- Mungno
Lei tung ah,mihing nam tuom tuom a om a,ih ten na vuh leh ih nam towh ki dung zui in gin dan tuom tuom zong ki nei ciet hi,gin tat dan tuom tuom dung zui in,shi noucieng a hagau hin khuo gin tat dan zong atuom ciet a na hihi,tami bang ma in ZO te’n zong tawn dan leh gin tat dan ih nei vuh hi,tu’a ih gen nuom vuh pen,ZO te’n mishi a bouldan vuh leh shinou cieng a,ha khuopi,mishi khuo ki chi khu a hi.
Zo te’n shi na min nam tuom tuom I nei vuo,nat na shi pen shi dan ngaina(natural death)a hi,sashi chi pen-galtha,gamsa pe lup,singkie a shi,tui kie a shi leh mei kah a shi ci te a hi.shi ham sie chi’n gimnei a sa mama vuh hi.numei khat nei a,ashi leh nungah-tangval in a gal sah sih vuo,ashi nu tung tang a ne leh down ki bowl te a ne a down ngaisih vuh hi.nat na a shi te pen mi kim tung tang a hi zie in,tan ding a om sih hi.
Tam mi a tung a I gen te a shi zo sie,mishi khuo ah,tung ciet vuh hi,mishi khuo pen amun cien tah in a ki theih sih a,hi nan leh kei tung pilam ding in ki um mowh hi.
MISHI BOWLDAN
Zo te ashi zow chiang vun numei/pasal tuitun mun ah,asilsieng vuo,tua khu shibuol ki chi hi.a sil zo cieng vun,a sam sathau a nupieh vua,a sam hoi tah in a pot vuo,a nik leh a puon hoipen pen te a sil sah zow cieng vun,pangliah,a tuung toh sah vuh hi.tami shi buol ni chieng in tu leh ta te’n zu a sum vuo,mishi a zan ho pi vuh hi.mishi a ha a sim koi ding te pen a emgow vuo,a gowsieng chieng in,hoi tah in a koi vuh hi.
MISHI VUINA
Mishi a vui ma sng vuh ni khat pen laang khet ni ki chi hi.laang pen mi khat popo khet theih a hi sih a,mishi pen pien na pu(ngowngpigutu/ngowngpine)in a khet vateh a hihi.laang pen nam nih a om a,laang phei leh laang tuung a hihi.laang phei pen mi nau tang lum sa a ki lap na a hi a,laang tuung pen mi hau sa leh nei zou te leh sa-ai,tang-ai zou te a ding a,laang tung tuon na ki dow pieha hihi.tami laang pen Aahgie towh a ki zem a,a tang ching puon in a ki tuomhi.mishi ki vui na sng ni taah in mishi pa/nu sung te’n,zu sum in ,a zan hah vuo,zingmowng khuo vah ma sang in,kowsa ding siel a kap vuh hi.ni suo ma sang in,minei zou leh hausa te a puh sou vuo,mi mai mai te khu,ni tum kuon ni daang san tah in a pu suoh zel vuh hi,shi puh suoh la sa in,ki min siel in,thau a kap vuh hi.
SHIPUSUOHLA
(a).Vuivaviel,vuivaviel e,tuong lam ah ,vuivaviel
(b).Shi leh hing luong ka kai na’n aw,tuong lah ah vui va viel e
Shi pusuoh la ki sah sung in,mishi pen pang li a pan a dom khie vuo,tami la a sah zow chieng vun,laang tungah,a koi vuh hi,sun ni tumin a lamlam vuo,ni tum cit um chieng in a vui vuh hi.
SHIVUI LA
(a). Shi towh gi bang khen na ding in,sinni aw tumaw ka chi lo
(b). Suni aw tum aw ka chi lo,mui khuo aw zing aw ka chi lo
Mishi ki vui kuon chieng,a kow sa ki gou sa te a khut lang nih in,a ki towi sah a,zu thowl khat towh a ki keng sah hi.a vei lam a towi pen lam pi a gulsam nu mai pha sui na a pie ding ahi a,a ziet lam a pen mishi khou a tun cieng a,a hieng leh a san te a pie ding a hihi.siem pu te’n nang khau laam kuo sau a huol vuo,a ki keng sah hi,tami pen gun lui a kan chieng a,a ki luoi na ding a hi a,mi khat popo huol theih a hi sih hi,tami khau pen gun khau kichi hi.tam zow in phung sung a tulpi pa’n a bil kowm ah,phung han la pi a hil hi.
SALUMEN/INNSIEN
Inn sien na ki bowl ma sang in,mishi ha te inn sung ah,a teeng n alai vuh hi.zan lai chieng in ham zel vuh a,an khing,tui buh a va mai zel vuh hi.mishi lung dam sah na ding in,innsia lang tau ki dow tung ah an-bule me a koi vuh hi.mishi ha a lung dam sih leh a dam lai te ei na sah thei in ki dam mow zel hi.tuo khu shian sieh a ki chi hi.mishi ki vui na kow tung ah,khoum kaa khat a phut vuo.Bowm ta neu a ki khai hi.
Tu’o bowm ta neu sung ah,tang mai,vaimin,leh lo a pieng an te ni thum sung a koi pieh vuo,ni thum ban koi khu,a sieng lo a hi ta hi,
Tami thu how zie in,innsien a ki bowl ma sang teng in,mishi –innkuon pihte’n gam sa athah te vuh a lu a pie zel vuh hi.tu’a ha khat sung in,inn nei te’n innsien-salumen na ding hun a geel vuh hi.tu’a ni ang tun cieng in zuleh sa ne in down vuo,siempi in a inn vuh a sien suo a,zuin salu te a phit zow in,phutun han la a sha hi.hanla a sha cieng in sutpi bel a om mishi ha te nuom leh nuom shi leh hi tui nap tui towh a pei ta hi a na chi vuh hi,
SALUMEN LA
(a). Khisa kengkhai lieng lieng aw e (a)Vompi tangdeng,tangdeng e
Taisuh leh lah lum suong tuh bang e Muoi van tangdeng kei tang deng e
(b). Tai suh leh lum suongtuh bang e (b)tang su e,tang su e
Tai toh leh san mei kuong bang e Muoi vom tang su,kei tang su e
Ihpu ih pa te umna dan in.mi a shi zow chieng a ha te vuh mishi khuo zuon in a pei a,teute muol vum ah,a kai tou hi a vumah,ba khat khowl a,a kow sa a ki gou gan tate thua lu kung khat ah,a khih hi,thuo lu kung ki nuh in,a gate a kie cieng in,lei tung ah,kie suh lo a van lam ah,a kie tou hi a chi vuh hi,
Teu te vum pan in, a pei kia a lung zuon muol a tung hi,lung zuon muol vuma ki pan in lei tung a nuo et hi ,lei tung a mu nu khia na pen pen a hi ta zie in,lung zuong mama puum in a pei suoh a,a chieu lui a tung hi,tuanah muon tui a down a,a chieu lui pang a sul hei lo pah pe lou in,a sam ah siet in,lei tung ngai nan leh ki nuo hei lo in a pei suoh ta hi,
GULSAMNU
Muonnn tui down zou a,a pei chieng in,nuom tah in ,mishi khuo a tung thei nai sih hi,lam pi ah ,gul sam nu kel kot9gate)a lut a ngai na lai hi,gul samnu phat na om lo in,koi ma mishi khuo a tung theih sih hi,mi khat lei tung a nun tat lai a,sa ai,tangai leh humpi,vompi that zou te pen gulsam nu’n a za ta ta,pasal pha a hi chi’n a pei suoh sah zel hi,gulsam nu’na et nuom leh ki lown a sah mama khat a hi leh sa zuh tang kipha mama,a lu zang a gulpi kuol a ki dowa,sownthang batang san pim pem ni tuong khu a hi,ta bang sa that zou te pen gulsan nu’n zatat na tung tuong a pie hi.
Lei tung a dam sung a tha leh mat nei lo te pen,a kung ah,sowt pi a hen a,a kal kowm a souh pih hi a chi vuh hi,shi nuo chieng a gul sam nu hen tang a,a kal kowm a sowh pih ding a nop lo zie vun,ih pu ih pa te sa thah,sa ai,tang lai,gal mat na ki dem vuh a hihi,
A ki vui kuon vuo,a khut vei lam a,asa towi pen gul sam nu mai pha sui na in a pie vuh hi,saku,sakhi,zawng man leh thata te zong a phat tuom na a om hi,zawng in gulsam nu hai boung a va lowh ging a,tua mi a va del kal in,sakhi a huon ah,a va suo hi,sakhi huon suo a vadel kal in,saku in lei nei a na vuta,saku lei vu na howmah,a tai dap theih vuh hi,
MISHI KHUO
Mishi ha gulsam nu kung pan ang pei theih chieng in, mishi khuo lam zuon in ang pei hi,mishi khuomuol ang tun chieng in,tul pi pa’n mishi bil kowm a,a hil phung han la ang sa ta a,mishi khuo a om te’n a na ngai vuh hi,asah zou chieng in,khu te be leh phung te chi’n be leh phung mishi khuo a na om te’n khuo muol ah,a va down vuo,a khut ziet lam a,a towi saleh zu thowl a zu te a ma down a u nau te’n a ne sah a,a down sah hi,mishi kuo ah,mishi ha zosie a om ton vuo,a dam lai vuo,sa ai ,tang ai,gal ai leh that zou,man zou te tou na nuaom tung ah a tou vuo,tan hampha a tang vuo,ha dang te’n a za tat vuo,a thu mang in,nuom sa leh thu pi tah in a om vuh hi a vhi vuh hi,ih pu ih pa ten hel sung,gawt mun cite tami hun lai in a na theih kha nai sih vuh hi,Nau pang te aknou khat zong,naupang lam pi hil ding in,naupang shi towh a vui tha zel vuo,lampi ah gilkiel kha va ci’n,chi leh taang tang a ki puo sah hi,gulsam nu hit a suh pieh chieng in a hit mu sih nal leh hit mu bang ma in,a khut pi chin te gel a hit deh ki pang in,a taang tang puo pen a ha in cip ging zel hi,tuo ban gulsam nu a pie ding in puon beh khat a ki keng sah hi,a hit cip dan a,a taang tang a chi ging a,a puon beh khat ken a pie chieng in,gulsam nu’n a pei sah zel hi,
Tami tang thu te pen ih pu ih pa te na pien dan ciei theih ding thu a hi ,tu lai ei pa sien thu zui te’n zong vangam tun ding ih muon man vuo,pasien thu ih zui a na hi ma bang in,Ih pu ih pa te’n zongh a shi nuo hun ding te vuh a na tuot zie vun,gal mat samat a na ki den vuh a na hihi,ih pu pa te’nhel sung,gowt mun chi te a na theih kha sih vuh hi,
(Ih ngai na ih zo tang thu te vuh a manh thah leh ih mi nam mang thah ding hi)
Source: http://latestnewskomoe.blogspot.com/
Lei tung ah,mihing nam tuom tuom a om a,ih ten na vuh leh ih nam towh ki dung zui in gin dan tuom tuom zong ki nei ciet hi,gin tat dan tuom tuom dung zui in,shi noucieng a hagau hin khuo gin tat dan zong atuom ciet a na hihi,tami bang ma in ZO te’n zong tawn dan leh gin tat dan ih nei vuh hi,tu’a ih gen nuom vuh pen,ZO te’n mishi a bouldan vuh leh shinou cieng a,ha khuopi,mishi khuo ki chi khu a hi.
Zo te’n shi na min nam tuom tuom I nei vuo,nat na shi pen shi dan ngaina(natural death)a hi,sashi chi pen-galtha,gamsa pe lup,singkie a shi,tui kie a shi leh mei kah a shi ci te a hi.shi ham sie chi’n gimnei a sa mama vuh hi.numei khat nei a,ashi leh nungah-tangval in a gal sah sih vuo,ashi nu tung tang a ne leh down ki bowl te a ne a down ngaisih vuh hi.nat na a shi te pen mi kim tung tang a hi zie in,tan ding a om sih hi.
Tam mi a tung a I gen te a shi zo sie,mishi khuo ah,tung ciet vuh hi,mishi khuo pen amun cien tah in a ki theih sih a,hi nan leh kei tung pilam ding in ki um mowh hi.
MISHI BOWLDAN
Zo te ashi zow chiang vun numei/pasal tuitun mun ah,asilsieng vuo,tua khu shibuol ki chi hi.a sil zo cieng vun,a sam sathau a nupieh vua,a sam hoi tah in a pot vuo,a nik leh a puon hoipen pen te a sil sah zow cieng vun,pangliah,a tuung toh sah vuh hi.tami shi buol ni chieng in tu leh ta te’n zu a sum vuo,mishi a zan ho pi vuh hi.mishi a ha a sim koi ding te pen a emgow vuo,a gowsieng chieng in,hoi tah in a koi vuh hi.
MISHI VUINA
Mishi a vui ma sng vuh ni khat pen laang khet ni ki chi hi.laang pen mi khat popo khet theih a hi sih a,mishi pen pien na pu(ngowngpigutu/ngowngpine)in a khet vateh a hihi.laang pen nam nih a om a,laang phei leh laang tuung a hihi.laang phei pen mi nau tang lum sa a ki lap na a hi a,laang tuung pen mi hau sa leh nei zou te leh sa-ai,tang-ai zou te a ding a,laang tung tuon na ki dow pieha hihi.tami laang pen Aahgie towh a ki zem a,a tang ching puon in a ki tuomhi.mishi ki vui na sng ni taah in mishi pa/nu sung te’n,zu sum in ,a zan hah vuo,zingmowng khuo vah ma sang in,kowsa ding siel a kap vuh hi.ni suo ma sang in,minei zou leh hausa te a puh sou vuo,mi mai mai te khu,ni tum kuon ni daang san tah in a pu suoh zel vuh hi,shi puh suoh la sa in,ki min siel in,thau a kap vuh hi.
SHIPUSUOHLA
(a).Vuivaviel,vuivaviel e,tuong lam ah ,vuivaviel
(b).Shi leh hing luong ka kai na’n aw,tuong lah ah vui va viel e
Shi pusuoh la ki sah sung in,mishi pen pang li a pan a dom khie vuo,tami la a sah zow chieng vun,laang tungah,a koi vuh hi,sun ni tumin a lamlam vuo,ni tum cit um chieng in a vui vuh hi.
SHIVUI LA
(a). Shi towh gi bang khen na ding in,sinni aw tumaw ka chi lo
(b). Suni aw tum aw ka chi lo,mui khuo aw zing aw ka chi lo
Mishi ki vui kuon chieng,a kow sa ki gou sa te a khut lang nih in,a ki towi sah a,zu thowl khat towh a ki keng sah hi.a vei lam a towi pen lam pi a gulsam nu mai pha sui na a pie ding ahi a,a ziet lam a pen mishi khou a tun cieng a,a hieng leh a san te a pie ding a hihi.siem pu te’n nang khau laam kuo sau a huol vuo,a ki keng sah hi,tami pen gun lui a kan chieng a,a ki luoi na ding a hi a,mi khat popo huol theih a hi sih hi,tami khau pen gun khau kichi hi.tam zow in phung sung a tulpi pa’n a bil kowm ah,phung han la pi a hil hi.
SALUMEN/INNSIEN
Inn sien na ki bowl ma sang in,mishi ha te inn sung ah,a teeng n alai vuh hi.zan lai chieng in ham zel vuh a,an khing,tui buh a va mai zel vuh hi.mishi lung dam sah na ding in,innsia lang tau ki dow tung ah an-bule me a koi vuh hi.mishi ha a lung dam sih leh a dam lai te ei na sah thei in ki dam mow zel hi.tuo khu shian sieh a ki chi hi.mishi ki vui na kow tung ah,khoum kaa khat a phut vuo.Bowm ta neu a ki khai hi.
Tu’o bowm ta neu sung ah,tang mai,vaimin,leh lo a pieng an te ni thum sung a koi pieh vuo,ni thum ban koi khu,a sieng lo a hi ta hi,
Tami thu how zie in,innsien a ki bowl ma sang teng in,mishi –innkuon pihte’n gam sa athah te vuh a lu a pie zel vuh hi.tu’a ha khat sung in,inn nei te’n innsien-salumen na ding hun a geel vuh hi.tu’a ni ang tun cieng in zuleh sa ne in down vuo,siempi in a inn vuh a sien suo a,zuin salu te a phit zow in,phutun han la a sha hi.hanla a sha cieng in sutpi bel a om mishi ha te nuom leh nuom shi leh hi tui nap tui towh a pei ta hi a na chi vuh hi,
SALUMEN LA
(a). Khisa kengkhai lieng lieng aw e (a)Vompi tangdeng,tangdeng e
Taisuh leh lah lum suong tuh bang e Muoi van tangdeng kei tang deng e
(b). Tai suh leh lum suongtuh bang e (b)tang su e,tang su e
Tai toh leh san mei kuong bang e Muoi vom tang su,kei tang su e
Ihpu ih pa te umna dan in.mi a shi zow chieng a ha te vuh mishi khuo zuon in a pei a,teute muol vum ah,a kai tou hi a vumah,ba khat khowl a,a kow sa a ki gou gan tate thua lu kung khat ah,a khih hi,thuo lu kung ki nuh in,a gate a kie cieng in,lei tung ah,kie suh lo a van lam ah,a kie tou hi a chi vuh hi,
Teu te vum pan in, a pei kia a lung zuon muol a tung hi,lung zuon muol vuma ki pan in lei tung a nuo et hi ,lei tung a mu nu khia na pen pen a hi ta zie in,lung zuong mama puum in a pei suoh a,a chieu lui a tung hi,tuanah muon tui a down a,a chieu lui pang a sul hei lo pah pe lou in,a sam ah siet in,lei tung ngai nan leh ki nuo hei lo in a pei suoh ta hi,
GULSAMNU
Muonnn tui down zou a,a pei chieng in,nuom tah in ,mishi khuo a tung thei nai sih hi,lam pi ah ,gul sam nu kel kot9gate)a lut a ngai na lai hi,gul samnu phat na om lo in,koi ma mishi khuo a tung theih sih hi,mi khat lei tung a nun tat lai a,sa ai,tangai leh humpi,vompi that zou te pen gulsam nu’n a za ta ta,pasal pha a hi chi’n a pei suoh sah zel hi,gulsam nu’na et nuom leh ki lown a sah mama khat a hi leh sa zuh tang kipha mama,a lu zang a gulpi kuol a ki dowa,sownthang batang san pim pem ni tuong khu a hi,ta bang sa that zou te pen gulsan nu’n zatat na tung tuong a pie hi.
Lei tung a dam sung a tha leh mat nei lo te pen,a kung ah,sowt pi a hen a,a kal kowm a souh pih hi a chi vuh hi,shi nuo chieng a gul sam nu hen tang a,a kal kowm a sowh pih ding a nop lo zie vun,ih pu ih pa te sa thah,sa ai,tang lai,gal mat na ki dem vuh a hihi,
A ki vui kuon vuo,a khut vei lam a,asa towi pen gul sam nu mai pha sui na in a pie vuh hi,saku,sakhi,zawng man leh thata te zong a phat tuom na a om hi,zawng in gulsam nu hai boung a va lowh ging a,tua mi a va del kal in,sakhi a huon ah,a va suo hi,sakhi huon suo a vadel kal in,saku in lei nei a na vuta,saku lei vu na howmah,a tai dap theih vuh hi,
MISHI KHUO
Mishi ha gulsam nu kung pan ang pei theih chieng in, mishi khuo lam zuon in ang pei hi,mishi khuomuol ang tun chieng in,tul pi pa’n mishi bil kowm a,a hil phung han la ang sa ta a,mishi khuo a om te’n a na ngai vuh hi,asah zou chieng in,khu te be leh phung te chi’n be leh phung mishi khuo a na om te’n khuo muol ah,a va down vuo,a khut ziet lam a,a towi saleh zu thowl a zu te a ma down a u nau te’n a ne sah a,a down sah hi,mishi kuo ah,mishi ha zosie a om ton vuo,a dam lai vuo,sa ai ,tang ai,gal ai leh that zou,man zou te tou na nuaom tung ah a tou vuo,tan hampha a tang vuo,ha dang te’n a za tat vuo,a thu mang in,nuom sa leh thu pi tah in a om vuh hi a vhi vuh hi,ih pu ih pa ten hel sung,gawt mun cite tami hun lai in a na theih kha nai sih vuh hi,Nau pang te aknou khat zong,naupang lam pi hil ding in,naupang shi towh a vui tha zel vuo,lampi ah gilkiel kha va ci’n,chi leh taang tang a ki puo sah hi,gulsam nu hit a suh pieh chieng in a hit mu sih nal leh hit mu bang ma in,a khut pi chin te gel a hit deh ki pang in,a taang tang puo pen a ha in cip ging zel hi,tuo ban gulsam nu a pie ding in puon beh khat a ki keng sah hi,a hit cip dan a,a taang tang a chi ging a,a puon beh khat ken a pie chieng in,gulsam nu’n a pei sah zel hi,
Tami tang thu te pen ih pu ih pa te na pien dan ciei theih ding thu a hi ,tu lai ei pa sien thu zui te’n zong vangam tun ding ih muon man vuo,pasien thu ih zui a na hi ma bang in,Ih pu ih pa te’n zongh a shi nuo hun ding te vuh a na tuot zie vun,gal mat samat a na ki den vuh a na hihi,ih pu pa te’nhel sung,gowt mun chi te a na theih kha sih vuh hi,
(Ih ngai na ih zo tang thu te vuh a manh thah leh ih mi nam mang thah ding hi)
Source: http://latestnewskomoe.blogspot.com/
No comments:
Post a Comment