Tungnung, Zamlunmang Zou
“……….kithoina leh keelnguoi thaute sang in zong Athu ngaikhieh khu ahoizaw hi…….. ” I Samuel 15:22
Lawching ikisah zaw a lawsapkia chipen sil tungtheite lah a zong atheisiemhah leh koima tunga tung di’a adei huoilou vawt khat ahi. Lawchinna bailam tah in koima’n inga sih ua, hamsa pi’a genthei tah a inga uh ahi chiet hi. Hinanleh lawching kisa a I thaltou laitah in vangsietna’n hing phaguih henlen lawsam kia talei, bang I ngaisun diing uai? Mihing henna toh puohsiem hamsa pikhat hiding un ka gingta hi. Silk hat pou pou a hoisa pen suhsiet anuom a, hinanleh tua suhsiet a umpen siemtha kia khu silbailam ahi vawt sih chi ithei chiet uhi. Lawching napi’a bangzieh a lawsam suh kia thei a um. Azieh hi di’a I upmaw themkhat anei ah I talang hi.
Tamte khu
Pasian thupieh nelsiehna:
I Samuel 15:10 ah, Pasian in, “Saul leeng a kana pansah kakisieh hi” achi hi. Bangjieh a tabang lawm lawm a Pasian kisieh adiei? Israelte Aigupta apat a’ng pawt lai ua Amalek mite’n ana gawt genthei zieh un, Pasian in Malek mite that chimit a khat zong hinkhoilou di’n Leengpa Saul thu ana pieh hi. (I Samuel 15:2). Tua banga thupieh hinanleh Saul in Amalek mite leengpa Agag leh ganhing thau tah tahte Gilgal a Pasian mai a kithoina di’n ahing kai hi (I Samuel 15:21-22). Leengpa Saul pen lawching kisatah a hing kinuale kia hinanleh Pasian thupiehte a nit lou man in nuol in a umta hi. Israelte leengpa hinapat kaidoh in um a, atawp ah lawsam in ama leh ama akithat hi.Ki-uahsahna: Pasian in leitung siemchil apat ana huot mamate lah a khat khu ki-uahsahna ahi. Lucifer, Jiinglam tapa kichipa zong angel vansawlsiengte lah a lienpen hinanleh a’ng ki-uahsah tah chieng in leitunga totkhiet in a um hi. Mi ki-uangsahte leh kithupisahte kai ngiem in a um diing a, hinanleh mi kingiemsahte peh tawisaang in a um diing anachi hi. Leengpa Nebukadnezzar in, “Leeng inkuonte teenna leh ka leeng thupina diing a kathahatna a kalamkhiet tam Babilon athupi hilou amah” Daniel 4:30 chi’a ki-uangsahtah mai a a leeng innpi tung a a um laitah in van apat awging khat in, “……….na leenggam abeita….” Daniel 4:30 achisuh ek hi. Mihing I’ng ki-uahsah chieng in I kietngiemna diing agamla nawnsih china ahi. PM lui, NDA lamkai Vajpayee leh akai zatamte zong chingkia kinem a ki-uangsahtah a election campaign apei lai un, suh ngiem in um ua, asimmawte uh tawisaang in a um law hi.
Mani Mimal kimuongna: Mipi phasah pen Pasian phasah ahi dungjui in mipi deina bang a gamtaang lou a mani bawltheina , hanta leh siemnate suonga ikiletsahpi chieng in, lawchingsa hinanlei zong lawsapna lampi zuui ana kihi nuom leng hi. Tam igenna in, tulai siltungte en zuoi lei. Iraq a USte gamtatdan ah, US in apilna, asiemna leh agaalthuom neite uh kimuongpi a, UN thutannate nitlou a Iraq a’ng doulai un, baakhat vut sa’n a’ng nawthop ua, President Bush in, “gaalzaw ahita, gaal zawna ei a ahita hi” chi’n a puongkhie hi. Hinanleh, tuni chieng a siltungte hoitah in ngaisut in suut lei, gaal jou hizawlou in, gaal lel ahita uhi. Gaalzaw ahita achilai a gaalkaap sepia shite saang in aphuongkhiet nua a shina tuo alethum le li in atam zawta uhi. Khovel mudana leeng lukhuh uh ahita hi. Goliath, Philistine gaalsat hangsanpa zong ama thahatna leh siemna kisuongpi nanleh Pasian muong a thupi khat kuopa mai ah singluong saatlia abang bep hi. Proverb in nangma theigilna guoh muong sinlen Pasian ah kinga zing in achi mawng hi.Kideeh-zawlouna: Mi hing silkhat pou pou a kideeh-zawlouna ziehin lawsapna chituom tuom tampi a um hi. Kideeh-zawlouna I chi, ne-le-dawn a kideeh-zawlouna, tahsa utna apat kideeh-zawlouna, lungsim ngaisutna apat kideeh-zawlouna leh adang chi tampi a um hi. Tam kideeh-zawlouna I chi, alawchingsate mai puona hilou in, alawching nailoute lawchin zawlouna bulpi khat ahi. Leengpa David zong atahsa utna leh a lungsim ngaisutna apat akideeh-zawlouna zieh in a inn sung ha buoina leh lawsapna thupitah atung hi.Lawching ikisah laitah a lawching den diing kahi chingam koima I umsih a, zong lawchingden vang chingam diing I um sih hi. Lawchingden nuomte’n Pasian thupiehte nit a, ki ngiemkhitna toh kideeh zoutah a hinkhuo zah dan kisin angai hi.
“……….kithoina leh keelnguoi thaute sang in zong Athu ngaikhieh khu ahoizaw hi…….. ” I Samuel 15:22
Lawching ikisah zaw a lawsapkia chipen sil tungtheite lah a zong atheisiemhah leh koima tunga tung di’a adei huoilou vawt khat ahi. Lawchinna bailam tah in koima’n inga sih ua, hamsa pi’a genthei tah a inga uh ahi chiet hi. Hinanleh lawching kisa a I thaltou laitah in vangsietna’n hing phaguih henlen lawsam kia talei, bang I ngaisun diing uai? Mihing henna toh puohsiem hamsa pikhat hiding un ka gingta hi. Silk hat pou pou a hoisa pen suhsiet anuom a, hinanleh tua suhsiet a umpen siemtha kia khu silbailam ahi vawt sih chi ithei chiet uhi. Lawching napi’a bangzieh a lawsam suh kia thei a um. Azieh hi di’a I upmaw themkhat anei ah I talang hi.
Tamte khu
Pasian thupieh nelsiehna:
I Samuel 15:10 ah, Pasian in, “Saul leeng a kana pansah kakisieh hi” achi hi. Bangjieh a tabang lawm lawm a Pasian kisieh adiei? Israelte Aigupta apat a’ng pawt lai ua Amalek mite’n ana gawt genthei zieh un, Pasian in Malek mite that chimit a khat zong hinkhoilou di’n Leengpa Saul thu ana pieh hi. (I Samuel 15:2). Tua banga thupieh hinanleh Saul in Amalek mite leengpa Agag leh ganhing thau tah tahte Gilgal a Pasian mai a kithoina di’n ahing kai hi (I Samuel 15:21-22). Leengpa Saul pen lawching kisatah a hing kinuale kia hinanleh Pasian thupiehte a nit lou man in nuol in a umta hi. Israelte leengpa hinapat kaidoh in um a, atawp ah lawsam in ama leh ama akithat hi.Ki-uahsahna: Pasian in leitung siemchil apat ana huot mamate lah a khat khu ki-uahsahna ahi. Lucifer, Jiinglam tapa kichipa zong angel vansawlsiengte lah a lienpen hinanleh a’ng ki-uahsah tah chieng in leitunga totkhiet in a um hi. Mi ki-uangsahte leh kithupisahte kai ngiem in a um diing a, hinanleh mi kingiemsahte peh tawisaang in a um diing anachi hi. Leengpa Nebukadnezzar in, “Leeng inkuonte teenna leh ka leeng thupina diing a kathahatna a kalamkhiet tam Babilon athupi hilou amah” Daniel 4:30 chi’a ki-uangsahtah mai a a leeng innpi tung a a um laitah in van apat awging khat in, “……….na leenggam abeita….” Daniel 4:30 achisuh ek hi. Mihing I’ng ki-uahsah chieng in I kietngiemna diing agamla nawnsih china ahi. PM lui, NDA lamkai Vajpayee leh akai zatamte zong chingkia kinem a ki-uangsahtah a election campaign apei lai un, suh ngiem in um ua, asimmawte uh tawisaang in a um law hi.
Mani Mimal kimuongna: Mipi phasah pen Pasian phasah ahi dungjui in mipi deina bang a gamtaang lou a mani bawltheina , hanta leh siemnate suonga ikiletsahpi chieng in, lawchingsa hinanlei zong lawsapna lampi zuui ana kihi nuom leng hi. Tam igenna in, tulai siltungte en zuoi lei. Iraq a USte gamtatdan ah, US in apilna, asiemna leh agaalthuom neite uh kimuongpi a, UN thutannate nitlou a Iraq a’ng doulai un, baakhat vut sa’n a’ng nawthop ua, President Bush in, “gaalzaw ahita, gaal zawna ei a ahita hi” chi’n a puongkhie hi. Hinanleh, tuni chieng a siltungte hoitah in ngaisut in suut lei, gaal jou hizawlou in, gaal lel ahita uhi. Gaalzaw ahita achilai a gaalkaap sepia shite saang in aphuongkhiet nua a shina tuo alethum le li in atam zawta uhi. Khovel mudana leeng lukhuh uh ahita hi. Goliath, Philistine gaalsat hangsanpa zong ama thahatna leh siemna kisuongpi nanleh Pasian muong a thupi khat kuopa mai ah singluong saatlia abang bep hi. Proverb in nangma theigilna guoh muong sinlen Pasian ah kinga zing in achi mawng hi.Kideeh-zawlouna: Mi hing silkhat pou pou a kideeh-zawlouna ziehin lawsapna chituom tuom tampi a um hi. Kideeh-zawlouna I chi, ne-le-dawn a kideeh-zawlouna, tahsa utna apat kideeh-zawlouna, lungsim ngaisutna apat kideeh-zawlouna leh adang chi tampi a um hi. Tam kideeh-zawlouna I chi, alawchingsate mai puona hilou in, alawching nailoute lawchin zawlouna bulpi khat ahi. Leengpa David zong atahsa utna leh a lungsim ngaisutna apat akideeh-zawlouna zieh in a inn sung ha buoina leh lawsapna thupitah atung hi.Lawching ikisah laitah a lawching den diing kahi chingam koima I umsih a, zong lawchingden vang chingam diing I um sih hi. Lawchingden nuomte’n Pasian thupiehte nit a, ki ngiemkhitna toh kideeh zoutah a hinkhuo zah dan kisin angai hi.
No comments:
Post a Comment