Lealyan Thawmte
Khovel leh, adiakin Lamka lam ah bangle, tu kum Krismas a hong nai nawn ta a. Kipahna hun, naupang ten school apan holiday/khawl hun neita. Tiddim Road, New Bazar leh Zenhang Bazaar a dawr neitu leh van zuakten thil thak leh vanthak zuak theih diite enkai un. Dimapur, Calcutta, Delhi te bang zin in, van thak zuaksawndi te va la uh hi. Khenkhat ten Moreh ahihkeh secondhand, khovel tumlan te pan a thawn a piak, silh leh ten, tagaah leh genthei te panpih nadia a piak te uh - Bangladesh leh India mahmah a NGO te zuak sawn, leh sumdawng ten, thilthawn piakte pan sumsinna a azat uh - leisawn in zuaksawn uh hi.
Kristian sungkuan kichi naupang leh tleirawl te kitha lawp un, Krismas singkung ahihkeh, inn te chei theih dandan in chei pan uh. A hausa leh nei zoute inn leh huangsung te bang et lawm mah mah kha ding in ka gingta. A neilou te ginna kiam tuanlou ding in le ka um. Saptuam te pan Krismas lawpna na dia sum dawng kipanta ding a . A officer deuh, a nei deuh, ahihkeh a neilou a a atheihte uh dungzuii in, December 25 leh 26 a bawngsa/voksa pawk - saptuam khat a omte neek khawm nadi ngaihtuah in buai thithe ta ding uh hi.
Singtang gam leh lam a omten le, Jesu pian champha lawm uut sam ding un ka mitkha in ka ngaihtuah a. A gam ua thil piang omlou, lei theih leh muhtheih tawm hikha ding. Thawhlawm te, sum leh pai kia lou , buh hum chiin 1 leh 2 ahihkeh, haaichi dang bang a a pawm uh le ka ging. Khosung a sa beng siam tamloute ki kai khom ua, gansa zong ding a. a gamvaak khiak uh bangle thil hithei di in ka ging hi. Sakhi, gamvawk, ngal, gam sial ahih keh, a khua miiten, tua sabeng a kuante hon puak ki kkik uh Krismas annkuang a neek di ahi chih thei kawm a ngak di uh.
Huai kar in, a khua ua tleirawl leh tangval/nungaak te un, Krismas ni a buh leh sa huan nadia sing poimoh te, a kiim leh kiang ua gamlak te pan singkung te saat leh ekphel in nisa ah ana hou uh ka ging a. Pawl khat in annkuang luui nadia nahtang naah te, gammaang a saat a kuan ding in. Baih sim bang mahleh. A khua naupangten, a Pa te uh Lamka pan hong kiik ngak un - mutpuak, bomb (crackers), chikhum ahihkeh, puan aak thak, khedap thak a hon puak leh leisak di ua aki lamet te uh ngaaklah in , a khua luut na bul te uah ngaak un ka mu hi. Nii te hong tum a, a Pa te uh mel muhdia omlouh chiangin. Luu te kia a, innlam a zuat ding uh ka mu hi.
A Nu un..'Kawi a va mangthang nahi ua? Ann nek hun theilou maw?' chi a taai kawm in, dawlhou ahihkeh sihzoupawk ana huan te, a tate adia thuuk sakin, a Nu tung ua kisuanglah tak, lah gilkial tak a .. mehpawk leh ann ham lawte a khut neu chikchik te ua pawlh leh phaam a, naupang ten ne in haai liailiai uh. A Pa uh Krismas ma in hong tung diam? A puan aak thak di uh a hon leisak diam? A khedap thak di uh la? A lawmte kiang a, 'Ka pan puan aak thak hon leisak di', bang ana chi ta. Ka pan 'Ka jaket di hon lei di' chi a a lawmpa kianga a ana gensa naupangten, a Pa uh leh Krismas hong tung dii te ngaak in, a lupna taak tak tung te uah, mang tuamtuam nei in, ihmut tum ding un ka gingta.
Hilele, LAMKA a khenkhat te aa dingin, huchibang ngaihtuah na leh, Krismas kithalawpna tam nawnlou bang hi. Tamtak ten Krismas thei uh, a tamzaw ten Krismas bang ziak a lawm i hi uh hiam chih thei lou hikha ding ki bangta hi. Krismas hi - JESU BIRTHDAY - daan a lawm ihi chih thei un. Theihna saangta. Khenkhatten, hiai JESU kichi pianchampha i lawp dep dup laia, amau mah 'birthday' te, a Nu leh Pa te'n a lawppih uut louh ahihkeh, a lawm leh lawite te tawh lawm dia phalna a muh louh te un - dawtna tampi piangsak hi.
(Hiai hi, tulai naupang/tleirawl piil, navaak leh thil theithei leh dawtna nei theite dawtna hi awm a kagin/ngaihtuah na hi'n - kachih bang in 'khenkhatte' kachih na hi'n leh mii teng kachih na hilou ahi.)
Ka ngaihdaan hon kum sau leng, tampi te ngaihdan ahi khol kei ding. Hilele, huai a tampi te chu i Nu leh Pa te uh, Internet/Computer leh Zogam.com en, sim leh thei khalou di ihih man un. A tamzawte, leh tulai khangthak te kiang kum di kahih manin -Krismas thu - tamlou gen khawm leng chih uut huai kasa. Na ginna uh leh i na zuih sahkhua te uh saiwsel na le hi lou ahi. Ka mimal ngaihdan hon kum lel hizaw kahi.
Krismas i chih hi, amasapen in, a tamzawte na pianpih sahkhua, Kristian sahkhua makaitu Jesu pianchampha hi a gingtuu ten i theih - i lopna uh ahi. I na pianpih sakhua, kachih na san chu, Bihar a piang, ahihkeh Afghanistan, ahihkeh Japan a piang hita le chin - Kristian hi kher kher lou ding nahi. Bihar a piangte Hindu kihi kha di, Afghanistan a te Muslim ahihkeh, Japan ate Bhuddist hikha thei ihi. Huaijiaka, amasa pen a itheih di uh chu, sakhua leh i ginna hi a tamzawte adia, i teel hilou in, i pianpih hikha zaw di ahi.
Awle, Sakhua leh Pathian. Tuate, mangilh phawt in. Khovel ah sahkhua bangzah a om a..chih le ngaihtuah daah phawt ni in. Ei sahkhua zuui ah..muhdan, a tom thei pen in.
Krismas tawh kisai in, Jesu taangthu thei bangzah i om ua le? Tam lou in..00 AD hilou in Jesu pian kum hin 5-7 AD a suikhia pawl khat om un. A kum gen louh in, huai hun lai a Jesu piana gam, Bethlehem, (Nazareth) ina sim leh theih hitaleh, 25 December, phalbi khawvot lai tak a beram ching te gam daai/laak a, a beram te uh tawh zaan nung a omlou ding uh ahi . Vawt lawtel ding ahih man in. Huaikia lou, Jesu pen Pathian Tapa, siangthou Mary pan piang hileh, bangziak a Abraham suan hithei ding hiam? Matt.1.16.
Bang ziaka, thukhunthak ahih keh Laisiangthou ichih ua, Marka in Jesu khangthu gelh kha lou hiam? I Laisiangthou Luka gelh ah en nawn le uchin..bung 3: chang 24 pan 38 tan. Pathian apan He'li suan tan simtheih in om. Jesu a kar lak a om. Hilele, apostle Johan i chih un, Jesu khangthu gelh lou thep thup hi. Bangziak a de aw? Jesu tawh ki ngeih louhna a neih ziak uh adiam? Juda (Jews) ten bangziaka a Jesu hi Messiah dan a pom uut bilbel lou uh hiam? A ngaak pen uh lah hingal? Thil mak hi'n, kum sau di chile i ihmut uh suak di.
Hiai kachih nasan hi - kidawt na lel hi in. Jesu thu hilh leh Peter leh Paul hon sakhua phuhkhiakte i zuui keidi, leh i pomkei di chihna hilou in. Hoih lawtel hi. Gingtuu ten kidawtdia ka deih chu, I ginna leh lametna te hi mihing adia hon makaih, hasuan leh hun haksa hun a i khamuanna te hikha ding hi. Ka ngaihdan lel chu, kei bang Pathian hitaleng - teh khinna in - ka nungzuui dia ka deih diing te chu, kagen leh gelh teng zuui mai sanga, hih leh hihlouh di a ka daan piakte - dik hia diklou leh a ngaihdante uh hon dawng ngam te hi hizaw ding uh ahi? Na chi kei maw?
Jesu taangthu ina theih pan..bel mi thupi, mi pil leh, iitna nei leh a hun lai a mitampii ten ana jui ahi. Hilele, a tangthu, hinkhua taktak a thei ki tawm mahmah in - i Laisiangthou ah le ki gelh kimlou a bat lai leh - i Laisiangthou ichih, Greek/Hebrew ahih keh huai hun lai pau khenkhat a kigelh let tuu ten, let dik uh hiam chih athei le ki omlou in. Eite bel in, kum 1900 nung a English a ki gelh i na lehsawn uh ahi.
I theih tawm ziak mah un, tu in Jesu pianchampha kum 2007 Krismas zang di a ikisak lai un, a Jesu i ki pahpih lai, i hondampa leh Pathian in i khelhna te tan dia khovel a hon sawl chih i gin tawh kitawn in. Khovel sahkhua kipat daan, bang ziaka - Kristian om maa a, Judaism ana om aa, Kristain sahkhua om nung kum 600 vel nung a Islam hong piang leh, Islam pan Hinduism, Bhuddism, Jainism hong piangkhia in. Huaite kar ah Shintoism te ana omta in, tu in Scientology leh adang adang leh khovel a Scientist minthang leh siam taktak ten, 'atheism' ( Pathian omlou) chih ginna nei) a hong kichih kia louh uh, leh Darwin ngaihdan dik hi ding ahi chi a, a tam zawte a hong paukhiak uh - ki ngaihtuah tham hi in ka thei hi.
Ginna leh lametna thu ah, mimal in Pathian ki poimoh chiat a. USA - pathian thu awi leh a National Anthem bang ua - God Bless America zang kialou , a sum (currency note) ua 'In God We Trust' chi a sun -´gam a pathian thu gen khenkhatte gen daan bang in, Pathian ( Jesu) a ginna neite, dam sawt ahihkeh natna tawm nei, ahihkeh a hinkhua uh sawt zaw chi pawl bang om uh hi. Hilele, a gen khak louh uh chum tulai a khovel a damsawt leh upapen, ahihkeh a damthei pen - teh khinna in Japanese te bang hi sek uh. Japan mi te chiin Shintoism ( pii/pu - khangmasa te biakna-chimaini) leh Bhuddhism te jiak hiam, ahihkeh, a nek leh dawn te ziak uh hiam chih hilhchetna le omlou hi.
Jesu leh i ginna, Kristian te adia, thilsia hilou in.Laisiangthou leh huaihun lai thu gelhtute pan ina sim daan in, Jesu bang mihing hi, khovel ah tuni tan piang nailou bang hi. A pian champha bang le i lawp luat di uh ahi. Jesu hi December 25 a piang hia, lou chih leh saapte Santa Claus achih uh omhia lou, chihte pen, mahni leh mimal theihsiam na a iki dawt chiat a. Jesu khovel a a omlai lai a, ki ngainiam leh mi tagaah, genthei, damlou, nawhchi zuak leh misualte iit tu in - tuni chianga a, a pianchampha ichih, i theih hetlouh, lah a min a i na zat te hi dik leh a zat diing daan tak a zang ihi di uam chih i ki dawt thak ngai a theih man ..
..leh ka ngaihdan lel hi'n, a dik chihna le hi zenzen lou. A thei zaw leh a hon hilh thei chiang zaw na om uh leh kipah huai ding.
Views: 27
Khovel leh, adiakin Lamka lam ah bangle, tu kum Krismas a hong nai nawn ta a. Kipahna hun, naupang ten school apan holiday/khawl hun neita. Tiddim Road, New Bazar leh Zenhang Bazaar a dawr neitu leh van zuakten thil thak leh vanthak zuak theih diite enkai un. Dimapur, Calcutta, Delhi te bang zin in, van thak zuaksawndi te va la uh hi. Khenkhat ten Moreh ahihkeh secondhand, khovel tumlan te pan a thawn a piak, silh leh ten, tagaah leh genthei te panpih nadia a piak te uh - Bangladesh leh India mahmah a NGO te zuak sawn, leh sumdawng ten, thilthawn piakte pan sumsinna a azat uh - leisawn in zuaksawn uh hi.
Kristian sungkuan kichi naupang leh tleirawl te kitha lawp un, Krismas singkung ahihkeh, inn te chei theih dandan in chei pan uh. A hausa leh nei zoute inn leh huangsung te bang et lawm mah mah kha ding in ka gingta. A neilou te ginna kiam tuanlou ding in le ka um. Saptuam te pan Krismas lawpna na dia sum dawng kipanta ding a . A officer deuh, a nei deuh, ahihkeh a neilou a a atheihte uh dungzuii in, December 25 leh 26 a bawngsa/voksa pawk - saptuam khat a omte neek khawm nadi ngaihtuah in buai thithe ta ding uh hi.
Singtang gam leh lam a omten le, Jesu pian champha lawm uut sam ding un ka mitkha in ka ngaihtuah a. A gam ua thil piang omlou, lei theih leh muhtheih tawm hikha ding. Thawhlawm te, sum leh pai kia lou , buh hum chiin 1 leh 2 ahihkeh, haaichi dang bang a a pawm uh le ka ging. Khosung a sa beng siam tamloute ki kai khom ua, gansa zong ding a. a gamvaak khiak uh bangle thil hithei di in ka ging hi. Sakhi, gamvawk, ngal, gam sial ahih keh, a khua miiten, tua sabeng a kuante hon puak ki kkik uh Krismas annkuang a neek di ahi chih thei kawm a ngak di uh.
Huai kar in, a khua ua tleirawl leh tangval/nungaak te un, Krismas ni a buh leh sa huan nadia sing poimoh te, a kiim leh kiang ua gamlak te pan singkung te saat leh ekphel in nisa ah ana hou uh ka ging a. Pawl khat in annkuang luui nadia nahtang naah te, gammaang a saat a kuan ding in. Baih sim bang mahleh. A khua naupangten, a Pa te uh Lamka pan hong kiik ngak un - mutpuak, bomb (crackers), chikhum ahihkeh, puan aak thak, khedap thak a hon puak leh leisak di ua aki lamet te uh ngaaklah in , a khua luut na bul te uah ngaak un ka mu hi. Nii te hong tum a, a Pa te uh mel muhdia omlouh chiangin. Luu te kia a, innlam a zuat ding uh ka mu hi.
A Nu un..'Kawi a va mangthang nahi ua? Ann nek hun theilou maw?' chi a taai kawm in, dawlhou ahihkeh sihzoupawk ana huan te, a tate adia thuuk sakin, a Nu tung ua kisuanglah tak, lah gilkial tak a .. mehpawk leh ann ham lawte a khut neu chikchik te ua pawlh leh phaam a, naupang ten ne in haai liailiai uh. A Pa uh Krismas ma in hong tung diam? A puan aak thak di uh a hon leisak diam? A khedap thak di uh la? A lawmte kiang a, 'Ka pan puan aak thak hon leisak di', bang ana chi ta. Ka pan 'Ka jaket di hon lei di' chi a a lawmpa kianga a ana gensa naupangten, a Pa uh leh Krismas hong tung dii te ngaak in, a lupna taak tak tung te uah, mang tuamtuam nei in, ihmut tum ding un ka gingta.
Hilele, LAMKA a khenkhat te aa dingin, huchibang ngaihtuah na leh, Krismas kithalawpna tam nawnlou bang hi. Tamtak ten Krismas thei uh, a tamzaw ten Krismas bang ziak a lawm i hi uh hiam chih thei lou hikha ding ki bangta hi. Krismas hi - JESU BIRTHDAY - daan a lawm ihi chih thei un. Theihna saangta. Khenkhatten, hiai JESU kichi pianchampha i lawp dep dup laia, amau mah 'birthday' te, a Nu leh Pa te'n a lawppih uut louh ahihkeh, a lawm leh lawite te tawh lawm dia phalna a muh louh te un - dawtna tampi piangsak hi.
(Hiai hi, tulai naupang/tleirawl piil, navaak leh thil theithei leh dawtna nei theite dawtna hi awm a kagin/ngaihtuah na hi'n - kachih bang in 'khenkhatte' kachih na hi'n leh mii teng kachih na hilou ahi.)
Ka ngaihdaan hon kum sau leng, tampi te ngaihdan ahi khol kei ding. Hilele, huai a tampi te chu i Nu leh Pa te uh, Internet/Computer leh Zogam.com en, sim leh thei khalou di ihih man un. A tamzawte, leh tulai khangthak te kiang kum di kahih manin -Krismas thu - tamlou gen khawm leng chih uut huai kasa. Na ginna uh leh i na zuih sahkhua te uh saiwsel na le hi lou ahi. Ka mimal ngaihdan hon kum lel hizaw kahi.
Krismas i chih hi, amasapen in, a tamzawte na pianpih sahkhua, Kristian sahkhua makaitu Jesu pianchampha hi a gingtuu ten i theih - i lopna uh ahi. I na pianpih sakhua, kachih na san chu, Bihar a piang, ahihkeh Afghanistan, ahihkeh Japan a piang hita le chin - Kristian hi kher kher lou ding nahi. Bihar a piangte Hindu kihi kha di, Afghanistan a te Muslim ahihkeh, Japan ate Bhuddist hikha thei ihi. Huaijiaka, amasa pen a itheih di uh chu, sakhua leh i ginna hi a tamzawte adia, i teel hilou in, i pianpih hikha zaw di ahi.
Awle, Sakhua leh Pathian. Tuate, mangilh phawt in. Khovel ah sahkhua bangzah a om a..chih le ngaihtuah daah phawt ni in. Ei sahkhua zuui ah..muhdan, a tom thei pen in.
Krismas tawh kisai in, Jesu taangthu thei bangzah i om ua le? Tam lou in..00 AD hilou in Jesu pian kum hin 5-7 AD a suikhia pawl khat om un. A kum gen louh in, huai hun lai a Jesu piana gam, Bethlehem, (Nazareth) ina sim leh theih hitaleh, 25 December, phalbi khawvot lai tak a beram ching te gam daai/laak a, a beram te uh tawh zaan nung a omlou ding uh ahi . Vawt lawtel ding ahih man in. Huaikia lou, Jesu pen Pathian Tapa, siangthou Mary pan piang hileh, bangziak a Abraham suan hithei ding hiam? Matt.1.16.
Bang ziaka, thukhunthak ahih keh Laisiangthou ichih ua, Marka in Jesu khangthu gelh kha lou hiam? I Laisiangthou Luka gelh ah en nawn le uchin..bung 3: chang 24 pan 38 tan. Pathian apan He'li suan tan simtheih in om. Jesu a kar lak a om. Hilele, apostle Johan i chih un, Jesu khangthu gelh lou thep thup hi. Bangziak a de aw? Jesu tawh ki ngeih louhna a neih ziak uh adiam? Juda (Jews) ten bangziaka a Jesu hi Messiah dan a pom uut bilbel lou uh hiam? A ngaak pen uh lah hingal? Thil mak hi'n, kum sau di chile i ihmut uh suak di.
Hiai kachih nasan hi - kidawt na lel hi in. Jesu thu hilh leh Peter leh Paul hon sakhua phuhkhiakte i zuui keidi, leh i pomkei di chihna hilou in. Hoih lawtel hi. Gingtuu ten kidawtdia ka deih chu, I ginna leh lametna te hi mihing adia hon makaih, hasuan leh hun haksa hun a i khamuanna te hikha ding hi. Ka ngaihdan lel chu, kei bang Pathian hitaleng - teh khinna in - ka nungzuui dia ka deih diing te chu, kagen leh gelh teng zuui mai sanga, hih leh hihlouh di a ka daan piakte - dik hia diklou leh a ngaihdante uh hon dawng ngam te hi hizaw ding uh ahi? Na chi kei maw?
Jesu taangthu ina theih pan..bel mi thupi, mi pil leh, iitna nei leh a hun lai a mitampii ten ana jui ahi. Hilele, a tangthu, hinkhua taktak a thei ki tawm mahmah in - i Laisiangthou ah le ki gelh kimlou a bat lai leh - i Laisiangthou ichih, Greek/Hebrew ahih keh huai hun lai pau khenkhat a kigelh let tuu ten, let dik uh hiam chih athei le ki omlou in. Eite bel in, kum 1900 nung a English a ki gelh i na lehsawn uh ahi.
I theih tawm ziak mah un, tu in Jesu pianchampha kum 2007 Krismas zang di a ikisak lai un, a Jesu i ki pahpih lai, i hondampa leh Pathian in i khelhna te tan dia khovel a hon sawl chih i gin tawh kitawn in. Khovel sahkhua kipat daan, bang ziaka - Kristian om maa a, Judaism ana om aa, Kristain sahkhua om nung kum 600 vel nung a Islam hong piang leh, Islam pan Hinduism, Bhuddism, Jainism hong piangkhia in. Huaite kar ah Shintoism te ana omta in, tu in Scientology leh adang adang leh khovel a Scientist minthang leh siam taktak ten, 'atheism' ( Pathian omlou) chih ginna nei) a hong kichih kia louh uh, leh Darwin ngaihdan dik hi ding ahi chi a, a tam zawte a hong paukhiak uh - ki ngaihtuah tham hi in ka thei hi.
Ginna leh lametna thu ah, mimal in Pathian ki poimoh chiat a. USA - pathian thu awi leh a National Anthem bang ua - God Bless America zang kialou , a sum (currency note) ua 'In God We Trust' chi a sun -´gam a pathian thu gen khenkhatte gen daan bang in, Pathian ( Jesu) a ginna neite, dam sawt ahihkeh natna tawm nei, ahihkeh a hinkhua uh sawt zaw chi pawl bang om uh hi. Hilele, a gen khak louh uh chum tulai a khovel a damsawt leh upapen, ahihkeh a damthei pen - teh khinna in Japanese te bang hi sek uh. Japan mi te chiin Shintoism ( pii/pu - khangmasa te biakna-chimaini) leh Bhuddhism te jiak hiam, ahihkeh, a nek leh dawn te ziak uh hiam chih hilhchetna le omlou hi.
Jesu leh i ginna, Kristian te adia, thilsia hilou in.Laisiangthou leh huaihun lai thu gelhtute pan ina sim daan in, Jesu bang mihing hi, khovel ah tuni tan piang nailou bang hi. A pian champha bang le i lawp luat di uh ahi. Jesu hi December 25 a piang hia, lou chih leh saapte Santa Claus achih uh omhia lou, chihte pen, mahni leh mimal theihsiam na a iki dawt chiat a. Jesu khovel a a omlai lai a, ki ngainiam leh mi tagaah, genthei, damlou, nawhchi zuak leh misualte iit tu in - tuni chianga a, a pianchampha ichih, i theih hetlouh, lah a min a i na zat te hi dik leh a zat diing daan tak a zang ihi di uam chih i ki dawt thak ngai a theih man ..
..leh ka ngaihdan lel hi'n, a dik chihna le hi zenzen lou. A thei zaw leh a hon hilh thei chiang zaw na om uh leh kipah huai ding.
Views: 27
www.zogam.com
No comments:
Post a Comment