Voice of New Lamka September 7, 2008
KHANGNOTE OMDAN MULKIMHUAI....
Committee on Mautaam Famine Aid te saina in September 05 in Rayburn High School Campus ah Concert for the Hungry thupitak a neih in om hi. Hiai Concert for the Hungry honkhiakna Upper Lamka YPA Hall ah Power Minister Pu.T.Phungzathang in zinglam dak 10:00 in nei a, hiai hun ah mi poimawh tuamtuam banah district sung a MLA leh Official hunkhop in leng uap uhi. Hiai Concert honna hun ah Power Minister Pu.T.Phungzathang in a thugenna ah Mautaam tawh kisai a Centre apan Rs.16.67 crore sanction om ahihdan leh Rs.5.44 crore release ahihtak dan gen a, COMFA panpihna ding in amah pocket apan Rs.1 lakh pia hi.
Rayburn High School ah nitak dak 7 in Concert for the Hungry programme taktak kipan a, DC Sumant Singh in Chief Guest hihna tawh programme honkhiakna nei hi. Hiai Concert hun ah Mizoram a kipan Mizo Zaimi Insuihkhawm ai-oh in Jo Jo-i( Mizoram Youth Icon 2007), Ruata Zote leh Zaithanpuia-te banah Burma a kipan ZOMUS ai-oh in Lengtong Pauno leh Kapno ten leng hiai hun hong uap in laa sakna nuamtak mai nei in mipi lungtaisak mahmah uhi. Tualou in ZAA a kipan in leng Ginlian, Muanlal, Pauginmuan, Elson, Vungthiankim, Mawibiaklian, Esther, Nengzachin, Ding Tonsing te apan laa siamtak leh nuamtakmai ngaihkhiatna om in mipite sousang sak mahmah hi.
Hiai concert hun ah mipi tam petmah a, school campus dimlet in Teddim Road ah akiim akiang a lampi teng leng dimzou hidan in kigen a, YPA New Lamka Unit volunteer hihna nuai ah khauhtak a venbitna piak ahihnung in nitak dak 11:15 in Concert bangmah buaina omlou in zawh in om hi. Hiai hun ah Gate bul a donation box a sum kikoih tengteng Rs.40,000 vel hidan in thutut kingah a, bangzah muzou hiam chih chiantak in kitheilou hi.
Voice of New Lamka in hiai Concert for the Hungry programme hoihtak a suizuui na leh etchetna kinei a, programme zatna mun ah buaina bangmah a omlouh kipahhuai asak dan gen ua, himahleh programme zatna polam Nghathal field leh Game Village (Opposite Rayburn College) lak ah mi kisual leh omdan kilawmlou ban ah thilchiin hoihlou taktak hih tam petmah hidan in musuah uhi. Tuakia hilou in Concert neihna mun mahmah ah leng piching sang in tangval nou, nungaknou leh naupang tam mahmah in hiai in i khotaang leh i society naaktak in hon sukbuai khak ding lauhuai a sakthu gen uhi. Banah, hiai hunsung in omdan kilawmlou numei-pasal kal a thangtat leh mite mitmuh mahmah a kikawi a bangbang hiam kilawh leng om in musuah ua, zukham-sakham leng tam petmah in nu-le-pate’n i tate innmun a hoih mahmah a i theihte hiai hun chiang bang in hoih taktak uh hina hiam chih enchian zel leng deihhuai a sakthu uh taaklang uhi.
Hiai programme pen adem leh a soisel hilou in hiai nitak a mite omdan tungtawn a i khotang siatdan leh tuailai noute omdan mulkimhuai asak thu uh leng taaklang uhi. Mite mit muh mahmah a numei-pasal kal thangtat leh zukham-sakham a aom pen uh puaknat huai a sakthu uh leng gen ua, nu-le-pa leh khotang heutute’n pilvangtak a i tate omdan hoihtak a enchian leh pan i laak keileh tunung chiang a i society leh khotaang in thupitak a siatna hon tun ding hidan in mukhol uhi.
KHANGNOTE OMDAN MULKIMHUAI....
Committee on Mautaam Famine Aid te saina in September 05 in Rayburn High School Campus ah Concert for the Hungry thupitak a neih in om hi. Hiai Concert for the Hungry honkhiakna Upper Lamka YPA Hall ah Power Minister Pu.T.Phungzathang in zinglam dak 10:00 in nei a, hiai hun ah mi poimawh tuamtuam banah district sung a MLA leh Official hunkhop in leng uap uhi. Hiai Concert honna hun ah Power Minister Pu.T.Phungzathang in a thugenna ah Mautaam tawh kisai a Centre apan Rs.16.67 crore sanction om ahihdan leh Rs.5.44 crore release ahihtak dan gen a, COMFA panpihna ding in amah pocket apan Rs.1 lakh pia hi.
Rayburn High School ah nitak dak 7 in Concert for the Hungry programme taktak kipan a, DC Sumant Singh in Chief Guest hihna tawh programme honkhiakna nei hi. Hiai Concert hun ah Mizoram a kipan Mizo Zaimi Insuihkhawm ai-oh in Jo Jo-i( Mizoram Youth Icon 2007), Ruata Zote leh Zaithanpuia-te banah Burma a kipan ZOMUS ai-oh in Lengtong Pauno leh Kapno ten leng hiai hun hong uap in laa sakna nuamtak mai nei in mipi lungtaisak mahmah uhi. Tualou in ZAA a kipan in leng Ginlian, Muanlal, Pauginmuan, Elson, Vungthiankim, Mawibiaklian, Esther, Nengzachin, Ding Tonsing te apan laa siamtak leh nuamtakmai ngaihkhiatna om in mipite sousang sak mahmah hi.
Hiai concert hun ah mipi tam petmah a, school campus dimlet in Teddim Road ah akiim akiang a lampi teng leng dimzou hidan in kigen a, YPA New Lamka Unit volunteer hihna nuai ah khauhtak a venbitna piak ahihnung in nitak dak 11:15 in Concert bangmah buaina omlou in zawh in om hi. Hiai hun ah Gate bul a donation box a sum kikoih tengteng Rs.40,000 vel hidan in thutut kingah a, bangzah muzou hiam chih chiantak in kitheilou hi.
Voice of New Lamka in hiai Concert for the Hungry programme hoihtak a suizuui na leh etchetna kinei a, programme zatna mun ah buaina bangmah a omlouh kipahhuai asak dan gen ua, himahleh programme zatna polam Nghathal field leh Game Village (Opposite Rayburn College) lak ah mi kisual leh omdan kilawmlou ban ah thilchiin hoihlou taktak hih tam petmah hidan in musuah uhi. Tuakia hilou in Concert neihna mun mahmah ah leng piching sang in tangval nou, nungaknou leh naupang tam mahmah in hiai in i khotaang leh i society naaktak in hon sukbuai khak ding lauhuai a sakthu gen uhi. Banah, hiai hunsung in omdan kilawmlou numei-pasal kal a thangtat leh mite mitmuh mahmah a kikawi a bangbang hiam kilawh leng om in musuah ua, zukham-sakham leng tam petmah in nu-le-pate’n i tate innmun a hoih mahmah a i theihte hiai hun chiang bang in hoih taktak uh hina hiam chih enchian zel leng deihhuai a sakthu uh taaklang uhi.
Hiai programme pen adem leh a soisel hilou in hiai nitak a mite omdan tungtawn a i khotang siatdan leh tuailai noute omdan mulkimhuai asak thu uh leng taaklang uhi. Mite mit muh mahmah a numei-pasal kal thangtat leh zukham-sakham a aom pen uh puaknat huai a sakthu uh leng gen ua, nu-le-pa leh khotang heutute’n pilvangtak a i tate omdan hoihtak a enchian leh pan i laak keileh tunung chiang a i society leh khotaang in thupitak a siatna hon tun ding hidan in mukhol uhi.
No comments:
Post a Comment