Rev. V.Ginsianthang
Khovel pumpi a Pawi(Festival) minthang pen leh mi tam in atheihpen Khristmas ahi. Khristmas kizatna jiak diktak thei a zang om dia, ut dan dana zang pawl, mi zat dan gal et pawl leh aphawk kha hetlou pawl zong om ding hi. Huan, Khristmas toh kisai thugen leh gelh zong tamtak omta a, hongom jel lai ding hi. A biiktakin Khristmas hong pian dan, a hun leh ni ban ah zat dan toh kisai ah gendan/ngaihdan kibanglou tamtak a om hi.
Hilele'ng tuni'n tuabang gendan tuam tuamte suut i sawm kei a; mimal leh saptuam in bangchi zat lehang Pathian in pahtawina tanga, eite'n phattuampih thei ding i hiam chih saulou in kikum lehang i ut hi.
Mimal tak ah, Khristmas chih ka ngaihsut khak chiangin, abiiktakin ahun hong nai deuh deuh chiangin hun paisa khenkhat, naupang lai a Khristmas toh kisai ka thiltuah khenkhat hongsuak sek hi. Kum 12 vel kahih lai khatvei Khristmas thohlawm Rs. 20/- a kidong ka piak zohlouh jiakun ann nekkhawmna ah ka tel kei ua, tel ut mah mah zaw kahi dia tunitan ka mangngilh kei hi.
A sa nek kia hilou, kithuahkhawmna a thil kihihte - skits, jokes etc kimu nuam, lawmte ki ngai ahi mai hi. Ann nek dak hong ging, lawmte'n khomuallam zuan duam duam, kou unau in innlam zuana innsung a kikhumbichilh mai zaw a nuam chiam kei hi. Ann nek ma in kisuklimna program hon zang ua, athawm uh kizaban ahih manin nopchi kasa a, ka ut petmah hi. Mite'n Khristmas sa limtak a nek lai un kou unau in dolhou tui leh malta-buang(malta emgop gawivui) toh Khristmas ka lawm uhi. Hiai ka thiltuah un thil tampi hon ngaihtuah sak seka, Khristmas huna ann nekkhawmna kibawlna ah kua hiam khat lungjuang leh khasetaka hun na zang omdiam aw, chih hon ngaihsun sak sek hi.
Khristmas hun a nekkhawm dawnkhawm thu ah ngaihdan tuam tuam omseka, khopi saptuam khenkhat in buaihuai sa in nekkhawm dawnkhawm sailousek uhi. A biiktakin sap gam leh tua kou omna Korea khawng ah pawlpi'n Khristmas annkuang abawl khol kei uhi. Hileleng ei Zomi context ah bel, Khristmas annkuang in omzia thupitak nei hi'n a ngaihsut theih hi. Sawtpi apan Zomite'n kipahna/kipahtawina/kideihsakna/kizahtakna suklatna dingin annkuang i bawl sek hi. Tua i chiindan Khristian i suah nungin zong i jui jel lai a, huaijiak maha Khristmas annkuang bawl lung-gulhna nei tamtak om hidingin ka gingta hi. Ajiak tuh Khristmas i chih kipahna hun, salsuahna hun, Tapa piaka i omna hun, zin thupipen Vanmang Tapa in hongveh hun ahih jiak ahi. I lungsunga kipahna ompen genkhiatna dinga annkuang lui i hih intuh "hoih lua" in ki ngaihsun hi.
Awle, ani leh hun thu khawng zaw nakpitakin buaipih keizaw mai lehang hoihzaw dingin ka ngaihsun hi. A jiak tuh Khristmas ana kizatna kum sangnih bang naihta (Jesu pian apan hilou in), ani leh hun diktak mipil leh siamte'n na sut ua, tunitana adiktak theikhia omtuanlou ahih manin huai thu khawng buaipihin bangmah phattuamna hontun kei dia, ei kisulunggim in, midang i subuai lel ding hi. Huaijiakin thil phatuam taktak lou ding ah hun leh lungsim tam sen dah lehang ichi hi.
Khristmas omzia diktak (midangte'n bangteng gen mah le uh) tuh mikhialte tan dinga Pathian hilhial mihing hongsuahna (Incarnation of God) kipahpina dinga hunsehtuam ahi a, Jesu Khrist pianni (Birthday) diktak chihna ahi zenzen kei hi. A ut leh Decemebr 24/25 0r January 26 or February 21 hita hen aw, Jesu bel hongpiang peuhmah ahih chia, huai hongpianna jiak kipahpiha lungdampih hizaw hang, tuabanga kipahpihte mah in hamphatpih ding chih hisese hiven!
Huaijiakin, tukum Khristmas zang dinga i kisakkhawl lai in hiai anuaia dotna tamloute kidongin, kisakhawl lehang i chi hi:
1. Tu kum Khristmas hun sungin bang zahin leh bang tengin Pathian ka pahtawi dia?
2. Pathian in itna jiak a A tapa khat neihsun hon piak ngal leh; ke'n zong itna jiak in midangte bang ka pe dia?
3. Khristmas huna lungjuang leh khasetaka om mi khat bek bang kachi panpih thei dia?
A dang zaw mimal in ngaihsun lehang tam lai inteh maw.
[Zokuom Tongthai simtu teng teng] MERRY KHRISTMAS & HAPPY NEW YEAR!
www.zogam.com
Khovel pumpi a Pawi(Festival) minthang pen leh mi tam in atheihpen Khristmas ahi. Khristmas kizatna jiak diktak thei a zang om dia, ut dan dana zang pawl, mi zat dan gal et pawl leh aphawk kha hetlou pawl zong om ding hi. Huan, Khristmas toh kisai thugen leh gelh zong tamtak omta a, hongom jel lai ding hi. A biiktakin Khristmas hong pian dan, a hun leh ni ban ah zat dan toh kisai ah gendan/ngaihdan kibanglou tamtak a om hi.
Hilele'ng tuni'n tuabang gendan tuam tuamte suut i sawm kei a; mimal leh saptuam in bangchi zat lehang Pathian in pahtawina tanga, eite'n phattuampih thei ding i hiam chih saulou in kikum lehang i ut hi.
Mimal tak ah, Khristmas chih ka ngaihsut khak chiangin, abiiktakin ahun hong nai deuh deuh chiangin hun paisa khenkhat, naupang lai a Khristmas toh kisai ka thiltuah khenkhat hongsuak sek hi. Kum 12 vel kahih lai khatvei Khristmas thohlawm Rs. 20/- a kidong ka piak zohlouh jiakun ann nekkhawmna ah ka tel kei ua, tel ut mah mah zaw kahi dia tunitan ka mangngilh kei hi.
A sa nek kia hilou, kithuahkhawmna a thil kihihte - skits, jokes etc kimu nuam, lawmte ki ngai ahi mai hi. Ann nek dak hong ging, lawmte'n khomuallam zuan duam duam, kou unau in innlam zuana innsung a kikhumbichilh mai zaw a nuam chiam kei hi. Ann nek ma in kisuklimna program hon zang ua, athawm uh kizaban ahih manin nopchi kasa a, ka ut petmah hi. Mite'n Khristmas sa limtak a nek lai un kou unau in dolhou tui leh malta-buang(malta emgop gawivui) toh Khristmas ka lawm uhi. Hiai ka thiltuah un thil tampi hon ngaihtuah sak seka, Khristmas huna ann nekkhawmna kibawlna ah kua hiam khat lungjuang leh khasetaka hun na zang omdiam aw, chih hon ngaihsun sak sek hi.
Khristmas hun a nekkhawm dawnkhawm thu ah ngaihdan tuam tuam omseka, khopi saptuam khenkhat in buaihuai sa in nekkhawm dawnkhawm sailousek uhi. A biiktakin sap gam leh tua kou omna Korea khawng ah pawlpi'n Khristmas annkuang abawl khol kei uhi. Hileleng ei Zomi context ah bel, Khristmas annkuang in omzia thupitak nei hi'n a ngaihsut theih hi. Sawtpi apan Zomite'n kipahna/kipahtawina/kideihsakna/kizahtakna suklatna dingin annkuang i bawl sek hi. Tua i chiindan Khristian i suah nungin zong i jui jel lai a, huaijiak maha Khristmas annkuang bawl lung-gulhna nei tamtak om hidingin ka gingta hi. Ajiak tuh Khristmas i chih kipahna hun, salsuahna hun, Tapa piaka i omna hun, zin thupipen Vanmang Tapa in hongveh hun ahih jiak ahi. I lungsunga kipahna ompen genkhiatna dinga annkuang lui i hih intuh "hoih lua" in ki ngaihsun hi.
Awle, ani leh hun thu khawng zaw nakpitakin buaipih keizaw mai lehang hoihzaw dingin ka ngaihsun hi. A jiak tuh Khristmas ana kizatna kum sangnih bang naihta (Jesu pian apan hilou in), ani leh hun diktak mipil leh siamte'n na sut ua, tunitana adiktak theikhia omtuanlou ahih manin huai thu khawng buaipihin bangmah phattuamna hontun kei dia, ei kisulunggim in, midang i subuai lel ding hi. Huaijiakin thil phatuam taktak lou ding ah hun leh lungsim tam sen dah lehang ichi hi.
Khristmas omzia diktak (midangte'n bangteng gen mah le uh) tuh mikhialte tan dinga Pathian hilhial mihing hongsuahna (Incarnation of God) kipahpina dinga hunsehtuam ahi a, Jesu Khrist pianni (Birthday) diktak chihna ahi zenzen kei hi. A ut leh Decemebr 24/25 0r January 26 or February 21 hita hen aw, Jesu bel hongpiang peuhmah ahih chia, huai hongpianna jiak kipahpiha lungdampih hizaw hang, tuabanga kipahpihte mah in hamphatpih ding chih hisese hiven!
Huaijiakin, tukum Khristmas zang dinga i kisakkhawl lai in hiai anuaia dotna tamloute kidongin, kisakhawl lehang i chi hi:
1. Tu kum Khristmas hun sungin bang zahin leh bang tengin Pathian ka pahtawi dia?
2. Pathian in itna jiak a A tapa khat neihsun hon piak ngal leh; ke'n zong itna jiak in midangte bang ka pe dia?
3. Khristmas huna lungjuang leh khasetaka om mi khat bek bang kachi panpih thei dia?
A dang zaw mimal in ngaihsun lehang tam lai inteh maw.
[Zokuom Tongthai simtu teng teng] MERRY KHRISTMAS & HAPPY NEW YEAR!
www.zogam.com
No comments:
Post a Comment