“Kei ziehma hijeel” chinuom chiet nanlei zong mihingte nuolguollou a hing pui zing i biah Pasian in ZYO kum 25 chinna lawm thei ding a a’ng na kepzieh in A min phat in umta hen.
Thupatna:
Tutung ZYO Silver Jubilee theme (athupi) “Khut-le-khut kitu in” chi ahi. Maangkam in “Lets join our hands together” china ahi’a, atalat leh a gennuom pen theichien ahasasih hi. Azieh tami thupil leh thulu tha ahisih a, koipou in I kam ham in I na zang kha ngei ta ding hi.
Ahivangin, practical/nasep-a zang theinailoute a diing in siltha ahizing a, a phattuompi leh a zaal zangjou (experience) sate ading in kitheisah kiana (reminder) ahi hi. Azieh ahun leh amun dungjui a poimawna zil a zah thei thupil leh thulu ahinalai hi. Alui sengta, zahda tavai chi thei ahi mawng sih hi. Ei ham in adihna giltah gen ding dan ahasa sim a, Mangkam in tami thupil hi “Universal Truth” khat ahi chilei theisiem huoi pen va chi ung.
ZYO Nasep chiemte thamte:
Kum 25 sung ZYO in nasep tampi ana nei a, tuate lah a athupipen achiemte masah ahileh:
Khut-le-khut kitu a pan I lah pouleh alampi Pasian in ahing siemsah zing ding hi.
ZYO leh Youth Club
“Khut-le-khut kitu in” chi in pankhawm a kul leh apoimaw dan a gen ahia, pankhawm hatna ahi chi a taalat pipen ahi. I pawlpi nna semkhawm ding china ahi liiulieu hi. Tualeh ei ZYOte a ding in apoimaw dieh hi, azieh kum 25 chin vang in I khosuon uah ZYO unit leh Block kiphut kip thei nailou ahi man in akhawh hi. Zou khuo khenkhatte ah ZYO sang a Youth Club ngaisang zaw in a um talawm nalai hi. Hausa leh upa khen khatte in a theisiem nailou zieh uh hi in akimu a, tuate “APOISIM AKHUH” chilou ngal tutah in agen diing dan a um sih hi. Ahinlah lungkesih vai, khovel pen ahing kihei jel dinga, ZYO a’ng hat semsem di’a, ahui hing lang ding pen nanzaw guollou in a’ng laang diing hi. TU IN A KIPANTA!
Khosung Youth Club a kipuoh asie hin Youth Club suhbei ding china ahituomsih a, Youth Club in tulai khang in I nam sung ah panmun anei kha sih chi nopna ahibou hi. Youth Club a kivaihawmna in Nam sung kizopna ana um ngeisih a, zong a um theisih hi. ZYO in I nam sungah panmun poimawtah anei a, khuo leh khuo (unit leh unit, block leh block)te headquarters toh KHIBA tang banga ki guizop in Nam sung vaihawmna ah khut-le-khut kitu in kal suon khawm chiet hi. A chiengkuong deu in genta maimailei, I nam sung vaihawmna mipi atamzawte deidan leh thuneina in kivaihawm leh china ahi. Sapham in “Democratized” bawl ding china ahi. Alang khat ah khantouna kikim guolin ki nei thei leh ut ahuoi chi thu zong ahi. Atomkim a gen in ZYO ahileh Social Democratic Development Institution khat ahi. Khotaang hinkhuo mipi thaneina a kivaihawm leh khantouna tuntu Inpi khat ahi china ahi.
I nam tahsa (Society Structure) khut leh keengte - ZSP, ZYO leh UZO ahi’a. Pa, Tapa leh Hagau Siengthou (Trinity) bang in min tuom tuom hinanleh KHAT ahi veve uhi. Tam pawlpi thum teng chilou I Nampi’n Zou sunga kivaihawmna di’a kipom pawlpi dang a um sih hi.
“Ignorance of Law is not an excuse” chi mabang in “To deny the existence of ZSP, ZYO and UZO cannot be en excuse for any sensible Zou whatever or wherever he may be” chi zong I thei uh apoimaw hi. I gennuom ahileh koi tobang lunggel thei Zou ta khat in ama mimal bang chituh in lien in neu in hei mun ah um nanleh ZSP, ZYO leh UZO chite anelsie thei sih ding hi. Tuaziehin, I pawlpite I bel ding ua, I kem tuup ding uhi’n, a um nailouna munte ah I phut ding uhi chite khu I Fundamental Duty uh ahi.
Zou Civil Society a ding in ZYO, ZSP leh UZO chite lou ngal pawl dang in I nam sungah panmun anei sih hi. ZSP, ZYO leh UZO chite a I’ng kikhaikhawm chieng in kipum KHATna a’ng piengthei pan ding hi. Azieh tam I pawlpite tungtawn in kithuhilna leh ki thuzahna khat ahing hi dinga, tualeh lamkai khat I hing nei ding ua, tup-le-ngiim (Policy Program) khat ahing hi tawntung ding hi. Amite kibang chiet nanleh I kikhaikhawmna pawl min a’ng tuom chieng in KHAT I hi uh iki chi thei sih ding uhi. Tuazieh in kitheisiemlouna a pieng let hi.
ZYO leh TAWMNGAINA
ZYO in a tupleh ngai thupipen ahileh “TAWMNGAINA” ahi’a, milip in tawmngaina suo a, shini-manni, kipani-dahni’a pan lakhawm a panpi ngaite (help the needy) panpi ding chikhuh atup ahi. Mangkam in “Social Service” ahisih leh “Philanthropic Work” chilei theisiem huoi zaw kha va. Tam nasemte pen mi kipumpia khiet (voluntary) thawte ahi ua, ama uh mimal meetna leh tupna (Self interest or motive) chi themkhat zong um vawtlou a a-zawng, a-ngau, a-genthei leh meithai-tagate panpina di’a tawmngai thasuote ahi uhi.
Hun peisate ah ZYO Headquarters in Nampi sunga TAWMNGAINA nasep baasapnate ana neikha zel a, nasep muolsuo joulou zong a na um hi. Tuabang ana hinanleh eite a mimal in, akhuo akhuo in tawmngaina ana kitaisan tuom sih hi. Azieh ahileh, eite pen I pu/pa khang a khanglui hun lai apat tawmngaina, I tawndan (custom & culture) a ana umsa ahiman in apoimaw dan thei bukim sih nanlei zong I na juikha veve uhi. Etsahna’n: Nidanglai in I pu-pate’n khosung ah SAWM ahisih leh HAAM ana bawl ua, tuanah nungah-tangvalte giehkhawm in nupi-papite leh upaten ana thuhil jel uhi. Siemna-pilna, hinkhuo-khankhuo peizie leh tawn diingdan leh pankhawm-sepkhawm a, meithai tagate lungsiet a kep dingdante ana kihil tabou uhi. Nat leh hasat zieh a Louhou jouloute khawtaang in kithuopi in a Lou uh ana hawpie jel ua, Bu-le-Baal neijouloute a diing in kho mipite aki dongkhawm ua, apia ua, kumkho tuong in ahaute neh dandan in a zawngte’n zong ane veve thou uhi, ana kichi in Laibu luite ah ana kichiemte tabou hi. Tamna kigen tengpi “khut leh khut kitu” a, tawmngai thasuo a pangkhawm in panpingaite panpi chilou ngal agen diing dan a um sih hi. Khanglui mite ana ZYO veve valong uhi.
Khupsitna:
Khovel khantou duingjui in siemna-pilna leh ngaidante akikhel mama hi. Khangluilai a SAWM leh HAAM kichite tulai in Community Hall, Playground, Recreation Centre chite in aki heng lamdangta a , ZYO in tamte neina ding in pan ala zing hi. Kihen lamdangna (changes) pen a bei ngeisih dinga, ZYO tup leh ngiim leh nasep dan zong ahing ki henglam dang nalai ding hi. Community Hall, Playground, School, Youth Hostel, Orphanage Home, Old Age Home leh a dang dang chite buoipi mai hilou in ni khat ni chieng in ZYO in I nam mipite Education Policy leh ne-le-ta suina dopkaang diingdan lampi guongal in akhuot panta uhi. Tua hun chieng in ZYOte hi I nam a di’a SOCIAL ENGINEER-te ahi uhi chi’a kiminvaw theina diing zong akilam en zing ahi. Tuaziehin khangthate lah ah ZYO in e-Revolution apan nuomta hi. E-Revolution I chi pen Education leh employment china ahi. Tuani chieng in ZYO Volunteerte pen e-Revolutionary Volunteerte chi’n a’ng kithei ding hi. Ni khat ni chiengin ZYO Headquarters Office, Block/Branch/Unit Office mun leh Building kituuptahte a’ng nei ding chi lam et ahi. ZYO lamkaite tuana Officete ah Kumpi Solkal nasemte bang in nisim in Nam sung khantouna nna sem ding in kai uleh chi mangmuna kilawmtah kinei ahi chi zong mipite iki theisah nuom uhi.
Pasian in ZYO hing pui zing tahen. Kipah Ung!
- Chinlunthang, Editor
.::. All my articles can be view here: MELTED HEARTS .::.
![Reblog this post [with Zemanta]](http://img.zemanta.com/reblog_c.png?x-id=764ee308-5c6f-4308-bded-d0038dfbe57b)
Thupatna:
Tutung ZYO Silver Jubilee theme (athupi) “Khut-le-khut kitu in” chi ahi. Maangkam in “Lets join our hands together” china ahi’a, atalat leh a gennuom pen theichien ahasasih hi. Azieh tami thupil leh thulu tha ahisih a, koipou in I kam ham in I na zang kha ngei ta ding hi.
Ahivangin, practical/nasep-a zang theinailoute a diing in siltha ahizing a, a phattuompi leh a zaal zangjou (experience) sate ading in kitheisah kiana (reminder) ahi hi. Azieh ahun leh amun dungjui a poimawna zil a zah thei thupil leh thulu ahinalai hi. Alui sengta, zahda tavai chi thei ahi mawng sih hi. Ei ham in adihna giltah gen ding dan ahasa sim a, Mangkam in tami thupil hi “Universal Truth” khat ahi chilei theisiem huoi pen va chi ung.
ZYO Nasep chiemte thamte:
Kum 25 sung ZYO in nasep tampi ana nei a, tuate lah a athupipen achiemte masah ahileh:
1. Kum 1997 Lamka buoilai in ZYO Volunteer-te pan lahdan phathuoi leh gentham ching mama hi. A shi-amangte sui a, relief material (panpina) hawm a, relief camp bawl a, shi-ding, man-ding jaulou a kalsuon volunteer-te pataat ahuoi mama uhi.
2. Kum 2001 in mipite’n ZYO a’ng puapha kia ua, tunitan khawllou kei a masuon thei a a um sungin ZYO Project Committee hing kisiemkhia hi. Tam Project Committee tungtawn in Project-te siem khiet ahia, kum 5 sung in mipi, mimal leh lamkaite kiphalna jal in Lamka khopi sunga Kamdou Veng, Awnchinkap Veng, leh Sielmat Buonsanlui baang ah Plot/gam acre a sim in Hostel, Hall, Cemetry leh adang dangte bawltheina ding mun Dangka a lakh a man ZYO in aleikhiet hi khangthu a di’a cheimte tham ching talua hi. Maban ah zong Project a peitou nalai a, Hostel, Hall chite I mu bai uh I ki nem uhi.
3. Zou khuo khen khat, khosung kivaihawmna Youth Club apat in ZYO a kipuah di’n kihen lamdangna a um a, lungdam a huoi mama hi. Tuaban ah, Shillong khopi azong ZWA chi’a ana kivaihawm zing pen ZYO Shillong Branch chi’n November 15, 2008 ni’n ana khelta uhi. Delhi ah zong November 23, 2008 ni’n ZYO Delhi Branch phudoh ahita hi.
Khut-le-khut kitu a pan I lah pouleh alampi Pasian in ahing siemsah zing ding hi.
ZYO leh Youth Club
“Khut-le-khut kitu in” chi in pankhawm a kul leh apoimaw dan a gen ahia, pankhawm hatna ahi chi a taalat pipen ahi. I pawlpi nna semkhawm ding china ahi liiulieu hi. Tualeh ei ZYOte a ding in apoimaw dieh hi, azieh kum 25 chin vang in I khosuon uah ZYO unit leh Block kiphut kip thei nailou ahi man in akhawh hi. Zou khuo khenkhatte ah ZYO sang a Youth Club ngaisang zaw in a um talawm nalai hi. Hausa leh upa khen khatte in a theisiem nailou zieh uh hi in akimu a, tuate “APOISIM AKHUH” chilou ngal tutah in agen diing dan a um sih hi. Ahinlah lungkesih vai, khovel pen ahing kihei jel dinga, ZYO a’ng hat semsem di’a, ahui hing lang ding pen nanzaw guollou in a’ng laang diing hi. TU IN A KIPANTA!
Khosung Youth Club a kipuoh asie hin Youth Club suhbei ding china ahituomsih a, Youth Club in tulai khang in I nam sung ah panmun anei kha sih chi nopna ahibou hi. Youth Club a kivaihawmna in Nam sung kizopna ana um ngeisih a, zong a um theisih hi. ZYO in I nam sungah panmun poimawtah anei a, khuo leh khuo (unit leh unit, block leh block)te headquarters toh KHIBA tang banga ki guizop in Nam sung vaihawmna ah khut-le-khut kitu in kal suon khawm chiet hi. A chiengkuong deu in genta maimailei, I nam sung vaihawmna mipi atamzawte deidan leh thuneina in kivaihawm leh china ahi. Sapham in “Democratized” bawl ding china ahi. Alang khat ah khantouna kikim guolin ki nei thei leh ut ahuoi chi thu zong ahi. Atomkim a gen in ZYO ahileh Social Democratic Development Institution khat ahi. Khotaang hinkhuo mipi thaneina a kivaihawm leh khantouna tuntu Inpi khat ahi china ahi.
I nam tahsa (Society Structure) khut leh keengte - ZSP, ZYO leh UZO ahi’a. Pa, Tapa leh Hagau Siengthou (Trinity) bang in min tuom tuom hinanleh KHAT ahi veve uhi. Tam pawlpi thum teng chilou I Nampi’n Zou sunga kivaihawmna di’a kipom pawlpi dang a um sih hi.
“Ignorance of Law is not an excuse” chi mabang in “To deny the existence of ZSP, ZYO and UZO cannot be en excuse for any sensible Zou whatever or wherever he may be” chi zong I thei uh apoimaw hi. I gennuom ahileh koi tobang lunggel thei Zou ta khat in ama mimal bang chituh in lien in neu in hei mun ah um nanleh ZSP, ZYO leh UZO chite anelsie thei sih ding hi. Tuaziehin, I pawlpite I bel ding ua, I kem tuup ding uhi’n, a um nailouna munte ah I phut ding uhi chite khu I Fundamental Duty uh ahi.
Zou Civil Society a ding in ZYO, ZSP leh UZO chite lou ngal pawl dang in I nam sungah panmun anei sih hi. ZSP, ZYO leh UZO chite a I’ng kikhaikhawm chieng in kipum KHATna a’ng piengthei pan ding hi. Azieh tam I pawlpite tungtawn in kithuhilna leh ki thuzahna khat ahing hi dinga, tualeh lamkai khat I hing nei ding ua, tup-le-ngiim (Policy Program) khat ahing hi tawntung ding hi. Amite kibang chiet nanleh I kikhaikhawmna pawl min a’ng tuom chieng in KHAT I hi uh iki chi thei sih ding uhi. Tuazieh in kitheisiemlouna a pieng let hi.
ZYO leh TAWMNGAINA
ZYO in a tupleh ngai thupipen ahileh “TAWMNGAINA” ahi’a, milip in tawmngaina suo a, shini-manni, kipani-dahni’a pan lakhawm a panpi ngaite (help the needy) panpi ding chikhuh atup ahi. Mangkam in “Social Service” ahisih leh “Philanthropic Work” chilei theisiem huoi zaw kha va. Tam nasemte pen mi kipumpia khiet (voluntary) thawte ahi ua, ama uh mimal meetna leh tupna (Self interest or motive) chi themkhat zong um vawtlou a a-zawng, a-ngau, a-genthei leh meithai-tagate panpina di’a tawmngai thasuote ahi uhi.
Hun peisate ah ZYO Headquarters in Nampi sunga TAWMNGAINA nasep baasapnate ana neikha zel a, nasep muolsuo joulou zong a na um hi. Tuabang ana hinanleh eite a mimal in, akhuo akhuo in tawmngaina ana kitaisan tuom sih hi. Azieh ahileh, eite pen I pu/pa khang a khanglui hun lai apat tawmngaina, I tawndan (custom & culture) a ana umsa ahiman in apoimaw dan thei bukim sih nanlei zong I na juikha veve uhi. Etsahna’n: Nidanglai in I pu-pate’n khosung ah SAWM ahisih leh HAAM ana bawl ua, tuanah nungah-tangvalte giehkhawm in nupi-papite leh upaten ana thuhil jel uhi. Siemna-pilna, hinkhuo-khankhuo peizie leh tawn diingdan leh pankhawm-sepkhawm a, meithai tagate lungsiet a kep dingdante ana kihil tabou uhi. Nat leh hasat zieh a Louhou jouloute khawtaang in kithuopi in a Lou uh ana hawpie jel ua, Bu-le-Baal neijouloute a diing in kho mipite aki dongkhawm ua, apia ua, kumkho tuong in ahaute neh dandan in a zawngte’n zong ane veve thou uhi, ana kichi in Laibu luite ah ana kichiemte tabou hi. Tamna kigen tengpi “khut leh khut kitu” a, tawmngai thasuo a pangkhawm in panpingaite panpi chilou ngal agen diing dan a um sih hi. Khanglui mite ana ZYO veve valong uhi.
Khupsitna:
Khovel khantou duingjui in siemna-pilna leh ngaidante akikhel mama hi. Khangluilai a SAWM leh HAAM kichite tulai in Community Hall, Playground, Recreation Centre chite in aki heng lamdangta a , ZYO in tamte neina ding in pan ala zing hi. Kihen lamdangna (changes) pen a bei ngeisih dinga, ZYO tup leh ngiim leh nasep dan zong ahing ki henglam dang nalai ding hi. Community Hall, Playground, School, Youth Hostel, Orphanage Home, Old Age Home leh a dang dang chite buoipi mai hilou in ni khat ni chieng in ZYO in I nam mipite Education Policy leh ne-le-ta suina dopkaang diingdan lampi guongal in akhuot panta uhi. Tua hun chieng in ZYOte hi I nam a di’a SOCIAL ENGINEER-te ahi uhi chi’a kiminvaw theina diing zong akilam en zing ahi. Tuaziehin khangthate lah ah ZYO in e-Revolution apan nuomta hi. E-Revolution I chi pen Education leh employment china ahi. Tuani chieng in ZYO Volunteerte pen e-Revolutionary Volunteerte chi’n a’ng kithei ding hi. Ni khat ni chiengin ZYO Headquarters Office, Block/Branch/Unit Office mun leh Building kituuptahte a’ng nei ding chi lam et ahi. ZYO lamkaite tuana Officete ah Kumpi Solkal nasemte bang in nisim in Nam sung khantouna nna sem ding in kai uleh chi mangmuna kilawmtah kinei ahi chi zong mipite iki theisah nuom uhi.
Pasian in ZYO hing pui zing tahen. Kipah Ung!
- Chinlunthang, Editor
.::. All my articles can be view here: MELTED HEARTS .::.
No comments:
Post a Comment