Gam 54 a kithuzaktuahna munpi nei, zalen gam khat dana ana kivaihawm: army, airforce, navy, police, court, bank, post office, radio leh TV station tuam nei, galvan toh kithuam mi 18,000-te’n humpinelkai banga 15,000 sq km ana touphah, LTTE-te sukmang a aom un mi tamtak lunggel ah LTTE nunga Tamil-te maban di lung opkaina liantak piangsak hi.
Sri Lanka in Prabakaran leh anuaia lamkai lian teng athah khit a galzou akichih pen galzohna taktak ahi na diai? Chih mi tamtak dokna ahi. LTTE gumpawl in Sri Lanka galzohna pen ahawmguak lel ahi achi uhi. Atup uh Tamil Eelam(Tamil Gam) amuh louh tawp ua zong Sinhala-te toh tan kikim piak ahih kei uleh galdouna bei di’n agintat huai kei hi. Galzohna puanlap khai President Rajapaksa solkal in Tamil galtai 2.8 lakh valte tundingna leh Tamil mipite lungkimna lemna zon di mabana amohpuak lian pen ahi. Hichibang zenzun lakah tunung hun di genkholh abaihlam kei hi. Banghileh LTTE kiphuhkhiat dan leh a lohsapna ziak uh saulou i en suk ding uhi.
Kiphuhna Ziak:
Sri Lanka ah Tamil-te BC hunlai peka pana ana teng uh ahita hi. Kum zabi 19 leh 20 laia British-te’n nasem di’n India panin mi tampi ana lalut uhi. Sri Lanka mising 2.1 crore lakah Sinhala-73.8%, Tamil-18% (Sri Lanka’ Tamil-13.9%, India’ Tamil-4.6%) apha uhi. Sinhala-te’n Tamil-te ana nelhsiah ua, agam mi danin ana pom kei uhi. Sri Lanka in 1948 a zalenna amuh in Tamil-te tungah nelhsiahna ahung kipanpan hi.
S.W.R.D. Bandaranaike in Sri Lanka a Sinhala ham chauh official a zak di atangkoupih ziakin 1956 in President a telching in aom hi. Amah telching a om toh kiton in akichiamna bangin nasep apantou hi. Hih in 1958 in nam nihte kalah tualgal huaisetak piangsak hi. Tamil-te’n Sri Lanka solkal amuanzohna uh akiam va hiaita a Tamil gam amuh masang uh bitlou di chih ngaihdan aneita uhi. Tamil ham nelhsiah a Sinhala ham tawisangnapaipih zom zel ua, Tamil laisiam tamtak Civil Service leh College lut di ahaksa semsem hi
Kiphuhkhiatna: Tamil sinlaite’n 1970 in Tamil Students Movement chia kiminvoh in helna ana pan uh ahi. Sri Lanka Danbu kibawl thak pen in Tamil-te anelhsiah ziakin 1972 apat Tamil United Liberation Front (TULF) min in kiphinna apan uhi. Hih kum in Tamil Students Movement apan in Tamil New Tigers(TNT) leh Tamil Eelam Liberation Organization (TELO) chi’n pawl nih ahung kisuah uhi. Hih TNT pen Vilupilai Prabakaran lamkaihna in May 5, 1976 Liberation Tigers of Tamil Eelam (LTTE) chia khekin ana om ahi. LTTE tup ahihleh Sri Lanka mallam leh suahlama Tamil-te luahna tenga Tamil Gam siamkhiat di ahi.
Amasawndan Uh: Galdou taktak 1983 in apan uhi. Abultungin LTTE in Tamil singnuaimi pawl tuamtuamte toh ana asemkhawm ua, 1984 in TELO, EROS, PLOTE leh EPRLF kigawmna Eelam National Liberation Front(ENLF) azom hi.
TELO in India ngaihdan pompih in Sri Lanka toh kihoulem a ut hi. LTTE in India ama phattuamna di chauh a nasem chi’n TELO ngaihdan ana pompih kei hi. Tuachi’n 1986 in ENLF apan LTTE ataikhia a kidouna in anungzuih ngal hi. LTTE-te in TELO lamkai teng leh anautang teng athat bei phial hi. Tuakhit in EPRLF munpite adou zom zel uhi. Tamil helpawl 20 vel om tengin LTTE zop dingin thupiak abawl ua azom utloute hepkhiat ahizel mai uhi.
Akiphuh tunglai un India a Tamil loute nasan in zong ana panpih uhi. 1980’s laiin India sepaihte’n sinsakna ana pia uhi. LTTE-te helpawl dangte toh akibaklouhna ahihleh amau hinna pia a midang athah uh(suicide attack) leh akihingmatleh akithahna di ua angawng ua cyanide(poison)a oh uh ahi. Hihte ziakin Sri Lanka leh gamdang a Tamil-te panpihna hoihtak angah uhi. Panpihna sum tamzawte UK, US, Switzerland, Canada, Australia leh Scandinavia gamte apan ahi.
BANGZIAKA LTTE LOHSAM?
1.Gamdangte Gupna Mansuahna:
LTTE-te tualthahna leh dankalh a gamtatna tamtakah mohpaih in aom uhi. FBI (USA) in, “leitunga helpawl lauhuaipen leh tualthahna sangpen a kigolh” chi’n achiamteh hi. India (1992), US (1997), UK (2000) leh European Union (2006) simin gam 32 in LTTE etsan(banned) apuang uhi. Hih in amaban uh abingsak mahmah hi. Pu Rajiv athah uh abawlkhelh lianpen uh ahi.
Mi lian ana thahte uh:
LTTE-te Gamtat Valna:
Mipi kipunkhawmna, Mosque, bank leh mun tamtak ah bomb pawksak ua, mi nautang aza asim ana that uhi. Black Tigers(Suicide Squad)-te’n 1980 leh 2000 kikal in suicide attack 168 vei bawl ua mi aza asim athat uhi. Sinhala leh Muslim-te thagum in anot pawt uhi. India, Kenya leh UK simin gam tuamtuam ah Credit Card zangin mi sum ana guksak uhi. Khamtheih a summet bawl a ngoh in om uhi. Naupang sepaih a thagum a alaklut ziakun gam tamtakin mohpaih hi.
2. Prabakaran’ Bawlkhelhna:
A). Prabakaran in aneulai a ana kithuapihte chihlouh ngal midang kuamah agingta kei hi. Ama ngaihdan chauh a ana pai ziaka abawlkhelh pipen 2005 election ahi. Mahinda Rajapaksa in President achin ngeingei leh LTTE sukbei di chi’n kamchiam ana bawl hi. Anuaiate’n lemna omna dinga panlatu Ranil Wickremesinghe support puang dia ana nget uh ngaihsaklouin LTTE-te luahna gam tengah election boycott ana puang hi. Tamil-te’n vote akhiat theihlouh ziak un Rajapaksa in vote tawmnou khat in gualzohna angah hi. Rajapaksa in LTTE-te sukbeina ding nasep apan touta a, sepaih tamtak alakbeh hi. Kum 2008 sung maimai in sepaih 40,000 tak alakbeh uhi.
B). Prabakaran in gamdangte toh kihoutuak theihna di panlakna ana bawl siam kei hi. Kum 2002 a Sri Lanka toh Cease Fire agreement akaih nungin gamdangte mitmei venglou in tualthahna leh dankalh a gamtatna tampi ah ana kigolh uhi. Hih in Tamil-te thuakgimna sukveng sawm gamdangte panpihna kiamsak hi. Kum 2005 a Sri Lanka Foreign Minister ana thah un gam tamtak gupna beisak hi. European Union (gam 17) leh Canada in ban puankhum ngal uhi. LTTE-te’n gam 15,000 sq km aluah uh mansuah a 3 sq km sunga khum bichilh a aomlai un zong gamdangte’n LTTE-te gupna thu ana gen kha kei uhi. Gamdangte lunghihmohpih pen minautang lakh val ahentangte uh ahizaw hi.
C). Prabakaran in ana gintat mahmah, alawi hoihtak LTTE’ political advisor (L) Anton Balasingham in LTTE in zalen gam asual pen tawpsan a Sri Lanka danbu sunga ki-ukna tuam tan a lungkim dia ana chialna pompih in Norway palai panna in 2002 Cease Fire Agreement suai ana kai hi. Sri Lanka in masanga ana pom utlouh LTTE pen Tamil mipite ai-oh dana apom ziakin LTTE-te’n amau kisuk lal na di’n azang uhi. Mun tamtakah tualthahna apaipih zom zel uhi. 2006 in Sri Lanka’ Army Chief Lt. General Sarath Fonseka suicide attack ana bawl ua adamkik zou hi. Hih ziakin cease fire sukbei in aom a galdouna akipankik hi. Prabakaran in gamdangte’n Sri Lanka sukdaih sawm nanteh chi’n ana lungmuang hi. Ama gintat banglou takin apaizaw ta hi.
3. Karuna Faction Pianna 2004:
LTTE Military Commander Colonel Karuna in suahlam Tamil-te atamzaw ahihhang ua rank lian lam a deihsakna kipelou chih ziaka akiphin in Prabakaran in ana zol sawmlou hi. Amah thautawi 5000 in anung thuap a LTTE toh hahtakin akikaptuak uhi. Karuna pawl Sri Lanka sepaihte khut ah akipekhia ua LTTE douna di’n TMVP kichi phutkhia uhi.Hih in LTTE-te hatna sukiam mahmah hi. Sri Lanka sepaihte’n beihpi asuah touh zel lai un LTTE-te’n a tawm ziak un ana nang zou kei uhi.
4. Mipi Gupna Mansuahna :
Atawpna ah, Prabakaran lohsapna liantak pen a mipite lungkimsaklouhna ahi. Ama’n a mi humbit sawmte na humbit lou in a na tawlmeek khazel hi. Sepaih a kivaihawm gamte thudik a apai keileh singnuaimi a kivaihawm gam apai hoih kei di chih mit a muhsa ahi. Ei lam banga dik in dik kei taleh a thu uh zuih mai di chih dandeuh ahi. Ama’ ngaihdan pompihlou Tamil political leader leh mohna bei mi nautang tamtak ana that hi. Sri Lanka Sepaihte khut a kipekhia LTTE mi 9100 val (numei=1,601) lakah a tamtak in Prabhakaran tunga alungkimlouh thu uh puang uhi. Amau un Tamil Gam sualtu hilou in Prabhakaran venbit sawm lel uh hi dan in gen uhi.
Sri Lanka sepaihte’n thumvei vingveng ana lohsap nung un Eelam War - IV 2006 in ahung pankik ua, Prabakaran May 18 ni a athah khit un gal zouta uh hi’n puang uhi. Tunung in amah khektu mi thak a hung piang diai ahihke’h gal chimtak in Tamilte’n thagum suahlouin lemna lampi azon sawm di uai chih mipi bildoh ahita hi. President Rajapaksa in Tamil-te dinmun Constitution 13th Amendment dungzui a etkai hi di‘n puang hi. Kum 25 val Sri Lanka buaina ah mi 80,000 val in sihloh uhi. Tuate lakah LTTE=27,639,Sri Lanka’ sepaih=21,066, Police=1000, India’ Sepaih=1500 pangkha hi.
Source: Khal-vontawi
Sri Lanka in Prabakaran leh anuaia lamkai lian teng athah khit a galzou akichih pen galzohna taktak ahi na diai? Chih mi tamtak dokna ahi. LTTE gumpawl in Sri Lanka galzohna pen ahawmguak lel ahi achi uhi. Atup uh Tamil Eelam(Tamil Gam) amuh louh tawp ua zong Sinhala-te toh tan kikim piak ahih kei uleh galdouna bei di’n agintat huai kei hi. Galzohna puanlap khai President Rajapaksa solkal in Tamil galtai 2.8 lakh valte tundingna leh Tamil mipite lungkimna lemna zon di mabana amohpuak lian pen ahi. Hichibang zenzun lakah tunung hun di genkholh abaihlam kei hi. Banghileh LTTE kiphuhkhiat dan leh a lohsapna ziak uh saulou i en suk ding uhi.
Kiphuhna Ziak:
Sri Lanka ah Tamil-te BC hunlai peka pana ana teng uh ahita hi. Kum zabi 19 leh 20 laia British-te’n nasem di’n India panin mi tampi ana lalut uhi. Sri Lanka mising 2.1 crore lakah Sinhala-73.8%, Tamil-18% (Sri Lanka’ Tamil-13.9%, India’ Tamil-4.6%) apha uhi. Sinhala-te’n Tamil-te ana nelhsiah ua, agam mi danin ana pom kei uhi. Sri Lanka in 1948 a zalenna amuh in Tamil-te tungah nelhsiahna ahung kipanpan hi.
S.W.R.D. Bandaranaike in Sri Lanka a Sinhala ham chauh official a zak di atangkoupih ziakin 1956 in President a telching in aom hi. Amah telching a om toh kiton in akichiamna bangin nasep apantou hi. Hih in 1958 in nam nihte kalah tualgal huaisetak piangsak hi. Tamil-te’n Sri Lanka solkal amuanzohna uh akiam va hiaita a Tamil gam amuh masang uh bitlou di chih ngaihdan aneita uhi. Tamil ham nelhsiah a Sinhala ham tawisangnapaipih zom zel ua, Tamil laisiam tamtak Civil Service leh College lut di ahaksa semsem hi
Kiphuhkhiatna: Tamil sinlaite’n 1970 in Tamil Students Movement chia kiminvoh in helna ana pan uh ahi. Sri Lanka Danbu kibawl thak pen in Tamil-te anelhsiah ziakin 1972 apat Tamil United Liberation Front (TULF) min in kiphinna apan uhi. Hih kum in Tamil Students Movement apan in Tamil New Tigers(TNT) leh Tamil Eelam Liberation Organization (TELO) chi’n pawl nih ahung kisuah uhi. Hih TNT pen Vilupilai Prabakaran lamkaihna in May 5, 1976 Liberation Tigers of Tamil Eelam (LTTE) chia khekin ana om ahi. LTTE tup ahihleh Sri Lanka mallam leh suahlama Tamil-te luahna tenga Tamil Gam siamkhiat di ahi.
Amasawndan Uh: Galdou taktak 1983 in apan uhi. Abultungin LTTE in Tamil singnuaimi pawl tuamtuamte toh ana asemkhawm ua, 1984 in TELO, EROS, PLOTE leh EPRLF kigawmna Eelam National Liberation Front(ENLF) azom hi.
TELO in India ngaihdan pompih in Sri Lanka toh kihoulem a ut hi. LTTE in India ama phattuamna di chauh a nasem chi’n TELO ngaihdan ana pompih kei hi. Tuachi’n 1986 in ENLF apan LTTE ataikhia a kidouna in anungzuih ngal hi. LTTE-te in TELO lamkai teng leh anautang teng athat bei phial hi. Tuakhit in EPRLF munpite adou zom zel uhi. Tamil helpawl 20 vel om tengin LTTE zop dingin thupiak abawl ua azom utloute hepkhiat ahizel mai uhi.
Akiphuh tunglai un India a Tamil loute nasan in zong ana panpih uhi. 1980’s laiin India sepaihte’n sinsakna ana pia uhi. LTTE-te helpawl dangte toh akibaklouhna ahihleh amau hinna pia a midang athah uh(suicide attack) leh akihingmatleh akithahna di ua angawng ua cyanide(poison)a oh uh ahi. Hihte ziakin Sri Lanka leh gamdang a Tamil-te panpihna hoihtak angah uhi. Panpihna sum tamzawte UK, US, Switzerland, Canada, Australia leh Scandinavia gamte apan ahi.
BANGZIAKA LTTE LOHSAM?
1.Gamdangte Gupna Mansuahna:
LTTE-te tualthahna leh dankalh a gamtatna tamtakah mohpaih in aom uhi. FBI (USA) in, “leitunga helpawl lauhuaipen leh tualthahna sangpen a kigolh” chi’n achiamteh hi. India (1992), US (1997), UK (2000) leh European Union (2006) simin gam 32 in LTTE etsan(banned) apuang uhi. Hih in amaban uh abingsak mahmah hi. Pu Rajiv athah uh abawlkhelh lianpen uh ahi.
Mi lian ana thahte uh:
1) 1991 - Rajiv Gandhi (India’ PM)
2) 1993 - Ranasinghe Premadasa ( SL Prez)
3) 1999 - Neelan Thiruchelvam (SL Tamil MP)
4) 2000 - C.V. Goonaratne (Industry Minister)
5) 2005-Lakshman Kadirgamar (Foreign Min)
6) 2008-T.Maheswaran (UNP- Opposition MP)
7) ’’ - D. M. Dassanayake (SL Minister)
8) ’’ - Jeyaraj Fernandopulle (Highway Min.)
LTTE-te Gamtat Valna:
Mipi kipunkhawmna, Mosque, bank leh mun tamtak ah bomb pawksak ua, mi nautang aza asim ana that uhi. Black Tigers(Suicide Squad)-te’n 1980 leh 2000 kikal in suicide attack 168 vei bawl ua mi aza asim athat uhi. Sinhala leh Muslim-te thagum in anot pawt uhi. India, Kenya leh UK simin gam tuamtuam ah Credit Card zangin mi sum ana guksak uhi. Khamtheih a summet bawl a ngoh in om uhi. Naupang sepaih a thagum a alaklut ziakun gam tamtakin mohpaih hi.
2. Prabakaran’ Bawlkhelhna:
A). Prabakaran in aneulai a ana kithuapihte chihlouh ngal midang kuamah agingta kei hi. Ama ngaihdan chauh a ana pai ziaka abawlkhelh pipen 2005 election ahi. Mahinda Rajapaksa in President achin ngeingei leh LTTE sukbei di chi’n kamchiam ana bawl hi. Anuaiate’n lemna omna dinga panlatu Ranil Wickremesinghe support puang dia ana nget uh ngaihsaklouin LTTE-te luahna gam tengah election boycott ana puang hi. Tamil-te’n vote akhiat theihlouh ziak un Rajapaksa in vote tawmnou khat in gualzohna angah hi. Rajapaksa in LTTE-te sukbeina ding nasep apan touta a, sepaih tamtak alakbeh hi. Kum 2008 sung maimai in sepaih 40,000 tak alakbeh uhi.
B). Prabakaran in gamdangte toh kihoutuak theihna di panlakna ana bawl siam kei hi. Kum 2002 a Sri Lanka toh Cease Fire agreement akaih nungin gamdangte mitmei venglou in tualthahna leh dankalh a gamtatna tampi ah ana kigolh uhi. Hih in Tamil-te thuakgimna sukveng sawm gamdangte panpihna kiamsak hi. Kum 2005 a Sri Lanka Foreign Minister ana thah un gam tamtak gupna beisak hi. European Union (gam 17) leh Canada in ban puankhum ngal uhi. LTTE-te’n gam 15,000 sq km aluah uh mansuah a 3 sq km sunga khum bichilh a aomlai un zong gamdangte’n LTTE-te gupna thu ana gen kha kei uhi. Gamdangte lunghihmohpih pen minautang lakh val ahentangte uh ahizaw hi.
C). Prabakaran in ana gintat mahmah, alawi hoihtak LTTE’ political advisor (L) Anton Balasingham in LTTE in zalen gam asual pen tawpsan a Sri Lanka danbu sunga ki-ukna tuam tan a lungkim dia ana chialna pompih in Norway palai panna in 2002 Cease Fire Agreement suai ana kai hi. Sri Lanka in masanga ana pom utlouh LTTE pen Tamil mipite ai-oh dana apom ziakin LTTE-te’n amau kisuk lal na di’n azang uhi. Mun tamtakah tualthahna apaipih zom zel uhi. 2006 in Sri Lanka’ Army Chief Lt. General Sarath Fonseka suicide attack ana bawl ua adamkik zou hi. Hih ziakin cease fire sukbei in aom a galdouna akipankik hi. Prabakaran in gamdangte’n Sri Lanka sukdaih sawm nanteh chi’n ana lungmuang hi. Ama gintat banglou takin apaizaw ta hi.
3. Karuna Faction Pianna 2004:
LTTE Military Commander Colonel Karuna in suahlam Tamil-te atamzaw ahihhang ua rank lian lam a deihsakna kipelou chih ziaka akiphin in Prabakaran in ana zol sawmlou hi. Amah thautawi 5000 in anung thuap a LTTE toh hahtakin akikaptuak uhi. Karuna pawl Sri Lanka sepaihte khut ah akipekhia ua LTTE douna di’n TMVP kichi phutkhia uhi.Hih in LTTE-te hatna sukiam mahmah hi. Sri Lanka sepaihte’n beihpi asuah touh zel lai un LTTE-te’n a tawm ziak un ana nang zou kei uhi.
4. Mipi Gupna Mansuahna :
Atawpna ah, Prabakaran lohsapna liantak pen a mipite lungkimsaklouhna ahi. Ama’n a mi humbit sawmte na humbit lou in a na tawlmeek khazel hi. Sepaih a kivaihawm gamte thudik a apai keileh singnuaimi a kivaihawm gam apai hoih kei di chih mit a muhsa ahi. Ei lam banga dik in dik kei taleh a thu uh zuih mai di chih dandeuh ahi. Ama’ ngaihdan pompihlou Tamil political leader leh mohna bei mi nautang tamtak ana that hi. Sri Lanka Sepaihte khut a kipekhia LTTE mi 9100 val (numei=1,601) lakah a tamtak in Prabhakaran tunga alungkimlouh thu uh puang uhi. Amau un Tamil Gam sualtu hilou in Prabhakaran venbit sawm lel uh hi dan in gen uhi.
Sri Lanka sepaihte’n thumvei vingveng ana lohsap nung un Eelam War - IV 2006 in ahung pankik ua, Prabakaran May 18 ni a athah khit un gal zouta uh hi’n puang uhi. Tunung in amah khektu mi thak a hung piang diai ahihke’h gal chimtak in Tamilte’n thagum suahlouin lemna lampi azon sawm di uai chih mipi bildoh ahita hi. President Rajapaksa in Tamil-te dinmun Constitution 13th Amendment dungzui a etkai hi di‘n puang hi. Kum 25 val Sri Lanka buaina ah mi 80,000 val in sihloh uhi. Tuate lakah LTTE=27,639,Sri Lanka’ sepaih=21,066, Police=1000, India’ Sepaih=1500 pangkha hi.
Source: Khal-vontawi
No comments:
Post a Comment