Wednesday, December 03, 2008

ZEPADA in mi 31 training di’n sawl

LAMKA, Dec. 2: Spices Board of India saina nuai ah Kochin, Kerela ah 8th December a kipat 15th December sung Post Harvest Management Training 1st phase um ding hi. Tuana tel di’n ZEPADA in kho tuamtuam a kipat mi 31 telkhia ua, tua teng lah a mi 28-te haw ding uhi. Zing chiang December 3, 2008 zinglam 6 in Lamka nuasia in kuan ding ua, Dec 20 in Lamka hing tungkia ding uhi.
Hiai training ah Manipur apat Churachandpur district apat chauh training ding kuan ding uhi. Hiai training a kuan dingte ahihleh Ngaibiaksiam, M. Pauminthang, L. Khupdoulian, Lunkhothang, S. Douminthang, Goulunthang, T. Mangkhopau, Khamsuan Ngaihte, K. Thongzadal, T. Pumzalian, G. Thongkhenthang, Thongmang, Lamsei, Khaizathang, Seipao Misao, Thonglet, T. Thangkhanzuan, David Lalrawngbawla, H. Khamkhogin, Thiamneu, Mangkhanlal, Jangminthang, Lianminlun, Lamzathang, L. Thangpi Ngaihte, V. Siamgoumuan leh Lhunkholal hi uhi.

Kum nawn 23rd Jan. 2009 a kipan in 6th Feb. 2009 sung daih ding 2nd phase Kochin, Kerela ah om nawn ding hi. Tuabangkal ah Organic Cultivation a tel dia min kikhumte’n Farming Director (ZEPADA) Kapbanyan kiang ah kanchet theih ding hi.


FCI in godown bawlna mun ding enkhia

LAMKA, Dec 2: Churachandpur district a FCI godown bawlna ding toh kisai a FCI Regional Committee palaite’n November 22, 2008 in Dimapur apat Lamka hong pha uhi.

FCI Regional Committee for Construction of FCI Godown in Churachandpur District palai S. K. Berman, Finance Manager leh Bhorot Singh in Tangmual leh Thingkangphai a FCI Godown bawlna mun ding hong enkhia uhi. Huai banah, Thingkangphai khosak a bus terminal bawlna mun ding leng enkhe ngal uhi.

Lamka hong pha FCI palaite ZEPADA, CDSU, ZSF, SDO/BDO CCpur leh official tamtak in leng kithuahpih uhi.

Source: www.zogam.com

2 comments:

  1. Hiai training tawh kisaia nasepna tutan pai hoih kasa a, kipahpihhuai leh phat huai mah mah hi. Ahitheitana Sub-Division leh area-wise a a lunglutte proportionate thei leh ahoih jaw sem lai ding hi.

    Vangai lamte bang neilou sasa in Rubber plantation a lunglut mah mah ua, spices/tea/coffee bang leng lunglut mah mah om kha ding uhi. maute bang leng hongtel theih hun uh hong om khong sam ding in lamen ing.

    ReplyDelete
  2. Training pen kuon kuon di hanga, tua ka na gelkhaw mama khat ahileh i tahsuo kha lou ding uh dahuai kasa petma hi.

    Manipur a nnasep pan tahtah dig i hi chieng in akisam tampi um jel hi. resource, water, electric, transportation, warehousing chivel buoipi kham ching kasa.

    ReplyDelete