Amanpha leh Manphalou Numei

(A prologue to Ladies Seminar)

Laisienthou in numei khu pasal panpitu di’a siem ahidan I mu hi. Hinanleh tulai khovel ah pasal sang a piljaw leh bawltheijaw tamtah mu in a umta hi. Pasal kithuopi diing hinawnlou in pasal lamkai thei diing khop khovel in neita ahiman in Pasian min I phat ahi. Khutsiem man, laisiem man leh nasep hat man a numei manpha ahi si’a, a ngaisutna lungtang manpha ahijaw bou hi. Numei manpha leh manphalou khen telna tam anei a bang in en vai:1.Numei manpha in a pasal lungthah tah, humpi nelkai hawh vapum bang hinanleh zaidam tah in ajawl lungdam thei a, nunneemna tawh bangkim ajou thei hi. Hinanleh numei ngol in a kam hat a ajaw sawm teitei man in thuo lou ding tanpha athulaw hi.2.Numei manpha in anuolang leh amalangte kingaina tah in ahuoikhawm a, a mailang akhuol tinten hi. Hinanleh numei ngol in a sutuo a, anuolang akhuoljaw a, ki mudana apiengsah hi.3.Numei manha khu a pasal, a tate’n a ngai ua, a kuung a um nuom asa uhi. Hinanleh numei ngolte apawtdoh chieng un a pasal leh a tate hing huoi huoi in akithei uhi.4.Numei manpha in mi dang pasalte sang in ama pasal apataat/noutawi a, hinanleh numei ngol in mi dangte pasal a noutawi jaw a, ama apa agense leng hi.5.Numei manpha in insung hahsaatna atuo chieng unleh a pasal, atate a hamuon a, numei ngol in vang lungkhamna puogih a belap sem sem hi.6.Numei manpha in adihna zong a pasal, atate thujawtheina diing ahipou leh ama mawhna’n a koi thei a, numei ngol in ahileh a dihna a puongdoh sawm tei tei hi.7.Numei manpha in a insung a um nuom asa a, numei ngol in kholai dung a um kawi nuom asa hi.8.Numei manpha in a thuguuh chinteng a pasal ahil a, numei ngol in a pasal jaahpha louna midangte kuung ah ahil hi.9.Numei manpha in mi agense ngeisih a, thu aguuh a gensawn zong aching sih hi. Numei ngol in vang thusie gensawn nuom asa a, kotzing a tou in amu chinteng kuung ah aban gensawn hi.10.Numei manha in a leenglate a sukipa a, numei ngol in vang chiente khamching khat akipuodohsah jel jawbou hi.11.Numei manpha in a pasal vaikuon-vaitun athei a, hoitah nou nou in ana vaidawn leng hi. Hinanleh numei ngol in vang theipha in zong anei sih hi.12. Numei manha in a pasal mitoh ahoulim chieng in apoimaw vawt lou leh a kam ava keeh sih a, hinanleh numei ngol in ahileh poimaw lou pipi in ava kikum thaw hi.Numei manpha leh numei ngol khenchet theina I neita ua, bang dinmun ah I ding uai, hei pen ah nang na um ei. Kumpi David in numei gilou khat toh tenkhawm sang in Biehinn vum a ten anuomjaw hi anachi te lah a pankha diing kiveng lei adei huoi hi.