Zosanglien Zote
Ramhlun North, Aizawl
(A) THUHMAHRUOI: “Professional Education” ti thupui hmanga ka Article Inchûklainun Nov & Dec 2006 Issue tiemtuhai chun thil ziek ngai taluo bek bek ka ni naw bakah suktawi ka tum hrim hrim lei khan ka hril nuom ang khawm tamtak hril lovin ka um a, tuta Article hi a belsa na le hnung thuolna ni fawm bakah ka ngai pawimaw lai lai sawrbing deu hlekin ka hung ziek nawk anih.
Ei Article hmasa a khan MBBS le BE/ B.Tech inchukna hmun, an chuk dan ti hai a tlangpui deu hlek khan ei hril a, tuta tum ruok hin chu BE/ B. Tech chungchang hi ei lutchil tak tak ding ani. Mani mimal experience a inthawk a hang hriL ding awm le mipuiin ngaidan indik raklo ei lo nei hlak hai hrilfiena ei nei tam deu hlek ding anih. Inchukna dang hai entirnan MBBS, BVSc, B. Sc. Agri le a dang dang chungchang hai hi chu an chuk chie hai hung ziek ve dinga ei cho suokna khawm ni fawm nghal sien pawinaw awmtak anih.
BE/B. TECH INCHUKNA:
(B) A BRANCH CHI HRAN HRAN: Engineering College hmun hran hran chanchin kha ei hril ta a, khang College hai a khan Engineering Branch hran hran an lak thei anih. A branch lar deu hlek hai chu : Civil, Electrical, Mechanical, Aeronautical, Aerspace, Instrumentation, Mining, Chemical,Electronics, Electronics & Communications, Electronics & Telecommunications, Electrical & Electronics, Computer, Foundry, Production, Metallurgy, Ceramic Engineering le Information, Leather, Food, Bio, Carpet Technology a dang dang hai an nih. (A umzie seng ei hrilfie hman naw leiin a pawi hle a, hrechieng zuol nuom hai chun Dictionary en el chi ni mei atih) Bachelor of Architecture (B.Arch), Bachelor of Planning (B. Planning), Bachelor of Design (B. Design) hi Engineering College thenkhatin annei sa nghal a, College thenkhat ruok chu entirnan Architecture ringawt, B.Arch., M.Arch le Ph.D. chena inchuk theina BE/B.Tech in a pawl rak lo khawm an um tho. BE/B.Tech seng seng a branch dang dang hai hi thil in anglo tak tak anni a, an kar a hla tawl vieu el a, pakhat thaw thei kha an rengin an thaw thei vawng naw leiin inchukna ding College thlang a pawimaw ang tho khan branch thlangfuk kha a pawimaw hle anih.
Mi tamtak in ei ngaituo dana chun Engineering branch a hin a chunghnung deu le a hnuoi hnung deu um a ei ngai hlak a nih. Tulai khawvel a ding chun hieng Information Technology, Computer le Electronics hai hi chunghnung ta vieu a ngaiin naupang khawm a thiem thei deu hai inchuk dinga ngaina a um a, hieng Civil, Electrical, Mechanical hai ruok hi chu naupang thiem thei tak tak hang ni pha lo hai chan deuva ei sie niin an lang.Hi ngaidan hi iemani chena andikna chin umsien lakhawm, iengtiklai khawma indik zingzing a ni naw a, thil tamtak ngaituo a hrietchieng fek fawkna ei nei ngai naw leiin, mi tamtak Career suk sietu ani rawp hlak anih. Kei ka hril nuomdan chu tulai khawvel a ding chun branch changkang hmel deu thiem rak lova zo nek chun, branch changkang raklova in lang kha hne takin zo lem inla, Civil Service ei tling pui thei em naw khawm a, Interview ei thang na tieng tieng a thaw tha pawl ni thei inla, hlawtlingna a um lem anih. Branch thlang pawimaw zie entirna dingin mimal chanchin hang tarlang ei tih :-
1) Tlangval pakhat chun Assam Engineering College a inthawkin BE (Civil) a zova, a duthusam ang zan kha thangna a hmu naw a, Civil a lo inchuk kha pawi ati thu a mi hril.Asan chu a lut tan lai khan Tribal a ansang pawl ani a, a nuom nuom Branch thlang thei ani a, BE (Chemical) kha a umzie a lo hriet rak naw a, nuom sienla la thei anih. Assam Engineering College a khun kumtin Chemical Seat 30 vel a um a, Chemical inchuk taphawt chu kawi ting teng khawm, Compartment le ment lova fethleng a pass tawk tawk chen khan Indian Oil in an College a an zo hma hma khan an zo pha a thang nghal dingin an lak vawng hlak anih. Assam kha Oil hmunpui ani lei ani el thei a, Orissa amani Tamil Nadu a Engineering College a chu chuong bek bek in Chemical kha a hlu kher naw el thei bawk.
2) Vawikhat chu Aizawl a kan Office a mi dawr dingin Vai (Tamil) putar hi a hung a, ka lo inbiek pui vel chun Civil Engineering a Diploma ani thu le BRTF a Overseer a sawt deu a thang hnungin AE a promotion a, AE a chun a pension thu ami hril a. Pension hnungin tar ta hle sienkhawm Private Company a a thawk mek san chu a tha sawktu ding naupasal pakhat chau a nei khan thangna a hmu thei naw anih. A naupa chun Nagpur-a Engineering College changkang rak lova BE (Electronics) a zova, a thiem thei rak bawk si naw a, Compartment a nei nuol bakah, a zo hnung khawmin 50 % chuong deu hlek chau mark a hmua. ‘BE (Electronics) hai ang hi chu thiem vieu law law chun Software/ Hardware a changkang takin an leng a, tamtakin America, Europe a an thiemna an sawr mek ani a, ka naupa 2nd Class a pass tading hin sin a um naw hrim hrim ‘ atih. ‘Hieng ang pass tha naw law law ding khan chu Civil lo ni sien chu tukhawm hin kan Company a khawm ka thangna ang, bul hang tan hai tadingin Rs 10,000/- vel hlawna, hi chu a um zing ani’ ati. ‘Tar pension ta hnung fakzawng tu taka ka la thang a tulna san chu ka naupa inchukding branch kan thlangsuol lei ani’ tiin branch an thlang suol thu kha pawi ti takin ami hril a ni.
3) Meghalaya a Jaintia tlangval pakhat khawm kum 2006 hin IIT a Mining a hmu a, anhnik rak naw leiin AIEEE a Examna a mi (an ziek tling ve thova), Birla Institute of Technology, Mesra a B.Tech (Electronics & Communications) a dit lem a, amiruokchu BIT, Mesra Seat kha Meghalaya hai tading chun nuhmei Seat reserve a lo ni hlau leiin a chang ta naw a (NIT khawlai khawm seat hmu thei ding ania, a dit si nawh) , IIT a khan a fe ta tho niin ka hriet.
(C) BRANCH INHNIK/INHNIKNAW ZAWNG: Inchukna chungchang hrim hrim a hin, nu le pa tamtakin, ‘Ka naupa/naunu chun chu Subject kha Subject an hnik naw a, chu chu kan inlak tir lem ani’ ei ti rawp hi, ‘Kan naupanghai kan thu hne ta naw a, an taima rak bawk si naw a, Subject awl deu kan zawng anih ‘ eiti na le an ang zing el thei anih. Chuleiin nu le pa tamtak hi ei naupang haiin anmi hlem kuol vel mei mei hi a ang ta vieu..
Iengtapo khawm nisien ei subject puotieng hret niin an lang. Naupang khan BE/B.Tech a lo inchuk ding ani khawm a, ieng ang am thaw sien tha’ng ata ti kha uluk taka ngaituo hnung a thlang chi ni’ng ata, a branch lak ding kha naupangin a lan chuk tlat naw leiin naupang tadingin hriet ngaina a um nawh. Inhnikna le inhniknawna khawm kha inchuk hma chun a lan hriet tak tak nawh. U le nau, ruol le pai BE/B.Tech inchuk tasa hai branch chi hran hran umdan hai indawnin, ei naunu/naupa thawding chi awm kha ngaituo inla tha mei atih.
Tulai khawvela thiemna le khawsakna insangpei kara hin hieng ang hin mani le mani hang indawn sin inla:
i) Ei inhnik zawng zawng le ei nuom zawng chau inchuk thei eini am?
ii) Ei inhnik zawng chie kha lo inchuk ta inla hlawtlingna a um am?
iii) Hlawtlingna lo um khawm nisien eini tak khan ei hlawtling pui ding am?
Hi hi chungchang hrilfie nawkzuol ding hin Hmar tlangval pakhat chanchin a hin inchuklai hai tading a inchuk ding um a ka hriet leiin ka hung tarlang ding anih:
Hmar tlangval pakhat, Shillong a Class XII (Sc) zo chun, Kum 2006 hin AIEEE in ziektling in NIT Jamshedpur a B. Tech (Metallurgy) inchukna a hmu a, July 2006 khan Admission a lak a, tuhin an chuk mek anih. A tir chun Metallurgy (Metallurgy chu hieng Steel, Copper, Gold, Aluminium etc tiengpang inchukna Engineering ani a, tulai a ding chun Steel Industry a hin sin a tam deu takin an lang) hi an hnik naw hle ti ka hriet a. Engineering branch a khawm Metallurgy kher kher hi chu a hma in a hriet ngai bik rak ka ring naw a, a naupang laia inthawk khawmin hang inhnik ding khawpin a umzie alo hriet ngai ka ring bawk nawh. A hang hriet chieng deu chun, an College a B. Tech zo hai chu 100 % campus a an lak hlak ti a hriet hnung chun a suk phur deu hlek ta a, amiruokchu, Jamshedpur vela umsawng a nuomnaw leiin a lan hnik thei bek bek naw thu a mi hung hril.
Kum 2006 December thla bula kan inbiek nuhnungtak a chun Metallurgy an hnik ta hle thu ami hung hril a, a san chu : June 2007 vel a B.Tech zo ding hai kha October/November 2006 a inthawkin an College Campus a Company hai hungin an hung lak tan ta a, November ni 15 vel chena an lak ta chin hai lai khan bul an hang tan chara an hlaw ding (Starting pay) kha Metallurgy pa khan a hmu insangtak hri a,kum khata cheng nuoi sari le singhni hlawin a tan ding anih.
Hi tlangval hin Shillong vela a um laia a branch in hnik chu hrillo, a hriet ngai khawm nilo, inhnik thar pei dinga an siemrem thei a, thataka hung pass in, thangna khawm hlaw insang tak hlawna a hmu ei beisei pui hle anih.
(D) BRANCH HRAN HRAN INLAICHIN DAN: A chunga Branch ei hril hai khi a awlsam/harsa bik um angin mi tam takin an ngai a. Mihriem in angnaw seng chu a then tadingin, entirna’n Civil Engineering inchuk kha a awlsam/ harsa vieu laiin a then chun Computer Engineering inchuk kha a awlsam/harsa vieu thei bawk a nih. Engineering branch laia hin mi popo tading a harsa /awlsam bik branch kha a um nawh ti kha ei chieng phawt ka nuom. Hi hi hrilfietu inentirna thatak chu
(i) Engineering College popo hin lut theina dingin, ‘Class XII(Sc) a mark hmu ngei ngei ngai, General tadingin chuongzat khangzat ti le SC/ ST tadingin chuongzat khangzat bek hmu angai’ ti kha an nei deu vawng a nih.
(ii) Amiruokchu, ‘Computer Engineering inchuk ding chun chuongzat, Electrical or Civil Engineering ding chun chuong zat bek chu Class XII (Sc) a ahmu ding anih’ ti a um ngai nawh. A umzie chu India ram pumpuiah Computer or Electrical or Civil Engineering kha inchuk ding chun a awlsam/harsa bik umlo anga ngai ani leiin mark hmu ngei ngei ngai kha an ang vawng anih..
(E) INCHUKLAI HAI NGIRHMUN: Mi tamtakin ei hrietsuol rawp hlak chu BE/B. Tech inchukna hi ‘Training’ amani ei ti hlak hi anih. ‘Training ani nawh’ ti kha ei hrietching hmasak phawt ka nuom. Training ani naw leiin Pass le Fail a um a, kum li Course nisi mi tamtakin kum 6/7/8 in an zo hram a, mi thenkhat zo thei ta lo sawng khawm an um bawk anih. Chuleiin, hieng tiengpang a hin chu degree dang inchukna pangngai (BA,BCom, BSc) inchuklai haiin an mamaw ang tho, tluongtaka pass bakah pass that vieu kha BE/B.Tech. inchukhai khawmin an mamaw anih.
Pass mark ringawt hmuin umzie a nei bek bek naw thei a, pass thatnaw lem chun sawt tak tak inchuk hai tading chun sin zawng a harsa ta hlak hle anih. Sin thatak hmu ding chun kum li sunga pass ngei ngei bakah mark insangtak hmu angai a, a thei lem chun Compartment nei thak lo nisien a thatak. Company/Corporation thenkhat lem chun Compartment nei hi an ditnaw hulhuol hlak a nih. I hmelhriet BE/B.Tech zo tah, thangna hmu mumal raklo an um chun i ngaituo ding chu a Course inchuk kha a thatnaw lei/an College thatnaw lei nilovin ama an chuktupa kha a thiemthei taluo rak naw bakah taima lo, pass tha lo, Compartment ning nenga a zo, khawm ani ve thei bawk.
Student tamtak, Training a inngai, College a lut kha dittawk em em a, nuom chen a, sin hmusa ang deuva inngai an um hlak. College nuna chu inkhuokhir bek bekna kha a um ta naw a, School vela thiemthei deu deu khawm Engineering College boruok in an chie hnunga inchukna tieng panga beisei ding um talo hril ding khawm an um nuol ta bawk.
Engineering College a mi chi hran hran a sang tel deuthaw Hostel a ei hang um hmunkhat chun boruok maksak deu deu a nei a, chuonghai chu a hmatiemin hang hril tum ei tih :-
College sung le puotieng tlangval sangkhat tel deuthaw umta chu insuol inhal chungchanga an inthuruol emem a, a college umna khawpui sung bazaar lai (college chu khawpui puotieng deu hleka a um hlak) amani khan inchuklai pakhat in kut lo tuor pal sien, a thiem/a thiem naw hril lo le chu hnam kha hnam ti umlovin College naupang an in hawr khawm a, khawpuia kut thlakna ding le suksiet ding an zawng hlak a. An ruolpa lo them tuhai an hmufuk lem chun a lo themtuhai chu an rethei nuom vieu. Hi thu hi ziek a tulna san chu hnam le hnam buoi ti vel le puotieng a inthawk a kut va thlak vel chungchang a hin College Campus hi a him thawkkhat vieu a ni ti kha ei hriet chun lungril inrimna ding tamtak ei pumpel thei. Engineering College thenkhat a lem chu Student in hriemhrei (chem., hockey stick etc) hi an kawl deu fur a, puotieng mi tadingin van suk champ vieu na chi ani nawh. College hlui deu hlek hai a lem chun a kawl le kieng a mihriem umhai hi Student inhawrkhawm kut lo tuor ta hlak deu vawng anni leiin Student inthuruol suk lungawinaw kha anti em em a nih. Student inthuruol khan an lungsen tawpkhawk a thlung chun zirtirtu iengang a inlal khawm an vuok ngam vawng ani leiin, zirtirtu khawma ti na chin annei tho ani.
Source: http://hmar.net/?p=1163#more-1163
Ramhlun North, Aizawl
(A) THUHMAHRUOI: “Professional Education” ti thupui hmanga ka Article Inchûklainun Nov & Dec 2006 Issue tiemtuhai chun thil ziek ngai taluo bek bek ka ni naw bakah suktawi ka tum hrim hrim lei khan ka hril nuom ang khawm tamtak hril lovin ka um a, tuta Article hi a belsa na le hnung thuolna ni fawm bakah ka ngai pawimaw lai lai sawrbing deu hlekin ka hung ziek nawk anih.
Ei Article hmasa a khan MBBS le BE/ B.Tech inchukna hmun, an chuk dan ti hai a tlangpui deu hlek khan ei hril a, tuta tum ruok hin chu BE/ B. Tech chungchang hi ei lutchil tak tak ding ani. Mani mimal experience a inthawk a hang hriL ding awm le mipuiin ngaidan indik raklo ei lo nei hlak hai hrilfiena ei nei tam deu hlek ding anih. Inchukna dang hai entirnan MBBS, BVSc, B. Sc. Agri le a dang dang chungchang hai hi chu an chuk chie hai hung ziek ve dinga ei cho suokna khawm ni fawm nghal sien pawinaw awmtak anih.
BE/B. TECH INCHUKNA:
(B) A BRANCH CHI HRAN HRAN: Engineering College hmun hran hran chanchin kha ei hril ta a, khang College hai a khan Engineering Branch hran hran an lak thei anih. A branch lar deu hlek hai chu : Civil, Electrical, Mechanical, Aeronautical, Aerspace, Instrumentation, Mining, Chemical,Electronics, Electronics & Communications, Electronics & Telecommunications, Electrical & Electronics, Computer, Foundry, Production, Metallurgy, Ceramic Engineering le Information, Leather, Food, Bio, Carpet Technology a dang dang hai an nih. (A umzie seng ei hrilfie hman naw leiin a pawi hle a, hrechieng zuol nuom hai chun Dictionary en el chi ni mei atih) Bachelor of Architecture (B.Arch), Bachelor of Planning (B. Planning), Bachelor of Design (B. Design) hi Engineering College thenkhatin annei sa nghal a, College thenkhat ruok chu entirnan Architecture ringawt, B.Arch., M.Arch le Ph.D. chena inchuk theina BE/B.Tech in a pawl rak lo khawm an um tho. BE/B.Tech seng seng a branch dang dang hai hi thil in anglo tak tak anni a, an kar a hla tawl vieu el a, pakhat thaw thei kha an rengin an thaw thei vawng naw leiin inchukna ding College thlang a pawimaw ang tho khan branch thlangfuk kha a pawimaw hle anih.
Mi tamtak in ei ngaituo dana chun Engineering branch a hin a chunghnung deu le a hnuoi hnung deu um a ei ngai hlak a nih. Tulai khawvel a ding chun hieng Information Technology, Computer le Electronics hai hi chunghnung ta vieu a ngaiin naupang khawm a thiem thei deu hai inchuk dinga ngaina a um a, hieng Civil, Electrical, Mechanical hai ruok hi chu naupang thiem thei tak tak hang ni pha lo hai chan deuva ei sie niin an lang.Hi ngaidan hi iemani chena andikna chin umsien lakhawm, iengtiklai khawma indik zingzing a ni naw a, thil tamtak ngaituo a hrietchieng fek fawkna ei nei ngai naw leiin, mi tamtak Career suk sietu ani rawp hlak anih. Kei ka hril nuomdan chu tulai khawvel a ding chun branch changkang hmel deu thiem rak lova zo nek chun, branch changkang raklova in lang kha hne takin zo lem inla, Civil Service ei tling pui thei em naw khawm a, Interview ei thang na tieng tieng a thaw tha pawl ni thei inla, hlawtlingna a um lem anih. Branch thlang pawimaw zie entirna dingin mimal chanchin hang tarlang ei tih :-
1) Tlangval pakhat chun Assam Engineering College a inthawkin BE (Civil) a zova, a duthusam ang zan kha thangna a hmu naw a, Civil a lo inchuk kha pawi ati thu a mi hril.Asan chu a lut tan lai khan Tribal a ansang pawl ani a, a nuom nuom Branch thlang thei ani a, BE (Chemical) kha a umzie a lo hriet rak naw a, nuom sienla la thei anih. Assam Engineering College a khun kumtin Chemical Seat 30 vel a um a, Chemical inchuk taphawt chu kawi ting teng khawm, Compartment le ment lova fethleng a pass tawk tawk chen khan Indian Oil in an College a an zo hma hma khan an zo pha a thang nghal dingin an lak vawng hlak anih. Assam kha Oil hmunpui ani lei ani el thei a, Orissa amani Tamil Nadu a Engineering College a chu chuong bek bek in Chemical kha a hlu kher naw el thei bawk.
2) Vawikhat chu Aizawl a kan Office a mi dawr dingin Vai (Tamil) putar hi a hung a, ka lo inbiek pui vel chun Civil Engineering a Diploma ani thu le BRTF a Overseer a sawt deu a thang hnungin AE a promotion a, AE a chun a pension thu ami hril a. Pension hnungin tar ta hle sienkhawm Private Company a a thawk mek san chu a tha sawktu ding naupasal pakhat chau a nei khan thangna a hmu thei naw anih. A naupa chun Nagpur-a Engineering College changkang rak lova BE (Electronics) a zova, a thiem thei rak bawk si naw a, Compartment a nei nuol bakah, a zo hnung khawmin 50 % chuong deu hlek chau mark a hmua. ‘BE (Electronics) hai ang hi chu thiem vieu law law chun Software/ Hardware a changkang takin an leng a, tamtakin America, Europe a an thiemna an sawr mek ani a, ka naupa 2nd Class a pass tading hin sin a um naw hrim hrim ‘ atih. ‘Hieng ang pass tha naw law law ding khan chu Civil lo ni sien chu tukhawm hin kan Company a khawm ka thangna ang, bul hang tan hai tadingin Rs 10,000/- vel hlawna, hi chu a um zing ani’ ati. ‘Tar pension ta hnung fakzawng tu taka ka la thang a tulna san chu ka naupa inchukding branch kan thlangsuol lei ani’ tiin branch an thlang suol thu kha pawi ti takin ami hril a ni.
3) Meghalaya a Jaintia tlangval pakhat khawm kum 2006 hin IIT a Mining a hmu a, anhnik rak naw leiin AIEEE a Examna a mi (an ziek tling ve thova), Birla Institute of Technology, Mesra a B.Tech (Electronics & Communications) a dit lem a, amiruokchu BIT, Mesra Seat kha Meghalaya hai tading chun nuhmei Seat reserve a lo ni hlau leiin a chang ta naw a (NIT khawlai khawm seat hmu thei ding ania, a dit si nawh) , IIT a khan a fe ta tho niin ka hriet.
(C) BRANCH INHNIK/INHNIKNAW ZAWNG: Inchukna chungchang hrim hrim a hin, nu le pa tamtakin, ‘Ka naupa/naunu chun chu Subject kha Subject an hnik naw a, chu chu kan inlak tir lem ani’ ei ti rawp hi, ‘Kan naupanghai kan thu hne ta naw a, an taima rak bawk si naw a, Subject awl deu kan zawng anih ‘ eiti na le an ang zing el thei anih. Chuleiin nu le pa tamtak hi ei naupang haiin anmi hlem kuol vel mei mei hi a ang ta vieu..
Iengtapo khawm nisien ei subject puotieng hret niin an lang. Naupang khan BE/B.Tech a lo inchuk ding ani khawm a, ieng ang am thaw sien tha’ng ata ti kha uluk taka ngaituo hnung a thlang chi ni’ng ata, a branch lak ding kha naupangin a lan chuk tlat naw leiin naupang tadingin hriet ngaina a um nawh. Inhnikna le inhniknawna khawm kha inchuk hma chun a lan hriet tak tak nawh. U le nau, ruol le pai BE/B.Tech inchuk tasa hai branch chi hran hran umdan hai indawnin, ei naunu/naupa thawding chi awm kha ngaituo inla tha mei atih.
Tulai khawvela thiemna le khawsakna insangpei kara hin hieng ang hin mani le mani hang indawn sin inla:
i) Ei inhnik zawng zawng le ei nuom zawng chau inchuk thei eini am?
ii) Ei inhnik zawng chie kha lo inchuk ta inla hlawtlingna a um am?
iii) Hlawtlingna lo um khawm nisien eini tak khan ei hlawtling pui ding am?
Hi hi chungchang hrilfie nawkzuol ding hin Hmar tlangval pakhat chanchin a hin inchuklai hai tading a inchuk ding um a ka hriet leiin ka hung tarlang ding anih:
Hmar tlangval pakhat, Shillong a Class XII (Sc) zo chun, Kum 2006 hin AIEEE in ziektling in NIT Jamshedpur a B. Tech (Metallurgy) inchukna a hmu a, July 2006 khan Admission a lak a, tuhin an chuk mek anih. A tir chun Metallurgy (Metallurgy chu hieng Steel, Copper, Gold, Aluminium etc tiengpang inchukna Engineering ani a, tulai a ding chun Steel Industry a hin sin a tam deu takin an lang) hi an hnik naw hle ti ka hriet a. Engineering branch a khawm Metallurgy kher kher hi chu a hma in a hriet ngai bik rak ka ring naw a, a naupang laia inthawk khawmin hang inhnik ding khawpin a umzie alo hriet ngai ka ring bawk nawh. A hang hriet chieng deu chun, an College a B. Tech zo hai chu 100 % campus a an lak hlak ti a hriet hnung chun a suk phur deu hlek ta a, amiruokchu, Jamshedpur vela umsawng a nuomnaw leiin a lan hnik thei bek bek naw thu a mi hung hril.
Kum 2006 December thla bula kan inbiek nuhnungtak a chun Metallurgy an hnik ta hle thu ami hung hril a, a san chu : June 2007 vel a B.Tech zo ding hai kha October/November 2006 a inthawkin an College Campus a Company hai hungin an hung lak tan ta a, November ni 15 vel chena an lak ta chin hai lai khan bul an hang tan chara an hlaw ding (Starting pay) kha Metallurgy pa khan a hmu insangtak hri a,kum khata cheng nuoi sari le singhni hlawin a tan ding anih.
Hi tlangval hin Shillong vela a um laia a branch in hnik chu hrillo, a hriet ngai khawm nilo, inhnik thar pei dinga an siemrem thei a, thataka hung pass in, thangna khawm hlaw insang tak hlawna a hmu ei beisei pui hle anih.
(D) BRANCH HRAN HRAN INLAICHIN DAN: A chunga Branch ei hril hai khi a awlsam/harsa bik um angin mi tam takin an ngai a. Mihriem in angnaw seng chu a then tadingin, entirna’n Civil Engineering inchuk kha a awlsam/ harsa vieu laiin a then chun Computer Engineering inchuk kha a awlsam/harsa vieu thei bawk a nih. Engineering branch laia hin mi popo tading a harsa /awlsam bik branch kha a um nawh ti kha ei chieng phawt ka nuom. Hi hi hrilfietu inentirna thatak chu
(i) Engineering College popo hin lut theina dingin, ‘Class XII(Sc) a mark hmu ngei ngei ngai, General tadingin chuongzat khangzat ti le SC/ ST tadingin chuongzat khangzat bek hmu angai’ ti kha an nei deu vawng a nih.
(ii) Amiruokchu, ‘Computer Engineering inchuk ding chun chuongzat, Electrical or Civil Engineering ding chun chuong zat bek chu Class XII (Sc) a ahmu ding anih’ ti a um ngai nawh. A umzie chu India ram pumpuiah Computer or Electrical or Civil Engineering kha inchuk ding chun a awlsam/harsa bik umlo anga ngai ani leiin mark hmu ngei ngei ngai kha an ang vawng anih..
(E) INCHUKLAI HAI NGIRHMUN: Mi tamtakin ei hrietsuol rawp hlak chu BE/B. Tech inchukna hi ‘Training’ amani ei ti hlak hi anih. ‘Training ani nawh’ ti kha ei hrietching hmasak phawt ka nuom. Training ani naw leiin Pass le Fail a um a, kum li Course nisi mi tamtakin kum 6/7/8 in an zo hram a, mi thenkhat zo thei ta lo sawng khawm an um bawk anih. Chuleiin, hieng tiengpang a hin chu degree dang inchukna pangngai (BA,BCom, BSc) inchuklai haiin an mamaw ang tho, tluongtaka pass bakah pass that vieu kha BE/B.Tech. inchukhai khawmin an mamaw anih.
Pass mark ringawt hmuin umzie a nei bek bek naw thei a, pass thatnaw lem chun sawt tak tak inchuk hai tading chun sin zawng a harsa ta hlak hle anih. Sin thatak hmu ding chun kum li sunga pass ngei ngei bakah mark insangtak hmu angai a, a thei lem chun Compartment nei thak lo nisien a thatak. Company/Corporation thenkhat lem chun Compartment nei hi an ditnaw hulhuol hlak a nih. I hmelhriet BE/B.Tech zo tah, thangna hmu mumal raklo an um chun i ngaituo ding chu a Course inchuk kha a thatnaw lei/an College thatnaw lei nilovin ama an chuktupa kha a thiemthei taluo rak naw bakah taima lo, pass tha lo, Compartment ning nenga a zo, khawm ani ve thei bawk.
Student tamtak, Training a inngai, College a lut kha dittawk em em a, nuom chen a, sin hmusa ang deuva inngai an um hlak. College nuna chu inkhuokhir bek bekna kha a um ta naw a, School vela thiemthei deu deu khawm Engineering College boruok in an chie hnunga inchukna tieng panga beisei ding um talo hril ding khawm an um nuol ta bawk.
Engineering College a mi chi hran hran a sang tel deuthaw Hostel a ei hang um hmunkhat chun boruok maksak deu deu a nei a, chuonghai chu a hmatiemin hang hril tum ei tih :-
College sung le puotieng tlangval sangkhat tel deuthaw umta chu insuol inhal chungchanga an inthuruol emem a, a college umna khawpui sung bazaar lai (college chu khawpui puotieng deu hleka a um hlak) amani khan inchuklai pakhat in kut lo tuor pal sien, a thiem/a thiem naw hril lo le chu hnam kha hnam ti umlovin College naupang an in hawr khawm a, khawpuia kut thlakna ding le suksiet ding an zawng hlak a. An ruolpa lo them tuhai an hmufuk lem chun a lo themtuhai chu an rethei nuom vieu. Hi thu hi ziek a tulna san chu hnam le hnam buoi ti vel le puotieng a inthawk a kut va thlak vel chungchang a hin College Campus hi a him thawkkhat vieu a ni ti kha ei hriet chun lungril inrimna ding tamtak ei pumpel thei. Engineering College thenkhat a lem chu Student in hriemhrei (chem., hockey stick etc) hi an kawl deu fur a, puotieng mi tadingin van suk champ vieu na chi ani nawh. College hlui deu hlek hai a lem chun a kawl le kieng a mihriem umhai hi Student inhawrkhawm kut lo tuor ta hlak deu vawng anni leiin Student inthuruol suk lungawinaw kha anti em em a nih. Student inthuruol khan an lungsen tawpkhawk a thlung chun zirtirtu iengang a inlal khawm an vuok ngam vawng ani leiin, zirtirtu khawma ti na chin annei tho ani.
Source: http://hmar.net/?p=1163#more-1163
