Lelte Award 2008 Sem A Ni Ta

Hmeichhe Zaihtiam Ber Mami Varte, Mipa Zaithiam Ber TBC Zaithanpuia. Dr N.Pallai, Chairman, Lelte Award Nominations Committee koahhruaina hnuaia neih zawh tak Lelte Award vawi 17-na chu April ni 3, 2008 zan khan Vanapa Hall-ah sem zawh a lo ni leh ta. Mizoram Music Industry-ah rimawi tehkhawng lian ber leh hlun ber a nih avangin hei hian zaimite leh thalaite zingah titi a ti tam hle a ni. Award chi hrang 16 sem chhuah zingah Best Female Singer Mami Varte chuahin Award pahnih a dawnga, a he Award dawn pakhat zawk hi Best Design of Album Cover tih a ni. Mipa zaithiam ber nihna changtu TBC Zaithanpuia chu a beisei piah lamah a ding nia inhriain, a Award dawnlai hian a hnuk a ulh a ni Livetime Achiavement Award dawngtu Vanlalruati chuan, hun liam tawh hnu thlirkirin, a vanglai ni te a ngaih thu thiam takin a sawi thung..

Lelte Award semna inkhawmah Pu JC Ramthanga IAS, Coimmissioner Govt. of Mizoram chu Khuallian niin, AIR Top Grade Artiste Pi Vanhlupuii chu Khual zahawm a ni thung. Khuallian Pu JC Ramthanga chuan Lelte-in Mizoram Music Induistry tih hmasawn nana theih tawpa hma an la hi hnam tan a chhuanawma, rimawi hmanga Zo-Hnahthlakte insuihkhawmna thupuia an nei pawh hi a ropui in, an chhuan tlak hle a ni. Hun lokal zel turah pawh hei aia ropui zawk a buatsaih zel turin duhsakna ka hlan tih a sawi.

Award dawngtute bakah Christy Lalramdini (Lunglei), Rock Star C.Lalengliana, Rebecca Saimawii etc te an zaia, Award sem inkhawm hi Champhai atanga sawm bik C.Zonuntluangi (Zawnteii) leh Vanlalenga Khiangte (Vantea) ten inkhawm hneh taka kaihruaiin, Chief Organiser Pu C.Dinthanga’n report leh Nominations Committee Member-te hmelhiat tirna a nei thung.

1. Chibil Award 2008 Dawng Turte

1. Paite : Mimin Baite, Lamka, Manipur

2. Hmar : John L.Varte, Ramthar, Chura-chandpur, Manipur.

3. Thadou/Kuki : Janglal Khongsai, Chura-chandpur, Manipur.

4. Lai : FC Remsangpuii, Sangau, Lawngtlai District, Mizoram.

5. Mara : T.Merisa, Saiha Vengpui, Saiha District, Mizoram

2. Lifetime Achiavement Award

Vanlalruati, (Vawi 10 chuang Mizoram Hmeichhe Zaithiam Ber Nihna Lo Dawng Tawh)

3. Best Article of the Year

‘Mizote Mu Tan’ by PC Lawmkunga IAS, Imphal (Issued on March 16 -22, 2007 - Lelte Weekly)

4. Album Cover Design of the Year - Damlai Par - Mami Varte, Design by C.Laldinpuia (Dina Graphix)

5. Best Entertainer of the Year - K. Lalngaizuala

6. Choir of the Year - Ramhlun North YMA Zaipawl

7. Mizo Traditional Singer of the Year - H.Vanlalhlana

8. Best Musician of the Year - Lawmzuala (Guitarist - Mizo Idol 2007 Contest)

9. Music Video of the Year - Tleitir Hmeltha Part II (Mama Chhangte)

10. Album of the Year (Gospel) - Ka Lo Haw (Zoramchhani)

11. Album of the Year (Lengzem) - Lam Ang Ka Lo Let Leh Ta E ( Zomuanpuii)

12. Band (Group) of the Year - Hard Ray

13. New Artiste of the Year (Female) - Remkimi Cherput

14. New Artiste of the Year (Male) - C. Lalthlengliana (Mathlenga)

15. Song of the Year ‘Zoram Ngaih Hla’ Phuahtu - Rosang-liana (Zo-Rock)

16. Male Singer of the Year - TBC Zaithanpuia

17. Female Singer of the Year (Gospel) - Pensy B. Lalthangliani

18. Male Singer of the Year (Gospel) - Vanlalsailova.

19. Female Singer of the Year - Mami Varte

20. Special Award - Anthony Lalmalsawma & Lalpianmawia, Khawlian khua

(An ni pahnih hi October ni 12, 2007 zana Vairengte leh Silchar inkara vai suamhmangten Sumo an suam a, lo beilettute kha an ni.)


Source: http://lelte.net