a gawtna pe ding leh dan leh thupiak kembittute human rights banah gender rights leh a dangdang toh kisai sinsakna pe dia ngetna Chief Minister O. Ibobi Singh kiang ah memorandum pia uhi. Manipur a human rights bohsiatnate douna dia kuapeuh mah kithutuaktak a pankhawm leh hiai bang thu toh kisai awareness neihna dia media-te tungtawn a panlak chiat ding ngaihdan mipi paikhawmte’n nei uh hi’n thusuak in taklang hi.
District 4 a District Women’s Committee Convenor teng in memorandum a khiakna uah, Manipur a lemna leh muanna a om theihna dia helpawl tuamtuamte teng toh lemna thu gen a kihouna nei di’n state government ngiat a, huai banah, Protection of Women from Domestic Violence Act, 2005 kichiantak a zuih hiding in ngen uhi. January 2008 apat March 2008 sung a numeite tung a hiamgamna tung tuamtuam case 31 leng hiai memorandum a taklat a om hi’n thusuak in taklang hi.
www.zogam.com
No comments:
Post a Comment