Simveng chihding hizaw
Lamka July 28: Lamka Post July 28, 2007 issue a ‘CDSU in Godown ah suahkhesak thak’ heading a ‘CCpur A/C MLA Nominee in Zenhang Lamka truck dim 1 leh Lailam veng ah Truck 3 te suah khe sak’ kichi pen Lailam veng hilou in Simveng chihding hizaw hi.
ZSF (D) makai thakte
Lamka, July 28: Zomi Students Federation Delhi makai ding telna tuni nitaklam dak 3 in Rev Ginkhothang Samte, Pastor ZCF makaih in JNU Committee Room SSS-II ah om a, huai ah President leh Secretary ding in Soilal Hangluah leh Paukhenkhup Guite telching in om hi. Tuni mah nitak dak 6:30 in Mizoram House, New Delhi ah, North East Students’ United Forum Delhi (NESUFD) kichi phuhkhiak in om a,huai ah NE student pawl tuamtuam 15 vel paikhawm uhi.
KLA in KNA leh 19th AR pawl zasak
Lamka, July 28: Kuki Liberation Army nuai a Inf&Pub Secretary Malsawm Kuki in thusuah abawl Press akimu in ataklatna ah, Mr Paolen Touthang@Thunder Kuki makaih in cadre bangzah hiam in KLA coup abawlkhum ziak un pawlpi’n haksatna thupitak ana tuak ahihdan gen in, Letkholun Khongsai C-In-C KLA leh cadre 5 akaplup ua pan Cadre tamtak taimang uh ahi chi hi. Malsawm in agenbehna ah, a makai pa uh Thunder thah ahih toh kiton in kimel makna beita a himahleh, Thunder makaihte’n Tactical Headquarter a opkhum lai uh thil hitheilou ahi chi hi. KLA/KLO in May 29 2007 in C-in-C kaplup a, huai zoh in Timothy Kuki makaih in Thunder te kibukna mun July 24 2007 in luhkhiak in om a, huai ah Thunder tel in a zi nihna leh mi 4 in sihna tuak uh ahihdan Malsawm in taklang in, Thunder toh kizopna nei mi tamtak tu’n KLA Custody ah omlel ahi chi hi.
KLA in Army toh Suspension of Operation kichi aneihlai a, KNA/KNO pawl in KLA sungthu a hi chi theihnop uh thil lamdangtak suak a, huai banah, 19th Assam Rifles pawl in leng sau sawklua uh ahi chi kawm in, KNA leh 19th AR pawl KLA sungthu buaina ah kigolh nawnlou ding in KLA in zasak uhi. KLA sungthu pai dik sim mahmahta ahihziak in, mipite kuamah lung-am tak a ana om nawnlou ding in leng KLA Inf&Publicity Secretary Malsawm Kuki in ngetna bawl hi.
Antang hoihtak a hawm di’n ngen; CDSU in Ak puaklu poisa
Lamka July 28: CCpur District Students’ Union (CDSU) in thusauah abawl uh tuni a kimu in ataklat dan Mautam kial douna toh kisai a District mipite khualna ziak in PDS anntang buaipih uh ahihdan taklang in MLA leh a Nominee’s teng uh pangkhawm a mipite lak a BPL leh AAY anntangte mipite lak ah ahiding bangatak a zuak ding in theihsak uhi.
Mipite ading a hongpai anntangte Mahajonte lak a zuak mangthang mailou ding a theihsak kawm in hiai theihsakna ngaihsaklou a zuak teitei a om leh atung uah a kituahpih action lak hiding ahihdan leng taklang uhi. Huaibanah Avian flu ziak in Imphal a pan Lamka a ak leh aktuite puaklut toh a kisai poisa uh ahihdan leh mipite’n hichibang ak natna District a omlouhna dia pilvangtak a panla chiat ding in theihsak uhi.
T. Hangkhanpau in Final kimawlna uap
Lamka July 28: Churachandpur District Badminton Assn. (CDBA) saina a District Level Open Badminton Tournament 2007 Lamka Community Hall –cum- Mini Indoor Stadium ah apaisa July 23, 2007 sunnung dak 1:00 in akipan pen tuni’n zoh in omta hi.
Tuni sunnung a Final kimawlna leh Kipahman hawmna hunzat ah Singngat MLA Mr. T. Hangkhanpau in Chief Guest hihna toh uap a Brig. BC Sarmah, 27 Sector AR in Guest of Honour hihna toh hiai hunzatna uap hi.Chief Guest in a thugenna hunah CDBA te apahtak thugen in kimawlna tuamtuam a ki-elna siangthoutak toh ki-el ding a hasuan kawm in CDBA te Rs. 12000/- in phungvuh hi. Hiai tournament ah Category tuamtuam ah Single leh Double in a vualzohna late leh hatpen zomte kiang ah Kipahman piakkhiatna Brig. BC Sarmah leh T. Hangkhanpau MLA te’n nei uhi.
Avian flu hilou
Lamka July 28: Saikul khua apan apaisa July 26, 2007 ni a Ak sisan sample 5 tel a sample tuamtuam 15 lakte a nimah in Imphal etchet/test dia thot a omte zan in a result theih hita a Avian Flu/Bird flu (H5N1) bangmah omlou ahihdan chet in om hi.
Ramthar Bazar
Lamka July 28: EFCI Saikot District Numei pawl saina in tuni zing dak 5:30 apan in Rengkai EFCI Biakinn Compound ah “Ramthar Bazar’ bawl uhi. Hiai bazaar ah vam chituamtuam tamtak zuak in mi tamtak in van lei uhi.Hiai Ramthar Bazar a summuhte bel missionary nnasepna dia zat hiding hi.
Anntang Truck 3 hongtung
Lamka July 28: CCpur Distrct ading PDS anntang tuni nitaklam in Imphal a pan Lamka Truck 3 puaktung in om nawn hi. Hiai anntang hongtungte bel HQ Veng a FCS Godown ah koih in om lel hi.
MLA Nominee in Press te kimuhpih
Lamka July 28: CCpur A/C MLA Nominee in tuni sunnung dak 2:00 in atenna inn simveng ah Lamka pansan thuthak saite kimuhpihna nei hi. Hiai hunah zanhal a Zenhang Lamka a PDS anntang truck dim 1 leh Lailam veng ah Truck 1 te asuah khiat ahihtoh kisai genchetna nei hi. MLA Nominee in Hiai anntangte bel a hawmna munding centre chiat ah koih theih hileh Godown apan puakman leh suahkhiat leh guan man senlouh ahihtheihna ding ngaihtuahna a DC phalna la a suahkhiat ahihdan gen hi. Nehru Marg, Beulahlane, SA Road, Khuga Tampak , Zoveng, Zenhang Lamka leh Mantop Leikai te ading in Mr. Letboi chief of Zenhang Lamka inn ah BPL anntang 181 Quintals koih hi a, Beulahlane a Mr. Ginmung te inn ah Geljang, Lamjang, Mata, Lingsiphai, Pangzawl, Simveng leh Lailam veng te ading in BPL anntang 184 Quintals koih ahihbanah Simveng a MLA Nominee Mr. Chinmuan inn ah Constituency sung a AAY Card neiteng ading in anntang Quintal 183 koih a om ahihdan gen hi.
NEWMAI NEWS NETWORK:
Brahmaputra in miteng su patau
Guwahati, July 28(NNN): Assam state sung ah tulai in vuah ahah zuk mahmah ziak in, Brahmaputra luipi naktak in khang a, Danger mark kichi a khentoh kiton in, mipi sang tamtak buaiban ding in kilang hi. Dibrugarh, Neamatighat (Jorhat), Tezpur, Goalpara leh Dhubri mun a teng abiiktak in luipang a mizawng tamtakte buaise mahmah ta uh a, mun bitzaw zuanding in kisa lel uhi.
Assam Revenue Minister Bumidhar Burman in District tuamtuam veh kolhna neilel a, a poimohna munmun ah central para military force pawl koih hiding in gen a, nek leh dawnding State solkar in tamtak stock sa a koih ahihdan gen hi. Brahmaputra leng kha 1 paisa in naktak in khang a, huai ah naupang 5 tel in mi 8 in sihlohta uhi. Brahmaputra luipi leet ding a akisak ziak in, Army te panlakna toh Burhidehing, Subansiri, Dikhow, Jiabharali, Desang, Dhansiri, Beki, Puthimari, Pagladiya leh Sankosh kho mipite mun bitzaw ah suankhiak in om lel uhi. 2005 kum a Assam ah tuichiim tun ziak in state in Rs 900 crore mansuah hial uhi.
Meghalaya menchim ah mi 9 si
Shillong, July 28(NNN): Zan nitak in Meghalaya state sung ah menchim thupitak om a, huai ah naupang kha 10 a upa tel in mi 9 in sihna tuak uhi. Hiai thu toh kisai in tuni’n Government in thusuah bawl a, West Garo Hills Deputy Commissioner kiang ah mi 9 te tung ah hih theih bangbang semsuah ding in thupiak om hi’n kigen hi. Meghalaya Chief Secretary Ranjan Chatterjee in agenna ah, misite sungkuante kiang ah zangna dopna piak vek hiding a, huaibanah, Deputy Commissioner in panpih theihna ahih theih liaiteng semsuah dia thupiak om hidanin gen hi.
Hiai hun a sihna tuakte ahihleh, Usha Rishi (40), Monon Rishi (18), Jogita Rishi (18), Nirmali Rishi (19), Gulabi Rishi (22), Suman Rishi (7), Gulu Rishi (2) leh Rahul Rishi (10 months) te hi’n kigen hi. Meghalaya Deputy Chief Minister Dr Mukul Sangma leh West Khasi Garo Hills a Dy Commissioner teng in tuni in Tura ah kimuhkhopna nei ua, menchipna mun ava etkhiak ban uah, a damlaite panpihna ding toh kisai leng kikup khopna nei uh hi’n kigen hi. State Public Works Department (PWD) leh soil conservation department te leng pilvangtak a om gige ding in state Government in tuni in theihsakna bawl hi.
ULFA makai lian 2 mat in om
Guwahati, July 28(NNN): Guwahati Police leh Army pawl in zan nitak in khopi sung mun tuamtuam dapkolhna nei uh a, veng neu tuamtuam a fankual zoh nung un, Guwahati tung phet ULFA makai lian 2 mankhe ngal uh hidanin thusuak kingah hi. Thusuak in agendan in, August 15 a India Independence Day lopna om ding toh kisai in ULFA pawl in Assam state sung naktak in khoih sawm uh a, huai ding in mun tamtak ah a cadre te uh koih khin vek ta uh hi’n kigen hi. Ridumucha Moshahari @ Sifung leh Udai Das te Dispur police te makaih in matkhiak in om uh hi’n kigen hi. Additional Superintendent of Police (City) Rajen Singh in agendan in, Garobasti area ah ULFA makaite om uh chih zak ahih toh kiton in, Army leh Police kithuah in va um kual uh ahi chi hi. ULFA 709 battalion a Commander leh Dy Commander hihna len mi 2 te matkhiak ahihna ah state Government naksak tuan mahmah hi’n kigen hi. Mat a om mi 2 te apan bomb 2 muhkhiak in om a, ULFA in August 15 chiang in Assam Chief Minister Tarun Gogoi koihkhiak sawm uh hi’n kigen hi.
P Vaiphei in hilhchetna bawl
Imphal, July 28: P Vaiphei IAS Secretary (Health&FW) in hilhchetna abawl Press akimu in ataklatdan in, tuni zinglam dak 9:38 AM in Mr S Babuyaima Singh (56) tulel a Vety. Attendent semlel JN Hospital ah si ahihthu gen hi. Tulai a Vety Deptt makaih a ak leh vatawt te thah na lak a member ahihdan genkawm in, himahleh, a sihna ziak Avian Influenza hilou ahihdan gen chian in, RIMS ah leng Postmortem bawl a om ahi chi hi.
Lamka July 28: Lamka Post July 28, 2007 issue a ‘CDSU in Godown ah suahkhesak thak’ heading a ‘CCpur A/C MLA Nominee in Zenhang Lamka truck dim 1 leh Lailam veng ah Truck 3 te suah khe sak’ kichi pen Lailam veng hilou in Simveng chihding hizaw hi.
ZSF (D) makai thakte
Lamka, July 28: Zomi Students Federation Delhi makai ding telna tuni nitaklam dak 3 in Rev Ginkhothang Samte, Pastor ZCF makaih in JNU Committee Room SSS-II ah om a, huai ah President leh Secretary ding in Soilal Hangluah leh Paukhenkhup Guite telching in om hi. Tuni mah nitak dak 6:30 in Mizoram House, New Delhi ah, North East Students’ United Forum Delhi (NESUFD) kichi phuhkhiak in om a,huai ah NE student pawl tuamtuam 15 vel paikhawm uhi.
KLA in KNA leh 19th AR pawl zasak
Lamka, July 28: Kuki Liberation Army nuai a Inf&Pub Secretary Malsawm Kuki in thusuah abawl Press akimu in ataklatna ah, Mr Paolen Touthang@Thunder Kuki makaih in cadre bangzah hiam in KLA coup abawlkhum ziak un pawlpi’n haksatna thupitak ana tuak ahihdan gen in, Letkholun Khongsai C-In-C KLA leh cadre 5 akaplup ua pan Cadre tamtak taimang uh ahi chi hi. Malsawm in agenbehna ah, a makai pa uh Thunder thah ahih toh kiton in kimel makna beita a himahleh, Thunder makaihte’n Tactical Headquarter a opkhum lai uh thil hitheilou ahi chi hi. KLA/KLO in May 29 2007 in C-in-C kaplup a, huai zoh in Timothy Kuki makaih in Thunder te kibukna mun July 24 2007 in luhkhiak in om a, huai ah Thunder tel in a zi nihna leh mi 4 in sihna tuak uh ahihdan Malsawm in taklang in, Thunder toh kizopna nei mi tamtak tu’n KLA Custody ah omlel ahi chi hi.
KLA in Army toh Suspension of Operation kichi aneihlai a, KNA/KNO pawl in KLA sungthu a hi chi theihnop uh thil lamdangtak suak a, huai banah, 19th Assam Rifles pawl in leng sau sawklua uh ahi chi kawm in, KNA leh 19th AR pawl KLA sungthu buaina ah kigolh nawnlou ding in KLA in zasak uhi. KLA sungthu pai dik sim mahmahta ahihziak in, mipite kuamah lung-am tak a ana om nawnlou ding in leng KLA Inf&Publicity Secretary Malsawm Kuki in ngetna bawl hi.
Antang hoihtak a hawm di’n ngen; CDSU in Ak puaklu poisa
Lamka July 28: CCpur District Students’ Union (CDSU) in thusauah abawl uh tuni a kimu in ataklat dan Mautam kial douna toh kisai a District mipite khualna ziak in PDS anntang buaipih uh ahihdan taklang in MLA leh a Nominee’s teng uh pangkhawm a mipite lak a BPL leh AAY anntangte mipite lak ah ahiding bangatak a zuak ding in theihsak uhi.
Mipite ading a hongpai anntangte Mahajonte lak a zuak mangthang mailou ding a theihsak kawm in hiai theihsakna ngaihsaklou a zuak teitei a om leh atung uah a kituahpih action lak hiding ahihdan leng taklang uhi. Huaibanah Avian flu ziak in Imphal a pan Lamka a ak leh aktuite puaklut toh a kisai poisa uh ahihdan leh mipite’n hichibang ak natna District a omlouhna dia pilvangtak a panla chiat ding in theihsak uhi.
T. Hangkhanpau in Final kimawlna uap
Lamka July 28: Churachandpur District Badminton Assn. (CDBA) saina a District Level Open Badminton Tournament 2007 Lamka Community Hall –cum- Mini Indoor Stadium ah apaisa July 23, 2007 sunnung dak 1:00 in akipan pen tuni’n zoh in omta hi.
Tuni sunnung a Final kimawlna leh Kipahman hawmna hunzat ah Singngat MLA Mr. T. Hangkhanpau in Chief Guest hihna toh uap a Brig. BC Sarmah, 27 Sector AR in Guest of Honour hihna toh hiai hunzatna uap hi.Chief Guest in a thugenna hunah CDBA te apahtak thugen in kimawlna tuamtuam a ki-elna siangthoutak toh ki-el ding a hasuan kawm in CDBA te Rs. 12000/- in phungvuh hi. Hiai tournament ah Category tuamtuam ah Single leh Double in a vualzohna late leh hatpen zomte kiang ah Kipahman piakkhiatna Brig. BC Sarmah leh T. Hangkhanpau MLA te’n nei uhi.
Avian flu hilou
Lamka July 28: Saikul khua apan apaisa July 26, 2007 ni a Ak sisan sample 5 tel a sample tuamtuam 15 lakte a nimah in Imphal etchet/test dia thot a omte zan in a result theih hita a Avian Flu/Bird flu (H5N1) bangmah omlou ahihdan chet in om hi.
Ramthar Bazar
Lamka July 28: EFCI Saikot District Numei pawl saina in tuni zing dak 5:30 apan in Rengkai EFCI Biakinn Compound ah “Ramthar Bazar’ bawl uhi. Hiai bazaar ah vam chituamtuam tamtak zuak in mi tamtak in van lei uhi.Hiai Ramthar Bazar a summuhte bel missionary nnasepna dia zat hiding hi.
Anntang Truck 3 hongtung
Lamka July 28: CCpur Distrct ading PDS anntang tuni nitaklam in Imphal a pan Lamka Truck 3 puaktung in om nawn hi. Hiai anntang hongtungte bel HQ Veng a FCS Godown ah koih in om lel hi.
MLA Nominee in Press te kimuhpih
Lamka July 28: CCpur A/C MLA Nominee in tuni sunnung dak 2:00 in atenna inn simveng ah Lamka pansan thuthak saite kimuhpihna nei hi. Hiai hunah zanhal a Zenhang Lamka a PDS anntang truck dim 1 leh Lailam veng ah Truck 1 te asuah khiat ahihtoh kisai genchetna nei hi. MLA Nominee in Hiai anntangte bel a hawmna munding centre chiat ah koih theih hileh Godown apan puakman leh suahkhiat leh guan man senlouh ahihtheihna ding ngaihtuahna a DC phalna la a suahkhiat ahihdan gen hi. Nehru Marg, Beulahlane, SA Road, Khuga Tampak , Zoveng, Zenhang Lamka leh Mantop Leikai te ading in Mr. Letboi chief of Zenhang Lamka inn ah BPL anntang 181 Quintals koih hi a, Beulahlane a Mr. Ginmung te inn ah Geljang, Lamjang, Mata, Lingsiphai, Pangzawl, Simveng leh Lailam veng te ading in BPL anntang 184 Quintals koih ahihbanah Simveng a MLA Nominee Mr. Chinmuan inn ah Constituency sung a AAY Card neiteng ading in anntang Quintal 183 koih a om ahihdan gen hi.
NEWMAI NEWS NETWORK:
Brahmaputra in miteng su patau
Guwahati, July 28(NNN): Assam state sung ah tulai in vuah ahah zuk mahmah ziak in, Brahmaputra luipi naktak in khang a, Danger mark kichi a khentoh kiton in, mipi sang tamtak buaiban ding in kilang hi. Dibrugarh, Neamatighat (Jorhat), Tezpur, Goalpara leh Dhubri mun a teng abiiktak in luipang a mizawng tamtakte buaise mahmah ta uh a, mun bitzaw zuanding in kisa lel uhi.
Assam Revenue Minister Bumidhar Burman in District tuamtuam veh kolhna neilel a, a poimohna munmun ah central para military force pawl koih hiding in gen a, nek leh dawnding State solkar in tamtak stock sa a koih ahihdan gen hi. Brahmaputra leng kha 1 paisa in naktak in khang a, huai ah naupang 5 tel in mi 8 in sihlohta uhi. Brahmaputra luipi leet ding a akisak ziak in, Army te panlakna toh Burhidehing, Subansiri, Dikhow, Jiabharali, Desang, Dhansiri, Beki, Puthimari, Pagladiya leh Sankosh kho mipite mun bitzaw ah suankhiak in om lel uhi. 2005 kum a Assam ah tuichiim tun ziak in state in Rs 900 crore mansuah hial uhi.
Meghalaya menchim ah mi 9 si
Shillong, July 28(NNN): Zan nitak in Meghalaya state sung ah menchim thupitak om a, huai ah naupang kha 10 a upa tel in mi 9 in sihna tuak uhi. Hiai thu toh kisai in tuni’n Government in thusuah bawl a, West Garo Hills Deputy Commissioner kiang ah mi 9 te tung ah hih theih bangbang semsuah ding in thupiak om hi’n kigen hi. Meghalaya Chief Secretary Ranjan Chatterjee in agenna ah, misite sungkuante kiang ah zangna dopna piak vek hiding a, huaibanah, Deputy Commissioner in panpih theihna ahih theih liaiteng semsuah dia thupiak om hidanin gen hi.
Hiai hun a sihna tuakte ahihleh, Usha Rishi (40), Monon Rishi (18), Jogita Rishi (18), Nirmali Rishi (19), Gulabi Rishi (22), Suman Rishi (7), Gulu Rishi (2) leh Rahul Rishi (10 months) te hi’n kigen hi. Meghalaya Deputy Chief Minister Dr Mukul Sangma leh West Khasi Garo Hills a Dy Commissioner teng in tuni in Tura ah kimuhkhopna nei ua, menchipna mun ava etkhiak ban uah, a damlaite panpihna ding toh kisai leng kikup khopna nei uh hi’n kigen hi. State Public Works Department (PWD) leh soil conservation department te leng pilvangtak a om gige ding in state Government in tuni in theihsakna bawl hi.
ULFA makai lian 2 mat in om
Guwahati, July 28(NNN): Guwahati Police leh Army pawl in zan nitak in khopi sung mun tuamtuam dapkolhna nei uh a, veng neu tuamtuam a fankual zoh nung un, Guwahati tung phet ULFA makai lian 2 mankhe ngal uh hidanin thusuak kingah hi. Thusuak in agendan in, August 15 a India Independence Day lopna om ding toh kisai in ULFA pawl in Assam state sung naktak in khoih sawm uh a, huai ding in mun tamtak ah a cadre te uh koih khin vek ta uh hi’n kigen hi. Ridumucha Moshahari @ Sifung leh Udai Das te Dispur police te makaih in matkhiak in om uh hi’n kigen hi. Additional Superintendent of Police (City) Rajen Singh in agendan in, Garobasti area ah ULFA makaite om uh chih zak ahih toh kiton in, Army leh Police kithuah in va um kual uh ahi chi hi. ULFA 709 battalion a Commander leh Dy Commander hihna len mi 2 te matkhiak ahihna ah state Government naksak tuan mahmah hi’n kigen hi. Mat a om mi 2 te apan bomb 2 muhkhiak in om a, ULFA in August 15 chiang in Assam Chief Minister Tarun Gogoi koihkhiak sawm uh hi’n kigen hi.
P Vaiphei in hilhchetna bawl
Imphal, July 28: P Vaiphei IAS Secretary (Health&FW) in hilhchetna abawl Press akimu in ataklatdan in, tuni zinglam dak 9:38 AM in Mr S Babuyaima Singh (56) tulel a Vety. Attendent semlel JN Hospital ah si ahihthu gen hi. Tulai a Vety Deptt makaih a ak leh vatawt te thah na lak a member ahihdan genkawm in, himahleh, a sihna ziak Avian Influenza hilou ahihdan gen chian in, RIMS ah leng Postmortem bawl a om ahi chi hi.
------------------
WWW.ZOGAM.COM
No comments:
Post a Comment