NERIST apan Sepna ngahthak
Lamka, Dec 10: North East adia Engineering sinna munpi leh minthang pente lak a khat Itanagar Niljuri mun a om North Eastern Regional Institute of Science and Technology (NERIST) apan zanzek in Zosuan bangzah hiam in lohchinna ngah in sepna mu uhi. Amaute ahihleh, Tuankhanlal Ngaihte – Company Power Grid, Lunminlal Baite Company-L&T, Pausuanmang Buhril-West Bengal Railways, Thangkhopao Singson-TIL hi ua, tua banah, NERIST apan zoukhe thak mah, Hlunminthang Guite, John Thanglianmang, Ginneihthang Khuptong, William Baite leh Lalkawl Gangte in BHEL Company adi’n Written ah lohchinna ngah ua, interview ngak lel uhi.
Atung ate’n company tuamtuam ah lohchinna ngah mah le uh zom ut ding uhiam chih bel theih chiang hinailou a, hiai toh kisai in NERIST Eimi Society te’n kipahpihthu puang uhi.
Jawng sa in thau in kap kha
Lamka, Dec 10: Thanlon Sub Divn sung Sinzawl khua ah apaisa Dec. 8, 2007 sunnung dak 1:30 vel in Pasal 2 gamvak na uah Zamkhothang (60) s/o (L) Thuamkhogin of Sinzawl in a lawmpa Jawng (Monkey) sa in athau tawi in kap kha a, aban taklam kap liam in tuni taklam dak 3:30 in Lamka puak tung in om a, Dist Hospital Lamka ah etkol in om hi.
Army te inn bawl Jugali in Headmistry that
Lamka, Dec 10: Police apan kiza dan in Henglep Sub Divn sung Mualhoihchiang leh Aina kikal ah Dec 8, 2007 nitak dak 6:30 vel in Mualhoihchiang post a 2nd Assam Rifle te inn bawl a nasem Ngangba Romesh (21) s/o NG Mani Singh of Langthabal Lep Makha Leikai in a Headmistry Laishram Ibohanbi Singh(45) s/o L. Menjor Singh of Langthabal Lep Mayai Leikai Singjamei PS toh kisel buai ziakin that hi. Army ten Romesh Singh man uh a, Ibohanbi luang toh zan nitak in Lamka puak tun a om in Police ah pekhia in oim ngal hi. Misi inkuanpihte hong tun louh ziak un siluang Hospital ah om a, tualthattu pen Police Custody koih in om hi.
Mipin Guta sak ziak in vua
Lamka, Dec 10: Kwakta ah tuni zinglam dak 9:30 vel in guta khat mipi’n kidelh huan in tua ah theihkhelh ziakin Zabir(17) s/o Siraj Ahamad of Kwakta pen guta sa in mipi’n man in vua ua, a khut langnih liam ban ah a kawng lak liam in tun Dist Hospital Lamka ah etkol in om hi.
Workshop on HIV/AIDS and Drugs Abuse nei
Lamka, Dec 10: Diocesan Social Service Society/Community Based Drugs and AIDS Programne CCpur pawl saina in tuni zinglam dak 10:00 in Synod Hall IB Road ah Dist. Level Networking Workshop on HIV/AIDS and Drugs Abuse neu uhi.
Huai hun ah Rupachandra Sing ADC/CCpur leh Dr. M. Lachinkhai, Medical Supdt. Dist Hospital Chief Guest leh Guest of Honour in pang ua, Rev. Fr. Dominic Kanmi Asst. Director DSSS Imphal Functional President in pang hi.
Resource Person in Dr. VC Pau DAO/CCpur, Sasang, Programmed Manager, SAHARA leh Jacob Panmei Project Manager DSSS/CBDAP, Imphal te pang uhi.
Mung leh Saanching kiteng ding
Lamka, Dec 10: Mr. Ginkhenmung of Bungmual leh Miss Niangsaanching d/o S. Vialthawn of Vengnuam New Lamka, hong tung ding December 13, 2007, zinglam dak 10 in Bungmual EBCC Biakinn ah kiteng ding ua, Miss Niangsaanching khakna a teenna inn uh Vengnuam New Lamka ah sunnung dak 12:30 in om ding a, ngainatute’n uap chiat ding in chial uhi. Tuabanah, Th. Joel Phaltual s/o P. Kamkholal, President VPC (Hq) of Salem veng leh Miss Elizabeth Lalthakim d/o (L) Elder Lalsang Keivom of Hmar veng Dec. 14, 2007 zingkal lam dak 11:00 in Central Lamka EBCC Biak inn ah Saptuam dan in kiteng ding ua, tuabanah, Mr. K. Khatkhkanpau @ Harvey Pau s/o K. Nanggin of Dorcas Veng, New Lamka leh Miss Mangngaihniang @ Mangnu d/o (L) S. Thangchinkham of Dorcas Veng, Dec. 17 zinglam dak 10 in Dorcas veng, EBCC Biakinn ah kiteng ding ua, ngainatute’n uap chiang ding in chial uhi.
E Roll Revision a kuan te Honorarium hawm
Lamka, Dec 10: CCpur Dist a Electoral Roll Revision 2007 a Constituency tuamtuam a kuan Designated Officer (DO) leh dealing asst.(DA) te a ding sum honorarium DC/CCpur Office a election dept in hawm ua, SDO/BDO te kiang ah Duty Certificate la in sum lak thei hi.
DLCC meeting om ding
Lamka, Dec 10: Dist Level Coordination Committee (DLCC) meeting Dec 18, 2007 zinglam dak 11:00 in DC/CCpur Office ah meeting om ding a, huai ah SDO/BDO teng leh Dist Level Officer te tel ding uhi. Meeting zoh sun dak 12:30 in National Foundation for Communal Harmony(NFCH) toh kisai meeting sun zawm ngal ding ua, Block tuamtuam a SDO/BDO teng tel ding uhi.
Mid-day meal antang hawm ding
Lamka, Dec 10: ZEO/CCpur nuai a Govt School naupangte sun an ding (Mid-day meal) Nov. 2007 quata zingchiang zinglam dak 11:00 apan in Hill Town ah hawm ding uhi. Tutung a quata tawm ziakin Headmaster ten antang tawi nang bag lian loulou kitawi ngai ding hi’n official thutut kingah hi.
EBC Kumsim Khawmpi pai lel
Lamka, Dec 10: Evangelical Baptist Convention (EBC) kum sim khawmpi lian 59 veina pailel ah, zan in Upa 38 leh Pastor 6 ordination pia uhi. Tuni’n khawmpi palaiten vai hawmna nei ua, EBC Supplementary Budget 2007- 2008 a sum zat ding in Rs. 10,00,00/- passed uh a, EBC in kum 2008- 2009 sung a sum zat ding in Rs. 2,95,00,000/- passed uhi. Zingchiang nitak in khawmpi lian zou ding uhi.
ZRO Home Ministry in thusuah bawl
Lamka, Dec 10: ZRO a Home Ministry Department in Inter Tribe Idol Contest 2007 toh kisai in mipite theih ding in tuni’n thusuah bawl hi.
Thusuak in a taklak dan in, zingchiang December 11, 2007 a YPA Hall, Upper Lamka a Inter-Tribe Super Idol 2007 neihna ding ah mi kuapeuh kham neisa a kuamah tel louh ding, a entute leng hiai kim a zukham-sakham a om louh ding leh nam kal buaina tun thei ding a kuamah gamtang lou ding in taklang hi. Tua banah, kipumkhatna suse thei ding zu leh damdawi kham theih kuaman hihlou ding inleng taklang hi.
Thusuakin a taklat zelna ah, hiai toh kisai a kuaman buaina bawl louh ding a theisak kawm in hiai bang thupiak zahlou a buaina bawl a omleh a kituahpih bang action lak hidi’n leng taklang hi.
SIAM MEET om ding
Lamka, Dec 10: Saivaipaih khosuak te’n December 14 (Sintawpni) zinglam dak 11 in Synod Hall, IB Road ah Saivaipaih meet nei ding ua, huai ah Savaipaih khosuak teng kithuahkhawm in, nitaklam in ann kuang lui na neiding uhi.
City Inn hotel sung ah mithum kaplum
IMPHAL DEC 10: North AOC a om City Inn hotel sung ah tuni zinglam dak 9:30 vel dingin Police commando ten helpawl hidia muanmoh mi 3 kaplum uhi.
Thutut kingah dan in tuni zinglam dak 9 vel dingin, City Inn hotel ah Police commando civil dress silh nih in hotel room 200 tunglam a om mi om hiam chih vakan ua, tuazoh in hotel room khat apat thau kikap om in room khat apat taikhia ua, police inleng delhzui in kap thuk ua tu ah mi 3 kap lum uh hi’n thutut kingah hi.
Hiai thiltunna mun a, Imphal West SDPO Dr.AK.Jhaljit Singh in agendan in, City Inn Hotel a helpawlte om chih theih ziakin Bishnupur leh Imphal West Police commando combined force ten tua hotel valuh ua, tua ah room number 201 leh 202 a helpawl omsa te toh minute 15 vel kikap tuah ua mi 3 kaplum uh hidan in gen uhi. Siluang nihte bel, Room number 202 sunga lupna tung leh bathroom a muhsuah hi a, siluang khat pen bel, Hotel top floor a muhsuah ahi. Police ten kaplup a omte apat AK 56 khat atang 22, 9mm Pistol khat atang 3 ban ah Hand granade khat leng musuah ua, siluangte meltheih dingin, RIMS morgue ah koih in om uhi. Morgue apat thutut kingah dan in tuni a kaplup a omte lak a khat, Hamom Phulindro @ Great @ Sunil (35) s/o (L) Khelemba of Bishnupur ward 11 ahihban ah, amah helpawl KYKL a Lt.dinmun nei hidan in asungkuan ten gen uhi.
City Inn hotel a Manager Vikash gendan in, mithum te zan nitak a tua hotel a
vatung leh amau Prakash (48) s/o Ibomcha min a chiamteh leh Shillong apat hongtung
Gwahati zuan a zinkhe nawn ding un kigen uhi.
KSO Sadar Hills election Dec 19 in neih hiding
IMPHAL DEC 10: Kuki Students' Organisation GHQ a President P. Simte in tuni a
thusuah abawlna ah, KSO Sadar Hills District 2005-2007 ahun bei toh kiton in KSO
GHQ in tuni a meeting a neihna uah, term thak adingte teelna December 19, 2007
zinglam dak 11 a District Council Hall, Kangpokpi a neih hiding in taklang hi.
All Political Parties palaiten mi tuamtuam mu uh
IMPHAL DEC 10: Manipur a 2001 census diklou leh hiai pansan a delimitation bawl
hitheilou ding chih toh kisai a, All Political Parties O. Ibobi Singh makaih palai
ten centre a heutu tuamtuamte kimuhpihna zan Dec 9 in nei uhi.
Thutut kingah dan in, zan zinglam dak 11.30 in APPF ten CPI heutu A.B.Bardhan leh D.Raja te Ajay Bhawan, CPI office ah kimuhpih ua, tuabanah, CPI (M) office ah National General
Secretary Prakash Karat leng sunnung dak 12.30 in kimuhpih nawn uhi.
Left heutute kiang ah APPF ten Manipur a singtang gam a mihing naktak a pung leh
phaijang a mihing punna niamtak census report 2001 ahihman in, hiai pen table a
bawltom leh diklou ahihziakin, Delimitation Commission of India leh Govt. of India
in delimitation process maban suanlou dingin ngen uhi. Delimitation commission in India a state 25 ah hiai toh kisai zouvekta a, tua zohlouh a omlai state te bel, Manipur, Assam, Nagaland leh Arunachal Pradesh ahi. Hichibang ahihnakal ah, hiai state 4 teng exempted bawl ding leh delimitation commission in hiai tungtang a akinlam a Ordinance suahkhe dingin ngetna leng nei uhi. APPF palai ten hiai ahihtheih louh tan a amasa adan status quo maintained dingin leng ngetna bawl uhi. Left heututen APPF palaite ngetna enzui ding leh UPA a partner khat ahihna zar ua ahithei tan huhna pedingin leng thuchiam bawl uhi. Zan a central heutute kimuhpihna hun ah, Delhi a om himahleh, Gaikhangam MPCC President leh MLA Md. Hellaluddin te bel kihellou uh chih ahi. Zanhal in APPF palaiten Union Home minister Shivraj Patil leh Janeshwar Mishra Samajwadi Party MP te leng kimuhpihna neikhinta uhi.
K.L. Govil scholarship exam
IMPHAL DEC 10: BSEM in tuni a thusuah a bawlna ah, Board theihpihna school a
tukum a Class IX simte a dingin K.L. Govil Memorial Scholarships exam neih hiding
hi. Hiai scholarship ahihleh, student 6 ngah ding, February 2008 apat January 2009 tan daih ding ahihban ah, Rs 110 - Rs 160 kikal kha teng a ngah theihna ding ahi. Hiai adingin Premilinary Test in Mathematics Class IX syllabus pansan in, Dec 28, 2007 zinglam dak 10 in Board office ah exam om dinga, tua a telnuamten kingetna Board Secretary kiang ah, lemlak nih Head of institution te attested bawlsa toh fee Rs 20/- Dec 22, 2007 tan in piaklut theih ding hi.
www.zogam.com
Lamka, Dec 10: North East adia Engineering sinna munpi leh minthang pente lak a khat Itanagar Niljuri mun a om North Eastern Regional Institute of Science and Technology (NERIST) apan zanzek in Zosuan bangzah hiam in lohchinna ngah in sepna mu uhi. Amaute ahihleh, Tuankhanlal Ngaihte – Company Power Grid, Lunminlal Baite Company-L&T, Pausuanmang Buhril-West Bengal Railways, Thangkhopao Singson-TIL hi ua, tua banah, NERIST apan zoukhe thak mah, Hlunminthang Guite, John Thanglianmang, Ginneihthang Khuptong, William Baite leh Lalkawl Gangte in BHEL Company adi’n Written ah lohchinna ngah ua, interview ngak lel uhi.
Atung ate’n company tuamtuam ah lohchinna ngah mah le uh zom ut ding uhiam chih bel theih chiang hinailou a, hiai toh kisai in NERIST Eimi Society te’n kipahpihthu puang uhi.
Jawng sa in thau in kap kha
Lamka, Dec 10: Thanlon Sub Divn sung Sinzawl khua ah apaisa Dec. 8, 2007 sunnung dak 1:30 vel in Pasal 2 gamvak na uah Zamkhothang (60) s/o (L) Thuamkhogin of Sinzawl in a lawmpa Jawng (Monkey) sa in athau tawi in kap kha a, aban taklam kap liam in tuni taklam dak 3:30 in Lamka puak tung in om a, Dist Hospital Lamka ah etkol in om hi.
Army te inn bawl Jugali in Headmistry that
Lamka, Dec 10: Police apan kiza dan in Henglep Sub Divn sung Mualhoihchiang leh Aina kikal ah Dec 8, 2007 nitak dak 6:30 vel in Mualhoihchiang post a 2nd Assam Rifle te inn bawl a nasem Ngangba Romesh (21) s/o NG Mani Singh of Langthabal Lep Makha Leikai in a Headmistry Laishram Ibohanbi Singh(45) s/o L. Menjor Singh of Langthabal Lep Mayai Leikai Singjamei PS toh kisel buai ziakin that hi. Army ten Romesh Singh man uh a, Ibohanbi luang toh zan nitak in Lamka puak tun a om in Police ah pekhia in oim ngal hi. Misi inkuanpihte hong tun louh ziak un siluang Hospital ah om a, tualthattu pen Police Custody koih in om hi.
Mipin Guta sak ziak in vua
Lamka, Dec 10: Kwakta ah tuni zinglam dak 9:30 vel in guta khat mipi’n kidelh huan in tua ah theihkhelh ziakin Zabir(17) s/o Siraj Ahamad of Kwakta pen guta sa in mipi’n man in vua ua, a khut langnih liam ban ah a kawng lak liam in tun Dist Hospital Lamka ah etkol in om hi.
Workshop on HIV/AIDS and Drugs Abuse nei
Lamka, Dec 10: Diocesan Social Service Society/Community Based Drugs and AIDS Programne CCpur pawl saina in tuni zinglam dak 10:00 in Synod Hall IB Road ah Dist. Level Networking Workshop on HIV/AIDS and Drugs Abuse neu uhi.
Huai hun ah Rupachandra Sing ADC/CCpur leh Dr. M. Lachinkhai, Medical Supdt. Dist Hospital Chief Guest leh Guest of Honour in pang ua, Rev. Fr. Dominic Kanmi Asst. Director DSSS Imphal Functional President in pang hi.
Resource Person in Dr. VC Pau DAO/CCpur, Sasang, Programmed Manager, SAHARA leh Jacob Panmei Project Manager DSSS/CBDAP, Imphal te pang uhi.
Mung leh Saanching kiteng ding
Lamka, Dec 10: Mr. Ginkhenmung of Bungmual leh Miss Niangsaanching d/o S. Vialthawn of Vengnuam New Lamka, hong tung ding December 13, 2007, zinglam dak 10 in Bungmual EBCC Biakinn ah kiteng ding ua, Miss Niangsaanching khakna a teenna inn uh Vengnuam New Lamka ah sunnung dak 12:30 in om ding a, ngainatute’n uap chiat ding in chial uhi. Tuabanah, Th. Joel Phaltual s/o P. Kamkholal, President VPC (Hq) of Salem veng leh Miss Elizabeth Lalthakim d/o (L) Elder Lalsang Keivom of Hmar veng Dec. 14, 2007 zingkal lam dak 11:00 in Central Lamka EBCC Biak inn ah Saptuam dan in kiteng ding ua, tuabanah, Mr. K. Khatkhkanpau @ Harvey Pau s/o K. Nanggin of Dorcas Veng, New Lamka leh Miss Mangngaihniang @ Mangnu d/o (L) S. Thangchinkham of Dorcas Veng, Dec. 17 zinglam dak 10 in Dorcas veng, EBCC Biakinn ah kiteng ding ua, ngainatute’n uap chiang ding in chial uhi.
E Roll Revision a kuan te Honorarium hawm
Lamka, Dec 10: CCpur Dist a Electoral Roll Revision 2007 a Constituency tuamtuam a kuan Designated Officer (DO) leh dealing asst.(DA) te a ding sum honorarium DC/CCpur Office a election dept in hawm ua, SDO/BDO te kiang ah Duty Certificate la in sum lak thei hi.
DLCC meeting om ding
Lamka, Dec 10: Dist Level Coordination Committee (DLCC) meeting Dec 18, 2007 zinglam dak 11:00 in DC/CCpur Office ah meeting om ding a, huai ah SDO/BDO teng leh Dist Level Officer te tel ding uhi. Meeting zoh sun dak 12:30 in National Foundation for Communal Harmony(NFCH) toh kisai meeting sun zawm ngal ding ua, Block tuamtuam a SDO/BDO teng tel ding uhi.
Mid-day meal antang hawm ding
Lamka, Dec 10: ZEO/CCpur nuai a Govt School naupangte sun an ding (Mid-day meal) Nov. 2007 quata zingchiang zinglam dak 11:00 apan in Hill Town ah hawm ding uhi. Tutung a quata tawm ziakin Headmaster ten antang tawi nang bag lian loulou kitawi ngai ding hi’n official thutut kingah hi.
EBC Kumsim Khawmpi pai lel
Lamka, Dec 10: Evangelical Baptist Convention (EBC) kum sim khawmpi lian 59 veina pailel ah, zan in Upa 38 leh Pastor 6 ordination pia uhi. Tuni’n khawmpi palaiten vai hawmna nei ua, EBC Supplementary Budget 2007- 2008 a sum zat ding in Rs. 10,00,00/- passed uh a, EBC in kum 2008- 2009 sung a sum zat ding in Rs. 2,95,00,000/- passed uhi. Zingchiang nitak in khawmpi lian zou ding uhi.
ZRO Home Ministry in thusuah bawl
Lamka, Dec 10: ZRO a Home Ministry Department in Inter Tribe Idol Contest 2007 toh kisai in mipite theih ding in tuni’n thusuah bawl hi.
Thusuak in a taklak dan in, zingchiang December 11, 2007 a YPA Hall, Upper Lamka a Inter-Tribe Super Idol 2007 neihna ding ah mi kuapeuh kham neisa a kuamah tel louh ding, a entute leng hiai kim a zukham-sakham a om louh ding leh nam kal buaina tun thei ding a kuamah gamtang lou ding in taklang hi. Tua banah, kipumkhatna suse thei ding zu leh damdawi kham theih kuaman hihlou ding inleng taklang hi.
Thusuakin a taklat zelna ah, hiai toh kisai a kuaman buaina bawl louh ding a theisak kawm in hiai bang thupiak zahlou a buaina bawl a omleh a kituahpih bang action lak hidi’n leng taklang hi.
SIAM MEET om ding
Lamka, Dec 10: Saivaipaih khosuak te’n December 14 (Sintawpni) zinglam dak 11 in Synod Hall, IB Road ah Saivaipaih meet nei ding ua, huai ah Savaipaih khosuak teng kithuahkhawm in, nitaklam in ann kuang lui na neiding uhi.
City Inn hotel sung ah mithum kaplum
IMPHAL DEC 10: North AOC a om City Inn hotel sung ah tuni zinglam dak 9:30 vel dingin Police commando ten helpawl hidia muanmoh mi 3 kaplum uhi.
Thutut kingah dan in tuni zinglam dak 9 vel dingin, City Inn hotel ah Police commando civil dress silh nih in hotel room 200 tunglam a om mi om hiam chih vakan ua, tuazoh in hotel room khat apat thau kikap om in room khat apat taikhia ua, police inleng delhzui in kap thuk ua tu ah mi 3 kap lum uh hi’n thutut kingah hi.
Hiai thiltunna mun a, Imphal West SDPO Dr.AK.Jhaljit Singh in agendan in, City Inn Hotel a helpawlte om chih theih ziakin Bishnupur leh Imphal West Police commando combined force ten tua hotel valuh ua, tua ah room number 201 leh 202 a helpawl omsa te toh minute 15 vel kikap tuah ua mi 3 kaplum uh hidan in gen uhi. Siluang nihte bel, Room number 202 sunga lupna tung leh bathroom a muhsuah hi a, siluang khat pen bel, Hotel top floor a muhsuah ahi. Police ten kaplup a omte apat AK 56 khat atang 22, 9mm Pistol khat atang 3 ban ah Hand granade khat leng musuah ua, siluangte meltheih dingin, RIMS morgue ah koih in om uhi. Morgue apat thutut kingah dan in tuni a kaplup a omte lak a khat, Hamom Phulindro @ Great @ Sunil (35) s/o (L) Khelemba of Bishnupur ward 11 ahihban ah, amah helpawl KYKL a Lt.dinmun nei hidan in asungkuan ten gen uhi.
City Inn hotel a Manager Vikash gendan in, mithum te zan nitak a tua hotel a
vatung leh amau Prakash (48) s/o Ibomcha min a chiamteh leh Shillong apat hongtung
Gwahati zuan a zinkhe nawn ding un kigen uhi.
KSO Sadar Hills election Dec 19 in neih hiding
IMPHAL DEC 10: Kuki Students' Organisation GHQ a President P. Simte in tuni a
thusuah abawlna ah, KSO Sadar Hills District 2005-2007 ahun bei toh kiton in KSO
GHQ in tuni a meeting a neihna uah, term thak adingte teelna December 19, 2007
zinglam dak 11 a District Council Hall, Kangpokpi a neih hiding in taklang hi.
All Political Parties palaiten mi tuamtuam mu uh
IMPHAL DEC 10: Manipur a 2001 census diklou leh hiai pansan a delimitation bawl
hitheilou ding chih toh kisai a, All Political Parties O. Ibobi Singh makaih palai
ten centre a heutu tuamtuamte kimuhpihna zan Dec 9 in nei uhi.
Thutut kingah dan in, zan zinglam dak 11.30 in APPF ten CPI heutu A.B.Bardhan leh D.Raja te Ajay Bhawan, CPI office ah kimuhpih ua, tuabanah, CPI (M) office ah National General
Secretary Prakash Karat leng sunnung dak 12.30 in kimuhpih nawn uhi.
Left heutute kiang ah APPF ten Manipur a singtang gam a mihing naktak a pung leh
phaijang a mihing punna niamtak census report 2001 ahihman in, hiai pen table a
bawltom leh diklou ahihziakin, Delimitation Commission of India leh Govt. of India
in delimitation process maban suanlou dingin ngen uhi. Delimitation commission in India a state 25 ah hiai toh kisai zouvekta a, tua zohlouh a omlai state te bel, Manipur, Assam, Nagaland leh Arunachal Pradesh ahi. Hichibang ahihnakal ah, hiai state 4 teng exempted bawl ding leh delimitation commission in hiai tungtang a akinlam a Ordinance suahkhe dingin ngetna leng nei uhi. APPF palai ten hiai ahihtheih louh tan a amasa adan status quo maintained dingin leng ngetna bawl uhi. Left heututen APPF palaite ngetna enzui ding leh UPA a partner khat ahihna zar ua ahithei tan huhna pedingin leng thuchiam bawl uhi. Zan a central heutute kimuhpihna hun ah, Delhi a om himahleh, Gaikhangam MPCC President leh MLA Md. Hellaluddin te bel kihellou uh chih ahi. Zanhal in APPF palaiten Union Home minister Shivraj Patil leh Janeshwar Mishra Samajwadi Party MP te leng kimuhpihna neikhinta uhi.
K.L. Govil scholarship exam
IMPHAL DEC 10: BSEM in tuni a thusuah a bawlna ah, Board theihpihna school a
tukum a Class IX simte a dingin K.L. Govil Memorial Scholarships exam neih hiding
hi. Hiai scholarship ahihleh, student 6 ngah ding, February 2008 apat January 2009 tan daih ding ahihban ah, Rs 110 - Rs 160 kikal kha teng a ngah theihna ding ahi. Hiai adingin Premilinary Test in Mathematics Class IX syllabus pansan in, Dec 28, 2007 zinglam dak 10 in Board office ah exam om dinga, tua a telnuamten kingetna Board Secretary kiang ah, lemlak nih Head of institution te attested bawlsa toh fee Rs 20/- Dec 22, 2007 tan in piaklut theih ding hi.
www.zogam.com
No comments:
Post a Comment