Zou Sangnaupang Pawlpi Delhi Study Forum kum 1 chingta

August 30, 2008: Janni'n Safdarjung Enclave, New Delhi ah Delhi Zou Sangnaupang Pwwlpi Study Forum kum khat chinna thupitah a lopna leh Pasian kunga nuomthu tutna nei uhi.

Tuahun ah Zou Organisation Delhi Vice Chairman, Pu T. Zamlunmang Zou, ZSPDB President Pu Mangkholun, ZCF Chairman Pu Haulienkap, Pu Philip Thanglienmang DANICs, ZSP Secretary Pu Ginshanglian, Forum Sangsya Pu T. Paulienthang leh adang mi tampi'n thugil tahtah genna nei uhi.

Study Forum in nuomman hawmna zong nei uhi. Nuomman sangte ahileh:

Pu Haulienkap - ama'n ahileh Study Forum te poimaw bang leh kul bang a ana kithuopi zing ban ah A inn itlou kei a Forum Center a ana zahsah zing zieh in nuomman pie uhi.

Pu T. Paulienthang - ama ahileh asiemna, theina leh pilna a nam mite dinga itlou leh ama pan lahna toh forum kiphutdoh ahiman in nuomman pie uhi.

Pu Thangsuonmung - ama ahileh sangnaupang teng lah a class regular pen ahiman ahi.

LIBRARY

ZSP Study Forum in Library zong neita uhi. Tunitan a laibu donation kibawl khawm ahileh 100 valta chi co-ordinator pu apat ja ahi. Laibu teng Pastor Rev. G.K. Samte in Pasian kunga latna leh apkhietna nei hi.

FORUM HING KIPAT DAN:

Tam Forum ahileh August 25, 2007 ni in phuon khietna Rev. GK Samte, Pastor ZCF Delhi in nei hi.

Hear from the founder, Mr. Paulienhang @ HangP: Study forum ahile SSC Graduate Level mains exam a maths paper hah kasah sengseng jiah in ka ngaituana ah tambang sum sen louna class kineithei leh chi ngaituana idea ahing pawt a tuachi'n Soimang ka houpi a hoi ahing sahpi a, Paulianthang teacher ding in kahoupi ua pha ahing sahpi kia a tuachin ka room (H/No. 586, 1st Floor, PK Malik Building, Munirka, New Delhi) ah phuhkhieh ahing hi tahi. Soimang leh Paulianthang tuahun a ZSP lamkai ahi vang ua ZSP min kijang zong ahisih a, Zou study forum chi ding chi hinanle ZSP zong student body i neisun uh ahi chiang in chia ZSP min ana kizang ahi.