- By: James ZO Mang
Thu patna:
Leitung ah na zosie alangbai ci omlo in abukim in na om hi cipen thuhilsie laisiengtho enlei kicien mama aa, imit inzong imuthei uh pawlkhat a-om ma bangin athu aa ithei le izah, itawh, iphuk, igen uhzong honpi khat naom hi. Gentena: Suo ni le si ni, khuovak le khuo miel, avot le asa, akaang le avom, anu le apa, nui ni le ka ni, ahoi le asie,Vantung le leitung ect….na om ditdet hi. Tua dungzui in Pasien thuzong alangni hiem namsau tawh kibang hi ci'n laisiengtho sungah anagen imu uoa, tua alang ni hiem namsau akici Pasien thu san nale hil na ah, alang ni in hiemsah nawnlo in alang abolsah sandan aa thuhil dan aomthei pawlkhat ikikum ding uhhi.
Thusung teng:
Pasien in leitung asiem ma bangin alang khatah vantung zong nasiem aa tuo asiemsa te zosie nahici nuosie lo in akem, a-uk, amakai le thuneih dingin amasun in mihing ei nasiem hi. (Pien.1:26) Tua ziekin Pasien ei siemsa mihing te in, Pasien lungdamna thu, gupnathu ithei, isan na-ah alangni aa om ahilam theisiem aa ikep cing aa, igensiem, izuisiem dinguh kisam mama hi cithu le, Pasien gupnathu (gospel) akici sungah zong, hlathu beh nahuom hilo in, leitungthu leitung tawh kisai zosie zong anahuom ahithu laisiengtho sungaa imuthei uh thu pawlkhat en in igupna thusan dan uhleh, tuo isan uh lungdam nathu tungtawn ah bangteng mawpuo na inei uh cithu pawlkhat ien ding uhhi.
1. Pasien itding dan thu Zeisu in " Mangpa na Pasien nalungsim zosie tawh na it in" Mt. 22:37 cia agen thu bullet le uonggen keei, mihing itding thu genin nei nawnlo banah, thuse lo in "kei mipiengtha hi tang, leitung cilesa tetawh kei kisai nawnsing" ici lai tahin " Mikhat in Pasien ka it hi ci aa, a unau amuda leh azuou ahi hi. Bangziek ei cile, amuthei a unau a itsih le, amu lo Pasien bang aci it dieai?" 1John.4:20 cia agen iphawk dinguh kisam hi. Tua dan thuhil na in Pasien thu pen alangkhat abol sah tawh kibang hi.
2. Gupna thu kasang zo aa, hlasiengtho tawh kakidim hi ci'n, ham kithei lo potawh ham kawmkawm in pulpit tungah Halleluiah, Amen ci,n inn ling za dongin awngkeei in, gupnathu tawh kisai sawltah Paul in " Upna ziekin hepi natawh gupna nga " cia, Eph. 2:8 sung aa agen laisiengtho mun khatbeh bulbawl keei in, diangin thuhil in gamtat na hoi akisam talo za dongaa igen lai tahin, tua laisiengtho anei lam sim suh leih akigamla hetlo ameng 10 na-ah, " Eite Pasien in ei nasiem aa, nasep hoite sem dingaa, Christawh pumkhat aa om ihita uhhi." aci lamtah iphawh gige dinguh kisam hi.Tuadan aa pulpit tung pan Pasien thuhilhil te ihi khak dinguh dahuoi hi. Eite pen gamtat hoi aa igamtat nading uoa, Zeisu in eigum nahi luolai zaw hi. Gupnathu pen mawna bawl thei nading laisen ( license/permit ) isuosah lo dinguh kidophuoi mama hi. Tuadan thuhil napen alang ni hiem Pasien thu pen alang bolsah sah suoh hi.
3. Pasien thubeh cikhat bulbawl keei in, " Mihing in khomun behtawh hing hilo aa, Pasien kamsung pan aa pusuoh thutawh hing hi" cia Mate 4:4 sung pansia in pulpit tung ah thuhil na ineh laitah in, khomun akici tahsa hin nading pen Zeisu in athusim lo za dongaa thuhil te ihi khak dinguh deihhuoi lo hi. Isreal te Egypt pan Kanaan gam azot lai tahin, tahsa aading akisam neh ding alughimaw le maana moh vantung pan aa akhieh papen Pasien hi aa, cile sa aading alughimaw mama Pasien anahi thamtham hi. Zeisu mama in athuhil zaw ciengin agilkiel mipi te nga le moh tawh navaa ngekngek lai hi.Mt.14:17, Tua ziekin tamdan thuhil napen Pasien thu alang bolsah thuhil te suoh ding hi.
4. Tawntung hinna thu, ( gospel ) lungdamna thu, gupkhietna thu thupi bawlluo kisa in, khangkhat beh ading ahi pumpi hinna dingpen Zeisu in athupi selo za aa, isan khahding zong adahuoi khat hita sawnsawn hi. Tamtawh kisai thuhil nate ingai ciengin Hla le pumpi kipe na, kizop na neilo, akisai khatalo za dongin thuhil nate izathei zel uhhi. Pumpi pen hla tawh kisai luo, kizop luo ahi ziekin sawltah Paul in " No te in Pasien hlasiengtho ten na biekinn nahi uhhi" ci'n 1Cor.3:16 sungah nagen thamtham hi. Hlasiengtho le pumpi akisai khalo in koih lei, ipumpi sungaa bameng khat ahi ikhutme khat sattan lei eee?ahisihleh, isi tawhdong in guta bulu, suomlum in gamta denden lei ee?, tuo in leitung thukhen na zum beh thamlo vantung thukhen na zum dong eitun dingaa, hindenden na vantunggam tawh nakisai tham ding hi. Tua ziekin tuadan thuhil na pen alang ni hiem Pasien thu alang bolsah thuhil suoh tasawnsawn ding hi.
5. Pasien gupkhietna thu Zeisu in Mate 28:19 sungah "mizosie nuozui suohsah ding "cia agen na bultuh in, gupna thule thukhen napen mimal khatta beh tawh kisai le, minam khat le gam khat citawh akisai talo za dongaa, a uoang gente ihikhah ding uhzong maan/dihsieng lo khading hi. Zeisu in Mate 28:19 sungah mi zosie nuozui suohsah ding cia agen na imu bangun, Mate. 25:31-46 sungah minam zui inzong thukhena thuohding cia agenna imu uhhi.Tuabanah, BC hun Isreal te tangthu nua-et kialeih, minam bup, gambup, khuobup aa Pasien in samsiet na apieh nate imu uhhi.Tua ziekin tamdan thuhil napen Pasien thu alang bolsah thuhil na suohthei ding hi.
6. Pasien thupha cithu tawh kisai azai zawdeuh in ikikum ding uhhi. Pasien thupha sungah nam khat aa kihal ahi leitung hauna kicipen lunggul luosan sengin " Pasien in Johova Jire " ahina tungtawn ah " Pasien gam le adihna sui masa un, tuo hile nadang zosie tawh ang piethuo ding hi" aci naa Mt: 6:33 sung le, " Van tung kotte hongin adimlet in kangsung ding hi"aci na Mal. 3:10 sung bulphu in “ athupha " ci no pen bullet keei in pulpit tungpan thugen aa I awhawh lai tahin, Mal.1:13 na sungah " Kakung ah kithoina sil pieh dingin ganhing kigu ahieai? akengbai ahieai? acidamlo te ahieai? khat nang kai uoa,"aci thu athei talo, amangngil, gending sawmlo thuhil aa awngawng te ihikhak dinguh zong deihhuoi lo ding hi. Sawm aa khat ( 1/10 ) pen hauna ding tawtang ci in agenzong ki om aa, hau na thu le 1/10 thu akizom aa isan pien ma bangin 1/10 le Siempi nakizom ahi ziekin aguicing zawdeuh in ikikum to lai ding uhhi.
a. Pawlkhat in hauna tawtang acivawt sawm aa khat ( 1/10 ) tawh kisai in Imawpuo ( tavuon )uh pen, akengbai po, aliem po le acidam lo potawh biekpieh napen Pasien in deihlo cithu hi. dawi pusa biekpieh na mama ahzong, vok gangalaw ci in ameelhoi penpen tawh biekpieh na kinei hi. dawimangpa nangawn tua dan aa biekpieh na kineih ahileh ahingzing Pasien pen tuasiang aa, anamtuizaw, acidamzaw tawh biekpieh ding kisam hi
b. Apielo ihilo dinguh zong kisam hi. Thuzui mi pawlkhat pen tam sawm aa khat ( 1/10 ) thu genin amama in abukim lo zong piebek lo, banah adahuoi zawkan laipen, simepi lah hilo, siempi kinei aa thuzui miten apieh sawm aa khat te adeih bangbang aa asau zeizui cite omthei hi.
c. Pasien in thupha pen mawpuoh natawh pieton den hi. Pasien thupha nga nadingin tam laisiengtho mun tepen genin kineimun mama aa, " athupha " cikhat beh genin kinei in, "amawpuoh na thu " kinelsie thei den hi. Pasien in thupha apieh te mawpuoh natawh pieton den hi. BC sung Isreal te sung enleih Kumpi, Siempi, Kamsang, Makai ding thupha apieh tepen mawpuohna tawh apieton pai ahihi. Akumpi lukhu beh khu in, amawpuoh teng, nielkhian cibang omthei lo hi. Siempi hina la in, siempi mawpuo teng niel cibang omthei lohi.( Siempi cipen tulai aa, Reverend akici pawlpi cing, kem ( tuu cing te ciding dan hi. ) Pasien theilo. Milim bie kawlgalkap kumpi tein kumpi hina le thuneih na deih mama, hlasuo nuomlo napi in, amawpuoh uh adeihlo, semlo, zolo ahi ziekin, tu in, leitungbup ah leitung sumpieng atam nagam, Asia gam sungah bu atam pien nagam cia amin thang pen, gammite zawng semsem in, leitung bupah, azawng penpen gam in kiciemte ta aa, pilna lam, khanto nalam atuomtuom ah angiem pen suoh aa, HIV, AIDS natna zong atam penpen anina ah tungto ta hi.
d. Pasien a-um te Pasien in zawngsah ngailo aa, hauna thupha pie hi cithu bulbawl keei in, athupha ngathei nading in gamdang sponsor sui keei in pawlpi cinteng sukek kawikawi zong ki om thei aa, adahuoi zawkan pen, Pasien nasem pawlpicing/kem mama te nangawn apawlpi, atuu tele agam alei, anam te anua et kia talo, zun nuosie, ek nuosie akici za khat aa anuosie, migam milei aa, ngentang tuisungkhieh abang le amangthap tepo i-op khak dinguh lungnat huoi mama ding hi.Gam thum na itun, i-op uhpen, Pasien in ama manggam, amasiemsa ileitung gam, inam puo nading aa eimapui na isuosah dinguh kisam ding hi.
e. Sawltah te hun laiin zong miginalo/ micingtak lo, misumsop, honkhat in Pawlpi sung makai panmun po ah nakitala in pawlpi sung nanawh zotham ahi ziekin, kawllaisiengtho sung ah “ saya lohchin kyiah dii taka, sie nasem nuom ciet deidoi uta” ( 1 Tim.1:7 ) naci hi. Tua ziekin tuadan makai loding ten makai pan mun po alak lo nadingin le mikicien te ma in pawlpi sungaa makai panmun alak nadingin Sawltah Paul in, 1Tim. 3: 1- 13 na sungah, thuguilhun/rule/tecieng thu sawm le thu nga ( 15 ) nakoih ngekngek aa, ( tam lst pen thuzui mi zosien lotnga ciet vawt dingin hoi mama hi. LST phen in nasim pai lacinh ) Tam thuguilhun 15 sungah, khat zong akicien aa cinh/ neilo banah mitmu tang mama in palsan to ditdet kawmin, hah giagua, ham giagua/ kisuong thei bek loin, “minam le gam nangawn in samsiet anga thei nading bepin”, makai panmun samul tu aa tute, sazuh kipuoh aa puo te ihi khak dinguh dahuoi dinghi. Adeuhdeuh in Pasien lam ah ngaihsut huoi zawkan laai hi. “Makai isep noppen ahoi hi aa, makai ding cinna neihlo pumpum tawh isepnop kitkat pen deihhuoi lohi”. Sangka malmal lopi, degree lukhu khugum san lei zumhuoi mama ding hi.Galsim dan ding tentan (training) neilo pi in galsim na ah makai sem meimo leih, ihonsi litlet ding losie uh adang omlo hi.Tam thuguilhun pen, piengtha poleng, lhasiengtho tawh kidim poleng, kami, kabe le kaphung, ka unau, kakhuo katui tengin eisang poleh, eikipie po leh, ka nget aa kanga poleh, citawh ahithei thu hivalong lo hi. Calvary degree kanga hi citawh zong ahithei te hilo hi.Tuadan mite in makaih angsep sawm uoa/ makai ding aa ang kitakla uoa/ makaih angsep nak uleh, "lhamangthang bangza manta" minam kipumkhat sahta cithu kiza ngailo dingaa, "lha mangthang sahta, kikhenthang sahta, keksahta," " pawlpi kek sahta " pawl kikhen sahta " minam pumkhat dingpen kipawlkhen sahta” cilam thubeh kizading hi. Pasien in mi khat sim tung ah letsong ( gift ) eipie aa, inga letsong ( panmun )ah omlo, dinglo,semlo in, ei kipielo, ingalo pen aa ikitahla cieng in tua in buoina piengsah hi.. Thu zuimi te alamkhiel sah ding, akek sah ding, amangthang sahding wrong teaching, wrong preaching, Prophecy lies akici tam mama ta aa, Gumpa Zeisu in hun nukhia cieng aa angpieng ding thu ei maget te imit aa amu, atuoh, athei, aza ihita uoa, tuo ziekin, thuzui mite pilvan ding kisam mama ta hi cithu eiphawksah ahihi.Tamdan mite in Pasien thu alang bolsah beh hilo in alangni aa abolsah te ahihi
Et sahnaa:
Lakthei ding tampi om sungah keima inn sung thupieng khat tawh kang ensah ding uhhi. Tuadan aa sie kahi, makai kahi, mipiengtha le Pasien zah kahi, Pastor kahi akicipa amin…….. ziekin tumama in, kait mama kalaizom khatpen, pawlpi sungpan lakhie in, aman lah gamdang peisan kiata, kemtuonlo, entuonlo, nuo et beklo, zun nuosie, ek nusia in nuosie ahi ziekin, tu in kikhop na kicien nangawn neilo, amangthang dan in om hi.
Mihing khat in hinaa/ kimu naa namthum nei hi.
1. Mite eimu naa,
2. Ei le ei ikimu naa,
3. Ihi na maan (dih) pen kithei siem dingle tua panaa panmun ilak siem thei ding uh kisam mama hi.
Thu khup naa:
Laisiengtho Pasien thubu pen alangbai thubu hilo aa, abukim le asung aa thute zong abukim ahi dungzui in, Zeisu gupkhiet na thu/ Pasien lungdam nathu in leitung pan vantung dong ahuom lugdamna thu (gospel )ahilam theisiem aa, alang ni aa ahiem thuzui, thuhil, thuthei, thugen tele nuntat na mama ahzong ette mite, minam te ihizo nading un hanciem aa, Sawltah Paul in " ka bukim ta hi kacisih aa, tupna mun katun nading in hanciem in katai vetvawt hi" (Phil. 3: 13) aci ma bangin, ituntun na ciet panin Pasien gam,.iten na igam ilei, inam, ikhuo itui akhuol, akem, ahu le acing, a-uk zo dingaa, ihanciem vetvawt dingun Pasien in eisiem le eideih hi.
Pasien hlasiengtho in alang ni hiem namsau tawh akibang amathu atelsiem, asansiem, azuisiem le agensiem dingin thuman thutah tawh ei mapui cietta uhheh.Amen. John. 8:32
Ref: The voice of Gospel Vol. 3, 15march, 1978
Thu patna:
Leitung ah na zosie alangbai ci omlo in abukim in na om hi cipen thuhilsie laisiengtho enlei kicien mama aa, imit inzong imuthei uh pawlkhat a-om ma bangin athu aa ithei le izah, itawh, iphuk, igen uhzong honpi khat naom hi. Gentena: Suo ni le si ni, khuovak le khuo miel, avot le asa, akaang le avom, anu le apa, nui ni le ka ni, ahoi le asie,Vantung le leitung ect….na om ditdet hi. Tua dungzui in Pasien thuzong alangni hiem namsau tawh kibang hi ci'n laisiengtho sungah anagen imu uoa, tua alang ni hiem namsau akici Pasien thu san nale hil na ah, alang ni in hiemsah nawnlo in alang abolsah sandan aa thuhil dan aomthei pawlkhat ikikum ding uhhi.
Thusung teng:
Pasien in leitung asiem ma bangin alang khatah vantung zong nasiem aa tuo asiemsa te zosie nahici nuosie lo in akem, a-uk, amakai le thuneih dingin amasun in mihing ei nasiem hi. (Pien.1:26) Tua ziekin Pasien ei siemsa mihing te in, Pasien lungdamna thu, gupnathu ithei, isan na-ah alangni aa om ahilam theisiem aa ikep cing aa, igensiem, izuisiem dinguh kisam mama hi cithu le, Pasien gupnathu (gospel) akici sungah zong, hlathu beh nahuom hilo in, leitungthu leitung tawh kisai zosie zong anahuom ahithu laisiengtho sungaa imuthei uh thu pawlkhat en in igupna thusan dan uhleh, tuo isan uh lungdam nathu tungtawn ah bangteng mawpuo na inei uh cithu pawlkhat ien ding uhhi.
1. Pasien itding dan thu Zeisu in " Mangpa na Pasien nalungsim zosie tawh na it in" Mt. 22:37 cia agen thu bullet le uonggen keei, mihing itding thu genin nei nawnlo banah, thuse lo in "kei mipiengtha hi tang, leitung cilesa tetawh kei kisai nawnsing" ici lai tahin " Mikhat in Pasien ka it hi ci aa, a unau amuda leh azuou ahi hi. Bangziek ei cile, amuthei a unau a itsih le, amu lo Pasien bang aci it dieai?" 1John.4:20 cia agen iphawk dinguh kisam hi. Tua dan thuhil na in Pasien thu pen alangkhat abol sah tawh kibang hi.
2. Gupna thu kasang zo aa, hlasiengtho tawh kakidim hi ci'n, ham kithei lo potawh ham kawmkawm in pulpit tungah Halleluiah, Amen ci,n inn ling za dongin awngkeei in, gupnathu tawh kisai sawltah Paul in " Upna ziekin hepi natawh gupna nga " cia, Eph. 2:8 sung aa agen laisiengtho mun khatbeh bulbawl keei in, diangin thuhil in gamtat na hoi akisam talo za dongaa igen lai tahin, tua laisiengtho anei lam sim suh leih akigamla hetlo ameng 10 na-ah, " Eite Pasien in ei nasiem aa, nasep hoite sem dingaa, Christawh pumkhat aa om ihita uhhi." aci lamtah iphawh gige dinguh kisam hi.Tuadan aa pulpit tung pan Pasien thuhilhil te ihi khak dinguh dahuoi hi. Eite pen gamtat hoi aa igamtat nading uoa, Zeisu in eigum nahi luolai zaw hi. Gupnathu pen mawna bawl thei nading laisen ( license/permit ) isuosah lo dinguh kidophuoi mama hi. Tuadan thuhil napen alang ni hiem Pasien thu pen alang bolsah sah suoh hi.
3. Pasien thubeh cikhat bulbawl keei in, " Mihing in khomun behtawh hing hilo aa, Pasien kamsung pan aa pusuoh thutawh hing hi" cia Mate 4:4 sung pansia in pulpit tung ah thuhil na ineh laitah in, khomun akici tahsa hin nading pen Zeisu in athusim lo za dongaa thuhil te ihi khak dinguh deihhuoi lo hi. Isreal te Egypt pan Kanaan gam azot lai tahin, tahsa aading akisam neh ding alughimaw le maana moh vantung pan aa akhieh papen Pasien hi aa, cile sa aading alughimaw mama Pasien anahi thamtham hi. Zeisu mama in athuhil zaw ciengin agilkiel mipi te nga le moh tawh navaa ngekngek lai hi.Mt.14:17, Tua ziekin tamdan thuhil napen Pasien thu alang bolsah thuhil te suoh ding hi.
4. Tawntung hinna thu, ( gospel ) lungdamna thu, gupkhietna thu thupi bawlluo kisa in, khangkhat beh ading ahi pumpi hinna dingpen Zeisu in athupi selo za aa, isan khahding zong adahuoi khat hita sawnsawn hi. Tamtawh kisai thuhil nate ingai ciengin Hla le pumpi kipe na, kizop na neilo, akisai khatalo za dongin thuhil nate izathei zel uhhi. Pumpi pen hla tawh kisai luo, kizop luo ahi ziekin sawltah Paul in " No te in Pasien hlasiengtho ten na biekinn nahi uhhi" ci'n 1Cor.3:16 sungah nagen thamtham hi. Hlasiengtho le pumpi akisai khalo in koih lei, ipumpi sungaa bameng khat ahi ikhutme khat sattan lei eee?ahisihleh, isi tawhdong in guta bulu, suomlum in gamta denden lei ee?, tuo in leitung thukhen na zum beh thamlo vantung thukhen na zum dong eitun dingaa, hindenden na vantunggam tawh nakisai tham ding hi. Tua ziekin tuadan thuhil na pen alang ni hiem Pasien thu alang bolsah thuhil suoh tasawnsawn ding hi.
5. Pasien gupkhietna thu Zeisu in Mate 28:19 sungah "mizosie nuozui suohsah ding "cia agen na bultuh in, gupna thule thukhen napen mimal khatta beh tawh kisai le, minam khat le gam khat citawh akisai talo za dongaa, a uoang gente ihikhah ding uhzong maan/dihsieng lo khading hi. Zeisu in Mate 28:19 sungah mi zosie nuozui suohsah ding cia agen na imu bangun, Mate. 25:31-46 sungah minam zui inzong thukhena thuohding cia agenna imu uhhi.Tuabanah, BC hun Isreal te tangthu nua-et kialeih, minam bup, gambup, khuobup aa Pasien in samsiet na apieh nate imu uhhi.Tua ziekin tamdan thuhil napen Pasien thu alang bolsah thuhil na suohthei ding hi.
6. Pasien thupha cithu tawh kisai azai zawdeuh in ikikum ding uhhi. Pasien thupha sungah nam khat aa kihal ahi leitung hauna kicipen lunggul luosan sengin " Pasien in Johova Jire " ahina tungtawn ah " Pasien gam le adihna sui masa un, tuo hile nadang zosie tawh ang piethuo ding hi" aci naa Mt: 6:33 sung le, " Van tung kotte hongin adimlet in kangsung ding hi"aci na Mal. 3:10 sung bulphu in “ athupha " ci no pen bullet keei in pulpit tungpan thugen aa I awhawh lai tahin, Mal.1:13 na sungah " Kakung ah kithoina sil pieh dingin ganhing kigu ahieai? akengbai ahieai? acidamlo te ahieai? khat nang kai uoa,"aci thu athei talo, amangngil, gending sawmlo thuhil aa awngawng te ihikhak dinguh zong deihhuoi lo ding hi. Sawm aa khat ( 1/10 ) pen hauna ding tawtang ci in agenzong ki om aa, hau na thu le 1/10 thu akizom aa isan pien ma bangin 1/10 le Siempi nakizom ahi ziekin aguicing zawdeuh in ikikum to lai ding uhhi.
a. Pawlkhat in hauna tawtang acivawt sawm aa khat ( 1/10 ) tawh kisai in Imawpuo ( tavuon )uh pen, akengbai po, aliem po le acidam lo potawh biekpieh napen Pasien in deihlo cithu hi. dawi pusa biekpieh na mama ahzong, vok gangalaw ci in ameelhoi penpen tawh biekpieh na kinei hi. dawimangpa nangawn tua dan aa biekpieh na kineih ahileh ahingzing Pasien pen tuasiang aa, anamtuizaw, acidamzaw tawh biekpieh ding kisam hi
b. Apielo ihilo dinguh zong kisam hi. Thuzui mi pawlkhat pen tam sawm aa khat ( 1/10 ) thu genin amama in abukim lo zong piebek lo, banah adahuoi zawkan laipen, simepi lah hilo, siempi kinei aa thuzui miten apieh sawm aa khat te adeih bangbang aa asau zeizui cite omthei hi.
c. Pasien in thupha pen mawpuoh natawh pieton den hi. Pasien thupha nga nadingin tam laisiengtho mun tepen genin kineimun mama aa, " athupha " cikhat beh genin kinei in, "amawpuoh na thu " kinelsie thei den hi. Pasien in thupha apieh te mawpuoh natawh pieton den hi. BC sung Isreal te sung enleih Kumpi, Siempi, Kamsang, Makai ding thupha apieh tepen mawpuohna tawh apieton pai ahihi. Akumpi lukhu beh khu in, amawpuoh teng, nielkhian cibang omthei lo hi. Siempi hina la in, siempi mawpuo teng niel cibang omthei lohi.( Siempi cipen tulai aa, Reverend akici pawlpi cing, kem ( tuu cing te ciding dan hi. ) Pasien theilo. Milim bie kawlgalkap kumpi tein kumpi hina le thuneih na deih mama, hlasuo nuomlo napi in, amawpuoh uh adeihlo, semlo, zolo ahi ziekin, tu in, leitungbup ah leitung sumpieng atam nagam, Asia gam sungah bu atam pien nagam cia amin thang pen, gammite zawng semsem in, leitung bupah, azawng penpen gam in kiciemte ta aa, pilna lam, khanto nalam atuomtuom ah angiem pen suoh aa, HIV, AIDS natna zong atam penpen anina ah tungto ta hi.
d. Pasien a-um te Pasien in zawngsah ngailo aa, hauna thupha pie hi cithu bulbawl keei in, athupha ngathei nading in gamdang sponsor sui keei in pawlpi cinteng sukek kawikawi zong ki om thei aa, adahuoi zawkan pen, Pasien nasem pawlpicing/kem mama te nangawn apawlpi, atuu tele agam alei, anam te anua et kia talo, zun nuosie, ek nuosie akici za khat aa anuosie, migam milei aa, ngentang tuisungkhieh abang le amangthap tepo i-op khak dinguh lungnat huoi mama ding hi.Gam thum na itun, i-op uhpen, Pasien in ama manggam, amasiemsa ileitung gam, inam puo nading aa eimapui na isuosah dinguh kisam ding hi.
e. Sawltah te hun laiin zong miginalo/ micingtak lo, misumsop, honkhat in Pawlpi sung makai panmun po ah nakitala in pawlpi sung nanawh zotham ahi ziekin, kawllaisiengtho sung ah “ saya lohchin kyiah dii taka, sie nasem nuom ciet deidoi uta” ( 1 Tim.1:7 ) naci hi. Tua ziekin tuadan makai loding ten makai pan mun po alak lo nadingin le mikicien te ma in pawlpi sungaa makai panmun alak nadingin Sawltah Paul in, 1Tim. 3: 1- 13 na sungah, thuguilhun/rule/tecieng thu sawm le thu nga ( 15 ) nakoih ngekngek aa, ( tam lst pen thuzui mi zosien lotnga ciet vawt dingin hoi mama hi. LST phen in nasim pai lacinh ) Tam thuguilhun 15 sungah, khat zong akicien aa cinh/ neilo banah mitmu tang mama in palsan to ditdet kawmin, hah giagua, ham giagua/ kisuong thei bek loin, “minam le gam nangawn in samsiet anga thei nading bepin”, makai panmun samul tu aa tute, sazuh kipuoh aa puo te ihi khak dinguh dahuoi dinghi. Adeuhdeuh in Pasien lam ah ngaihsut huoi zawkan laai hi. “Makai isep noppen ahoi hi aa, makai ding cinna neihlo pumpum tawh isepnop kitkat pen deihhuoi lohi”. Sangka malmal lopi, degree lukhu khugum san lei zumhuoi mama ding hi.Galsim dan ding tentan (training) neilo pi in galsim na ah makai sem meimo leih, ihonsi litlet ding losie uh adang omlo hi.Tam thuguilhun pen, piengtha poleng, lhasiengtho tawh kidim poleng, kami, kabe le kaphung, ka unau, kakhuo katui tengin eisang poleh, eikipie po leh, ka nget aa kanga poleh, citawh ahithei thu hivalong lo hi. Calvary degree kanga hi citawh zong ahithei te hilo hi.Tuadan mite in makaih angsep sawm uoa/ makai ding aa ang kitakla uoa/ makaih angsep nak uleh, "lhamangthang bangza manta" minam kipumkhat sahta cithu kiza ngailo dingaa, "lha mangthang sahta, kikhenthang sahta, keksahta," " pawlpi kek sahta " pawl kikhen sahta " minam pumkhat dingpen kipawlkhen sahta” cilam thubeh kizading hi. Pasien in mi khat sim tung ah letsong ( gift ) eipie aa, inga letsong ( panmun )ah omlo, dinglo,semlo in, ei kipielo, ingalo pen aa ikitahla cieng in tua in buoina piengsah hi.. Thu zuimi te alamkhiel sah ding, akek sah ding, amangthang sahding wrong teaching, wrong preaching, Prophecy lies akici tam mama ta aa, Gumpa Zeisu in hun nukhia cieng aa angpieng ding thu ei maget te imit aa amu, atuoh, athei, aza ihita uoa, tuo ziekin, thuzui mite pilvan ding kisam mama ta hi cithu eiphawksah ahihi.Tamdan mite in Pasien thu alang bolsah beh hilo in alangni aa abolsah te ahihi
Et sahnaa:
Lakthei ding tampi om sungah keima inn sung thupieng khat tawh kang ensah ding uhhi. Tuadan aa sie kahi, makai kahi, mipiengtha le Pasien zah kahi, Pastor kahi akicipa amin…….. ziekin tumama in, kait mama kalaizom khatpen, pawlpi sungpan lakhie in, aman lah gamdang peisan kiata, kemtuonlo, entuonlo, nuo et beklo, zun nuosie, ek nusia in nuosie ahi ziekin, tu in kikhop na kicien nangawn neilo, amangthang dan in om hi.
Mihing khat in hinaa/ kimu naa namthum nei hi.
1. Mite eimu naa,
2. Ei le ei ikimu naa,
3. Ihi na maan (dih) pen kithei siem dingle tua panaa panmun ilak siem thei ding uh kisam mama hi.
Thu khup naa:
Laisiengtho Pasien thubu pen alangbai thubu hilo aa, abukim le asung aa thute zong abukim ahi dungzui in, Zeisu gupkhiet na thu/ Pasien lungdam nathu in leitung pan vantung dong ahuom lugdamna thu (gospel )ahilam theisiem aa, alang ni aa ahiem thuzui, thuhil, thuthei, thugen tele nuntat na mama ahzong ette mite, minam te ihizo nading un hanciem aa, Sawltah Paul in " ka bukim ta hi kacisih aa, tupna mun katun nading in hanciem in katai vetvawt hi" (Phil. 3: 13) aci ma bangin, ituntun na ciet panin Pasien gam,.iten na igam ilei, inam, ikhuo itui akhuol, akem, ahu le acing, a-uk zo dingaa, ihanciem vetvawt dingun Pasien in eisiem le eideih hi.
Pasien hlasiengtho in alang ni hiem namsau tawh akibang amathu atelsiem, asansiem, azuisiem le agensiem dingin thuman thutah tawh ei mapui cietta uhheh.Amen. John. 8:32
Ref: The voice of Gospel Vol. 3, 15march, 1978
www.pu-zo.com
No comments:
Post a Comment