Joseph Suantak s/o Pauneikhai Suantak of Tuibuong Forest Gate in tuni in Manipur University apan in “History and Culture of the Vaiphei Tribe of Indo-Myanmar border” thesis tungtawn in Doctor of Philosphy ngah thak hi. Mr Suantak guide Professor ahihleh, Dr Laldena hidan in kigen a, convocation hun ding awl a puankhiak hiding in kigen hi. Amah ahihleh, Jesus and Mary School, Tuibuong neitu hi a, mi brilliant mahmah hi’n kigen hi.
Vungsuanmang in EE len nawn ding
Lamka, April 5: Vungsuanmang Valte @ V. Valte Executive Engineer, Public Works Department, Churachandpur tuma deuh in suspend in om a, himahleh, tuni in Government in su hing (revoked) nawn in PWD Churachandpur Division mah ah Executive Engineer hihna len nawn ding in order suah hi.
Ngakap tuaksia
Suanlal (40) s/o Ngulkhosei of Singheu,Churachandpur Sub-Division,alawmte mi 4 tawh Gunlui ah Ngakap ding akuanlai tuni zinglam dak 10 vel in akhut tungah bomb puak kha hi.A khutbom taklam kitan in,bom neng in amai,a awm leh a khe pek veilam theh liama,tu’n District Hospital ah etkol in omlel hi.
Khuam in alu khenkha
Kimboi (20) w/o Zammuan of Lungthul (L) April 2,2008 nitaklam dak 4 vel in gamlak ah daaikhuam(fencing post) ding polai,kipuk in akhuam puak in alu khenkha in,tu’n District Hospital ah etkol in awm hi.
Paybill pass theilou uh
Manipur Government in April 4,2008 apat in Government nasem te’n March 2008 khaloh laktheih ding in order bawl mahleh Head of Department tuamtuam te’n Post Extension Order abawl nailouh ziak un tuni’n Treasury office ah paybill pass thei omlou uhi.
Free Text Book laktheih
District Council nuai a School tuamtuam te’n mahni circle AI te kiang chiat ah Free Text Book Class I-V valak theih ta hi.
CCpur in 34 Crore tangkha ta
Manipur ah NREGS nasepna CCpur,Chandel leh Tamenglong ah 2007-2008 in kipanta hi.Tamenglong in 7 Crore tangkha a,Chandel in 12 Crore tangkha a,CCpur in 34 Crore tangkha hi.Sumant Singh IAS,Deputy Commissioner/Churachandpur hahpan na ziak leh afel ziak liauliau a Central Government in hiah zah ahon piak hi’n leng muanhuai taka pat in thu kiza hi.
TB natna apat mi 75 damsiang uh
District TB office te’n March 2008 kha sung in damlou mi 368 etna nei uhi.Huai lak ah mi 218 te’n khaksuah(sputum)test thak ua,mi 125 te’n khaksuah test sunzawm(follow up) na nei uhi.Huai teng lak ah mi 2 kia in TB natna nei ua,mi 82 te damdawi a etkawl pan thak ua,mi 75 te TB natna apat in damsiang uhi.
Japan apat Mautaam panpihna hong tung
Aid Zomi Japan,president Sang Valte (s/o V Paukhansiam President ZAA) leh ateam te’n Mautaam Kialpi douna ah naktak in pan la ua,kialpi dounaang in Japan apat in sumtamtak Siamnunlian Valte President SSPP Gen.HQ bank account apat in hong thon uhi. Huai sum te in April 4,2008 in ZYA makai te’n Kial panpih nang in antang bag 164,kg 8200 lei khia ua,tu’n YPA HQ hall Upper Lamka ah koih in awm hi.Aid Zomi Japan te’n mimal,pawlpi tuam tuam te ban ah amau mimal apan sum honkai khawm ua,huai te ahon khak uh hi’n thutut ki ngah hi.
Zenhang Lamka ah NREGS social audit nei uh
Sumant Singh IAS,Deputy Commissioner/Churachandpur makaih in tuni zinglam dak 10 apat in Zenhang Lamka Community Hall ah NREGS social audit nei in awm hi.DC in athugen na ah Social Audit kho teng a bawl ding himahleh thil haksa ahih ziak in Singngat leh Sihpuikon khua ah neih zoh hita a,singtanglam azin Vigilance & Monitoring Cell team te’n kho tuamtuam a hongnei ding ahihdan gen hi.NREGS nasepna ah complain tampet mah a,complain box DC tenna inn,DC office leh SP office mun te ah koih hi ding a,min gelh lou in leng complain bawl theih hiding in leng gen hi.
Aman agen zelna ah VA te’n mipi te nasep ding apiak ut kei uhleh Development Committee kibawl khia a,Committee te tungtawn a BDO account apat sum hawm khiak hiding in gen hi.Zenhang Lamka area a unit 11 te’n April 7,2008 apat a nasep pan a,ni 50 achin masiah sun zom thei ding ahihdan uhleh asem lou te’n sum milou ding ahihdan leng gen hi.DC in nasep te enkhe ding a,superveser te’n ana sepna mun chiat uah banner tak khe ding in theisak a,na ahoih sepkei uh leh back list akoiha,VA account apat sum hawm khiak hinawn lou ding in gen hi.Ni 50 chinma na semtou a,attendance ani teng a DC kiang ah report gige ding,muster roll hoihtak a maintain ding,expenditure teng hoihtak a submit ding,na sep ding te hoihtak akisemna hiam chih etkhiak ahihding ban ah ni 50 a chintan a nasep ahih chiang a,2008-2009 fund release hipan ding in leng gen hi.Tuni in Job Card neilou mi 4 te tuni mah a, Job card pengal ding in SDO/CCpur thei sak ngal hi.
Tu lel in Zenhang Lamka VA nuai ah Jobcard holder 985 awm a,atam na pen ahihdan leng DC in gen hi.Zenhang Lamka area ah 1st phase in sanction Rs.11.30 lakhs kibawl a,nasem te nitha in Rs.7.8 lakhs leh material cost in Rs. 4.52 lakhs bei hi. 2nd Phase ah Rs. 18.49 lakhs ki sanction a, labour charge ah Rs. 12.94 lakhs leh material cost ah Rs. 5.54 lakhs beizou hi. Zenhang Lamka Area ah NREGS nasepna 3rd tan a ki draw khia ahih leh Rs. 55 Lakhs vel lutzou ding a, a tam namun pen leng hi ding a thu kiza hi.
CDSU in FCS Commissioner order phiat dingin ngen
Lamka, April 5: Churachandpur District Students’ Union (CDSU) in tuni in Chief Minister kiang ah ngetna khat khia in, FCS Commissioner in PDS tungtang a revised system order abawl pomlouh thu gen kawm in phiat ding in ngen uhi.
Thusuak kingah dan in, CDSU in CM kiang ah, CCpur ah mautaam ziak in ann ngawl a hunkhawp om ta ahihdan taklang uh a, Government in pan alak pah kei leh pukse thei dinmun ah mi tamtak om ahihdan taklang uhi. PDS leh NREGS Government in ahon patkhiak tungtawn in mi si ding lai tamtak hondam ahihdan leng CM zasak uhi. CDSU thusuak in agenbehna ah, FCS Commissioner in April 3 2008 a order asuah in mipi lungtang phawng ahihdan gen ua, MLA leh a nominee te Fair Price Shop a PDS item pekhia dia thuneihna apiak pen pomlouh thugen uhi. MLA leh a nominee te nasepdan hun paisa in kilang khin a, tua Commissioner in amaute thuneihna apiak khiak pen CDSU in theisiam lou ahihdan taklang uhi.
CDSU in thutak mah paipih ahihkawm in, Commissioner kiang ah a order cancel ding in ngen ua, mundang ah hiai order apaipih suak thouthou ding ua leh, Churachandpur ah bel zat hituan kei hen chi’n Chief Minister ngen ua, CDSU in mipite khualna ziak in maban ah thil omdan enkai zel ding uh ahihdan puang uhi.
IMPHAL NEWS:
September kha in MP Election om di’n ginhuai
Imphal, April 5: Election Commission of India in tuni in Manipur Government kiang ah theihsakna pi ain, Electorol roll observer ding in IAS 4 guang uh a, amaute’n anasep uh August 31 tan a zousiang ding in zasak uhi. Muanhuaitak apan thutut kingah dan in, Election Commission in September kha a Manipur ah MP election neih a sawm ziak a hiai thu suveng pah ding a Manipur Government zasak hiding in ginthu kigen hi. Thusuak kingah dan in, tuni in ECI in Henry K Heni IAS, MA Sattar IAS, T Bhorot Singh IAS leh KK Chhetri te mawhpuakna sangtak pia in, August 31 2008 tan a amau tan khak District te 3 vei chiat vehsuak ding in zasak uhi. ECI thusuak dan in, Henry in Churachandpur leh Bishnupur enkai ding a, Sattar in Senapati leh Imphal West, Bhorot in Thoubal, Chandel leh Ukhrul enkai ding a, Chhetri in Imphal East leh Tamenglong enkai ding hi’n a thusuahna uah taklang uhi. Amau amasapen in April 15-30 kikal sung in a bial chiat uh veh ding ua, a nihna ding in May 15-31 leh a thumveina ding in June 15 apan June 25 kal in a bial uh siiksuak nawn ding uh chih ahi.
Governor in Assembly session khawlsak
Imphal, April 5: February kha a pat a om Manipur Assembly session April 3 2008 in zawhsiang keuhkeuh hi a, Manipur Governor Dr SS Sidhu in session neih nawn ahihma tan khawlsak ahihdan tuni in order suah a, huai ah Assembly Secretary T Joute in suaikai hi.
Bomb kikam mun 5 ah mukhia
Imphal, April 5: Tuni in Imphal East District sung a om Lamlai Police station huamsung a Laikhotang Maphou road lak ah BSF 15th Battalion te’n bomb kikam 4 mukhia uh a, sunnung dak 12-dak 1 kikal in mun thawveng khat ah supuak uhi. Thusuak kingah dan in, bomb te leh mobile phone handset koih khawm geihgeih in om a, remote control tawh kithuah in helpawlte’n a ut hunhun ua a sukpuak theih ding un mansa in koih in om hi.
Tuabangkalah, Yairipok Police station huamsung a om Thou bal Wangkhem a Kh Ajoy (45) tenna inn ah meltheihlouh pawlkhat in Chinese made hand grenade khat va nusia uh a, tuni zinglam dak 10:30 vel ding in bomb expert te’n va lakhia uhi. Ajoy ahihleh, Vety Department nuai a Field Assistant semlel hi’n kigen hi.
Numeite soisakna thu ah rally om
Imphal, April 5: District Women Committee for United NGO Mission, Manipur te saina in tuni in Imphal East, west leh Thoubal apan palai tamtak paikhawm in, zinglam dak 9 in Imphal khawpi sung ah rally thupitak nei uh a, huai ah numei sang tamtak tel uhi. Thusuak in agendan in, numei pawl in Churachandpur a numei naupang sualluihthu, Heirok a nungak nih thah thu, Chandel mi Anal numei 2 thah thu ban ah, Keirao, Sekmaijin leh mun tuamtuam a numei te bawl gentheihna thu te tel in thu tuamtuam tangkoupih ua, State Government in numeite hinna hun bit zoulou ahihdan leng phoulak uhi.
TSA in Forest Office suanthu theisiamlou
Imphal, April 5: Thadou Students’ Association, Sadar Hills thusuak in tuni a ataklat dan in, Forest Department in Northern Division Office dia Kangpokpi a Office a hawn uh Imphal mun a a suankhiak pong mawk uh theisiam lou ahihdan puang uh a, ni 10 sung ngei a Chief Conservator of Forest in Kangpokpi mun mah a office koih kik ding in ngen hi. TSA thusuak in agenbehna ah, helpawlte ziak a Forest office suan ahihleh, Imphal mun a helpawl om lou hiam chih dotna bawl kawm in, ni 10 sung ngei a koih kik ahih kei leh TSA in panla ding a, bang hiam thilsia a om leh Governmenti in a mawh teng pawding hidanin TSA General Secretary/Sadar Hills Thangminlen Kigpen in a thusuah ah taklang hi.
EDITORIAL:
Tuni Thupi: “TOUPA thuguk amah laudansiamte kiang ah a om, a thukhun tuh amau te a theisak ding hi.” Sam 25:14
Lamka a thu buaihuai mahmah nih
Central Solkar vaihawmtu Congress makaih United Progressive Alliance in India mipite khualna ziak liauliau in Scheme hoihtak khat National Rural Employment Guarantee Scheme (NREGS) kichi hon pankhia in, April 1 2008 apan India gamsung pumpi ah zat theih ding in hong omta hi. Hiai Scheme ahihleh, singtangmite khualna ziak liauliau a Central Government in a sepkhiak hi a, nam niam leh gentheite ading in vualzawlna tungtuan ahi i chi lou theikei hi.
I District in Mautaam kialpi thupitak i tuah lai a, hiai bang Central Scheme hong om pen ham phat huai mahmah a, hiai hamphatna i zat khelh ding lau huai mahmah hi. A rule dan chetchet a paiding chi le hang, NREGS hoihna ki lang ser mahmah ding a, himahleh, local adjustment khenkhat bel bawl louhtheih louh om ahi chih bel i haihkei hi. Lamka zang in i hamphat pih gentak louh a biiktak in singtang bial a om i unaute ading in Innkuan kingakna petmah hong suak a, a paidan diktak a zat ding mah in deihhuai petmah hi. NREGS implement ahih ziak in, Village authority election bang i nei zungzung ua, khaw khet khat ah makaitu ding kituhna a ana sa mahmah hi. NREGS ah sum tamtak om ziak a Village authority member hih ut tamtak om ahi chih bang thuleng om kha a, a dik i chihna hilou in, thil omthei ahi de aw chih theih in om hi.
I gen minthang mahmah uh, “Paupu the Hero” film a “Mauna ngen hi” chih la piandeuh in i tenna gam mauna ngen petmah zaw ahi ta ding a, ki muanmawhna gam hong suak in, NREGS thu ah mipite leh Hausa/village authority kal ah ki muanmawhna tam mahmah hi. Central in singtangmi te makhualna ziak a scheme hoihtak hon piak uh hoihtak a zat ding ahi. Public Distribution System tung tang ah buaina liantak i tuak ua, i tan dua kilawm phutna in ZEPADA makaih in empty pot rally tanpha i nei uhi. Huai dan deuh in, NREGS leng centre scheme ahi a, i tan dia kilawmte i tan ding mah ahi. Huchi kawmkawm a ei le ei ki neek sak a i om ngeingei leh phungvuh taklou i hi mai a, huichibang a migentheite sum negute mat a Dan dungzui a soisak ding ahi. Hiai tungtang ah mipi lam in leng tu in awareness i nei panpan ta ua, December 2007 a i pat uh kha 4 khawng pha minmen pan a, kum 5 sung NREGS nna i sep sung un bangteng buaina i tuak di uam chih gen ngam huai nai hetlou hi.
Tualou in, Lamka khawpi a thu buai huai mahmah i tuah lel uh thil dang khat ahihleh, Ragging tungtang ahi. Churachandpur District in i ki saktheih pih mahmah uh Muolvaiphei Rural Health and Research Centre a General Nursing and Midwifery student te lak ah ragging tungtang ah buaina liantak hong piang in, zan April 5 apan Institution khak in hong om hi. Hiai tungtang ah ki ngoh tuahna (allegation and counter allegation) hong om vengvung in thudik theih hak mahmah hi. I gen ut pen ahih leh, hiai te mawh, huai te dik chih hi zawlou in, District mipi adia vangtahna lam ahi zaw hi. MRHRC ahihleh, i District ading in reputed Institution khat ahi. Bangziak hiam i chih leh, Assam Nurses Council ah direct affiliation nei in, Assam Board nuai ah exam pia ua, Manipur a Nurse sinna ding a hoih penpen a diam chih theih in om hi. MRHRC apan GNM zoukhia mi tamtak in Government, semi Government leh Corporation tuamtuam ban ah private ah sepna ngah ta ua, Inn mun pansan a hiai Institute i neih zenzen ham phat huai petmah in phung vuh tuak mahmah hi.
Tutung thiltung tawh kisai mi tamtak in poisa mahmah uh ahi chih i thei hi. Hiai kawmkal ah ragging kichi bang hi hiam chih i theih deih huai mahmah hi. Tutung buaina pen zaw thutuam hi. Himahleh, maban ah Institution tuamtuam te’n i theih ngeingei dua deih huai ahihleh, ragging kichi student te lak a ki maingalna leh junior te’n senior te a zahtak theih na ding ua neih zel mah ahi. A hih ziak in, ragging bang lam kawk in i nei a, punishment na dia ragging suallam i diam chih bang leng Instution tuamtuam adia kivel tuak ahi. Vaigam te ah ragging case nasa thei mahmah in, junthakna tanpha ki etsak in, sikai neunuai in ki vawliam sek ua, Supreme Court in leng ragging kham bik bek hi.
Ragging chih kammal sang mah in leng self introduction ahih kei leh, interaction program chih khawng zat tuak zaw a, ki soisakna leh kigawtna dan a thil apai chiang in hoih lou a, Dan dungzui in heek theih a, mat leng mat theih zawmah hi. A biiktak in Medical Institution leh Engineering college te ah ragging kichi uang khol diak in, electric heater tung a zuntha ding tanpha in ki sawlna om tel hi. Bangteng hileh, ei sang a state changkang zawte buaina a ei leng buaithei samta i hih chiang in changkangna khat bel hi veve hilou hiam i chi a, huai kawmkawm in khangtou hiaihiai ding i hihna ah Institution tuamtuam te’n ragging kichi himhim gen leng gen gingnawn kei leng Instution ading in damna pen hong hiding hi.
Transfer/posting & allocation of works
1. P. Sharatchandra, IAS, Principal Secretary(Revenue/Hr & Technical
Education/Sericulture) and ex-officio Director,Higher Education as Principal
Secretary(Finance/Revenue/Higher & Technical Education/Sericulture) and ex-officio Director, Higher & Technical Education.
2. RR Rashmi,IAS, Principal Secretary(Finance/Election) & Chief Electoral Officer on
central deputation as Joint Secretary, Ministry of Environment & Forest, Govt of
India.
3. Henry K. Heni,IAS, Commissioner(Works/IFCD/YAS) and Project Director, Manipur
Development Society & Member Secretary,EBADA/BRVDB as Commissioner (Works/IFCD) and Project Director, Manipur Development Society & Member Secretary,EBADA/BRVDB.
4. Lungmuana Lakher,IAS, Commissioner(Fishery) as Commissioner(Fishery/YAS).
5. T. Ranjit Singh,MCS, Joint Chief Electoral Officer(CEO), Manipur shall function as Chief Electoral Officer(CEO), Manipur.
www.zogam.com
No comments:
Post a Comment