Friday, March 23, 2007

Kum Zabi 21 a Zo Suonte leh e-tongshan Forum

By T. Zamlunmang Zou

Khovel khantou dungjui in pilna leh siemna, ki tongshan tuona leh kikawm tuona, tualeh vangla melmu theina chituom tuom ahing suodoh jel hi. Mun tuom tuom, gam tuom tuom apat ki tongshan theina chi tampi um a, tuate lah a e-tongshan forum (electronic communication forum) khu tulai khovel a kihazah mamate lah a khat ahi. Electronic tungtawn a kihou theina jaat tuom tuom umte lah ah, e-tongshan forum I uar gen nuom sese hi.

E-tongshan forum I chi, tulai a japi kihou limna leh thu-le-la kikupna in aki zang taangpi hi. Khovel pumlum ah, tam e-tongshan forum ahileh nasep suina, mailam hinkhuo siltup leh deite suina mun, tualeh lungluutna kibang honkhat kihou limna ahi.E-tongshan forum tuom tuom umte a member hitheina ding in, e-mail khat pou pou nei ngai a, tua kikupna (forum)te I zop diing chieng in, tua forum enkaitu (moderator) phalna ngai sese pawl a um a, angai sese lou pawl zong a um thou hi. Tua forumte site luut photphot lechin, abanpen nangma’n apoimaw dungjui in naki bawl thei pai diing hi.

E-tongshan kizahpatna enjuoi talei, gingtaat saangin a sawt nai lawm lawm sihi. Kum 1969 lai vel in hing kithedal panbep a, 1980 leh 1990 lai vel apat michin, gamchin in apoimawna hing thei in hazah in ahing kizang panta hi. Forum thupi leh atampen lawi a thei khu, technology lam, Computer Games lam leh politics lam ahi dieh hi. Hinanleh forum poimaw isah jat jat eima’n zong bawl thei ahi. Mawh tambawl a zong phatuom lou, khat inei a tuakhu hoitah a izah thei chiet leh ahoipen ahi.Tam e-tongshan kikupna a lai nathot chieng in, tua kikupna a member jousie’n na laithot amu chiet diing ua, zong asim thei chiet diing uhi. Tua ahiman in discussion forum kichi hi. Mimal a nathot nuom ahileh vang, nangma e-mail leh na thot diingpa e-mail bou nazah ngai van, hinanleh japi’n asim diing leh amu diing ua hoinasah ahileh pen e-tongshan kikupna ma zah ahoipen leh ajaupen khat ahingsuohta hi.

Tuni chieng in eilah ah zong, atampi kihi naisih nanleh, hunkhoptah in e-tongshan kikupna poimaw dan leh ahoidan kithei panpanta a, manphatah in ki zang thei panta hi. Tuatham lou in forum hunkhoptah zong kineita hi. Tua I forumte ah nang zong hing luut mawng mawng lechin, na gintaat lou thupoimaw leh natheipha lou, imi isa khovel pumpi a umte na ki tongshan pi theita ding hi.

Zo suonte’n tulai tah a aki zang thupi diehte bang bang forum ahiei en juoi vai:

01. Zou Workshophttp://groups.yahoo.com/group/ZouWorkshop/join
Atup leh a ngiimte: ZOU CRITICAL AND CREATIVE WORKSHOP (ZCW) tup-le-nimte ahileh tam a nuai a bang ahi: 1) Zou-te tanchin thuh tah a suina-le-kanna di'a record leh "dolian"(document) tuamtuam kaikhawmna, 2) Khovel a laibu minthang tahtahte (classics) Zoukam a lekhiat a, tuachi'a eima ham a thu-le-la phuah lam a khantouna piansah ding, 3) Khovel mun tuamtuam a Zou tate lah a ngaidan kikupna leh houlimna neikhawm theina ding, 4) Zou sung tawh kisai thuthang leh a kisai seeng vateh lou thusua-te zong kizahsah theina ding, 5) Zou minam sung a Community Development (Khotang Khantouna) lam a kalsang tawi theina di'a mimal leh pawlpi tuamtuam apat ngaidan, theina, leh siamna-te sunkhawm thei na ding. [ZouWorkshop member nahi utleh, JOIN THIS GROUP ah na e-mail ID toh lut in len, link-te abanban in zui in. Tami toh kisai a Problem na neileh, zouworkshopnews@yahoo.co.uk ah hing theisah in].

02. ZHLChttp://groups.yahoo.com/group/zhlc/join
Tami group pen leitungbup a om ei Zo te ii Lailam leh Tawndan khanto nading ki pawlna ZHLC (Zo History and Literature Committee) thu kizatna lemtan nading in August 17,'04 ni-in South Korea branch pan a kibawl hi.

03. Zokhangnohttp://groups.yahoo.com/group/zokhangno/join
Tacibangaa Zokhangno e-Group cia kipawlna thu mapui in eite pen PuZo suan leh hah ZO tahtahte ih hi vuh a, minam dangte sangaa ih san zawh nading vuh lung deina bulpi ahi. Ih omna ciet vuh pan; Pasien-thu, leitung-thu ahi'n, theina, muna, pilna, siemna leh ih minam aa dia phat-tuamna ih mu tapo kikumin mi nam dangte sang aa ih ki khaito zawh na ding ci ahia tacibang ngaituana zosie pen eimatut piding ahi ih bieh ih Mangpa tung vua ih tauden ding vuh ahi bo hi. Tuban kum 50 cieng aa, Puzo suan ei ZOte in leitungah ahau pen, apil pen, aminthangpen leh bang kim ah a thupi pen te i-tan nading vun lungsim ki pumkhat-in ih minam a ding aa, na i-sep ciet ding vuh ahi bou hi..

06. Zokuawmthawnhttp://groups.yahoo.com/group/zomi/join
ZOKUAWMTHAWN is a group site for the Zou's and by the Zou's. It aims to : (i) develop the Zou literature(ii) communicate and bring intimacy among the Zou-community. Please visit ZOKUAWMTHAWN website: www.zokuawmthawn.cjb.net

07. ZONEThttp://groups.yahoo.com/group/zomi/join
ZONET is a network of Zomis across the world founded in April,2000. Its mission is to build and promote mutual understanding and trust between the Zomi indigenous peoples who are called by different names such as Chin,Kuki or Lushei, ...etc. ZONET members can freely post message and exchange their views/opinions on the upcoming issues or international news on this ZONET list.

08. Kuki Forumhttp://groups.yahoo.com/group/kukiforum/join
This is an online forum for all Kukis and other concerned friends around the world. Everyone who visits this homepage is encouraged to visit the Kuki International Forum (KIF) website at www.kukiforum.com and get access to the basic facts of the KUKI people. If you have any difficulty in joining the group, you can reach the moderator at kukiforum_moderator@yahoo.com.

Khupsitna: Tam bang a sil um thei ahita leh, adiah in Lamka khopi a um, pawlpi leh mimal chin in tam atung ate zang in, inlam thu theinuom leh sakhi tuidu bang a ana ngaah zing muntuom tuom a um I mipite toh kithu jadan khat sin lei phattuomna tampi muthei a hing um di’n ka lam en hi. Sakho thu hita hen aw, khotaang thu hita ven, khat pou pou hitaleh zong, ki jasah jel jel lei hoiva kachi hi.

No comments:

Post a Comment