Friday, March 23, 2007

Buui Amat Kuon a tawp

Delhi khopi a buui kuo tou a college kai, buui amat kuon a toupeinawnlou a tawpsan, innlam a kinuole san. College kaikai in sepna suithei diing dinmun a I um chienga innlam a kinuole jel, Degree jaw, sepna suina di’a I lungsim ahiem laitah a innlam a bang sepna sui di’a ikeengte uh manlaang sah I diei? Mi’n mun gamla pipi apat Delhi khopi sepna suina di’a a’ng del vevaw lai ua, e’n bang khela a innlam ituachi del uh. Innlam pen ngai diing hina, ahi’n ngaaidan chituom tuom a um hi. Innlam ingaai tah tah leh tua I ngaite Delhi khopi a teendet pi diing dan ngaisut jaw diing ahi.Lamka/Manipur a khietla diing talua um in ka thei sih hi. Aleh Lamka khopi digest nailou khat idi uai maw? Lamka khopi, Zokhopi chi’a iki letsahpi phuot uh enchienvai awle. “ Manipur khopite lah a the second biggest town hinanleh jaat kaal buoina toh kikhen ngeilou, jaat jaat a kidaidannate China kul baang banga detdou, mani jaat ngainatna leh kithangsietna ngen a dim, chi-le-sa kituol delna, sisan naisan kisuona mun, jaat chin in mani nampi sepai helpawl kinei chiet, kituoldel di’a mansa ngen, midang sepsa ne di’a a lawl uh haan kihong bang ngen tang, lemna, muonna leh bitna kichilah manglam a zong matpha hi mal mal lou, Siemna suina saang a thauvui thautang leina sum teng ki zahna, sepna muna diing chilah van a gaa bang, NGO meimei a sepmunte zong a jaat level a hawmguol ngai, anei joujou lalna. Tan a bang del a inn lam naw del la? Na buui kuo taw hoitah in kitaw thih theh in aw, Maikawi.

No comments:

Post a Comment