Hill Areas Committee te’n Maharashtra pha uh
Imphal, Sept-8: Manipur Assembly a Hill Areas Committee(HAC) Chairman Thangminlen Kipgen makaihna in HAC team pawlkhat in August 31, 2008 apan ni 8 sung Maharashtra state vapha in huai state government in singtangmi(tribal)te tenna scheduled area a etkoldan leh singtangmite khantouhna dinga nasepdan tangpi vasui(study bawl) uhi. Maharashtra state a scheduled area sunga teng zah singtangmite kisimpina nanung tan ah mihing 85,77,000 val om uh a, state govt in huaite ading tuam liauliau in Tribal Development department khat bawl in huaite kum 2008-2009 sunga a sum zat ding un Tribal Sub-Plan nuai ah Rs. 1941.50 crore bikhiah uhi.
HAC Chairman makaihna a Maharashtra state vapha HAC teamte bel M. Thohrii,MLA; K. Raina,MLA; Doukhomang Khongsai,MLA; Thangkholun Haokip,MLA; W. Morung Makunga,MLA; W. Keishing,MLA leh T. Nengzakham, Deputy Secretary(HAC) hi uhi. Amau Maharashtra state ava phak sung un huai state a Governor SC Jamir akimuhpih ban uah Dr(Mrs) PS Meena,IAS, Principal Secretary(Tribal Welfare) makaihna in state official-te tawh leng kimu in thil omdan genkhawmna hun lemtang hoihtak nei uhi.
Manipur apan zinkhia HAC teamte’n Maharashtra state in singtangmite a etkoldan, singtangmite’ tenna bial scheduled area a puahdan leh scheme tuamtuam sepkhiakdan ngentel takin suizui uh a, huai apan in Manipur singtanggam adia phatuam thei ding nasepdan leh thil tuamtuam tamtak mukhia uh hi’n gen uhi. Maharashtra state in singtangmite ading in atuam himhim in Tribal Development department khat nei a, huai department nuai ah singtanggam ading tuam himhim in power, education, medical, water supply, agriculture, commerce & industries, PWD, leh department teng telkim sak uh a, huaite adia sum zat ding budget leng a deptt ading tuam chiat in bikhiah vek in om chi’n gen uhi. HAC team khualzinte zan in Imphal hong tungkik uhi.
Compulsory Marriage Registration Act kichi zatsawm
Mizoram Guv leh Italy Consulate General kimu
Imphal, Sept-8: Manipur Assembly a Hill Areas Committee(HAC) Chairman Thangminlen Kipgen makaihna in HAC team pawlkhat in August 31, 2008 apan ni 8 sung Maharashtra state vapha in huai state government in singtangmi(tribal)te tenna scheduled area a etkoldan leh singtangmite khantouhna dinga nasepdan tangpi vasui(study bawl) uhi. Maharashtra state a scheduled area sunga teng zah singtangmite kisimpina nanung tan ah mihing 85,77,000 val om uh a, state govt in huaite ading tuam liauliau in Tribal Development department khat bawl in huaite kum 2008-2009 sunga a sum zat ding un Tribal Sub-Plan nuai ah Rs. 1941.50 crore bikhiah uhi.
HAC Chairman makaihna a Maharashtra state vapha HAC teamte bel M. Thohrii,MLA; K. Raina,MLA; Doukhomang Khongsai,MLA; Thangkholun Haokip,MLA; W. Morung Makunga,MLA; W. Keishing,MLA leh T. Nengzakham, Deputy Secretary(HAC) hi uhi. Amau Maharashtra state ava phak sung un huai state a Governor SC Jamir akimuhpih ban uah Dr(Mrs) PS Meena,IAS, Principal Secretary(Tribal Welfare) makaihna in state official-te tawh leng kimu in thil omdan genkhawmna hun lemtang hoihtak nei uhi.
Manipur apan zinkhia HAC teamte’n Maharashtra state in singtangmite a etkoldan, singtangmite’ tenna bial scheduled area a puahdan leh scheme tuamtuam sepkhiakdan ngentel takin suizui uh a, huai apan in Manipur singtanggam adia phatuam thei ding nasepdan leh thil tuamtuam tamtak mukhia uh hi’n gen uhi. Maharashtra state in singtangmite ading in atuam himhim in Tribal Development department khat nei a, huai department nuai ah singtanggam ading tuam himhim in power, education, medical, water supply, agriculture, commerce & industries, PWD, leh department teng telkim sak uh a, huaite adia sum zat ding budget leng a deptt ading tuam chiat in bikhiah vek in om chi’n gen uhi. HAC team khualzinte zan in Imphal hong tungkik uhi.
Compulsory Marriage Registration Act kichi zatsawm
Mizoram Guv leh Italy Consulate General kimu
Aizawl, Sept 8: Mizoram veh a hawh Italy Consulate General Bruno Campria leh a team te’n tuni in Governor Lt Gen (Rtd) MM Lakhera AVSM, PVSM, VSM kimuhpih ua, huai hun ah Italian Trade Attache Vittorio Mecozzi leng tel hi. Bruno Campria leh Mecozzi in ahihleh, tukum April kha a Mizoram veh a hawh Italy Ambassador Antonio Armellini maban sunzom hi ua, Italy leh Mizoram kal ah ki tanauna hoihsem a om ding ngimna a tuabang kimuh tuahna leh houlimna nei uh hi’n kigen hi. Thudang khat kiza dan in, tuni in Mizoram in Compulsory marriage Registration Act tawh kisai seminar nei ua, huai ah Mizoram state sung a nupa om tengteng in registration bawl ahoihdan genkhawmna nei uh chih thu kiza hi.
Mizoram Governor in Italy palaite kiang ah Mizoram kichi organic state hi a, leilung hauhsakna thupitak nei, leinuai ah pholhsuah louh gou thupi taktak om ahihdan gen hi. Bruno Campria leh Vittorio Mecozzi in tu zingkal dak 8 in Chief Minister Zoramthanga kimuhpih ua, Chhingchhip a MIFCO Agro Processing Plant tungtang houlimpih ua, Italy in bang lam ah Mizoram huh leh hoih ding hiam chih houlimpih uh hi’n kigen hi.
Tuabangkalah, Supreme Court thupiak dungzui in India mi khua leh tui hihna nei peuh mah in marriage registration bawl ding chih thu ah Law & Judicial Department te saina in Aizawl ah seminar thupitak khat om a, Law & Judicial Secretary P. Chakraborty-in hiai hun makaih in Law Minister H. Rammawi in honkhiakna nei hi. Law Minister in agendan in, Christian te’n kitenna certificate leh adangdang certificate piching dan in zang mah leh Supreme Court in a phalsak nawnlouh ziak in Compulsory Marriage Registration Act nuai ah registration bawl teitei ngaita ahihdan gen a, April 2008 apan India gamsung ah zatpat hita ahi chi hi.
Law & Judicial Secretary P. Chakraborty in Marriage Registration Act poimawhdan gen in, India adia Mizoram leng a zang masapawl hiban ding ahihthu gen a, State khat ahih kei leh court in theihpihna apiak pen India gamsung pumpi ah zattheih hiding chi hi. Law & Judicial Secretary ahihleh, Registrar General mawhpuakna piakin om ngal hi.
Source: http://zogam.com/index.php?option=com_content&task=view&id=4334&ac=0&Itemid=2
No comments:
Post a Comment