Tuesday, 21 August 2007
St. Mary’s School naupangte kiphin, KSO in student te zuih ding thupuan bawl
Lamka Aug 17: Tuibuang a St. Mary’s School a kai sinlaite leh sinsaktu te kikal a kitheihsiamlouhna khenkhat ziak in tuzing in sinlai khenkhat kiphin in sinlai naupang school kai dia kuante sawlkik uhi. Hiai hun in Kuki Students’ Organisation (KSO)/CCpur a makai khenkhat in va tuakkha in sinlaite leh sinsaktute kikal a kilemna omtheihna ding in panla in kilemna va bawlpih uhi.
Hiai thiltung ngaipoimoh in Kuki Students’ Organisation (KSO)/CCpur in tuni sunnung dak 3:00 in KIC Office ah Lamka pansan thuthaksaite kimuhpihna nei ua, huai ah District sung a siamsinna inn tuamtuam a siamsinte ading a zuih ding tuamtuam thupuanna nei uhi. Thuthaksaite toh a kimuh hun un Kuki Students’ Organisation (KSO)/CCpur makaite’n District sung a siamsinte lak ah khohei-gamtat kilawm leh thumanna kitasam mahmah ahihdan gen in siamsinte maban khualna a azuih ding uh thupan bawl uh hidan hi’n puang uhi. A thupuan dungzui un sinlai pasalte’n Sam/Hair hawisau leh hilenglung a koih phal hilou a sam met tom vek ding, pasal in bilbah, Tau/bangles/Bracelets bulh phallouh (ngeina dan a zangte huaplou), pau kilawmlou leh Siamsinna inn a Mobile phone puak phallouh ahihbanah pawl 12 nuailam sinlaite’n mahni kihek a gari a School/College a kuan phallou uhi. Banghiam haksatna hihvaivenna dia kiphinna neih phal hilou a ahaksatna uh school/Colleg thuneitute kiang tun a huai a a ventheih keileh Students Organisation te kiang tutzawk ding chih leh school a English zat chiat ding leh siamsinna inn thuneitute’n a naupangteng uh Identity Card piak vek ding chih ahi. Siamsinna inn nei teng hiai thupuante zuih ahihtheihna dia panla chiat ding a ngen in theisak ua huchibang zuiloute explanation call ding uhi. Students Organisation tuamtuamte’n leng hiai thupuante lohchinna dia siamsinte makhualna a kithuahpihchiat ding in ngetna leng nei uhi.
Singngat Tour ding hun suan
Lamka Aug 17: Manipur Hills Journalist Union in thupukna omsa bang a August 20, 2007 a NEC nuai leh PWD nuai a ACA tungtawn a Singngat leh Lamka kikal a lampi kibawlsate leh kibawl lelte etna neih ding chih himahleh hunlemchang dang a ding in a hun suan uhi.
Hiai hun suan ahihziak bel, NEC nuai a blacktopping pailel toh kisai contractor te’n work order mukhin vek mahle uh nasem dia kisa a tam nailou ziak a suan hi a, contractor a tamzawte’n a seppan chiang in kuan ding uhi.
Appointment order piaklut ngai
Lamka Aug 17: Chief Medical Officer, Churachandpur nuai a staff pay scale Rs. 5000/- nuailam late’n ACP scheme toh kisai in mahni appointment order chiat CMO kiang a submit ngai ding hi’n tuni’n CMO in thusuah bawl hi.
Thusuak in a taklatna ah, hiai submit louh ziak a ACP scheme tungtawn a hamphatna ngahlou a om leh amau-le-mau mohkipuak ding ua, kua mah mohsa theilou ding uh hi’n leng taklang hi.
Tuidawn toh kisai training om ding
Lamka Aug 20: Communication & Capability Development in Manipur (CCDM) saina in hongtung ding August 22-25, 2007 sung in Synod Hall, IB Road ah ‘Orientation –cum- Training for Trainers of National Rural Drinking Water Quality Monitoring and Surveillance Programme’ om ding hi.
SDPO/CCpur kikheng ding
Lamka Aug 17: Manipur Home Department in tuni a order a suah dungzui in Lamka a Sub Divisional Police Officer (SDPO) kikheng ding hi. SDPO/CCpur hihna lenlel Mr. W.Orjit Singh, MPS pen CID/Crime Branch a sem ding in suan in om a Mr.K. Kabib, IPS pen SDPO/CCpur ding inn hongpai ding hi.
August 25th tan in deposit ngai
Lamka Aug 17: PDS annatang September 2007 quota lakna ding in Singngat Assembly Constituency sung a Rationing Agent te’n MLA Nominee Mr. Enchinmang Guite kiangah hongtung ding August 25, 2007 tan in deposit piaklut theih ding hi’n thutut kingah hi.
Sadbhyavana Diwas zang
Lamka Aug 17: India Prime Minister lui Phamsa Rajiv Gandhi pianni tuni a hihtoh kiton in gamsung pumpi a mun tuamtuam ah ‘Sadbhavana Diwas’ zat in om hi. Lamka ah leng tuni sunnung dak 3:00 in DC’s Conference Hall ah ‘Sadbhavana Diwas’ zat in om a hiai hun ah DC/CCpur Mr. Sumant Singh, IAS makaih in mi tamtak in Gam-le-Nam kipumkhatna ding a sem ding a kichiamna suai kai uhi.
Guta 1 mat in om
Lamka Aug 17: Lamka khopi a sumsinna buk tuamtuam apan van tuamtuam tamtak gukhetu pawlkhat a tel Nupi naungek polai khat tuni sunma dak 11:00 vel in New Bazar ah matkhiat in om hi. Matkhiak a om nupi bel Mrs. Ibemcha Leishram (30) w/o. Inaocha @ Nanao of Khongjom Maning Leikai, Thoubal District ahi. Hiai minu’n tuni zing dak 9:00 vel in Chiengkawnpang a Mr. P. Manga Dawr apan in Blanket khat gukhia a dawr neite’n leng thei in a guuk in nungzuih ua New Bazar ah mankhia uhi. Hiai gutanu kipuandan in Mr. P. Manga Dawr apan van a guk thumveina hita a, nidang in Blanket 1 leh Sathau tin 1 ana gu ngeita hi. Hiai gutanu’ leh a lawmte 2; Mrs. Mema (40) W/o. Tomba of Khongjom Maning Leikai, Thoubal District leh Mr. Nanao Singh (35) S/o. Robindro of Khongjom Maning Leikai, Thoubal District te’n kipawl khawm in Lamka khopi sumsinna buuk tuamtuam apan van tuamtuam gu in nitaklam chiang in pai zel uhi. Amaute a tuamchiat a vak in New Bazar a thei/fruit zuakna lak ah kimukhawm zel in a van gukte uh thei zuakte kiang ah hon na etsak in thildang ka va lei lai ding’ chi in nuse zel ua, van bangzah hiam a gukkhiat khit chiang un a van guuk teng uh toh Imphal lam zuan zel uhi. Mrs. Ibemcha Leishram mat ahih hun in alawmte taikhe man ua matkhiat hilou uhi. Hiai nupi’n naungek polai ahihziak in bangmah loh hilou in a vanguk lakkik sak ahih zoh in a sam metsak in khahkhe nawn uhi.
Sadar Hill Panchayat Election a candidate tamtak in nomination withdraw
Dist. piching ngetna ah a poimohleh huaisezaw a nasep hiding – Chairman, SDDC
Sadar hill Aug 17: Sadar Hill District Demand Committee in khan awn a Panchayat Election om ding toh kisai a Sadar Hill district sung candidate dia nomination file teng in August 20, 2007 tan withdraw bawl dia thupiak a bawl dungzui in candidate tamtak in nomination paper withdraw bawl ua, himahleh candidate mi 3 in widhraw nuamlou uh hi’n thutut kingah hi.
Hiai toh kisai a, Sadar hill district demand Committee a Chairman Pu Haukholien Guite in Lamka Post a theihsakna ah, district khat sung ah administration 2 om theilou ding a, omsak teitei sawm a Manipur government in pan a lak leh Sadar hill demand committee in naktak a doudal ding ahihdan gen hi.
Sadar Hill, District piching dia ngetna toh kisai in August 17, 2007, sunnung dak 1 in Sadar Hill District Council hall ah Sadar Hill District Demand Committee intekna in heutu tuamtuam in meeting poimohtak nei uhi. Hiai meeting ah Kuki inpi, KWU, SAHILCA, KSO, Sadar Hill MLA 3, Nepali Community leh Sadar hill sung a om hausa tamtak paikhawm in maban panlak ding dan genkhawm uhi.
Hiai meeting ah, August 20-23, 2007 sung, Sadar hill sung a om Govt. office tengteng khak ding chih toh kiton in tuni’n kikhak panta a, hiai hun sung a government apan thu-le-la bangmah a om kei leh August 23-26, 2007 sung Siamsinna inte khak nawn ding ua, hiai hun sung a bangmah a omtuan keileh August 31 apan dakkal 48 sung general strike neih in lemsa uhi.
Sadar Hill District Demand Committee Chairman Pu Haukholen Guite in a genzelna ah, Sadar hill District piching piak dia hun sawttak apan nget a ompen state government in ngaihsaklou a, ngaihsaklouh a sutzop zel leh Manipur integrity suksiat a ngaih lehleng pang ngam ding uh ahihdan gen, himahleh hiai district piching ngetna pen Manipur Integrity kepbit nopna ziak hizaw ahi chih government in a theih poimoh hi’n gen hi.
Aban a genzelna ah, Panchayat Election a candidate ki-withdraw nuamlou a omleh amoh kipuak ding a, vote khia a om lehleng amoh kipuak ding uh hi’n leng gen hi.
Supreme Court in Sanjay Dutt bail in khah
Delhi, Aug. 20: Bollywood filmstar minthang Sanjay Dutt, 1993 kum a Mumbai a bomb puak toh kisai a TADA court in jail a a khum tuni’n Supreme Court in bail in khahkhia hi.
Thusuak in a taklatdan in TADA court in a thutanna uh lehkha Dutt a piakkhiak ma uh interim bail in Chief Justice K G Balakrishnan in Dutt khahkhia hi.
Tu’n Dutt pawtkhe mahleh TADA court thutanna lehkha September kha sung a muzou ding a gintak hidan in thusuak in gen a, tulel in ahihleh local police station naipenpen ah kal teng in a ki-report ngai ding a, thutanna lehkha a muhphet chiang in bail taktak ding in apply thei pan ding a, a ki-surrender leng ngai ding hi.
Dutt ahihleh 1993 kum a Mumbai bomb puak suina paitouzel toh kisai in a inn apat AK-56 muhkhiak hi a, nikum November in court in mohpaih a, kha lui July 31 in TADA court in kum 6 jail tang ding in thu tankhum hi.
Hiai thu sut ahihtan in Dutt Pune a Yerawada jail ah omlel a, nitaklam dak 5 tan a jail authority te’n bail order a muhman ua leh tuni mah in pawtkhe ding hi. Hiai case toh kisai mah a mat a om Sameer Hingora, Aziz Ahmed Mohammad Ahmed Sheikh, Ibrahim Musa Chauhan alias Baba Chauhan, Yusuf Mohsin Nulwalla leh woman convict, Zaibunnisa Anwar Kazi te leng court in interim bail in khahkhia hi.
Angami te’n NSCN-K nawk sawm in kisa uh
Kohima, Aug 20 (NNN): Thusuak in a taklat dan in, apaisa Aug. 16 a NSCN-K cadre Yehokhu Sema in Angami tuailai nih thah sawm a a kap toh kisai in Angami Students’ Union (ASU) leh Angami Youth Organisation (AYO) in Aug. 18 in public meeting nei ua, huai ah, tuni Aug. 20, nitaklam dak 3 tan a NSCN-K te’n ASU leh AYO aki-muhpih ua, buaina bawl a cadre uh Yehokhu Sema a piakkhiak ding uh chi in demand bawl mahle uh tuni’n NSCN-K authority te’n ASU leh AYO official-te kiang ah phone tungtawn in a cadre uh pekhetheilou ding ahihdan uh zasak uhi.
ASU president Kelhouneizo Yhome in a genna ah, NSCN-K in a ngetna uh subuching theilou in phone tungtawn in theisak mahle uh, phone a thil kigen pen official dan a pawm theihlouh ding ahihdan gen hi.
NSCN-K in a ngetna uh a hihpichin theihlouh ziak in ASU leh AYO in a range leh unit official teng uh zingchiang zinglam dak 11 a maban panlak dingdan gelna emergency meeting a tel ding in theihsakna pia uhi.
UCM in migilou kemtu NSCN-IM hi’n ngoh
Imphal, Aug 20 (NNN): United Committee of Manipur (UCM) in Lungnila Elizabeth leh Senapati skul naupang Mohini leh Hriini Hubert pimang a thattu migiloute NSCN-IM in bukna pia ahi chi’n leh hiai thubuai asaina ua gawtna piak leh a thil suikhiakte uh taklatna bangmah omlou ahi chi a mohsa in tun’n thusuah khautak bawl uhi.
Thusuak in a taklatna ah, Ex-Cabinet Minister Francis Ngajokpa’ tanu Lungnila Elizabeth case toh kisai UCM in a genna uah Lungnila thahtu hidan a ngoh a om James Kuki NSCN-IM in amau custody a koih in Hebron Camp ah nuamsatak in om a, huai in Hebron Camp pen migiloute bukna ahihdan chiangsak mahmah ahi chi hi. Mohini Martin leh Hriini Hubert pimang leh thahtu hidan a ngoh a om Manikho Mao, Brown leh Adai leng Camp Hebron ah kep in om ua, Manipur mipite’n hiai thubuai tangkoupih mahle uh NSCN-IM apat bangmah phatuam pawtkhe lou in mipite kiang ah migiloute amau kianga om ahihdan taklang lel in khat taikhesak ahihdan uh gen lel uh ahi chi in UCM in ngohna bawl hi. Hiai teng banah, ni bang zah hiam paisa a numei naupang kum 14 lel a upa Manmaiya @ Manju pawngsual sawm a thahtu hidan a ngoh a om Hormi @ Ningthou leng NSCN-IM in kem ahi chi in leng UCM in NSCN-IM tungah ngohna bawl hi.
Thusuak in a taklat zel dan in, hichibang teng in NSCN-IM kichih migiloute’n a sponsor uh leh migiloute kembittu pawlpi ahihdan chiang mahmah a, NSCN-IM in a thil hihkhelhte uh kiphawkthak a, mipite khualna a kingaihtuah thak hunta ahi chi’n taklang hi.
Al-Qaeda hih-le-hihlouh chet hinailou
Imphal, Aug 20 (NNN): Border Trade Centre, Moreh a om Pangal Basti, ward no. 2 mi 15 mat a omte Al-Qaeda ahihkeileh terrorist organization dang toh kizopna nei hidan in newspaper tamtak ah kisuah mahleh mi 15 te’n huchibang kizopna aneih uh leh neihlouh uh chet hilai ding dan in PRO (Defence Wing) thusuak in taklang hi.
PRO in tuni a thuthaksaite a theihsak dan in, 26 Sector IGAR (South) HQ. nuai a 24th Assam Rifles te’n thuguk kichiantak mu in zinglam dak 3 apat Aug. 17 zinglam dak 11:30 tan Pangal Basti ah operation bawl ua, huai ah India lutnang phalna neilou Arakan apat Burma Muslim mi 15 mankhia uh hidan in taklang hi.
Mat a om mi 15 te’n ahihleh Arakan apat Bangladesh a Chittagong Hill track lut in huai apat Tripura, Silchar, Imphal leh atawpna in Moreh tung uh hidan in PRO in taklang hi. Amau Moreh a nasem ua, a sum lohkhiak teng uh leng Namphalong tawn a khakkik zel uh hidan in leng PRO in gen hi.
Mat a om mi 15 te lak a khat in Thailand mi hihna lehkha nei hidan in leng kigen a, terrorist organization toh kizopna nei uh hiam chih chetna ding in tunitaklam in Imphal Police Station ah piak khiak a om uh ahihdan leng PRO thusuak in taklang hi.
Thutut kingah dan in, local newspaper leh national newspaper te banah, NDTV hiai hiai a mi matte toh kisai a Al-Qaeda dan a ataklat ziak un hiai thu in Manipur gamsung gen louh India pumpi deng in mitamtak patau sak mahmah a, a bittak in India leh Myanmar gamgi a omte patausak diak hi’n leng thutut kingah hi.
St. Mary’s School naupangte kiphin, KSO in student te zuih ding thupuan bawl
Lamka Aug 17: Tuibuang a St. Mary’s School a kai sinlaite leh sinsaktu te kikal a kitheihsiamlouhna khenkhat ziak in tuzing in sinlai khenkhat kiphin in sinlai naupang school kai dia kuante sawlkik uhi. Hiai hun in Kuki Students’ Organisation (KSO)/CCpur a makai khenkhat in va tuakkha in sinlaite leh sinsaktute kikal a kilemna omtheihna ding in panla in kilemna va bawlpih uhi.
Hiai thiltung ngaipoimoh in Kuki Students’ Organisation (KSO)/CCpur in tuni sunnung dak 3:00 in KIC Office ah Lamka pansan thuthaksaite kimuhpihna nei ua, huai ah District sung a siamsinna inn tuamtuam a siamsinte ading a zuih ding tuamtuam thupuanna nei uhi. Thuthaksaite toh a kimuh hun un Kuki Students’ Organisation (KSO)/CCpur makaite’n District sung a siamsinte lak ah khohei-gamtat kilawm leh thumanna kitasam mahmah ahihdan gen in siamsinte maban khualna a azuih ding uh thupan bawl uh hidan hi’n puang uhi. A thupuan dungzui un sinlai pasalte’n Sam/Hair hawisau leh hilenglung a koih phal hilou a sam met tom vek ding, pasal in bilbah, Tau/bangles/Bracelets bulh phallouh (ngeina dan a zangte huaplou), pau kilawmlou leh Siamsinna inn a Mobile phone puak phallouh ahihbanah pawl 12 nuailam sinlaite’n mahni kihek a gari a School/College a kuan phallou uhi. Banghiam haksatna hihvaivenna dia kiphinna neih phal hilou a ahaksatna uh school/Colleg thuneitute kiang tun a huai a a ventheih keileh Students Organisation te kiang tutzawk ding chih leh school a English zat chiat ding leh siamsinna inn thuneitute’n a naupangteng uh Identity Card piak vek ding chih ahi. Siamsinna inn nei teng hiai thupuante zuih ahihtheihna dia panla chiat ding a ngen in theisak ua huchibang zuiloute explanation call ding uhi. Students Organisation tuamtuamte’n leng hiai thupuante lohchinna dia siamsinte makhualna a kithuahpihchiat ding in ngetna leng nei uhi.
Singngat Tour ding hun suan
Lamka Aug 17: Manipur Hills Journalist Union in thupukna omsa bang a August 20, 2007 a NEC nuai leh PWD nuai a ACA tungtawn a Singngat leh Lamka kikal a lampi kibawlsate leh kibawl lelte etna neih ding chih himahleh hunlemchang dang a ding in a hun suan uhi.
Hiai hun suan ahihziak bel, NEC nuai a blacktopping pailel toh kisai contractor te’n work order mukhin vek mahle uh nasem dia kisa a tam nailou ziak a suan hi a, contractor a tamzawte’n a seppan chiang in kuan ding uhi.
Appointment order piaklut ngai
Lamka Aug 17: Chief Medical Officer, Churachandpur nuai a staff pay scale Rs. 5000/- nuailam late’n ACP scheme toh kisai in mahni appointment order chiat CMO kiang a submit ngai ding hi’n tuni’n CMO in thusuah bawl hi.
Thusuak in a taklatna ah, hiai submit louh ziak a ACP scheme tungtawn a hamphatna ngahlou a om leh amau-le-mau mohkipuak ding ua, kua mah mohsa theilou ding uh hi’n leng taklang hi.
Tuidawn toh kisai training om ding
Lamka Aug 20: Communication & Capability Development in Manipur (CCDM) saina in hongtung ding August 22-25, 2007 sung in Synod Hall, IB Road ah ‘Orientation –cum- Training for Trainers of National Rural Drinking Water Quality Monitoring and Surveillance Programme’ om ding hi.
SDPO/CCpur kikheng ding
Lamka Aug 17: Manipur Home Department in tuni a order a suah dungzui in Lamka a Sub Divisional Police Officer (SDPO) kikheng ding hi. SDPO/CCpur hihna lenlel Mr. W.Orjit Singh, MPS pen CID/Crime Branch a sem ding in suan in om a Mr.K. Kabib, IPS pen SDPO/CCpur ding inn hongpai ding hi.
August 25th tan in deposit ngai
Lamka Aug 17: PDS annatang September 2007 quota lakna ding in Singngat Assembly Constituency sung a Rationing Agent te’n MLA Nominee Mr. Enchinmang Guite kiangah hongtung ding August 25, 2007 tan in deposit piaklut theih ding hi’n thutut kingah hi.
Sadbhyavana Diwas zang
Lamka Aug 17: India Prime Minister lui Phamsa Rajiv Gandhi pianni tuni a hihtoh kiton in gamsung pumpi a mun tuamtuam ah ‘Sadbhavana Diwas’ zat in om hi. Lamka ah leng tuni sunnung dak 3:00 in DC’s Conference Hall ah ‘Sadbhavana Diwas’ zat in om a hiai hun ah DC/CCpur Mr. Sumant Singh, IAS makaih in mi tamtak in Gam-le-Nam kipumkhatna ding a sem ding a kichiamna suai kai uhi.
Guta 1 mat in om
Lamka Aug 17: Lamka khopi a sumsinna buk tuamtuam apan van tuamtuam tamtak gukhetu pawlkhat a tel Nupi naungek polai khat tuni sunma dak 11:00 vel in New Bazar ah matkhiat in om hi. Matkhiak a om nupi bel Mrs. Ibemcha Leishram (30) w/o. Inaocha @ Nanao of Khongjom Maning Leikai, Thoubal District ahi. Hiai minu’n tuni zing dak 9:00 vel in Chiengkawnpang a Mr. P. Manga Dawr apan in Blanket khat gukhia a dawr neite’n leng thei in a guuk in nungzuih ua New Bazar ah mankhia uhi. Hiai gutanu kipuandan in Mr. P. Manga Dawr apan van a guk thumveina hita a, nidang in Blanket 1 leh Sathau tin 1 ana gu ngeita hi. Hiai gutanu’ leh a lawmte 2; Mrs. Mema (40) W/o. Tomba of Khongjom Maning Leikai, Thoubal District leh Mr. Nanao Singh (35) S/o. Robindro of Khongjom Maning Leikai, Thoubal District te’n kipawl khawm in Lamka khopi sumsinna buuk tuamtuam apan van tuamtuam gu in nitaklam chiang in pai zel uhi. Amaute a tuamchiat a vak in New Bazar a thei/fruit zuakna lak ah kimukhawm zel in a van gukte uh thei zuakte kiang ah hon na etsak in thildang ka va lei lai ding’ chi in nuse zel ua, van bangzah hiam a gukkhiat khit chiang un a van guuk teng uh toh Imphal lam zuan zel uhi. Mrs. Ibemcha Leishram mat ahih hun in alawmte taikhe man ua matkhiat hilou uhi. Hiai nupi’n naungek polai ahihziak in bangmah loh hilou in a vanguk lakkik sak ahih zoh in a sam metsak in khahkhe nawn uhi.
Sadar Hill Panchayat Election a candidate tamtak in nomination withdraw
Dist. piching ngetna ah a poimohleh huaisezaw a nasep hiding – Chairman, SDDC
Sadar hill Aug 17: Sadar Hill District Demand Committee in khan awn a Panchayat Election om ding toh kisai a Sadar Hill district sung candidate dia nomination file teng in August 20, 2007 tan withdraw bawl dia thupiak a bawl dungzui in candidate tamtak in nomination paper withdraw bawl ua, himahleh candidate mi 3 in widhraw nuamlou uh hi’n thutut kingah hi.
Hiai toh kisai a, Sadar hill district demand Committee a Chairman Pu Haukholien Guite in Lamka Post a theihsakna ah, district khat sung ah administration 2 om theilou ding a, omsak teitei sawm a Manipur government in pan a lak leh Sadar hill demand committee in naktak a doudal ding ahihdan gen hi.
Sadar Hill, District piching dia ngetna toh kisai in August 17, 2007, sunnung dak 1 in Sadar Hill District Council hall ah Sadar Hill District Demand Committee intekna in heutu tuamtuam in meeting poimohtak nei uhi. Hiai meeting ah Kuki inpi, KWU, SAHILCA, KSO, Sadar Hill MLA 3, Nepali Community leh Sadar hill sung a om hausa tamtak paikhawm in maban panlak ding dan genkhawm uhi.
Hiai meeting ah, August 20-23, 2007 sung, Sadar hill sung a om Govt. office tengteng khak ding chih toh kiton in tuni’n kikhak panta a, hiai hun sung a government apan thu-le-la bangmah a om kei leh August 23-26, 2007 sung Siamsinna inte khak nawn ding ua, hiai hun sung a bangmah a omtuan keileh August 31 apan dakkal 48 sung general strike neih in lemsa uhi.
Sadar Hill District Demand Committee Chairman Pu Haukholen Guite in a genzelna ah, Sadar hill District piching piak dia hun sawttak apan nget a ompen state government in ngaihsaklou a, ngaihsaklouh a sutzop zel leh Manipur integrity suksiat a ngaih lehleng pang ngam ding uh ahihdan gen, himahleh hiai district piching ngetna pen Manipur Integrity kepbit nopna ziak hizaw ahi chih government in a theih poimoh hi’n gen hi.
Aban a genzelna ah, Panchayat Election a candidate ki-withdraw nuamlou a omleh amoh kipuak ding a, vote khia a om lehleng amoh kipuak ding uh hi’n leng gen hi.
Supreme Court in Sanjay Dutt bail in khah
Delhi, Aug. 20: Bollywood filmstar minthang Sanjay Dutt, 1993 kum a Mumbai a bomb puak toh kisai a TADA court in jail a a khum tuni’n Supreme Court in bail in khahkhia hi.
Thusuak in a taklatdan in TADA court in a thutanna uh lehkha Dutt a piakkhiak ma uh interim bail in Chief Justice K G Balakrishnan in Dutt khahkhia hi.
Tu’n Dutt pawtkhe mahleh TADA court thutanna lehkha September kha sung a muzou ding a gintak hidan in thusuak in gen a, tulel in ahihleh local police station naipenpen ah kal teng in a ki-report ngai ding a, thutanna lehkha a muhphet chiang in bail taktak ding in apply thei pan ding a, a ki-surrender leng ngai ding hi.
Dutt ahihleh 1993 kum a Mumbai bomb puak suina paitouzel toh kisai in a inn apat AK-56 muhkhiak hi a, nikum November in court in mohpaih a, kha lui July 31 in TADA court in kum 6 jail tang ding in thu tankhum hi.
Hiai thu sut ahihtan in Dutt Pune a Yerawada jail ah omlel a, nitaklam dak 5 tan a jail authority te’n bail order a muhman ua leh tuni mah in pawtkhe ding hi. Hiai case toh kisai mah a mat a om Sameer Hingora, Aziz Ahmed Mohammad Ahmed Sheikh, Ibrahim Musa Chauhan alias Baba Chauhan, Yusuf Mohsin Nulwalla leh woman convict, Zaibunnisa Anwar Kazi te leng court in interim bail in khahkhia hi.
Angami te’n NSCN-K nawk sawm in kisa uh
Kohima, Aug 20 (NNN): Thusuak in a taklat dan in, apaisa Aug. 16 a NSCN-K cadre Yehokhu Sema in Angami tuailai nih thah sawm a a kap toh kisai in Angami Students’ Union (ASU) leh Angami Youth Organisation (AYO) in Aug. 18 in public meeting nei ua, huai ah, tuni Aug. 20, nitaklam dak 3 tan a NSCN-K te’n ASU leh AYO aki-muhpih ua, buaina bawl a cadre uh Yehokhu Sema a piakkhiak ding uh chi in demand bawl mahle uh tuni’n NSCN-K authority te’n ASU leh AYO official-te kiang ah phone tungtawn in a cadre uh pekhetheilou ding ahihdan uh zasak uhi.
ASU president Kelhouneizo Yhome in a genna ah, NSCN-K in a ngetna uh subuching theilou in phone tungtawn in theisak mahle uh, phone a thil kigen pen official dan a pawm theihlouh ding ahihdan gen hi.
NSCN-K in a ngetna uh a hihpichin theihlouh ziak in ASU leh AYO in a range leh unit official teng uh zingchiang zinglam dak 11 a maban panlak dingdan gelna emergency meeting a tel ding in theihsakna pia uhi.
UCM in migilou kemtu NSCN-IM hi’n ngoh
Imphal, Aug 20 (NNN): United Committee of Manipur (UCM) in Lungnila Elizabeth leh Senapati skul naupang Mohini leh Hriini Hubert pimang a thattu migiloute NSCN-IM in bukna pia ahi chi’n leh hiai thubuai asaina ua gawtna piak leh a thil suikhiakte uh taklatna bangmah omlou ahi chi a mohsa in tun’n thusuah khautak bawl uhi.
Thusuak in a taklatna ah, Ex-Cabinet Minister Francis Ngajokpa’ tanu Lungnila Elizabeth case toh kisai UCM in a genna uah Lungnila thahtu hidan a ngoh a om James Kuki NSCN-IM in amau custody a koih in Hebron Camp ah nuamsatak in om a, huai in Hebron Camp pen migiloute bukna ahihdan chiangsak mahmah ahi chi hi. Mohini Martin leh Hriini Hubert pimang leh thahtu hidan a ngoh a om Manikho Mao, Brown leh Adai leng Camp Hebron ah kep in om ua, Manipur mipite’n hiai thubuai tangkoupih mahle uh NSCN-IM apat bangmah phatuam pawtkhe lou in mipite kiang ah migiloute amau kianga om ahihdan taklang lel in khat taikhesak ahihdan uh gen lel uh ahi chi in UCM in ngohna bawl hi. Hiai teng banah, ni bang zah hiam paisa a numei naupang kum 14 lel a upa Manmaiya @ Manju pawngsual sawm a thahtu hidan a ngoh a om Hormi @ Ningthou leng NSCN-IM in kem ahi chi in leng UCM in NSCN-IM tungah ngohna bawl hi.
Thusuak in a taklat zel dan in, hichibang teng in NSCN-IM kichih migiloute’n a sponsor uh leh migiloute kembittu pawlpi ahihdan chiang mahmah a, NSCN-IM in a thil hihkhelhte uh kiphawkthak a, mipite khualna a kingaihtuah thak hunta ahi chi’n taklang hi.
Al-Qaeda hih-le-hihlouh chet hinailou
Imphal, Aug 20 (NNN): Border Trade Centre, Moreh a om Pangal Basti, ward no. 2 mi 15 mat a omte Al-Qaeda ahihkeileh terrorist organization dang toh kizopna nei hidan in newspaper tamtak ah kisuah mahleh mi 15 te’n huchibang kizopna aneih uh leh neihlouh uh chet hilai ding dan in PRO (Defence Wing) thusuak in taklang hi.
PRO in tuni a thuthaksaite a theihsak dan in, 26 Sector IGAR (South) HQ. nuai a 24th Assam Rifles te’n thuguk kichiantak mu in zinglam dak 3 apat Aug. 17 zinglam dak 11:30 tan Pangal Basti ah operation bawl ua, huai ah India lutnang phalna neilou Arakan apat Burma Muslim mi 15 mankhia uh hidan in taklang hi.
Mat a om mi 15 te’n ahihleh Arakan apat Bangladesh a Chittagong Hill track lut in huai apat Tripura, Silchar, Imphal leh atawpna in Moreh tung uh hidan in PRO in taklang hi. Amau Moreh a nasem ua, a sum lohkhiak teng uh leng Namphalong tawn a khakkik zel uh hidan in leng PRO in gen hi.
Mat a om mi 15 te lak a khat in Thailand mi hihna lehkha nei hidan in leng kigen a, terrorist organization toh kizopna nei uh hiam chih chetna ding in tunitaklam in Imphal Police Station ah piak khiak a om uh ahihdan leng PRO thusuak in taklang hi.
Thutut kingah dan in, local newspaper leh national newspaper te banah, NDTV hiai hiai a mi matte toh kisai a Al-Qaeda dan a ataklat ziak un hiai thu in Manipur gamsung gen louh India pumpi deng in mitamtak patau sak mahmah a, a bittak in India leh Myanmar gamgi a omte patausak diak hi’n leng thutut kingah hi.
