"Kipumkhatna ding leh nam damna ding deihna ziakin SoO ah suai hikai ahizaw” - SS Haokip, C-in-C, UKLF
Lamka, September-10: United People’s Front(UPF) a kikhaikhawm atel United Kuki Liberation Front(UKLF) pawlin Aug 22, 2008 in amau telna UPF in India govt leh Manipur state government tawh Suspension of Operation(SoO)/Ceasefire a suai a kaih tungtang uh atheisiamlou a om leh huaite thil omdan theihchetsak tupna leh maban a politics tawh kisai kihouna(political dialogue) om hun ah UKLF in Kuki mipite deihdan pansan in a neih theihna ding in ngimna in zan in Chandel district sung Munpi khua ah khaw tuamtuam apan hausa(village chief)te, KSO/Chandel makaite,Student/NGO tuamtuam apan makaite leh tribe tuamtuam apan chialkhawmin Consultative meeting nei uh a, huai ah SS Haokip, Commander-in-Chief(C-in-C), UKLF in SoO/Ceasefire adia suaikaihna a UKLF atelziak thildang hilouin nam damna ding leh kipumkhatna ding deihna ziak ahihzawkdan gen a, UPF in suai kailou hileh singtangmi galvan tawi tuamtuamte kal ah sisan naisan kisuahna leh kithahna nasazawsem om thei ding ahihdan leng thil omdan khenkhat taklang kawm in gen hi.
SS Haokip,C-in-C/UKLF in a genna ah UKLF amah kia a din hoihsalouin kigawmkham a ut ziakin UPF zom a, Delhi ah kihouna ah leng UPF in Manipur gam leitang humbit ding chihthu lakkhiak ding leh Manipur govt makaihna hilou in Centre govt tawh kal thu hizaw ding in hahtaka pang uh ahihdan gen hi. Amau pawlin govt tawh peace talk bel kipahpih mahle uh ceasefire a groud-rule point khenkhat bel suaikaihni tan in leng khauhtakin nial lai uh ahihdan gen hi. Ceafire pen kum 1 sung lel daih ding ahihmanin huaihun sung in mipi tawh panmun ding gelkhawm poimawh hin gen hi. UKLF deihdan ahihziak mah in tuma deuh in leng Songjang khua ah hibang Consultative meeting om ahihdan gen hi. SS Haokip in mipite’n leng galvantawi pawl tuamtuamte ngaihdan(idealogy) bangpen hoih hiam chih suichian a deihtelna bawl in hangsantaka puankhiak ngam poimawh ahihdan gen hi. UPF leh KNO in mipi tawj hibang Joint Consultation a neihkhawm ding duhthusam anei ahihdan SS Haokip in gen hi.
Anthony, Secretary(Home)/UKLF in Govt tawh kilemna kibawl mipi tawh kikumkhawm a thil omdan genkhawm deihna ziaka huchibang meeting sap ahihdan gen a, Jacob Thadou, Secretary(Organisation) in Kuki nampi adia tup-le-gim neih ziak a galvan tawi uh ahihdan gen in Aug 1,2005 akipan SoO kipan in Feb 29, 2008 in India govt apan kihou dinga chialna om a, UPF leh KNO khekhat a dinkhawm ut-huai mahleh kithuzaktuahna haksa(communication gap) om ziaka lemtanglou ahihdan gen hi.Huchi’n May 2008 sungin kihouna om a, Aug 22, 2008 sunnung dak 2.00 in KNO tawh SoO/Ceasefire ah suaikai uh a, UPF tawh nitaklam dak 4.00 in suaikai uh ahihdan taklang hi. SoO a suaikai ding UPF utlou chihthu ah UPF in peacetalk lunglut a, hileleng ground-rule khenkhat a pom theihlouh ziaka suaikaih zekai hizaw a, nau kala buaina mulkimhuai tak om thei ding deihlouhna ziakin a khawnung in suaikai uh ahihzawkdan gen hi. KNO leh UPF in govt tawh atuam tuaka kihou uh ahihdan leng gen hi.Jacob Thadou in a genzeldan in SoO a suaikaih nung in Joint Monitoring Group om khepan in meeting masa om panphet a, peace talk kipan nailou ahihdan gen hi. Manipur gam leitang kipumkhatna hihsiatlouh ding chihthu ah Ceasefire pen kum 1 sung lel daih ding ahihman in patauh huailou a,kituak a panlak hun hizaw hi’n gen hi. Lungkimhuailou ahih leleng kum 1 nunga nutsiat mawh thil hilou ahihdan leng gen hi.
Huai Consultative Meeting ah UKLF apan Secretary(Defence) Joshua, Secretary(Public Relations) Daniel leh UKLF cadre & worker tamkhoptak leng tel uh a, nitaklam in mipi kikhawm teng ankuang umpih uhi. Huai ah Lamka akipan in printed & electronic media-te leng a chial ziakun khenkhat leh electronic media apan leng 2 vatel uhi.
Source: http://zogam.com/index.php?option=com_content&task=view&id=4348
Lamka, September-10: United People’s Front(UPF) a kikhaikhawm atel United Kuki Liberation Front(UKLF) pawlin Aug 22, 2008 in amau telna UPF in India govt leh Manipur state government tawh Suspension of Operation(SoO)/Ceasefire a suai a kaih tungtang uh atheisiamlou a om leh huaite thil omdan theihchetsak tupna leh maban a politics tawh kisai kihouna(political dialogue) om hun ah UKLF in Kuki mipite deihdan pansan in a neih theihna ding in ngimna in zan in Chandel district sung Munpi khua ah khaw tuamtuam apan hausa(village chief)te, KSO/Chandel makaite,Student/NGO tuamtuam apan makaite leh tribe tuamtuam apan chialkhawmin Consultative meeting nei uh a, huai ah SS Haokip, Commander-in-Chief(C-in-C), UKLF in SoO/Ceasefire adia suaikaihna a UKLF atelziak thildang hilouin nam damna ding leh kipumkhatna ding deihna ziak ahihzawkdan gen a, UPF in suai kailou hileh singtangmi galvan tawi tuamtuamte kal ah sisan naisan kisuahna leh kithahna nasazawsem om thei ding ahihdan leng thil omdan khenkhat taklang kawm in gen hi.
SS Haokip,C-in-C/UKLF in a genna ah UKLF amah kia a din hoihsalouin kigawmkham a ut ziakin UPF zom a, Delhi ah kihouna ah leng UPF in Manipur gam leitang humbit ding chihthu lakkhiak ding leh Manipur govt makaihna hilou in Centre govt tawh kal thu hizaw ding in hahtaka pang uh ahihdan gen hi. Amau pawlin govt tawh peace talk bel kipahpih mahle uh ceasefire a groud-rule point khenkhat bel suaikaihni tan in leng khauhtakin nial lai uh ahihdan gen hi. Ceafire pen kum 1 sung lel daih ding ahihmanin huaihun sung in mipi tawh panmun ding gelkhawm poimawh hin gen hi. UKLF deihdan ahihziak mah in tuma deuh in leng Songjang khua ah hibang Consultative meeting om ahihdan gen hi. SS Haokip in mipite’n leng galvantawi pawl tuamtuamte ngaihdan(idealogy) bangpen hoih hiam chih suichian a deihtelna bawl in hangsantaka puankhiak ngam poimawh ahihdan gen hi. UPF leh KNO in mipi tawj hibang Joint Consultation a neihkhawm ding duhthusam anei ahihdan SS Haokip in gen hi.
Anthony, Secretary(Home)/UKLF in Govt tawh kilemna kibawl mipi tawh kikumkhawm a thil omdan genkhawm deihna ziaka huchibang meeting sap ahihdan gen a, Jacob Thadou, Secretary(Organisation) in Kuki nampi adia tup-le-gim neih ziak a galvan tawi uh ahihdan gen in Aug 1,2005 akipan SoO kipan in Feb 29, 2008 in India govt apan kihou dinga chialna om a, UPF leh KNO khekhat a dinkhawm ut-huai mahleh kithuzaktuahna haksa(communication gap) om ziaka lemtanglou ahihdan gen hi.Huchi’n May 2008 sungin kihouna om a, Aug 22, 2008 sunnung dak 2.00 in KNO tawh SoO/Ceasefire ah suaikai uh a, UPF tawh nitaklam dak 4.00 in suaikai uh ahihdan taklang hi. SoO a suaikai ding UPF utlou chihthu ah UPF in peacetalk lunglut a, hileleng ground-rule khenkhat a pom theihlouh ziaka suaikaih zekai hizaw a, nau kala buaina mulkimhuai tak om thei ding deihlouhna ziakin a khawnung in suaikai uh ahihzawkdan gen hi. KNO leh UPF in govt tawh atuam tuaka kihou uh ahihdan leng gen hi.Jacob Thadou in a genzeldan in SoO a suaikaih nung in Joint Monitoring Group om khepan in meeting masa om panphet a, peace talk kipan nailou ahihdan gen hi. Manipur gam leitang kipumkhatna hihsiatlouh ding chihthu ah Ceasefire pen kum 1 sung lel daih ding ahihman in patauh huailou a,kituak a panlak hun hizaw hi’n gen hi. Lungkimhuailou ahih leleng kum 1 nunga nutsiat mawh thil hilou ahihdan leng gen hi.
Huai Consultative Meeting ah UKLF apan Secretary(Defence) Joshua, Secretary(Public Relations) Daniel leh UKLF cadre & worker tamkhoptak leng tel uh a, nitaklam in mipi kikhawm teng ankuang umpih uhi. Huai ah Lamka akipan in printed & electronic media-te leng a chial ziakun khenkhat leh electronic media apan leng 2 vatel uhi.
Source: http://zogam.com/index.php?option=com_content&task=view&id=4348
No comments:
Post a Comment