Tuesday, November 25, 2008

Pu Kaizakham thei zingna in

Zou Nampi a dinga mi suonhuoi leh kiletsahpi um tah, Zou Christian Association leh Zou Sangnaupang Pawlpi phutkhete lah a member doh pen te lah a ana tel, Pu Kaizakham damlou in atteenna inn uh Rengkai, Lamka khopi ah muolliamta hi. Aluong Lamka hamnual ah vuiliam hita. Angaina a tu ata leh a innsung mite ban ah Zou nampi a diing in i thumsah uhi. Ama bio-data innlamten hing thot ding uh ahiman in ana en en jel din iki theisah uhi.

Pu KAIZAKHAM TANCHIN TOMKIM

Upa Kaizakham, (L) Pu Heltuol & (L) Pi Damzangai tapa tumpen, 1930 in sumtuh khuo ah pieng a Ramlal Paul High School apat Cl-X ana zou hi.

* 1954
= Jou Christian Association (JCA) phutkhete lah a member khat in ana tel hi.
= Zou Christian Labu 1st edition ana bawl.

* 1955-58
= Tuaitengphai M.S. school ana phutkhie

* 1958
= ZSP ana phutkhete lah a member khat ana hi.

* 1961
= Zoukam in Thuhun Tha let panta
= Sangsea na sem kawm in BA zou

* 1965
= Zou Laisiengthou neitheina din BSI life member in na pang

* 1974
= Tuaitengphai upa dia namdet

* 1978
= Churachandpur block SEO in kaisang, pension tan sem

* 1983
= Zomi Holy Bible let in na pang

* 2004
= JCA kum 50 chinna ah, Jubilee FATHER a tawisang in um

* A zi Pi Chiinthang toh ta pasal 4, numei 1 leh tu 9 nei uhi.

PU KAIZAKHAM LEH ZSP HING KIPATDAN

Masang lai kum 1950-56 in ei Zoute laisim leh laisiem mi i natawm mama ua,ana sim tasunte zong i sim chieng in khutme za zong ana phazou sih hi. Tuabang kawmkaal ah vangphat huoitah in, Pa,Tapa leh Hagau Siangthou chibang in ei Zoute lah ah Laisiem dawm a i nanei uh Pu, Kaizakham, Pu Thonghang leh Pu(L) Semkhopau in Imphal khopi ah laisim in ana um ua, tuohunlai in Namdangten kipawl khawmna hoipipi, Sakhuo lam hin Sangnaupang lam hitahleh ana kinei suohta ua zong ana khangtouta mama uhi.Tuo i gen mi thumte toumun a kihou lim kawm in eiten zong Student Organisation khat nei lei hoiva chin anagen khazel sam uhi. Hinanleh sepsuo bangma neimanlou in Pu Thonghang leh Pu Semkhopauten Taan sawm(Class X) ang zaw chieng un, asangzaw zil ding in mundang ah anapawt kheta ua, Pu Kaizakham amatang in ana nuosieta uhi.Kum 1956 laivel in Pu Kaizakham in Tuibul khuo apat in Tuaitengphai khuo ah ME Ojapu(Teacher) na nasem in, Zou naupang phabeppi khat ana kai uhi.Tuahunlai a Pu Kaizakham kum khat law (pay) ahileh bu pot 13 bang ana higiap hi. Mite kivaipuohdan leh eiten bangma i theinailou dan uh angaituo chieng in pawna in Sangnaupangte kilawikhawmna ding bang ekhat phukhiet ding chipen a lungsim ah amang naitadi sih hi.

ZSP DINGKHETA

Kum 1957 in Pu Kaizakham leh lamkai tuomtuomte kihoutuoh in Sangnaupangte kilawikhawmna ding khat phutkhe theilei chi khu angaituo thupi pen uh ahing hita hi. Tuachin Kum 1958 in Tuaitengphai ME school ah Zomi Sangnaupagg Pawlpi (ZSP) chi minvaw in Zou tate mabaan ding khuolna in Pu Thogngzadou (Class X reading) khu President ding in ana guongta uhi.(Interim dan in ) Hallleluijah! Amaute ana umlou hitaleh tu-a ei khangthaten bang minzang in Sangnaupangte in a kilawikhawmta diei ? Sangnaupangten tamchibang kilawikhawmna min ngaitah i neitah jieh un lamkai masate tung ah kipahthu gensenglou i baa uhi. Na chi ei lawm !

Pu Kaizakham leh JCA

No comments:

Post a Comment