The Lamka Post September 03, 2008
Lamka, Sept. 2: Manipur singtangmite lak a offset printing zang a newspaper sutkhiak masakpen The Lamka Post in zan Sept. 1, 2008 sunnung dak 2.30 Lamka Post office ah, editorial staff, staff reporters leh printing staff ten kithuahkhawmna nei ua tua ah Lamka Post Patron member, tulel a Singngat MLA Pu T. Hangkhanpau in uap hi.
Lamka Post editor in hun paisa a haksa leh nuam a tuahte a gen nung in, Lamka Post Pu T. Hangkhanpau in houlimna nei hi. Hiai hun a agenna ah, Lamka Post sutkhiatna offset deih bang a lianzou salou ahihdan gen a, tua kialou inleng luisim mahmahta ahihman in 2008-2009 sung a Lamka Post sutna ding Web Offset khat ngaihtuahsak ngeingei ding hi’n chiam hi. Lamka Post in hiai bang haksatna tuak ahihlam thei leng, a kipat tung apan ka hih theih dan in ka pang khita ding chi’n leng staff te lak ah gen hi.
EBCC/Central Lamka Local Pastor H. Jamkhanpau in Lamka Post a ding in chihtaktak in thumna neihsak a, tua zoh in Pu T. Hangkhanpau leh a innkuan, banah a bialmite a ding inleng thumsak hi.
Lamka khopi sung ah COMFA in Mautaam puktawk pan
Mautaam ziak a singtanglam a kial ziak a nek-le-tak ding neilou tamtakte panpihna ding a kibawlkhia Committee on Mautaam Famine Aid-2008 (COMFA) in panlak dingdan a guangalhsa bang in tuni’n Lamka khopi sung ah puktaw pan uhi.
Tuzing dak 10:00 apan in group 2 a kikhen in Tuibuang apan leh Lanva lei apan kipan in Tedim Road tawn in panpihna kaikhawm uhi. PCI® Rayburn saptuam in mautaam panpihna ding anntang bag 50, Rayburn college in antang bag 15, Rayburn H/S in 15 pia ua, Mrs. Thawnzaniang, Special Class Govt. Contractor in Rs.5000/- pia a, Mr. Gouzadou, Ex-Minister in leng Rs. 1100/- pia hi. Tuni a khopi sung a panpihna don ahihna ah sumsinna dawr nei tamtak in panpihna pekhawm ua, bazaar a mehzuak nupi tamtakte’n leng a neih bangbang uh thohkhawm uhi. Huailou in Outer Manipur MP Shri. Mani Charenamei inleng anntang 300 quintals thoh a, zingchiang in COMFA in vala ding ua, a puakna ding in Pu Zarual in a Truck thoh ding hi. Huailou in zingchiang in Lamka khopi leh a sehvel a khuate ah COMFA makaih in puktawk sutzop hilai ding hi.
Hongtung ding September 5, 2008 chiang in ‘Concert for the Hungry’ chih minvuah concert neih hiding a, huai ah Mizo Zaimi Inzawmkhawm apan palai 3 Mr. Ruata Zote, Ms. Josephine Jojo-i leh Mr.TBC Zaithanpuia te’n lasa ding uhi. Amaute zingchiang in Lamka hongtung ding ua, hiai Concert ding toh kisai in tulai in Zogam Artiste Association in Zenhang Lamka Community Hall ah sun leh zan in kisakkholhna nasatak in neilel uhi. Hiai Concert ah Manipur Chief Minister O. Ibobi Singh in Chief Guest hihna toh uap in hongkhe ding a, District apan mipi palai dia telching teng inleng uap ding uhi.
Tuni a COMFA makaih a a sum hul a kidong khia Rs. 42260.00 ( Fourty Two Thousand Two Hundred and Sixty ) pha a, kial panpihna chiklaipeuh in YPA, Headquarter Hall, Hiangtam Lamka ah a piak theih gige ding.
AFC a tel dingte Medical check-up
Lamka,Sept 2: District Youth & Affairs Sport Ofice CCpur saina in Asian Football Confederation (AFC) a tel ding School tuamtuam apan under 11 & under 13 te Medical check up zan leh tuni’n Lamka Community Hall ah nei uhi. Zan in School tuamtuam 7 leh tuni’n School tuamtuam 11 apan pasal leh numei tamtak tel ua, Dr. Paulunmang, Medical Officer leh Dr. Vanlalkungi, Medical Oficer ten Students te dam theihna chi tuamtuam en uhi. Tunung zek chiang in Singapore apan AFC official ten Lamka hongpha ding uhi.
Chiinneithem omna kitheilou
Lamka, Sept. 2: Miss Chiinneithem (11) d/o Nohsei Khongsai of New Dampi,CCpur, tuni zingkal a pawtkhia tunitak tan in a omna kitheilou hi’n KSO Secy. CCpur apan thutut kingah hi.
Thutut kingah dan in, Chiinneithem tuni zinglam dak 10 in Saidan khua a a mukha om ua, himahleh a paina lam theihlouh in om a, taksa hoih, a sam in a liang chiang pha a, T. Shirt vom, Jean khekol silh in teng a, a biang veilampang ah chivom muh theih ding om hi.
A mukhate’n KSO/CCpur kiang a theisak ding in ngen uhi.
Bawldikna
ZSF Tuining Unit honkhiakna hun a ‘Liansuankap in Rs. 5000/- ‘ kichipen Lianzakap chihzawk ding ahi. Hihkhelh poi a kisa. - Editor
Chief Minister in Water Supply hongkhe ding
Lamka, Sept. 2: Public Health Engineering Department, Government of India saina in hong tung ding Sept. 5, 2008 zinglam dak 10:30 in Lamka khopi tuinek petu ding Water Supply, Mongjang khua ah honkhiak hiding a, Manipur Chief Minister O. Ibobi Singh in Chief Guest hikawm in hongkhe ding a, PHED Minister T.N. Haokip in Functional president hihna toh uap ding hi. Zinglam dak 9 in mipi chial a omte tungkim ding ua, dak 10.30 in Chief leh functional President tung in hiai water supply hongkhiak hingal ding hi.
Hiai pen Sept. 3, 2008 a honkhiak ding chih himahleh, Chief Minister in Sept. 5 a Mautaam Concert na a chief guest a a pan ding ziakin leh lemchangzaw etna in hiai ni a water supply scheme honkhiak dia a hun suan a om hi’n official thutut kingah hi.
Zamkholian leh Thangkhochin in thil mak tak tuak
Lamka, Sept 2: Thu khonung kiza dan in, kal paita August 26, 2008 nitak dak 11 vel in Mr. Zamkholian of Zogam Road, New Lamka leh Mr. Thangkhochin of Sahei Road, lamdangtak in Sahei road, New Lamka apan Singngat leh Lamka kikal a Buallian kho kiang tan puaktung in om uhi.
Lamka Post palai in Mr. Thangkhochin kimuhpih sawm mahleh inn a omlouh ziakin a zi houlimpih ua, a zi’n a gen dan in Aug. 26, 2008 nitak in New Lamka Sahei Road a om Mr. L. Pumzanang, Special Contractor inn ah Mr. Zamkholian leh Mr. Thangkhochin kholak pawk, zan dak 11 vel in pai ding in pawtkhia uhi. Inn kong a Scooter Zogam Road lam nga a, a koih uh Scooter tool box tung ah numei naupang khat a na tuang a, a muh phet un buaisia in kihoupih theilou in om ngal ua, Zamkholian in Scooter hek in a nung ah Thangkhochin tuang in naungek toh inn apai ding a tai ua leh a theihlouh kal un Buallian kho kiang tung uhi. A zi’n a gen dan in, amaute’n ZMA donation box koihna mun a taksing amuh un khophawk sim ua, a tunna mun uh diklou ahi chih thei in hong kik uh hi’n gen a, Lingsihai a tun un khophawk in lau petmah uh hi’n leng gen hi.
Amau zing lam dak 3:00 in Zamkholian te inn tung ua, Thangkhochin leng inn pai ngam nawnlou in Zamkholian te inn ah giak hi. Amau naupang paikhiak lam theilou ua, Buallian manawh apai lai ua gari inleng singlou in nuamtak a tai uh hidan in gen a zi’n gen hi.
Naupang pen numei hi a puannak tual silh in atung lam san in anuai lam nik gial hi’n leng gen uhi.
SDO/BDO teng tawh meeting nei
Lamka, Sept.2: Tuni sunnung dak 3:00 in DCCpur Office ah SDO/BDO teng toh DC/CCpur makaih in meeting ua, block tuamtuam in haksatna a tuahte uh leh Development toh kisai a panlak ding dan kikum khawm uhi.
Singngat MLA in pekhe ding
Lamka, Sept. 2: Singngat Sub. Division sung a National Meternity Benefit Scheme mute sum leh National Old Age Pension mute sum piak khiakna Sept. 6, 208 sunma dak10:30 in Singngat MLA Pu T. Hangkhanpau in amah teenna inn, Nehru Marg ah pekhe ding hi. Huai hun ah a mutute amau taksa mahmah a pai a sum vala ding in Mr. K. Nengpi, PRO to MLA Singngat apan thutut kingah hi.
Behiang Hausa case file khum nawn
Lamka, Sept. 2: Behiang Village Authority Chairman Paudoumang Ngaihte in Border Area Development Programme (BADP) 2006-07 tungtawn a Suangphuh a Lime Plantation adia sum Rs. 4,74,000/- kipia pen a zatna ding a zanglou chih ziakin EE,DRDA/CCpur in apaisa August 26, 2008 in Singngat PS ah criminal case khat file khum nawn hi. Hiai Plantation of Lime a ding a work order pen March 28, 2007 in EE, DRDA in pekhia a himahleh ahiding bang a zatlouh ahihziak a case file khum a om ahi. Mr. Paudoumang tung ah criminal case ki-file khum tua 3na hita hi.
BCC Workshop kipan
Lamka, Sept. 2: Family Welfare Conference Hall, CCpur ah tuni zing dak 10:00 akipan in ‘Behavioural Change Communication (BCC) Workshop’ kipan hi. Hiai workshop bel hongtung ding September 4, 2008 tan neih hiding a, resource person tuamtuam in topic tuamtuam pansan in sinsak uhi.
Badminton Championship omding
Lamka, Sept. 2: CCpur District Badminton Association (CDBA) saina in hongtung ding October 2008 sung in Lamka Community hall ah ‘Inter-Hill District Badminton Championship-2008’ neih hiding hi. Hiai Championship om ding ziakin tulai in Lamka Community Hall puahphat in omlel hi.
Lamka, Sept. 2: Manipur singtangmite lak a offset printing zang a newspaper sutkhiak masakpen The Lamka Post in zan Sept. 1, 2008 sunnung dak 2.30 Lamka Post office ah, editorial staff, staff reporters leh printing staff ten kithuahkhawmna nei ua tua ah Lamka Post Patron member, tulel a Singngat MLA Pu T. Hangkhanpau in uap hi.
Lamka Post editor in hun paisa a haksa leh nuam a tuahte a gen nung in, Lamka Post Pu T. Hangkhanpau in houlimna nei hi. Hiai hun a agenna ah, Lamka Post sutkhiatna offset deih bang a lianzou salou ahihdan gen a, tua kialou inleng luisim mahmahta ahihman in 2008-2009 sung a Lamka Post sutna ding Web Offset khat ngaihtuahsak ngeingei ding hi’n chiam hi. Lamka Post in hiai bang haksatna tuak ahihlam thei leng, a kipat tung apan ka hih theih dan in ka pang khita ding chi’n leng staff te lak ah gen hi.
EBCC/Central Lamka Local Pastor H. Jamkhanpau in Lamka Post a ding in chihtaktak in thumna neihsak a, tua zoh in Pu T. Hangkhanpau leh a innkuan, banah a bialmite a ding inleng thumsak hi.
Lamka khopi sung ah COMFA in Mautaam puktawk pan
Mautaam ziak a singtanglam a kial ziak a nek-le-tak ding neilou tamtakte panpihna ding a kibawlkhia Committee on Mautaam Famine Aid-2008 (COMFA) in panlak dingdan a guangalhsa bang in tuni’n Lamka khopi sung ah puktaw pan uhi.
Tuzing dak 10:00 apan in group 2 a kikhen in Tuibuang apan leh Lanva lei apan kipan in Tedim Road tawn in panpihna kaikhawm uhi. PCI® Rayburn saptuam in mautaam panpihna ding anntang bag 50, Rayburn college in antang bag 15, Rayburn H/S in 15 pia ua, Mrs. Thawnzaniang, Special Class Govt. Contractor in Rs.5000/- pia a, Mr. Gouzadou, Ex-Minister in leng Rs. 1100/- pia hi. Tuni a khopi sung a panpihna don ahihna ah sumsinna dawr nei tamtak in panpihna pekhawm ua, bazaar a mehzuak nupi tamtakte’n leng a neih bangbang uh thohkhawm uhi. Huailou in Outer Manipur MP Shri. Mani Charenamei inleng anntang 300 quintals thoh a, zingchiang in COMFA in vala ding ua, a puakna ding in Pu Zarual in a Truck thoh ding hi. Huailou in zingchiang in Lamka khopi leh a sehvel a khuate ah COMFA makaih in puktawk sutzop hilai ding hi.
Hongtung ding September 5, 2008 chiang in ‘Concert for the Hungry’ chih minvuah concert neih hiding a, huai ah Mizo Zaimi Inzawmkhawm apan palai 3 Mr. Ruata Zote, Ms. Josephine Jojo-i leh Mr.TBC Zaithanpuia te’n lasa ding uhi. Amaute zingchiang in Lamka hongtung ding ua, hiai Concert ding toh kisai in tulai in Zogam Artiste Association in Zenhang Lamka Community Hall ah sun leh zan in kisakkholhna nasatak in neilel uhi. Hiai Concert ah Manipur Chief Minister O. Ibobi Singh in Chief Guest hihna toh uap in hongkhe ding a, District apan mipi palai dia telching teng inleng uap ding uhi.
Tuni a COMFA makaih a a sum hul a kidong khia Rs. 42260.00 ( Fourty Two Thousand Two Hundred and Sixty ) pha a, kial panpihna chiklaipeuh in YPA, Headquarter Hall, Hiangtam Lamka ah a piak theih gige ding.
AFC a tel dingte Medical check-up
Lamka,Sept 2: District Youth & Affairs Sport Ofice CCpur saina in Asian Football Confederation (AFC) a tel ding School tuamtuam apan under 11 & under 13 te Medical check up zan leh tuni’n Lamka Community Hall ah nei uhi. Zan in School tuamtuam 7 leh tuni’n School tuamtuam 11 apan pasal leh numei tamtak tel ua, Dr. Paulunmang, Medical Officer leh Dr. Vanlalkungi, Medical Oficer ten Students te dam theihna chi tuamtuam en uhi. Tunung zek chiang in Singapore apan AFC official ten Lamka hongpha ding uhi.
Chiinneithem omna kitheilou
Lamka, Sept. 2: Miss Chiinneithem (11) d/o Nohsei Khongsai of New Dampi,CCpur, tuni zingkal a pawtkhia tunitak tan in a omna kitheilou hi’n KSO Secy. CCpur apan thutut kingah hi.
Thutut kingah dan in, Chiinneithem tuni zinglam dak 10 in Saidan khua a a mukha om ua, himahleh a paina lam theihlouh in om a, taksa hoih, a sam in a liang chiang pha a, T. Shirt vom, Jean khekol silh in teng a, a biang veilampang ah chivom muh theih ding om hi.
A mukhate’n KSO/CCpur kiang a theisak ding in ngen uhi.
Bawldikna
ZSF Tuining Unit honkhiakna hun a ‘Liansuankap in Rs. 5000/- ‘ kichipen Lianzakap chihzawk ding ahi. Hihkhelh poi a kisa. - Editor
Chief Minister in Water Supply hongkhe ding
Lamka, Sept. 2: Public Health Engineering Department, Government of India saina in hong tung ding Sept. 5, 2008 zinglam dak 10:30 in Lamka khopi tuinek petu ding Water Supply, Mongjang khua ah honkhiak hiding a, Manipur Chief Minister O. Ibobi Singh in Chief Guest hikawm in hongkhe ding a, PHED Minister T.N. Haokip in Functional president hihna toh uap ding hi. Zinglam dak 9 in mipi chial a omte tungkim ding ua, dak 10.30 in Chief leh functional President tung in hiai water supply hongkhiak hingal ding hi.
Hiai pen Sept. 3, 2008 a honkhiak ding chih himahleh, Chief Minister in Sept. 5 a Mautaam Concert na a chief guest a a pan ding ziakin leh lemchangzaw etna in hiai ni a water supply scheme honkhiak dia a hun suan a om hi’n official thutut kingah hi.
Zamkholian leh Thangkhochin in thil mak tak tuak
Lamka, Sept 2: Thu khonung kiza dan in, kal paita August 26, 2008 nitak dak 11 vel in Mr. Zamkholian of Zogam Road, New Lamka leh Mr. Thangkhochin of Sahei Road, lamdangtak in Sahei road, New Lamka apan Singngat leh Lamka kikal a Buallian kho kiang tan puaktung in om uhi.
Lamka Post palai in Mr. Thangkhochin kimuhpih sawm mahleh inn a omlouh ziakin a zi houlimpih ua, a zi’n a gen dan in Aug. 26, 2008 nitak in New Lamka Sahei Road a om Mr. L. Pumzanang, Special Contractor inn ah Mr. Zamkholian leh Mr. Thangkhochin kholak pawk, zan dak 11 vel in pai ding in pawtkhia uhi. Inn kong a Scooter Zogam Road lam nga a, a koih uh Scooter tool box tung ah numei naupang khat a na tuang a, a muh phet un buaisia in kihoupih theilou in om ngal ua, Zamkholian in Scooter hek in a nung ah Thangkhochin tuang in naungek toh inn apai ding a tai ua leh a theihlouh kal un Buallian kho kiang tung uhi. A zi’n a gen dan in, amaute’n ZMA donation box koihna mun a taksing amuh un khophawk sim ua, a tunna mun uh diklou ahi chih thei in hong kik uh hi’n gen a, Lingsihai a tun un khophawk in lau petmah uh hi’n leng gen hi.
Amau zing lam dak 3:00 in Zamkholian te inn tung ua, Thangkhochin leng inn pai ngam nawnlou in Zamkholian te inn ah giak hi. Amau naupang paikhiak lam theilou ua, Buallian manawh apai lai ua gari inleng singlou in nuamtak a tai uh hidan in gen a zi’n gen hi.
Naupang pen numei hi a puannak tual silh in atung lam san in anuai lam nik gial hi’n leng gen uhi.
SDO/BDO teng tawh meeting nei
Lamka, Sept.2: Tuni sunnung dak 3:00 in DCCpur Office ah SDO/BDO teng toh DC/CCpur makaih in meeting ua, block tuamtuam in haksatna a tuahte uh leh Development toh kisai a panlak ding dan kikum khawm uhi.
Singngat MLA in pekhe ding
Lamka, Sept. 2: Singngat Sub. Division sung a National Meternity Benefit Scheme mute sum leh National Old Age Pension mute sum piak khiakna Sept. 6, 208 sunma dak10:30 in Singngat MLA Pu T. Hangkhanpau in amah teenna inn, Nehru Marg ah pekhe ding hi. Huai hun ah a mutute amau taksa mahmah a pai a sum vala ding in Mr. K. Nengpi, PRO to MLA Singngat apan thutut kingah hi.
Behiang Hausa case file khum nawn
Lamka, Sept. 2: Behiang Village Authority Chairman Paudoumang Ngaihte in Border Area Development Programme (BADP) 2006-07 tungtawn a Suangphuh a Lime Plantation adia sum Rs. 4,74,000/- kipia pen a zatna ding a zanglou chih ziakin EE,DRDA/CCpur in apaisa August 26, 2008 in Singngat PS ah criminal case khat file khum nawn hi. Hiai Plantation of Lime a ding a work order pen March 28, 2007 in EE, DRDA in pekhia a himahleh ahiding bang a zatlouh ahihziak a case file khum a om ahi. Mr. Paudoumang tung ah criminal case ki-file khum tua 3na hita hi.
BCC Workshop kipan
Lamka, Sept. 2: Family Welfare Conference Hall, CCpur ah tuni zing dak 10:00 akipan in ‘Behavioural Change Communication (BCC) Workshop’ kipan hi. Hiai workshop bel hongtung ding September 4, 2008 tan neih hiding a, resource person tuamtuam in topic tuamtuam pansan in sinsak uhi.
Badminton Championship omding
Lamka, Sept. 2: CCpur District Badminton Association (CDBA) saina in hongtung ding October 2008 sung in Lamka Community hall ah ‘Inter-Hill District Badminton Championship-2008’ neih hiding hi. Hiai Championship om ding ziakin tulai in Lamka Community Hall puahphat in omlel hi.
Source: www.zogam.com
![Reblog this post [with Zemanta]](http://img.zemanta.com/reblog_a.png?x-id=45fea3c9-7089-42b8-8763-eaeb410c4fce)
No comments:
Post a Comment