Wednesday, 22 August 2007
Fair Price Shop honna nei ding
Lamka Aug 21: Food & Civil Supply (FCS) nuai a Public Distribution System (PDS) hun bangtan hiam District sung a zatlouh a a omnung in DC/CCpur panlakna ziak in puahthak hiding hi.
Thutut kingah dan in, zingchiang sunma in DC/CCpur Mr. Sumant Singh, IAS in Lamka khopi sung a PDS nuai a Fair Price Shop Polling Station 15a honkhiatna/Inaugration nei ding hi. Hiai Fair Price shop honkhiat ahihtoh kiton in Rationing Agent te’n August Quota PDS Anntang leh Khawnvaktui (SK Oil) zuak ngal ding uhi. AAY/BPL card neilou/mangsak hileleng list a mintuangte’n hiai FPS te Government in rate a bikhiahzah in leitheih ngal ding hi.
Antang leh K.Oil hawmkhiakna om ding
Lamka, Aug 22: PDS Item leh K.Oil hawmkhiakna ding toh kisai in DC/CCpur deihna bang in Sub Dealer tuamtuam bawlkhiak in om a, zingchiang tarikh 22nd August 2007 zinglam dak 10 in Shri Sumant Singh IAS/DC CCpur in 58/33 Zenhang Lamka leh 58/38 PKT Street honkhiakna neiding a, huai zoh in antang leh khawnvaktui hawmna om ding hi.
Telephone gui kigu jel
Lamka Aug 21: Lamka khopi leh mundang Telephone tungtawn a kithujaakna petu Bharat Sanchar nigam Limited (BSNL)/CCpur Exchange te vanzat telephone gui/cable apaisa August 17, 2007 nitak in Zouveng, Zenhang Lamka lak ah meltheihlouh gutate’n Metre 335 a sau Rs. 7, 250/- vel man ding gumang uhi.
Hiai thilmang toh kisai in JTO/CCpur Mr. L. Ibomcha in Police ah report a police in suizui lel ua matkhiak kuamah nei nailou uhi. Guta pawl in hichibang a mundang toh kithuzakna poimoh phone gui a guksek ziak in subscriber tamtak in haksatna tamtak tuaksek ua, police a report hizel mahleh khatvei leng mankhia chih thu zak hinailou hi.
PREPAK member 2 mat in om
Lamka Aug 21: Lamka Police apan thukiza dan in 3 (NH) Assam Rifle pawlkhat in zan zingkal dak 8:30 in Yaiphakol khua ah PREPAK member 2 man in tuni zing dak 8:00 in Lamka Police khut ah pekhia uhi.
Mat a om mi 2 te bel Mr. Salam Mangi Singh (20) S/o. Salam Tomba Singh of Moirang, Bishnupur District leh Mr. Nameirakpam Somorjit Singh (22) S/o. N. Tomba Singh of Khongman basikhong Mamang Leikai, Imphal East te hi ua, amaute tuni’n Magistrate ma ah dinsak in om ua, Magistrate in August 30, 2007 tan Police Custody a om ding in thutankhum hi.
Transformer kisia
Lamka Aug 21: CCpur Govt. College huangsung a 400 KV Transformer ompen apaisa August 17, 2007 apan in kisia hi. Hiai Transformer kisia pen a sung a coil khenkhat kisiat ziak hi a bawl hoihna ding in a tompen in kal 3 bang lut lai ding hidan in Department apan in thutut kingah hi.
DRDA GB Meeting ding
Lamka Aug 21: District Rural Development Agency (DRDA)/CCpur a Governing Body in zingchiang sun dak 12:00 DC’s Conference Hall ah meeting ding uhi. Hiai hun ah District sunga MLA teng leng tel ding uhi.
Sunna
Lamka Aug 21: Mr. Jangkhohao (40) S/o. Holjang of Bijang zan nitak dak 7:45 in Lamka Damdawi Inn ah Sungna in si a tuni in vuiliam in om hi.
PRI leh VA te training
Lamka Aug 21: National Rural Health Mission (NRHM) nuai a District Health Society/ CCpur saina in tuni’n Synod Hall, IB Road ah sunma dak 11:00 in Henglep bialsung a Panchayati Raj Institution (PRI) leh Village Authority (VA) te ading in training om hi. Hiai training bel Village Health and Sanitation Committee bawl ding dan toh kisai kisinsakna hi a, CMO/CCpur Dr. H. Liensang leh DPO (Prog) Mr. D. Khual a Vaiphei te’n sinsakna nei uhi.
MHJU in DC/CCpur kimuhpih
Lamka Aug 21: Manipur Hills Journalist Union (MHJU) in tuni sunnung dak 1:00 in DC/CCpur Mr. Sumant Singh, IAS ah Chamber ah kimuhpih uhi. Hiai hun ah MHJU in Lamka khopi sunga Press Club bawlkhiat ding toh kisai kikuppihna nei in amun ding proposal pelut uhi. DC/ CCpur in Press Club a om poimoh a sakdan leh a ngaihpoimoh dan gen in Press Club a kintheilam a bawl ahihna dinga theihtawp suah ding ahihdan MHJU theisak hi. MHJU in CEO/CCpur Mr. Henlianthang Thanglet leng kimuhpihna nei ua, aman leng Press Club omtheihna ding a kithuahpih ding ahihdan gen hi.
KLA member 1 kiman
Lamka Aug 21: Kuki Liberation Army a member Mr. Jamlal Haokip (33) s/o Chongkholun Haokip of K. Salbung tuni’n 3rd AR ten Pangjawl ah demand letter bangzah hiam toh mankhawm uh hi’n thutut kingah hi.
Anna-Purna antang kihawm ding
Lamka Aug 21: District Social Welfare nuai a Anna-Purna card neite a ding in zingchiang apan in District Social Welfare office ah Anna-Purna antang kihawm ding hi.
Zingchiang August 22-23 in CCpur block nuai ate’n lak theih ding a, August 24-25 leh 27-28, 2007 sung in Henglep leh Thanlon & Tipaimukh block ten lak theih ding hi.
NEWMAI NEWS:
Helpawlte’n truck 15 hentang uh
Imphal, Aug 21(NNN ): Helpawl in kum teng leh khateng a Tax tuamtuam a donna un kiamlam nawt tuanlou in mipi liangvaite ading in haksatna kibehlap zel a, Union ministry of information and broadcasting, New Delhi apan lehkha poimoh tuamtuam tel a electronic van tamtak Imphal a ding hon pua truck 15 te tax ziak mah in Dimapur khopi ah hentang in om uhi. Thusuak in agendan in, helpawl te’n truck te ah demand sang taktak bawl uh a, sum kining ching a puaklouh ziak un, Dimapur ah a gari uh hentang in om a, amaute damtak in Imphal hongtung thei uh hi’n kigen hi. Truck driver te’n agendan un, vauna sangtak ngah uh ahihdan gen ua, tax a piaklouh ua Dimapur khopi a kantan ngeingei ua leh, a gari uh vaivut suak ding tanpha ah vauna ngah uh ahihdan gen uhi. Hiai truck te ahihleh,m New Delhi apan Kolkata hontawn in Imphal khopi hon zotsawm uh hi’n kigen hi. Hiai truck te’n ahihleh, LG brand television, flat TV, dish direct plus tel in electronic item tamtak hon pua uhi.
IMPHAL NEWS:
NFCH nuai ah Manipur a naupang 1458 in hamphatna ngah
Imphal Aug. 21: India a Communal harmony leh National integration om theihna ding leh Namkal buaina, thagumsuahna leh helte khutlum thuak a site nupa ahihkei leh nu-le-pa khat zosamte tate' panpihna dinga 1992 kibawl khia, Ministry of Home Affairs nuai a autonomous organisation khat dan a om, National Foundation for Communal harmony (NFCH) a Secretary Yashwant Raj, Assistant Secretary AC Thomas leh member Tripathi Raj ten hiai scheme Manipur a bangchi banga operate hihiam chih hong enkhia ua, amau tuni nitaklam dak 4 in Old Secretariat Conference hall ah, thuthak saimite kimuhpihna nei uhi.
Hiai hun a Secreatry in agenna ah, hiai scheme Manipur ah 1993 apat zatpan in omta a, tuni chiangin naupang 1458 ten NFCH nuai a financial assistance ngahta uhi. Hiaite lak ah naupang 127 te kum 18 chingta in, NFCH in panpihna sun zom nawnlou ahihdan gen hi. India pumpi ah naupang 8787 panpihna piak hi a, tuate lak ah naupang 1358 te amau hinna dingin kizon theita uh chih ahi. Manipur a district 8; Bishnupur, Chandel, Churachandpur, Imphal East, Imphal West, Senapati, Tamenglong leh Thoubal ah hiai scheme nuai ah 2006-07 in Rs. 59,65,650 NFCH in sengta a, hiai scheme Manipur a zat ahih akipan tuni chiangin Rs. 2,77,27,250 leng sengphata hi. Hiaite lak ah Senapati ah tampen a Rs 1,41,67,950 leh a nihna in CCpur ah Rs. 75,31,400 ahi.
NFCH palaite gendan in Manipur hongphakna uah, Govt. of Manipur leh akisaipih District Magistrate te’n kithuahpihna hoihtak in pia uhi.
NFCH in sum muhna source neikei mahleh Ministry of Home Affairs nuai apat Rs 13 crore Corpus Fund dan a kipan a, tuaban ah Central leh State govts, Educational institutions, PSUs, nuai a donation bawl in kitoudelh hi. Hiai ziakin Income tax leng lak hilou chih ahi. Tagah naupangte panpihna khopi Class A leh B te ah Rs 650 himahleh Rs 800 a punsak hita a, mun dangte ah Rs 600 hisa leng Rs 750 a punsak hita hi. Hiaite naupang khat in kha khat a angah zel ahi. Naupangte kiang ah a sumtang a piak hilou in, a kisaipih 'District Committee, NFCH min in District a kisaipihna munte ah Bank account hon in om hi.
Tagah leh genthei naupangte panpihna dia piak ahihman in sumte academic year a first quarter ah advance in piak hijel a, bank account bel DC/DM in nominate abawl officer nih in operate bawl uhi. Hiai hamphatna ngah thei dia applicant omte District level Committee, Board a tel, DC/DM, SP/DSWO/District Child Women District Officer ten verify bawl ding ua, NFCH ah recommend bawl ding uhi. Tutunga NFCH palaiten Manipur hong phakna uh ahihleh programme tuamtuam 4 a neihte lak ua, Project 'Assist' ahi.
Open discussion om ding
Imphal Aug. 21: Manipur State Commission for Woman te saina in, hongtung ding Aug 25, 2007 zinglam dak 10 chiang in Khulam Lampak a Bal Bhawan Auditorium ah, Open discussion on 'Networking of various stake holders with Manipur state Commission for Women' kichi om ding hi.
Vety. Director Inn ah Bomb puak
Imphal Aug. 21: Manipur a Minister leh MLA tuamtuamte tenna Inn a, helpawl tuamtuam in demand toh kisai a thau akap leh bomb paihkhum paitou zel in, tuni zinglam dak 11.55 vel dingin leng Vety.& AH a Director Dr. Th. Dorendra tenna Inn, Porompat PS huamsung a om Ayengpalli, JN hospital road ah meltheihlouhten bomb khat valawn lut ua, tua a mihing a si leh liam omkei mahleh, Maruti Car khat leh leh Inn limlang khong kisia hidan in, Police apat thutut kingah hi. Thusuak dan in, hiai hun laitak in Director bel, Office ah om a, Inn a atapa khat chauh om hidan in kigen hi.
KSO in gakna thusuah bawl
Imphal Aug. 21: Kuki Students' Organisation, Moreh Block a General Secretary William J. Haokip in tuni a thusuah a bawlna ah, apaisa July 29, 2007 ni a KSO GHQ leh ANSAM in meeting aneih uh thupukna dungzui in, Manipur a hill district teng ah Meitei Mayek zatlouh ding toh kisai in gakna thusuah bawl uhi.
Hiai toh kisai in, mipi, Gari neite, drivers, govt. leh Non Governmental hitaleh, gakna bohsia a omleh moh amau kipuak dingin taklang hi. Hiai toh kisai in Aug 25, 2007 nunga ngetna kuaman bawlthei nawnlou ding hidan in leng thusuak in taklang hi.
Ni 5 sung Police custody a remand
Imphal Aug. 21: Moreh a om 24 Assam Rifle ten muanmoh jiak leh lai poimoh neilouh ziaka mi 15 amat te uh zan nitak a Imphal Police station a piakkhiak ahihnung un, tunin Lamphel a CJM a puakkhiak in om ua, tua ah CJM PK.Sharma in amaute August 25, 2007 tan Police custody a om dingin remand bawl chih ahi.Hiai a mat a om mi 15 te bel, helpawl Al-Qaeda toh kizom hidan in thuthang om mahleh zan in, IGAR(South) in huchibang a kizom ahihna uh chiantak theih omnailou ahihdan thusuah bawlta hi.
Professional Course ziltheih ding
Imphal Aug. 21: Human Resource Development Organisation, Uripok Laikhurembi, Imphal apat thutut kingah dan in, Higher Secondary leh B.Sc zousa te a dingin Tamil Nadu, Karnataka, Andhra Pradesh & Utaranchal state te a govt. seat lapsed omte ah, Course tuamtuam BDS, B.E, B.Sc Nursing leh adang dang sintheih ding hi. Hiai adia lunglutna neiten, mobile No. 9436288733 leh 9856106860 ah thuchian kan theih ding hi.
LPG Bottling Plant a nasemte patau
Imphal Aug. 21: Chief Minister O.Ibobi Singh in kha paita a honkhiak Sekmai a LPG Bottling Plant a labour Union ten, tuni a thusuah abawl na uah, helpawlte Demand ziakin Dimapur apat Gas pua Bullet LPG te Manipur honglut ngamlou in om uhi. Hichibangkal ah, labour te a dingin nasep ding omlou ahihna ah, sum muhna omlou a, helpawl in demand piak ahihma gari hiai mun a lut ding aphal kei leh Gas bottling plant khak ding dinmun tan atunkhak ding lau huai asak dan uh taklang uhi.
Thutut kingah dan in zan in Bullet LPG gari 34 hongtung a, hiaite leng a kiknawn ding uh lauhuai ahihman in hiai mun a ding gas pua truck driver nih leng helpawl khat in amat ngei ban uah, bangtan hiam nungin khahkhiak in om ngeita uhi.
Office of the
Chongthu Insung kiloikhom, Moreh (CIKM)
Chandel District, Manipur
Date.18/08/07
Press release
Chongthu Innsung Kiloikhom, Moreh (CIKM) Emergency meeting date17th August 2007 nia Resolution NO.1.dungjui in Chongthu Innsung Kiloikhom, Moreh in Guite Inpi Branch Indo-Mynmar kiloikhom na a kon in akipang tapoi tin phondoh ahitai,ajeh chu hiche kiloikhomna (Guite inpi Branch Indo-Mynmar) hi Guite Inpi Central Committee,Manipur leh United Chongthu Tribe Organisation (UCTO) NEI, hetpih lou leh phalna louva kisiem ahi jeh ahi.
Chuleh, Chongthu Insung kiloikhom, Moreh in insungmin leh phungmin'a thingnoi kiloikhomna khat cha jong akipom poi tia hetsah leh phon doh ahi.
Sd/
Thangboi Touthang
Secy.inf &publicity
Interim Committee
Letter to the Editor:
Dear Editor The Lamka Post,
On my third Visit to Thanlon in last one year, this visit holds very special to me. On 15 August, 2007, I woke up with the sound of army bugle and ran in to a day of festivities, fun, frolic and musical extravaganza. The Independence Day was celebrated with gaiety under the supervision of Thanlon Youth Club, which made me wonder what a transformation has come to this sleepy and desolate village in a short span of time. The beam on the face of women and elders and playful din of children with the daybreak, crowded market up to late night and sound of music in the street tells a story of a village, which has woken up to the idea of life with a purpose.
The day’s event was also heartwarming when an outstanding example of total amalgamation of army, district administration and villagers was on display when I saw all of them working hand in hand to make this event a success. A life of peace future and I sincerely pray God to bless them all in their endearing Endeavour to secure a prosperous and meaningful future.
Sd/- LIANKHANLAL
New Lamka, Churachandpur.
Source: www.zogam.com
Fair Price Shop honna nei ding
Lamka Aug 21: Food & Civil Supply (FCS) nuai a Public Distribution System (PDS) hun bangtan hiam District sung a zatlouh a a omnung in DC/CCpur panlakna ziak in puahthak hiding hi.
Thutut kingah dan in, zingchiang sunma in DC/CCpur Mr. Sumant Singh, IAS in Lamka khopi sung a PDS nuai a Fair Price Shop Polling Station 15a honkhiatna/Inaugration nei ding hi. Hiai Fair Price shop honkhiat ahihtoh kiton in Rationing Agent te’n August Quota PDS Anntang leh Khawnvaktui (SK Oil) zuak ngal ding uhi. AAY/BPL card neilou/mangsak hileleng list a mintuangte’n hiai FPS te Government in rate a bikhiahzah in leitheih ngal ding hi.
Antang leh K.Oil hawmkhiakna om ding
Lamka, Aug 22: PDS Item leh K.Oil hawmkhiakna ding toh kisai in DC/CCpur deihna bang in Sub Dealer tuamtuam bawlkhiak in om a, zingchiang tarikh 22nd August 2007 zinglam dak 10 in Shri Sumant Singh IAS/DC CCpur in 58/33 Zenhang Lamka leh 58/38 PKT Street honkhiakna neiding a, huai zoh in antang leh khawnvaktui hawmna om ding hi.
Telephone gui kigu jel
Lamka Aug 21: Lamka khopi leh mundang Telephone tungtawn a kithujaakna petu Bharat Sanchar nigam Limited (BSNL)/CCpur Exchange te vanzat telephone gui/cable apaisa August 17, 2007 nitak in Zouveng, Zenhang Lamka lak ah meltheihlouh gutate’n Metre 335 a sau Rs. 7, 250/- vel man ding gumang uhi.
Hiai thilmang toh kisai in JTO/CCpur Mr. L. Ibomcha in Police ah report a police in suizui lel ua matkhiak kuamah nei nailou uhi. Guta pawl in hichibang a mundang toh kithuzakna poimoh phone gui a guksek ziak in subscriber tamtak in haksatna tamtak tuaksek ua, police a report hizel mahleh khatvei leng mankhia chih thu zak hinailou hi.
PREPAK member 2 mat in om
Lamka Aug 21: Lamka Police apan thukiza dan in 3 (NH) Assam Rifle pawlkhat in zan zingkal dak 8:30 in Yaiphakol khua ah PREPAK member 2 man in tuni zing dak 8:00 in Lamka Police khut ah pekhia uhi.
Mat a om mi 2 te bel Mr. Salam Mangi Singh (20) S/o. Salam Tomba Singh of Moirang, Bishnupur District leh Mr. Nameirakpam Somorjit Singh (22) S/o. N. Tomba Singh of Khongman basikhong Mamang Leikai, Imphal East te hi ua, amaute tuni’n Magistrate ma ah dinsak in om ua, Magistrate in August 30, 2007 tan Police Custody a om ding in thutankhum hi.
Transformer kisia
Lamka Aug 21: CCpur Govt. College huangsung a 400 KV Transformer ompen apaisa August 17, 2007 apan in kisia hi. Hiai Transformer kisia pen a sung a coil khenkhat kisiat ziak hi a bawl hoihna ding in a tompen in kal 3 bang lut lai ding hidan in Department apan in thutut kingah hi.
DRDA GB Meeting ding
Lamka Aug 21: District Rural Development Agency (DRDA)/CCpur a Governing Body in zingchiang sun dak 12:00 DC’s Conference Hall ah meeting ding uhi. Hiai hun ah District sunga MLA teng leng tel ding uhi.
Sunna
Lamka Aug 21: Mr. Jangkhohao (40) S/o. Holjang of Bijang zan nitak dak 7:45 in Lamka Damdawi Inn ah Sungna in si a tuni in vuiliam in om hi.
PRI leh VA te training
Lamka Aug 21: National Rural Health Mission (NRHM) nuai a District Health Society/ CCpur saina in tuni’n Synod Hall, IB Road ah sunma dak 11:00 in Henglep bialsung a Panchayati Raj Institution (PRI) leh Village Authority (VA) te ading in training om hi. Hiai training bel Village Health and Sanitation Committee bawl ding dan toh kisai kisinsakna hi a, CMO/CCpur Dr. H. Liensang leh DPO (Prog) Mr. D. Khual a Vaiphei te’n sinsakna nei uhi.
MHJU in DC/CCpur kimuhpih
Lamka Aug 21: Manipur Hills Journalist Union (MHJU) in tuni sunnung dak 1:00 in DC/CCpur Mr. Sumant Singh, IAS ah Chamber ah kimuhpih uhi. Hiai hun ah MHJU in Lamka khopi sunga Press Club bawlkhiat ding toh kisai kikuppihna nei in amun ding proposal pelut uhi. DC/ CCpur in Press Club a om poimoh a sakdan leh a ngaihpoimoh dan gen in Press Club a kintheilam a bawl ahihna dinga theihtawp suah ding ahihdan MHJU theisak hi. MHJU in CEO/CCpur Mr. Henlianthang Thanglet leng kimuhpihna nei ua, aman leng Press Club omtheihna ding a kithuahpih ding ahihdan gen hi.
KLA member 1 kiman
Lamka Aug 21: Kuki Liberation Army a member Mr. Jamlal Haokip (33) s/o Chongkholun Haokip of K. Salbung tuni’n 3rd AR ten Pangjawl ah demand letter bangzah hiam toh mankhawm uh hi’n thutut kingah hi.
Anna-Purna antang kihawm ding
Lamka Aug 21: District Social Welfare nuai a Anna-Purna card neite a ding in zingchiang apan in District Social Welfare office ah Anna-Purna antang kihawm ding hi.
Zingchiang August 22-23 in CCpur block nuai ate’n lak theih ding a, August 24-25 leh 27-28, 2007 sung in Henglep leh Thanlon & Tipaimukh block ten lak theih ding hi.
NEWMAI NEWS:
Helpawlte’n truck 15 hentang uh
Imphal, Aug 21(NNN ): Helpawl in kum teng leh khateng a Tax tuamtuam a donna un kiamlam nawt tuanlou in mipi liangvaite ading in haksatna kibehlap zel a, Union ministry of information and broadcasting, New Delhi apan lehkha poimoh tuamtuam tel a electronic van tamtak Imphal a ding hon pua truck 15 te tax ziak mah in Dimapur khopi ah hentang in om uhi. Thusuak in agendan in, helpawl te’n truck te ah demand sang taktak bawl uh a, sum kining ching a puaklouh ziak un, Dimapur ah a gari uh hentang in om a, amaute damtak in Imphal hongtung thei uh hi’n kigen hi. Truck driver te’n agendan un, vauna sangtak ngah uh ahihdan gen ua, tax a piaklouh ua Dimapur khopi a kantan ngeingei ua leh, a gari uh vaivut suak ding tanpha ah vauna ngah uh ahihdan gen uhi. Hiai truck te ahihleh,m New Delhi apan Kolkata hontawn in Imphal khopi hon zotsawm uh hi’n kigen hi. Hiai truck te’n ahihleh, LG brand television, flat TV, dish direct plus tel in electronic item tamtak hon pua uhi.
IMPHAL NEWS:
NFCH nuai ah Manipur a naupang 1458 in hamphatna ngah
Imphal Aug. 21: India a Communal harmony leh National integration om theihna ding leh Namkal buaina, thagumsuahna leh helte khutlum thuak a site nupa ahihkei leh nu-le-pa khat zosamte tate' panpihna dinga 1992 kibawl khia, Ministry of Home Affairs nuai a autonomous organisation khat dan a om, National Foundation for Communal harmony (NFCH) a Secretary Yashwant Raj, Assistant Secretary AC Thomas leh member Tripathi Raj ten hiai scheme Manipur a bangchi banga operate hihiam chih hong enkhia ua, amau tuni nitaklam dak 4 in Old Secretariat Conference hall ah, thuthak saimite kimuhpihna nei uhi.
Hiai hun a Secreatry in agenna ah, hiai scheme Manipur ah 1993 apat zatpan in omta a, tuni chiangin naupang 1458 ten NFCH nuai a financial assistance ngahta uhi. Hiaite lak ah naupang 127 te kum 18 chingta in, NFCH in panpihna sun zom nawnlou ahihdan gen hi. India pumpi ah naupang 8787 panpihna piak hi a, tuate lak ah naupang 1358 te amau hinna dingin kizon theita uh chih ahi. Manipur a district 8; Bishnupur, Chandel, Churachandpur, Imphal East, Imphal West, Senapati, Tamenglong leh Thoubal ah hiai scheme nuai ah 2006-07 in Rs. 59,65,650 NFCH in sengta a, hiai scheme Manipur a zat ahih akipan tuni chiangin Rs. 2,77,27,250 leng sengphata hi. Hiaite lak ah Senapati ah tampen a Rs 1,41,67,950 leh a nihna in CCpur ah Rs. 75,31,400 ahi.
NFCH palaite gendan in Manipur hongphakna uah, Govt. of Manipur leh akisaipih District Magistrate te’n kithuahpihna hoihtak in pia uhi.
NFCH in sum muhna source neikei mahleh Ministry of Home Affairs nuai apat Rs 13 crore Corpus Fund dan a kipan a, tuaban ah Central leh State govts, Educational institutions, PSUs, nuai a donation bawl in kitoudelh hi. Hiai ziakin Income tax leng lak hilou chih ahi. Tagah naupangte panpihna khopi Class A leh B te ah Rs 650 himahleh Rs 800 a punsak hita a, mun dangte ah Rs 600 hisa leng Rs 750 a punsak hita hi. Hiaite naupang khat in kha khat a angah zel ahi. Naupangte kiang ah a sumtang a piak hilou in, a kisaipih 'District Committee, NFCH min in District a kisaipihna munte ah Bank account hon in om hi.
Tagah leh genthei naupangte panpihna dia piak ahihman in sumte academic year a first quarter ah advance in piak hijel a, bank account bel DC/DM in nominate abawl officer nih in operate bawl uhi. Hiai hamphatna ngah thei dia applicant omte District level Committee, Board a tel, DC/DM, SP/DSWO/District Child Women District Officer ten verify bawl ding ua, NFCH ah recommend bawl ding uhi. Tutunga NFCH palaiten Manipur hong phakna uh ahihleh programme tuamtuam 4 a neihte lak ua, Project 'Assist' ahi.
Open discussion om ding
Imphal Aug. 21: Manipur State Commission for Woman te saina in, hongtung ding Aug 25, 2007 zinglam dak 10 chiang in Khulam Lampak a Bal Bhawan Auditorium ah, Open discussion on 'Networking of various stake holders with Manipur state Commission for Women' kichi om ding hi.
Vety. Director Inn ah Bomb puak
Imphal Aug. 21: Manipur a Minister leh MLA tuamtuamte tenna Inn a, helpawl tuamtuam in demand toh kisai a thau akap leh bomb paihkhum paitou zel in, tuni zinglam dak 11.55 vel dingin leng Vety.& AH a Director Dr. Th. Dorendra tenna Inn, Porompat PS huamsung a om Ayengpalli, JN hospital road ah meltheihlouhten bomb khat valawn lut ua, tua a mihing a si leh liam omkei mahleh, Maruti Car khat leh leh Inn limlang khong kisia hidan in, Police apat thutut kingah hi. Thusuak dan in, hiai hun laitak in Director bel, Office ah om a, Inn a atapa khat chauh om hidan in kigen hi.
KSO in gakna thusuah bawl
Imphal Aug. 21: Kuki Students' Organisation, Moreh Block a General Secretary William J. Haokip in tuni a thusuah a bawlna ah, apaisa July 29, 2007 ni a KSO GHQ leh ANSAM in meeting aneih uh thupukna dungzui in, Manipur a hill district teng ah Meitei Mayek zatlouh ding toh kisai in gakna thusuah bawl uhi.
Hiai toh kisai in, mipi, Gari neite, drivers, govt. leh Non Governmental hitaleh, gakna bohsia a omleh moh amau kipuak dingin taklang hi. Hiai toh kisai in Aug 25, 2007 nunga ngetna kuaman bawlthei nawnlou ding hidan in leng thusuak in taklang hi.
Ni 5 sung Police custody a remand
Imphal Aug. 21: Moreh a om 24 Assam Rifle ten muanmoh jiak leh lai poimoh neilouh ziaka mi 15 amat te uh zan nitak a Imphal Police station a piakkhiak ahihnung un, tunin Lamphel a CJM a puakkhiak in om ua, tua ah CJM PK.Sharma in amaute August 25, 2007 tan Police custody a om dingin remand bawl chih ahi.Hiai a mat a om mi 15 te bel, helpawl Al-Qaeda toh kizom hidan in thuthang om mahleh zan in, IGAR(South) in huchibang a kizom ahihna uh chiantak theih omnailou ahihdan thusuah bawlta hi.
Professional Course ziltheih ding
Imphal Aug. 21: Human Resource Development Organisation, Uripok Laikhurembi, Imphal apat thutut kingah dan in, Higher Secondary leh B.Sc zousa te a dingin Tamil Nadu, Karnataka, Andhra Pradesh & Utaranchal state te a govt. seat lapsed omte ah, Course tuamtuam BDS, B.E, B.Sc Nursing leh adang dang sintheih ding hi. Hiai adia lunglutna neiten, mobile No. 9436288733 leh 9856106860 ah thuchian kan theih ding hi.
LPG Bottling Plant a nasemte patau
Imphal Aug. 21: Chief Minister O.Ibobi Singh in kha paita a honkhiak Sekmai a LPG Bottling Plant a labour Union ten, tuni a thusuah abawl na uah, helpawlte Demand ziakin Dimapur apat Gas pua Bullet LPG te Manipur honglut ngamlou in om uhi. Hichibangkal ah, labour te a dingin nasep ding omlou ahihna ah, sum muhna omlou a, helpawl in demand piak ahihma gari hiai mun a lut ding aphal kei leh Gas bottling plant khak ding dinmun tan atunkhak ding lau huai asak dan uh taklang uhi.
Thutut kingah dan in zan in Bullet LPG gari 34 hongtung a, hiaite leng a kiknawn ding uh lauhuai ahihman in hiai mun a ding gas pua truck driver nih leng helpawl khat in amat ngei ban uah, bangtan hiam nungin khahkhiak in om ngeita uhi.
Office of the
Chongthu Insung kiloikhom, Moreh (CIKM)
Chandel District, Manipur
Date.18/08/07
Press release
Chongthu Innsung Kiloikhom, Moreh (CIKM) Emergency meeting date17th August 2007 nia Resolution NO.1.dungjui in Chongthu Innsung Kiloikhom, Moreh in Guite Inpi Branch Indo-Mynmar kiloikhom na a kon in akipang tapoi tin phondoh ahitai,ajeh chu hiche kiloikhomna (Guite inpi Branch Indo-Mynmar) hi Guite Inpi Central Committee,Manipur leh United Chongthu Tribe Organisation (UCTO) NEI, hetpih lou leh phalna louva kisiem ahi jeh ahi.
Chuleh, Chongthu Insung kiloikhom, Moreh in insungmin leh phungmin'a thingnoi kiloikhomna khat cha jong akipom poi tia hetsah leh phon doh ahi.
Sd/
Thangboi Touthang
Secy.inf &publicity
Interim Committee
Letter to the Editor:
Dear Editor The Lamka Post,
On my third Visit to Thanlon in last one year, this visit holds very special to me. On 15 August, 2007, I woke up with the sound of army bugle and ran in to a day of festivities, fun, frolic and musical extravaganza. The Independence Day was celebrated with gaiety under the supervision of Thanlon Youth Club, which made me wonder what a transformation has come to this sleepy and desolate village in a short span of time. The beam on the face of women and elders and playful din of children with the daybreak, crowded market up to late night and sound of music in the street tells a story of a village, which has woken up to the idea of life with a purpose.
The day’s event was also heartwarming when an outstanding example of total amalgamation of army, district administration and villagers was on display when I saw all of them working hand in hand to make this event a success. A life of peace future and I sincerely pray God to bless them all in their endearing Endeavour to secure a prosperous and meaningful future.
Sd/- LIANKHANLAL
New Lamka, Churachandpur.
Source: www.zogam.com
