ZEPADA in Mautaam toh kisai in PM kiang ah Memorandum pia
Lamka, Dec 13: Zomi Economic Planning And Development Agency (ZEPADA) in tuni in India Prime Minister kiang ah memorandum peek 29 a sahkhat pia in, huai ah Mautaam toh kisai hongpian dan leh panlak ding dan tuamtuam taklang uhi.
Memorandum in a taklatna ah, Churachandpur District sung a kialpi tunglel toh kisai PM kiang ah theihsakna pia in, 2005 apan ganhing chi tuamtuam in lou a piangkhia buhte netum gai in, tuni chiang in, ganhingte genphak hinawnlou in, kialpi lungkham huaitak tungta ahihdan gen uhi. ZEPADA in a taklatna uah, tukum a buh piangkhe dia a tuat uh 3805 MT himahleh, 87.27% in niam a, mipite ading in lungkhamna leh mangbatna tungta a, ni bangzah hiam nung in lungkhamna khimpi zing ding ahihdan gen ua, National Calamity te lak ah guang ding in Prime Minister kiang ah ngen uhi.
ZEPADA memorandum in agenbehna ah, CCpur District in antang 17388 MT a poimoh lak ah gentak louh buh piang ahihna ah District mipite ading in mangbat huailua ahihdan Prime Minister zasak ua, Churachandpur adingin kin le buang a Special Economic Package poimoh ahihdan gen ua, Mizoram in hamphatna a ngah bangbang Manipur ah leng pesam ding in thum uhi. Tuabanah, PDS antang leh hamphatna tuamtuamte Food for work tungtawn a peding in PM kiang ah ZEPADA in ngen ua, kial leh mangbang a om singtang bial a omte kiang ah gari tunglou ahihziakin, helicopter tungtawn a antang khe ding in leng PM kiang ah ngen uhi.
Village grain bank toh kisai in ZEPADA in PM kiang ah ngetna bawl in kintak a district sung ah grain bank tungkhe ding in phut ua, tuabanah, medical leh educational toh kisai ah leng centre apan kithuahpihna ngen uhi. ZEPADA in PM kiang ah kial douna ding toh kisai in, TRIFED unit khat CCpur a dinkhiak ding, Jatropha adia Spices leh Biodiesel Unit khat dinkhiak ding chih banah, solar leh Biogas plant piching khat dinkhiak ding in ngen a, tuabanah, South eastern Asian gam adia kikawmtuahna naipen ding in Silchar apan Myanmar via Behiang, Churachandpur tan rail lampi khunsuak ding in Prime Minister Dr Manmohan Singh kiang ah ngetna bawl uhi.
Hiai ngetna bel, Mr. Mani Cherenamei in NLYC saina nuai a New Lamka Cup uap a ahong hohna hunlemchang a la in amah tungtawn in pia uhi.
PCI (R) Khawmpi lian kipan ding
Lamka, Dec 13: Presbyterian Church in India, Reformed in tuni December 13, 2007 in PCI (R) Biakinn New Lamka ah khawmpi nei pan a, hiai hun ah Pastor Hiralal Solanki, Faith Presbyterian Church, New Delhi in Tanchinhoih gen ding a, December 16 nitak in zou ding uhi. Hiai hun sung in kum khat sung pai ding dan kikup khawmna leng nei ding uhi.
Suanlian Tombing in zi nei ding
Lamka, Dec 13: Mr. Suanlian Tombing s/o T. Paugou of Hebron Veng, New Lamka leh Miss Niangliandim d/o Mr. Ginzamang of Mualpi, hong tung ding December 15, 2007 zinglam dak 10 in Hebron EBCC Biakinn, New Lamka ah kiteng ding uhi. Mr. Suanlian bel Lamka Post a Daily Newspaper designer masapen ahi.
Grace Academy in 1na la
Lamka, Dec 13: 14th State Level Bharatyan Competion zanhal a Imphal a om ah Tuibuang a om Grace Academy High School in khatna la in Rs. 15,000/- sang uhi. Hiai hun ah Revenue District Jiribam leh Kangpokpi tel in team 11 kidem uhi.
Pastor Sing Taro in zi nei ding
Lamka, Dec 13: Karbi-Anglong District Assam a, EBC Missionary Pastor Sing Taro leh Ms Gousianvung d/o (L) Khupchinpau of Mata Mualtam, zingchiang December 14, 2007 sunma dak 11 in New Lamka Baptist Church (NLBC) Biakinn, Elim Veng ah kiteng ding uhi. Pastor Sing Taro bel ECC/EBC nuai a Karbi mi Pastor masapen ahi.
Hiai hun uap ding in NLBC saptuam in chialna bawl hi.
Muang Khuptong hong tung
Lamka, Dec 13: BSF a Asst. Commandant, tulel a Siliguri a om banah, Lamka Post a Honary Patron member Mr. Muang Khuptong, Christmas suti in Lamka hong tung a, February kha in kiknawn ding hi.
New Lamka Cup Final Match Outer MP in uap
Lamka, Dec 13: New Lamka Youth Club (NLYC) nuai a Tournament Board PT. Sports Compex a The Ist New Lamka Cup- 2007 a neih uh tuni sun dak 12:00 in hun khakna Final Closing Function nei ua, Mr. Mani Charenamei, Outer MP Manipur in Chief Guest hihna toh uap hi.
Mr. Mani in a genna ah, PT Sport Complex, New Lamka mun thovengtak a bawl theih ahihna ah kipahhuaisa mahmah a, tuailai kimawl lunglutte lampi hilh a nasatak panla ding in ngen a, Govt. inleng tuailaite khualna a sum tam taktak seng ahihdan gen in huaite manphatak a zat poimoh ahihdan gen a, kimawlsiamte a ding in dam sung nek ching ahihdan leng gen hi. Aman NLYC kithuahpih nang in Rs.10,000/- pia a, Football- 5 leh Volley ball 5 piak ban ah Goal net 2 pia hi.
Functional President dia chial a om T. Phungzathang Minister (Power Horti & SC) hawh theihlouh ziakin T. Kaigou pang a, Chief Host in Sumant Singh IAS DC/CCpur pang hi. New Lamka Youth Club President lenlai a si (L) G. Thangchinmang sunna leh a dangdang makai sikhinsate sunna hun leng nei uhi.
Tuni a Final kimawlna ah New Lamka United Football Club leh Sailienlung Memorial Team Rengkai kimawl ua, New Lamka United Football Club in Penalty in zou hi. Tuni a Winner te kiang ah Rs.10,000/- +Trophy+ Certificate leh Runner up te kiang ah Rs.5,000/- + Trophy piak in om uhi.
STC Annual Assembly 2007 zou
Lamka, Dec 13: Simte Tribe Council (STC) Annual Assembly -2007 zan leh tuni’n Simte Youth Organization (SYO) Hall Simveng ah nei ua, hiai hun ah STC member khaw tuamtuam apan makai tamtak pai khawm ua, Palaiten vaihawmna nei uhi.
Outer MP in Only Grace mun pha
Lamka, Dec 13: Mani Charenamei Outer MP in tuni a New Lamka PT Sport Complex a Football Final Closing function a Chief Guest apang zou a kiklam in New Lamka vengnuam a ZMA etkolna nuai a Only Grace pha ngal hi. Aman Only grace a naupang tagah kep a omte Krist mass present in sum tam lou leng pia a, aman amah level a panpih a sawm thu leng gen hi.
One Day Seminar nei
Lamka, Dec 13: 3-NH Assam Rifle Bn Hq ah tuni zinglam dak 10:00 apan One Day Seminar nei ua, huai ah Army Officer tamtak tel ua, CO- 3 Assam Rifle in sinsak hi.
Electric ginat louh pau lap 2 bawl uh Lamka, Dec 13: Lamka khawpi leh a kimvel a Electric meivak ginat louh tuni tan in ni 6/7 val bang phata a, huai pen Khengjang Power Sub Station a Part khat siat ziak leh Transformer kizang a thau (Oil) ziak hi’n thutut kingah hi.
AMDCTA tawh Govt. kilem
Lamka, Dec 13: Autonomous Dist Council (ADC) nuai a semtuten July 2007 apan kha lawh alak louh ziak ua, All Manipur Dist Council Teacher Assn.(AMDCTA) in Dec. 7, 2007 apan Pendown Strike apat uh toh kisai a Council Office leh Education Office te khak nung uh tuni’n Imphal ah Assn makaite toh Govt. in kilemna bawlta uh hi’n thutut kingah hi. Thutut kingah dan in, kilemna dung zui in July 2007 apan kha 5 lawh la thei ding uh chih LS Thangboi Ngaihte Jt. Secy AMDCTA apan thu tut kingah hi.
SDO/BDO ten Work Order pekhia
Lamka, Dec 13: CCpur Dist sung a NREGS toh kisai a khua tuamtuam a Job Card neiten NREGS nasep panta ua, huai toh kisai in SDO/BDO Office ten khua tuamtuam a Hausate kiang ah Work Order pekhe ta uhi. Khua hausa ten Master Roll a NREGS a tha kuante min gelh lut a mahni bial SDO/BDO office ah piak lut ngai ding in gen uhi.
Chauhan in capitol project a etna dissident minister ten zuilou
IMPHAL DEC 13: Congress sunga heutu leh makai O. Ibobi Singh khenkhiak sawm a panlakna om ziak a, Manipur a ni thum sung om dia hongzin, AICC General Secretary North East incharge leh PMO a MoS Prithviraj Chauhan in Manipur Governor Dr. SS. Sidhu, CM O. Ibobi Singh a tuam tuak a kimuhpih nung, zanhal leh zan tanpha a, O. Ibobi Singh gum pawl leh amah deihlou lam minister leh MLA te mimal mal akimuhpih ban ah, Congress sunga District President leh numei lamte kimuhpih nung in tuni zinglam dak 11.30 vel in Delhi zuan in kik nawnta Mr. Chauhan in Delhi zuan a akik nawn ma in, tuni zinglam dak 8 vel in, Manipur govt. in developmental project tuamtuam aneih lak a, Chingmeirong a Capitol project leh Kangla sung puahthakna te etkhiakna vanei hi. Hiai hun ah, MPCC President Gaikhangam, Chief Minister O.Ibobi Singh, minister T .N. Haokip, K. Ranjit, N. Biren, Lok Sabha MP Dr.T.Meinya, DGP Y.Joykumar, IPS, Chief Secretary Jarnail Singh IAS leh Congress MLA bangzah hiam in zuimah le uh, Dissident lam a om hia kigen, minister Th. Debendra Singh, Y. Erabot, DD. Thaisii leh Phungzathang Tonsing leh MLA ten bel Chauhan hohna zuilou uhi.
Tuzingkal a, Prithviraj Chauhan in Capitol project mun a etkhiakna hun ah, nasep zekai sak ziakin, huai nasem Simplex company leh State PWD official te kiang ah bangziaka, nasep zekai hiam chih dotna bawl hi. Hiai hun a Simplex company, State PWD leh Chief Minister O.Ibobi Singh in Chauhan dotna adawnna uah, nasepna dia vanzat tuamtuam cement leh
Sik vanzatte Guwahati lam apat puaklut ahihna ah, Nagaland sung subuaitu tuamtuam omziak leh Manipur a bandh leh economic blockade tamveitak om ziak hidan in hilhchian ua, himahleh, Chauhan bel lungkim zoulou dan a theih ahi.
CM in vanzat tuamtuamte chihlouh petroleum product tanpha a State a security escort na toh puaklut jel ahihdan leng Chauhan kiang ah hiai mun mahmah ah gen hi. Chauhan in Capitol project a etzoh in Kangla sung puahthakna te leng etkhiakna vanei a, tua hun ah Art and Culture department official ten nasepdan tuamtuam pulakna nei uhi. Hiai mun ah bel, Chauhan lungkim thou dan a theih ahi.
Tuzinga Chauhan in Capitol project leh Kangla mun aphakna hun lemchang la a, Manipur a Congress sung dinmun bangchih muh hiam chih dotna Press ten a bawl uh, Chauhan in dawng nuamlou in kihep khiaksan hi. Hiai mun ah, amah AICC General Secretary ahihna zar a Imphal hongpha ahihdan leng gen thakthak hi.
Tutung a Prithviraj Chauhan in Manipur hongphakna san, Congress sunga buaina AICC President leh Prime Minister kianga report apiak nung tukha December 19 vel a thuchian theih hidingin leng kigen hi.
Karigil Vijay Diwas
IMPHAL DEC 13: Manipur govt. saina in, India gam humbitnadia Kargil gal a hinna mansuah India sepaih te theihgigena hun, December 16, 2007 zinglam dak 10.30 in Lamphelpat a Rajya Sainik Board mun ah om ding hi.
Hiai hun ah gam leh nam a dia hinna chante zahna in pakvui piakna leh minute 2 suunna hun zatna om ding hi.
Interview hunchiam omlou in kisuan
IMPHAL DEC 13: Manipur govt. nuai a Revenue department a Revenue Inspector, Zilladar leh LDC lakna dia Interview/typing test December 14, 15 leh 16, 2007 a, SSA office, Babupara a neih ding chih himahleh, interview hun dingte hunchiam omlou a suan hidan in, Under Secretary(Rev) in Dec 10, 2007 in thusuah bawl hi.
Raj Bhavan Green hongkhia
IMPHAL DEC 13: Manipur Governor Dr. SS. Sidhu in tuni’n, Raj Bhavan huang sunga kibawl thak, Nine Hole Golf Course ‘Raj Bhavan Green’ kichi honkhiakna nei hi. Hiai honkhiak zoh in, Manipur a Counter Insurgency operation toh kisai enkhia hongzin Assam Rifle a Director General Lt.General Paramjit Singh AVSM, VSM, Inspector General Assam Rifle (South) Maj General B.K.Chengappa, 57th Mountain Division a GOC Maj General T.S.Handa, Manipur Police Wireless a Director M. Rachandra leh ADC to Governor Jimmy Thanghaulien Gangte IPS te’n kimawlna nei ngal uh chih tunin Raj Bhavan thusuak om hi.
Assam Rifle helpawl nih kaplum
IMPHAL DEC 13: Zan nitak dak 11 vel dingin, Thoubal district sung Waikhong Police station huamsung a om Elangkhangpokpi kichihna mun ah, 21 Assam Rifle ten helpawl KYKL hidia muanmoh nih kaplum uhi.
Police thusuak dan in kaplup a omte apat 9mm Pistol 2 leh atang 43, Wireless Set 2 , Sumtang Rs 16,000 val leh Motor cycle Pulsar MN 1N/0226 leng muhkhiak in om a, siluangte ahihna uh chet ding in Lilong PHC a koih hidan in leng thutut kingah hi.
Antang leh SK oil muh ding zah pedin ngen
IMPHAL DEC 13: Senapati District Students Association in tuni a thusuah a bawlna uah, NH 39 lampi Imphal apat Mao tan dinmun leh Water Reservoir bawl ding Minister leh a kisaipihte toh Dec 18, 2007 tan pichin ding chi a kihouna omsa himahleh nasep in ma sawnlou ahihdan taklang uhi.
Huailou in, Senapati district a ding Antang leh SK Oil kha thum paisa bang ngahlou ahihna uah, a kisaipihten December 20, 2007 tan a, amuh tuak teng uh musak dingin leng ngetna bawl uhi. Hiai hun tan a pichin ahihkei leh asia apha a SDSA ten mohpaw lou dingdan in leng thusuak ah taklang uhi.
Narcotic toh kisai in Police officer te training
IMPHAL DEC 13: Tuni zinglam dak 10 apat 1st Manipur Rifle Banquet Hall ah, Training programme under ‘counter narcotics & commodities & training project’ kichi Police officer ten nei uhi. Hiai hun ah ‘asset forfeiture of drug traffickers’ chih toh kisai kisin sakna om a, Manipur DGP Y. Joykumar IPS in welcome address gen in, K. Mohandas Additional
Secretary (Rev) in inaugural address gen hi.
Hiai training hun ah, New Delhi apat Competent Authority & Administrator Smt. Archana Ranjan leh Assistant Commissioner New Delhi Rajiv Ranjan ten’ ‘Evolution, rationale & importance of asset forfeiture of drug offenders’ leh ‘presentation on provisions of chapter VA of NDPS Act 1985 including case studies’ toh kisai sinsakna pia uhi.
Numei tunga violence toh kisai campaign
IMPHAL DEC 13: World Aids Day 2007-08 toh kisai a numei tunga tatsiatna doudalna dia campaign kibawl ‘demanding implementation, challenging obstacles; end violence against women’ kichi MNP+ te saina in Manipur Press Club, Majorkhul Imphal ah December 15, 2007 zinglam dak 9 in om ding hi.
Hiai hun ah khuallian in Manipur Legislature Forum on HIV/AIDS a Secretary leng hi MLA Dr. I. Ibohalbi Singh pang ding a, President in, AMUCO Adviser leh MU a Associate Prof. Dr. Dhanabir Laishram leh Guest of honour dingin, Dr.Shadhana Ningthoujam of JN hospital te pang ding uhi.
Hiai mun ah, numei tuamtuamten haksatna a tuah uh toh kisai in amau experience leh testimony te pulakna leng nei ding uhi.
www.zogam.com
Lamka, Dec 13: Zomi Economic Planning And Development Agency (ZEPADA) in tuni in India Prime Minister kiang ah memorandum peek 29 a sahkhat pia in, huai ah Mautaam toh kisai hongpian dan leh panlak ding dan tuamtuam taklang uhi.
Memorandum in a taklatna ah, Churachandpur District sung a kialpi tunglel toh kisai PM kiang ah theihsakna pia in, 2005 apan ganhing chi tuamtuam in lou a piangkhia buhte netum gai in, tuni chiang in, ganhingte genphak hinawnlou in, kialpi lungkham huaitak tungta ahihdan gen uhi. ZEPADA in a taklatna uah, tukum a buh piangkhe dia a tuat uh 3805 MT himahleh, 87.27% in niam a, mipite ading in lungkhamna leh mangbatna tungta a, ni bangzah hiam nung in lungkhamna khimpi zing ding ahihdan gen ua, National Calamity te lak ah guang ding in Prime Minister kiang ah ngen uhi.
ZEPADA memorandum in agenbehna ah, CCpur District in antang 17388 MT a poimoh lak ah gentak louh buh piang ahihna ah District mipite ading in mangbat huailua ahihdan Prime Minister zasak ua, Churachandpur adingin kin le buang a Special Economic Package poimoh ahihdan gen ua, Mizoram in hamphatna a ngah bangbang Manipur ah leng pesam ding in thum uhi. Tuabanah, PDS antang leh hamphatna tuamtuamte Food for work tungtawn a peding in PM kiang ah ZEPADA in ngen ua, kial leh mangbang a om singtang bial a omte kiang ah gari tunglou ahihziakin, helicopter tungtawn a antang khe ding in leng PM kiang ah ngen uhi.
Village grain bank toh kisai in ZEPADA in PM kiang ah ngetna bawl in kintak a district sung ah grain bank tungkhe ding in phut ua, tuabanah, medical leh educational toh kisai ah leng centre apan kithuahpihna ngen uhi. ZEPADA in PM kiang ah kial douna ding toh kisai in, TRIFED unit khat CCpur a dinkhiak ding, Jatropha adia Spices leh Biodiesel Unit khat dinkhiak ding chih banah, solar leh Biogas plant piching khat dinkhiak ding in ngen a, tuabanah, South eastern Asian gam adia kikawmtuahna naipen ding in Silchar apan Myanmar via Behiang, Churachandpur tan rail lampi khunsuak ding in Prime Minister Dr Manmohan Singh kiang ah ngetna bawl uhi.
Hiai ngetna bel, Mr. Mani Cherenamei in NLYC saina nuai a New Lamka Cup uap a ahong hohna hunlemchang a la in amah tungtawn in pia uhi.
PCI (R) Khawmpi lian kipan ding
Lamka, Dec 13: Presbyterian Church in India, Reformed in tuni December 13, 2007 in PCI (R) Biakinn New Lamka ah khawmpi nei pan a, hiai hun ah Pastor Hiralal Solanki, Faith Presbyterian Church, New Delhi in Tanchinhoih gen ding a, December 16 nitak in zou ding uhi. Hiai hun sung in kum khat sung pai ding dan kikup khawmna leng nei ding uhi.
Suanlian Tombing in zi nei ding
Lamka, Dec 13: Mr. Suanlian Tombing s/o T. Paugou of Hebron Veng, New Lamka leh Miss Niangliandim d/o Mr. Ginzamang of Mualpi, hong tung ding December 15, 2007 zinglam dak 10 in Hebron EBCC Biakinn, New Lamka ah kiteng ding uhi. Mr. Suanlian bel Lamka Post a Daily Newspaper designer masapen ahi.
Grace Academy in 1na la
Lamka, Dec 13: 14th State Level Bharatyan Competion zanhal a Imphal a om ah Tuibuang a om Grace Academy High School in khatna la in Rs. 15,000/- sang uhi. Hiai hun ah Revenue District Jiribam leh Kangpokpi tel in team 11 kidem uhi.
Pastor Sing Taro in zi nei ding
Lamka, Dec 13: Karbi-Anglong District Assam a, EBC Missionary Pastor Sing Taro leh Ms Gousianvung d/o (L) Khupchinpau of Mata Mualtam, zingchiang December 14, 2007 sunma dak 11 in New Lamka Baptist Church (NLBC) Biakinn, Elim Veng ah kiteng ding uhi. Pastor Sing Taro bel ECC/EBC nuai a Karbi mi Pastor masapen ahi.
Hiai hun uap ding in NLBC saptuam in chialna bawl hi.
Muang Khuptong hong tung
Lamka, Dec 13: BSF a Asst. Commandant, tulel a Siliguri a om banah, Lamka Post a Honary Patron member Mr. Muang Khuptong, Christmas suti in Lamka hong tung a, February kha in kiknawn ding hi.
New Lamka Cup Final Match Outer MP in uap
Lamka, Dec 13: New Lamka Youth Club (NLYC) nuai a Tournament Board PT. Sports Compex a The Ist New Lamka Cup- 2007 a neih uh tuni sun dak 12:00 in hun khakna Final Closing Function nei ua, Mr. Mani Charenamei, Outer MP Manipur in Chief Guest hihna toh uap hi.
Mr. Mani in a genna ah, PT Sport Complex, New Lamka mun thovengtak a bawl theih ahihna ah kipahhuaisa mahmah a, tuailai kimawl lunglutte lampi hilh a nasatak panla ding in ngen a, Govt. inleng tuailaite khualna a sum tam taktak seng ahihdan gen in huaite manphatak a zat poimoh ahihdan gen a, kimawlsiamte a ding in dam sung nek ching ahihdan leng gen hi. Aman NLYC kithuahpih nang in Rs.10,000/- pia a, Football- 5 leh Volley ball 5 piak ban ah Goal net 2 pia hi.
Functional President dia chial a om T. Phungzathang Minister (Power Horti & SC) hawh theihlouh ziakin T. Kaigou pang a, Chief Host in Sumant Singh IAS DC/CCpur pang hi. New Lamka Youth Club President lenlai a si (L) G. Thangchinmang sunna leh a dangdang makai sikhinsate sunna hun leng nei uhi.
Tuni a Final kimawlna ah New Lamka United Football Club leh Sailienlung Memorial Team Rengkai kimawl ua, New Lamka United Football Club in Penalty in zou hi. Tuni a Winner te kiang ah Rs.10,000/- +Trophy+ Certificate leh Runner up te kiang ah Rs.5,000/- + Trophy piak in om uhi.
STC Annual Assembly 2007 zou
Lamka, Dec 13: Simte Tribe Council (STC) Annual Assembly -2007 zan leh tuni’n Simte Youth Organization (SYO) Hall Simveng ah nei ua, hiai hun ah STC member khaw tuamtuam apan makai tamtak pai khawm ua, Palaiten vaihawmna nei uhi.
Outer MP in Only Grace mun pha
Lamka, Dec 13: Mani Charenamei Outer MP in tuni a New Lamka PT Sport Complex a Football Final Closing function a Chief Guest apang zou a kiklam in New Lamka vengnuam a ZMA etkolna nuai a Only Grace pha ngal hi. Aman Only grace a naupang tagah kep a omte Krist mass present in sum tam lou leng pia a, aman amah level a panpih a sawm thu leng gen hi.
One Day Seminar nei
Lamka, Dec 13: 3-NH Assam Rifle Bn Hq ah tuni zinglam dak 10:00 apan One Day Seminar nei ua, huai ah Army Officer tamtak tel ua, CO- 3 Assam Rifle in sinsak hi.
Electric ginat louh pau lap 2 bawl uh Lamka, Dec 13: Lamka khawpi leh a kimvel a Electric meivak ginat louh tuni tan in ni 6/7 val bang phata a, huai pen Khengjang Power Sub Station a Part khat siat ziak leh Transformer kizang a thau (Oil) ziak hi’n thutut kingah hi.
AMDCTA tawh Govt. kilem
Lamka, Dec 13: Autonomous Dist Council (ADC) nuai a semtuten July 2007 apan kha lawh alak louh ziak ua, All Manipur Dist Council Teacher Assn.(AMDCTA) in Dec. 7, 2007 apan Pendown Strike apat uh toh kisai a Council Office leh Education Office te khak nung uh tuni’n Imphal ah Assn makaite toh Govt. in kilemna bawlta uh hi’n thutut kingah hi. Thutut kingah dan in, kilemna dung zui in July 2007 apan kha 5 lawh la thei ding uh chih LS Thangboi Ngaihte Jt. Secy AMDCTA apan thu tut kingah hi.
SDO/BDO ten Work Order pekhia
Lamka, Dec 13: CCpur Dist sung a NREGS toh kisai a khua tuamtuam a Job Card neiten NREGS nasep panta ua, huai toh kisai in SDO/BDO Office ten khua tuamtuam a Hausate kiang ah Work Order pekhe ta uhi. Khua hausa ten Master Roll a NREGS a tha kuante min gelh lut a mahni bial SDO/BDO office ah piak lut ngai ding in gen uhi.
Chauhan in capitol project a etna dissident minister ten zuilou
IMPHAL DEC 13: Congress sunga heutu leh makai O. Ibobi Singh khenkhiak sawm a panlakna om ziak a, Manipur a ni thum sung om dia hongzin, AICC General Secretary North East incharge leh PMO a MoS Prithviraj Chauhan in Manipur Governor Dr. SS. Sidhu, CM O. Ibobi Singh a tuam tuak a kimuhpih nung, zanhal leh zan tanpha a, O. Ibobi Singh gum pawl leh amah deihlou lam minister leh MLA te mimal mal akimuhpih ban ah, Congress sunga District President leh numei lamte kimuhpih nung in tuni zinglam dak 11.30 vel in Delhi zuan in kik nawnta Mr. Chauhan in Delhi zuan a akik nawn ma in, tuni zinglam dak 8 vel in, Manipur govt. in developmental project tuamtuam aneih lak a, Chingmeirong a Capitol project leh Kangla sung puahthakna te etkhiakna vanei hi. Hiai hun ah, MPCC President Gaikhangam, Chief Minister O.Ibobi Singh, minister T .N. Haokip, K. Ranjit, N. Biren, Lok Sabha MP Dr.T.Meinya, DGP Y.Joykumar, IPS, Chief Secretary Jarnail Singh IAS leh Congress MLA bangzah hiam in zuimah le uh, Dissident lam a om hia kigen, minister Th. Debendra Singh, Y. Erabot, DD. Thaisii leh Phungzathang Tonsing leh MLA ten bel Chauhan hohna zuilou uhi.
Tuzingkal a, Prithviraj Chauhan in Capitol project mun a etkhiakna hun ah, nasep zekai sak ziakin, huai nasem Simplex company leh State PWD official te kiang ah bangziaka, nasep zekai hiam chih dotna bawl hi. Hiai hun a Simplex company, State PWD leh Chief Minister O.Ibobi Singh in Chauhan dotna adawnna uah, nasepna dia vanzat tuamtuam cement leh
Sik vanzatte Guwahati lam apat puaklut ahihna ah, Nagaland sung subuaitu tuamtuam omziak leh Manipur a bandh leh economic blockade tamveitak om ziak hidan in hilhchian ua, himahleh, Chauhan bel lungkim zoulou dan a theih ahi.
CM in vanzat tuamtuamte chihlouh petroleum product tanpha a State a security escort na toh puaklut jel ahihdan leng Chauhan kiang ah hiai mun mahmah ah gen hi. Chauhan in Capitol project a etzoh in Kangla sung puahthakna te leng etkhiakna vanei a, tua hun ah Art and Culture department official ten nasepdan tuamtuam pulakna nei uhi. Hiai mun ah bel, Chauhan lungkim thou dan a theih ahi.
Tuzinga Chauhan in Capitol project leh Kangla mun aphakna hun lemchang la a, Manipur a Congress sung dinmun bangchih muh hiam chih dotna Press ten a bawl uh, Chauhan in dawng nuamlou in kihep khiaksan hi. Hiai mun ah, amah AICC General Secretary ahihna zar a Imphal hongpha ahihdan leng gen thakthak hi.
Tutung a Prithviraj Chauhan in Manipur hongphakna san, Congress sunga buaina AICC President leh Prime Minister kianga report apiak nung tukha December 19 vel a thuchian theih hidingin leng kigen hi.
Karigil Vijay Diwas
IMPHAL DEC 13: Manipur govt. saina in, India gam humbitnadia Kargil gal a hinna mansuah India sepaih te theihgigena hun, December 16, 2007 zinglam dak 10.30 in Lamphelpat a Rajya Sainik Board mun ah om ding hi.
Hiai hun ah gam leh nam a dia hinna chante zahna in pakvui piakna leh minute 2 suunna hun zatna om ding hi.
Interview hunchiam omlou in kisuan
IMPHAL DEC 13: Manipur govt. nuai a Revenue department a Revenue Inspector, Zilladar leh LDC lakna dia Interview/typing test December 14, 15 leh 16, 2007 a, SSA office, Babupara a neih ding chih himahleh, interview hun dingte hunchiam omlou a suan hidan in, Under Secretary(Rev) in Dec 10, 2007 in thusuah bawl hi.
Raj Bhavan Green hongkhia
IMPHAL DEC 13: Manipur Governor Dr. SS. Sidhu in tuni’n, Raj Bhavan huang sunga kibawl thak, Nine Hole Golf Course ‘Raj Bhavan Green’ kichi honkhiakna nei hi. Hiai honkhiak zoh in, Manipur a Counter Insurgency operation toh kisai enkhia hongzin Assam Rifle a Director General Lt.General Paramjit Singh AVSM, VSM, Inspector General Assam Rifle (South) Maj General B.K.Chengappa, 57th Mountain Division a GOC Maj General T.S.Handa, Manipur Police Wireless a Director M. Rachandra leh ADC to Governor Jimmy Thanghaulien Gangte IPS te’n kimawlna nei ngal uh chih tunin Raj Bhavan thusuak om hi.
Assam Rifle helpawl nih kaplum
IMPHAL DEC 13: Zan nitak dak 11 vel dingin, Thoubal district sung Waikhong Police station huamsung a om Elangkhangpokpi kichihna mun ah, 21 Assam Rifle ten helpawl KYKL hidia muanmoh nih kaplum uhi.
Police thusuak dan in kaplup a omte apat 9mm Pistol 2 leh atang 43, Wireless Set 2 , Sumtang Rs 16,000 val leh Motor cycle Pulsar MN 1N/0226 leng muhkhiak in om a, siluangte ahihna uh chet ding in Lilong PHC a koih hidan in leng thutut kingah hi.
Antang leh SK oil muh ding zah pedin ngen
IMPHAL DEC 13: Senapati District Students Association in tuni a thusuah a bawlna uah, NH 39 lampi Imphal apat Mao tan dinmun leh Water Reservoir bawl ding Minister leh a kisaipihte toh Dec 18, 2007 tan pichin ding chi a kihouna omsa himahleh nasep in ma sawnlou ahihdan taklang uhi.
Huailou in, Senapati district a ding Antang leh SK Oil kha thum paisa bang ngahlou ahihna uah, a kisaipihten December 20, 2007 tan a, amuh tuak teng uh musak dingin leng ngetna bawl uhi. Hiai hun tan a pichin ahihkei leh asia apha a SDSA ten mohpaw lou dingdan in leng thusuak ah taklang uhi.
Narcotic toh kisai in Police officer te training
IMPHAL DEC 13: Tuni zinglam dak 10 apat 1st Manipur Rifle Banquet Hall ah, Training programme under ‘counter narcotics & commodities & training project’ kichi Police officer ten nei uhi. Hiai hun ah ‘asset forfeiture of drug traffickers’ chih toh kisai kisin sakna om a, Manipur DGP Y. Joykumar IPS in welcome address gen in, K. Mohandas Additional
Secretary (Rev) in inaugural address gen hi.
Hiai training hun ah, New Delhi apat Competent Authority & Administrator Smt. Archana Ranjan leh Assistant Commissioner New Delhi Rajiv Ranjan ten’ ‘Evolution, rationale & importance of asset forfeiture of drug offenders’ leh ‘presentation on provisions of chapter VA of NDPS Act 1985 including case studies’ toh kisai sinsakna pia uhi.
Numei tunga violence toh kisai campaign
IMPHAL DEC 13: World Aids Day 2007-08 toh kisai a numei tunga tatsiatna doudalna dia campaign kibawl ‘demanding implementation, challenging obstacles; end violence against women’ kichi MNP+ te saina in Manipur Press Club, Majorkhul Imphal ah December 15, 2007 zinglam dak 9 in om ding hi.
Hiai hun ah khuallian in Manipur Legislature Forum on HIV/AIDS a Secretary leng hi MLA Dr. I. Ibohalbi Singh pang ding a, President in, AMUCO Adviser leh MU a Associate Prof. Dr. Dhanabir Laishram leh Guest of honour dingin, Dr.Shadhana Ningthoujam of JN hospital te pang ding uhi.
Hiai mun ah, numei tuamtuamten haksatna a tuah uh toh kisai in amau experience leh testimony te pulakna leng nei ding uhi.
www.zogam.com
No comments:
Post a Comment