Seat 1 Rs. 500/- in ngah theih ding
Lamka, Dec 10: Siamsinpawlpi Diamond Jubilee Long Celebration Grand Finale January 11&12, 2008 in CCpur Govt. College Campus ah kizang ding a, tua hun ah Siamsinpawlpi ngainatute a ding in Special Seat kibawl hi.
SSPP in hiai seat luahtu ding Noble Guest zong lel ua, SSPP ngainatu kuapeuh in Tel. Ph. No. 9436089639/9856291893/9856326406 tungtawn in ngaihven theih ding hi.
Naupang Tuitha a kia muta
Lamka Dec 11: Ramdanglam (6) s/o Lalthakhum of Saidan zan sunnung dak 2:30 vel a Saidan Leikiang a Tuitha lui a kisil kia a mipin zan khua a zawn nung un tuni zinglam a si sa in mukhia uhi. Tuni’n Saidan hanmual ah vui uhi.
Post mortem bawl zawh in siluang pe khia
Lamka, Dec 11: Police apan kiza dan in Mualhoihchiang khua a 2nd Assam Rifle camp a inn bawl a nasem Headmistry Laishram Ibohanbi Singh (45) s/o L. Menjor Singh of Langthabal Lep anuai Jugali nasem in Dec. 8, 2007 nitak a, a thah tuni zinglam dak 11:30 in Dist Hospital morgue a Post mortem bawl zawh in a inn kuante kiang ah Police ten pe khia ua, tuni mah in a khua uah pua uhi.
Class-VI sim ding mi 1164 in apply
Lamka, Dec 11: JNV/Tuinom CCpur a Class VI sin ding lakna toh kisai a ZEO/CCpur office tungtawn a application form la apply mi 1164 pha in tuni’n ZEO/CCpur office in JNV/Tuinom CCpur ah pekhevekta uhi. Kum nawn Feb 10, 2008 in entrance test om ding hi.
Super Idol Contest DC/CCpur in hong
Lamka, Dec 11: Inter-Tribe Melo Artistes Manipur pawl saina nuai a Super Idol Contest tuni’n zinglam dak 11:00 in YPA Hq Hall ah DC/CCpur Mr. Sumant Singh, IAS in Chief Guest hikawm in hongkhia hi.
Aman a genna ah Indian Idol Contest toh kibang, CCpur District a neih theih a om ziak pen kipahpih mahmah ahihdan gen a, tuailai nungak leh tang valte a dia Talent zon khiakna hoihtak ahihziakin aman leng sum leh pai a poimoh zil a kithuahpih ding inleng chiam hi. Tuni a Super Idol Contest ah tribe tuamtuam apan Nungak leh tangval mi 112 tel ua, kidemna hoihtak in pai hi.
Hiai a tel ding contestant bangzah hiam in amau Sl.No. la nailou ua, tuate’n zingchiang Dec. 12, zinglam dak 10 tan a la chiat ding in theisak ua, hiai programme bel YPA Hall, Upper Lamka ah zingchiang sun dak 10:30 in kipan nawn ding hi.
Zan apan Electric gina lou mahmah
Lamka, Dec 11: Khengjang Power House apan mei pesawntu kisiak ziakin tulai in Lamka khopi sung ah electric meivak ginalou hi’n thutut kingah hi. A kisaipih department in a hoihlouhna kintak a bawl hoih kin ding in press ah thutut tamtak kingah hi.
Koite area Sport meet kipan
Lamka Dec 11: Koite area a khua tuamtuam 19 val ah tuni’n 3rd Assam Rifle te saina nuai ah Koite Area Foot ball Sport meet 2007 tuni zinglam dak 11:00 in Col. Coj Tari CO/3rd AR Chief Guest apang in hong hi. Tuni a kimawlna ah Koite leh Gamnuom kimawl ua, Koite in goal 3, Gamnuom in goal 1, Pallen leh Mongjang kimawl in Pallen in goal 2, Mongjang in goal 4, leh Bungjol leh Jangnuamphai kimawl in Jangnuamphai in goal 1, Bungjol 0 in gen uhi.
EBC Khawmpi kizou YCO Golden Jubilee kipan
Lamka, Dec 11: Evangelical Baptist Convention (EBC) kumsim khawmpi lian 59 veina Dec 8, 2007 nitak apan New Lamka Hebron EBC Biak inn Compound a neih uh tu nitak in zou siang uhi. India Gamsung sung pumpi ah EBC saptuam omna khua 154 pha a, huai ah inn 8356 om in, Biak inn 142 nei ua, Saptuam milip 49957 pha hi. Pastor sem lai 66 om lel in Upa ordain 586 pha in EBC saptuam mi Bible Training zousa 195 leh Training lel 153 om hi. Tuni tak in Upa pension 11 te kiang ah pahtaknalai leh sum tamlou piak a ban uah Khawmpi lian vaisai ding in tel uhi.
EBC kumsim khawmpi 60na a vaisai ding Business Chairman- Upa Dr. G. Chinkholian, Vice Upa L. Khamzachin, Recording Secretary Upa Dr. J. Songoukham, Asst. Rec. Upa Dr. L. Chinzakham telching ua, Director post khat awng a ding in Mimbung DS semlel Rev. G. Paukhanmang telching in om a, District Supdt. Post khat awng luahtu ding in Rev. K. Kamchinkhup telching in om ua, DS post ding bel tunung chiangin puankhiak hiding hi.
Huai lou in Evangelical Organization (EOC) nuai a Women Christian Organization (WCO) leh Young Christian Organization (YCO) Golden Jubilee lawpna Dec 12 to 16, 2007 sung Mata EOC Biak inn ah nei ding uhi. Hiai hun ah thugenpi in Rev. Dr. Th Lamboi Vaiphei, Rev Dr. Kh. Khaizakham leh Rev. Dr. Lalpi Vaiphei te pang ding uhi. Resource Person in Rev S. Prim vaiphei, Rev Lalrosiem Songate leh Vanessa T. Vaiphei te pang ding ua, tuabanah, guest speaker ding in Rev. Ehrman, Mrs. Lucy Engzadim leh Rev. Joel Kime te pang ding uhi.
Khawpi sung nasatak in siang tuan
Lamka, Dec 11: NREGS nuai a Job Card tungtawn a nasepna pailel ziakin khopi sung leh pua siangthou tuan mahmah a, maban a suzop zel leh tunung sawtlou in Lamka khopi sung etlawm mahmah ding hi’n press ah thutut tamtak kingah hi.
Thutut kingah dan in, hiai nasepna Govt. a Deptt. tuamtuam in enkai a vuahzuk chiang a buannawilou dia panlak zui dan om thei leh deihhuai mahmah ding hi’n leng thutut kingah hi.
Thai Boxer 4 kuan ding
Lamka, Dec 11: 8th National Muaythai championship kituhna December 27-31, 2007 sung Kormangala Indoor Stadium, Bangalore a om ding ah Churachandpur District Muaythai Assn. apan Boxer 4 kuan ding uh hi’n thutut kingah hi.
Hiai a kuan dingte bel, Hengousang, Light Middle Weight, Kamkhomang, Welter Weight, Lunkhohao, Bantam Weight, D. Sonlenmang 40-42 category hi uhi.
Workshop on Peace Building
Lamka, Dec 11: CCpur District Christian Goodwill Council leh Shalom Peace Building Inst., Imphal te saina in zingchiang December 12-14, 2007 Workshop on Peace Building, kichi Eden Huan a om Upa H. Nengsong inn ah sai ding uhi.
Hiai toh kisai thutut kingah dan in, hiai toh kisai in saptuam pawl tuamtuam 18 in a tel dingte min pelut nailou ua, tuate’n zingchiang Dec. 12 sun dak 12 tan in hiai mun ah piaklut theih ding hi.
Hangkhanpau MLA in uap ding
Lamka Dec 11: Paite Tribe Council, Lungthul Block in December 13, 2007 chiang in YPA Hall, Suangdoh ah ‘Block Conference-cum- Cultural Meet 2007’ nei ding uhi. Hiai hun ah Bialtu MLA Mr. T. Hangkhanpau in Chief Guest hihna toh uap ding a, PTC HQ President Mr. T. Singneng leh PTC HQ Fin. Secy. Mr. L. Pumzanang te’n Functional President leh Guest of Honour hihna toh uap ding uhi.
SUNNA
N. Damzagou (55) s/o (L) N. Tualchin of Bungmual Zo-ar veng hun sawttak Zunkhum leh natna tuamtuam ziak a ki en kol dam zou lou in tuni taklam dak 5:00 vel in si a, Zingchiang in Bungmual hanmual ah kivui ding hi.
AICC Gen. Secy. NE incharge Prithivi Raj Chauhan Imphal hong tung
Chief Minister leh minister dangte leng hongtung
IMPHAL DEC 11: Manipur Chief Minister khenkhiak ding thu toh kisai a Congress MLA te kal a kikan tuahna om toh kisai enkai ding in AICC a General Secretary, North East incharge leh PMO a attach a om Union Minister of State Prithivi Raj Chauhan tuni sunnung dak 2 vel in Jet Airways in Imphal Tulihal airport hongtung hi. Amah Imphal Airport hongtun phet in MPCC President Gaikhangam leh PDA Chairman Dr. Kh. Loken ten ana vaidawn ua, tua apat Raj Bhavan ah tailut ngal hi.
Hichibang kal ah, Prithvi Raj Chauhan in tutung Imphal hong phakna hun a, state govt. in developmental works tuamtuam aneihte enkhe ding chih ahih mah bangin, tuni nitaklam dak 4 vel in, Union Health & Family Welfare etkawlna nuai a om, Regional Institute of Medical Sciences dinmun leng etkhiakna vanei hi.
Thutut kingah dan in Prithvi Raj Chauhan in tunitak in Raj Bhavan ah Dissident Congress MLA te kimuhpihna nei masa dinga, zingchiangin CM O.Ibobi Singh makaihte kimuhpihna neinawn in, tuazoh chiangin a lang nih tuak un Delhi a kikma in kimuhpih khom lai ding hidan in leng kigen hi. Dissident leh ruling lam apat palaiten Chauhan kimuhpihna aneih hun ua kam a gen chauh hilou, representation leng pelut ding ua gintak ahi.
Hichibangkal ah, dissident MLA ten Lamphel a MLA L.Nandakumar tenna official quarter ah zan nitak in dak 10 tan meeting nei ua, tuahun ah Priithvi Raj Chauhan kimuhpih hun chianga O.Ibobi Singh khenkhiak a sawmna ziakte Prithvi Ra Chauhan kiang a gen dan ding kikupna nei uhi.
Tuabangkal ah, Prithvi Raj Chauhan hong hoh ding ziakin, tuni zinglam in Chief Minister O. Ibobi Singh leh Power minister Phungzathang Tonsing te leng Delhi apat Imphal hongtung uhi.
Congress Legislature Party leader khenkhiak ding leh dinglouh bel, Chauhan Delhi atun kik zoh chia AICC high command a report apiak ah kinga dinga, huaiziakin tuban ni 2/3 sunga Congress sung buaina thuchian theih hita dinga gintak ahi.
Faith Home, Paite Veng winter vocation
IMPHAL DEC 11: Imphal Paite Veng a om, Faith Home a naupangte Winter Vacation Class VII (seven) tan ate zingchiang Dec 12 in khah ding uhi. Amau Imphal apat Lamka zuan in zinglam dak 11 in kipankhe ding ua, kuapeuh naupangte sungkuan/guardian ten
Lamka Police station kong, Tongluang Enterprises kong leh New Lamka a N.Tawna Inn konga naupangte ana dawn dingin, Faith Home thuneitute apat theihsakna om hi.
Imphal East DC in recruitment rally hongkhia
IMPHAL DEC 11: Tuni apat ni 6 sung daihding Army recruitment rally Pangei, Imphal East a Manipur Police Training School (MPTS) ah patkhiak in om hi. Hiai recruitment rally honkhiakna Imphal East DC Y.Thamkishore IAS in nei a, tuni’n Imphal West
leh East district apat tuailai asang asimten kilahna nei uhi. Hiai hun a DC/IE in agenna ah, tutung a army recruitment rally in Manipur a tuailai sepna neiloute a ding in hamphatna tamtak tun ding ahihdan gen hi.
Nupee Lal Day zatna om ding
IMPHAL DEC 11: Manipur govt. saina nuai ah December 12, 2007 zinglam dak 9 in Nupee Lal Memorial Complex, Imphal ah State level Nupee Lal Day 2007 zatna om ding a, hiai hun ah khuallian in Chief minister O. Ibobi Singh leh President in Education
minister L. Jeyantakumar Singh te pang ding uhi.
Hiai hun zatna ah, Nupee Lal movement a hinna mansuah freedom fighter te zahna in pak vui piakna leng om dinga, Joint Artistes of Nupee Lal Memorial Association leh Nupee Lal & Khongjom War Memorial Society ten Nupee Lal Drama lahna leng nei ding uhi.
Tukum a Nupee Lal Day zatna Manipur sunga mun tuamtuam 16 vel ah civil society tuamtuam saina inleng neih hiding hi.
Nupee Lal kichi nihvei 1904 leh 1939 in a na om ngeita a, Nupee Lal thumna ding bel, Manipur a AFSPA 1958 pansan a security force te gamtat khengvalte douna leh maituahna hidan in leng numei pawl tuamtuam apat palaiten gen uhi.
Minorities Awareness programme
IMPHAL DEC 11: Manipur govt. nuai a Manipur State Minorities Commission leh All Manipur Minorities Forum te saina nuai ah, December 12, 2007 zinglam dak 11 in Lilong Higher Secondary Madrassa ah 'Minorities awareness Programme' zatna om ding hi.
Hiai hun ah khuallian, President leh Guest of honour dingin, Md.Hellaluddin Khan MLA, Helim Choudhury IAS (retd) Chairperson Manipur State Minorities commission, J.S.Wahidur Rahman, Secretary MSMC leh Kh. Borkeshor Singh Chairman, NCUI te pang ding uhi.
Hiai programme ah, minorities community ten state leh center apat developmental project/programme leh scheme a neihte uh tungtang genkhawm ding uhi.
Prithivi Raj Chauhan in Th. Debendra leh Dr. Meinya sam
Imphal, Dec-11: Manipur Pradesh Congress sung a Leadership khekna ding toh kisai a kikantuahna omte enkha ding a hong kuan AICC North East incharge Prithivi Raj Chauhan in tunitak in Dissident Leader Mr. Th. Debendra singh, Inner Manipur MP Dr. Meinya leh Speaker, Hotel Imphal ah sam in kimuhpih hi.
Tuabangkal ah, Manipur Chief Minister hihna lenlel Shri O. Ibobi singh leng tunitak mah in ama Bungalow ah sam in kimuhpih ngal a, himahleh bangtan houlim uh hiam chih bel kitheilou hi.
Assam Rifles DG in Manipur hong pha
Imphal, Dec-11: Assam Rifles a DG Lt. Gen. Paramjit, ni 3 sung om ding in tuni’n Manipur hong pha a, amah Manipur a a om sung in Myanmar toh gamgi zul a Manipur phaijang helpawlte tung a operation pailel enkai ding hi’n thutut kingah hi.
NSCN IM makai tamtak London lenglut
House of Common a MP te mai ah thugenna nei
Dimapur, Dec 11(NNN): Nagalim adia helpawl lianpen leh North East helpawl kumlui pen National Socialist Council of Nagalim- Isak Muivah (NSCN – IM) makai tamtak in Indo-Naga Peace Talks a neih uh tangtun teitei sawm in, global campaign a pat uh lohchingtou zel in, kha lui in United States of America vehna nei ua, huai apan tuni in London zuan in lengkhia ua, Airport ah NSCN IM Foreign Secretary makaih in vaidawnna nei uhi.
NSCN IM makaite London a tun uh toh kiton in, Airport ah official tamtak in vaidawn ua, huai zoh in Britain Parliament ah tonpih lut in om ua, Steering Committee Secretary NSCN IM Rh Raising in MP te mai ah thugenna nei in, Nagate gimthuakna naktak in tangkoupih hi. Thusuak in agendan in, Westminster a om House of Parliament ah Raising in thugenna nei a, British mipite’n Indo-Naga problem (thubuai) sukveng pih ding in ngen hi. Steering Committee kichi ahihleh, NSCN IM adia committee sangpen pen ahi hi.
Khalui in NSCN IM Chief of Army Staff lui VS Atem makaih in NSCN IM delegate tamtak in America gamsung mun tuamtuam ah campaign naktak in bawl uhi. NSCN-IM nuai a Ministry of Publicity thusuak in ataklatna ah, International Human Rights Day leng House of Parliament, Westminster London ah zang ua, huai hun ah NSCN IM makai tamtak in uap ahihdan taklang uhi.
RH Raising in Britain MP te ma a thugenna aneihna ah, 1832 kum in British sepaihte’n thagum in Naga country luahkhum ua, kum 48 sung vingveng Nagate’n British sepaihte nohkhiak tum in sisan-naisan ana suah uh ahihdan taklang a, tuanung 14th Aug. 1947 apan Nagate gam teng India in thuneihna lakkhum nawn in, tuni tan dong India te vaihawmna nuai ah Nagate zawngkhal den uh ahi chi hi. 14th August 1947 apan Nagate’n India vaihawmna nuai ah haksatna thupitak ana tuak ua, amaute sal apan suakta sak thei ding in Britain te poimoh mahmah ua, MP te’n kithuahpihna pe chiat ding in RH Raising in MP te mai ah chouna leh chialpi bawl hi. Nagate’n kum tamtak mai suahtakna leh zalenna deih in kiphinna nei ua, mihing luang tamtak kikhamta ahihman in, Britain MP te’n theisiam a Nagate maban ding gelpih ding in NSCN IM in ngetna nei uhi.
Mautam toh kisai seminar om
Aizawl, Dec 11(NNN): Mizoram khopi Aizawl ah tuni in Mautam Famine cum 32nd MAESA General Conference kichi neih in om a, huai hun ah, Mizoram Agriculture Executive Service Association (MAESA) member teng tel in official tamtak in uap uhi. Agriculture Conference Hall a hiai hun zatna om a, P Bhattacharjee, Director state Agriculture Department in Chief Guest hihna toh uap hi.
Chief Guest in agenna ah, Mautaam ziakin Mizoram mipi buai ding ahihdan kum 5 paisa apan muhkholh a om ahihdan gen in, tuni chiang in zusa leh ganhing tuamtuam in buh le baal piang sunsunte ne gaita ahihman in, mipi adia patauhlouh theihlouh ahihdan gen a, kuapeuh in Agriculture Department kithuahpihna pechiat ding in ngen hi. Agriculture Department in ahihleh, oil palm industry bawlkhiak sawm in pan naktak in la ua, tuabanah, kumnawn chiang a haichi pichingtak a piansak teitei tum in tulai in pan naktak in lal lel uh hi’n kigen hi. James Lalsiamliana, DAO in Mautaam seminar ah Resource Person hihna len in, Mautaam ziak a mipi thuak ding dan leh huai apan kiven ding dan tuamtuam sinsak hi.
MAMCO in siing toh kisai buaina omlou chi
Aizawl Dec 11(NNN): Mizoram Agriculture Marketing Corporation Limited (MAMCO) thusuak in tuni a agendan in, Engineers India Research Institute toh siing kileituah ding chi a suai akaih uh buaina tuamtuam om kichi pen zuauthu ahihdan taklang ua, MAMCO in siing leina leh zuakkhiakna ah bangmah haksatna tuaklou uh ahi chi uhi.
MAMCO Managing Director Ngurhuzauva in ataklatna ah, MAMCO leh EIRI in November 22 2006 in kilemna suaikai ua, hiai tungtang ah mi khenkhat in MAMCO suk zahlak sawm in pan naktak in la ua, siing lei ding in EIRI kimanlou ahihdan tanpha taklang in, thu tuamtuam veek ua, himahleh, MAMCO leh EIRI kal ah, buaina bangmah omlou in nasep lamzang mahmah ahi chi uhi.
University buaina thu genkhawm
Guwahati, Dec 11(NNN): Guwahati University buaina thu tuni in Vice Chancellor makaih in University campus ah genkhawmna om a, huai ah Post Graduate students' Union (PGSU), Law College Students' Union leh official tamtak kihel uhi.
Thusuak in agenna ah, zan nitak in PGSU leh law college students union kal ah kitheihsiamlouhna liantak piang in, kihon sual ua, huai ah student 6 in liam uhi. Police te’n buaina mun kintak in va delh kei le uh siluang bangzah hiam kikham hial ding in gen uhi. Zan nitak dak 8.30 pm in MBA Student Manas Pratim Dutta leh Law student Avijit Sarma buai ua, huai in masawn zel in, nitak in kihon sualna tanpha piang hi’n kigen hi. Hiai thu ziak in tuni in University campus khak in om a, VC makaih in kilemna bawl in om mahleh, settak taktak hiding hiam chih bel gintak huai lou hidan in student tamtak in gen uhi.
Naga Unification toh kisai in Sema mipi’n Public Meeting nei
Dimapur, Dec-11(NNN): Naga nam sung a nam lian mahmahte lak a khat Sema (Sumi) kichite’n tuni’n Dimapur Sport Compex ah Public meeting nei in Nagate kigawmna ding toh kisai in thukhun bangzah hiam puangkhia uhi.
Thusuakin a taklatna ah, hiai Unification Movement zom utlou Sema Naga sung a a omleh Sema apan nohkhiak ding, Nagaland Gaon Buras (GBs) leh Dobashis (DBs) te panlakna a kal paita a Naga helpawlte lak a Hiamkham thukhun point 5 puan a om pen full support piak ding chihte ah kithukimna khauhtak bawl uhi. Hiai hun speaker in a genna ah, tup kibang, louma kibang selung tuaklou a om ziakin mihing hinna tamtak mangthangta ahihdan taklang hi. Hiai public meeting bel Rev. Pughoto Aye leh Hukavi T.Yepthomi te makaihna nuai a neih a om hi’n leng thusuak in taklang hi.
www.zogam.com
Lamka, Dec 10: Siamsinpawlpi Diamond Jubilee Long Celebration Grand Finale January 11&12, 2008 in CCpur Govt. College Campus ah kizang ding a, tua hun ah Siamsinpawlpi ngainatute a ding in Special Seat kibawl hi.
SSPP in hiai seat luahtu ding Noble Guest zong lel ua, SSPP ngainatu kuapeuh in Tel. Ph. No. 9436089639/9856291893/9856326406 tungtawn in ngaihven theih ding hi.
Naupang Tuitha a kia muta
Lamka Dec 11: Ramdanglam (6) s/o Lalthakhum of Saidan zan sunnung dak 2:30 vel a Saidan Leikiang a Tuitha lui a kisil kia a mipin zan khua a zawn nung un tuni zinglam a si sa in mukhia uhi. Tuni’n Saidan hanmual ah vui uhi.
Post mortem bawl zawh in siluang pe khia
Lamka, Dec 11: Police apan kiza dan in Mualhoihchiang khua a 2nd Assam Rifle camp a inn bawl a nasem Headmistry Laishram Ibohanbi Singh (45) s/o L. Menjor Singh of Langthabal Lep anuai Jugali nasem in Dec. 8, 2007 nitak a, a thah tuni zinglam dak 11:30 in Dist Hospital morgue a Post mortem bawl zawh in a inn kuante kiang ah Police ten pe khia ua, tuni mah in a khua uah pua uhi.
Class-VI sim ding mi 1164 in apply
Lamka, Dec 11: JNV/Tuinom CCpur a Class VI sin ding lakna toh kisai a ZEO/CCpur office tungtawn a application form la apply mi 1164 pha in tuni’n ZEO/CCpur office in JNV/Tuinom CCpur ah pekhevekta uhi. Kum nawn Feb 10, 2008 in entrance test om ding hi.
Super Idol Contest DC/CCpur in hong
Lamka, Dec 11: Inter-Tribe Melo Artistes Manipur pawl saina nuai a Super Idol Contest tuni’n zinglam dak 11:00 in YPA Hq Hall ah DC/CCpur Mr. Sumant Singh, IAS in Chief Guest hikawm in hongkhia hi.
Aman a genna ah Indian Idol Contest toh kibang, CCpur District a neih theih a om ziak pen kipahpih mahmah ahihdan gen a, tuailai nungak leh tang valte a dia Talent zon khiakna hoihtak ahihziakin aman leng sum leh pai a poimoh zil a kithuahpih ding inleng chiam hi. Tuni a Super Idol Contest ah tribe tuamtuam apan Nungak leh tangval mi 112 tel ua, kidemna hoihtak in pai hi.
Hiai a tel ding contestant bangzah hiam in amau Sl.No. la nailou ua, tuate’n zingchiang Dec. 12, zinglam dak 10 tan a la chiat ding in theisak ua, hiai programme bel YPA Hall, Upper Lamka ah zingchiang sun dak 10:30 in kipan nawn ding hi.
Zan apan Electric gina lou mahmah
Lamka, Dec 11: Khengjang Power House apan mei pesawntu kisiak ziakin tulai in Lamka khopi sung ah electric meivak ginalou hi’n thutut kingah hi. A kisaipih department in a hoihlouhna kintak a bawl hoih kin ding in press ah thutut tamtak kingah hi.
Koite area Sport meet kipan
Lamka Dec 11: Koite area a khua tuamtuam 19 val ah tuni’n 3rd Assam Rifle te saina nuai ah Koite Area Foot ball Sport meet 2007 tuni zinglam dak 11:00 in Col. Coj Tari CO/3rd AR Chief Guest apang in hong hi. Tuni a kimawlna ah Koite leh Gamnuom kimawl ua, Koite in goal 3, Gamnuom in goal 1, Pallen leh Mongjang kimawl in Pallen in goal 2, Mongjang in goal 4, leh Bungjol leh Jangnuamphai kimawl in Jangnuamphai in goal 1, Bungjol 0 in gen uhi.
EBC Khawmpi kizou YCO Golden Jubilee kipan
Lamka, Dec 11: Evangelical Baptist Convention (EBC) kumsim khawmpi lian 59 veina Dec 8, 2007 nitak apan New Lamka Hebron EBC Biak inn Compound a neih uh tu nitak in zou siang uhi. India Gamsung sung pumpi ah EBC saptuam omna khua 154 pha a, huai ah inn 8356 om in, Biak inn 142 nei ua, Saptuam milip 49957 pha hi. Pastor sem lai 66 om lel in Upa ordain 586 pha in EBC saptuam mi Bible Training zousa 195 leh Training lel 153 om hi. Tuni tak in Upa pension 11 te kiang ah pahtaknalai leh sum tamlou piak a ban uah Khawmpi lian vaisai ding in tel uhi.
EBC kumsim khawmpi 60na a vaisai ding Business Chairman- Upa Dr. G. Chinkholian, Vice Upa L. Khamzachin, Recording Secretary Upa Dr. J. Songoukham, Asst. Rec. Upa Dr. L. Chinzakham telching ua, Director post khat awng a ding in Mimbung DS semlel Rev. G. Paukhanmang telching in om a, District Supdt. Post khat awng luahtu ding in Rev. K. Kamchinkhup telching in om ua, DS post ding bel tunung chiangin puankhiak hiding hi.
Huai lou in Evangelical Organization (EOC) nuai a Women Christian Organization (WCO) leh Young Christian Organization (YCO) Golden Jubilee lawpna Dec 12 to 16, 2007 sung Mata EOC Biak inn ah nei ding uhi. Hiai hun ah thugenpi in Rev. Dr. Th Lamboi Vaiphei, Rev Dr. Kh. Khaizakham leh Rev. Dr. Lalpi Vaiphei te pang ding uhi. Resource Person in Rev S. Prim vaiphei, Rev Lalrosiem Songate leh Vanessa T. Vaiphei te pang ding ua, tuabanah, guest speaker ding in Rev. Ehrman, Mrs. Lucy Engzadim leh Rev. Joel Kime te pang ding uhi.
Khawpi sung nasatak in siang tuan
Lamka, Dec 11: NREGS nuai a Job Card tungtawn a nasepna pailel ziakin khopi sung leh pua siangthou tuan mahmah a, maban a suzop zel leh tunung sawtlou in Lamka khopi sung etlawm mahmah ding hi’n press ah thutut tamtak kingah hi.
Thutut kingah dan in, hiai nasepna Govt. a Deptt. tuamtuam in enkai a vuahzuk chiang a buannawilou dia panlak zui dan om thei leh deihhuai mahmah ding hi’n leng thutut kingah hi.
Thai Boxer 4 kuan ding
Lamka, Dec 11: 8th National Muaythai championship kituhna December 27-31, 2007 sung Kormangala Indoor Stadium, Bangalore a om ding ah Churachandpur District Muaythai Assn. apan Boxer 4 kuan ding uh hi’n thutut kingah hi.
Hiai a kuan dingte bel, Hengousang, Light Middle Weight, Kamkhomang, Welter Weight, Lunkhohao, Bantam Weight, D. Sonlenmang 40-42 category hi uhi.
Workshop on Peace Building
Lamka, Dec 11: CCpur District Christian Goodwill Council leh Shalom Peace Building Inst., Imphal te saina in zingchiang December 12-14, 2007 Workshop on Peace Building, kichi Eden Huan a om Upa H. Nengsong inn ah sai ding uhi.
Hiai toh kisai thutut kingah dan in, hiai toh kisai in saptuam pawl tuamtuam 18 in a tel dingte min pelut nailou ua, tuate’n zingchiang Dec. 12 sun dak 12 tan in hiai mun ah piaklut theih ding hi.
Hangkhanpau MLA in uap ding
Lamka Dec 11: Paite Tribe Council, Lungthul Block in December 13, 2007 chiang in YPA Hall, Suangdoh ah ‘Block Conference-cum- Cultural Meet 2007’ nei ding uhi. Hiai hun ah Bialtu MLA Mr. T. Hangkhanpau in Chief Guest hihna toh uap ding a, PTC HQ President Mr. T. Singneng leh PTC HQ Fin. Secy. Mr. L. Pumzanang te’n Functional President leh Guest of Honour hihna toh uap ding uhi.
SUNNA
N. Damzagou (55) s/o (L) N. Tualchin of Bungmual Zo-ar veng hun sawttak Zunkhum leh natna tuamtuam ziak a ki en kol dam zou lou in tuni taklam dak 5:00 vel in si a, Zingchiang in Bungmual hanmual ah kivui ding hi.
AICC Gen. Secy. NE incharge Prithivi Raj Chauhan Imphal hong tung
Chief Minister leh minister dangte leng hongtung
IMPHAL DEC 11: Manipur Chief Minister khenkhiak ding thu toh kisai a Congress MLA te kal a kikan tuahna om toh kisai enkai ding in AICC a General Secretary, North East incharge leh PMO a attach a om Union Minister of State Prithivi Raj Chauhan tuni sunnung dak 2 vel in Jet Airways in Imphal Tulihal airport hongtung hi. Amah Imphal Airport hongtun phet in MPCC President Gaikhangam leh PDA Chairman Dr. Kh. Loken ten ana vaidawn ua, tua apat Raj Bhavan ah tailut ngal hi.
Hichibang kal ah, Prithvi Raj Chauhan in tutung Imphal hong phakna hun a, state govt. in developmental works tuamtuam aneihte enkhe ding chih ahih mah bangin, tuni nitaklam dak 4 vel in, Union Health & Family Welfare etkawlna nuai a om, Regional Institute of Medical Sciences dinmun leng etkhiakna vanei hi.
Thutut kingah dan in Prithvi Raj Chauhan in tunitak in Raj Bhavan ah Dissident Congress MLA te kimuhpihna nei masa dinga, zingchiangin CM O.Ibobi Singh makaihte kimuhpihna neinawn in, tuazoh chiangin a lang nih tuak un Delhi a kikma in kimuhpih khom lai ding hidan in leng kigen hi. Dissident leh ruling lam apat palaiten Chauhan kimuhpihna aneih hun ua kam a gen chauh hilou, representation leng pelut ding ua gintak ahi.
Hichibangkal ah, dissident MLA ten Lamphel a MLA L.Nandakumar tenna official quarter ah zan nitak in dak 10 tan meeting nei ua, tuahun ah Priithvi Raj Chauhan kimuhpih hun chianga O.Ibobi Singh khenkhiak a sawmna ziakte Prithvi Ra Chauhan kiang a gen dan ding kikupna nei uhi.
Tuabangkal ah, Prithvi Raj Chauhan hong hoh ding ziakin, tuni zinglam in Chief Minister O. Ibobi Singh leh Power minister Phungzathang Tonsing te leng Delhi apat Imphal hongtung uhi.
Congress Legislature Party leader khenkhiak ding leh dinglouh bel, Chauhan Delhi atun kik zoh chia AICC high command a report apiak ah kinga dinga, huaiziakin tuban ni 2/3 sunga Congress sung buaina thuchian theih hita dinga gintak ahi.
Faith Home, Paite Veng winter vocation
IMPHAL DEC 11: Imphal Paite Veng a om, Faith Home a naupangte Winter Vacation Class VII (seven) tan ate zingchiang Dec 12 in khah ding uhi. Amau Imphal apat Lamka zuan in zinglam dak 11 in kipankhe ding ua, kuapeuh naupangte sungkuan/guardian ten
Lamka Police station kong, Tongluang Enterprises kong leh New Lamka a N.Tawna Inn konga naupangte ana dawn dingin, Faith Home thuneitute apat theihsakna om hi.
Imphal East DC in recruitment rally hongkhia
IMPHAL DEC 11: Tuni apat ni 6 sung daihding Army recruitment rally Pangei, Imphal East a Manipur Police Training School (MPTS) ah patkhiak in om hi. Hiai recruitment rally honkhiakna Imphal East DC Y.Thamkishore IAS in nei a, tuni’n Imphal West
leh East district apat tuailai asang asimten kilahna nei uhi. Hiai hun a DC/IE in agenna ah, tutung a army recruitment rally in Manipur a tuailai sepna neiloute a ding in hamphatna tamtak tun ding ahihdan gen hi.
Nupee Lal Day zatna om ding
IMPHAL DEC 11: Manipur govt. saina nuai ah December 12, 2007 zinglam dak 9 in Nupee Lal Memorial Complex, Imphal ah State level Nupee Lal Day 2007 zatna om ding a, hiai hun ah khuallian in Chief minister O. Ibobi Singh leh President in Education
minister L. Jeyantakumar Singh te pang ding uhi.
Hiai hun zatna ah, Nupee Lal movement a hinna mansuah freedom fighter te zahna in pak vui piakna leng om dinga, Joint Artistes of Nupee Lal Memorial Association leh Nupee Lal & Khongjom War Memorial Society ten Nupee Lal Drama lahna leng nei ding uhi.
Tukum a Nupee Lal Day zatna Manipur sunga mun tuamtuam 16 vel ah civil society tuamtuam saina inleng neih hiding hi.
Nupee Lal kichi nihvei 1904 leh 1939 in a na om ngeita a, Nupee Lal thumna ding bel, Manipur a AFSPA 1958 pansan a security force te gamtat khengvalte douna leh maituahna hidan in leng numei pawl tuamtuam apat palaiten gen uhi.
Minorities Awareness programme
IMPHAL DEC 11: Manipur govt. nuai a Manipur State Minorities Commission leh All Manipur Minorities Forum te saina nuai ah, December 12, 2007 zinglam dak 11 in Lilong Higher Secondary Madrassa ah 'Minorities awareness Programme' zatna om ding hi.
Hiai hun ah khuallian, President leh Guest of honour dingin, Md.Hellaluddin Khan MLA, Helim Choudhury IAS (retd) Chairperson Manipur State Minorities commission, J.S.Wahidur Rahman, Secretary MSMC leh Kh. Borkeshor Singh Chairman, NCUI te pang ding uhi.
Hiai programme ah, minorities community ten state leh center apat developmental project/programme leh scheme a neihte uh tungtang genkhawm ding uhi.
Prithivi Raj Chauhan in Th. Debendra leh Dr. Meinya sam
Imphal, Dec-11: Manipur Pradesh Congress sung a Leadership khekna ding toh kisai a kikantuahna omte enkha ding a hong kuan AICC North East incharge Prithivi Raj Chauhan in tunitak in Dissident Leader Mr. Th. Debendra singh, Inner Manipur MP Dr. Meinya leh Speaker, Hotel Imphal ah sam in kimuhpih hi.
Tuabangkal ah, Manipur Chief Minister hihna lenlel Shri O. Ibobi singh leng tunitak mah in ama Bungalow ah sam in kimuhpih ngal a, himahleh bangtan houlim uh hiam chih bel kitheilou hi.
Assam Rifles DG in Manipur hong pha
Imphal, Dec-11: Assam Rifles a DG Lt. Gen. Paramjit, ni 3 sung om ding in tuni’n Manipur hong pha a, amah Manipur a a om sung in Myanmar toh gamgi zul a Manipur phaijang helpawlte tung a operation pailel enkai ding hi’n thutut kingah hi.
NSCN IM makai tamtak London lenglut
House of Common a MP te mai ah thugenna nei
Dimapur, Dec 11(NNN): Nagalim adia helpawl lianpen leh North East helpawl kumlui pen National Socialist Council of Nagalim- Isak Muivah (NSCN – IM) makai tamtak in Indo-Naga Peace Talks a neih uh tangtun teitei sawm in, global campaign a pat uh lohchingtou zel in, kha lui in United States of America vehna nei ua, huai apan tuni in London zuan in lengkhia ua, Airport ah NSCN IM Foreign Secretary makaih in vaidawnna nei uhi.
NSCN IM makaite London a tun uh toh kiton in, Airport ah official tamtak in vaidawn ua, huai zoh in Britain Parliament ah tonpih lut in om ua, Steering Committee Secretary NSCN IM Rh Raising in MP te mai ah thugenna nei in, Nagate gimthuakna naktak in tangkoupih hi. Thusuak in agendan in, Westminster a om House of Parliament ah Raising in thugenna nei a, British mipite’n Indo-Naga problem (thubuai) sukveng pih ding in ngen hi. Steering Committee kichi ahihleh, NSCN IM adia committee sangpen pen ahi hi.
Khalui in NSCN IM Chief of Army Staff lui VS Atem makaih in NSCN IM delegate tamtak in America gamsung mun tuamtuam ah campaign naktak in bawl uhi. NSCN-IM nuai a Ministry of Publicity thusuak in ataklatna ah, International Human Rights Day leng House of Parliament, Westminster London ah zang ua, huai hun ah NSCN IM makai tamtak in uap ahihdan taklang uhi.
RH Raising in Britain MP te ma a thugenna aneihna ah, 1832 kum in British sepaihte’n thagum in Naga country luahkhum ua, kum 48 sung vingveng Nagate’n British sepaihte nohkhiak tum in sisan-naisan ana suah uh ahihdan taklang a, tuanung 14th Aug. 1947 apan Nagate gam teng India in thuneihna lakkhum nawn in, tuni tan dong India te vaihawmna nuai ah Nagate zawngkhal den uh ahi chi hi. 14th August 1947 apan Nagate’n India vaihawmna nuai ah haksatna thupitak ana tuak ua, amaute sal apan suakta sak thei ding in Britain te poimoh mahmah ua, MP te’n kithuahpihna pe chiat ding in RH Raising in MP te mai ah chouna leh chialpi bawl hi. Nagate’n kum tamtak mai suahtakna leh zalenna deih in kiphinna nei ua, mihing luang tamtak kikhamta ahihman in, Britain MP te’n theisiam a Nagate maban ding gelpih ding in NSCN IM in ngetna nei uhi.
Mautam toh kisai seminar om
Aizawl, Dec 11(NNN): Mizoram khopi Aizawl ah tuni in Mautam Famine cum 32nd MAESA General Conference kichi neih in om a, huai hun ah, Mizoram Agriculture Executive Service Association (MAESA) member teng tel in official tamtak in uap uhi. Agriculture Conference Hall a hiai hun zatna om a, P Bhattacharjee, Director state Agriculture Department in Chief Guest hihna toh uap hi.
Chief Guest in agenna ah, Mautaam ziakin Mizoram mipi buai ding ahihdan kum 5 paisa apan muhkholh a om ahihdan gen in, tuni chiang in zusa leh ganhing tuamtuam in buh le baal piang sunsunte ne gaita ahihman in, mipi adia patauhlouh theihlouh ahihdan gen a, kuapeuh in Agriculture Department kithuahpihna pechiat ding in ngen hi. Agriculture Department in ahihleh, oil palm industry bawlkhiak sawm in pan naktak in la ua, tuabanah, kumnawn chiang a haichi pichingtak a piansak teitei tum in tulai in pan naktak in lal lel uh hi’n kigen hi. James Lalsiamliana, DAO in Mautaam seminar ah Resource Person hihna len in, Mautaam ziak a mipi thuak ding dan leh huai apan kiven ding dan tuamtuam sinsak hi.
MAMCO in siing toh kisai buaina omlou chi
Aizawl Dec 11(NNN): Mizoram Agriculture Marketing Corporation Limited (MAMCO) thusuak in tuni a agendan in, Engineers India Research Institute toh siing kileituah ding chi a suai akaih uh buaina tuamtuam om kichi pen zuauthu ahihdan taklang ua, MAMCO in siing leina leh zuakkhiakna ah bangmah haksatna tuaklou uh ahi chi uhi.
MAMCO Managing Director Ngurhuzauva in ataklatna ah, MAMCO leh EIRI in November 22 2006 in kilemna suaikai ua, hiai tungtang ah mi khenkhat in MAMCO suk zahlak sawm in pan naktak in la ua, siing lei ding in EIRI kimanlou ahihdan tanpha taklang in, thu tuamtuam veek ua, himahleh, MAMCO leh EIRI kal ah, buaina bangmah omlou in nasep lamzang mahmah ahi chi uhi.
University buaina thu genkhawm
Guwahati, Dec 11(NNN): Guwahati University buaina thu tuni in Vice Chancellor makaih in University campus ah genkhawmna om a, huai ah Post Graduate students' Union (PGSU), Law College Students' Union leh official tamtak kihel uhi.
Thusuak in agenna ah, zan nitak in PGSU leh law college students union kal ah kitheihsiamlouhna liantak piang in, kihon sual ua, huai ah student 6 in liam uhi. Police te’n buaina mun kintak in va delh kei le uh siluang bangzah hiam kikham hial ding in gen uhi. Zan nitak dak 8.30 pm in MBA Student Manas Pratim Dutta leh Law student Avijit Sarma buai ua, huai in masawn zel in, nitak in kihon sualna tanpha piang hi’n kigen hi. Hiai thu ziak in tuni in University campus khak in om a, VC makaih in kilemna bawl in om mahleh, settak taktak hiding hiam chih bel gintak huai lou hidan in student tamtak in gen uhi.
Naga Unification toh kisai in Sema mipi’n Public Meeting nei
Dimapur, Dec-11(NNN): Naga nam sung a nam lian mahmahte lak a khat Sema (Sumi) kichite’n tuni’n Dimapur Sport Compex ah Public meeting nei in Nagate kigawmna ding toh kisai in thukhun bangzah hiam puangkhia uhi.
Thusuakin a taklatna ah, hiai Unification Movement zom utlou Sema Naga sung a a omleh Sema apan nohkhiak ding, Nagaland Gaon Buras (GBs) leh Dobashis (DBs) te panlakna a kal paita a Naga helpawlte lak a Hiamkham thukhun point 5 puan a om pen full support piak ding chihte ah kithukimna khauhtak bawl uhi. Hiai hun speaker in a genna ah, tup kibang, louma kibang selung tuaklou a om ziakin mihing hinna tamtak mangthangta ahihdan taklang hi. Hiai public meeting bel Rev. Pughoto Aye leh Hukavi T.Yepthomi te makaihna nuai a neih a om hi’n leng thusuak in taklang hi.
www.zogam.com
No comments:
Post a Comment