Kum 59 nung in Tui siang mu pan
Lamka, Dec 7: Khengjang Power Sub-Station a om 3rd NH Assam Rifles ten Khengjang khua a ding in Army Civic Action programme nuai ah 1.6Kms a sau tuilong in tui zawl sak in tuisiang dawn ding hoihtak muta uh hi’n thutut kingah hi. Thutut kingah dan in hiai bel, Khengjang khua in kum 59 sung vingveng tuisiang dawn ding a neihlouh nung ua tua mu pan uh hi’n leng thutut kingah hi.
GBC in Comencement Service zang; Students 32 in Graduation ngah
Lamka, Dec 7: New lamka Dorcas’ Road a Grace Bible College ah tuni zinglam dak 10:30 apan in 25th Comencement Service Programme zang ua, hiai hun ah M.Div zou 21 leh B.th zou 12 te kiang ah Award certificate piak khiakna College Principal Dr. S.Langzakham in piakna nei a, Rev.L.Kham Kho Lun General Secy EBC in Graduation ngah thakte a ding in thum sakna nei hi. Hiai hun zatna Grace Bible College a Patron leh Life Member tam tak in uap ua, Geoff Pound, New Zealand Missionary to UAE in Pathian thutak gen a, aman inn sung ah nu le pate kithutuak a thugen kingaih khiat tuah chiat poimoh ahihdan gen hi. GBC a Board of Governors member T. Singneng in tuni a Graduation ngah students 33 te kiang ah kipahman in Rs. 100/- chiat pia hi. Graduation Programme zoh in HIV/AIDS toh kisai consultation nei ua, Dr. VC Pau, DAO/CCpur in sinsak hi.
Students vai paw thak dingte kichiam sak
Lamka, Dec 7: CCpur College Students Union kum 2007- 2008 sung vai paw ding a tel ching thak te tuni sunnung dak 1:30 in CCpur College Seminar Hall ah Installation & Oath-taking Programme nei uhi. LF Tusing Principal in Student Union makai thak dingte kichiam sakna nei a, maban a panlak ding dan toh kisai tup leh ngim tuamtuam a neihte gen hi.
Kawite area winter meet
Lamka, Dec 7: Kawite area winter meet 2007 Dec 10- 15, 2007 sung Kawite Football Ground ah 3-NH Assam Rifle Sponsor na in neih sawm uhi. Kawite area a khua tuamtuam 20 vel apan Club/Team 18 val tel ding ua, huai ah kipahman in Winner te kiang ah Rs. 3000/ + Certificate+ Gift, Runner te kiang ah Rs.2000/- + Certificate + Gift piak sawm uhi.
NREGS Asst Commissioner tunin hong zin lou
Lamka, Dec 7: Dr. NK Singh Asst. Commissioner NREGS Ministry of Rural Development Govt of India in Lamka khopi sung a NREGS nasepna mun tuamtuam en ding in tuni’n Lamka hong phak sawm mahleh lemtanlouhna om ziak in tuni’n hong pha theilou in zingchiang in hong pha ding hi.
Scooter in phut lum
Lamka Dec 7: Apaisa dec 5, 2007 ni a Khamkhanthang (60) h/o Sangnem of Gangpi mual, New Bazar a Scooter in a phut khak, zan in Imphal ah si hi.
Nam kal buai ziak a site panpihna
Lamka Dec 7: Naga, Kuki leh Zomi kal a kitheihsiamlouhna khenkhat ziak a si-le-mang banah, haksatna tuakte a ding in Central Government apan in Rs. 3 crores Manipur hong tung hi’n thutut kingah hi. Thutut kingah dan in, hiai toh kisai in zan in Chief Secretary ah District teng a DC teng in meeting poimohtak nei ua, DC/CCpur a tel theihlouh ziakin amah tang in Mr. Royal T. Hangzo vat el hi’n thutut kingah hi.
DC in NREGS nasep enkhia
Lamka Dec 07: National Rural Employment Guarantee Scheme (NREGS) tungtawn a innkuan khat in kumkhat sung a ni 100 kilohna neihvek ding toh kisai in mun tamtak ah nnasep pat hita a, nasep patna munte lak ah Rengkai khote nasepna mun DC/CCpur Sumant Singh, IAS in tuni’n sunnung dak 12:30 enkhia hi.
Hiai nnasepna ah Rengkai vengsung apan in Card Holder 657 te nnasepna ah kuan in Play Ground thak uh kimvel a hawkguam hahsiangna nei ua, nasemtute nitha Christmas ma ngei a pesiang vek ding in DC/CCpur in Village Authority te theisak hi. District sungah tulel in Kho 6 ah khosung a thuneihna kituh ziak in fund bangmah piak hitadihlou ua amau sung a buaina ahihvaiventheih hunchiang un bel fund piak hipan ding uh hidan in DC/CCpur pan in thukiza hi.
NFCH panpihna hawmding hunsuan
Lamka Dec 07: National Foundation for Communal Harmony, Delhi apan in Namkal buaina ziak a tagah naupangte panpihna ding sum Rs.16, 16, 400/- hongtung pen tagah naupang 177 te kiangah hongtung ding December 11, 2007 sunma dak 11:00 in Mini Secretariat, DC/CCpur office ah hawmkhiat ding chih himahleh complaint khenkhat omziak in bikhiah omlou in a hun suan in om hi. Hiai toh kisai in SDO teng toh District Committee on NFCH in hongtung ding December 18, 2007 sunnung dak 1:00 in DC’s Coference Hall ah genkhawm ding uhi.
RBH Proposal piak theih
Lamka Dec 07: Ministry of Panchayati Raj, GoI nuai ah Central Sector Scheme tungtawn in Rural Business Hub (RBH) bawlna ding in proposal piaklut theihlel hi.
Hiai RBH bel Backward Regions Grant Fund (BRGF) in a huamkhak District te ah bawltheih ding hi. Hiai Rural Business Hub (RBH) bel tualsuak khutsiam thilbawl, haichi leh theihgah tuamtuamte processing bawlna leh zuakna mun dia zat ding hi a, hiai bawlna ding in Ministry of Panchayati Raja apan in Rs.10 Lakhs tan panpihna ngahtheih ding hi. Lunglutna neite’n thuchian kimzaw website: www.rbh.in ah ngahtheih ding hi.
Pensionerte lemlak sunzom
Lamka Dec 07: Pensioner teng data/particulars teng Computerization nasep paitou zel in Treasury Office/CCpur ah tuni’n Pensioner 6te lemla uhi. Tunitan in pensioner tamzawte lemlakkhit hita a bangzah hiam lel in samta hi. Hongtung ding December 13, 2007 chiang in lemlak sunzom nawn ding uhi.
DLCC Meeting ding
Lamka Dec 07: District Level Co-ordination Committee (DLCC) in hongtung ding December 18, 2007 sun dak 12:00 in Mini Secretariat Conference Hall ah meeting nei ding uhi.
Singngat leh Behiang kikal lampi junlouh in om
Lamka Dec 07: Additional Central Assistance (ACA) nuai a Singngat leh Behiang kikal lamlian puahphat na’ng sum tamkhop hongpai pen Press Team in hoihtak in va enchian ua, himahleh lamlianpen kibawl hia, kibawllouh chih theihzohlouh khop a om hi’n va mukhia uhi. Thutut kingah dan in, Singngat leh Likhai kikal bawlna ding a Rs. 2.5 Crores hongpai mahleh lamlian melpuak kikhen lamdangna muhding vang mahmah a, hiai kikal lamlian pen muntamjaw ah suang sun himahleh alkatara a zuutlouh hi a muntamtak ah lamlian lai ah tuivung in buannawi thei mahmah a, nun khenkhat ngial lamlian lai feet 2 phial a thuk kuak in gari neu taite ading in lauhhuai mahmah hi. Mun khenkhat ah lamlian khou khanglam protection wall kibawl mahleh a ginatlou ziak in lampi toh tolhkhawm in lamlian kimkhat phial tolhkhia hi. Lamdang tak in Likhai khosung ah lamlian bangtan hiam pucca tak a bawl in om a, himahleh huaileng a sauzaw lamlai/gari lim totkhaklouhna teng ah loupa pou mitmet hi. Hiai lamlian kibawl pen apaisa August 17, 2007 in Works Minister K. Ranjit Singh, Dy. Speaker Th. Shyam Kumar Singh banah Khundrakpam MLA Th. Rakeshore Singh te banah CE (PWD) Ng.Rastrapati Singh, Add. CE (PWD) Dr. G. Tonsana Sharma, SE Ksh. Biren leh Kh. Temba Singh banah EE (150 NH) Ashok Mukherjee, NEC II a EE K. Prem Kumar banah, EE (PWD)/CCpur V. Vungsuanmang leh Official tamtak etkhiatna vanei uhi. Hiai ni a Works Minister in thuthaksaite ma a athugenna hun ah nasemtute’n a nasep ua gin-omlou a ginalou/sub standard tak a nasem a omleh kuapeuh huchibang mite/nasemtute theisak ding in ngen a huchibang mite tung a action lading ahihdan gen in nasep enkhia a zinna ah lampi ginatlouh ziak a mipi’n haksatna tamtak tuak uh ahihdan mukhia a hehpih ahihdan huai ni’n press te mai ah gen hial hi. Hiai Singngat leh Behiang kikal lampi ahiding bangtak a puahlouh ahihziak in huai bial a mipite’n haksatna lianpi thuak ua, tuuktui luanlai in Shaktiman lou gari dang luttheilou in kikawmtuahna haksat ziak in bial mipite’n nek-taak zonna haksatna lianpi tuak uh ahihdan gen uhi.
Lamka, Dec 7: Khengjang Power Sub-Station a om 3rd NH Assam Rifles ten Khengjang khua a ding in Army Civic Action programme nuai ah 1.6Kms a sau tuilong in tui zawl sak in tuisiang dawn ding hoihtak muta uh hi’n thutut kingah hi. Thutut kingah dan in hiai bel, Khengjang khua in kum 59 sung vingveng tuisiang dawn ding a neihlouh nung ua tua mu pan uh hi’n leng thutut kingah hi.
GBC in Comencement Service zang; Students 32 in Graduation ngah
Lamka, Dec 7: New lamka Dorcas’ Road a Grace Bible College ah tuni zinglam dak 10:30 apan in 25th Comencement Service Programme zang ua, hiai hun ah M.Div zou 21 leh B.th zou 12 te kiang ah Award certificate piak khiakna College Principal Dr. S.Langzakham in piakna nei a, Rev.L.Kham Kho Lun General Secy EBC in Graduation ngah thakte a ding in thum sakna nei hi. Hiai hun zatna Grace Bible College a Patron leh Life Member tam tak in uap ua, Geoff Pound, New Zealand Missionary to UAE in Pathian thutak gen a, aman inn sung ah nu le pate kithutuak a thugen kingaih khiat tuah chiat poimoh ahihdan gen hi. GBC a Board of Governors member T. Singneng in tuni a Graduation ngah students 33 te kiang ah kipahman in Rs. 100/- chiat pia hi. Graduation Programme zoh in HIV/AIDS toh kisai consultation nei ua, Dr. VC Pau, DAO/CCpur in sinsak hi.
Students vai paw thak dingte kichiam sak
Lamka, Dec 7: CCpur College Students Union kum 2007- 2008 sung vai paw ding a tel ching thak te tuni sunnung dak 1:30 in CCpur College Seminar Hall ah Installation & Oath-taking Programme nei uhi. LF Tusing Principal in Student Union makai thak dingte kichiam sakna nei a, maban a panlak ding dan toh kisai tup leh ngim tuamtuam a neihte gen hi.
Kawite area winter meet
Lamka, Dec 7: Kawite area winter meet 2007 Dec 10- 15, 2007 sung Kawite Football Ground ah 3-NH Assam Rifle Sponsor na in neih sawm uhi. Kawite area a khua tuamtuam 20 vel apan Club/Team 18 val tel ding ua, huai ah kipahman in Winner te kiang ah Rs. 3000/ + Certificate+ Gift, Runner te kiang ah Rs.2000/- + Certificate + Gift piak sawm uhi.
NREGS Asst Commissioner tunin hong zin lou
Lamka, Dec 7: Dr. NK Singh Asst. Commissioner NREGS Ministry of Rural Development Govt of India in Lamka khopi sung a NREGS nasepna mun tuamtuam en ding in tuni’n Lamka hong phak sawm mahleh lemtanlouhna om ziak in tuni’n hong pha theilou in zingchiang in hong pha ding hi.
Scooter in phut lum
Lamka Dec 7: Apaisa dec 5, 2007 ni a Khamkhanthang (60) h/o Sangnem of Gangpi mual, New Bazar a Scooter in a phut khak, zan in Imphal ah si hi.
Nam kal buai ziak a site panpihna
Lamka Dec 7: Naga, Kuki leh Zomi kal a kitheihsiamlouhna khenkhat ziak a si-le-mang banah, haksatna tuakte a ding in Central Government apan in Rs. 3 crores Manipur hong tung hi’n thutut kingah hi. Thutut kingah dan in, hiai toh kisai in zan in Chief Secretary ah District teng a DC teng in meeting poimohtak nei ua, DC/CCpur a tel theihlouh ziakin amah tang in Mr. Royal T. Hangzo vat el hi’n thutut kingah hi.
DC in NREGS nasep enkhia
Lamka Dec 07: National Rural Employment Guarantee Scheme (NREGS) tungtawn a innkuan khat in kumkhat sung a ni 100 kilohna neihvek ding toh kisai in mun tamtak ah nnasep pat hita a, nasep patna munte lak ah Rengkai khote nasepna mun DC/CCpur Sumant Singh, IAS in tuni’n sunnung dak 12:30 enkhia hi.
Hiai nnasepna ah Rengkai vengsung apan in Card Holder 657 te nnasepna ah kuan in Play Ground thak uh kimvel a hawkguam hahsiangna nei ua, nasemtute nitha Christmas ma ngei a pesiang vek ding in DC/CCpur in Village Authority te theisak hi. District sungah tulel in Kho 6 ah khosung a thuneihna kituh ziak in fund bangmah piak hitadihlou ua amau sung a buaina ahihvaiventheih hunchiang un bel fund piak hipan ding uh hidan in DC/CCpur pan in thukiza hi.
NFCH panpihna hawmding hunsuan
Lamka Dec 07: National Foundation for Communal Harmony, Delhi apan in Namkal buaina ziak a tagah naupangte panpihna ding sum Rs.16, 16, 400/- hongtung pen tagah naupang 177 te kiangah hongtung ding December 11, 2007 sunma dak 11:00 in Mini Secretariat, DC/CCpur office ah hawmkhiat ding chih himahleh complaint khenkhat omziak in bikhiah omlou in a hun suan in om hi. Hiai toh kisai in SDO teng toh District Committee on NFCH in hongtung ding December 18, 2007 sunnung dak 1:00 in DC’s Coference Hall ah genkhawm ding uhi.
RBH Proposal piak theih
Lamka Dec 07: Ministry of Panchayati Raj, GoI nuai ah Central Sector Scheme tungtawn in Rural Business Hub (RBH) bawlna ding in proposal piaklut theihlel hi.
Hiai RBH bel Backward Regions Grant Fund (BRGF) in a huamkhak District te ah bawltheih ding hi. Hiai Rural Business Hub (RBH) bel tualsuak khutsiam thilbawl, haichi leh theihgah tuamtuamte processing bawlna leh zuakna mun dia zat ding hi a, hiai bawlna ding in Ministry of Panchayati Raja apan in Rs.10 Lakhs tan panpihna ngahtheih ding hi. Lunglutna neite’n thuchian kimzaw website: www.rbh.in ah ngahtheih ding hi.
Pensionerte lemlak sunzom
Lamka Dec 07: Pensioner teng data/particulars teng Computerization nasep paitou zel in Treasury Office/CCpur ah tuni’n Pensioner 6te lemla uhi. Tunitan in pensioner tamzawte lemlakkhit hita a bangzah hiam lel in samta hi. Hongtung ding December 13, 2007 chiang in lemlak sunzom nawn ding uhi.
DLCC Meeting ding
Lamka Dec 07: District Level Co-ordination Committee (DLCC) in hongtung ding December 18, 2007 sun dak 12:00 in Mini Secretariat Conference Hall ah meeting nei ding uhi.
Singngat leh Behiang kikal lampi junlouh in om
Lamka Dec 07: Additional Central Assistance (ACA) nuai a Singngat leh Behiang kikal lamlian puahphat na’ng sum tamkhop hongpai pen Press Team in hoihtak in va enchian ua, himahleh lamlianpen kibawl hia, kibawllouh chih theihzohlouh khop a om hi’n va mukhia uhi. Thutut kingah dan in, Singngat leh Likhai kikal bawlna ding a Rs. 2.5 Crores hongpai mahleh lamlian melpuak kikhen lamdangna muhding vang mahmah a, hiai kikal lamlian pen muntamjaw ah suang sun himahleh alkatara a zuutlouh hi a muntamtak ah lamlian lai ah tuivung in buannawi thei mahmah a, nun khenkhat ngial lamlian lai feet 2 phial a thuk kuak in gari neu taite ading in lauhhuai mahmah hi. Mun khenkhat ah lamlian khou khanglam protection wall kibawl mahleh a ginatlou ziak in lampi toh tolhkhawm in lamlian kimkhat phial tolhkhia hi. Lamdang tak in Likhai khosung ah lamlian bangtan hiam pucca tak a bawl in om a, himahleh huaileng a sauzaw lamlai/gari lim totkhaklouhna teng ah loupa pou mitmet hi. Hiai lamlian kibawl pen apaisa August 17, 2007 in Works Minister K. Ranjit Singh, Dy. Speaker Th. Shyam Kumar Singh banah Khundrakpam MLA Th. Rakeshore Singh te banah CE (PWD) Ng.Rastrapati Singh, Add. CE (PWD) Dr. G. Tonsana Sharma, SE Ksh. Biren leh Kh. Temba Singh banah EE (150 NH) Ashok Mukherjee, NEC II a EE K. Prem Kumar banah, EE (PWD)/CCpur V. Vungsuanmang leh Official tamtak etkhiatna vanei uhi. Hiai ni a Works Minister in thuthaksaite ma a athugenna hun ah nasemtute’n a nasep ua gin-omlou a ginalou/sub standard tak a nasem a omleh kuapeuh huchibang mite/nasemtute theisak ding in ngen a huchibang mite tung a action lading ahihdan gen in nasep enkhia a zinna ah lampi ginatlouh ziak a mipi’n haksatna tamtak tuak uh ahihdan mukhia a hehpih ahihdan huai ni’n press te mai ah gen hial hi. Hiai Singngat leh Behiang kikal lampi ahiding bangtak a puahlouh ahihziak in huai bial a mipite’n haksatna lianpi thuak ua, tuuktui luanlai in Shaktiman lou gari dang luttheilou in kikawmtuahna haksat ziak in bial mipite’n nek-taak zonna haksatna lianpi tuak uh ahihdan gen uhi.
No comments:
Post a Comment