Written by Pu L. T. Ngaihte
LAWIBUAL VILLAGE:JAN,1971
‘Itna hehpihna a dim,ka biak uh Pa Pathian…chin’ thumna a hon pan a,tapkuang ning a tun’ ka pa ka en suk a, satdai khuam gei,gilphan nuai ah a Bible sim khit phet a khut nih in, a lai nuai ah a man belh a,a ngou-te-khelh puan ten ning lang khat kai khesukin satdai tuang a sukha phial hi. A lutung a sam kangsim dingtou te toh pangkhang tukvelh a zawngtah nah huihin a mut vuang ngelngel te ka mukhawm thei a,ka nu leh ka unau dangteng bel a vek un a kun dim diam uhi. Kei zong ka mitsi in ka kun suk a…
...‘azu a sa nuai ah,lamsuk lamtou ah,khut suih khe suih tuak lou a,chidam ludam a a pai theihna din pi inla’..chi a athumna te ka zak chian’ ka khasiat a hong suak a,a gukin ka mittui ka kiang a tualpuan kawlzal in ka na sim nul nul hi. Ka khogal ua om Thanlon khua tan mai leng munai lou ka hi a,a dik lel in,langva In himhim leng mu kha nai lou ka hih manin,ni thum lam pai a tunna,Mission Compound a omdia zinkhiak mai ding zaw-ka kithalopna sangin Lawibual ka ngaihna a thupi zaw hi.Ka gei a taptung a tu ka nu zong ki dik sim hiphip in ka za a,amah leng ka zinsan ding a ngaihtuah chiang a khasia a kap houh hidin ka ging ta. Thumna zoh ahih in ka kahlam ka unaute leh ka nuleh pan’a theih ding uh lauin kintakin ka kawlzal toh sumtong lam manohin ka tai khia a, mimbang pianna Lawibual,a khua,a gam leh ka ngaih mahmah ka nu leh pa leh ka sanggamte leh a mipite nusia a nithum lampai a tunna Mission Compound a om Rostad Mamorial High School a laisin dia kuan chu ka hita mai !!
Khe apai a mual zatam kakan khit uh chiangin ,anithumni nitaklam ni nem in Mission Compound ka tung ta ua,Field gei,Office nungzek a Gang Taivel te in leh Pa Thuomngel te in kal a om,bi inn neukha ah ka U Ginzam in a hon lut pih a, ‘inneipa Pu Jam na chih ding, a loinu Pi Chhung na chih ding’ chin hon nusia hi. A zing chiangin School office ka va hoh hi.Chair gei a ding,pasal liantak khat in,Koi khua oi ?chin’ aw eu sim takin honna dong pah a,Ken Lawibual ka chih pah leh aman,na pa Upa Juanthong hia ?hon chipah mawk.Lamdangsa tak mai in ‘Hi’ ka chih leh aman’ Nikuma mission stipend hon ki deihsak a hon kisam a,nang lah hong hoh lou,tukum a tuh Mission stipend om theinon lou ding..a huchih nung a ba hong kuan tei tei ? honchi hi. A gei a room ah hon sawl phei a,tua ah pasal maitai leh hon panpih nuam mahmah khat toh kava kimu uhi.Admission mukhin chu ka hita mai zel.A nitakin,headmaster Pu T.Jam Khothang leh Joyful Jamchinlian mu kha khin ka hih dan ka thei pan hi.
NEW DELHI:OCT’1984
Sepna nei tung lawm tangval khenkhat toh Gole Market in nuai khat luah a ka omna uah,nitak khat U Joyful,amah huailai a NIEPA a training a om,toh ka tu khawm in,nun lui thu khawng ka houlim uhi. Ka gei a Guiter om ka pia a,a tangval lai a alaphuah .. ‘Kei a kia na hi’..chih sadin’ ka phut hi. Akipan dek sek a,guiter asai asai a,a tawpin ‘huai la sa din’ kalungleng taktak zou kei’ chin’ a guiter a koih khia hi. Huainung zaw khatvei leng ka sawl ngam nonta kei. Lungleng taka huai la a sak zaw ka za ut ngei mai,himahleh hun leh mun a om nawnta kei.Mission Compund a a in kong inka uapan,Lamka khopi tung a meipi ngou biik biak zam lii liaite leh a kim zang dii diai khawng leh Lunglen tangte nitak khalik zan a ensuk a,huihsiang leh vot tak a khosak gammang apan a hong nungsukin hon mut henhen lai,a innung lam ua tuikulh(pond) pan Ukeng te hong ham kik kik ua,a in khang lamua gawsing sang tak te apan a kal lak teng a vabak hong ham jel toh a in gei ua tui kholna apan sangtak a tui hong kikhoh khia khavak in a salh khak chiang a te setset toh a ngaihzawngnu in a gal et tak chiang a huaila sa hidin ka um hi.
Ahih keileh a ngaihzawng nu kia hiloua,a Mission Compound khaw pumpi ngai a mau bangleng hi kha din kaging. A khua tunungding Pathian mit a mua,lungzuanla hichikhop a ngaih na phuak bang ahi mawh dia ? Ahih keh amah taksa hinkhua a beipah ding thei a,akhalam hinna a oma,lei a a nutsiat a zi leh atate a gal etchia lungleng a huaila sa bangleng ahi thei hi.
Ngaihdan dang ah-a sak zek a Hiangkot tang,apang a Teisiang tang, asuahlam a Saidan tang,a mal lam a Hausapi tang te umtuah sung a tang niamkha a khaw om pen ‘dawhtam lenkawl sang tung’ bang mai zaw ahi ngei. Huai khua apan a dak kimvel chia lungleng tak tak thei lel ahi mai ka ging ta. Huaiziak khawng akei dia.. ‘Dawhtam len kawl sang tung ah,Tuibang gawm a luang khawm din’,Tuang hongtung nailou zong,Ngaih aw,kei a kia na hi’ ana chih chih mai.Mission Compound a a zi leh a tate toh teng a,khosa a naubang nui dia ki lamen zaw ahi peuhmah din ka ging.
A ngaihtuah ah aki thukhin mahmah a,a thil lakdan ah aki muang a,midang leng a muangmoh kei chih ala apan a theih theih. A ngaihzawngnu zinkhiak san ding hi mah leh amah ah kimuanmohna himhim a om kei a,a nutsiat nu ngaihtuah ding lam a khualzawk lel in leng a mihinna tampi a gen khin hi.Amah buaipihna nuai a zi ka neih(11.10.1986)in ka in ua tanau tamkhop a om uh chih amuh khak manin,kei kiang leng gen masa lou in Broadway Hotel ah room khat hon na hire sak hil hial hi.
ROSTAD MEMORIAL HIGH SCHOOL (1971-73): \
America apan Missionary nunung Pu Rostad theih gigena a ki bawl,Schoool building E shape a kilam,a tuang teklei sangpi a kilem tou,atung langva,a kimvel a sik lingnei dai a ki umsuak,Lamka lam nungngat a kilam, mun zang nuam mahmah Pa Chin Nengzachin tenna veilam a om ahi. A kongpi a lut tungin veilam ah Notice Board lianpi a om a,tangtak a ipaisuak leh Prayer Hall kichi Morning Devotion leh English Worship Service na a kizang zel a ki tung hi. A veilam nawl a inpen School office,Headmaster leh teacher te awmkhawmna in kizang hi.Kum nih omkhin ding kuan,Secretary,Moral and Religious Deptt ka hih kumin,kum beiding ahih takchian farewell thupi deuh in kihih hen chiin,loipa LL Muona toh plan bawl in Sum 700 beiding,a sanction ngen din headmaster Pu Jamkhothang kiang kava lut ua,aman hoih taka a hon etsak nung in ‘hoih lua,ahihziakin bial khat paikhe ni uh aw’ chin sum 70 chauh honna sanction sak a,singpi leh cookies toh nasa takin ka bawl thou thou uhi.Huailai adia thupi tak ahisam,antang seer khat Re.0.75 p khong a mat lai ahi!
MISSION COMPOUND(MICO)(1971-73)
Old Churachand kichi sek,khenkhat bangin Suongpi chi a le atheih uh,tua Lamka apan gamlalou,Pearsonmun sak a mual kitawi lit let,mun nuam mahmah a om ahi a,a kholai ah lamlian a pai suak a, Tipaimukh Road toh a ki zawm a,a lamlian pangtuak ah a teng dim dem ua,a mual pen sim leh mal kok a kikhung ahih manin,nisuak tung leh tumdingkuan leng a muthei gige hi.A mualtung zang lianlou ah football field,school,TE Paul chapel chih khong ki vual in,alai lak,Pa Nengzachin te in kong ah tui kholna lianpi a om hi. Tuinek pen a hoih in a lim mahmah a,mualtung a khua om ahih bangin huih bangleng a siang mahmah hi.Huaiziakin,laisindia hongpai te nek leh tak gina ne kei mah le uh kidam thei in ki hat hi.Ni tenga Lamka a vakileh chih te a lamdang hilou maimah hi. Mission Compound a ka omsung mangngilh ngei louhding thiltampi ka tuak,huaite laka khat lel kuamah zakdah louhdin kon kum nuam hi:
PA CHIN MUHMASAKNA:
Pa Nengzachin(Jenet Pa) a office a muhtheih ahih na din a U, Pa Chinkham kiang phalna lak phot a ngai hi! English Worship service a thugen dia chial din zing khat kava hoh a,cyclostyle a ki hek khia Invitation card ‘I have the pleasure to invite you to deliver message at…’chih khat kava pia hi.Ka khut apan la in a envangvang a,bang mah lah gentuanlouin a dohkan a akoih suk a,lai dang a en zom hi.Gen dingdang omtuanlou ahih manin ka pawtkhia a, English Worship service a tun matan hong gen di a de aw’chih theih chet louhpin ka om nilouh a, kikhopni nitak a Biakin a hong lut inchu ‘ hon mang na eive’ ka chi thei pan hi. ‘Ken hon thei khol kei mah leng,naupang ten non theipha ua,it leh ngai in nalakua thugen ding bangin na hong chial ua,ka kipak pet mah hi’ a hon chih chian ka tutna bang kana bawl lem thakthak hial hi.
HONGKONG:AUGUST 1999.
Inlam kava pai lai ua SSPP heutu te hon laipiak ka enthak a,Article ngetna ahi a,Dr. Jam Thianlal,Cabinet Secretary, Ministry of Publicity and Information in suai akai hi.Tuma zek khaw tangval fel College kaithei chiang General President ding nasan muh haksa kisa thei mahmah,tua department khat pawdia Doctor khawng om theita ahih manin SSPP in ma asawn petmah chih a chiang hi.Kipah huaikasa. Ka office United Centre sawng 16 na apan Hongkong khopi laizang lamlian leh lei te a, aleh amak a gari chi tuamtuam tai liam zungzung te ensuk kawmin ka ngaih tuah a…….
Tangthu te tawpna tuh mulkimhuai tak ahi. Imvual leng a hi kei him hi:
# Ka pa Upa Juanthong in Lawibual ah December 5,1975 kumin hon na sih santa.
Rostad Memorial High School building kilawmtak,Mission Compound a om khetsiat in a oma,tuin ginalou chikin Nehru Marg,Lamka ah a om hamham.
Joyful H.Jamchinlian in October 7,1990(Pathianni)in Tuiboung ah hon na sih santa.
#. Mission Compound Kuki migilouten June 1997 in ava hal ua,Pa Nengzachin tenna in leng amah mitmuh ngei in a halsak uh.
#. Mission Compound ka omtung a ka om masakna pen ka Pu Jam (Goukhojam) tapa neihsun Kuki migilou ten a pimang sak ua,tunitan aluang omna theih louhin a koih uh
#. Lawibual khua leng Kuki migilouten August,1997 in ava hal uh.In om teng ahal tumsak kia uh hilouin guk theih teng a gu ua,ka Pa suangdoh bang leng asu kek uh.
#. Ka zi toh ka giahkhom masakna mun uh Broadway Hotel leng buailai in suksiat dimdem in a om a,Aug’99 tan in a mun ong hiu heu in a om.
Ama sang a hoih zaw ding ngimna nasa tak toh, inn halsiata omte,khua haltum a omte lam thak non siausiau ahita uh. Misi sa te bel bawltu Pathian kaihthoh ngakin han sung ah muangtakin na tawldam ta uhi
LAWIBUAL VILLAGE:JAN,1971
‘Itna hehpihna a dim,ka biak uh Pa Pathian…chin’ thumna a hon pan a,tapkuang ning a tun’ ka pa ka en suk a, satdai khuam gei,gilphan nuai ah a Bible sim khit phet a khut nih in, a lai nuai ah a man belh a,a ngou-te-khelh puan ten ning lang khat kai khesukin satdai tuang a sukha phial hi. A lutung a sam kangsim dingtou te toh pangkhang tukvelh a zawngtah nah huihin a mut vuang ngelngel te ka mukhawm thei a,ka nu leh ka unau dangteng bel a vek un a kun dim diam uhi. Kei zong ka mitsi in ka kun suk a…
...‘azu a sa nuai ah,lamsuk lamtou ah,khut suih khe suih tuak lou a,chidam ludam a a pai theihna din pi inla’..chi a athumna te ka zak chian’ ka khasiat a hong suak a,a gukin ka mittui ka kiang a tualpuan kawlzal in ka na sim nul nul hi. Ka khogal ua om Thanlon khua tan mai leng munai lou ka hi a,a dik lel in,langva In himhim leng mu kha nai lou ka hih manin,ni thum lam pai a tunna,Mission Compound a omdia zinkhiak mai ding zaw-ka kithalopna sangin Lawibual ka ngaihna a thupi zaw hi.Ka gei a taptung a tu ka nu zong ki dik sim hiphip in ka za a,amah leng ka zinsan ding a ngaihtuah chiang a khasia a kap houh hidin ka ging ta. Thumna zoh ahih in ka kahlam ka unaute leh ka nuleh pan’a theih ding uh lauin kintakin ka kawlzal toh sumtong lam manohin ka tai khia a, mimbang pianna Lawibual,a khua,a gam leh ka ngaih mahmah ka nu leh pa leh ka sanggamte leh a mipite nusia a nithum lampai a tunna Mission Compound a om Rostad Mamorial High School a laisin dia kuan chu ka hita mai !!
Khe apai a mual zatam kakan khit uh chiangin ,anithumni nitaklam ni nem in Mission Compound ka tung ta ua,Field gei,Office nungzek a Gang Taivel te in leh Pa Thuomngel te in kal a om,bi inn neukha ah ka U Ginzam in a hon lut pih a, ‘inneipa Pu Jam na chih ding, a loinu Pi Chhung na chih ding’ chin hon nusia hi. A zing chiangin School office ka va hoh hi.Chair gei a ding,pasal liantak khat in,Koi khua oi ?chin’ aw eu sim takin honna dong pah a,Ken Lawibual ka chih pah leh aman,na pa Upa Juanthong hia ?hon chipah mawk.Lamdangsa tak mai in ‘Hi’ ka chih leh aman’ Nikuma mission stipend hon ki deihsak a hon kisam a,nang lah hong hoh lou,tukum a tuh Mission stipend om theinon lou ding..a huchih nung a ba hong kuan tei tei ? honchi hi. A gei a room ah hon sawl phei a,tua ah pasal maitai leh hon panpih nuam mahmah khat toh kava kimu uhi.Admission mukhin chu ka hita mai zel.A nitakin,headmaster Pu T.Jam Khothang leh Joyful Jamchinlian mu kha khin ka hih dan ka thei pan hi.
NEW DELHI:OCT’1984
Sepna nei tung lawm tangval khenkhat toh Gole Market in nuai khat luah a ka omna uah,nitak khat U Joyful,amah huailai a NIEPA a training a om,toh ka tu khawm in,nun lui thu khawng ka houlim uhi. Ka gei a Guiter om ka pia a,a tangval lai a alaphuah .. ‘Kei a kia na hi’..chih sadin’ ka phut hi. Akipan dek sek a,guiter asai asai a,a tawpin ‘huai la sa din’ kalungleng taktak zou kei’ chin’ a guiter a koih khia hi. Huainung zaw khatvei leng ka sawl ngam nonta kei. Lungleng taka huai la a sak zaw ka za ut ngei mai,himahleh hun leh mun a om nawnta kei.Mission Compund a a in kong inka uapan,Lamka khopi tung a meipi ngou biik biak zam lii liaite leh a kim zang dii diai khawng leh Lunglen tangte nitak khalik zan a ensuk a,huihsiang leh vot tak a khosak gammang apan a hong nungsukin hon mut henhen lai,a innung lam ua tuikulh(pond) pan Ukeng te hong ham kik kik ua,a in khang lamua gawsing sang tak te apan a kal lak teng a vabak hong ham jel toh a in gei ua tui kholna apan sangtak a tui hong kikhoh khia khavak in a salh khak chiang a te setset toh a ngaihzawngnu in a gal et tak chiang a huaila sa hidin ka um hi.
Ahih keileh a ngaihzawng nu kia hiloua,a Mission Compound khaw pumpi ngai a mau bangleng hi kha din kaging. A khua tunungding Pathian mit a mua,lungzuanla hichikhop a ngaih na phuak bang ahi mawh dia ? Ahih keh amah taksa hinkhua a beipah ding thei a,akhalam hinna a oma,lei a a nutsiat a zi leh atate a gal etchia lungleng a huaila sa bangleng ahi thei hi.
Ngaihdan dang ah-a sak zek a Hiangkot tang,apang a Teisiang tang, asuahlam a Saidan tang,a mal lam a Hausapi tang te umtuah sung a tang niamkha a khaw om pen ‘dawhtam lenkawl sang tung’ bang mai zaw ahi ngei. Huai khua apan a dak kimvel chia lungleng tak tak thei lel ahi mai ka ging ta. Huaiziak khawng akei dia.. ‘Dawhtam len kawl sang tung ah,Tuibang gawm a luang khawm din’,Tuang hongtung nailou zong,Ngaih aw,kei a kia na hi’ ana chih chih mai.Mission Compound a a zi leh a tate toh teng a,khosa a naubang nui dia ki lamen zaw ahi peuhmah din ka ging.
A ngaihtuah ah aki thukhin mahmah a,a thil lakdan ah aki muang a,midang leng a muangmoh kei chih ala apan a theih theih. A ngaihzawngnu zinkhiak san ding hi mah leh amah ah kimuanmohna himhim a om kei a,a nutsiat nu ngaihtuah ding lam a khualzawk lel in leng a mihinna tampi a gen khin hi.Amah buaipihna nuai a zi ka neih(11.10.1986)in ka in ua tanau tamkhop a om uh chih amuh khak manin,kei kiang leng gen masa lou in Broadway Hotel ah room khat hon na hire sak hil hial hi.
ROSTAD MEMORIAL HIGH SCHOOL (1971-73): \
America apan Missionary nunung Pu Rostad theih gigena a ki bawl,Schoool building E shape a kilam,a tuang teklei sangpi a kilem tou,atung langva,a kimvel a sik lingnei dai a ki umsuak,Lamka lam nungngat a kilam, mun zang nuam mahmah Pa Chin Nengzachin tenna veilam a om ahi. A kongpi a lut tungin veilam ah Notice Board lianpi a om a,tangtak a ipaisuak leh Prayer Hall kichi Morning Devotion leh English Worship Service na a kizang zel a ki tung hi. A veilam nawl a inpen School office,Headmaster leh teacher te awmkhawmna in kizang hi.Kum nih omkhin ding kuan,Secretary,Moral and Religious Deptt ka hih kumin,kum beiding ahih takchian farewell thupi deuh in kihih hen chiin,loipa LL Muona toh plan bawl in Sum 700 beiding,a sanction ngen din headmaster Pu Jamkhothang kiang kava lut ua,aman hoih taka a hon etsak nung in ‘hoih lua,ahihziakin bial khat paikhe ni uh aw’ chin sum 70 chauh honna sanction sak a,singpi leh cookies toh nasa takin ka bawl thou thou uhi.Huailai adia thupi tak ahisam,antang seer khat Re.0.75 p khong a mat lai ahi!
MISSION COMPOUND(MICO)(1971-73)
Old Churachand kichi sek,khenkhat bangin Suongpi chi a le atheih uh,tua Lamka apan gamlalou,Pearsonmun sak a mual kitawi lit let,mun nuam mahmah a om ahi a,a kholai ah lamlian a pai suak a, Tipaimukh Road toh a ki zawm a,a lamlian pangtuak ah a teng dim dem ua,a mual pen sim leh mal kok a kikhung ahih manin,nisuak tung leh tumdingkuan leng a muthei gige hi.A mualtung zang lianlou ah football field,school,TE Paul chapel chih khong ki vual in,alai lak,Pa Nengzachin te in kong ah tui kholna lianpi a om hi. Tuinek pen a hoih in a lim mahmah a,mualtung a khua om ahih bangin huih bangleng a siang mahmah hi.Huaiziakin,laisindia hongpai te nek leh tak gina ne kei mah le uh kidam thei in ki hat hi.Ni tenga Lamka a vakileh chih te a lamdang hilou maimah hi. Mission Compound a ka omsung mangngilh ngei louhding thiltampi ka tuak,huaite laka khat lel kuamah zakdah louhdin kon kum nuam hi:
PA CHIN MUHMASAKNA:
Pa Nengzachin(Jenet Pa) a office a muhtheih ahih na din a U, Pa Chinkham kiang phalna lak phot a ngai hi! English Worship service a thugen dia chial din zing khat kava hoh a,cyclostyle a ki hek khia Invitation card ‘I have the pleasure to invite you to deliver message at…’chih khat kava pia hi.Ka khut apan la in a envangvang a,bang mah lah gentuanlouin a dohkan a akoih suk a,lai dang a en zom hi.Gen dingdang omtuanlou ahih manin ka pawtkhia a, English Worship service a tun matan hong gen di a de aw’chih theih chet louhpin ka om nilouh a, kikhopni nitak a Biakin a hong lut inchu ‘ hon mang na eive’ ka chi thei pan hi. ‘Ken hon thei khol kei mah leng,naupang ten non theipha ua,it leh ngai in nalakua thugen ding bangin na hong chial ua,ka kipak pet mah hi’ a hon chih chian ka tutna bang kana bawl lem thakthak hial hi.
HONGKONG:AUGUST 1999.
Inlam kava pai lai ua SSPP heutu te hon laipiak ka enthak a,Article ngetna ahi a,Dr. Jam Thianlal,Cabinet Secretary, Ministry of Publicity and Information in suai akai hi.Tuma zek khaw tangval fel College kaithei chiang General President ding nasan muh haksa kisa thei mahmah,tua department khat pawdia Doctor khawng om theita ahih manin SSPP in ma asawn petmah chih a chiang hi.Kipah huaikasa. Ka office United Centre sawng 16 na apan Hongkong khopi laizang lamlian leh lei te a, aleh amak a gari chi tuamtuam tai liam zungzung te ensuk kawmin ka ngaih tuah a…….
Tangthu te tawpna tuh mulkimhuai tak ahi. Imvual leng a hi kei him hi:
# Ka pa Upa Juanthong in Lawibual ah December 5,1975 kumin hon na sih santa.
Rostad Memorial High School building kilawmtak,Mission Compound a om khetsiat in a oma,tuin ginalou chikin Nehru Marg,Lamka ah a om hamham.
Joyful H.Jamchinlian in October 7,1990(Pathianni)in Tuiboung ah hon na sih santa.
#. Mission Compound Kuki migilouten June 1997 in ava hal ua,Pa Nengzachin tenna in leng amah mitmuh ngei in a halsak uh.
#. Mission Compound ka omtung a ka om masakna pen ka Pu Jam (Goukhojam) tapa neihsun Kuki migilou ten a pimang sak ua,tunitan aluang omna theih louhin a koih uh
#. Lawibual khua leng Kuki migilouten August,1997 in ava hal uh.In om teng ahal tumsak kia uh hilouin guk theih teng a gu ua,ka Pa suangdoh bang leng asu kek uh.
#. Ka zi toh ka giahkhom masakna mun uh Broadway Hotel leng buailai in suksiat dimdem in a om a,Aug’99 tan in a mun ong hiu heu in a om.
Ama sang a hoih zaw ding ngimna nasa tak toh, inn halsiata omte,khua haltum a omte lam thak non siausiau ahita uh. Misi sa te bel bawltu Pathian kaihthoh ngakin han sung ah muangtakin na tawldam ta uhi
No comments:
Post a Comment