NERIST apan Sepna ngahthak
Lamka, Dec 12: North East adia Engineering sinna munpi leh minthang pente lak a khat Itanagar Niljuri mun a om North Eastern Regional Institute of Science and Technology (NERIST) apan zanzek in Zosuan bangzah hiam in lohchinna ngah in sepna mu uhi. Amaute ahihleh, Tuankhanlal Ngaihte – Company Power Grid, Lunminlal Baite Company-L&T, Pausuanmang Buhril-West Bengal Railways, Thangkhopao Singson-TIL hi ua, tua banah, NERIST apan zoukhe thak mah, Hlunminthang Guite, John Thanglianmang, Ginneihthang Khuptong, William Baite leh Lalkawl Gangte in BHEL Company adi’n Written ah lohchinna ngah ua, interview ngak lel uhi. Atung ate’n company tuamtuam ah lohchinna ngah mah le uh zom ut ding uhiam chih bel theih chiang hinailou a, hiai toh kisai in NERIST Eimi Society te’n kipahpihthu puang uhi.
Account toh kisai training ding
Lamka, Dec 12: Account Maintenance for Self Help Group kichi zingchiang dak 10:30 AM in Dorcas Hall Conference Hall ah neih hiding a, UBI Manager telin mi tuamtuam in thugenna neiding uhi. Account training ahihleh, zinghal leng sutzop lai hiding a, huai ah SBI Manager tel in mi tuamtuam in thugenna neinawn ding ua, NABARD in program teng sponsore vek ding hi.
ZWA Raising Day zangding
Lamka, Dec 13: S Kaizadal President ZWA apan thutut kingah dan in, Dimapur leh a sehvel a Zomi omte’ kipawlkhawmna pawlpi Zomi Welfare Assosiation in Raising Day 15 December 2007 ni in thupi takin EBCC Sunday School Hall, Thahekhu, Dimapur ah lawm ding uhi. Hiai lopna hun ah kidemna tuamtuam omding a nitaklam in mipi'n ann nekkhawmna leng nei ding uhi.
Lungthul Block PTC Khawmpi om ding
Lamka, Dec- 12: Paite Tribe Council(PTC) Lamka Block Conference cum Cultural Meet- 2007 zingchiang zingkal lam dak 10:00 in Suangdoh YPA Hall ah om ding hi. Huai ah T.Hangkhanpau MLA 60th Singngat AC Chief Guest in pang ding a, T.Singneng President PTC/Hq Functional President apang in L.Pumzanang Finance Secy PTC pen guest of Honour in pang ding hi. Lamka apan Khawmpi zang ding te zing chiang zing kal baih tak in kuan ding uhi.
Oil Pump 2 ah Thau tui bei siang
Lamka, Dec- 12: Lamka khawpi supply tu Lamka a Oil Pump 2 M/S Suakhnun & Sons leh Tuibuang Service Station te ah zan apan in Patrol leh Diesel bei siang a, zan nitak lam in Suakhnun & Sons ah Diesel Tanker gari khat hawng tung mah leh tuni zingkal lam in zuak bei pah uh a, tun Oil Pump 2 te ah Thau tui om louh ziak in kikhak hi. Bazar a black a zuakna munte lun mahmah uhi.
NREGS nasepna khua thum en khia
Lamka, Dec- 12: Tuni sunnung dak 1:00 in Sumant Singh IAS DC/CCpur in NREGS nuai a nasepna mun khua tuamtuam 3 Mualvaiphei, Saikot leh Valpakot khua te vapha in NREGS nuai a Job Card nei tamtak in nasem uh a, DC/CCpur in leng lung tun huai mahmah asak thu gen hi.
College kum 43 chinna lawm ding
Lamka, Dec- 12: CCpur Govt. College kiphuh khiak kum 43 chinna(Foundation Day) Dec. 15,2007 zinglam dak 10:30 in College Campus ah lawp sawm uhi. Upa LS Gangte Vice Principal CCpur College Chief Guest in pang ding a, College Annual magazine hawnna, College Annual Games Sport lai a kipah man tuamtuam hamna leh Award Certificate piak khiakna leng nei ding uhi.
Felicitation cum Prize Distribution function nei
Lamka, Dec- 12: Mualkawi khua a Covenant School ten tuni zinglam dak 11:00 in School huang sung ah Felicitation cum Prize distribution function nei uh a, huai ah Sumant Singh IAS DC/CCpur Chief Guest apang in kipah man tuamtuam pekhia hi. Aman agenna ah Covenant School nau pangte a muh in fel thei uh sa a, School recognition tawh kisai a leng pan lak pih ding in chiam a, apawi mawh bangbang kithuah pih ding in leng gen hi. Huai hun ah Sudent nuleh pa ban ah Angel Place a heutu tamtak in leng uap uhi.
Horticulture dept in Rs.10,000/- in gal
Lamka, Dec- 12: Hotriculture dept nuai a Asst. Agriculture Officer N.Damzagou of Bungmual zun khum natna ziak a zan nitak dak 5:00 vel a si tunin asep pih Horticulture dept CCpur in Rs.10,000/ in gal uh chih thu kiza hi.
Nupigi Numit 2007 zang uh
Nupigi Numit -2007 Observation Committee CCpur pawl saina in tuni zingkal lam dak 10:30 in Meetei Society Office Khuga Tampak, Awang Laibung CCpur ah zang uhi. Huai hun ah Chief Guest in Yaipha Yumnam President Meetei Society, CCpur pang a, Functional President in Yumnam (O) Ashangbi President Nupi Smaj CCpur leh Guest of Honour in Konthoujam(O) Nganbi President Ima Leimarel CCpur te pang uhi.
Koite Area Football Sport result
Lamka, Dec- 12: 3-NH Assam Rifle pawl saina in Koite Area Football Sport pai lel a, tuni a kimawl te result anuai a bang ahi. Khengjang- 4, V/s Tollen- 0, Koite- 2, V/s Koprang- 0, Mongjang- 1, V/s Janglenphai- 0.
Electric meivak gina lou deuhdeuh
Lamka Dec- 12: Lamka leh a seh vel ah Zan hal apan in Electric meivak gina lou mahmah in om a, Lamka khawpi mial bekbuk a, tuni zingkal lam dak 4:00 vel a pan sawt lou mei vak zek in huai nung mit vengveng nawn hi. Khengjang Power House area sung ah bel meivak den in gen uhi. Tulai in Imphal khawpi sung ah leng Elctric vak gina lou in gen uhi. Electric tha hanta zang a nasem tamtak in buaina tuak uhi.
MP in uap ding
Lamka, Dec- 12: New Lamka Youth Club(NLYC) in The Ist New Lamka Cup- 2007 Football Tournament a bawl uh Final cum Closing Function zingchiang sun dak 12:00 in New Lamka PT Sport Comlex ah om ding hi. Huai ah Mani Cheranamei Outer MP Chief Guest in pang ding a, T.Phungzathang Minister(Power Horti, &SC) Functional President in pang ding a, Khamkhokam Guite Addl. CE Hydro Elect. Mizoram Guest of Honuors in pang ding a, Sumant Singh IAS DC/CCpur pen Chief Host in pang ding hi.
NERIST form Lamka tung
Lamka, Dec 12: Northeastern Regional Institute of Science and Technology (NERIST) nuai a Engineering branch tuamtuam sinna ding a entrance form kihawmkhia Lamka hongtungta in, zingchiang apan Sangsang store Teddim Road ah ngahtheih ding hidanin thutut kingah hi.
Zingdaitui suaknawnta
Lamka,Dec 12: Churachandpur District sung a Monthly magazine lianpen a kigen Zingdaitui Magazine December issue suah hita a, agent te’n zingchiang (Dec 13) zing dak 7 apan Information centre, Songbul News Agency, Thangzam Road ah ngahtheih ding hi’n kigen hi.
Tipaimukh Hydro Electric (Multipurpose) Project toh kisai Public hearing omlai ding
IMPHAL DEC 12: Manipur, Assam leh Mizoram gam komtuah Barak luitung a NEEPCO in bawlkhiak dia kigen, Tipaimukh Hydro Electric multipurpose project (6x250MW) toh kisai in Public hearing khat vei project site a neih hilai dingin kigen hi.
Central Electricity Authority, Ministry of Power, Govt. of India in December, 2004 price level a estimated abawl masak dan in, hiai project a sum lut ding Rs 5163.86 crores , IDC & FC Rs 757.26 crores tel in pha hi. Himahleh, September 2006 in hiai project sum pen update bawl in om nawn a, IDC a Rs 828.99 crores toh gawm in Rs 5855.99 crores tungpha hi. Hiai estimated cost in a huap louhte bel, NH diversion Rs 166.61 crs, External Security Rs 246.00 crs leh Flood Moderation Rs 445.80 crs ahi.
NEEPCO in mohpuakna apiak dungzui in, Agricultural Finance Corporation in EIA leh EMP abawlte leh Govt. of Manipur in project authority ahihna toh report apiak lutte, Ministry of Environment Forest, Govt. of India in hoihtak in velchian hi. Hiai nungin, Ministry of Environment & Forest GoI in Manipur govt. kiang ah, project toh kisai a Environment aspect tungtang a kinlam a Public hearing khat project site a neilai dingin theisakna bawl hidan in official thusuak om hi.
Hiai project toh kisai a Expert Appraisal Committee in 7th meeting Guwahati mun a 15th October, 2007 a aneihna uah, project site a Field visit November 2007 3rd/4th week a neih dingin bikhiah mahle uh, a hun pen December 2007 last week adingin geel thak uhi.
NEEPCO in Detailed Survey & Investigation (DSI) abawl Confirmatory Survey & Investigation chi a leng kithei, abawl dungzui in, hiai project sepsuahna ding toh kisai a NH 53 Makru lei leh Barak lei diversion bawlna ding surveyed bawl hita a, check leh esmitation akul bangbang BRO in abawl in leng kigen hi. NH 150 Manhahadur lampi (Jiribam – Tipaimukh) diversion bawlna dia survey bawl leng lamzang jel chih ahi.
Hiai project a dia poimoh van tuamtuam adin leng NEEPCO in Notice for International Competitive Bidding for Engineering procurement & construction suahkhe ta a, a honna December 31, 2007 chia neih hidingin kigen hi.
Manipur govt. in NEEPCO tungtawn in hiai Tipaimukh project bawl khiak teiteina din panla tou zel mahleh, NGO leh pawl tuamtuam hichibang Dam bawl ding deihlouten leng ahithei tan a bawl louh teiteina dia panlak tawpsan uh chih omtuan lou hi.
Mun tuamtuam nih ah IED bomb 17 muhsuah in om
IMPHAL DEC 12: Manipur a ni khat thu adia amasa pen hilai dia gintak, tuni’n mun tuamtuam nih ah meltheihlouh helpawl hidia gintakte’n a kam uh IED bomb 17 muhsuah in om hi. Thutut kingah dan in 19 th Assam Rifle ROP ten tuni zinglam dak 10 vel in, Imphal – Ukhrul lampi in a totkhak Mahadeva leh Litan kikal ah IED kikam 14 musuah ua, huailou in, 34th Assam Rifle ROP te mah inleng tuni a hun kibang ding vel in Imphal – Moreh lampi in a totkhak Thoubal district sung Khongjom leh Wangjing kal ah IED kikam 3 musuah uhi.
Tuni a nikhat thu a mun tuamtuam a IED kikamsa 17 muhsuah ahihna Manipur adia amasapen hilai dia gintak ahi.
Tuni a IED bomb kikamte kuate hih hiam chih theih ahihlouh ban ah, a kipuang leng theih om tadihlou a, Imphal – Moreh lampi Khongjom lak ah tunai chin inleng meltheihlouhten IED a kam uh ROP ten puakzak lou in lakkhiak nei ngeita uhi.
MPP kum 40 chingta; thupitak in kizang
IMPHAL DEC 12: Manipur a Political Party upapen a kigen Manipur Peoples Party in tuni’n kum 40 chinna programme MPP office complex ah om a, tuahun ah khuallian in MPP Legislalture leader O. Joy Singh MLA pangin, MPP President Dr. L. Chandramani Singh in President hihna toh uap hi. Hiai hun ah, MPP worker numei leh pasal tamtak ban ah, MPP MLA tuamtuam Dr. I. Ibohalbi Singh, Dr. Ng. Bijoy, R.K. Anand, Deputy Speaker Th. Shyamkumar te ban ah, Th. Chaoba Ex-MP leh Dr. Nimaichand Luwang te leng kihel uhi.
Tuni a kikhopna a thugentuten tulai khovel a numeite mohpuakna thupidan leh numeiten society hoih bawl thei ahihman un, numeite leng zahna piak ding leh thuneihna piak poimoh ahihdan uh gen uhi. Tualou in, Manipur adia Political party omsun MPP kia ahihman in leh MPP kia in Manipur humbit zou ding ahihna ah kuapeuh in MPP zom ding leh kithuahpihna peding in thugentuten ngetna leng bawl uhi. MPP kum 40 chinna bel tuni apat Dec 26, 2007 tan zattouh hidingin leng kigen hi.
CLP meeting poimohtak om
IMPHAL DEC 12: AICC General Secretary Prithviraj Chauhan in O. Ibobi Singh khenkhiak sawm a panla MLA bangzah hiam om toh kisai in, zan nitak apat Hotel Imphal ah Congress MLA leh minister 31 omte khat khit khat in kimuhpihna nei a, zan nitak a kimuhpih manlouh teng tuni’n kimuhpih nawn hi.
Thudang khat ah, Congress Legislature Party meeting poimohtak tuni’n neih in om hi. Union MoS Prithviraj Chauhan in tutung Imphal hongphakna official toh kisai ahihdung zui in, zan nitak in Chief Minister secretariat ah Manipur a Law and order toh kisai kikupna Home department official te toh nei ua, tuaban ah Manipur a project leh scheme tuamtuam progress toh kisai leng etkikna nei uhi. Hiai hun ah Manipur govt. in top priority project te progress te leng Union minister kiang ah report pelut uhi.
Education(S) ah Addl Director (Valley) 2 pha; table khat kikop
IMPHAL DEC 12: Manipur govt. in apaisa Dec 3, 2007 a thusuah a bawlna ah, Adult Education a Additional Director A. Saratkumar Sharma Education (S) a Additional Director (Valley) len dia suan ahihdan taklang in, Education (S) a Additional Director (S) semlel Smt. S. Geeta Devi pen Adult Education a Additional Director dia suan hidan in taklang hi. Himahleh, S. Geeta Devi in amohpuakna kua kianga piakkhiak ding chih thu omlouh ziakin, Education (S) a atutna ngei ah tulai a, hichibang kal ah, zan in, S. Saratkumar Sharma inleng govt. in posting thak hon pia ahihna ah, thumangtak a govt. thupiak zui chihna toh Education (S) office va lut in self assumed bawl hi. Himahleh, S. Geeta leng apaikhiak tuanlouh ziakin, Additional Director (Valley) office room khat sunga table khat ah, S. Geeta Devi leh S. Saratkumar Sharma tukhawm uhi.
Hichibang a, Additional Director (Valley) nih a om ziakin, a nuai ua nasemte buai mahmah in, kua thu lak dinga, chih leh file te kua kianga put up dinga chih buaipih petmah uh hidan in leng kigen hi.
Training cum awareness programme
IMPHAL DEC 12: Govt. of India nuai a Science and Technology te senna nuai ah, Manipur Science and Technology te saina in, Turkey farming chih toh kisai in, Training cum awareness programme Dec 14, 2007 in Science and Technology complex, Takyelpat,
Imphal West ah om ding hi. Hiai hun honkhiakna Dec 14, 2007 zinglam dak 11 in om dinga, tua ah khuallian in S. Budhichandra Singh, IAS Commissioner Sc& Tech pang ding hi.
State level Nupee Lal day zatna om
IMPHAL DEC 12: Tuni zinglam dak 9 in Nupee Lal Memorial complex ah State level Nupee Lal Day 2007 zatna om a, tua hun a khuallian Chief Minister O. Ibobi Singh in a thugenna ah, numeite mohpuakna lian mahmah ahihman in, numeiten leng numei ka hi chilou a, govt. hi in pawl tuamtuam hitaleh, dikloutak a nasem leh thagum a nasep sawmte lamdik a pidingin chial hi.
Tuni a Nupee Lal Day zatna hun ah council of ministers, MLAs ban ah civil leh police top official tamtak leng kihel ua, pawl tuamtuam saina in Manipur sunga mun 17 vel ah Nupee Lal Day zatna om chih thuzak ahi.
www.zogam.com
Lamka, Dec 12: North East adia Engineering sinna munpi leh minthang pente lak a khat Itanagar Niljuri mun a om North Eastern Regional Institute of Science and Technology (NERIST) apan zanzek in Zosuan bangzah hiam in lohchinna ngah in sepna mu uhi. Amaute ahihleh, Tuankhanlal Ngaihte – Company Power Grid, Lunminlal Baite Company-L&T, Pausuanmang Buhril-West Bengal Railways, Thangkhopao Singson-TIL hi ua, tua banah, NERIST apan zoukhe thak mah, Hlunminthang Guite, John Thanglianmang, Ginneihthang Khuptong, William Baite leh Lalkawl Gangte in BHEL Company adi’n Written ah lohchinna ngah ua, interview ngak lel uhi. Atung ate’n company tuamtuam ah lohchinna ngah mah le uh zom ut ding uhiam chih bel theih chiang hinailou a, hiai toh kisai in NERIST Eimi Society te’n kipahpihthu puang uhi.
Account toh kisai training ding
Lamka, Dec 12: Account Maintenance for Self Help Group kichi zingchiang dak 10:30 AM in Dorcas Hall Conference Hall ah neih hiding a, UBI Manager telin mi tuamtuam in thugenna neiding uhi. Account training ahihleh, zinghal leng sutzop lai hiding a, huai ah SBI Manager tel in mi tuamtuam in thugenna neinawn ding ua, NABARD in program teng sponsore vek ding hi.
ZWA Raising Day zangding
Lamka, Dec 13: S Kaizadal President ZWA apan thutut kingah dan in, Dimapur leh a sehvel a Zomi omte’ kipawlkhawmna pawlpi Zomi Welfare Assosiation in Raising Day 15 December 2007 ni in thupi takin EBCC Sunday School Hall, Thahekhu, Dimapur ah lawm ding uhi. Hiai lopna hun ah kidemna tuamtuam omding a nitaklam in mipi'n ann nekkhawmna leng nei ding uhi.
Lungthul Block PTC Khawmpi om ding
Lamka, Dec- 12: Paite Tribe Council(PTC) Lamka Block Conference cum Cultural Meet- 2007 zingchiang zingkal lam dak 10:00 in Suangdoh YPA Hall ah om ding hi. Huai ah T.Hangkhanpau MLA 60th Singngat AC Chief Guest in pang ding a, T.Singneng President PTC/Hq Functional President apang in L.Pumzanang Finance Secy PTC pen guest of Honour in pang ding hi. Lamka apan Khawmpi zang ding te zing chiang zing kal baih tak in kuan ding uhi.
Oil Pump 2 ah Thau tui bei siang
Lamka, Dec- 12: Lamka khawpi supply tu Lamka a Oil Pump 2 M/S Suakhnun & Sons leh Tuibuang Service Station te ah zan apan in Patrol leh Diesel bei siang a, zan nitak lam in Suakhnun & Sons ah Diesel Tanker gari khat hawng tung mah leh tuni zingkal lam in zuak bei pah uh a, tun Oil Pump 2 te ah Thau tui om louh ziak in kikhak hi. Bazar a black a zuakna munte lun mahmah uhi.
NREGS nasepna khua thum en khia
Lamka, Dec- 12: Tuni sunnung dak 1:00 in Sumant Singh IAS DC/CCpur in NREGS nuai a nasepna mun khua tuamtuam 3 Mualvaiphei, Saikot leh Valpakot khua te vapha in NREGS nuai a Job Card nei tamtak in nasem uh a, DC/CCpur in leng lung tun huai mahmah asak thu gen hi.
College kum 43 chinna lawm ding
Lamka, Dec- 12: CCpur Govt. College kiphuh khiak kum 43 chinna(Foundation Day) Dec. 15,2007 zinglam dak 10:30 in College Campus ah lawp sawm uhi. Upa LS Gangte Vice Principal CCpur College Chief Guest in pang ding a, College Annual magazine hawnna, College Annual Games Sport lai a kipah man tuamtuam hamna leh Award Certificate piak khiakna leng nei ding uhi.
Felicitation cum Prize Distribution function nei
Lamka, Dec- 12: Mualkawi khua a Covenant School ten tuni zinglam dak 11:00 in School huang sung ah Felicitation cum Prize distribution function nei uh a, huai ah Sumant Singh IAS DC/CCpur Chief Guest apang in kipah man tuamtuam pekhia hi. Aman agenna ah Covenant School nau pangte a muh in fel thei uh sa a, School recognition tawh kisai a leng pan lak pih ding in chiam a, apawi mawh bangbang kithuah pih ding in leng gen hi. Huai hun ah Sudent nuleh pa ban ah Angel Place a heutu tamtak in leng uap uhi.
Horticulture dept in Rs.10,000/- in gal
Lamka, Dec- 12: Hotriculture dept nuai a Asst. Agriculture Officer N.Damzagou of Bungmual zun khum natna ziak a zan nitak dak 5:00 vel a si tunin asep pih Horticulture dept CCpur in Rs.10,000/ in gal uh chih thu kiza hi.
Nupigi Numit 2007 zang uh
Nupigi Numit -2007 Observation Committee CCpur pawl saina in tuni zingkal lam dak 10:30 in Meetei Society Office Khuga Tampak, Awang Laibung CCpur ah zang uhi. Huai hun ah Chief Guest in Yaipha Yumnam President Meetei Society, CCpur pang a, Functional President in Yumnam (O) Ashangbi President Nupi Smaj CCpur leh Guest of Honour in Konthoujam(O) Nganbi President Ima Leimarel CCpur te pang uhi.
Koite Area Football Sport result
Lamka, Dec- 12: 3-NH Assam Rifle pawl saina in Koite Area Football Sport pai lel a, tuni a kimawl te result anuai a bang ahi. Khengjang- 4, V/s Tollen- 0, Koite- 2, V/s Koprang- 0, Mongjang- 1, V/s Janglenphai- 0.
Electric meivak gina lou deuhdeuh
Lamka Dec- 12: Lamka leh a seh vel ah Zan hal apan in Electric meivak gina lou mahmah in om a, Lamka khawpi mial bekbuk a, tuni zingkal lam dak 4:00 vel a pan sawt lou mei vak zek in huai nung mit vengveng nawn hi. Khengjang Power House area sung ah bel meivak den in gen uhi. Tulai in Imphal khawpi sung ah leng Elctric vak gina lou in gen uhi. Electric tha hanta zang a nasem tamtak in buaina tuak uhi.
MP in uap ding
Lamka, Dec- 12: New Lamka Youth Club(NLYC) in The Ist New Lamka Cup- 2007 Football Tournament a bawl uh Final cum Closing Function zingchiang sun dak 12:00 in New Lamka PT Sport Comlex ah om ding hi. Huai ah Mani Cheranamei Outer MP Chief Guest in pang ding a, T.Phungzathang Minister(Power Horti, &SC) Functional President in pang ding a, Khamkhokam Guite Addl. CE Hydro Elect. Mizoram Guest of Honuors in pang ding a, Sumant Singh IAS DC/CCpur pen Chief Host in pang ding hi.
NERIST form Lamka tung
Lamka, Dec 12: Northeastern Regional Institute of Science and Technology (NERIST) nuai a Engineering branch tuamtuam sinna ding a entrance form kihawmkhia Lamka hongtungta in, zingchiang apan Sangsang store Teddim Road ah ngahtheih ding hidanin thutut kingah hi.
Zingdaitui suaknawnta
Lamka,Dec 12: Churachandpur District sung a Monthly magazine lianpen a kigen Zingdaitui Magazine December issue suah hita a, agent te’n zingchiang (Dec 13) zing dak 7 apan Information centre, Songbul News Agency, Thangzam Road ah ngahtheih ding hi’n kigen hi.
Tipaimukh Hydro Electric (Multipurpose) Project toh kisai Public hearing omlai ding
IMPHAL DEC 12: Manipur, Assam leh Mizoram gam komtuah Barak luitung a NEEPCO in bawlkhiak dia kigen, Tipaimukh Hydro Electric multipurpose project (6x250MW) toh kisai in Public hearing khat vei project site a neih hilai dingin kigen hi.
Central Electricity Authority, Ministry of Power, Govt. of India in December, 2004 price level a estimated abawl masak dan in, hiai project a sum lut ding Rs 5163.86 crores , IDC & FC Rs 757.26 crores tel in pha hi. Himahleh, September 2006 in hiai project sum pen update bawl in om nawn a, IDC a Rs 828.99 crores toh gawm in Rs 5855.99 crores tungpha hi. Hiai estimated cost in a huap louhte bel, NH diversion Rs 166.61 crs, External Security Rs 246.00 crs leh Flood Moderation Rs 445.80 crs ahi.
NEEPCO in mohpuakna apiak dungzui in, Agricultural Finance Corporation in EIA leh EMP abawlte leh Govt. of Manipur in project authority ahihna toh report apiak lutte, Ministry of Environment Forest, Govt. of India in hoihtak in velchian hi. Hiai nungin, Ministry of Environment & Forest GoI in Manipur govt. kiang ah, project toh kisai a Environment aspect tungtang a kinlam a Public hearing khat project site a neilai dingin theisakna bawl hidan in official thusuak om hi.
Hiai project toh kisai a Expert Appraisal Committee in 7th meeting Guwahati mun a 15th October, 2007 a aneihna uah, project site a Field visit November 2007 3rd/4th week a neih dingin bikhiah mahle uh, a hun pen December 2007 last week adingin geel thak uhi.
NEEPCO in Detailed Survey & Investigation (DSI) abawl Confirmatory Survey & Investigation chi a leng kithei, abawl dungzui in, hiai project sepsuahna ding toh kisai a NH 53 Makru lei leh Barak lei diversion bawlna ding surveyed bawl hita a, check leh esmitation akul bangbang BRO in abawl in leng kigen hi. NH 150 Manhahadur lampi (Jiribam – Tipaimukh) diversion bawlna dia survey bawl leng lamzang jel chih ahi.
Hiai project a dia poimoh van tuamtuam adin leng NEEPCO in Notice for International Competitive Bidding for Engineering procurement & construction suahkhe ta a, a honna December 31, 2007 chia neih hidingin kigen hi.
Manipur govt. in NEEPCO tungtawn in hiai Tipaimukh project bawl khiak teiteina din panla tou zel mahleh, NGO leh pawl tuamtuam hichibang Dam bawl ding deihlouten leng ahithei tan a bawl louh teiteina dia panlak tawpsan uh chih omtuan lou hi.
Mun tuamtuam nih ah IED bomb 17 muhsuah in om
IMPHAL DEC 12: Manipur a ni khat thu adia amasa pen hilai dia gintak, tuni’n mun tuamtuam nih ah meltheihlouh helpawl hidia gintakte’n a kam uh IED bomb 17 muhsuah in om hi. Thutut kingah dan in 19 th Assam Rifle ROP ten tuni zinglam dak 10 vel in, Imphal – Ukhrul lampi in a totkhak Mahadeva leh Litan kikal ah IED kikam 14 musuah ua, huailou in, 34th Assam Rifle ROP te mah inleng tuni a hun kibang ding vel in Imphal – Moreh lampi in a totkhak Thoubal district sung Khongjom leh Wangjing kal ah IED kikam 3 musuah uhi.
Tuni a nikhat thu a mun tuamtuam a IED kikamsa 17 muhsuah ahihna Manipur adia amasapen hilai dia gintak ahi.
Tuni a IED bomb kikamte kuate hih hiam chih theih ahihlouh ban ah, a kipuang leng theih om tadihlou a, Imphal – Moreh lampi Khongjom lak ah tunai chin inleng meltheihlouhten IED a kam uh ROP ten puakzak lou in lakkhiak nei ngeita uhi.
MPP kum 40 chingta; thupitak in kizang
IMPHAL DEC 12: Manipur a Political Party upapen a kigen Manipur Peoples Party in tuni’n kum 40 chinna programme MPP office complex ah om a, tuahun ah khuallian in MPP Legislalture leader O. Joy Singh MLA pangin, MPP President Dr. L. Chandramani Singh in President hihna toh uap hi. Hiai hun ah, MPP worker numei leh pasal tamtak ban ah, MPP MLA tuamtuam Dr. I. Ibohalbi Singh, Dr. Ng. Bijoy, R.K. Anand, Deputy Speaker Th. Shyamkumar te ban ah, Th. Chaoba Ex-MP leh Dr. Nimaichand Luwang te leng kihel uhi.
Tuni a kikhopna a thugentuten tulai khovel a numeite mohpuakna thupidan leh numeiten society hoih bawl thei ahihman un, numeite leng zahna piak ding leh thuneihna piak poimoh ahihdan uh gen uhi. Tualou in, Manipur adia Political party omsun MPP kia ahihman in leh MPP kia in Manipur humbit zou ding ahihna ah kuapeuh in MPP zom ding leh kithuahpihna peding in thugentuten ngetna leng bawl uhi. MPP kum 40 chinna bel tuni apat Dec 26, 2007 tan zattouh hidingin leng kigen hi.
CLP meeting poimohtak om
IMPHAL DEC 12: AICC General Secretary Prithviraj Chauhan in O. Ibobi Singh khenkhiak sawm a panla MLA bangzah hiam om toh kisai in, zan nitak apat Hotel Imphal ah Congress MLA leh minister 31 omte khat khit khat in kimuhpihna nei a, zan nitak a kimuhpih manlouh teng tuni’n kimuhpih nawn hi.
Thudang khat ah, Congress Legislature Party meeting poimohtak tuni’n neih in om hi. Union MoS Prithviraj Chauhan in tutung Imphal hongphakna official toh kisai ahihdung zui in, zan nitak in Chief Minister secretariat ah Manipur a Law and order toh kisai kikupna Home department official te toh nei ua, tuaban ah Manipur a project leh scheme tuamtuam progress toh kisai leng etkikna nei uhi. Hiai hun ah Manipur govt. in top priority project te progress te leng Union minister kiang ah report pelut uhi.
Education(S) ah Addl Director (Valley) 2 pha; table khat kikop
IMPHAL DEC 12: Manipur govt. in apaisa Dec 3, 2007 a thusuah a bawlna ah, Adult Education a Additional Director A. Saratkumar Sharma Education (S) a Additional Director (Valley) len dia suan ahihdan taklang in, Education (S) a Additional Director (S) semlel Smt. S. Geeta Devi pen Adult Education a Additional Director dia suan hidan in taklang hi. Himahleh, S. Geeta Devi in amohpuakna kua kianga piakkhiak ding chih thu omlouh ziakin, Education (S) a atutna ngei ah tulai a, hichibang kal ah, zan in, S. Saratkumar Sharma inleng govt. in posting thak hon pia ahihna ah, thumangtak a govt. thupiak zui chihna toh Education (S) office va lut in self assumed bawl hi. Himahleh, S. Geeta leng apaikhiak tuanlouh ziakin, Additional Director (Valley) office room khat sunga table khat ah, S. Geeta Devi leh S. Saratkumar Sharma tukhawm uhi.
Hichibang a, Additional Director (Valley) nih a om ziakin, a nuai ua nasemte buai mahmah in, kua thu lak dinga, chih leh file te kua kianga put up dinga chih buaipih petmah uh hidan in leng kigen hi.
Training cum awareness programme
IMPHAL DEC 12: Govt. of India nuai a Science and Technology te senna nuai ah, Manipur Science and Technology te saina in, Turkey farming chih toh kisai in, Training cum awareness programme Dec 14, 2007 in Science and Technology complex, Takyelpat,
Imphal West ah om ding hi. Hiai hun honkhiakna Dec 14, 2007 zinglam dak 11 in om dinga, tua ah khuallian in S. Budhichandra Singh, IAS Commissioner Sc& Tech pang ding hi.
State level Nupee Lal day zatna om
IMPHAL DEC 12: Tuni zinglam dak 9 in Nupee Lal Memorial complex ah State level Nupee Lal Day 2007 zatna om a, tua hun a khuallian Chief Minister O. Ibobi Singh in a thugenna ah, numeite mohpuakna lian mahmah ahihman in, numeiten leng numei ka hi chilou a, govt. hi in pawl tuamtuam hitaleh, dikloutak a nasem leh thagum a nasep sawmte lamdik a pidingin chial hi.
Tuni a Nupee Lal Day zatna hun ah council of ministers, MLAs ban ah civil leh police top official tamtak leng kihel ua, pawl tuamtuam saina in Manipur sunga mun 17 vel ah Nupee Lal Day zatna om chih thuzak ahi.
www.zogam.com
No comments:
Post a Comment