District Health Society in gari 2 neithak
National Rural Health Mission,Government of India apat in District Health Society/CCpur nuai a District Mobile Medical Unit te’ zat ding in gari No AP 10BD T/R-2290 leh AP 10BD T/R-2268, Rs.40 lakhs val man hawng pai hi. Gari 2 te Hyderabad apat hong kipan hia, tuni zinglam dak 9:30 in CM in Kangla ah Dr.S.Gouzalam Vaiphei CMO leh D.Khuala Vaiphei District Health Programme Manager te kiang ah pe khia a, nitaklam dak 4 in Lamka hong tung hi.Gari sung ah Generator 8KV, TV, filter,oxygen, minor operation theih nang vanzat tuamtuam bukim tak in awm vek ngal hi.
Thanlon leh Henglep ading Antang pekhia
FCS godown HQ veng apat in Henglep A/C ading APL& BPL antang quintal 120 leh Thanlon A/C ading APL &BPL antang quintal 447 Feb.2008 quota puakkhiak in awm hi.
Gari pei in heetkha
Songthamoi (27) d/o Moilien of Patpuimun tuni sunnung dak 1:30 vel in Rengkai Bible Hills ah Bike tunga tuanglai Bike pei nunglam in akhetul taklam hetliam kha a, damdawi inn ah ki enkawl hi.
Malaria a si om lou
District Malaria Office te’n February 2008 khasung in Churachandpur District pumpi sung ah damlou mi 1058 te apanin sisan kaikhawm ua, mi 1 kia in malaria natna hik paai a, asi bel awmlou hi.
Haobijam James bail in khah hita
Apaisa Feb.24, 2008 nitak a 140 Bn.BSF ten muanmawh ziaka amat uh Haobijam James Singh (42) s/o H.Leibakmacha Singh of Zenhang Lamka ni bangzah hiam sung Police Custody ah a awm nung in bail in pawt khia hi. Thukiza dan in, H.James in helpawl tawh ki zom kei mahleh, amah haza khenkhat in, helpawl tawh kizom chi’n BSF te lak ah a report ziak un, BSF te’n muanmawh ziak a amat uh hizaw dan in gen uhi.
Inter Tribe Idol di’n Thangginsang Tawmbing
Inter Tribe Melo Artistes Manipur te’ saina in tuni sunnung dak 1 in YPA Hall Upper Lamka ah Inter Tribe Super Idol Contest 2007-2008 grand final neih in awm hi. Chief Guest in Sumant Singh IAS,DC/CCpur pang a,music poimawh dan leh mihingte kipaksak tu ahihdan genna neia, Super Idol tungtawna mipi te lak ah ki itna, lemna leh muanna tuntu hileh chih adeihthu gen hi.Guest of Honour in Ginsuanhau, Special Contractor panga, athugen na ah ju leh sa a kibual mailoua, top 10 atel banteng mabanah hoihtaka kizil touding in hasawtna neia, nekzonna dinga leng zattheih ahihdan gen hi. Super Idol contest ah Ist ah Thangginsang Tawmbing, 2nd ah Stephen leh 3rd Khummuanching hi a, amau Rs 50,000, Rs 30,000 leh Rs 20,000 chiat sang ua, top 10 a tel baan tengteng Rs 5,000 chiat sang uhi.
Suunna:
Ngamthianmuan (31) s/o H Ginzapau of Pearsonmun tuni zinglam dak 6 in Shalom Hospice ah damlou in si a, nitaklam in Pearsonmun hanmual ah kivui hi.
Vungcha (86) s/o (late) Rev Lungpau of Red Cross Road zan nitak dak 11 in teeknat in si a, tuni in New Christian Cemetery, Headquarter veng ah kivui hi.
IMPHAL NEWS:
Council in exam ah mi 5 nawhkhia
Council of Higher Secondary Education, Manipur saina nuai ah zan Feb 29 in Class XII examination kipan a, huai ah mi 5 nawhkhiak in om hi. Nawhkhiak a om te ahihleh, Motbung Private centre apan ngen hi uhi. Council Chairman thusuak dungzui in, chiin dan kilawmlou a matkhiak Pahira Begum Roll No 1469 (Arts) hi a, mi taang a exam sak, Jangkholal Khongsai Roll no 1413 (Arts), Khawlneinieng Sitlhou Roll no 1447 (Arts), Lamshi Gangte Roll no 1449 (Arts) leh Thiempi Khongsai Roll no 1470(Arts) hi’n CoHSEM Chairman in a thusuah ah taklang a, maban a Manipur state nuai a exam om himhim ah candidate matkhiak a om te telthei lou ding in leng gaakna bawl hi.
MUTSU in kiphinna neih ding khawlsan
Imphal, March 1: Manipur University Tribal Students’ Union (MUTSU) President Gonmei Gansingam leh General Secretary Michael Lunminthang in tuni a Press note a bawldan un, Chief Minister in MUTSU tung ah thuchiam bangzah hiam aneih ziak in, tu-le-tu a kiphinna aneih sawm uh khawlsan phot ding uh ahihdan taklang uhi.
MUTSU thusuak in ataklatna ah, Chief Minister official bungalow ah zan (feb 29) nitak dak 10:30 tan meeting poimawh tak om a, huai ah Cabinet Minister tuamtuam te, Tribal Development Minister, Chief Secretary leh MUTSU palai te’n meeting nei in, Chief Minister in ahaksatna uh etzui ding a achiam ziak in, MUTSU leh ATSUM makaih a singtangmi Manipur University campus sung leh pua a om teng in University nuse ding chi a thupukna alaksa uh zukkik uhi.
MUTSU makaite’n a thusuahna uah, kilemna piching tak a piantheihna dia panlatu Manipur singtangmi MLA teng tung ah kipahthu gen ua, Assembly budget session pailel ah, a haksatna uh ana gensak leh amaute ana makaihtu MLA te tung ah kipaklua uh ahihdan puang ua, maban ah MUTSU leh ATSUM demand tuamtuam te pichin seem ahih theihna dia pan ana la ding leh ana pilvang semding in ngetna nei uhi. Job/employment leh adangdang a ST reservation 34.2% om pe’n lawhchingtak a zat ahihtheihna ding a panlak pih lai ding in leng ngetna nei uhi.
Chief Minister makaih MUTSU palaite tawh a kimuhkhawmna hun uah, MUTSU leh ATSUM in demand tuamtuam a bawlte enzui ding in Committee khat sepkhia ua, huai ah Chief Minister, Education Minister, Hill Areas Committee Chairman, Chief Secretary, MUTSU leh ATSUM apan palaite tel ua, amau tunung sawtlou a Central Government heutute mu ding uh ahihdan leng MUTSU thusuak in ataklang hi.
RIMS Director Inn ah bomb kikoih
Imphal, March 1: Regional Institute of Medical Sciences (RIMS) a Director Prof. L Infimate tenna Quarter ah tu zingkal dak 7:30 vel ding in meltheihlouh pawlkhat in hand grenade va koih uh a, police a theihsak ahih dungzui in, zinglam dak 11 in bomb expert te’n va lakhia uhi
Sunday Sermon:
Mit a muhtheih leh muhtheihlouh thupinate (Text 11 Korinth 4:18)
-Pastor Dr Hs Chinsuanthang
EBCC Immanuel Headquarter
Thumasa: Hiai khawvel ahihleh Christiante ading in i khualzinna lel uh ahi a, i tenna mun dinga khawveng hihna ding diktak bel khawvel kisiamchil apan ei adia gam leh khawpi Pathian in a bawlsa a om van(heaven) ahizaw hi(Math 25:34). Huaiziakin eite’n hiai khawvel leh asung a om i muhtheih thilte enlou in tu a i muhtheih nailouh uh i tenna ding uh van a om khawpi en gige kawm in i khualzinna lam ah i paizaw ding uh, chih houlim khawm lehang i ut uhi.
1.I thil muhtheihte tomchik sunga ding ahi: Khawvel leh a sunga thil omte tengteng tangtawn daih ding himhim khat leng a om kei a, zingni thaini a mangthang pah ding ngen ahizaw hi. Khawvel a mipilte, mi thupite, milian leh lalte banah mi hausate asi ua, himahleh meithai, mi bangmahloute , mi gentheite leh mijawng site tawh kilamdanna khat lel leng omlou in a leitung hinkhua uh a mangthang chiat hi. Mihingte hinkhua bel mei(cloud) tomchik sunglel hong kai a, huih in a mut mang nawnpah bangin leh nahpa tunga daitui tomchik om theihlouh kala takmang nawnpah bang in a mangzel hi. Khawvel a milian leh thupite leng kuamah lianden leh lalden omlou in a damsung hun mah un a lalnate uleh a thupinate un a beisanpah zelzaw hi.
Khawvel a mi hatte leng kuamah hatden omlou in a damsung hun mah un a lalnate uleh a thupinate un a beisanpah zelzaw hi. Khawvela mihatte leng kuamah a hatden omlou in a damsung ngei un pak hoihtaka hong pak a vulnawn pah a mangthang bangin a hatnate un a beisan a huchi’n mihatloute tawh kilamdanna himhim omlou in a om zel uhi. Mi damtheite leng kuamah khawvel a chidam den a om kei a, jongkhal a damtheilou a lupna tung ngakdente bang in a damtheihna un ni khat ni mah in a taisan thouthou sek hi. Huchi mah bang in khawvel leh asung a om thil om gou, mun leh mual banah khawpi thupitakte leng vaivut suak in leikawm ah a mangthang zel hi. Khawvel in a kholkhawm sum-le-pai, dangkate leng tomchik sungin a mangthang pah zel chih i theichiang mahmah hi.
Huaiziakin van diktak khawvel a hongpai a khalam muhtheihna neilou a mitdelte banga i omlai un khalam muhchet theihna leh khalam a mitvakna honpia i Toupa Jesu Christ min i phat uhi. Eite’n hiai banga khalam mitvakna i neihtak man un khawvel leh a sunga thil omte leh thilmuh theihte tomchik sunga dingte enlou in khawvel ah khualzin lampai bangin ginna in i paizaw uhi.
2. Thilmuh theihlouhte tangtawn ading ahi: Thupina, lalna, pilna leh nopsaknate zaw Toupa’n tangtawn a om gige ding in van gama a honpiak dinga hon chiamte ahizaw uhi. Gou thupipen bel tangtawn a om gige ding Gou ahi a, denchiang a Christ taw i luahkhawm ding uh van a om ahizaw hi (Rome-te 8;17). Tu’n bel salam mit in huaite i muthei tadih kei a, himahleh ginna mit in huaite gamlapi a galmuh chiaichiai in hiai khawvel ah khualzin in i pai lellel uhi.(Heb 11:13-16). Hiai muhtheihlouh thil van a omte zaw tangtawn daih dingte ahizaw uhi. Toupa Jesu’n leng van a Pathian kianga thil omte en gige zaw ding leh hiai khawvel leh asunga thupina omte enlou in khawvel ah a kikang koihzaw hi(Luke 9:58 b). Huai mah eite’n leng etton a nei in khawvel a thil muhtheihte maimai enlou in van a thil muhtheihlouhte en gige zaw in Toupa Jesu nungzui lehang i chi uhi. Thil muhtheihte bel tomchik sung ading ahi a, muhtheihlouhte bel tangtawn ading ahihziakin muhtheih bangmahloute ah i lungtang uh i koihkip kei ding uhi. I deihpen leh i lunggulh penpente’n tunung chiang in i tangtawn mun chiat ding uah ahon pilut ding uh chih thei in pilvang chiat lehang i chi uhi. Thupina diktakte ahihleh muhtheihlouh van a om tangtawna hong kilang dingte ahizaw uhi.
Simtute tengteng Toupa’a tangtawn a dingte kia en a khualzinna lampi a pai ding in khawvel ah honpi chiat hen.
-------------------------------------------------------------------------
Employment News:
Union Public Service Commission in July 12, 2008 in anuai abang post a semding lakna ding in competitive examination conduct ding a, huai ding in North-east bial ah Agartala, Aizawl, Dispur(Guwahati), Imphal, Itanagar, Jorhat, Kohima leh Shillong leng examination centre hiding hi.
1. Indian Forest Service : post 85
Age: 21-30 years(ST/SC upto 35 yrs)
Educational Qualification: Bachelor’s degree of a recognized
University with at least one of the subjects namely
Animal Husbandry & Vety Science, Botany, Chemistry,
Geology, Mathematics, Physics, Statistics and Zoology or
a Bachelor’s degree in Agriculture, Forestry or Engineering
or an equivalent qualification.
Atunga kitaklang bang siamna leh chitna nei a lungluit te’n North-east circle a Agartala, Aizawl, Dharmanagar, Imphal, Itanagar, Kohima, Shillong, Tura leh Radhakishorepur a Head Post office/Post offices apan Rs. 20 pia in UPSC a bawl common application form ngahtheih ding hi. Application kimtaka fill-up zawh in anuai a address ah March 17, 2008 tana tung dingin post/speed post (by hand & courier bel hitheilou) in thon theih ding hi.
-The Secretary
Union Public Service Commission,
Dholpur House, Shahjahand Road,
New Delhi-110069.
(Detail information leh thuchiang zawsem theinuamte adingin Employment News
Feb 9-15,2008 issue ah et theih ding hi).
**************************************
Employment News:
Special Recruitment Drive for Scheduled Tribe candidate pansan in Indian Overseas Bank a sem ding lakna ding in May 11, 2008 in Written examination om ding a, Manipur leh North-east state tuamtuam a candidate-te adia centre naipen Guwahatai hiding hi.
1. Clerk: post 510
Pay: Rs. 4410-13,210 per month
Age: 18-28 yrs(ST upto 33 yrs)
Qualification: Degree with minimum of 45% marks in any displine, 10+2 of
10+2+3 pattern with 60% marks aggregate.
Atunga post adia siamna leh chitna nei a lunglutte adingin prescribed application zang in application fee Rs. 50(non-refundable) tel in leh document poimawh tuamtuam tawh kithuah in March 12, 2008 tana tungman ding in Ordinary Post ah anuai a address ah thon ngai hi.
Post Box No. 8597
Kandivali(east)
Mumbai-400101
(Detail information leh prescribed application deihte adingin Employment News Feb 2-8, 2008 issue ah et-theih ding hi).
National Tribal Award apply theih ding
Ministry of Tribal Affairs, Govt of India in kum 2008-09 a 11th Plan hunsung in National Tribal Award kichi anuai abang scheme thak patkhiak sawm a, mimal leh group huai dia lunglut kuapeuh in July 31, 2008 tan Director of Tribal Research Institute,Imphal tawn in apply theih ding a, thu omdan kimzaw leng huai Directorate ah kanchet theih ding hi.
1. Best Janjatiya Award: Hiai award ngahte’n Rs. 2 lakhs, citation leh trophy mu ding uhi. Sports, Education,Culture, Science & Technology, Entrepreurship & Biodiversity conservation leh field dangdang ate’n hiai Award muthei ding uhi. ST pasal 1 leh ST mah numei 1 in ngahthei ding hi.
2. National Award for Exemplary Community Service: Hiai Award ah Rs. 3 lakhs, citation leh trophy kithuahkhawm ding hi. NGOs, voluntary organizations leh community based group khatpeuh community service thila semhoih tungtuante piak hiding uhi.
3. National Award for best performing Integrated Tribal Development Project(ITDP)/Integrated Tribal Development Agency(ITDA): Hiai Award mute Rs. 5 lakhs, citation leh trophy in zui ding hi.
www.manipurexpress.com
National Rural Health Mission,Government of India apat in District Health Society/CCpur nuai a District Mobile Medical Unit te’ zat ding in gari No AP 10BD T/R-2290 leh AP 10BD T/R-2268, Rs.40 lakhs val man hawng pai hi. Gari 2 te Hyderabad apat hong kipan hia, tuni zinglam dak 9:30 in CM in Kangla ah Dr.S.Gouzalam Vaiphei CMO leh D.Khuala Vaiphei District Health Programme Manager te kiang ah pe khia a, nitaklam dak 4 in Lamka hong tung hi.Gari sung ah Generator 8KV, TV, filter,oxygen, minor operation theih nang vanzat tuamtuam bukim tak in awm vek ngal hi.
Thanlon leh Henglep ading Antang pekhia
FCS godown HQ veng apat in Henglep A/C ading APL& BPL antang quintal 120 leh Thanlon A/C ading APL &BPL antang quintal 447 Feb.2008 quota puakkhiak in awm hi.
Gari pei in heetkha
Songthamoi (27) d/o Moilien of Patpuimun tuni sunnung dak 1:30 vel in Rengkai Bible Hills ah Bike tunga tuanglai Bike pei nunglam in akhetul taklam hetliam kha a, damdawi inn ah ki enkawl hi.
Malaria a si om lou
District Malaria Office te’n February 2008 khasung in Churachandpur District pumpi sung ah damlou mi 1058 te apanin sisan kaikhawm ua, mi 1 kia in malaria natna hik paai a, asi bel awmlou hi.
Haobijam James bail in khah hita
Apaisa Feb.24, 2008 nitak a 140 Bn.BSF ten muanmawh ziaka amat uh Haobijam James Singh (42) s/o H.Leibakmacha Singh of Zenhang Lamka ni bangzah hiam sung Police Custody ah a awm nung in bail in pawt khia hi. Thukiza dan in, H.James in helpawl tawh ki zom kei mahleh, amah haza khenkhat in, helpawl tawh kizom chi’n BSF te lak ah a report ziak un, BSF te’n muanmawh ziak a amat uh hizaw dan in gen uhi.
Inter Tribe Idol di’n Thangginsang Tawmbing
Inter Tribe Melo Artistes Manipur te’ saina in tuni sunnung dak 1 in YPA Hall Upper Lamka ah Inter Tribe Super Idol Contest 2007-2008 grand final neih in awm hi. Chief Guest in Sumant Singh IAS,DC/CCpur pang a,music poimawh dan leh mihingte kipaksak tu ahihdan genna neia, Super Idol tungtawna mipi te lak ah ki itna, lemna leh muanna tuntu hileh chih adeihthu gen hi.Guest of Honour in Ginsuanhau, Special Contractor panga, athugen na ah ju leh sa a kibual mailoua, top 10 atel banteng mabanah hoihtaka kizil touding in hasawtna neia, nekzonna dinga leng zattheih ahihdan gen hi. Super Idol contest ah Ist ah Thangginsang Tawmbing, 2nd ah Stephen leh 3rd Khummuanching hi a, amau Rs 50,000, Rs 30,000 leh Rs 20,000 chiat sang ua, top 10 a tel baan tengteng Rs 5,000 chiat sang uhi.
Suunna:
Ngamthianmuan (31) s/o H Ginzapau of Pearsonmun tuni zinglam dak 6 in Shalom Hospice ah damlou in si a, nitaklam in Pearsonmun hanmual ah kivui hi.
Vungcha (86) s/o (late) Rev Lungpau of Red Cross Road zan nitak dak 11 in teeknat in si a, tuni in New Christian Cemetery, Headquarter veng ah kivui hi.
IMPHAL NEWS:
Council in exam ah mi 5 nawhkhia
Council of Higher Secondary Education, Manipur saina nuai ah zan Feb 29 in Class XII examination kipan a, huai ah mi 5 nawhkhiak in om hi. Nawhkhiak a om te ahihleh, Motbung Private centre apan ngen hi uhi. Council Chairman thusuak dungzui in, chiin dan kilawmlou a matkhiak Pahira Begum Roll No 1469 (Arts) hi a, mi taang a exam sak, Jangkholal Khongsai Roll no 1413 (Arts), Khawlneinieng Sitlhou Roll no 1447 (Arts), Lamshi Gangte Roll no 1449 (Arts) leh Thiempi Khongsai Roll no 1470(Arts) hi’n CoHSEM Chairman in a thusuah ah taklang a, maban a Manipur state nuai a exam om himhim ah candidate matkhiak a om te telthei lou ding in leng gaakna bawl hi.
MUTSU in kiphinna neih ding khawlsan
Imphal, March 1: Manipur University Tribal Students’ Union (MUTSU) President Gonmei Gansingam leh General Secretary Michael Lunminthang in tuni a Press note a bawldan un, Chief Minister in MUTSU tung ah thuchiam bangzah hiam aneih ziak in, tu-le-tu a kiphinna aneih sawm uh khawlsan phot ding uh ahihdan taklang uhi.
MUTSU thusuak in ataklatna ah, Chief Minister official bungalow ah zan (feb 29) nitak dak 10:30 tan meeting poimawh tak om a, huai ah Cabinet Minister tuamtuam te, Tribal Development Minister, Chief Secretary leh MUTSU palai te’n meeting nei in, Chief Minister in ahaksatna uh etzui ding a achiam ziak in, MUTSU leh ATSUM makaih a singtangmi Manipur University campus sung leh pua a om teng in University nuse ding chi a thupukna alaksa uh zukkik uhi.
MUTSU makaite’n a thusuahna uah, kilemna piching tak a piantheihna dia panlatu Manipur singtangmi MLA teng tung ah kipahthu gen ua, Assembly budget session pailel ah, a haksatna uh ana gensak leh amaute ana makaihtu MLA te tung ah kipaklua uh ahihdan puang ua, maban ah MUTSU leh ATSUM demand tuamtuam te pichin seem ahih theihna dia pan ana la ding leh ana pilvang semding in ngetna nei uhi. Job/employment leh adangdang a ST reservation 34.2% om pe’n lawhchingtak a zat ahihtheihna ding a panlak pih lai ding in leng ngetna nei uhi.
Chief Minister makaih MUTSU palaite tawh a kimuhkhawmna hun uah, MUTSU leh ATSUM in demand tuamtuam a bawlte enzui ding in Committee khat sepkhia ua, huai ah Chief Minister, Education Minister, Hill Areas Committee Chairman, Chief Secretary, MUTSU leh ATSUM apan palaite tel ua, amau tunung sawtlou a Central Government heutute mu ding uh ahihdan leng MUTSU thusuak in ataklang hi.
RIMS Director Inn ah bomb kikoih
Imphal, March 1: Regional Institute of Medical Sciences (RIMS) a Director Prof. L Infimate tenna Quarter ah tu zingkal dak 7:30 vel ding in meltheihlouh pawlkhat in hand grenade va koih uh a, police a theihsak ahih dungzui in, zinglam dak 11 in bomb expert te’n va lakhia uhi
Sunday Sermon:
Mit a muhtheih leh muhtheihlouh thupinate (Text 11 Korinth 4:18)
-Pastor Dr Hs Chinsuanthang
EBCC Immanuel Headquarter
Thumasa: Hiai khawvel ahihleh Christiante ading in i khualzinna lel uh ahi a, i tenna mun dinga khawveng hihna ding diktak bel khawvel kisiamchil apan ei adia gam leh khawpi Pathian in a bawlsa a om van(heaven) ahizaw hi(Math 25:34). Huaiziakin eite’n hiai khawvel leh asung a om i muhtheih thilte enlou in tu a i muhtheih nailouh uh i tenna ding uh van a om khawpi en gige kawm in i khualzinna lam ah i paizaw ding uh, chih houlim khawm lehang i ut uhi.
1.I thil muhtheihte tomchik sunga ding ahi: Khawvel leh a sunga thil omte tengteng tangtawn daih ding himhim khat leng a om kei a, zingni thaini a mangthang pah ding ngen ahizaw hi. Khawvel a mipilte, mi thupite, milian leh lalte banah mi hausate asi ua, himahleh meithai, mi bangmahloute , mi gentheite leh mijawng site tawh kilamdanna khat lel leng omlou in a leitung hinkhua uh a mangthang chiat hi. Mihingte hinkhua bel mei(cloud) tomchik sunglel hong kai a, huih in a mut mang nawnpah bangin leh nahpa tunga daitui tomchik om theihlouh kala takmang nawnpah bang in a mangzel hi. Khawvel a milian leh thupite leng kuamah lianden leh lalden omlou in a damsung hun mah un a lalnate uleh a thupinate un a beisanpah zelzaw hi.
Khawvel a mi hatte leng kuamah hatden omlou in a damsung hun mah un a lalnate uleh a thupinate un a beisanpah zelzaw hi. Khawvela mihatte leng kuamah a hatden omlou in a damsung ngei un pak hoihtaka hong pak a vulnawn pah a mangthang bangin a hatnate un a beisan a huchi’n mihatloute tawh kilamdanna himhim omlou in a om zel uhi. Mi damtheite leng kuamah khawvel a chidam den a om kei a, jongkhal a damtheilou a lupna tung ngakdente bang in a damtheihna un ni khat ni mah in a taisan thouthou sek hi. Huchi mah bang in khawvel leh asung a om thil om gou, mun leh mual banah khawpi thupitakte leng vaivut suak in leikawm ah a mangthang zel hi. Khawvel in a kholkhawm sum-le-pai, dangkate leng tomchik sungin a mangthang pah zel chih i theichiang mahmah hi.
Huaiziakin van diktak khawvel a hongpai a khalam muhtheihna neilou a mitdelte banga i omlai un khalam muhchet theihna leh khalam a mitvakna honpia i Toupa Jesu Christ min i phat uhi. Eite’n hiai banga khalam mitvakna i neihtak man un khawvel leh a sunga thil omte leh thilmuh theihte tomchik sunga dingte enlou in khawvel ah khualzin lampai bangin ginna in i paizaw uhi.
2. Thilmuh theihlouhte tangtawn ading ahi: Thupina, lalna, pilna leh nopsaknate zaw Toupa’n tangtawn a om gige ding in van gama a honpiak dinga hon chiamte ahizaw uhi. Gou thupipen bel tangtawn a om gige ding Gou ahi a, denchiang a Christ taw i luahkhawm ding uh van a om ahizaw hi (Rome-te 8;17). Tu’n bel salam mit in huaite i muthei tadih kei a, himahleh ginna mit in huaite gamlapi a galmuh chiaichiai in hiai khawvel ah khualzin in i pai lellel uhi.(Heb 11:13-16). Hiai muhtheihlouh thil van a omte zaw tangtawn daih dingte ahizaw uhi. Toupa Jesu’n leng van a Pathian kianga thil omte en gige zaw ding leh hiai khawvel leh asunga thupina omte enlou in khawvel ah a kikang koihzaw hi(Luke 9:58 b). Huai mah eite’n leng etton a nei in khawvel a thil muhtheihte maimai enlou in van a thil muhtheihlouhte en gige zaw in Toupa Jesu nungzui lehang i chi uhi. Thil muhtheihte bel tomchik sung ading ahi a, muhtheihlouhte bel tangtawn ading ahihziakin muhtheih bangmahloute ah i lungtang uh i koihkip kei ding uhi. I deihpen leh i lunggulh penpente’n tunung chiang in i tangtawn mun chiat ding uah ahon pilut ding uh chih thei in pilvang chiat lehang i chi uhi. Thupina diktakte ahihleh muhtheihlouh van a om tangtawna hong kilang dingte ahizaw uhi.
Simtute tengteng Toupa’a tangtawn a dingte kia en a khualzinna lampi a pai ding in khawvel ah honpi chiat hen.
-------------------------------------------------------------------------
Employment News:
Union Public Service Commission in July 12, 2008 in anuai abang post a semding lakna ding in competitive examination conduct ding a, huai ding in North-east bial ah Agartala, Aizawl, Dispur(Guwahati), Imphal, Itanagar, Jorhat, Kohima leh Shillong leng examination centre hiding hi.
1. Indian Forest Service : post 85
Age: 21-30 years(ST/SC upto 35 yrs)
Educational Qualification: Bachelor’s degree of a recognized
University with at least one of the subjects namely
Animal Husbandry & Vety Science, Botany, Chemistry,
Geology, Mathematics, Physics, Statistics and Zoology or
a Bachelor’s degree in Agriculture, Forestry or Engineering
or an equivalent qualification.
Atunga kitaklang bang siamna leh chitna nei a lungluit te’n North-east circle a Agartala, Aizawl, Dharmanagar, Imphal, Itanagar, Kohima, Shillong, Tura leh Radhakishorepur a Head Post office/Post offices apan Rs. 20 pia in UPSC a bawl common application form ngahtheih ding hi. Application kimtaka fill-up zawh in anuai a address ah March 17, 2008 tana tung dingin post/speed post (by hand & courier bel hitheilou) in thon theih ding hi.
-The Secretary
Union Public Service Commission,
Dholpur House, Shahjahand Road,
New Delhi-110069.
(Detail information leh thuchiang zawsem theinuamte adingin Employment News
Feb 9-15,2008 issue ah et theih ding hi).
**************************************
Employment News:
Special Recruitment Drive for Scheduled Tribe candidate pansan in Indian Overseas Bank a sem ding lakna ding in May 11, 2008 in Written examination om ding a, Manipur leh North-east state tuamtuam a candidate-te adia centre naipen Guwahatai hiding hi.
1. Clerk: post 510
Pay: Rs. 4410-13,210 per month
Age: 18-28 yrs(ST upto 33 yrs)
Qualification: Degree with minimum of 45% marks in any displine, 10+2 of
10+2+3 pattern with 60% marks aggregate.
Atunga post adia siamna leh chitna nei a lunglutte adingin prescribed application zang in application fee Rs. 50(non-refundable) tel in leh document poimawh tuamtuam tawh kithuah in March 12, 2008 tana tungman ding in Ordinary Post ah anuai a address ah thon ngai hi.
Post Box No. 8597
Kandivali(east)
Mumbai-400101
(Detail information leh prescribed application deihte adingin Employment News Feb 2-8, 2008 issue ah et-theih ding hi).
National Tribal Award apply theih ding
Ministry of Tribal Affairs, Govt of India in kum 2008-09 a 11th Plan hunsung in National Tribal Award kichi anuai abang scheme thak patkhiak sawm a, mimal leh group huai dia lunglut kuapeuh in July 31, 2008 tan Director of Tribal Research Institute,Imphal tawn in apply theih ding a, thu omdan kimzaw leng huai Directorate ah kanchet theih ding hi.
1. Best Janjatiya Award: Hiai award ngahte’n Rs. 2 lakhs, citation leh trophy mu ding uhi. Sports, Education,Culture, Science & Technology, Entrepreurship & Biodiversity conservation leh field dangdang ate’n hiai Award muthei ding uhi. ST pasal 1 leh ST mah numei 1 in ngahthei ding hi.
2. National Award for Exemplary Community Service: Hiai Award ah Rs. 3 lakhs, citation leh trophy kithuahkhawm ding hi. NGOs, voluntary organizations leh community based group khatpeuh community service thila semhoih tungtuante piak hiding uhi.
3. National Award for best performing Integrated Tribal Development Project(ITDP)/Integrated Tribal Development Agency(ITDA): Hiai Award mute Rs. 5 lakhs, citation leh trophy in zui ding hi.
www.manipurexpress.com
No comments:
Post a Comment