-Mangneu Thangkhal
Mi tamtak in i ngaklah uh pawl 10 leh 12 result board tuamtuam in apuangkhe zangzangta hi. Hih hun pen sinlaite adi’n hinkhua kikhelna dinga lampi zuih kipatna ahihziakin lung awpkai huai mahmah hi. Bang course lak di? Bang College/University a kai a banglam manoh di? Kua toh khoisunga omkhawm di? Chih doknate’n sinlaite leh nu-le-pa lungsim aluah den hi. Hih hun a thupukna bawl pen silbaih ahikeia zong bawl dik haksa khat ana suak hi. Thupukna i lakkhial leh damsunga i lohsapna bulpi hithei ahih manin pilvang ngai mahmah mai hi.
1. Course Telna ah-Nang v/s Midang:
Eilam a i na bawl khelh mahmah uh pen i lunglutna leh i siamtheihna chih enlou a mi’n hoih a chih ziaka i uimaw louphuk suk zel pen uh ahi. Kum 10 val vingveng lai i sim sunga Maths leh Science bang ana thaneh ngai mawngmawng lou ahoih hi chih ziaka la suk, nu-le-pate phutluih ziaka zuisuk chihte i na chindan ahi. Mi tampi pai ziaka i siam theih vawtlouh course va lak ziaka maban sawn theiloua bingtawp chih pen bawlkhelhna liantak ahi. Hih pen high school a i om sunga i hihna i na kitheihlouh ziak leh Career Awareness bangmah i na kipiaklouh ziak uh ahi deuh hi. Career After+2/Directory of Higher Learning kichi laibu bu khat beek lei thei lei deihhuai mahmah hi. Pawl 10 leh 12 pass khinte adi’n azekai lam ana hi kha zel hi. Tuaziakin high school sinlaite adi’n Career Guidance pibawl poimoh mahmah hi.
Tulai in khopi lian lakah course asawm-aza a sim a om ziazua ta hi. Hih in sinlaite deihtelna tanzausak mahmah hi. Ahi’n khenkhat atel siamloute adingin kipalpukna tunthei daih zel hi. I lunglutna leh sepna muhna dinga hoih deuh course-te career guidance bu, magazine ban ana zilsate apana kankhiat sawm di ahi. Government sepna ente adi’n Civil Services, Bank PO, Teaching, Engineering, Lawyer, Defence, Doctor/Nurse, Clerk/Secretary etc. kigual suk deudau ding hi. Private company lam ente adi’n tamsem lai ding hi. MBA, IT, Hotel Management, Tourism, Fashion Designing, Foreign Languages, Journalism etc. chihte sum tampi luak theihna suakta hi. Tunai deuhin MSW leh Rural Development lam toh kisaia NGO a nasepna bang zong ahung kithang mahmah hi. Professional course sum tamtak senga zil sawmte adi’n institution minthang leh governmenttheihpih tel siam poimoh mahmah hi.
2. Sepna Zonna ah - Govt. v/s Private:
India government in laisiam teng lungtunna ding bangtaka loh etlahhuai ana bawl zoh louh ziakin tamtakin MBA, Chartered Account, MCA chihte zilin private company-te ah alutsan uhi. Ahah thuak khak pen defence sector ah Army Officer di bang tampi kitasam hi. Hichibanga mipil, huakbu hoih tamtak atan nungin India in Sixth Pay Comission 2008 tungtawnin government kham hahtakin ahung puah thak kik hi. Tua dungzuiin Civil Service ahung minthang mahmah kik hi. Ahi’n 6th Pay in Civil Service leh sepaih lama a rank sanglamte angvan seng chia soiselin a omkik hi. A rank ngiam lamte adi’n van man khan toh et a phatuam senglou in alang kik hi. Bang hileh government sepna tamzawte etlahhuai sak deuh tuam mahmah hi. Nurse khat in khaloh Rs.30,000 ahung san dup mai chu sil lamdang chih louh theih louh ahi. Tualeh government a pen adetdou chih ziakin adeih huai na pen kiam ngai lou hi.
Lehlamah America sum dinmun puksiat ziakin leitung pumpi a private company tampi puksia in tamtakin sepna amansuah uhi. Hih hun ah “government a mah” chih kammal ahung popular ta zel hi. Ahi’n hih buaina in asuk khaklouh company tampi aom veve a asukkhak khenkhat zong pukse den sam lou hi. Tualeh private a bawlfuh ngalte aval chih om mawk lou zel. Banah India a kum 10 dana pay commission aom sungin private company ate bang aloh uh a azah nih/thum in ana khang man kik zel hi. Private company hoihtakte ah kum khat in khaloh 30% bang khangzou tazen hi! Company liante’n loh piakdan leh sepdan zong kichup takin anei uhi. Thu thengthe khat ziaka, “Zing chiah hung kuan nawn dah in” kichih theih mawk hilou hi. Hichibang company thupitakte a lutna dingin amau etlah kham qualification i neih a poimoh ding hi. Amau etlah zoh di’n i kitat hiam zou diai chih ahi.
3. Zilna Mun: Manipur v/s State Pulam:
Inlam a issue kik khat ahihleh, chawm zou di hinapi a, paisia kha inteh chih toh i tate gam pulam a sawl di utlouhna ahi. Hih pen muvanlai tui akpi i opsaka akeuh chianga vanlilai a leng di lai ak hon laka avak toh kibang thei lel ding hi. Mihing dai kaih zoh ahi kei chih thudik ahi. Tununga khotanga i gam-le-nam adia kizang di sinlaite pen insung/khosung chauh a “mi hoih” chih hilou in inn/gam pulama zong “khosuahzou mi” ahih ding poimoh ahi. Zilna mun sangzaw a i zilzoh laisiah i khomuhna tanzau dinga, i maban khou sang sem ding hi. Education i chih pen class room sung leh laisimna pan chauh a kingah hilou in mi tuamtuam toh kigoptuahna pana zong kingah ahi. Mi’n a gen thupi international education chih vel ahita.
Lehlamtakah sum-le-pai haksat ziaka pawt zouloute’n i kinepna beisak tuanlouh di ahi. Institution tamtak minthang saktu pen a student-te mah ana hilel hi. Mun danga pawt ziaka lai kisiam teitei zong ahi tuan kei hi. Manipur University, DM College chihte bang simmoh theih tuam hilou hi. Thamlouin, History, Political Science, Sociology chihte laksawm i hihleh Churachandpur College banga zong regular taka kai a mi khat suak theih ahita hi. Khoi ah om in bang course zil lei zong kuhkalna, pawnthohna, laisim lam number 1 a koih theihna i neih nakleh i omna mun khat peuhpeuh a gualnung phaktheih veve ahi.
Source: KHAL-VONTAWI | Vol-IV Issue -(2) ::: April (Ningkha) – June (Maukha) 2009
Mi tamtak in i ngaklah uh pawl 10 leh 12 result board tuamtuam in apuangkhe zangzangta hi. Hih hun pen sinlaite adi’n hinkhua kikhelna dinga lampi zuih kipatna ahihziakin lung awpkai huai mahmah hi. Bang course lak di? Bang College/University a kai a banglam manoh di? Kua toh khoisunga omkhawm di? Chih doknate’n sinlaite leh nu-le-pa lungsim aluah den hi. Hih hun a thupukna bawl pen silbaih ahikeia zong bawl dik haksa khat ana suak hi. Thupukna i lakkhial leh damsunga i lohsapna bulpi hithei ahih manin pilvang ngai mahmah mai hi.
1. Course Telna ah-Nang v/s Midang:
Eilam a i na bawl khelh mahmah uh pen i lunglutna leh i siamtheihna chih enlou a mi’n hoih a chih ziaka i uimaw louphuk suk zel pen uh ahi. Kum 10 val vingveng lai i sim sunga Maths leh Science bang ana thaneh ngai mawngmawng lou ahoih hi chih ziaka la suk, nu-le-pate phutluih ziaka zuisuk chihte i na chindan ahi. Mi tampi pai ziaka i siam theih vawtlouh course va lak ziaka maban sawn theiloua bingtawp chih pen bawlkhelhna liantak ahi. Hih pen high school a i om sunga i hihna i na kitheihlouh ziak leh Career Awareness bangmah i na kipiaklouh ziak uh ahi deuh hi. Career After+2/Directory of Higher Learning kichi laibu bu khat beek lei thei lei deihhuai mahmah hi. Pawl 10 leh 12 pass khinte adi’n azekai lam ana hi kha zel hi. Tuaziakin high school sinlaite adi’n Career Guidance pibawl poimoh mahmah hi.
Tulai in khopi lian lakah course asawm-aza a sim a om ziazua ta hi. Hih in sinlaite deihtelna tanzausak mahmah hi. Ahi’n khenkhat atel siamloute adingin kipalpukna tunthei daih zel hi. I lunglutna leh sepna muhna dinga hoih deuh course-te career guidance bu, magazine ban ana zilsate apana kankhiat sawm di ahi. Government sepna ente adi’n Civil Services, Bank PO, Teaching, Engineering, Lawyer, Defence, Doctor/Nurse, Clerk/Secretary etc. kigual suk deudau ding hi. Private company lam ente adi’n tamsem lai ding hi. MBA, IT, Hotel Management, Tourism, Fashion Designing, Foreign Languages, Journalism etc. chihte sum tampi luak theihna suakta hi. Tunai deuhin MSW leh Rural Development lam toh kisaia NGO a nasepna bang zong ahung kithang mahmah hi. Professional course sum tamtak senga zil sawmte adi’n institution minthang leh governmenttheihpih tel siam poimoh mahmah hi.
2. Sepna Zonna ah - Govt. v/s Private:
India government in laisiam teng lungtunna ding bangtaka loh etlahhuai ana bawl zoh louh ziakin tamtakin MBA, Chartered Account, MCA chihte zilin private company-te ah alutsan uhi. Ahah thuak khak pen defence sector ah Army Officer di bang tampi kitasam hi. Hichibanga mipil, huakbu hoih tamtak atan nungin India in Sixth Pay Comission 2008 tungtawnin government kham hahtakin ahung puah thak kik hi. Tua dungzuiin Civil Service ahung minthang mahmah kik hi. Ahi’n 6th Pay in Civil Service leh sepaih lama a rank sanglamte angvan seng chia soiselin a omkik hi. A rank ngiam lamte adi’n van man khan toh et a phatuam senglou in alang kik hi. Bang hileh government sepna tamzawte etlahhuai sak deuh tuam mahmah hi. Nurse khat in khaloh Rs.30,000 ahung san dup mai chu sil lamdang chih louh theih louh ahi. Tualeh government a pen adetdou chih ziakin adeih huai na pen kiam ngai lou hi.
Lehlamah America sum dinmun puksiat ziakin leitung pumpi a private company tampi puksia in tamtakin sepna amansuah uhi. Hih hun ah “government a mah” chih kammal ahung popular ta zel hi. Ahi’n hih buaina in asuk khaklouh company tampi aom veve a asukkhak khenkhat zong pukse den sam lou hi. Tualeh private a bawlfuh ngalte aval chih om mawk lou zel. Banah India a kum 10 dana pay commission aom sungin private company ate bang aloh uh a azah nih/thum in ana khang man kik zel hi. Private company hoihtakte ah kum khat in khaloh 30% bang khangzou tazen hi! Company liante’n loh piakdan leh sepdan zong kichup takin anei uhi. Thu thengthe khat ziaka, “Zing chiah hung kuan nawn dah in” kichih theih mawk hilou hi. Hichibang company thupitakte a lutna dingin amau etlah kham qualification i neih a poimoh ding hi. Amau etlah zoh di’n i kitat hiam zou diai chih ahi.
3. Zilna Mun: Manipur v/s State Pulam:
Inlam a issue kik khat ahihleh, chawm zou di hinapi a, paisia kha inteh chih toh i tate gam pulam a sawl di utlouhna ahi. Hih pen muvanlai tui akpi i opsaka akeuh chianga vanlilai a leng di lai ak hon laka avak toh kibang thei lel ding hi. Mihing dai kaih zoh ahi kei chih thudik ahi. Tununga khotanga i gam-le-nam adia kizang di sinlaite pen insung/khosung chauh a “mi hoih” chih hilou in inn/gam pulama zong “khosuahzou mi” ahih ding poimoh ahi. Zilna mun sangzaw a i zilzoh laisiah i khomuhna tanzau dinga, i maban khou sang sem ding hi. Education i chih pen class room sung leh laisimna pan chauh a kingah hilou in mi tuamtuam toh kigoptuahna pana zong kingah ahi. Mi’n a gen thupi international education chih vel ahita.
Lehlamtakah sum-le-pai haksat ziaka pawt zouloute’n i kinepna beisak tuanlouh di ahi. Institution tamtak minthang saktu pen a student-te mah ana hilel hi. Mun danga pawt ziaka lai kisiam teitei zong ahi tuan kei hi. Manipur University, DM College chihte bang simmoh theih tuam hilou hi. Thamlouin, History, Political Science, Sociology chihte laksawm i hihleh Churachandpur College banga zong regular taka kai a mi khat suak theih ahita hi. Khoi ah om in bang course zil lei zong kuhkalna, pawnthohna, laisim lam number 1 a koih theihna i neih nakleh i omna mun khat peuhpeuh a gualnung phaktheih veve ahi.
Source: KHAL-VONTAWI | Vol-IV Issue -(2) ::: April (Ningkha) – June (Maukha) 2009
No comments:
Post a Comment