Monday, November 17, 2008

Pu Lianminthang gari in accident


November 15, 2008: Pu Lianminthang (38) s/o Khupsuanpau Chief of Kullian, tuni nitak dak 7:00 vel in Kaprang khogei a Lousel lei apan Maruti car in accident a, khophawklou in Dist.Hospital tut in om hi.

Thukizadan in Kaprang khaw mi bangzah hiam in gari accident lam thei ua, gari 1 Lamka ma nawh a hongtai ana khaam ua, thil omdan adot uleh anungah gari accident om ahihdan agen takin Haominlal s/o Kaikhohen of Kaprang leh Paochungnung s/o Lienkhosei of Kaprang te’n delhsuk ngal ua, Lousel lei apan Maruti car accident tuilak a om mu ua, amun ah a va et uleh gari sungah Lianminthang mu in lakhia ua, Jeep khat zang in Dist.Hospital honpaw tung uhi.

Dist.Hospital ah Lianminthang Mobile sim card lakhia in asungkuan te thil omdan hilhthei pan lel uhi. Paochungnung leh Haominlal te’ gendan in gari accident lam theikhalou hile uh Lianminthang tuilak ah si mai ding ahihdan gen ua, Lianminthang taksa tung ah Mobile Motorola khat leh wallet lakkhiak sak ngal in, Lianminthang sungkuante kiang ah mobile leh wallet sung a om Rs.2420/- pekhia uh chih thu kiza hi.

Source: http://zogam.com/index.php?option=com_content&task=view&id=4921&ac=0&Itemid=2

No comments:

Post a Comment