Homiletics Paradigm Shift kichi akim sipsep a letdoh diing hitalei I laidal in dailou diing ahi man in “sakhawdan a gamtat khawhei kilawm etchetna” chilei dih pen diing in ka gingta hi.Biehna lam ah tu’a I umdan uh saang in tuachideuleh chi diing atam nalai hi. Biehna toh kisai siemphat diing tampite lah ah, speaker/thugen diingte di’a theituoh tamlou khat gen juoi vai. Biehpiehna/kikhopna hunpi tang diing nahileh theidi’a poimaw khenkhatte:01. Thupi: Na thugen diing thu nangma’n na lungsim a na gennuom tinten thu adhi diing ahi. Na thugen tungtawn a tua thupi khu nabulphu zing a na pampawt san lou diing ahi.02. Thumapui: Thugen diing teng in thumapui gen teitei diing china hi sese lou ahi. Hinanleh na thupi toh kizawitawn, tualeh pansia phudetna di’a poimaw khat ahi. Thumapui chi’a kaalkhat sunga navaasuh navaatou nateng genngailou dan ahi. Thumapui ahileh zong na thupi toh kituo, angaikhete’n nathugen sawm athei bailam na diing uh chithu ahi.03. Chinla leh Chinla louthu: Pulpit a thugen di’a nading chieng in nang kisuongla thu, chitlana leh siemlounate gendi’a hing kiguot ahilou man in tuatte genda kon in. Chingla nakisah leh dinlou mei apha hilou amah? Nang nasiem hi, ching hi chie hing kiguot hilou ahiman in nakisah kholna bang in kigen in. Na chitlanate nagen saang in lungdamthu tun in.04. Thulai: Thumapui nagenta le zong thulai luutdan siem in. Na thumapui toh kijawitawn in na thupi luutdan theichien in. Na thugen diing ahun leh amun zil hing umnava chisin len, na thupi di’a nateel apat gendi’a poimaw nasah teng giel diim diem in, tuachilou in buoikhavateh.05. Thukhupsitna: Thukhupsitna ah, na thupi tualeh na thugen teng teng tomkin in genthakia inlen, atawpna ah nangma thukhietna toh hun jou in.06. Aw Gin: Thu nagen chieng in mi atam leh na aw suo ngaisah deu inlen, hinanleh mi tam khollou ahi leh ahuntawh in kikou in. Mi tampi kikhawm a nangma jakhop a thu nagen leh nathugente vaailah a zun thah zong bang joulou diing ahi.
No comments:
Post a Comment