Laisiengthou a I mu bang in miuzik kichi Pasian vanzah thupi tah, hoi leh nasem thei mamatelah a khat ahi. Lungkham ni, kipa ni leh bawl khat pou pou I nei chieng a I ngaithupi pen leh mi sulim theipente lah a khat khu MIUZIK ana hi kiu kiau mawh hi. Khangnote’n tua miuzik poimawhna thei ahiman un khapet jen in sa zuazuah ta uhi.Biehpiehna miuzik poimaw dan: Miuzik in Pasian phatna ah poimawna lienpi anei tawn tung hi. Laisiengthou sung ah miuzik kigenna hunkhoptah um a, lungkham-mangbang, kap-le-mau a umte kipasah thei, tualeh kipate kipana subuching thei khat ana hi hi. Pasian biehna miuzik apoimaw dan tam munte ahmuthei inum hi. Job 38:7, Gen. 31:27, Ex. 15:1, I Sam. 18:16&17, I Chr. 15:16; 23:5, II Chr. 30:21 leh adang dang ah zong muthei ahi.Miuzik nasep thei dan: Miusik in mihingte kipasah thei a, a suhat thei hi. Ngaisutna a khelthei a, da a kap leh maute zong akipa sah thei hi. Mi lungtom leh lungthah beite nangawn a lungkim sah thei hi. Kumpi Saul lungsim buaina vengsah tu khu miuzik ahi (I Sam 16:23). Mihingte bou hilou, ganhingte nangawn thujaw thei khop a silbawl thei miuzik ana hilaizang hi. Thu-le-la mai in zong na asem thei nahi, hinanleh miuzik tawh a’ng kithuo chieng in a lim theilou pa/nu zong lim thei a, khut bengtheilou pa/nu in zong khut hing beng thei ta hi. Vanlam a a khut domkaang ngamloute’n zong Pasian hagau in miuzik azah chieng in kikou in a khut vanlam a hing domkang thei a, mit siingsa la sa ngamloute’n zong lusu geeugeeu in lasah dan hing sin thei uhi. Kikhopna miuzik umna leh um louna munte tong leh laam in akikhie hi.Tua bang a sil bawl thei leh poimaw khangnote’n tupa nei ahileh, department dangte’n I mawh et et sam diing amah? A limtu diing leh a jaal joutu diing ngen lah ihi chietsam ua, khangnote tavuan, ama un hing ngaitua nava chi’n I ngansia na lailai diing uh amah? A koi akoi mawhpuohna hi in ka thei hi. Tua ahiman in ZCF a department chin in I ipte uh sawt chiet in ahoideu khat leidoh lei koi a diing lah hituom lou a maw? Pankhawm khu hatna lah ahi ngal a………………..
No comments:
Post a Comment